Update:-25
Shresh…. Uncle, mujhe shadi se koi aitraz nahi hai, lekin aise khamosh khadi Jivisha se main nahi shadi karuṅga. Jivisha ke sapne mujhe pata hai… aur jab tak main uss ke sapne ka Rajkumar ban kar nahi dikhata tab tak main ye shadi nahi karuṅga.
“Maine tab bhi Himanshu uncle se wada kiya tha jab Jivisha shadi chhod kar gayi thi. Lekin baad me pata chala ki Jivisha ne shadi kar li. Ye sun kar khud ke liye thoḍa dukh hua tha, lekin Jivisha ke liye khush tha ki usse apne sapno ka Rajkumar mil gaya. Main to sab kuch bhul kar apne kaam me laga tha, lekin ek baar fir bhagwan ne mujhe mauka de he diya. Ab main pahle Jivisha ko uska sapna duṅga, fir shadi karuṅga”.
Shresh ki baten jaise bhramit kar rahi ho. Sab log uss ki baat ko sun kar ander se jaise “wahhhh” kar rahe ho. Sudhanshu ne fir Abhinash se pucha ki usse kya aitraz hai. Abhinash muskurate huye kaha… “jo bhi abhi Shresh ji ne kaha, yadi wo waisa he karte haiṅ to mujhe koi aitraz nahi”
Abhinash ko sun’ne ke baad Sudhanshu ne wahiṅ par meeting ko viram lagaya. Shresh ke faisle par jahaṅ sab khush the wahiṅ Jivisha ka koi reaction nahi tha. Na to wo khushi izhar kar rahi thi, aur na he usse koi dukh tha. Jaise he usse pata chala meeting khatam hui, waise he wo apne kamre me chali aayi.
Jivisha ke kamre me Chirag pahle se baiṭha tha, jo uss me aaye badlaw se kafi hatas tha. Ab uss ki bua usse pahle ki tarah baat nahi karti thi. Chirag, Jivisha ke gode me apna sir dal kar khamosh let gaya. Jivisha uske baloṅ me uṅgaliyaṅ dal kar chhat ko dekhne lagi. Na to Jivisha, Chirag ke ore dekhi aur na he Chirag ne kuch kaha par wo Jivisha ko samajhne ki kosis kar raha tha.
Idhar Nandni ke flat me….
Raat ke huye bhishaṇ wardat ke baad Nandni ghoḍe bech kar so rahi thi. Din ke takriban 2 baj rahe honge jab Nischal flat me pahuncha. Jab wo anḍer ghusa to Jivisha ka koi pata nahi tha aur Ansh wahiṅ hall me baiṭh kar gane sun raha tha…
Nischal, Ansh ke pass pahunch kar…. “Aur Dr sahab kaise haiṅ”
Ansh…. Main baḍhiya huṅ, aur aap…
Nischal…. Mujhe kya hoga, main to mast huṅ. Aap ki gf kahaṅ hai…
Ansh…. Wo ab tak so rahi hai…
Nischal…. To jaeye aap usse uṭhaiye, yahaṅ akele kyoṅ baiṭhe haiṅ…
Ansh…. Nahi rahne dijiye. Raat ko mere wajah se usse jagna para tha. Puri kar lene dijiye usse nind.
Nischal…. Police station se lauṭne ke baad tum dono ke bich jhagṛa hua kya?
Ansh, fiki muksaan hasta….. “Jhagṛa bhi karti to thoḍi khushi milti. Mujhe lagta ki kuch to parwah hai usse, lekin wo to bina kuch kahe he so gayi”.
Ansh ke chehre par aayi iss halki si mayusi, aur uss ke baat ki gahrai ko samajhte huye…. “Ansh bhai, raat ko sayad usse nind lagi thi, issi wajah se wo so gayi”.
Ansh…. Nischal bas 2 min jaag kar mujh se sirf…. Khair haṭao ye sab. Jo uss ke karam hai wo wo kare. Main to apna karam nibhauṅga. Waise tum uss raat hospital se rahsmayi tarike se bhage, kyoṅ ? Ab mile ho to batao, aisa kya istamal kiya tha ki utna gahra ghaw jo mahino me recover nahi hote wo miṇṭo me ho gaye.
Nischal, joṛ se haste…. Dr sahab, aap science ke student hokar, illusion ko nahi samjh paye. Suniye, maine ek fake ghaw banaya, aur illusion ke tahat usse bharte huye dikhaya.
Ansh…. You mean, ki tum jadu try kar rahe the. Bakwas main nahi manta kisi illusion ko. Tum mujhe bewakoof nahi bana sakte.
Nischal…. Lo, ab aap ko yakin nahi. Achha ṭhik hai, main abhi aap ke pass baiṭha huṅ na..
Ansh… Haaaann !
Nischal…. Ṭhik hai apni najar Nandni ke kamre par daliye…
Ansh, Nandni ke kamre ki ore sir ghumate… “uss se kyaaaaa”…. Aur Nischal usse Nandni ke kamre ke pass khada dikh gaya. Turant palak jhapak kar wo apne pass dekha… aur pass me baiṭhe Nischal ko badi hairani se dekhne laga…
Ansh…. Magar ye kaise kiya tum ne….
Nischal…. Bola tha na illusion Dr sahab, illusion. Ab yakin ho gaya na ki main jadu bhi kar sakta huṅ.
Ansh…. Haa yakin ho gaya….
“Raat ko sone nahi dete, din ko kaayynnn, kaaayynnn kar rahe ho dono hall me, bhago yahaṅ se warna main dono ka khun kar duṅgi”
Nischal…. Natije ke bare me bhul gayi kya (raat ki baat yaad dilaya pahle). Waise bhi subah ke 5 baje se jo soyi hogi, abhi din ke 2 baj rahe haiṅ. Chupchap jag jao.. warna mujhe achhe se jagana aata hai.
Ansh…. Mujhe bhi sikhao, kaise achhe se jagate haiṅ….
Nandni…. Nischal usse sikhana baad me, aaj tumhara turn hai… jab tak main fresh ho kar aati huṅ, nasta taiyar milna chahiye.
Nischal…. “Tum jao ready ho kar aao, tab tak main sab vaywastha banata huṅ ”… aur Nandni ke jate he…. “Dr sahab, yaar kuch bahar se he mangwa do mera khana banane ka mood nahi”
Ansh…. Waise tumhare turn se matlab, tum bhi yahaṅ rahte ho kya??…
Nischal…. Rahta nahi jabardasti laya gaya huṅ. Tumhari madam ko bhi jadu sikhna hai isliye usne mujhe yahaṅ bandi bana rakha hai.
Ansh ne bahar se he khane ka order de diya aur dono ki baten chalti he rahi. Idhar tabtak Nandni bhi naha-dho kar ready ho kar aa chuki thi, aur aate he sab se pahle khane par toot pari. Khana khatam hote he Nischal apni baat kahne laga. Tabhi Nandni ne usse rok kar Ansh ki ore ishara ki….
Ansh…. Kya Nandu, main kuch samjha nahi…
Nandni…. Kya se matlab… yuṅ achanak bina bataye raat ko aana… meri jasusi karne aaye the kya kal ??…
Ansh… Nahi main to surprise dena chahta tha, lekin watchman ne mujhe ander he aane nahi diya. Fir maine tumhe kai call lagaye par tum ne respond he nahi kiya…
Nandni…. Ansh, baby ye sab karne ki kya jaroorat hai. Mujhe surprise karne ke chakkar me jail ke chakkar to lag gaye na. Jante ho kitna ghabra gayi thi main.
Ansh… Sorry Nandu…
Nandni…. Waise Ansh tum yahaṅ apna hospital chhod kar mujh se milne aaye.
Ansh…. Pahle aisa he socha tha. Fir laga ki 1,2 din tum se mil kar wapas jauṅga to bhi wahan man nahi lagega. Isliye jab tak tum yahaṅ ho main bhi yahan government research lab me apne adhure assignment ko pura kar lunga, aur thoda waqt appolo walon ne le liya...
Nandni apni aakhen dikhati… Oye gold madelist bahenbaji haan. Ye kyon nahi kahte ki wapas se reasearch me dilchaspi shuru ho gayi hai.
Ansh:- Reaserch hi to karne aaya hun, lekin apni Nandni par.
Nandni, Ansh ke gale lagti…. “Love you Ansh”
Ansh…. Love you too Nandu. Ohk tum dono baten karo main hospital se ho kar aata huṅ.
Nandni…. Oye Dr sahab, yahaṅ to mere liye waqt rahega na….
Ansh… Yadi emergency case ko chhod de to, mere pass koi kaam he nahi, bas waqt he waqt hai tumhare liye…
Nandni…. Ṭhik hai baby, meri car lete jao. Raat ko jaldi aana, main tumhara khane par intzar karuṅgi.
Ansh “c u latter” bolta wahan se chala gaya. Ansh ke jate he Nischal, Nandni ko hairani se dekhne laga. Nischal ko apni ore aise dekhte Nandni samjh gayi ki Nischal ke man me kya chal raha hai….
Nandni…. Main janti huṅ tum kya soch rahe ho. Aur dekha jaye to tum sahi he soch rahe ho, mujhe ander se jarra bhi feel nahi hota Ansh ko lekar. Lekin kya meri he feeling sab kuch hai. Bhale main uss ke pyar ko feel na kar sakuṅ, lekin uss ehsaas ko feel jaroor kar sakti huṅ…. Jab ander se ye mehsus ho ki jin se hum pyar karte haiṅ, ussi ko humari kadar nahi.
Nischal…. Tum sab ke emotions ka khyal rakhti ho Nandu. You are great. Waise tumhara ye saddy face bilkul saḍu sa lagta hai, isliye face par smile lao taki hum kal raat ke bare me kuch baat kar le.
Nandni…. Haaṅ bolo, main sun rahi huṅ….
Nischal…. Nandni mujhe lagta hai Indore me jin logoṅ ne mujh par humla karwaya tha un sab ka saragna wo Shresh he hai. Ek Kasak uss ke ghar me quid hai aur dusri Kasak, Jivisha ke ghar me.. tumhe samjh me aaya mamla kya hai…
Nandni:- Nahi, bahut confusion hai Nischal, upar se wo jaanwar. Nischal wo mujhe kyon nahi dikha? Jo bhi tha mujhe to usme apni maut dikh rahi thi.
Nischal:- Fikr mat karo, jabtak main hun tumhe darne ki koi jaroorat nahi.
Nandni:- Achha !!! Tumhe jab wo chir raha tha tab to kuch kar nahi paye aur mujh jaisi masoom ke pass sekhi baghar rahe…
Nischal:- Are us raat ki baat alag thi. Ab mere gode me Jivisha thi aur meri najar uske upar se hat nahi rahi thi. Isliye main khatre ko bhanp nahi paya. Waise bhi mujhe kya pata ki yahan pahle se koi alian tum logon ke life me hai.
Nandni, chaunkti hui…. "Alian, to kya wo log bhi alian hai. Nischal ke bache ye sab tumhara kiya dhara hai".
Nischal:- kya ??????
Nandni:- Muh fad kar chaunk kyon gaye. Tum yahan aaye, tumhare piche tumhare wo dushman bhi aaye. Us raat tumhe marne ki kosis kiye, lekin tum bach gaye. Fir un logon ne socha hoga ki tumhe marne se acha hai ki tumhe trap karke wapas le jaye isliye wo log ab Jisa ke piche pare hain. Hey bhagwan.. tum se milna uske liye pran ghatak sabit ho gaya.
Nischal uske sar par ek hath marte huye…. "Kya kamal ki conspiracy theory hai, jaroor kisi film se ye idea mila hoga"
Nandni proud type feel karti … "Yess baby, dekha na jhat se case solve kar liya aur sare natija tumhare samne hai."
Nischal, Nandni ki baat sukar uske sar ko pakar kar niche table se takra diya…. Nandni apna sar pakad kar "aao" karti use ghuri aur khane ki table par pare plate ko de mari Nischal ke sar par. Wo gusse me dusra aur teesra sari plate uspar fekne lagi.
Nischal:- Are ruk pagal alian hun iron man nahi. Chot lag rahi hai Nandu.. ruk na.. pagal.
Nandni:- dobara aisa kiya na to ye chaku ghused dungi ander.
Nischal:- Bussssssssss… shant aur dhyan se suno..
Nandni:- Haan bol..
Nischal:- Main alag hun, wo alag alian hai. Upar se wo ladka jo Jivisha se shadi karna chahta hai wo bhi yahan pahle se hai. Iska matlab saaf hai ki wo log mujh se pahle yahan aaye hain.
Nandni:- Oh matlab tumhe yahan humari kismat khinch layi hai. Bahagwan ne socha ki itni masoom ladkiyon ka kya hoga, isliye humari raksha ke liye tumhe behja hai.
Nischal:- 2 min shant rahegi. Bakwas kiye ja rahi hai. Inki harkaton se ek baat to samjh me aa gayi hai ki inka mukhya target Jivisha hai aur Jivisha par najar rakhne ke liye asli Kasak ko nakli se badal diye hain…
Nandni…. Bhagwan jane ki unhone humshakal kaise banaye. Par maksad saaf hai ki unka ek aadmi Jivisha ke bilkul karib rahe. Tum kya sochne lage Nischal.
Nischal…. In logoṅ ki kahani to samjh me aa gayi, lekin ek baat samjh me nahi aayi ki aakhir ye log Jivisha se chahte kya haiṅ. Kyonki ye itne to saksham hai ki sab ke bich se Jivisha ko uṭha kar le jaye aur koi kuch kar bhi nahi sakta hai… fir ye log aakhir itni planning kyoṅ kar rahe haiṅ.