Update:-13
"Whatttttt?????" … Sabhi ka ek jaisa reaction aur hospital ke darwaje par khadi Commissioner ki gadi ka jab gate khula tha to wahi najara dekhne mila tha, Chirag, Aarsi dono hathkadi me... Sab ek hi baat sochne lage.…. "Aarsi-Chirag !!! Ab ye dono kya kaand kar aaye"….
Jivisha daud'kar bhagi. Idhar Jyoti bhabhi ne dono (Kasak aur Nandni) ko ishare se rokti hui puchhne lagi…..
"Ye isse achanak se boyfriend banane ka bhut kaise sawar ho gaya. Aur Nandu tu Nischal ko kaise ignore kar'ke Jivisha ko kah di thik hai ja bana le boyfriend"…
Nandni:- Suno bhabhi, Kasak tu bhi sun... Hum yadi kisi ko kisi baat ke liye rokte hain, usse wo chij karne ki utni hi tej ikchha hoti hai... Sayad uski iss haalat ka hum log hi jimmedar hain...
Kasak:- Kaise???
Nandni:- Tune thik se suna nahi Jisa kya kahi... 6 mahina pahle jo chhod'kar gaya wo aaj tak nahi lauta aur humare kahe par wo kal shadi kar legi, kyonki uske laut'kar naa aane par bhi hum usse dhokebaj nahi mante...
Kasak:- To kya hume dhokebaj maan'na chahiye tha.
Jyoti, ek tafli mathe par marti.… "Abhi wo Jivisha idhar hi dekhne lagegi, uski baat puri sun na pahle"..
Nandni:- Kahne ka sidha matlab hai ki humne to uske dil me ye ehsas karwa diya ki uski koi sacchi mohabbat thi. Jab sachi mohabbat thi to wo lauta kyon nahi... Filhaal ke liye to chalo humne kah diya ki wo bhi tumhari tarah blank ho gaya hai... Lekin kya aisa sambhav hai mujhe batao...
Jyoti aur Kasak.… "Tu time pass band kar, sidha-sidha bata na"…
Nandni:- Sidhi baat ki humne uski sachi mohabbat to batayi, lekin wo din kat'ti jiske intzar me thi 6 mahine se, wo nahi lauta... Aur ab Jivisha apne kore (blank) panne par kisi ko jagah dena chahti hai, kyonki ab wo maan chuki hai ki wo kisi ko sache dil se chahi thi jo lauta nahi. Aur bhagwan mujhe wo dard dena nahi chahta tha, isliye uski yaden mita'kar, meri tadap mita dee hai".…
"Jivisha ab jald se jald apna boyfriend banana chahti hai. Koi achha aur sacha, taki uske baad roj wo bhagwan se prathna kare ki ek baar wo Nischal mere samne aaye to Jivisha usse dikha sake ki uske bina wo behad khush hai"…
Kasak:- Oye Karamchand ki nani, tujhse ye sab kahi hai wo...
Nandni:- Abhi-abhi to indirectly sabko samjha dee. Ab kya sab saaf-saaf kah de. Suni nahi usse yakin hai ki Nischal ek nahi kayi ladkiyon ke sath hai, isliye laut nahi raha... Aur haan jald hi mulakat hogi Nischal se... So bade se drame ke liye taiyar raho...
Jyoti:- Nischal ka koi sandesh aaya tha kya????
Nandni:- Nahi, Jivisha ne abhi to bataya..
Kasak, tul gayi uska gala dabane par... Jyoti usse pakadti hui... "Oye tu subah-subah gaanjaa funk'kar aayi thi kya.. ye kya bak rahi hai"…
Nandni:- Situation ko main aasan kar deti hun.… Jivisha ki ikchha shakti... Iss baat se bekhabar usse bhi pata nahi ki wo jo Nischal ke bare me soch rahi hai wo sach hai... Usne yakin se kaha hai ki Nischal kisi dusri ladki ke sath hai, matlab wo hai.… Yadi Jivisha ne kaha hai ki Nischal usse bhul gaya to tu ye samjh ja ki sach me wo bhi Jivisha ko bhul gaya hai"...
"Ab aaj wo kah rahi thi na ki Jis din wo Nischal mile puchh lena uski jindgi me ladkiyan thi ya nahi... Iska matlab"....
Kasak:- Oh my God, iska matlab Nischal se jald hi humari mulakat hogi... Oye lekin ye Vyom ka kya karenge...
Nandni:- Filhaal to kidnap karwa diya hai, aaram se baith'kar sochenge kya karna hai uska.…
Jyoti aur Kasak apni aakhen badi kiye.… "Kya??? Kidnap???"
Nandni:- Abhi liliputiyan ko dekhte hain, fir aaram se Jyoti bhabhi ke ghar par hi meeting karenge.…
Teeno jaise hi samne dekhi, mamla kuch ajib hi tha.… Ek dhai fit ka ladka, armani ka suit pahne, commissioner ko hi ungli dikha raha tha…. Teeno jab pass pahunche.… "Commissioner sir in 2 abhiyukton ke khilaf aap karyawahi karenge, ya mai court me aapke khilaf case file karwa dun"…
Commissioner:- Jivisha ye sab tumhare bhatije ke galat sangat ka asar hai... Dekho apni aakhon se...
Sab apni khuli aakhon se dekh rahe the. Uss ladke ka pura muh chhila hua tha. Piche sir phuta hua tha aur wo ladka ilaj nahi karwa'kar pahle FIR ki maang kar raha tha…
Hua kuch yun ki ye ladka apne logon ke sath, jo aas-pass khade the, uske sath coffee pine gaya tha aur wahin usne Aarsi ko aankh maar diya... Jise dekh'kar Chirag bhadak gaya aur coffee ka cup fenk'kar mara. Jis'se uska sir phoot gaya... Sar phootne ke baad to wo aankh maar'kar seeti bajate huye gane laga.…
"Tu bemisaal hai teri kya misaal doon, Aasmaan se aayi hai yahi keh ke taaldoon. Phir bhi koi jo puche kya hai tu kaisi hai, Haathon mein rang leke hawan mein uchal doon"…
Iss baat par to dono (Chirag aur Aarsi) bhadak gaye. Fir Chirag punching bag practice karne laga aur Aarsi gusse me uska muh noch lee.
Bawal ke bich thane ko phone gaya. Ghorpade to tha nahi, uski jagah uska junior pahuncha aur dono ko chhudane lage... Complaine uss ladke ke PA ne kiya tha aur saboot ke taur par puri video footage. Police walon ki roni soorat ho gayi thi, kyonki ye to sala juvenile case ke bhi layak nahi the, upar se teeno lagbhag hum umr, jahan tak wo ladka to dono se chhota hi dikh raha tha.
Commissioner sahab pahunche... Mamle ko dekha, fir complaint karne wale PA ko ghurte huye puchhne lage…. "Inki complaint kroge ya inhe samjhoge"….
Aarsi:- Papa mujhe chhod do aur jakar vakil karo, iska khun karke mai aaj jail chali jaungi.…
Chirag:- Na love, Iss chhachunder ka to khun mai karunga.…
Bechare commissioner…. Aarsi aur Chirag ka gussa dekh'kar kato to khun na nikle. Upar se public me hath bhi nahi utha sakte the. SI ke kaan me unhone bol diya ki dono piddiyon ko mere car ki pichhli seat par bitha'kar hathkadi laga do... Uske baad commissioner ke request par wo ladka, ilaj karane apne 6 car ke kafile ke sath pahuncha...
Lekin jab wo ek private hospital dekha to bhadak gaya... Kahne laga "na, yahan ilaj nahi karwaunga, court me case kamjor hoga. Sarkari hasptal chalo aur pahle FIR likho"
Uss ladke ka koi bhi aadmi bol nahi raha tha aur wo akele hi commissioner ko pani pilaye huye tha…. Sabhi khade ho'kar kabhi uska size dekh rahe the to kabhi uske muh se nikle IPC ki dharayen.…
Jivisha jo bina kuch bole kafi der se tamasha dekh rahi thi.… "Hmmmm ! To case karoge. Thik hai uncle FIR likh lo aur dono ko jail me dal do"…
Commissioner:- Matlab
Jivisha:- Wahi jo aapne suna. Sab nautankibaaj hai. FIR karo aur dalo ander dono ko... Beta sare proof uncle ko de do.…
"Sach me chalak bua hai ye. Ek meri hai Dumbo"…. Ladka apne man me kahne laga...
Commissioner:- Naam bolo..
Ladka:- Naam batane se kya hoga. Aarsi ko to wo Chirag...
Tabhi gadi se aawaj aayi…. "Kya Yuvraj bro, flow me puri mehnat par pani fer diye"…
Jiski Jivisha aur Kasak jaisi bua ho uska bhatija kam nautanki thode na hoga... 2 din pahle Aarsi ko uske papa ne daant diya tha, sath hi sath gusse me ye bhi bol baithe.…
"Mai isse IAS banane ke liye prayas'rat (strived) hun, lekin ye uss Chirag ke sath mil'kar jaroor criminal banegi. Log kahenge dekho ek commissioner apni beti ko hi achha insan nahi bana saka. Tumhe to kisi chor ke ghar paida hona chahiye tha"…
Khair itna sunane ke pichhe ki vajah bhi utni hi khatarnak thi. Dono (Chirag aur Aarsi) abhi se hi lagatar school bunk kar rahe the, aur apne hi class teacher ko ghus de'kar attendence maintain kar rahe the. Iss baat par principal ne commissioner ko pakad'kar suna diya aur tane me kah bhi diya.… "Bacche to wahi sikhenge na, jo ghar ke mahol me dekhenge"….
Principle ne jaise ek imandar aadmi ke gaal par tamacha maara ho. Commissioner sahab school se laute aur gusse me apni pyari beti ko kuchh jyada hi bol gaye. Commissioner ke daantne se bechari Aarsi roti hi rahi... Ab jab 5 sal relation wali girlfriend royegi to boyfriend uska chehra dekh'kar samajh jaye ki royi thi... Chirag ne pucha aur Aarsi bilakhti hui sab bol gayi. Bus fir kya tha, ussi baat ka khunnas nikal rahe the dono, inhe suspend karwane ki puri planning bana'kar
School ke bahar wale coffee house ke dono (Chirag aur Aarsi) to permanent customer the hi, sath hi sath Chirag aur Aarsi ka monthly khata bhi chalta tha... Ye ladka jo khud ko Yuvraj kahta tha, wo bhi pichhle mahine din se coffee house aata tha... Teeno me pahchan bani aur dosti gahri ho gayi...
2 din pahle Chirag aur Asrsi tension me the aur apni samasya Yuvraj ke sath share karte huye kahne lage... "Yadi wo thoda sa sath de to Aarsi ke papa jo vardi ka rob dikhate hain, unka wo rob na rahega. lekin uske liye thoda khun bahana aur usse maar khana parega.. taki sab orignal lage"….
Scripted by Chirag tha aur screen play teeno ne mil'kar kar diya. Pahla mauka tab fisla jab itne acting ke baad bhi commissioner ne bhid me hath nahi uthaya. Charo ore se shooting chalu thi…
Ab dusra mauke par kaam kar rahe the... Kisi tarah media aa jaye aur sawal puchh le ki mamla kya hai... Tab Yuvraj ko kahna tha ki.…
"Commissioner apni beti aur uske school friend Chirag ko dekh'kar jalta hai. Unhe tourcher karta hai. Mai bich me aaya to mujhe bhi mara aur kah rahe hai FIR karo dono ke khilaaf"…
Lekin becharon ki kismat, aaj ACP ne aisa tandav machaya tha ki har journalist kewal aur kewal Pune City hi nahi balki pure Pune Zile ke har thane ki he news cover kar rahe the...
Ek bench par teeno aur idhar thik samne baki sab muh par hath dal'kar teeno ko hairani se dekh rahe the...
Commissioner:- Jivisha apni bhabhi se puchho ki wo jab pregnent thi to kya kisi baba se mili thi, ya kuch extra kha rahi thi.. Ya koi kitab padh rahi thi... Ya kisi ki taveer subah saam dekh'kar sochti thi ki uska beta uss jaisa bane...
Jivisha:- Kyon sir???
Commissioner:- Un sab chijon par pratibandh lagaunga... Inki harkat par ji to karta hai ki danda tod dun... Inse to jyada masoom mujhe ab criminals lagte hai... Jina haram kar rakha hai dono ne. Aur pata na apne jaise namune kahan se dhundh lete hai...
Chirag aur Aarsi ek sath…. "Humare dost ko namuna mat bulao"…
Kasak:- Achha namuna na bualun... Fir ye jo tumne iska muh noch liya hai, aur ye pichhe se sir phod dale ho...
Yuvraj:- Poor people… ek replay karke dikhata hun.. sab log shoot karo...
Kuch pal bitne ke baad... "Sab baad me ghur lena, shoot to karo"….
Sabne mobile nikala aur Yuvraj ne ishara kiya... Pahle Aarsi uske pure chere ko cover hi kar lee aur jab hath hatayi to koi najar nahi de paya… chehre ki skin latki hui thi... Tabhi fir thodi dur se Chirag ne ek cup chalaya. Cup jaise hi laga, thik usi pal Yuvraj ne apna hath lagaya aur jab hath hataya to khun ki dhar…
Sab chinta me aa gaye... Tabhi teeno hasne lage… Yuvraj ne apne jhulte skin ko khinch'kar pura hi noch diya... Khun jahan se nikal raha tha wahan se stiker nikalte.… "Kabhi-kabhi jo najren dekhti hai wo sach nahi hota.… Baki ab khud faisla kar lo kaun namuna hai"….
Tabhi wahan uska PA pahuncha aur kaan me kuch kahne laga… Yuvraj uss se dhime se kuch kah diya.… Issi bich Ansh bhi hospital se bhagte huye cafeteria ke ore pahuncha.… Wo kuch kahta uss se pahle hi Jivisha puchhne lagi…. "Oye piddi tu hai kaun"…
Yuvraj chalte huye.… "Main devil group ka Yuvraj hun... Naam hai Vaibhav, next generation... Mere gurudev ka sandesh aa gaya hai, baad me mulkat hogi lekin kewal apne doston se"…
Vaibhav apni baat kahte car me baith chuka tha aur uska kafila nikal gaya.… Devil group.… Sab hairani se Vaibhav ko hi dekh rahe the... Tabhi Ansh kahne laga... "Wo chhota ladka hai kya Vaibhav"…
Nandni:- Haan kya hua so...
Ansh:- Ussi ke uncle ne raat ko sabko admit karwaya tha... 60 hazar hospital ka charge lekar sab paise jaise hi wapas kiye, un logon ne turant bache paise Chirag aur Aarsi ke account me transfer kar diye...
Nandni:- Kya bol rahe ho, unke pass inki account detail kahan se aayi… Aur tumhare hospital me cash jama karwane ki suvidha kab se hone lagi.… Bank ka koi branch ander khol rakhe ho kya...
Ansh:- Duffer paise ka pura hisab tha to usse bank me jama karwaynge, ya cash apne pass rakhenge.…
Kasak:- Aur inke account...
Chirag:- Mujhse maanga tha...
Jivisha:- Kitne paise jama karwaye...
Ansh:- 2 caror 39 lakh 40 hazar...
Sab ke muh khule rah gaye... Sabke ek hi sawal... "Lekin kyon"…
Ansh:- Mere muh se bhi yahi nikla to kahne lage, Vaibhav ke doston ko uske achhe kaam me kabhi paise badha nahi ban'ne chahiye….
Baki kisi ko to kuch bhi samjh me nahi aaya, lekin Nandni samjh chuki thi ye dono apne work station ko usse ya to dikha chuke hain ya bata chuke hain... lekin itna chhota ladka itne paise ka descision kaise le sakta hai...
Nandni khyalon me hi thi tabhi Jyoti bhabhi kahne lagi.… "Ye trailer aisa tha to iska gurudev kaisa hoga... Mai to fan ho gayi uski... Chirag, Aarsi... Isko bolna ki iske gurudev se mai ek baar milna chahti hun"….
amazing update hai nain bhai,
Behad hi shandaar aur lajawab update hai bhai,
vaibhav ne kitna dhamakedar entry maari hai,
aur ye dono lilliputiyan ne kya shandaar planning ki thi commissioner ko fansane ki,
Ab dekhte hain ki aage kya hota hai
hai udhar. Kahani par pahunchne ke liye story title par ulgi karne ka...
