Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[nain11ster]

Update:-38 ​

Din pratidin US ke alag-alag hisson me laash milne ki ghatna badh rahi thi. Kayi bade-bade sahron me ye roj ki ghatna hui ja rahi thi… Bade bhaiya ne jitni information sajha kiya, uss aadhar par FBI jaanch to kar rahi thi, lekin unhe koi bhi lead nahi mili thi.


Ulta ab to wo log Sawalker ko hi shak ki nigaah se dekh rahe the... FBI ka kahna tha ki ye experimental jaanvar aur log poore US me faile hain… jabki Sawalker ka kahna tha ki ye log ek hi jagah rahte hain aur inke pass aise viman hai jo palak jhapakte hi duniya ke kisi bhi kone me chale ja sakte hain..


Sawalker ki baat par janch kar rahi FBI team hasne lagi aur uss se puchhne lagi usski baten kis film se prerit hai... Surwat ke ek hafte FBI Sawalker se jankari lene ke baad kah diye... "Aap US ki mehman navaji ka maza le, kuch kaam hua to aapse sampark kiya jayega"…


Bade bhaiya yun to FBI ko sidha unke muh par murkh ki team bolne wale the, lekin unhone bhi socha jab haar'kar wapas aayenge tab maza aayega bolne me.. aur yahi soch'kar wo Jyoti bhabhi ko hi poora samay dene lage...


Idhar HuYu, Kov aur Luna... Nilbhut samuday Lin aur uske kuch logon ke sath Alaska ke jungle me bhumigat ho'kar pak rahe the... Sex aur nange mahol ki jankari ke siwa kuch nahi tha unke pass..…


Miyami me khufiya adda bane 15 din ho gaye the... Nayla aur Shwetna to Antartica explore karne me lagi thi aur yahan HuYu ki team agle order ke liye vyakul bane huye the...


Luna:- Dekho yahan kuch bhi pata lagne se raha... Upar se Zoren ke ek Adrishi jaanvar ko marne me sabka tel nikal jana hai... To kyon na yahan jab humare pass bhumigat hone ki facility hai to dhire-dhire inko saaf kiya jaye...


Kov:- Haan main iss baat se sahmat hun..


Shwetna ka mukhya sahayak Lin.… "Dekha jaye to humare pass 15 din ki jaankari hai. Ab iss se jyada jankari ki gunjaish nahi hai... Aisa lag raha hai sabhi Zoren wale yahan sabmbhog karke apni nayi aabadi prithvi par hi basayenge"...


HuYu:- Haan to chalo shikar shuru karte hain... Kaun sa humne kisi ko naa marne ki kasam kha rakhi hai...


HuYu ki baat sun'kar poore team me josh bhar gaya... Luna fir Lin se puchhne lagi ki kya unka samuday kabhi kisi Adrishi janvar ko maara hai…


Lin hanste huye kahne laga... "Maara to nahi lekin yadi ek ko pakad kar parikshan kare to aasani se marne ka tarika bhi mil jayega"...


Wahan maujood sabko Luna aur Lin ko dekh'kar, unke najron me chhanik aakarshan to dikha lekin agle hi pal Luna, Lin se dhyan hatati hui kahne lagi... "Thik hai fir, ek Adrishi janvar ko trap karke laate hain aur dekhte hain inke sarir ke kis hisse ko aasani se bheda ja sakta hai"…


HuYu:- Lin mujhe lagta hai ki tum Luna ke sath mil'kar ek Adrishi jaanwar trap to kar hi loge...


Kov:- Janaavar na bhi trap ho to koi nahi, ek darpok jungli ko to trap kar hi lena...


Luna, yun to Lin ke sath chal chuki thi lekin Kov ki baaten sun'kar wo pichhe mudi aur kafi teji se Kov ke karib pahunchti….

"Aap high blood ho KoV sir, apni chhap maintain karo...… Dakasht samuday ke naami pariwar se... Aur hum juglon me rahne wale... Chalo Lin, sir thode se confuse hain abhi"…


Jaise hi Lin aur Luna wahan se nikle HuYu Kov ko ghurte... "Kuch aisa bataoge jo mujhe samjh me aa jaye"


Luna ka ek sathi Nijoy.… "Luna kayi varsh purv ek joint traning ke dauran Kov se mili thi. Wo apne traning ke shurwati daur me thi aur Kov ke sath uska pura batch kafi lambe samay se traning kar raha tha"...

"Wahan Sahjade Nischal ke tranee ko bejjat karne ke liye hi bulaya gaya tha, upar se Luna pahle se hi dil hari thi. Apni bhavna Kov ko bata dee.… Bahut mazak udaya tha Luna ka... Luna ke sath hum sab kul 332 trainee the, jinka mazak urane me inogon ne koi kasar nahi chhori thi"…..


HuYu:- Hmmm ! Ab samjha puri baat... O bhai ye Luna jis teji se tere pass pahunchi hai na... Mujhe to uske rag-tag me Nischal ka shaya dikh raha hai..... Sambhal kar mazak karna, warna kahin gala kaat kar sir ko yahin kahin jamin ke niche na dafan kar de...


Kov:- Sahjade HuYu uss waqt main bahut chhota tha itni samjhdari nahi thi... Galti ho gayi jo mazak udaya tha..…. Ab pachtava ho raha hai to.…


Iss baar Luna ka sathi Nijoy teji dikhate huye pahuncha aur uska gala daboch kar deewar ke sahare hawa me upar karte…. "Bejjat mahfil me karo aur maafi kone me.… Kya kahe the Dakshat samuday ki badi si mehfil me.… "Tumhare jute chatne wale log hain... Jinki chamri se bathroom aane-jane layak jute na bane.. itna nimn astar hai"….


Kov:- Bus kar bhai… Aizem pahunch'kar puri mehfil me tum sabke jute saaf karke maafi maang lunga, ab to bair khatm kar...


HuYu iss se pahle ki kuch kahta, Lin aur Luna dono chillate huye pahunch rahe the...… "Trap karne ke liye taiyar raho."…


Dono daudte huye aa rahe the issi bich Luna ka paun mud gaya aur wo gir gayi… thik second bhar me vishalkay Adrishi janwar Luna ke upar..…


Bada sa panja wo chalaya hi tha ki Luna uske panje ko apne hatheli se roki... 2 fit lambe panje ko aadhe fit se bhi chhote panje se rokna... Luna ke panje me uss Adrishi janwar ka 2 bada sa nukila nakhun aad-paar ghus chuka tha...


Issi bich Adrishi janwar apna bada sa muh khol'kar uska pura muh hi khane chala tha. Luna utne hi teji se, uss Adrishi janwar ka panja pakde niche hi niche uss par nikal gayi..


Us janwar ke aage ke dono panje Luna ke hath me tha aur jaise hi punchh ke ore se Luna khadi hui, uss janwar ka muh apne dono paun ke niche se ghus chuka tha... Gardan me uske bhi kafi chot aayi thi lekin Adrishi janwar uth khada hua... Wah mud'kar humla karta uss se pahle hi trap ho chuka tha…


Rassiyon me usse jakad liya gaya.... Uski chamdi ko lagbhag metal hi kahna koi galat nahi hoga... Kali aur chamchmati hui, jispar bullet to lagne se rahi... High wave lezer bhi nahi ghus rahi thi...


Poore sharir ki jaanch karne ke baad pata chala ki uske aankh ke bich ki jagah, jo Adrishi janvar ka matha tha, wahan se lekar naak ki middle line skin, uske pure sharir ka sabse kamjor hissa tha. Jahan koi bhi khanjar, bullet ya anay hathiyar ander ghusaya ja sakta tha.…


Kintu patli si line matr maan liya jaye. Bullet bhi itni moti hoti hai ki uss line ke dayen ya bayen moti skin se takra jati... Aur aishi Shhorat me bullet miidle line ke dayen ya bayen hi phans sakti thi...


Purn parikshan ke baad Luna.… "Kitne zahar ke does se ye mar sakta hai iska pata kar lete hain. Waise bhi earth ke metals kafi majboot hote hain. Unhi majboot metals me se kisi metal ka needle taiyar karenge, unhe zahar me duboyenge… Bus khyal iss baat ka rakhna hai ki uske middle line me jaise hi needle ghuse Adrishi janvar ko bhumigat kar diya jaye, taki uska malik zahar ka anti-dot na de sake"...


Kov:- Sar ke bilkul middle line me nishana kaise lagega….


HuYu:- Shikar kaise fasna hai aur uska shikar kaise karna hai usske liye hi tum log prashikshit huye ho na to ye sochna bhi tumhara kaam hai.....


Lin ko zahar parikshan ka kaam mila. Adrishi jaanvar ke sharir me bhi pahle se zahar tha, jiska saaf asar Luna par bhi dekhne mila tha... Wahan Lin na hota to shayad Luna ke liye musibat ho sakti thi.


Pura zahar parikshan karne ke baad... Sab ready ho chuka tha. Idhar Kov ne bhi yojna bana li thi... Shikar fasao zahar utaro abhiyan. Kabhi shikar fanste to kabhi khud ki jaan bacha'kar bhagna padta... Kabhi pure din me 4,5 Adrishi jaanvar ka shikar hota to koi din khali ja raha tha...


Zoren se aaye jitne bhi narbhakshi the, unme pura aakrosh bhar chuka tha aur na dikhne wale dushman 30 dino me takriban 50 Adrishi jaanvar ka shikar kar chuke the... Aage shikar na kar paye iske liye unhone Surpmarich se sampark kiya...


Surpmarich ke dono ansh Arf aur Yuvi, dono ne purane siddhiyan istamaal karte sabhi ke paun me metal ki rassi bandhwaya taki Nilbhut samuday wale kisi ko bhumigat na kar paye. Iske baad Surpmarich ne saaf taud se kah diya aage ki ladai unki apni hogi, jisme uske ek gulaam Markes ki team unki puri madad karegi...


Agla 10 din HuYu ki team ke liye pura bairang gaya, ek bhi shikar nahi. Kuch shikar ko fansakar uske ander Zahar wala needle saflta purvak ghusa to diya gaya, kintu Lin shikar ko bhumigat karne me nakamyab tha…


Iss dauran Shwetna aur Nayla bhi wapas laut chuki thi aur dono team Miyami ke base par mil rahe the… Lagbhag 45-50 dino ki jaankari HuYu ke team ke pass thi, jise wo Nayla aur Shwetna se sajha kar rahe the….


"Pata kya karne aaye the aur chal kya raha hai... Yadi iss baat me bahut jyada fark ho to samjh jana chahiye ki ya to humare pass galat information hai ya jinke baare me hum pata karne aaye hain wo gumraah kar rahe hain"….. Nayla ne apni baat sabke bich rakhi...


Shwetna:- Humne bekar me hi Antartica jaise jagah par apna samay barbaad kiya… kafi jatil ilaka hai wo…


Nayla:- Kuchh to hai jo hum samjh nahi pa rahe hain... Aisa lag raha hai sab khula chhod diya gaya hai...


Shwetna:- Matlab…


HuYu:- Matlab yadi kisi badi baat se dhyan hatana hai to uske samne kuch jaroori baat khol'kar pados diya jaye, taki log jaroori baton me uljhe rahe aur jabtak idhar chupke se apna mukhya maksad ko anjaam diya ja sake...


Shwetna:- Tum dono ke kahne ka matlab hai ki Surpmarich ko pata tha ki hum Aizem ke logon ko chhuda lenge...


Nayla:- Jahir si baat hai ki jo dimag me ghus'kar gulaam bana sakte hain unhe yah bhi pata hoga ki dimag se uska control gaya to un logon ko har baat dhyan hogi...


Shwetna:- Ye prithvi hai… kya aur kyon ho raha hai wo tak pata nahi chalta... Ab to aisa lag raha hai ki yahan hume jaan bujh'kar atkaya ja chuka hai... Mujhe turant Zoren lautna hoga... Un logon ne jab bhumigat na hone ka tod nikal liya hai, iska matlab hai ki Zoren ke Dirdh Aayu Rastr humare ilake me ghum rahe honge.… Kya pata kuch dino me wo log humare bhumigat logon ko upar nikalne me kamyab ho jayen... khatre ki ghanti bajni shuru ho chuki hai…


Nayla:- Jivisha waise bhi surakshit hai aur uski jaankari mere pass hai... Jis kaam ke liye aaye the wo kaam to ho gaya... Mujhe bhi apne logon ke sath lautna hoga... Prithvi wale apne dushmano se nipat lenge... Lekin hum apni jamin par nahi hai aur naa hi wahan ke mahol se awgat. Naa hi humare yahan kisi ko khatre ke bare me itne achhe se jankari hai...


"Hmmm !!! HuYu, Luna, Nijoy, Ert aur Lin yadi yahan ruk sake to yahan humara kaam hota rahega. Baki ek sainya viman jis'se Luna ki team aayi thi, usse lekar tum sab nikal jao.… Kuch jankari ho to humse saajha jaroor karna"…. Alexa ne Nayla aur Shwetna ki chinta par apni baat rakhi aur ussi din sabhi log vida le'kar wahan se nikal gaye.


Alexa ne jitne naam prastawait kiye the unme se matr 3 hi ruke... Luna, Ert aur HuYu. Shwetna, Lin ko nahi chhod sakti thi aur Nijoy ne khud sabke sath jane ki ikchha jahir kar di thi….


Yah ghatna thik ussi din ki hai, jis din sabhi log ek sath udde the... Alexa, Alaska ke junglon ki puri janch kar raha tha tabhi uske muh se nikla..… "Serin"….


Serin ka naam sun'kar hi HuYu ki aakhen badi ho gayi thi. Wo paglon ki tarah chillate huye kahne laga… "Ye yahan kya kar rahi hai"…


Alexa:- Bechari tumhari yaad me menhdi laga rakhi thi. Apni Doli Saja rakhi thi. Tum to pahunche nahi isliye wahi chali aayi...


HuYu:- Chalo fir dilwale dulhaniya lene jayenge...


Alexa:- Dhyan se usse kuch bhi yaad nahi hai... Luna tum HuYu ke sath jaogi to jyada behtar hoga...


Niche bhumigat adde se HuYu aur Luna, Gulf Of Alaska ke ore nikal gaye. Wahin thik iss waqt upar FBI ki team thi, jo badhte pressure ke karan Sawalker ke darvaje tak aayi thi...


Sawalker saheb bhi na jane kab se iss mauke ke intzar me the. Bhar pet unki bejjati karne ke baad wo bhi puri FBI team ko lead karte huye Alaska ke junglon me nikal gaye…


Uss jagah par bach gaye the 3 log. Jyoti bhabhi, Ert aur Alexa. Jyoti bhabhi bore ho rahi thi isliye usne Ert ke sath shubah beach ghumne ka plan banaya... Aur dono nikal gaye beach ke ore...


Ert se baat karti hui Jyoti bhabhi beach ka najara dekhti hui kahne lagi…. "Yahan ke log kitne jindadil hai… aur utne hi besharm"… pahnave aur khule me topless dekhti hui Jyoti bhabhi ne apni pratikriya di...


Ert, Jyoti bhabhi ko sun'kar hansti hui kahne lagi.… "Ek hi samaj me yahan kayi tarah ke culture ka mishran hai. Aur sabhi samuday apne shabhyata ke sath jite hain"…


Jyoti bhabhi, Ert ke yahan ka culture sun'ne me fir ruchi dikhane lagi aur Ert bhi Zoren ke Nilbhut samuday ka culture batati hui chal rahi thi.


Dono baat karti hui ja rahi thi tabhi achanak dono ki aakhen band hui aur jab khuli tab Jyoti bhabhi ko apni aakhon par vishwas nahi hua.… "Ert tumne kabhi Nischal ko dekha hai kya???"…


Ert apne chehre par kamuk muskaan lati... "Sirf dekha mat puchho bhabhi, kaise-kaise dekhne ki ikchha thi wo puchho"…


Jyonti bhabhi uske sar par ek hath marti.… "Naam sun'kar hi arman bekabu ho gaye… samne dekh'kar batao ki wo Nischal hi hai na... Aur haan bhawnaye kabu me rakho"…


Ert, Jyoti bhabhi bataye disha ke ore jaise hi dekhi... Khud ko kitna bhi kabu karne ki kosis kari, fir bhi uchhalti hui kahne lagi.… "Haan Shashak Nischal hi hain wo"… aur agle hi pal thodi mayusi ke sath.… "Wahan to Shasika Jivisha bhi hai"…


Jyoti bhabhi apni badi si aakhen kiye.… "Chal jaldi"… dono jabtak wahan pahunchte, Jivisha ja chuki thi aur Nischal, Orja ke sath khada tha…. Tabhi Jyoti bhabhi wahan pahunchi. Nischal aur Orja kisi anjaan ki tarah hi dekhe, lekin Jyoti bhabhi.… Ek jhannatedar thappad Nischal ke gaal par chipkate, bikul kha jane wali najron se ghurne lagi…..

 

[Chinturocky]

क्या स्वागत किया है निश्छल का। सीधा गाल पे चिपका दी। वैसे एमी के जीवित होने की बात सुनकर बहुत ही अच्छा लगा।

 

[DARK WOLFKING]

mast update ..sab sawalkar ka majak uda rahe the par unko jhukna hi pada madad maangne ke liye ..
huyu ,luna ,lin ki team ne adrishi jaanwar ko trap karke uski kamjori dhund li ,,aur phir sabne milkar bahut saaro ka shikar kiya ..
par sarpmarich ne bhi metal pair me lagake bhumigat hone se rokne ka tarika nikal liya ..

nayla aur shwetna chali gayi apne planet par aur yaha sirf 3 log hi reh gaye ..

nischal bhul gaya hai sab aur jyoti bhabhi ne usko dekhkar ek jhannatedar thappad maar diya ..
ab nischal ka reaction kya hoga ..

 

[krish1152]

Mast update

 

[nain11ster]

Mast update

Contest par apni kahani post ki hai ... Dekh ki udhar hi batao kaisi hai...

 

[nain11ster]

क्या स्वागत किया है निश्छल का। सीधा गाल पे चिपका दी। वैसे एमी के जीवित होने की बात सुनकर बहुत ही अच्छा लगा।

Aimeee ko amar hone ka vardan uske smart creator ne di hai ... Koi kitna bhi majboori me likhe wo mar gayi ... Viswas mat karna...

Issi baat par jao aur meri contest wali story padh aao ... Batana kaisa laga

 

[Salu bhai]

Thankooo so much salu bhai... Waise gf chhod gayi ya pubg ka chaska chadha ya dono.. jo gayab ho gaye the

Na bhai na
Gf mere ha nh
Pubg ka time nh

Kam he kuch esa ha apna kab bulawa aajai koi pata

As lye gayab tha

Wesy dosra kon gayab tha(canfussed)

And aap meri story pe be na aa rhe aaj kal

 

[The king]

Nice update bhai jyoti bhabhi ne to aate hi chipka diya nischal ko wo to sab ko bhul gaya he to usaka reaction kya hoga waiting for next update

 

[Naina]

Nischal ~ hum Ko Mili Hai Aaj
ye Ghadiya Naseeb Se
je Bhar Ke Dekh Leejiye
hamako Kareeb Se
phir Apke Naseeb Mein
ye Baat Ho Na Ho
shayad phir Is Janaam Mein
mulakaat Ho Na Ho....

Saachi ~ pas Aiye Ki Ham Nahin
ayenge Baar Baar
bahen Gale Mein Daal Ke
ham Ro Le Zaar-Zaar
ankhoon Se Phir Ye
pyaar Ki Barsaat Ho Na Ho
shayad Phir Is Janam Mein
mulakat Ho Na Ho..
lag Jaa Gale ke phir ye hansi raat ho na ho shayad phir is janam Mein mulakat ho na ho...

 

[Naina]

Ek chhoti si NC ki prastuti me bina dhyan bhatkaye kaam kar raha tha ..

is story pe aur confest istory pe sab pe revo kal ... aaj busy...