Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[nain11ster]

Update:-27 (A) ​

Ek pyari bhor, jiski shurwat chidiyon ke awaj se ho rahi thi. Shor aur sahri mahol se bilkul dur. Itni mithi aur aanabdmay bhor ka anubhav Jivisha ne pahle kabhi nahi liya.


Apni dono bahen faila'kar mithi si angdai leti hui Jivisha apne bistar se uth'kar baithi. Aangdai ke sath hi dhire-dhire Jivisha ki aakhen khulna shuru hui. Baans aur lakdi ke bane kamre ko kafi sunder banaya gaya tha. Dekhne me kafi manmohak lag raha tha.… "Not bad Apasyu… tumhare sath rahi to dil khone ke pure chances hain.… Hey bhagwan!!!!"…


Jivisha khyalon me thi tabhi usse ehsas hua ki uske kandhe aur kamar khule huye hain. Khyal aate hi jab apne kapdon ke ore dhyan gaya, tab to Jivisha ka muh bhi khula hua tha aur aankhen badi-badi.


Geruva rang ki ek matr saree wah pahni hui thi, jise bade hi khubsoorat tarike pahnaya gaya tha. Jivisha charo ore najar daurati Apasyu ko dhundhne lagi. Dhundhti hui wo jaise hi kamre bahar nikli, ek bade se hall me khadi thi. Samne kewal purush hi najar aa rahe the aur unkr badan par ek matr geruva vastr dharan kiye huye the...


Haan lekin Jivisha jaise hi hall me pahunchi, usse apne ander mehsus hone laga, wo kisi purn sudhh aur pavitr jagah par khadi hai.... Mathh ke takriban 20 shishya aur 8 sanyasiyon ne ek jhalak Jivisha ko dekha aur apna kaam karte rahe...


"Jaag gayi aap"…. Aacharya ji ne puchha..


Jivisha, jo charo ore najren daura kar dekh rahi thi, Aacharya ji ke ore mud'kar…. "Main Apasyu ke sath aayi thi, wo kahan hai"…


Aacharya ji:- Guru ji mahadev anusthan ke liye gaye hain...


Jivisha:- Main guruji ki baat nahi kar rahi hun. Main Apasyu ke bare me puchh rahi.…


Aacharya ji:- Main bhi unhi ke vishay me baat kar raha hun...


Jivisha chaunkti hui.… "Kamal hai !!! Aap ki safed dadhi ko badhne me jitna samay laga hoga, uss se to kam hi umr hogi Apasyu ki. Fir bhi aap guru ji nahi bane... Ek bacche ko bana diya...


Wahan ke shant mahol me halki dhwani (sound) bhi ghunjti hai. Jivisha to aaschrya se aise awaj nikali ki sur thode unche the. Uski baat sun'kar wahan maujood sabhi muskura rahe the...


Jivisha apna aaschrya vyakt karne ke baad puchhne lagi.… "Aapke guruji Mahadev anusthan karke kab lautenge wahi bata dijiye"...


Aacharya ji:- Shavan mahina hai aur unka Mahadev prem utna hi anutha. Purn savan bitane ke baad hi wo parvat se niche aayenge.…


Jivisha:- What parvat !!!!! Kya pahad ke shikhar par chadh'kar wo puja kar raha. Mujhe bhi jana hai uske pass... Abhi..


Aacharya ji:- Aap abhi jane yogya nahi hui hain.. Fir bhi yadi aap ki ikchha hai to mathh ke bahar kadam rakh'kar swayam parakh sakti hai…


"Aap to aise dara rahe hain jaise bahar sher khada milega. Nikalte hi kha na jaye"… Jivisha apni baat kahti mathh ke hall se bahar ka rasta le li... "Samjhta kya hai, boyfriend bol kya diya... Raat ko.. chhi chhi... Iski to band main bajatiiiii.… Uuuuuu.. huuuuuu huuuuu... Jama dala. Ye kaun si jagah le aaya"…


Jivisha, Apasyu ke bare me sochte hall se hoti hui mathh ke bahar jaise hi nikli, thand ne aisa haal kiya ki wo ulte paun ander bhagi. Hall ke aakhri me chhota sa havan chal raha tha, ussi ke agni ke pass khadi ho gayi.… "Baba... Baba"..


"Baba nahi, unhe Aacharya ji pukariye"… hawan kund ke pass baithe ek shishya ne kaha.… Itne me Aacharya ji bhi Jivisha ke karib pahunch gaye.… "Maine pahle hi bataya tha ki aap abhi jane yogya nahi hai"…


Jivisha:- Kya aap wahan ja sakte hai, itne hi kapdon me, jitne abhi pahne hain..


Aacharya ji:- Itne hi kapde guru ji (Apasyu) ne bhi pahna hoga...


Jivisha:- Lekin kaise karte hain aap log. Bahar puri barf jami hai... Koi jadu tona totka hai kya? Bham Phatt Shwahaa !!!


Sabhi shishyon aur sanyasiyon ke sath Aacharya ji bhi hasne lage… "Koi mushkil nahi hai. Aap bhi aisa kar sakti hai, kewal aapko apne ander ka nadi chakr niyantrit karna hoga"...


Jivisha:- Pahle se hi main chakkar khati hui ghanchakkar nadi hun... Aur bhi chakr jagana hai...


Aacharya ji hanste huye... "Nadi chakr arthat nerve cycle. Jo pure sharir ke energy ko control karta hai"…


"Ooooo, Aise kahiye na. Main jara kaan ki kacchi hun. Bataeye iss chakr ko kaise control karna hai. Abhi main tarap rahi hun kisi ko maarne ke liye"… Jivisha apni pratikriya deti hui kahne lagi...


Aacharya ji Jivisha baat sun'kar kewal muskura diye. Jivisha ko lag gaya ye bhi uske papa ki tarah jatana chah rahe hain... "Beta tumse na ho payega"… Jivisha inhi baton ko sochti chhota sa muh bana'kar kahne lagi…. "Baba mujhse ho jayega, aap sikhao to pahle"…


Aacharya ji punah muskurate huye Jivisha ko sikhane par apni sahmati bana diye. Wah khud hi apne dekh-rekh me Jivisha ko prashikshit karne lage..


Jab-jab Aacharya ji, Jivisha ke khel-khel me sikhne ki kala ko dekhte, wo ek baar Apasyu ko naman jaroor kar lete. Kuch to purvanuman Apasyu aur Aacharya ji dono ko ho gaya tha, isliye Aacharya ji, Apasyu ki baat maan chuke the…


Natije bhi waise hi aane lage. Mahaj 4 dino me Jivisha apni Nadi Chakr ko niyantrit karne me mahir ho chuki thi. Ek to aadhyatm aur yog ko sikhne me lakh me se koi ek safal hote hai. Aur un hazar safal logon me se shayad hi koi ek apne Nadi Chakr ko purn niyantrit kar paye aur Jivisha….


Ek hafte baad somwar ka din tha. Aacharya ji ne khud hi Jivisha se kaha ki wo ab bahar jane yogya ho chuki hai. Kintu jahan wo ja rahi hai wo rasta kathin hai, sambhal kar jaye...


Jivisha hansti hui Aacharya ji se kahne lagi... "Aacharya ji naya guru ji dhundh lijiye, kyonki aaj wo mujh se milega aur aaj hi mai usse... Fis-fis... Aap samjh rahe hai na"...


Aacharya ji hanste huye... "Haan mai samjh raha hun"…


Jivisha, Aacharya ji ko pranam karti hui wahan se bahar nikli. Aaj jab wo nikal rahi thi, bahar ka jamane wala mausam usse basant saman lag raha tha.… Barf ke ubar khabar pahad ke patle se raste par nange paun chalna koi aasan kaam nahi thi...


Jivisha subah jo nikli sidha snadhya dhalne ke kaal me pahunchi. Sach me unchi si shikhar ke samtal bhag me Shiv ji ki pratima virajman thi aur Apasyu wahin kahin tahal raha tha...


Yun to Jivisha purntah thaki hui thi, kintu Apasyu ko dekh'kar wo apni Shawns ander khinchti, khud me thoda josh bhadi aur jakar ek tej dhakka lagayi.… Jivisha apne dono panje ko aage ke ore dhakeli.… Thik ussi waqt Apasyu apne tej reflex dikhate jhatke se kinare hata...


Aisa laga jaise Jivisha ne apne hatho se toofan chhoda ho... Samne ke parwat se wah hawa takrayi aur pure barf chattan samet dah gaya.… Jivisha ko yah aabash bhi nahi hua ki wah kya kar chuki thi… bus dhahte barf ko dekh'kar kahne lagi….

"Kaash maine jo dhakka diya wo tumhe lag jata aur tum udhar dur uss pahadi par hote jahan barf dheh rahi hai"….


Apasyu:- Saanjh dhal chuki hai, sham ki Mahadev vandana aur aarti karne ke baad baat karte hain...


Jivisha:- Bhagwan ko bich me la'kar tum yah mat samjhna ki bach gaye.… Jaldi karo jo karna hai, fir main tumhe batati hun...


Apasyu hanste huye apne kaam me lag gaya... 2 ghante lag gaye usse sab karne me aur jab sab karke wah fursat hua... Jivisha puchhla sab bhul'kar thodi ghabrayi si.… "Yahan to kuch dikh nahi raha hai, siway jalti hui jyoti ke"...


Apasyu:- Isse jine ki aas kahte hain… sab kuch viprit hai fir bhi ek chhoti si kiran sadaiv prajawalit rahti hai...


Jivisha:- Tumhe andhere se dar nahi lagta…


Apasyu:- Main tumhe din aur raat, kisi bhi samay ek saman dekh sakta hun…


Jivisha:- Tum kya koi jadugar ho. Aur yahan kya jadoo sikhate hain…


Apasyu:- Nahi... 8 din pahle tum thand lagne se behosh ho gayi thi, aaj ekal (ek hi) vastr me tum sabse thandi jagah khadi ho. Aur haan wo barf ke pahad apne aap nahi dheh gaye, balki tunhare hath ne vayu ki urja ko aise pariwartit kiya ki wo jakar sidha uss parvat se takra gayi...


Jivisha:- Tum mazak kar rahe ho...


Apasyu:- Nahi main sach kah raha hun... Tum vayumandal me faile urja ko apne hath se pariwartit kar sakti ho...


Jivisha hairan hoti hui.…. "Lekin aisa kaise ho gaya... Aur yadi ye sach hai to mera hath lagne se tumhara kya hota"…


Apasyu:- Wahi jo tumne pahle kaha tha... Main uss barf ke dher me hota.…


Ek kashn Jivisha uss shakti ka khyal layi jo uske hath se itni tej nikli ki parwat ko chur kar diya.… aur agle hi pal khyal aaya ki tab kya hota jab ye Apasyu ko lag jata. Jivisha saham'kar Apasyu se lipat gayi... "Kyon tum logon ne mere ander aisi shakti jagayi... Maine to wada kiya tha ki tum jivit rahoge, fir main tumhe kaise maar sakti hun. Nahi ye shrap hai... Hatao mere ander se shaktiyan"… Jivisha ko laga ye sab uss Nadi Chakr niyatarn ke karan hua hai….


Apasyu muskurate huye, Jivisha ki pith par hath ferte huye…. "Aeroplane jab crash karta hai tab usme baithe lagbhag sabhi yatri ki mirtyu tay ho jati hai. Socho yadi aeroplane aabadi wale ilake me gire to jaan ka kitna nusksan hoga. Ab itna aaklan ke baad kya hum natija nikale, aeroplane na chale".

"Har desh apni suraksha ke liye hathiyar banata hai unhe kya kah de, mat banao. Bomb ka aawishkar pahad tod'kar rasta banane ke liye kiya gaya... Aaj log galat istamal bhi karte hain aur sahi bhi... Tum samjh rahi ho mai kya kahna chah raha hun"…


Jivhsa, Apasyu ko bhinchti... "Tunhare gale lagna kafi sukoon de raha hai. Mujhe abhi kuch nahi samjhna"… Jivisha kuch der pahle huye vakye ke bare me soch'kar ab bhi sahmi hui thi…


Apasyu usse dilasha dete wapas se samjhaya. Jivisha ko har baat pahle hi samjh me aa gayi thi, bus wo apne gusse ko kabu me na rakh saki, iska afsos ho raha tha..…


Jivisha ki manodsaha ka purn aaklan karte huye, Apasyu usse khud se alag kar'ke kahne laga…. "Hum sab umr bhar sikhte hai... Tum apne naye boyfriend ke sath kuch naya nahi sikhna chahti"…


Jivisha muskura'kar wapas se apni bahen Apasyu ke gale me dalti.… "Sikhane wale tum ho to sikhne ka maza aayega. Lekin aisi shakti ka kya fayda jiske bare me mujhe bhi pata nahi"…


"To dekhte hai pahle ki tum kya kar sakti ho"..... Kahte huye Apasyu, Jivisha ko apne sath le aaya aur chilam ka ek kas marne kaha... Jivisha apni aakhen badi karti... "Ye Mahadev ka prasad mujhe kyon de rahe ho"…


Apasyu:- Kyonki pure nashe me hi hi tum kya ho puri tarah khul'kar samne aaogi..


Jivisha:- Oyeee kahin kuch aur khol'kar samne lane ke irade to nahi hai na...


Apasyu:- Wahhh re ladki… chalo ab bam-bam bhole karte huye khincho...


Bahut bada jokhim Apasyu ko na chahte huye bhi lena pada... Ya to nashe ka gulaam Jivisha ka Centran Nervous System hota. Ya autonomus body kaha jane wala CNS Jivisha ke kabu me hota... Yadi pahla condition apply hota tab Jivisha ko nashe ka gulaam banana ek risk to tha hi, lekin uss se bhi badi jhokhim thi Jivisha ki shaktiyan, jo nashe ki haalat me kab kahan pryog ho, wo apne aap me bahut bada chinta vishay tha...


Aasan nahi tha aage ka rasta. Kyonki kayi salon ke abhyas ke baad bhi CNS ko purn niyatarit karna bahut tedhi kheer hoti thi. Ye unke sandrav me kaha gaya tha jo Nadi Chakr purn niyantrit karna sikh chuke hote... Lekin Apasyu kuch to jaan chuka tha Jivisha ke bare me aur ussi jaankari ke aadhar par wo zokhim uthane ke liye taiyar ho gaya.


Pahla 2 din Apasyu ke liye wakai nind urane wali thi, kyonki Jivisha pure nashe me hone ke baad, kayi aisi shaktiyon ka prayog wo itni aasani se kar rahi thi jise Jivisha ke siway shayad hi koi kar paye…


Jivisha ko apne har karname yaad hote ki wo nashe me apne hath aur najaron ke ishare se, kya-kya kar kar sakti thi... Aur Jivisha utni hi dukhi bhi rahti, kyonki sab bekabu shaktiyan thi, jis'par Jivisha ka koi niyatran nahi tha…


Nashe ki haalat me Jivisha apne purn shakti ko khul'kar bahar nikal sakti thi. Issi ka dusra hissa Jivisha ka Apasyu ke prati antrik rujhan aur aakarshsn bhi tha. Nashe ki haalat me Jivisha ke armaan pankh failaye rahti.


Jivisha ka pura sharir ajib si madak khushboo fijaon me bikher deti aur uski aakhne Apasyu ko chumbak ki tarsh khinch rahi hoti.… Nashe ki haalat me Apasyu ko apne ore iss kadar aakarshit karti, ki Apasyu ko purn sainyam rakhne me haalat kharab ho jati thi…


Haan kintu jab hosh me, Jivisha ko nashe ke haalat ki ye wakya yaad aati, ander hi ander muskurati hui khud se itna hi kahti.… "Besharm tu iss guruji ke, 1 mahine ke Shavan maah ka anusthan na bhang karwa dena"…


Baharhaal panchwe din ja'kar Apasyu ke chehre par safalta ki muskaan fail gayi, jab Jivisha ne pura nasha apne ander smet kar apni shakti ko bahar laane ki kosis karne lagi. Kintu yahan bhi ek samasya thi. Jivisha jab hosh me hoti to pata hi nahi hota ki shaktiyon ko istamaal kaise karen..


Apasyu ke liye iss par kaam karna koi badi baat nahi thi, kyonki Jivisha kafi teji se sikh rahi thi. Panchwe din CNS par apni soch se nitaran paana, apne aap me ajuba tha. Aur 20we din aate-aate to Jivisha sabse khatarnak nashe ke paudhe ka nasha apne ander samet'kar, bilkul hosh me khadi thi...


Fir to Apasyu piche mud'kar nahi dekha, aur na hi Jivisha ko sochne ka mauka diya ki yahan la'kar wo kya karna chah raha hai. Jivisha jaise-jaise apne shrir aur mashtisk ko niyatran karne ke padav ko paar kar rahi thi, Apasyu bhi aage badhta ja raha tha.…


Ye Jivisha ke upar pura bharosa hi tha, jo Apasyu usse wah sab kuch sikha raha tha, jis siddhi ko hasil karne ke me kisi samanya maushya ki kayi jivan kam par jaye... Yog, aadhyatm, aur CNS par kabu pane ke baad Jivishs sikhne ke aakhri daur me thi, Chaathi Indriyan jagrit karna… jiska aansik hissa Jivisha me pahle se jagrit tha, aur wo tha Purvanuma ki shakti aur bhavishya ko aansik roop se mehsus karna.


Purvanuman, Telepathy, Teleportation, aur bhavishya me jhankne ka gyan.. ye sab chhathe indriyon ko jagrit karke hasil hota hai. Nadi Chakr ko niyantrit karne ke baad, 3 khas nerve ko ek vishes position tak activate karke, Chhathi Indriyan jagrit ki jati thi...


Idhar Sharavn maah samapt ho raha tha aur Jivisha apni chhathi indriyan bhi jagrit karne me kamyab rahi. Aisa nahi tha ki Jivisha koi avtaar thi, jo ye sab siddhiyan wo ek ke baad ek jadaui tarike se hasil kar rahi thi. Balki ye sab to Jivisha me anuvansik (heredity) gun the kewal aaj tak usse koi margdarshak nahi mila tha.


Aaj jab margdarshak mila to Jivisha apne uss anuvansik gun ko nikhar chuki thi, jo sabhi uske ander bachpan se hi jagrit thi, lekin wo dimag ke soye hisse me hi band pari thi... Aur shakti niyatran karne me jo pichhli baar truti hui thi, uska purn nidan ho chuka tha...


Shavan maah samapt ho chuka tha. Jivisha bhi lagbhag sabhi chijen sikh chuki thi, sath me apne chir parichit andaj me uske masti mazak bhi chalte rahte... Aur Jivisha dil haar chuki thi jis par, usse to chhedte rahne ka maza hi kuch aur tha...


Shravan mahina samapt hone ke baad bhi Jivisha, Apasyu ke sath ussi shikhar par sikhne ka karyakarm jari rakhi thi…


Apasyu usse dhyan lagane ke liye kahta aur khud bhi uske samne dhyan laga'kar baith jata… pata chalta Jivisha uske karib pahunch'kar uske honth, gaal aur pura chehra chum rahi hoti.


Apasyu muskurate huye apni aakhen kholta aur Jivisha ko khud se thoda dur hatate jaise hi sawaliya najron se ghurta, Jivisha badi hi masoomiyat se bol deti.…

"Tumhara pyara shant chehra jab samne hota hai tab dhyan bus tumhe chumne par hi laga rahta hai. Tum apna dhyan lagaate raho aur mai apna"…


Apasyu har baar ek hi javab sunta aur har baar ek hi pratikriya deta... "Devi pahle aap hi dhyan laga lo"


Shravan maah bite 14 din huye hoge. Apasyu shikar par bane Jivisha ke tent me ghusa hi tha… thik ussi waqt Jivisha apne kapde badalne ke liye, badan par ekmatr saree ka pallu hata chuki thi. Apasyu ka ander aana aur samne se Jivisha ka pallu hatana akashmit (randomly) room se lagbhag ek hi waqt me hua, "Areee parda to khinchna tha kapde badalne se pahle"…


Jivisha hansti hui apne sitithi yathavat banaye... "Najre nichi kyon hai gurudev, kaun sa aapne mujhe aise pahli baar dekha hai"…

 

[nain11ster]

Update:-27 (B) ​

Apasyu, Jivisha ke najron se najren mila'kar dekhte huye... "Oh to uss raat ka kapda badalna ab bhi dimag me hai tunhare"…


Jivisha:- Dono baten hain mere dimag me... Ek to kudharti iss mahol me, mujhe kudarti libas me dekh'kar kahin guruji ki kaamo-uttejna to nahi badh rahi… yadi javab na hai to mera parda khinchna ya na khinchna koi mayne nahi rakhta.
Dusri yadi uss raat mujhe purn nagn awastha me dekh liye to aaj kya samasya. Rahi baat meri to main sab kuch hare baithi hun, isliye tumse koi laaj nahi aur main apne vichar me bahut clear hun.




Apasyu:- Tark... Aur tark jaal me uljhane ki kosis… chalo pallu upar karo mujhe kuch dikhana hai...


Jivisha hansti hui apne pallu ko upar ki. Apasyu, Jivisha ke karib aa'kar usse pichhe ghumaya aur pass pari saree ko apne hath me liya... Kya fatafat uske hath chale the.. Saree ke upar se saree pahnane ke baad, kandhe se pahle wali saree ko khinch'kar nikalte huye... "Ye hua tha uss raat.. aur maine kuchh nahi dekha tha samjhi"…


Jivisha, Apasyu ki nayab kala par muskurati hui kahne lagi... "Jhuthe, aaj na kewal saree thi jo tumne khinch kar nikal diya... Uss din maine, blouse bra aur niche painty pahan rakhi thi"…


Apasyu, Jivisha ke sar par ek hath maarte… "tumhe to puri detail chahiye.. kamar se tumhare antah vastr ko saree ke sath sil diya, saree khinchte hi wo bhi nikal gaya.. Upar pith par chaku chala'kar, blouse aur bra ko Kaat'kar sab khinch diya"...


Jivisha hansti hui wapas se Apasyu ke samne mud gayi aur iss baar puri saree khinch'kar nikalte huye... "Wo to man me uthe ek sawal ka javab hua, dusre ka javab..."…


Apasyu hanste huye uske sar par wapas se ek hath maar'kar, fatafat wapas se saree pahnate huye... "Mujhe aise dekhne me koi samsya nahi hai, basarte ki tunhare mann shant ho, aur ander ki bhavna shunya ho"…


"Achha aur apne premi ke sath apni bhavna shunya kaun rakhta hai... Tumhe to sab pata hai na"…


Apasyu:- Hum sudhh aatman yojan ke bich me hai... Tunhari aatma abhi mujh se judi hai to yojan samapti par tay hoga ki wo aatma mujhse kyon judi hai...


Jivisha:- Suddh aatma yojan... Ye kya hota hai...


Apasyu:- Wo Aacharya ji ka department hai. Koi aatma yahan ke mathh se kyon judi hai aur yahan tak le'kar aane wale ke sath kya sambandh hai, ussi ke vishay me ek anusthan...


Jivisha hansti hui.… "Baba ki umr ho gayi hai, unhe retirement de do. Yahan aane ka karan kuch kuch samjh rahi hun. Aur rahi baat humre sambandh, to iski bhi detail deni hogi kya.… Tumhara aur mera sambandh hathon me hath dal'kar duet gane wala hai... Ek dusre ke gale lag'kar, simat kar ek ho jane wala hai... Hoton se honth ko laga'kar ..


Apasyu:- Bus bhi karo… Ati-kamotejna jo tunhare bhav bata rahe... Ab jara iss manodsha ko turant kisi aur bhavna me badal'kar dikhao…


Jivisha:- Mera man nahi... Man ma emotion jaage re…


Apasyu, Jivisha ki ikchha aur ikchha shakti se bhali bhanti parichit tha. Isliye apne najron se lagbhag aadesh sa dete huye, turant manodasha badalne ka lagbhag hukum de diya...


Jivisha ko yog aur aadhyatm sikhaya gaya tha. Wo apni purn shakti ki ab jakari bhi rakhti thi aur uska niyantrit istamaal karna bhi janti thi. Saririk aur manshik dono bhavnao ko Jivisha utna hi niyantran me rakh sakti thi jitna Apasyu. Lekin Jivisha ke shavbhav aur chanchalta ko yog aur Aadhyatm se bhi sthir nahi kiya ja sakta... Ya wo khud hi apni chanchalta aur natkhatpan ko chhodna nahi chahti thi…


Khair, Jivisha apne man ki chanchalta ko bakarar rakhti hui, takriban 48 din baad mathh me apna aakhri ghanta bita rahi thi. Sudhh atma yojan samapti ke uprant Aacharya ji ne dono (Apasyu aur Jivisha) ki atma ke judne ko ek atoot mitrwar prem bataya.


Aacharya ji ki baat sun'kar Jivisha, Apasyu ke gale lagti... "Jis ke iye hriday me prem jaga, usse meri aatma ne apna saccha dost maana. Jindgi se aur kya manngu... Kyon baba humari jodi kaisi rahegi"…


Jivisha ki iss baat par Aacharya ji pratikriya dete... "Sudhh aatma yojan hai. Riste me aaye chhote sa badlav, bahut kuch badal sakti hai. Jivisha ye mathh apni guru dakhina me tumse 1 saal ke dhairya ka mangti hai. Tum sacche mitr ki bhavna ke sath apna safar aarambh karo. Saccha mitr ke sath saccha jivan sathi ki bhavna ek saal baad la sakti ho, aur tab tum purn samarpit ho sakti ho"…


Jivisha nakiyate hui kahne lagi... "Dono hi mann ke ander gup chup karke mere pyar par sal bhar ka pehra laga diye... Thik maine aapki baat maan rahi hun, lekin Apasyu ko bhi wada karna hoga wo mujhe kabhi chhod'kar nahi jayega. Pata chala maine dost bana'kar saal kaat liye, premi banane ka waqt aaya to gayab hai"…


Apasyu, kinare se hath badha kar, Jivisha ko khud se lagate.… "Main kahin gayab bhi ho gaya to tumhe kitna waqt lagega dhundhne me.…. Hum dono ki aatma mitwar prem se judi hai... Ek around the globe chakkar laga'kar bhavna bhi mitrwar prem se jod lete hain"...


Jivisha:- Ji gurudev, chale yahan se prasthan karen... chalti hun baba.…. Aati rahungi aapse milne..


Apasyu aur Jivisha kandhe par hath dale dost ki tarah nikle. Haalanki bol matr dene se Jivisha ki bhavna nahi badli thi, kintu wo issi me khush thi ki filhaal dost hi sahi, samne to hai Apasyu…


Dono sath me mathh se nikle. Ek baar pichhe mud'kar Apasyu, Aacharya ji ko dekha aur Aacharya ji muskurate huye apne mann me kahne lage…. "Jaisa aapne kaha wahi hua guruji... Agle maah ke anth tak aap prithvi bhramn par hain"...


Private jet wahan pahle se intzar kar rahi thi.... Dono private jet me sawar ho gaye.…. Plane apne unchai par thi aur ussi ke sath Jivisha ki shikayat bhi.… "Huhhh !!!! Koi yagya ya anusthan ke jariye kaise dil se jude riste ko badal sakte hain...


Apasyu:- Fir se shuru. Kya sach me tum iss par baat karna chahti ho...


Jivisha:- Haan, mera mann bechain hai aur isse santusti nahi mil rahi... Tum pass ho aur tumhe chum nahi sakti... Tum pass ho aur tumhare sath main apni har khushi batna chahti hun.. lekin aisa kar nahi sakti... Tum meri kasam kha kar kah do ki tumhe meri manodasha nahi pata...


Apasyu:- Hmmmm !!! Aur kuch jodna hai isme...


Jivisha:- Filhaal nahi, lekin tum jab dil ke mamle ko apne dimagi tark se santust karne ki kosis karoge, jo ki mujhe pata hai, tumne sochna bhi shuru kar diya hai... Aur soch'kar jab tum bolna shuru karoge uss bich me apne point jodungi...


Apasyu:- Smart.. haan.. chalo thik hai mere bus ek sawal ka javab de do, fir main tunhari har baat maan lunga.. wada raha...


Jivisha, khush hoti hui.… "Fir jaldi se puchho"….


Apasyu:- Prem me pana sarthak hota hai ya khushi se tyag karna...


Jivisha:- Sawal hi samjh me nahi aaya... Kuch example ke sath puchho taki main sawal ka thik-thik matlab samjh paun…


Apasyu:- Tumhe ghar me sabse pyara kaun lagta hai.…


Jivisha apne dono hath jodti.… "Gurudev udharan ke sath kahi thi sawal puchhne. Na ki sawal ke ander ek aur pechida sawal jodne....


Apasyu:- Sidha to sawal hai... Tumhe apne ghar me sabse pyara kaun lagta hai…


Jivisha aankhen dikhati…. "Matlab nahi manoge, iska bhi javab chahiye hi"… Apasyu muskurate huye haan me sar hilaya... Jivisha thodi narajgi dikhate.… "Main jitna prem apni maa se karti hun. Utna hi prem apni dost Nandu se. Jitna Nandu se prem hai..utna hi Kasak se... Aur jitna..


Apasyu, hanste huye.… "Itna jatane ki kosis kyon kar rahi ho ki tum sab ko ek saman pyar karti ho... Sidha sidha bol deti na"…


Jivisha:- Tumhare mann me koi doubt nahi rahe na isliye sab saaf-saaf bata rahi thi..


Apasyu:- Ab bahut jyada soche bina iska jabav dena... Tumhare pariwar se kisi ek ka marna tay hai... To wo kaun hoga...


Apasyu ka sawal aur agle hi pal pura plane aniyantrit. Apasyu muskurate huye Jivisha ki aakhon me dekhta raha. Pilot plane ko kisi tarah niyatarit karne ki kosis kar rahe the, kintu plane ko niyantran kar pana unke bus ki baat nahi thi...


Jivisha ka dhyan ekdum se toota. Agle hi plan plane niyantran me aaya.… "Kyon shabdon ke mayajaal me uljha rahe ho. Maine tunhari tarah yog aur dhyan me maharat nahi hasil ki hai, jo khud ko kabu me rakh sakun. Mat khelo mere sath... Pleaseee"…


Apasyu:- Tum sirf mujhse aakarshit ho. Aur yahi vajah hai ki jo tumhe prem dikh raha hai wo mujhe tumhare aane wale bhavishya ka dard dikh raha…… Bahut si baten iss waqt tumhe samjh me nahi aayegi.…


Jivisha:- Prem tyag ka naam hai... Pana swarth hota hai...


Apasyu:- Ek baar fir se kahna...


Jivisha:- Prem tayg ka naam hota hai. Kisi bhi haal me hasil karna swarth hota hai…


Apasyu:- Thats like a good girl... To ab kya irade hain…


Jivisha:- Sal bhar tak dost ban'kar tumhe tease karti rahungi... Aur kya… dosti me itna to chalta hai na...


Apasyu:- Best of luck… chalo ab smile karo...


Jivisha muskurane lagi. Apasyu, Jivisha ke sath pura waqt bitate huye, usse nayi-nayi jagah ghumane laga... Koi bhi jagah prakritik ya manav nirmit khubsurat jagah nahi thi. Balki dono duniya bhar ke khatarnak jungle aur viran pare tapu par pahunch rahe the jahan kewal pagal adventure lovers jaan hatheli par rakh'kar ghumne jaate hain..


Har jagah Apasyu tab-tak ruka rahta jab'tak ki Jivisha bina kisi shakti ke prayog se koi jaan nahi bacha leti... Har jaan bachane ke baad Jivisha ke ander ka romanch aur khushi, uska varnan nahi kiya ja sakta...


Takriban ek mahine ki khatarnak jaghon ke bhraman ke baad Apasyu, Jivisha ko le'kar apni sabse pasandida jagah Miyami pahuncha….


Miyami me uske khud ka ek double storey ghar tha, jisme dono ruke... Jivisha chahakti hui Apasyu se puchhne lagi.… "Dost ke sath Miyami me... Irade thik to lag rahe hai na"…


Apasyu, Jivisha ke dono kaan khinch'kar, uske sar ko ek baar bajate.… "Pagal Jivisha, sab bilkul thik hai... Yahan ek hafte ka kaam hai mujhe, so socha ek hafte ka aur waqt tumhare sath.. Iske baad tum yahan se Bharat laut rahi ho aur main yahan se kahin aur niklunga.


Jivisha:- Main bhi ghar wapas jane ka soch rahi thi, lekin akele nahi tumhare sath....


Apasyu:- Tum abhi ghar mat jana... Kuch Din tum Delhi rukna... Main apna kaam jald khatm karke Delhi aaunga…. Wahan kuch hai jo tumhe samjhana hai... Uske baad tum ghar chali jana….


Jivisha:- Mera sath chhod rahe ho...


Apasyu:- Sath na rahne se sath chhodna kaise hua..… ab tum aaram karo.… Uske baad Miyami ke jindadil beach ka luft uthana. Tumse sham me milta hun.…


Apasyu apni baat kah'kar nikal gaya... Jivisha uss ghar ko pura dekhne ke baad, kuch der aaram karne chali gayi.… Jivisha ki jab aakhen khuli sandhya ka samay ho chuka tha...… Aankh khol'kar jab bayen najar daurayi, table par 3-4 khubsurat dress rakhi hui. Jivish sabko utha'kar ek baar dekhi aur aur Apasyu ka naam le'kar chillati hui bahar aayi...


Apasyu, hall ke madhya me baitha coffee pi raha tha.… "Kab aaye"


Apasyu:- Kuch der pahle...


Jivisha:- Aa'kar jagana to tha….


Apasyu:- Jaag to waise bhi jati, fir socha nind kyun kharab karna.…


Jivisha:- Lagta hai abhi ke sdandrv me kah rahe ho. Lekin tumhare bolne ka andaz kahta hai jaise mujh se judi koi ahham baat kah gaye…. Chhodo, nind se jab jaagna hi hai tab aaj ki baton ka bhi matlab samjh lenge...


Apasyu, apne dono hath se naman kerte, muskurate huye apna sir jhuka diya. Jivisha khul'kar hanti hui apne hath utha'kar aashirwad dene lagi… thodi, si chhed-chhad aur masti-mazak ke bich kab raat dhalne lagi pata hi nahi chala...


Pahle mathh uske baad duniya bhar ke khatarnaak kshetr ka bhraman. Jivisha kayi raaton se puri nind nahi lee thi. Ghode bech'kar wo subah ke 9 baje tak soyi hui thi...


Apasyu bed tea le'kar uthane chala gaya. Jivisha aankhen khol'kar Apasyu ko samne dekh, khush hoti hui kahne lagi..... "Subah-subah swayam guru ji meri sewa me"…


Apasyu:- Pagal...


Jivisha, chahakti hui.…. Apasyu, tumhare aaj ka programe kya hai...


Apasyu:- Hai kuch kaam, 2 baje tak niklunga...


Jivisha:- Fir thik hai… abhi 10 minute me hum Miyami beach chalenge… koi dikkat...


Apasyu:- Mujhe to koi dikkat na hai... Lekin tum jitni chamak rahi ho... Tumhe bikni me dekh'kar Miyami me aag lag jayegi...


Jivisha, Nischal ko ghurti... "Bikni me aur main... Haan agar yahan tumhe, mujhe bikni me dekhna hai to koi gal nahi hai ji... Warna mai pradarshan ki chij nahi hun.. samjhe.. Waise thanks, maine glow par dhyan nahi diya... Abhi iss glow ko kabu karke aayi, jab'tak tum ready raho.….


Takriban 10 baje tak dono Miyami beach par the... Shandar music, jhumte log aur rang birange chhote-chhote vastr me ghumte yahan ke har umr ke purush aur mahilayen… "filmon me dekhna aur khuli aankh se dekhne me bahut fark hota hai Apasyu"…


Apasyu:- Haan so to hai...


Jivisha, beach ke hisab se siffon ki ek halki fulki dress pahan'kar beach side bed par tik'kar baithi hui thi. Apasyu bhi halke rang-biranga shirt aur shorts pahne thik Jivisha ke pass tik'kar baitha tha..


Dono beer ko ghunt-ghunt pite, sun bath aur Miyami beach ka najara le rahe the. Tabhi aisa hua ki ek kshan ke liye sabne jaise ek sath apni palken jhapki ho. Aur ussi ek kshan me, samundr se bahar uchhal'kar 2 jiv sidha land kiye... Ek Apasyu ke bed par urrti hui land ki, to dusra sidha Jivisha ke upar.…


Na Jivisha ko kuch samjh me aaya aur na hi Apasyu ko... Apasyu to shant hi raha lekin Jivisha apne upar urr'kar girte ladke ko dekh'kar jod se chinkh dee… Wo to achha hua ki wo ladka pura santulan bana'kar apne dono hath bed ke side se tika'kar, thik Jivisha ke upar tha. Wahin dusri ore wo ladki to balance nahi bana payi, lekin Apasyu ne usse apne hath se catch kar liya.…


Jivisha ki tej chinkh sun'kar wo ladka jhatke se hat'te huye charo ore hairani se dekhne laga. Lagbhag wahi haal Apasyu ke upar land ki hui ladki ka tha, khadi ho'kar wo bhi charo ore hairani se dekh rahi thi.… Idhar Apasyu aur Jivisha unke karan gile ho chuke the...


Apne gile kapdon ko dekh'kar Jivisha gusse se uss ladke ko ghurne lagi…. "Tum thik ho Jivisha"…. Aur thik ussi waqt uss ladke se ladki puchhne lagi… "Tum thik to ho Nischal"…


Ye urrte huye dono ladka aur ladki koi aur nahi balki Nischal aur Orja the... Apasyu aur Orja ne lagbhag ek hi waqt me dono se puchha… Jivisha Orja ke ore dekhti uske najron ka pichha kari, usne Nischal kise pukara aur Idhar Nischal bhi wahi kar raha tha.… Aur jaise hi dono ne naam ko confirm kiya... Ek dusre ko hairani se dekh rahe the...


Dono me se kisi ko, kisi ki shakl to yaad nahi thi, lekin 10-11 mahino me ek yahi to naam tha jo dono (Nischal aur Jivisha) sunte aaye the... Hairani ki koi seema nahi thi aur dono (Jivisha aur Nischal) ek dusre ko hi ghure ja rahe the.…

 

[nain11ster]

nain11ster ji
mah 372 posts nd revo

Thik hai 2 update thik ... Now happy .. aise hi dil aur jaan se lagi rahen... Aapke liye Ishq risk part third bhi plan kar dunga... Is baar 2 ko chhod'kar baki sabhi format honge ...

 

[nain11ster]

Zaberdast update bhai shaandaar lajawab mazedaar

Thankooo sooo much Naik bro

 

[Pritam.bs]

Thankooo sooo much Naik bro

Mere reader chori kar rahe hai.

 

[nain11ster]

(Btw imli ki khabar sun andar hi andar itni khush ki... .. itni khushi to first salary milte waqt bhi nahi huyi thi )

Fir aadhe mahine ki salary idhar bhejne ka... Taki aage b ye khushi barkarar rahe

ek soch hai... nahi is story se hargiz related nahi...
kyun na jivu aur nischal milke aane wale har wo guest appearance ko jaan se maar de... jaise apsyu, imli aur baksi ya uske chamche , bahot hi khubsurat tarike se har us dusre stories se aane wale kirdaaro ka gala kaat de, bahot hi pyaar se apsyu, imli aur baksi ko bich chid de, bahot hi nek dili, achhai aur sachhai dikhate huye un tino ke sine mein hath daal ke kaleja nikal le.. jhalti Bhatti mein jinda fek de un sabhi ko... aur aliens janwaro khane ko de, de un sabki tandoori bana ke
..... nahi is story se hargiz related nahi...
Haan yeh meri favorite story ishq risk part 1 wale nischal aur jivu jarur hai

Ji 800 logon ne aap ki ikchha ho dekha aur padha... Aise hi likhti rahiye... Figure chhota hai.. kam se 8 lakh log dekhte aisa kuch kijiye...

Kash us din jivu meri baat maan leti aur uska murder tabhi us waqt kar deti brutality ke sath..

Kashhhhh.... Ye "kash" to jivan me laga rahta hai ju don't cry n dil chhota na kari

 

[nain11ster]

Mere reader chori kar rahe hai.

Darshan durlabh the aapke.... Notifications dekhiye aur search bar me pritam type kijiye ... Bahut sare sandesh mile pare honge apake liye ...

Waise hain hi yahan kitne reader jo chori ka ilzam laga rahe

 

[nain11ster]

Mere reader chori kar rahe hai.

Waise irade to aapko hi churane ka tha par duniya janti hai ki pritam boss 6 regular update ke baad fir sal do sal najar na aayenge... Chahe log chhati Katkar kahin kisi thread par na kaga de...

Pritam bhai sare paglaye aur bhananye reader ke ore se ek hi sawal.... Kahani unke marne se pahle to comolte ho jayegi na

 

[Naina]

is mudde se pehle jo bhi baatein jikar huyi hai apsyu aur Jivisha ko leke.. like.. dono ek dusre ko nanga nangi dekha, ya kapde badle ek dushre ki.. ya koi shakti mila ya ghume phire.. ya guru ji ke ashram se leke miami beach kya kya kiye usse mujhe koi matlab nahi..
mudde ki baat yeh hai ki

Ye urrte huye dono ladka aur ladki koi aur nahi balki Nischal aur Orja the... Apasyu aur Orja ne lagbhag ek hi waqt me dono se puchha… Jivisha Orja ke ore dekhti uske najron ka pichha kari, usne Nischal kise pukara aur Idhar Nischal bhi wahi kar raha tha.… Aur jaise hi dono ne naam ko confirm kiya... Ek dusre ko hairani se dekh rahe the...


Dono me se kisi ko, kisi ki shakl to yaad nahi thi, lekin 10-11 mahino me ek yahi to naam tha jo dono (Nischal aur Jivisha) sunte aaye the... Hairani ki koi seema nahi thi aur dono (Jivisha aur Nischal) ek dusre ko hi ghure ja rahe the.…

Nischal aur orja us zero point se nikle kaise.. yeh to tay tha ki agar wahan raja madad na kare to ye dono nikal bhi nahi sakte the..
dusri baat raja ne kaha tha ki agar dono ne raja ki mann pasand kaam kar de to sabko matlab including serin aur baki ke sathiyo ko ki wahan se nikal jaane mein madad karenge...
Maybe dono ne raja ki pasandida kaam kar diya hoga so worm hole ke jariye prithvi aa gaye...
to serin aur baaki ke sath kaha hai...?
unhe kya nahi aane diya us pani wale raja ne...?
Khair let's see what happens next
Brilliant update with awesome writing skills nainu ji

Aur Hella kidhar hai..?? wo kab join karegi nischal ko prithvi aake??

 

[Naina]

Mere reader chori kar rahe hai.

Pritam.bs da..
finally aa hi gaye aap... bechare sabhi readers ka haal ekdum behaal bin aapke