UPDATE 4
Rahul bank ke door par gaya toh Security guard ne use ander bhej diya. Usne ander jakar dekha toh Bank khacha khach bhara huya tha aur har ek counter par line lagi huyi thi. Fir usne apni najrein idhar udhar daudayi aur dekha k Manager ke office ke bahar ek peon baitha tha toh Rahul seedha uske paas chala gaya.
“Excuse me.”
Peon: ji boliye.
Rahul: bhai Manger sir se milna hai kya main ander ja sakta hun.
Peon: ji Sir. Par pehle ap apna naam likhwa dijiye main list mein daal deta hun fir apki baari ate hi apko bula lunga.
Rahul: ok likho, Rahul Sinha.
Rahul Sinha ka naam sunte hi peon ki siti piti gul ho gayi. Usne bechari si shakal banate huye Rahul ki taraf dekha.
“sir maaf kijiyega, main apko pehchan nahi paya. Ap jaiye ander par plz meri complaint mar kijiyega.”
Rahul: are bhai kya huya. Aur main apki complaint kion karunga ap toh apna kaam achhe se kar rahe hain. Koi Baat nahi main bahar wait karta hun.
Peon(hath jod kar): sir plz aisa mat kijiye. Manager Sir ko pata chala toh meri naukri chali jayegi. Plz ap ander jaiye.
Rahul: par
Peon: sir plz, kion mujh garib ke pet par laat marte ho.
Rahul: chalo thik hai. Par aise darna chhod do tum apna kaam karte ho toh dar kaisa.
Peon: sir apke papa ke paison se toh yeh bank chalti hai. Agar bank chalegi toh hi toh hamare ghar ke chule chalenge. Toh dar toh hoga hi na sahab.
Rahul: chalo chhodo. Toh kya ab main ander jaun.
Peon(darwaja kholte huye): sir kion sharminda kar rahe hain. Ap hi ka office hai yahan marji ghumiye.
Rahul us peon ki batein sun kar halka sa muskura kar ander chala jata hai. Ander manager sahab apni chair par baithe kus paper work kar rahe the aur darwaja khulne ki awaj se jaise hi unka dhyan Rahul par gaya toh unke gambhir chehre par ek muskurahat a gayi.
“Are Rahul tum yahan?”
Manager sahab ne jaise hi Rahul ko dekha toh Apni chair se khade hokar uske paas chale gaye. Rahul jaise hi unke pair chhune ke liye jhuka toh unhone apne dono hathon se uske kandhon ko thaam liya aur uski taraf muskurate huye dekhne lage.
“Yaar Tu toh din-b-din handsome hota ja raha hai. Aj agar Didi jinda hoti toh tumhe aise dekh kar bahut khus hoti. Vaise aj kaise tum yahan ka rasta bhul gaye.”
Rahul: kya mamu apko mera yahan ana achha nahi laga? Agar ap kaho toh wapis chala jaun?
Rahul ne jaan bujh kar sad si shakal bana kar bola toh Manager Sahab ka munh hi utar gaya.
“Are beta kaisi baat kar rahe ho. Main aisa kion sochunga balki main toh khus hun k itne dinon baad mere bhanje ka chehra dekhne ko mil raha hai. Jab v tumhe dekhta hun toh didi ki yaad a jati hai. Main toh bata nahi sakta k main kitna khus hun aur tu jane ki baat kar raha hai.”
Manager Sahab kus jyada hi emotional ho gaye the aur Rahul apne mama ji ko jyada pareshan v nahi karna chahta tha.
“are mama ji ap toh bhawuk ho gaye main toh majak kar raha tha.”
Manager: yaar aisa majak kon karta hai bhala. Chal chhod aur bata sab theek thak toh hai na.
Rahul: Ji sab badiya ap bataiye?
Manager: apna v sab achha hi chal raha hai. Chal tu a baith aur bata kya khayega.
Rahul(chair par baithte huye): khana peena kuchh nahi hai. Ap baithiye apse kus important baat karni hai.
Rahul ki baat sunkar Manager Sahab jhat se apni kursi par baith gaye aur apna pura dhyan uski taraf karke uske bolne ka intzaar karne lage. Rahul ne v bina jyada waqt gabaye apni baat shuru ki.
“Mamu mujhe apse ek important topic pe baat karni hai. Apko toh pata hi hai k maa ka shuru se ek sapna tha k use ek pyara sa restaurant kholna tha.”
Mama: han mujhe yaad hai didi toh shuru se Restaurant hi kholna chahti thi par hamare pita ji ne uski ek na suni aur uski shadi tumhare baap se karwa di uske baad toh uski jindagi bas tham si gayi.
Rahul: Mamu main isliye chahta hun k maa ka wo sapna main pura karun. Halanki mujhe pata hai k unhein ab is cheez se koi farak nahi padega par kam se kam hamare dil ko toh achha lagega na.
Mama: are wah yeh toh boht achha vichar hai. Tumhe kisi v tarah ki madad ki jarurat hai toh main tumhare sath hun. Tum bas batao k kitna kharcha hoga.
Rahul: mujhe pata hai k ap hamesha mere sath hain. But abhi mujhe loan ki jarurat hai aur wo v ek dum genuine tarike se koi special treatment nahi.
Mama: par tumhe loan kion chahiye. Uske liye sau magazmaari karni padegi. Wait karna padega aur thodi bahut down payment v karni padegi.
Rahul: ap uski tension mat lijiye. Ap bas mujhe yeh bataiye k mujhe kya kya documents chahiye aur kya procedure hoga and kitne paison ka intzam mujhe khud se karna hoga.
Mama: chal thik hai jaisi teri marzi. Par han bhulna mat k jab v kisi help ki jarurat pade toh tera mama abhi jinda hai.
Rahul: yeh v koi bolne ki baat hai bhala.
Fir manager sahab ne sare documents ki list bana kar Rahul ko dedi aur use pura process v samjha diya. Rahul wahan kus der aur ruka aur fir wahan se apne ghar ke liye nikal gaya. Rahul pure raste loan ke bare mein hi soch raha tha. Wo ander se kafi khus v tha kionk wo pehli baar apni life mein khud se koi kaam kar raha tha aur uske liye wo kisi se help v nahi le raha tha. Vaise ek tarah se toh achha hi huya k Rajiv ne use paise dene se mana kar diya.
Khair apne vicharon mein khoya Rahul kab apne ghar pahunch gaya use pata hi nahi chala. Usne jaise hi ghar ka darwaja khola toh use laga mano kahin galat address par a gaya ho. Ghar mein toh jor shor se sajo sajawat ka kaam jaari tha. Kiran aur Rajiv v jute huye the ghar ko sajane mein aur unke sath bahut se aur v log the. Lag raha hai k kisi party ki tyari chal rahi hai. But Rahul ko iska koi idea nahi tha k akhir yeh party kion ho rahi hai toh wo apni hi sochon mein gum darwaje par hi khada sab dekh raha tha.
