Naik
Well-Known Member
- 23,023
- 80,567
- 258
Behtareen shaandar update
Lagta h yeh chaaro ladko ki khair nahi
Isha ke awaz dene ki wajah se waha tow bach gaye
Lekin next time kahi aisa huwa tow bahot bura hoga
Dekhte h aage kia hota h
Lagta h yeh chaaro ladko ki khair nahi
Isha ke awaz dene ki wajah se waha tow bach gaye
Lekin next time kahi aisa huwa tow bahot bura hoga
Dekhte h aage kia hota h
- 2,539
- 32,601
- 189
Chapter 36
Yeh gali kaafi narrow thi aur iski walls bhi halki city light ko jaise absorb kar rahe the. Us gali ke corners par jo trash bins rakhe hue the jo odd angles par jhuke hue the aur unke andar ka kachra unke aaspaas faila hua tha. Ground par jo paani tha uspar city light halki halki reflect ho rahi thi. Wahi ek billi wahan rakhe hue crates ke bich mein se bhaagte hue chali gayi jab usne ground par kuch heavy hit ke saath crash hone ki awaaz suni.Yeh koi kachra nahi tha.
Us gali ke gande concrete par 3 young ladke pade hue the. Unhe dekh kar lag raha tha jaise wo late teens ya phir early twenties mein hai. Wo sabhi behosh the aur unki breathing bhi kaafi low thi. Wahi iske saath hi unke body par halki halki injuries ke marks bhi bane hue the jo shayad agle kuch weeks tak unhe yeh yaad dilane wale the ke unhone aaj morning mein kya kiya hua hai.
Abhi ek aur ladka bacha hua tha jo hosh mein toh tha lekin kitni der rehne wala tha yeh nahi bata sakte the.
Wo abhi ground se upar hawa mein utha hua tha aur uske dono pair hawa mein zor se hil rahe the. Wahi uske dono haath uske gale ko pakadne wale haath ko push karne mein lage hue the.
Yeh person jisne is ladke ko hawa mein utha rakha tha yeh koi aur nahi balki Veer hi tha. Veer ne bina kisi effort ke us ladke ko gale se pakda hua tha aur phir use hawa mein utha rakha tha. Usne apni grip ko sirf itna hi tight rakha hua tha jisse wo ladka halki saans le sake. Uski aankhe jo is time par halki golden light ke saath shine kar rahi thi wo us ladke par jaise lock ho gayi thi. Wahi darkness mein un shine karne wali aankhon ko dekh kar wo ladka bhi poori tarah se dar gaya tha.
Is ladke ka naam tha Robin, lekin Veer ne abhi tak use uska naam nahi poocha tha. Use poochne ki zarurat bhi nahi thi kyun ki wo Robin ki fast chalne wali heartbeat, uske shake hone wale muscles, aur jo dar is time par Robin show kar raha tha wo sab kuch feel kar sakta tha.
Robin ne aisa kuch pehle kabhi bhi feel nahi kiya hua tha. Uske peeche kabhi aise log bhi pade hue the jo usse gussa the, kai baar uski aur daaru ke nashe mein dhut hue pade logon ke saath fight bhi hui thi. Even kabhi kabhi usne low level hunters ko bhi cross kiya hua tha, lekin is time par jo wo feel kar raha tha wo kaafi different tha. Yeh sirf physical nahi tha. Balki Veer jis tarah se use dekh raha tha uski nazar aise lag rahi thi jaise wo Robin ke skin se aage badh kar uske soul tak ko dekh rahi thi. Saath hi use ek invisible pressure ke saath crush kar rahi hai.
Veer ne ek cold tone ke saath Robin se poocha.
"Tumhe kisne bheja tha?"
Yeh sawaal kisi conversation ke liye nahi balki Veer ka ek tarah se order tha.
Robin ne desperate hote hue apne sir ko naa mein hilaya aur kuch kehne ki koshish kar raha tha lekin uski awaaz hi jaise choke ho rahi thi. Veer ne apni grip ko loose nahi kiya. Wahi uski aankhe ek moment ke liye pehle se bhi zyada bright light ke saath shine hui aur unhe dekh kar Robin samajh gaya ke agar yeh person chahe toh use jab chahe maar sakta hai.
Veer ne Robin ko apne face ke kuch close laya aur is wajah se uski saanse bhi Robin ko feel hone lag gayi thi.
Veer ne waise hi Robin ki aankhon mein dekhte hue usse kaha.
"Is tarah ke incidents aise hi by chance nahi hote hai. Zaroor kisi ne meri family ko flag kiya hua hai. Toh kaun hai wo?"
Robin khaaste hue saans lene ki koshish kar raha tha. Uski aankhon mein panic dikhna start ho gaya tha. Yeh oxygen ki kami ki wajah se nahi balki Veer ka presence jaise uski soul ko pehle se zyada crush karne lag gaya tha. Uski body yahan se bhaagna chahti thi lekin un golden light ke saath shine hone wali aankhon ne jaise uske mind ko freeze kar diya tha.
Kuch zor ki saanse lene ke baad halke halke words uske muh se nikalne lag gaye.
Usne zor zor se saans lete hue kaha.
"Hume ek message aur kuch paise mile hue the. Tumh.....tumhari family ke saath mess karne ke liye. Yeh ek tarah ka message tha tumhare liye."
Yeh kehte hue hi Robin behosh hone lag gaya.
Wo aage kuch bhi bata nahi paaya.
Yeh sun kar Veer zor se apne daanton ko bheench liya. Aisa kuch usne pehle hi suspect kar liya tha. Aise chhote manchale aise hi bina baat ke kisi bhi stranger ko follow nahi karte the. Zaroor kisi ne Veer aur uski family ko flag kiya hua hai in sabhi baaton se suffer karne ke liye.
Veer ki grip Robin ke gale par halki si tight ho gayi par itni bhi nahi ke wo snap hi ho jaaye. Wahi iski wajah se Robin ki aankhe jaise badi ho kar bahar aane ko ho gayi thi. Uske pair aur bhi zor se shake karne lag gaye. Waise toh Veer ke mind mein ek pal ke liye yeh bhi aa gaya tha ke wo in sabhi ko yahi maar de. Lekin usne is baat ko apne mind se nikal diya. Wo yahan par in jaise insects ko maarne nahi aaya tha.
Use uske sawaalon ke answers chahiye the aur Robin ne jitna usse ho sakta tha use bata diya tha. Aaj ki raat ke liye itna kaafi tha.
Robin ki struggle slowly kam ho gayi aur wo behosh ho gaya. Veer ne use ek pal ke liye dekha aur uski nazar abhi bhi Robin ke face par tiki hui thi. Lekin agle hi pal mein usne Robin ko bhi us taraf phenk diya jahan par uske 3 dost behosh ho kar pade hue the. Robin udte hue ja kar ground par crash hua aur uske behosh hue dost ke side mein gir gaya. Wo chaaron ko dekh kar hi aisa lag raha tha jaise iske baad unke andar koi bhi pride nahi rehne wala hai.
Wo gali ek baar phir se shaant ho gayi aur kuch distance se city road par jo vendors lage hue the unki awaaze aane lag gayi.
Veer ne apne jacket ke sleeves ko adjust kiya aur isi ke saath uski shine hone wali aankhe bhi shaant ho gayi. Crunching steps ke saath Veer us gali mein se nikal kar bahar aaya aur apne ghar ki taraf chala gaya.
Uske aaspaas vendors aur vehicles ki awaaz ghoom rahi thi lekin uske mind ko jaise yeh kuch bhi touch nahi kar paa raha tha.
Uske mind mein Robin ne usse jo baat kahi wahi chal rahi thi.
Kisi ne uski family ko mark kiya hua hai. Yeh jo koi bhi hai use yeh lag raha hai ke agar wo Isha ke peeche jaate hai toh wo Veer ko push kar payenge. Iska yahi meaning tha ke yeh kahi se bhi random nahi tha aur ise pehle se plan kiya gaya hai.
Agar yeh sab plan kiya hai matlab uske enemies bhi uspar nazar rakhe hue hai.
Waise hi raat mein achhi thandi hawa chal rahi thi lekin Veer ke liye yeh kuch bhi nahi tha. Usne apni heat ko phir se apne andar suppress kar diya tha. Lekin uski power poori tarah se ready thi agar Veer ko kahi se bhi koi threat feel hota hai.
Jinhone bhi un ladkon ko bheja tha unhone kaafi badi galti kar di thi.
Kyun ki Veer toh unhe dhoond kar hi rehne wala tha.
Aur jab wo uske haath lagenge tab wo unhe koi bhi warning nahi dene wala tha.
parkas
Well-Known Member
- 33,558
- 71,222
- 303
- 2,539
- 32,601
- 189
Chapter 37
Aaj Veer ka assessment day tha. Is liye wo apni morning training ko complete kar ke jaldi hi Association aa gaya tha. Gate par apne ID ko scan karne ke baad Veer ne Association ke building mein enter kar liya. Wahan par kaafi saare employees apne apne task mein busy thi aur Veer ne dekha ke corner ka reception desk free hai. Veer yeh dekh kar us direction mein badh gaya.Veer ke mind mein abhi bhi yahi chal raha tha ke wo apni strength kis level tak show kare. Afterall usne apne reassessment wale form mein yahi mention kiya hua tha ke usne recently hi new rank mein breakthrough kiya hua hai. Aise mein agar wo normal se zyada show karta hai toh kaafi saare sawaal uth sakte the. Specially tab jab uske pehle ke reports yeh show kar rahe ho ke wo ek E rank awaken hai.
Jab tak Veer us reception desk tak pahoch jaata usne soch liya tha ke wo D se C rank ke bich mein khud ki level ko show karega. Yahi uske liye sab se best option tha. Afterall uske awaken records mein yahi mention tha ke wo kaafi long time se E rank par hi hai. Aise mein agar Veer jaisa awaken person kisi bhi breakthrough ko experience karta hai toh uski mostly rank D se C rank ke bich mein hi reh sakti hai.
Us reception desk ke close aane ke baad Veer ne apne phone ko nikala aur uspar jo message aaya hua tha use show karte hue us reception par baithe hue employee ko kaha.
"Main reassessment ke liye aaya hu."
Veer ki baat sun kar us employee ne Veer ke phone ko liya aur uspar jo code show ho raha tha use apne system mein enter kar ke records ko dekhne laga. Kuch hi der mein uske saamne Veer ki poori file open hui aur usmein yeh bhi show ho raha tha ke Veer ne recently hi reassessment ke liye apply kiya hua hai.
Yeh dekh kar us employee ne apne system par kuch sections ko fill kiya aur phir usne Veer ko uska phone dete hue kaha.
"Hunter Veer, aap ja kar waiting area mein rukiye."
Yeh sun kar Veer ne apna phone liya aur us employee ko dekhte hue smile ki aur kaha.
"Thank you!"
Yeh keh kar Veer wahan se chala gaya aur aa kar waiting area mein baith gaya. Waise toh Veer ki body mein ether ka presence kaafi low tha lekin Veer apni energy ko uske body mein jo ether hai uske saath mask kar ke show kar sakta tha.
Veer waiting area mein apni aankhon ko close kiye hue baitha raha. Kuch hi der ke baad ek employee ne wahan aa kar Veer ko awaaz lagayi ke wo uske saath chale.
Veer ne apni aankhon ko open kiya aur phir us employee ke saath jaane lag gaya.
Jaldi hi Veer aur wo employee chalte hue aa kar aise area mein aaye jahan par kaafi saare rooms the. Aise hi ek room ke saamne aa kar Veer aur wo employee ruk gaye. Us employee ne apne ID ko scan kar ke us room ke door ko open kiya aur Veer ko ishara karte hue apne peeche aane ke liye kaha.
Jaise hi Veer ne us room mein enter kiya waise hi usne dekha ke yeh room normal size se kaafi bada hai aur iske walls bhi silver aur reflective hai jo dekh kar aisa feel ho raha tha jaise wo kisi blade ke andar ho.
Wo employee ja kar us room ke corner mein bane hue control panel ki taraf aaya aur usne use start kiya.
Us room ke centre mein ek kaafi bada sa sphere bana hua tha jo dekh kar lag raha tha ke iski height atleast 2 meter tak ho sakti hai. Yeh sphere ek elevated base par bana hua tha. Iska surface glass jaise shine kar raha tha. Yeh sphere ek machine thi jisse Association awaken ones ki rank ko measure karte the. Iski speciality yeh thi ke yeh S rank tak ke pressure ko bhi survive kar sakta tha.
Kuch hi der mein us employee ne Veer ko ishara kiya ke wo ready hai aur usne use dekhte hue kaha.
"Hunter Veer, aap ja kar us sphere par apna haath rakhiye aur apni energy ko usmein flow kariye. Yeh core is energy ke output ko measure kar ke aapki breakthrough ke baad wali rank show karega."
Veer ne yeh sun kar apna sir haan mein hilaya aur ja kar us elevated base par khada ho kar usne apne right haath ko us bade se sphere par rakh diya. Us sphere ka glass jaisa surface Veer ko cold feel ho raha tha.
Veer ne apni aankhon ko close kiya aur apni divine energy ko ether ke signature se similar mask karte hue use uske body mein jo ether particles present the unke saath mix karne lag gaya. Uske aisa karne ke baad Veer ne us mask ki hui energy ko ek controlled flow ke saath measuring sphere mein inject karne lag gaya.
Veer ke aisa karte hi wo sphere ke andar se ek low level ki humm release hone lag gayi. Us sphere ke glassy surface par soft blue lines race karne lag gayi thi aur saath hi wo soft light ko bhi emit kar rahi thi. Wo employee uske control panel ko kaafi attention ke saath dekh raha tha. Uski screen is time par kaafi saari readings ko show kar rahi thi.
Agle 2 minutes tak Veer aise hi apni energy ke flow ko controlled way se us sphere mein inject karne wala tha.
Agar wo yahan par halka sa bhi slip hota hai toh uski natural nature par kaafi saare sawaal uth sakte the. Aise mein uski taraf aane wala attention kahi se bhi achha nahi ho sakta tha. Upar se uski family ko pehle se hi kisi unknown person ne mark kiya hua hai. Is sab ke bich agar Veer ki power ke nature par sawaal uthne lag jaate hai toh yeh sirf na uske liye balki uski family ke liye sab se zyada dangerous ho sakta tha.
2 minutes ke baad us employee ne Veer ko rukne ke liye kaha.
Uski baat sun kar Veer bhi ruk gaya aur usne apna haath us sphere se hata diya. Us sphere ke andar se jo humm aa raha tha wo bhi ruk gaya aur uske saath uske glass surface par jo blue lines bani hui thi wo bhi gayab hone lag gayi.
Sabhi readings ko dekhne ke baad us employee ke face par surprise wale expressions aa gaye. Usne sabhi readings ko sahi se check karne ke baad Veer ko dekh kar smile ki aur kaha.
"Congratulations Hunter Veer, aap upper D se lekar lower C rank ke bich mein ho. Is liye is time par aap ka hunter license update ho kar D rank show karega. Yeh sab kuch hone mein kuch 2 se 3 din lag sakte hai."
Yeh sun kar Veer bhi smile kiya aur usne us employee ko dekhte hue kaha.
"Thank you! Ab main shayad Western Ghats ke subjugation mission mein select ho sakta hu."
Isi ke saath Veer us room se nikal kar bahar aa gaya aur same reception desk ki taraf chala gaya.
Last edited: