- 18,429
- 125,334
- 259
Update 18 Dsouza Getting Closer To the Murderer?
Dsouza ka phone baja aur uss se kaha gaya ke Tyagi police station mein laya gaya hai.
Wo turant police station pahuncha aur ab uss se sawal jawaab shuru hua Dsouza ka.
Tyagi se Dsouza ne sperm ke sample nahin liya, buss usske muhn ke andar ek cotton bud se thoda usska thook liya aur daanton par cotton bud ko ragadh ke aur ziada baterias liya Dsouza ne jiss se wo usske DNA nikal paega.
Sawaal jawaab karne se, Tyagi se bhi kuch ziada jaankaari nahin mili. Wohi sab pata chala jo sabko already pata hai ke wo bhi raaton ko jaya karta tha Ruksanah ke ghar jab Tariq casino mein hota tha.
Magar jab Dsouza ne uss se pucha ke usske ilawa aur kaun kaun office ke log Ruksanah ke saath sote hein to Tyagi ne ek naam liya. Iss naam ko aaj tak kissi ne nahin liya tha. Nah Tariq ne aur nah usske donon doston ne.
Dsouza ne Tyagi se pucha ke ussko keise pata uss baare mein to Tyagi ne bataya ke office ke saare mard hi ruksanah ke diwane the, aur unnmein se ek wo bhi the.
Tyagi ne puchne par yeh bhi bataya ke haan sahi baat hai ke wo Ruksanah ke pita ko bhi jaanta tha aur usske ghar bhi gaye hein seikron baar Ruksanah ke saath. Jab uss se pucha gaya ke Ruksanah ke pita ka rawayya keisa hota tha jab wo unnke ghar mein ruksanah se milte the to tyagi ne kaha ke bilkool normal the wo uss se.
Dsouza ne Tyagi se pucha ke usske khayal se kaun Ruksanah ko uss behrehmi se kaat ke maar sakta hai to Tyagi ne kaha wo ek bahot hi jealous aadmi ka kaam ho sakta hai, jo ya to ruksanah ko behad par karta tha ya behad nafrat.
To Dsouza ne uss se pucha ke wo bhi to unnhi logon mein se tha, tab Tyagi ne bataya ke wo Ruksanah se nah pyar karta tha nah nafrat, ussko buss usske jism se pyar tha jo sirf chand ghanton ke liye bistar par hua karta tha aur kuch nahin. Uss ne yeh bhi bataya ke ruksanah bed par best thi, kissi bhi mard ko dunya bhar ki Khushi deti thi bistar par.
Dsouza ne ussko jaane diya magar uss se kaha ke sheher ke baahar bilkool nahin jaaye case ki jab tak kaarwaayi chal raha hai.
Dsouza uss ek naam ko search karne mein lag gaya.Woh naam tha Sharon!! Virendra aur Rocky se pucha ke kia wo uss naam ko jaante the jawaab nah mein mila, tab Dsouza tariq se mila aur uss se pucha, Tariq ne bhi negative jawaab diya. Dsouza sochne laga ke shaayad wo foursome wali aurat jissko Darling naam se jaana jata tha usska naam Sharon hoga.
Aur phir Dsouza office gaya jahan ruksanah kaam karti thi, Wahan Anjali se mila aur uss se pucha, heyrat ki baat thi ke Anjali ko kuch bhi nahin pata tha. Tyagi chhuti par tha, to Dsouza ne Anjali se pucha ke jiss naam ke baare mein wo puch raha hai kia wo iss office ka mulazim nahin hai, to Anjali ne kaha ke uss naam ka koyi bhi uss office mein kaam nahin karta tha. to Dsouza ne Anjali se kaha ke tyagi ne uss naam ko liya aur kaha ke wo bhi ruksanah ke saath ishk karta tha. Tab Anjali ne kaha ho sakta hai wo ek nick name ho aur usska asli naam kuch aur hoga.
Dsouza ne Anjali se tyagi ko phone karne ko kaha kyunke ussne tyagi ka number file mein chorr aya tha apne mobile mein nahin liya tha uss waqt.
Jab tyagi phone par mila to Dsouza ne uss naam ke baare mein pucha to tyagi ne kaha wo naam khud Anjali ki hai, usska nick name Sharon hai asli naam Anjali hai!
Tyagi ne ahiste se Dsouza se kaha,
“Agar aap iss waqt Anjali ke paas ho to Sharon naam mat lena please, ussko nahin pata ke hum ussko uss naam se bulaate hein, Anjali lesbian hai aur Ruksanah ka pakka bed partner hai wo!”
Dsouza ko jabardast jhatka laga, wo Anjali ko dekhte hue Tyagi ke baat sun raha tha aur uss pal ko Dsouza ko laga ke wo ek chorri kar raha hai aur Anjali se ussko darr lag raha tha….
Kissi tarah se Dsouza ne apne mobile se Anjali ke kuch tasveerein liye bina Anjali ko bataaye. Ab Dsouza soch raha tha ke kahin Anjali hi uss raat ko Virendra aur Rocky ke saath to nahin thi? Magar Anjali to Rocky ki di hui description ki nahin thi, wo kad mein oonchi to nahin thi, khubsurat thi, slim body thi, usski chaati aur gaand utna bada nahin tha jitna Rocky ne bataya tha……
Anyway, Dsouza wapas station gaya aur rocky aur Virendra ko bulwaya aur Anjali ki photo dikhaya donon ko aur pucha ki wo thi foursome wali raat ki Darling?
Rocky ne photo dekhte hi kaha,
“are Sir yeh to Anjali hai Ruk ki Saheli!”
Dsouza: “Tum jaante ho issko? Kia yeh nahin thi uss raat tumhare saath foursome karte hue?”
Virendra ne Anjali ki tasveer ko ghaur se dekhte hue kaha,
“Hey Rocky ghaur se dekh isski shakal kuch kuch uss ladki se milti hai, yeh profile wali pic dekh nah, kia usski shakal eisi nahin thi?!”
Rocky ne ghaur se dekha tab kaha,
“are haan, tumne keise yeh notice kar liya re!! haan Sir eisi hich dikhti thi wo giant ladki, kaafi milti julti chehra hai!”
Dsouza ko bahot ghussa aane laga tha, aur ussne ek zor ka ghunssa mara table par aur kaha,
“what the fuck man! What the hell is going on?! Isski shakal milti hai magar wo nahin hai kia tum donon bhi koyi game khel rahe ho mere saath ab?!”
Tabhi Panday uss room mein aya aur kaha,
“Dsouza Sir, Expert forensic wala result abhi abhi aya hai kia aap check karoge?!”
Dsouza ne unn donon ko wahin baithne ko kaha aur gaya result dekhne….
Usske jaane ke baad Rocky ne Virendra se kaha,
“abe tu chup nahin reh sakta tha? kia zaroorat thi yeh kehne ko ke wo shakal milta hai? Ab lafde mein padna hai kia tumko? Hamein kia pata kaun thi wo? Ab shakal milti hui dikha tumko to buss chhup raha kar nah?! sala pata nahin kab yeh sab lafda khatam hoga, har roz yaha aakar mera to mann bhar gaya hai!”
Virendra: “sala mujhe kia pata tha ke wo bhadkega, main ne wohi kaha jo mujhe laga….. magar sala sach mein usski shakal milti julti hai uss saali se hai ke nahin?!”
Rocky: “abe milti hai ke nahin hamein iss se kia? Usska kaam hai usse karne de itna madad nahin karna hamein, ab wo kuch bhi puche chup rehna munh bhi mat kholna marne de saale ko!”
Expert ke report mein yeh aya tha ke Ruksanah ke jism ke andar paaye gaye sperm kissi 50 plus aged aadmi ka tha aur jo sperm ruksanah ki jaanghon par paaye gaye the wo 18 se 20 saal ki vyakti ka tha….
Yeh padh kar Dsouza aur bhi shocked hua ke ab 18/20 saal ka kaun ho sakta hai jo Ruksanah ko jaanta tha?!”
Dsouza khayaalon mein gum wapas aya unn donon ke paas. Wo kissi teenager ko soch raha tha jo Ruksanah se related ho sakta tha….. donon baithe Dsouza ko ghurr rahe the aur ek ne pucha,
“Sir hum ghar wapas jaa sakte hein kia?”
Weise hi khayaalon mein gum Dsouza ne donon ko jaane ko keh diya. Aur jab wo donon darwaaze tak reach hue to Dsouza bola,
“Sunon kia tum kissi 18 se 20 saal ke ladke ko jaante ho jo Ruksanah se mila karta tha?”
Donon ke jawaab nah mein aya, aur donon wapas chale gaye. Dsouza ne Tariq ko phone kiya aur wohi baat pucha, Tariq ne bhi nah kaha.
Dsouza khud badbadaane laga,
“Sala jab main ne yeh case liya tha to sab se pehle jiss se Ruksanah ke baare mein sawaal kiye the wo thi Anjali, mera pehla interrogation Anjali se hui thi, wo ghar par thi jiss din Ruksanah ne half day liya tha kaam se…. aur jiss taraf raaste mein Ruksanah ki mobile off hui thi wo raasta Anjali ke ghar ke taraf hi jata hai…. Yeh mujhe pehle kyun nain dikha? Hmm iss liye ke Anjali to frame mein thi hi nahin wo to bilkool clean nazar aa rahi thi case mein….. par ab iss Sharon naam ka kia chakkar hai pppfffffff! Iss Anjali se phir baat karna hoga….. yeh bhi lesbian thi? To uss din issne kaha tha ke ussko pata hi nahin tha ke ruksanah ne half day liya tha, ussko fever thi aur wo kaam par nahin gayi thi, kia usska Ruksanah se milne ka program tha? kahin mile the yeh donon? Dhundna padega…….
To be continued…………..
Last edited:
