Fantasy God and Devil

[Sandy307]

SORRY TO SAY.. But Akash ka jo character tha vah ab nahin hai ab use bahut jyada compromise karna padta hai Aisa kyon...???

. AUR Aakash pahle rude tha ab ekadam se badlav kaise ab yah sab ko bacha raha hai... ​

. Sorry BHAI but abhi story 2 ,3 update se boring ho rahi hai...

Thanks For Such A Lovely Comment Bhai

Compromise Karne Ki Ek Vaja To Ye Hai Ki Uske Sath Aur Bi Log Hai Jinko Vo Khatre Me Nahi Dalna Chata Kyoki Usne Promise Kiya Hai Ki Vo Uney Surakshit Survivor Enclave Me Ponchaye Ga, Dusara Tiger Ke Pass Guns Hai Aur Uske Aadmi Bi Jada Hai, Akash Abi Itna Strong Nahi Hai Ki Vo Goliyo Se Bach Paye Agar Vo Bach Bi Gayea To Uske Sath Vale Nahi Bach Paye Ge.

Vasey Main Spoiler Nahi Dena Chahta Par Ek De Deta Hun Ki Is Story Me Normal Fight Nahi Hogi Sidha Killing Hogi, So Jab Bi Kisi Insan Se Ladayi Hogi To Hadiya Nahi Tutey Gi Sidha Jaan Jaye Gi.

Mujey Pata Hai Bhai Story Thodi Boring Lag Rahi Hai Sabko Lekin Apne Padha Hi Hoga Ki Main Kisi Scene Ko Lamba Nahi Khich Raha, Chote Chote Scene Hai Jinko Cut Nahi Kar Sakta, Ek Do Update Aur Normal Honge Uske Baad Story Interesting Honi Suru Ho Jaye Gi.

Keep Reading
Keep Supporting

 

[Sandy307]

Nice update

Thanks For The Lovely Comment Bro
Keep Reading
Keep Supporting

 

[Sandy307]

Awesome updates

Thanks For The Lovely Comment Bro
Keep Reading
Keep Supporting

 

[Sandy307]

Experience is the best teacher. Akash khud kma kr apna gujara karne vala banda tha isliye use duniyadari ki samajh uske group se jyada thi or usi ka fayda akash ko ab mil rha hai lekin Jaise jaise apna safar aage bdha rha hai Vaise Vaise kathinaiyo ke sath experience bhi mil rha hai...
Akash ne yha villege me aakr jo niyam dekhe hai Unme se Jo use situation ke hisab se sahi lage unko lagu kr rha hai Apne group me or survive karne ka basic yhi hai situation ke hisab se badalna, jaha jaisi situation Vaha Vaisi strategy...
Superb update bhai jabarjast sandar

Thanks For Such A Lovely Review Bhai
Keep Reading
Keep Supporting

 

[Sandy307]

Akash ko always bright village se bhar jaye aab
Awesome

Thanks For The Lovely Comment Bro

Akash Keya Karta Hai Ye To Story Me Pata Chale Ga, Sath Bane Rahiye

Keep Reading
Keep Supporting

 

[Sandy307]

bro kuch kar ka story ko intrsting karo .story sa intrest khatam ho raha ha .pichla 2 hafyo sa story ak hi jaga pa atki huwi ha .smal updats ki waja sa kindly agar ap daily updats nah da sakta .to jab hi da full maga update da .is form par kai writers yahi formula use karta ha .
week ma 2 sa 3 update data ha baki din story pa kam karta ha but jab update data ha to dil kush hota ha

Thanks For The Lovely Comment Bro

Bro Story Interesting Jarur Hogi Bs Thoda Intejar Aur Kar Le

Keep Reading
Keep Supporting

 

[Sandy307]

Update 33
Gruel​

Akash Ko Ander Ata Dekh Aman Ke Cehre Ka Rang Badalne Laga, Usne Apni Gun Pakdi Aur Ghabrate Huye Akash Ki Tarf Dekhte Huye Bola: “Akash Tum Keya Chahte Ho?”

Shalu Ne Apni Beti Ko Gale Lagaye Akash Ki Tarf Dekha.

Akash Aman Ko Ghurte Huye Cold Voice Me Bola: “TUM KEYA CHAHTE HO?”

Ab Aage

Akash Ke Is Tarha Bolne Se Aman Darte Huye Do Kadam Piche Hat Gayea, Fir Apna Dar Par Kabu Patey Huye Vo Confidence Se Bola: “Main Unke Sath Business Transaction Kar Raha Hun, Do Steamed Bun Ek Din Ke Liye, Ye Koyi Juram Nahi Hai Agar Tum Chaho To Brother Tiger Ko Bata Sakte Ho, Main Kuch Galat Nahi Kar Raha.”

Akash Ke Pass Khadi Sonia Se Raha Nahi Gayea Aur Vo Boli: “Besharm!!”

Baki Ladkiyo Ko Ye Umeed Nahi Thi Ki Aman Esey Words Khule Aam Bol Dega.

Abhi Ne Akash Ki Tarf Dekha Uski Ankho Me Khoon Utar Ayea Tha.

Akash Ne Abhi Ki Tarf Dekhte Huye Apna Sar Na Me Hilaya Kyoki Abi Sahi Samey Nahi Tha Tiger Ke Khilaf Jane Ka Kyoki Agar Eysa Kuch Hota To Dono Group Ko Life And Death Situation Ka Samna Karna Padta.

Akash Ne Apni Pocket Se Do Compressed Biscuit Nikale Aur Indifferently Shalu Se Bola: “Ye Do Compressed Biscuit Hai Main Is Se Tum Dono Ko Kharidna Chahta Hun! Agar Tum Mere Sath Raho Gi To Tun Bs Vahi Kam Karna Hoga Jo Tume Diya Jaye Ga Aur Vo Kam Karne Se Tume Kabi Bhookha Nahi Rehna Pade Ga, Agar Tum Iney Leti Ho To Aacha Hai Varna Tumhari Marji.”

Shalu Jaldi Se Aage Badi Aur Usne Akash Ke Hath Se Dono Biscuit Ko Pakd Liya Aur Boli: “Main Teyar Hun! Main Teyar Hun!”

Z-Age Se Pehle Shalu Ek Ayant Saksham, Anubhavi Samrddh Safal Business Women Thi, Usne Dekha Ki Akash Ke Piche Kayi Jawan Aur Sundar Ladkiya Hai Aur Un Me Se Kisi Ke Cehre Par Bi Bitterness Nahi Hai, Ladkiyo Ke Dekh Usey Pata Chal Chuka Tha Ki Z-Age Ke Baad Bi Akash Ke Ander Insaniyat Abi Jinda Hai.

Jis Mahila Ko Vo Itne Vakt Se Pana Chahta Tha Usey Apni Ankho Se Samne Kisi Aur Ki Hota Dekh Aman Ki Ankho Me Gussa Bhar Gayea, Par Jab Usne Akash Ke Sath Khade Wb Ki Najro Ko Khud Par Mehsus Kiya To Vo Jo Kuch Bolna Vala Tha Usey Apne Muh Se Bahar Nahi Aney Diya Aur Udaas Ho Kar Vaha Se Bahar Jatey Huye Apne Mann Me Bola: “Akash Tum Ne Aj Aacha Nahi Kiya Iska Badla Main Jarur Lunga!”

Jese Hi Aman Vaha Se Geya Dolly Dhere Dhere Apna Compressed Biscuit Khane Lagi, Itni Choti Umar Me Hi Usey Pata Chal Chuka Tha Ki Khana Milna Bohot Muskil Hai, Chahe Usey Bohot Jada Bhookh Lagi Huyi Thi Par Usne Biscuit Ko Ek Baar Me Hi Nahi Khaya.

Dolly Ne Apna Ek Hath Biscuit Ke Niche Rakha Huya Tha Vo Khate Huye Un Crumbs Ko Chat Rahi Thi Jo Uske Hath Par Gir Rahe Thay, Ye Ek Hi Samay Me Cute And Pitiful Tha.

Kuch Log Abi Bi Shalu Ke Ghar Ke Pass Thay Jo Aman Ke Aney Se Vaha Thay, Kayi Bache Dolly Ko Biscuit Khate Irsha Ki Najro Se Dekh Rahe Thay.

Shalu Ke Ghar Se Bahar Nikal Ke Baad Akash Chalte Huye Ek Kamre Ke Pass Poncha Jo Dikhne Me Kisi Warehouse Jesa Laga Tha, Jese Hi Vo Uske Pass Poncha To Usey Uske Ander Se Mahilao Ke Karhane Aur Rone, Aadmiyo Ke Hasne Aur Galiya Dene Ki Avaj Suniya Dene Lagi.

Ander Se Aa Rahi Avajo Ko Sun Tiya Aur Jeena Ke Cehre Ka Rang Udd Gayea.

Ravi Us Kamre Ke Tarf Dekhte Huye Apne Honto Par Jeebh Fairte Huye Bola: “Ye Hai Henhouse! Jab Tak Ap Big Brother Tiger Ke Liye Kam Karte Ho, Ap Ander Majud Mahilao Ke Sath Kuch Bi Kar Sakte Ho.”

Akash Bina Vaha Ek Pal Ruke Dusari Jagha Ki Aur Bad Gayea, Uski Power Ki Bi Limits Thi Apne Group Ki Suraksha Karna Pehle Hi Atyant Kathin Tha, Vo Nahi Jan Na Chahta Tha Ki Ander Keya Ho Raha Hai Kyoki Usey Dar Tha Ki Agar Usne Ek Baar Ander Dekh Diya To Sayad Fir Vo Apne Ap Par Kabu Na Kar Paye Aur Koyi Galat Kadam Utha Le.

Akash Chalte Huye Village Ke End Me Aa Gayea, Vaha Ponchne Ke Baad Usko Ek Choti Nadi Dikhi, Jise Dekhte Huye Vo Bola: “Ravi Yaha Par Nadi Hai To Tum Log Vaha Ja Kar Khane Ke Liye Fish Ko Nahi Pakdte? Nadi Me Fish And Shrimp Aram Se Mil Sakte Thay, Uney Pakdne Ke Liye Village Valo Ko Bs Thoda Apne Dimag Ka Istemaal Karna Hoga, Eyaa Karne Ke Unko Khane Ke Liye Aram Se Kuch Food To Mil Hi Jaye Ga, Nadi Hone Ke Bavajud Sabi Itne Bhookhe Kyon Najar Aa Rahe Hai?”

Ravi Haste Huye Bola: “Big Brother Akash Logo Ne Iske Bare Me Bi Socha Tha Par Zombies Ke Aney Ke Baad Nadi Ne Pata Nahi Kaha Se Pythons Aa Gaye, Agar Koyi Bi Nadi Ke Pass Jane Ki Kosis Karta Hai To Vo Us Par Hamla Kar Dete Hai, Ab Tak Pythons Ne Bohot Se Logo Ki Jaan Le Li Hai, Sabko Apni Jaan Bohot Pyaari Hai Jiski Vaha Se Vaha Jane Ki Koyi Himmat Nahi Karta! Past Me Big Brother Tiger Bi Un Pythons Ko Maarna Chahte Thay Par Jab Unke Char Logo Ki Jaan Chali Gayi To Uno Ne Me Vaha Se Mana Kar Diya.”

Akash Ne Pucha: “To Fir Tum Logo Nadi Se Pani Kese Lete Ho?”

Ravi Explain Karte Huye Bola: “Nadi Ki Side Me Esi Bohot Si Jagha Hai Jaha Pani Ekatha Hota Hai, Ham Un Shallow Area Se Pani Lete Hai, Un Shallow Area Par Fish And Shrimp Bi Hote Hai Par Kisi Bi Uney Pakadne Ki Himmat Nahi Hoti, Har Baar Pani Lene Ke Turant Baad Logo Vaha Se Vapis Bhag Atey Hai Kyoki Uney Dar Tha Ki Python Un Par Hamla Na Kar De.”

Akash Ne Kuch Sochte Huye Nadi Ki Tarf Dekha Fir Vapis Village Ke Ander Ki Tarf Chalne Laga, Arsenal Se Weapon And Ammo Ko Pana Fir Sabi Ladkiyo Ko Halong City Ki Tarf Le Jana Fir Apni Family Ko Dundne Ke Liye Jana Uske Current Goal Thay, Vo Abi Ke Liye Aur Kisi Musibat Me Nahi Padna Chahta Tha.

Dongfeng Truck Ke Pass Vapis Aney Ke Baad Akash Piya Ke Pass Ja Kar Bola: “Piya Tum Kuch Ladkiyo Ki Madad Se Gruel Teyar Karo, Aur Usko Thoda Patla Rakhna.”

Piya Se Bolne Ke Baad Akash Ravi Ke Pass Ja Kar Us Se Bola: “Ravi, Jayo Aur Ja Kar Sabi Bacho Se Kaho Ki Vo Yaha Gruel Ka Ek Bowl Har Meal Ke Time Khane Aa Sakte Hai, Tum Aur Tumhari Wife Bi Khane Ke Liye Aa Sakte Ho, Aur Uney Yaad Se Kehna Ki Apne Sath Bowl Le Kar Aye.”

Ravi Akash Ke Words Sun Hairan Ho Gayea Par Jald Hi Uske Expression Khushi Me Badal Gaye Aur Vo Akash Ka Sukriya Karte Huye Bola: “Sukriya! Big Brother Akash!! Sukriya! Main Abi Ja Kar Sabi Village Ke Logo Ko Bata Ta Hun, Ap Sach Me Ek Aache Aadmi Ho.”

Bolne Ke Baad Ravi Bhagta Huya Village Ke Ander Chala Gayea.

Akash Ke Faisale Par Koyi Kuch Nahi Bola, Village Me Ghumte Huye Sabne Bacho Ki Halat Dekhi Thi Vo Sabi Bacho Ki Madad Karna Chahte Thay Par Unke Hath Bandhe Huye Thay, Sabi Bache War Refugees Ki Tarha Thay Jo War Ke Doran Kisi Dusari Country Me Chale Gaye Ho.

Khana Milne Ki Khabar Jald Hi Sab Bacho Ke Pass Ponch Gayi Jise Sunte Village Ke Sabi Bache Dongfeng Truck Ke Pass Ekatha Ho Gaye.

Sabi Bacho Ko Dekhte Huye Abhi Cold Voice Bola: “Sabi Line Banayo, Agar Tum Me Se Kisi Ne Line Nahi Banayi Ya Kisi Ne Line Tod Kar Aage Aney Ki Kosis Ki To Usey Gruel Nahi Mile Ga! Sabi Ko Sirf Ek Bowl Gruel Miley Ga Agar Hamne Kisi Ko Dusari Baar Gruel Lete Dekh Liya To Aagli Baar Usey Kuch Nahi Miley Ga.”

Abhi Ke Words Sunte Hi Sabi Bache Ek Line Me Aa Gaye Aur Kisi Ne Bi Line Todne Ki Kosis Nahi Ki, Sabi Bache Gruel Lene Ke Baad Bohot Dheyan Se Usey Pee Rahe Thay Vo Ek Bund Bi Niche Nahi Girne Dena Chahte Thay, Always Bright Village Me Rehte Huye Uney Khane Ki Asli Value Ke Bare Me Aache Se Pata Chal Chuka Tha.

“Maa Ye Lijiye!” Ek ## Saal Ka Ladka Bowl Pakde Apni Bhookhi Maa Ke Pass Gayea Aur Do Ghunt Bharne Ke Baad Bowl Ko Uney Dete Huye Kaha.

“Nahi Beta Mujey Bhookh Nahi Lagi Ap Pee Lo!” Apne Bete Ki Tarf Dekhte Huye Us Mahila Ne Apne Bete Ko Gale Laga Liya Aur Uske Ankho Me Anshu Aa Gaye.

“Agar Ap Nahi Piyo Gi To Main Bi Nahi Piyu Ga!” Ladke Ne Jidd Karte Huye Fir Kaha.

Apne Bete Ki Tarf Dekhte Huye Vo Mahila Rotey Huye Gurel Piney Lagi.

Ye Scene Ne Aas Pass Ke Sabi Logo Ke Dilo Ko Choo Liya Aur Unki Ankho Me Bi Pani Bhar Ayea.

Usi Vakt Tong Kuch Militants Ke Sath Vaha Ayea Aur Sab Kuch Dekhte Huye Bola: “Bewakuf! Itne Rice Se Pata Nahi Kitni Aachi Dikhne Vali Mahilao Ko Kharida Ja Sakta Tha Aur Usne Vastav Me Un Chote Demons Ke Liye Iska Istemaal Kiya! Us Se Bada Bewakuf Koyi Nahi Ho Sakta!”

Tong Ke Pass Khada Ek Militant Chaplusi Karte Huye Bola: “Akash Ke Pass Bohot Skills Hai Lekin Big Brother Tong Ki Tulna Me Uski Mansik Shamta Me Bohot Kami Hai.”

Tong: “HA HA!”

Tong Ke Pass Khade Ek Militant Ne Tong Ko Tirashkaar Ki Najro Se Dekha Fir Akash Ko Ek Complicated Look Di.

Tong Ne Us Militant Ke Expression Ko Dekh Liya Jiski Vaja Se Uske Cehre Ke Hayo Bayo Badal Gaye Aur Vo Coldly Bola: “Vivek Maine Jo Kaha Keya Tume Aacha Nahi Laga?”

Vivek Young Tha, Usme Abi Bi Thodi Insaniyat Bachi Huyi Thi Jisko Vaja Se Us Se Raha Nahi Gayea Aur Vo Bola: “Big Brother Tong, Akash Ek Aacha Kam Kar Raha Hai, Eysa Kam Agar Ap Nahi Kar Sakte, To Jo Kar Raha Hai Apko Uska Majak Nahi Udana Chahiye.”

Tong Ka Cehra Kala Pad Gayea Aur Usne Besharmi Se Kaha: “Vivek Mujey Nahi Pata Tha Tum Itne Mahan Vyakti Ho, Chonki Tum Itne Nek Ho Tum Apna Kahan Uney Kyon Nahi De Dete? Tum Itne Nek Ho To Tum Hamare Sath Mahilao Ke Sath Maja Karne Kyon Jatey Ho.”

Ek Militant Bola: “Vah Ek Pakhandi Hai!”

“Sahi Kaha, Vah Ek Pakhandi Hai!”

Baki Militants Bi Ek Ek Karke Bolne Lage Aur Us Se Dur Ho Kar Khade Ho Gaye, Unko Suru Se Vivek Pasand Nahi Tha.

Sabki Bate Sun Vivek Ka Cehra Laal Pad Chuka Tha Uske Apni Muthiyo Aur Danto Ko Bhichte Huye Vo Apne Sathiya Ki Bato Ko Sehne Karne Ki Kosis Kar Raha Tha, Vo Tiger Ke Group Me Bs Food And Marne Se Bachne Ke Liye Samil Huya Tha, Uski Chetana Nast Nahi Huyi Thi, Jaha Tak Henhouse Ki Baat Hai To Vo Vaha Baki Aadmiyo Ke Sath Jata Jarur Tha, Ek Pehlu Uski Sarirak Jarurte Thi Aur Dusara Pehlu Ye Tha Ki Vo Apne Sathiyo Se Alag Nahi Hona Chahta Tha.

Tong Ne Sabki Tarf Dekha Fir Vivek Ke Shoulder Ko Thapthapate Huye Bola: “Sabko Ek Sath Ekatha Ho Kar Hangama Karne Ki Jarurt Nahi Hai, Ham Sab Bhai Hai, Vivek Ki Tabiyat Thik Nahi Hai Jiski Vaja Se Usey Nahi Pata Vo Keya Bol Raha Hai! Vivek Aayo Aur Sabse Maafi Manga Ye Mamla Yahi Sulaj Jaye Ga, Tumhare Maafi Mangne Se Ham Sab Fir Bhai Ban Jaye Ge.”

Tony Ke Bolte Hi Sabi Shant Ho Gaye.

Vivek Ne Badi Muskil Se Khud Ko Thik Kiya Aur Laal Cehre Se Sath Bola: “Mujey Maaf Karna Big Brother Tong! Main Galat Tha, Mujey Eysa Kuch Nahi Bolna Chahiye Tha!”

Vo Tong Ke Khilaf Nahi Jana Chahta Tha Kyoki Vo Nahi Chahta Tha Ki Usey Is Group Se Nikal Diya Jaye, Usey Aache Pata Tha Ki Group Se Nikalte Hi Vo Jada Din Survive Nahi Kar Paye Ga.

“HA HA! Koyi Baat Nahi! Bs Aage Se Dheyan Rakhna!” Tong Ne Haste Huye Vivek Ke Kandhe Ko Thapthapate Huye Kaha, Lekin Apne Mind Me Usne Vivek Ko Marne Ka Faisala Kar Liya Tha, Bs Usey Ek Aache Moke Ki Talash Thi Aur Usey Pata Tha Ki Vo Usey Jald Hi Mil Jaye Ga Kyoki Supplies Dundne Ka Mission Bohot Khatarnaak Hota Hai, Har Baar Jab Vo Supplies Dund Ne Jatey Thay Kisi Na Kisi Ko Mout Ho Jati Thi, Aur Vo Team Ka Leader Tha Agar Vo Kisi Ko Maarna Chahe To Uske Liye Ye Koyi Muskil Kam Nahi Tha.

Vahi Akash Ki Tarf, Tiya Chalte Huye Akash Ke Pass Gayi Aur Jhijhakte Huye Usne Low Voice Me Pucha: “Master Pehle Apne Abhi Ke Jariye Bacho Ko Bhaga Diya Tha To Ab Ap Uney Gruel Kyon De Rahe Ho?

Tiye Ke Words Sunte Hi Akash Ke Pass Khade Sabi Ke Kan Khade Ho Gaye, Uney Kahne Ki Mahatavta Ke Bare Me Aache Se Pata Tha, Aur Uno Ne Kabi Nahi Socha Tha Ki Is Mamle Sakhti Dikhane Vala Akash Bacho Ko Khana Dega.

Akash Bola: “Maine Uney Pehle Is Liye Bhagaya Tha Kyoki Mujey Nahi Pasand Koyi Mujey Dhamkaye, Rahi Baat Uney Gruel Dene Ki To Main Uney Khana Khilana Chahta Hun.”

Akash Ke Words Sun Tiya Shanti Se Vapis Apni Jagha Par Ja Kar Khadi Ho Gayi.

Tiye Ke Vapis Jate Hi Priya Akash Ke Pass Gayi Aur Aur Boli: “Akash Hamare Pass Jada Supplies Nahi Hai, Main Aur Supplies Dund Ne Ke Liye Jati Hun!”

Akash Ne Priya Ki Badi Badi Ankho Me Dekhte Huye Ek Pal Ke Liye Socha Fir Bola: “Tum, Riya Aur Main Sath Me Chale Ge, Abhi Aur Ajay Yaha Sabki Suraksha Ke Liye Ruke Ge.”

Asal Me Akash Abhi Ke Sath Jana Chahta Tha Kyoki Vo Dono Jitne Jada Zombies Ko Mare Ge Vo Utne Jada Takatvaar Bane Ge, Lekin Priya Already Level 8 Par Ponch Chuki Thi Vo Level 10 Par Ponchne Se Bs 2 Level Dur Thi, Agar Vo Level 10 Par Ponch Jati To Uske Takat Pehle Se Kayo Guna Bad Jati.

Ek Vyakti Ke Level 10 Tak Ponchne Se Pehle Aur Baad Ki Takat Me Bohot Fark Tha, Level 10 Par Ponchne Se Apko Ek Skill Point Milta Hai Jiski Madad Se Ap Apni Kisi Skill Ko Upgrade Kar Sakte Hai, Akash Ne Jab Wb Ko Skill Point Se Upgrade Kiya Tha To Jo Wb Pehle Rifle Bullet Ko Seh Nahi Sakta Tha Ab Usko Unse Koyi Khatra Nahi Tha Aur Sath Hi Uski Battle Strength Pehle Se Bohot Bad Chuki Thi, Agar Akash Level 10 Par Na Poncha Hota To Wb Ki Hadiya Rifle Bullet Lagte Hi Tut Jati.

Akash Ke Plan Ko Sun Ne Ke Baad Priya Ko Us Plan Se Koyi Aapati Nahi Thi, Vo Bs Jald Se Jald Aur Takatvaar Ban Na Chahti Thi, Jab Vo Akash Se Mili Thi Tab Akash Ki Combat Ability Us Se Kam Thi Bina White Bones Ke, Akash Ne Apni Jaan Ko Jokhim Me Dalte Huye Kayo Ladayia Ladi Thi Jiska Madad Se Akash Ki Takat Us Se Kayi Guna Bad Chukti Thi, Jiski Vaja Se Uske Dil Me Thodi Mili-Jhuli Bhavnaye Thi.

Akash Ka Plan Sun Abhi Ne Apna Sar Han Me Hilaya.

Group Me Se Aur Koyi Kuch Nahi Bola, Sabko Shant Dekh Akash Ravi Ko Dekhte Huye Bola: “Ravi Tume Is Area Ke Bare Me Aache Se Pata Hoga, Tum Hamare Sath Chalo Ge! Hamare Sath Chalne Se Tume Supplies Me Se Kuch Hissa Milega.”

Ravi Khush Hote Huye Bola: “Okay! Big Brother Akash!”

Akash Ne Apni Kamar Par Stinger 2 Aur Teen Tang Sword Ke Sath Type 79 Sub-Machine Gun Ko Apni Pith Par Rakha, Wb Thik Uske Piche Piche Chal Raha Tha, Vo Ek Tyrannical Power Vale Vyakti Ki Tarha Lag Raha Tha, Chahe Bahar Bohot Khatra Tha Lekin Ravi Akash Ke Sath Hone Ki Vaja Se Bahar Jane Ke Liye Puri Tarha Se Teyar Tha.

Teyari Karne Ke Baad Akash Ne Tiger Ko Inform Kiya Fir Truck Me Beth Village Se Nikal Gayea.

Ravi Ke Maaragdarshan Me Truck Ek Remote Raste Me Parvesh Kar Gayea, Jaldi Hi Us Raste Par Chalte Huye Uney Samne Ghar Dikhne Lage.

Gharo Ko Dekhte Huye Ravi Bola: “Ye Mashan Village Hai, Tiger Aur Uske Aadmiyo Ne Village Ke Aas Pass Ke Area Ko Pehle Hi Saaf Kar Diya Hai Sirf Village Ke Ander Hi Zombies Bache Hai, Main Ye Bi Suna Hai Ki Village Ke Ander Mutated Zombies Hai, Jinki Speed Ordinary Zombies Se Bohot Tej Hai, Tiger Ne Apne Aadmiyo Ko Village Ke Ander Bheja Tha Par Un Me Se Kuch Hi Janda Vapis Aa Paye Thay, Jiski Vaja Se Usne Dubara Kabi Yaha Apne Aadmiyo Ko Nahi Bheja.”

Akash Shant Environment Ko Dekhte Huye Bola: “Truck Ko Roko!”

Akash Ke Bolte Hi Riya Ne Truck Rok Diya.

Truck Rukte Hi Akash Us Se Niche Kud Gayea Aur Charo Aur Dekhne Laga.

Akash Ke Utarte Hi Ravi Bi Niche Utar Gayea Aur Akash Ke Pass Jate Huye Bola: “Big Brother Akash Keya Ham Village Ke Ander Nahi Jaye Ge?”

Akash Bola: “Truck Ke Sath Village Me Ghusna Asan Nahi Hoga.”

Rasta Ke Chote Hone Ki Vaja Se Dongfeng Truck Ki Movement Limited Thi, Agar Unka Samna Hunter Type Monster Ya Kisi Aur Strong Monster Se Ho Jata To Truck Ke Sath Hone Ki Vaja Se Unki Jaan Ko Khatra Ho Sakta Tha.

Priya Bi Apni Tang Sword Pakde Truck Se Niche Utar Ayi Aur Apne Aas Pass Ke Area Ko Check Karne Lagi.

Priya Ko Dekhte Huye Riya Bi Niche Utar Gayi Aur Uske Pass Ja Kar Khadi Ho Gayi.

Sabke Truck Se Niche Aney Ke Baad Akash Mashan Village Ki Tarf Chalne Laga.

Akash Aur Uski Team Abi Mashan Village Ki Entrance Ke Pass Ponche Ho Thay Ki Ek Koney Se S1 Zombie Lighting Ki Raftaar Se Akash Ki Tarf Bada.

“Big Brother Akash Sambhal Kar!” Aachanak S1 Zombie Ko Akash Ki Tarf Badta Dekh Ravi Ka Dil Terror Se Bhar Gayea Aur Vo Uchi Avaj Me Chilaya, S1 Zombie Ki Speed Iski Soch Se Bi Jada Thi Agar Vo Akash Ki Jagha Hota To Vo Uske Hamle Se Nahi Bach Pata.

Jese Hi S1 Zombie Akash Ke Pass Poncha Unse Bina Apni Jagha Se Hile Apni Sword Ko Ghumaya Aur S1 Zombie Ke Sar Ko Kat Diya, Sword Slash Ki Vaja Se S1 Zombie Ka Sar Gande Khoon Ko Charo Tarf Bhikhairte Huye Hawa Me Udd Gayea.

“Adbhut!!!” Akash Ko Itne Asani Se S1 Zombie Ka Sar Kat Te Dekh Ravi Ki Ankhe Badi Badi Ho Gayi, Aj Usne Pehli Baar Kisi Ko Itni Asani Se Zombies Ko Marte Dekha Tha.

Ladayi Ne Village Me Majud Zombies Ko Alert Kar Diya, Aur Jald Hi Village Ke Ander Se Zombies Ka Group Bahar Aney Laga Aur Akash Ke Group Ki Tarf Badne Laga.

Us Group Me 100 Se Jada Zombies Thay Jinme 2 S1 Aur Teen L1 Zombies Majud Thay.

“Big Brother Akash! Hame Yaha Se Nikal Jana Chahiye!!” 100 Zombies Ka Group Kisi Bi Aam Insan Ki Halat Patli Karne Ke Liye Kafi Tha, Ravi Ne Jab Dekha Ki Uske Samne 100 Se Jada Zombies Hai To Uski Tange Kampne Lagi Aur Usne Darte Huye Akash Se Kaha.

Ravi Ke Hisab Se Akash 100 Zombies Ka Samna Nahi Kar Sakta Tha.

Akash Ne Ravi Ki Tarf Koyi Dheyan Nahi Diya Aur Zombies Ke Group Ki Tarf Dekhte Huye Riya Se Bola: “Riya L1 Ko Khatam Kar Do!”

Riya Ki Magic Power Bohot Strong Thi Lekin Vo Apni Skill Ko Baar Baar Use Nahi Kar Sakti Thi, Is Vaja Se Akash Ne Usey High Level Zombies Par Hamla Karne Ke Liye Kaha Kyoki Agar Vo Apni Skill Ka Use Ordinary Zombies Par Karti To Usey Jada Faida Nahi Hone Vala Tha.

Riya Ne Apni Skill Ko Use Kiya To Uske Muh Se Apne Ap Rehasmayi Mantra Nikalne Lage Aur Uske Unglio Ke Uper Fireball Ban Ne Lagi.

Riya Ko Apni Skill Use Karne Ke Liye Kuch Time Ki Jarurt Padti Thi, Usi Baat Ka Faida Uthate Huye 2 S1 Zombie Unki Tarf Badne Lage.

S1 Zombies Ko Unki Tarf Ata Dekh Priya Ne Apni Skill Ko Activate Kiya Aur Kuch Palo Me Hi Ek S1 Zombie Ke Samne Ponch Gayi, Zombie Ke Samne Ponchte Hi Usne Apni Sword Ko Ghumaya Aur Zombie Ke Sar Ko Do Hisso Me Kat Diya.

Dusare S1 Zombie Is Moke Ka Faida Uthate Huye Priya Ki Tarf Bada Aur Usne Us Par Apne Panje Se Vaar Kar Diya.

Is Se Pehle Ki S1 Zombie Ka Panja Priya Ke Sarir Ke Pass Ponchta Akash Uske Samne Aa Gayea Aur Uske Panje Ko Apni Sword Se Block Karne Ke Baad Zombie Ko Do Hisso Me Ban Diya.

Akash Ne Jabse 3Rd Degree Protective Garment Pehna Hai Uski Takat Pehle Se Bohot Bad Chuki Thi, Bina Kisi Skill Ko Active Kiye Uski Speed S1 Zombie Ke Barabar Ho Chuki Thi.

Iske Elava Alash Ka Special Skeleton White Bones Kisi Tank Ki Tarha 100 Zombies Ke Group Ke Bich Ghus Gayea Aur Apni Axe Ko Ghumate Huye Zombies Ko Saro Ko Hawa Me Udane Laga, Jo Zombies Wb Ke Pass Aney Ki Kosis Karte Unke Sarir Ka Koyi Na Koyo Hissa Kat Ne Niche Gir Jata, Dhere Dhere Jamin Par Zombies Aur Unke Limbs Ka Dhere Lagne Laga.

Riya Ne Bi Apni Spell Ko Khatam Kiya Aur Uski Unglio Par Bani Fireball Se L1 Zombie Ke Sar Par Hamla Kar Diya, Fireball Ladte Hi L1 Zombie Ka Sar Fat Gayea.

L1 Zombie Ke Marte Hi Ek Safed Roshni Ka Bada Gola Riya Ke Sarir Ke Ander Chala Gayea Aur Uska Cehra Ko Thoda Peela Pad Gayea Tha Us Par Rangat Vapis Aa Gayi, Ek Sath Uske 3 Level Bad Gaye Aur Vo Level 5 Par Ponch Gayi.

Zombies Jitne Jada Takatvaar Honge Utni Jada Exp Uney Maarne Ke Baad Milti Hai, Ordinary Zombies Ko Maarne Se Bohot Kam Exp Milti Hai, Jaldi Level Badane Ka Sabse Fast Tarika Tha High Level Monster Ko Maarna.

S1 Zombie Ko Marne Ke Baad Priya Level 9 Par Ponch Chuki Thi, S1 Zombie Ko Marne Ke Baad Vo Teji Se Zombies Ke Jund Ki Tarf Badi Aur Wb Ko Ek Shield Ki Tarha Use Karte Huye Zombies Ko Katne Lagi, Zombies Ke Jund Me Jo Bache Evolved L1 Zombies Thay Uney Bi Priya Ne Maar Diya Tha.

Z-Age Se Pehle Priya Fencing Expert Thi, Z-Age Ke Suru Hone Ke Baad Uski Skill Aur Bi Takatvaar Ho Chuki Thi, Pehli Baar Jab Uska Samna L1 Zombie Se Huya Tha Tab Uska Thodi Muskil Ka Samna Karna Pada Tha Kyoki Uske Pass Strong Weapon Nahi Tha, Usey Sword Milne Ke Baad Slow Movement Vale L1 Zombie Uske Samne Kuch Bi Nahi Thay.

Akash Priya Ke Aas Pass Ghum Raha Tha Aur Bich Bich Me Jo Zombies Priya Ke Jada Pass Jate Huye Kat Deta, Is Vakt Ordinary Zombies Ko Maarne Se Akash Ko Koyi Faida Nahi Hone Vala Tha, Ab Vo Jis Level Par Tha Us Se Agle Level Par Jane Ke Liye Usey Hundreds Of Ordinary Zombies Ko Maarna Padta.

“Awesome! Bohot Badiya, Unke Pass Itni Badiya Skills Hai Ye Sach Me Adbhut Hai, Isi Liye Tiger Akash Se Prabhavit Tha.” Ravi Akash, Wb Aur Priya Ko Zombies Ko Kat Te Huye Dekh Raha Tha, Vo Teeno Zombies Ko Esey Kat Rahe Thay Jese Vo Fruits Ho, Ek Pal Ke Liye To Usey Apni Ankho Par Yakeen Hi Nahi Huya Tha.

Tiger Ke Group Me Itni Himmat Nahi Thi Ki Vo Mashan Village Ke Zombies Ka Samna Kar Sake Vahi Akash Ke Group Ke Teen Log Bina Kisi Paresani Ke Zombies Ko Maarte Ja Rahe Thay, Is Se Ravi Ko Akash Aur Uske Group Ki Takat Ke Bare Me Thoda Bohot Andaja Ho Gayea.

Abi Teeno Zombies Ko Maar Hi Rahe Thay Ki Aachanak Ek Ghar Me Se Ek Figure Cheetah Ki Speed Se Priya Ki Tarf Badi.

Us Vakt Priya Zombies Ke Jund Me Khadi Uney Ko Maarne Me Busy Thi, Uske Pass Us Figure Ke Hamle Se Bachne Ka Koyi Rasta Nahi Tha.

Priya Ke Pass Hone Ki Vaja Se Akash Ne Priya Ke Pass Aa Rahe Ek Zombie Ko Laat Maar Kar Usey Vaha Se Uda Diya Aur Fir Us Monster Par Apni Sword Se Hamla Kar Diya.

Akash Jese Hi Us Monster Ko Kat Ne Vala Tha Ki Uski Sword Ke Samne Panja Aa Gayea, Aur Akash Ke Vaar Ki Takat Ka Istemaal Karte Huye Vo Monster Kudte Huye Ghar Ki Roof Ke Uper Chad Gayea.

To Be Continue...

(Author Note – Update Me Apko Koyi Bi Galti Lage, Ya Koyi Word Ya Line Samj Na Aye To Bejijhak Usey Highlight Karte Huye Mujey Jarur Bataye Tan Jo Next Update Main Usey Thik Kar Saku Aur Ek Shandar Story Apke Samne Pesh Kar Saku. Xièxiè)

 

[Sandy307]

Waiting for next update

Posted Bro

 

[Sandy307]

Waiting for next update Bhai

Posted Bhai

 

[Sandy307]

Waiting for next update

Posted Bro