- 3,920
- 12,496
- 159
Fantasy God and Devil
- Thread starter Sandy307
- Start date
- 944,904
- 3,920
- 12,496
- 159
- 3,920
- 12,496
- 159
- 3,920
- 12,496
- 159
- 3,920
- 12,496
- 159
- 3,920
- 12,496
- 159
- 3,920
- 12,496
- 159
- 3,920
- 12,496
- 159
- 3,920
- 12,496
- 159
Update 73
It's Going To Be Very Difficult
It's Going To Be Very Difficult
Greenie Ko Akash Ke Sabd Samj Aa Gaye Aur Usne Apni Gati Dhemi Kar Di, Aur Aram Se Shima City Ki Tarf Udne Lagi.
Fir Lagbhag 2 Ghante Udte Huye Aage Badne Ke Baad Mujey Zombies Ki Sena Najar Aney Lagi.
Ab Aage
Uper Se Dekhne Par Zombies Ki Sena Chintion Ke Saman Lag Rahi Thi, Aur Unki Tarf Dekh Eysa Lag Raha Tha Jese Unki Sankheya Ka Koyi Ant Hi Nahi Hai, Uney Dekh Eysa Lag Raha Tha Jese Kale Rang Ki Ek Lehar Dhere Dhere Aage Bad Rahi Hai Aur Apne Raste Mein Aney Vali Har Chij Ko Nast Karti Ja Rahi Hai.
Jis Area Se Zombies Ki Lehar Aage Bad Jati Vaha Kuch Bi Najar Nahi Aa Raha Tha, Kisi Prani Ki Koyi Avaj Nahi, Koyi Mutant Beast Nahi, Vaha Kuch Bi Nahi Tha Sivay Janwaron Ki Hadiyo Aur Khoon Se Sani Jamin Ke Elava.
Zombies Ki Vishal Sena Ke Aage Har Tarha Ke Mutant Beast Unse Bach Kar Bhagte Huye Najar Aa Rahe Thay.
Mutant Beast Ko Bhagte Dekh Zombies Ke Jhund Ke Bich Se Sankadon Raftaar Vale S1 Aur S2 Zombies Jhund Ko Chirte Huye Aage Bade Aur Bhag Rahe Mutant Beast Ka Sikar Karne Lage, Aur Fir Uney Khane Lage.
Lekin Sabi Mutant Beast Ne Bhagne Ka Nirnay Nahi Liya, Kuch Javabi Hamla Bi Kar Rahe Thay, Akhirkar Zombies Ki Sena Mein Jyadatar Zombies Normal Thay Aur Unka Level Sirf 1 Hai Aur Vo Unse Kafi Kamjor Hai.
Ek Mutant Bull Teji Se Dodte Huye Zombies Ke Jhund Ke Bich Ghusne Laga Aur Normal Zombies Ko Apne Horn Ki Madad Se Hawa Mein Udane Laga, Abi Mutant Bull Zombies Ke Jhund Ke Bich Ghusa Hi Tha Ki Vo L2 Zombie Ke Majbut Sarir Se Ja Takraya.
L2 Ne Bull Ke Sar Ko Pakdte Huye Ek Jordar Muka Uske Sar Par Mara, Uske Vaar Ke Piche Itni Takat Thi Ki Bull Ka Sar Fat Gaya Aur Vo Vahi Dhere Ho Gaya.
Jese Hi Mutant Bull Mara Normal Zombies Ne Uske Sarir Ko Charo Tarf Se Gair Kiya Jese Uska Sarir Uney Khud Ki Tarf Akarshit Kar Raha Tha Aur Vo Usey Khane Lage, Kuch Palon Baad Mutant Bull Ki Jagha Sirf Hadiya Aur Khoon Se Sani Jamin Hi Reh Gayi.
Ek Mutant Cat Besst Jisko Body Cheetah Jese Thi Vo Lagataar Uski Territory Mein Ghusne Vale Zombies Ka Sikar Kar Rahi Thi, Uski Pratyek Bite Or Panje Ka Hamla Zombies Ko Maar Dalta Aur Vo Zombies Ko Maar Vaha Se Turant Piche Hat Jati, Normal Zombies Ke Pass Mutant Cat Duvara Istemal Kiya Ja Rahi Hit And Run Ranneti Ko Rokna Ka Koyi Tarika Nahi Tha, Vo Uski Gati Ka Samna Karne Ke Liye Bohot Slow Thay.
Abi Mutany Cat Aur Kehar Barsati Ki Achanak Zombies Ke Jhund Se 7 S2 Zombies Nikle Aur Apne Bhayanak Panjo Ke Sath Mutant Cat Par Hamla Kar Diya, Aur Kuch Palon Baad Mutant Bull Ki Tarha Mutant Cat Ki Hadiya Aur Hi Khoon Se Bana Chota Pool Hi Vaha Dikhaya Dene Laga.
Zombies Ka Jhund Jese Hi Ek Nadi Ke Pass Se Gujarne Laga Ek Mutant Python Pani Se Bahar Nikla Aur Zombies Ko Nigalte Huye Davat Ka Anand Lene Laga.
Normal Zombies Mein Itni Bi Takat Nahi Thi Ki Vo Uske Scales Ko Kroch Paye To Unke Usey Usey Koyi Nuksan Pochana Bohot Dur Ki Baat Hai, Normal Zombies Mutant Python Ke Liye Us Snakes Ki Tarha Hai Jine Vo Jab Uska Dil Kar Tab Kha Sakta Hai.
Abi Python Davat Ka Aur Anand Le Pata Ki 60 L1 Zombies Jino Ne Ek Ek H1 Zombies Ko Hawa Mein Uthaya Huya Tha Vo Aage Aye, Aage Atey Hi H1 Zombies Ne Apna Muh Khola Aur 60 Aag Ke Golo Ne Mutant Python Ke Sarir Ko Uda Diya, Python Kuch Pal Jhatpatane Ke Baad Shaktiheen Jamin Par Gir Gaya.
Halaki Python Ke Scales Ke Uper Normal Zombies Ke Hamlon Ka Asar Nahi Hota Lekin Uske Scales H1 Zombies Ke Fireball Ko Jhel Nahi Paye.
Python Ke Marte Hi Zombies Ka Ek Bada Jhund Aage Bada Aur Uno Ne Python Ko Khana Suru Kar Diya, Kuch Palon Baad Vaha Keval Python Ke Scales Hi Najar Aa Rahe Thay.
“Ye Bura Hai! Agar Ham In Zombies Ka Samna Ladayi Mein Karte Hai To Hame Moka Milte Hi Jald Se Jald H1 Zombies Ko Khatam Karna Hoga.” Mutant Python Ki Mout Ko Dekh Mujey Apne Sathiyon Ki Chinta Hone Lagi Thi.
Yaha Tak Ek Vishal Aur Takatvar Mutant Python Jiske Scales Par Jyadatar Physical Hamlo Ka Asar Nahi Hota Vo Bi Khud Ko Zombies Ka Bhojan Ban Se Bacha Nahi Paya To Uski Sathi Jo Snake Armor Pehan Ladayi Karte Hai Vo Bi H1 Zombie Ke Hamle Se Bach Nahi Paye Ge.
Maine Greenie Ki Pith Ko Thaptapaya Aur Usne Niche Jane Ke Liye Kaha, Greenie Ne Apne Phank Fadfadaye Aur Turant Niche H1 Zombies Ki Tarf Jane Lagi.
Achanak Asaman Mein Ek Aag Ka Gola Aur Ice Cone Ki Runes Dikhne Lagi, Aur Agle Hi Pal Ek Aag Ka Gola Aur Ice Cone Teji Se Do H1 Ke Sar Par Ja Laga Aur Ek Hi Vaar Mein Dono Ko Khatam Kar Diya.
Do H1 Ko Maarne Ke Baad Maine Stinger Gun Nikali Aur Niche H1 Ki Tarf Aim Karte Huye Teen Fire Kar Diye.
Greenie Ke Uper Beth Tej Gati Se Move Hone Ki Vaja Se Akash Ki Satikta Par Kafi Asar Pada, Usne Jo Teen Goliya Chalayi Unme Se 2 Goliya L1 Zombies Ko Ja Lagi Jino Ne Hq Zombies Ko Uthaya Huya Tha, Keval 1 Hi Goli H1 Zombies Ko Maarne Mein Kamyab Huyi.
Ye Dekh Ki Uski Satikta Par Asar Pada Hai, Usne Stinger Gun Ko Vapis Rakh Diya Aur Agle Hi Pal Uske Hath Mein Kayi Hand Grenades Aa Gaye, Hath Mein Atey Hi Usne Bina Vakt Gavaye Hand Grenades Ko Zombies Ke Jhund Ke Uper Fenk Diya.
“BOMB!!! BOMBBB!!”
Ek Ke Baad Ek Dhamako Ki Avaj Vaha Gunjane Lagi Aur Vishphot Se 7 Se 8 H1 Aur L1 Zombies Ke Chithde Ud Gaye.
Hand Grenades Fenkne Ke Baad Mujey Khatre Ka Abhas Hone Laga Aur Main Turant Greenie Se Chilate Huye Bola: “Puri Teji Se Uper Ki Tarf Chalo!”
Adesh Milte Hi Greenie Hawa Ko Chirti Huyi Uper Ki Tarf Udti Huyi Badlon Mein Chali Gayi.
Greenie Ke Badlon Mein Ud Jane Ke Baad Kayi H1 Zombies Jinko L1 Zombies Ne Uthaya Huya Tha Unka Aim Akash Jis Disha Mein Bhaga Tha Us Tarf Tha, Is Baar Lagbhag 50 H1 Zombies Ek Sath Hamla Karne Vale Thay, Agar 50 Aag Ke Gole Greenie Ko Aa Kar Lagte To Uska Bach Pana Namumkin Tha.
Akash: “Eyse Iney Maarna Bohot Muskil Hai! Agar Hamare Pass Bomber Plane Hote To Iney Khatam Karna Bohot Asan Ho Jata!”
Badlon Mein Udte Huye Zombies Ki Sena Ki Tarf Dekhte Huye Main Mann Mein Bola.
Zombies Jhund Mein Aage Bad Rahe Thay, Z-Age Se Pehle Heavy Bombs Vale Kayi Bomber Plan Badi Asani Se Zombies Ka Namo Nishan Mita Sakte, Lekin Bomber Plan Ki To Baat Hi Keya Karni Akash Ke Pass To Normal Helicopter Bi Nahi Hai.
Maine Zombies Ko Maarne Ke Liye Aur Hand Grenades Ka Istemal Nahi Kiya, Kyoyi Mutant Rat Ke Jhund Ke Sath Ladte Vakt Hamare Pass Jo Hand Grenades Hai Unki Sankheya Bohot Kam Ho Chuki Hai, Aur Main Normal Zombies Ke Uper Kimati Grenades Ka Istemal Nahi Karna Chahta Tha.
Greenie Ke Uper Laite Huye Main Zombies Ki Movement Ko Observe Kar Raha Tha, Aur Mujey Unki Slow Movement Ke Piche Keya Vaja Hai Iska Pata Chal Gaya.
Zombies Ka Jhund Sidha Qing City Ki Tarf Nahi Bad Raha Tha Balki Vo Aas Pass Ke Villages Ke Najdik Jatey Aur Jese Hi Zombies Ki Sena Kisi Village Ke Najdik Se Gujrti To Us Village Mein Jitne Bi Zombies Majud Thay Vo Dhere Dhere Village Se Nikal Sena Ka Hissa Ban Jate, Jis Se Har Village Ke Pass Se Gujrne Se Zombies Ki Sena Ki Sankheya Dhere Dhere Aur Badti Ja Rahi Thi.
Zombies Ka Jhund Isi Liye Dhere Move Kar Raha Tha Kyoki Vo Aas Pass Elako Se Aur Zombies Ko Apne Jhund Mein Shamil Kar Rahe Thay.
“Agar Eysa Hi Chalta Raha, To Das Din Baad Hamare Dvara Samna Kiye Jane Vale Zombies Ki Sankheya Nishchit Roop Se 1 Lakh Se Adhik Hogi.” Pratyek Village Se Zombies Ko Nikal Jhund Mein Judta Dekh Mujey Apne Sathiyo Ki Chinta Hone Lagi Thi.
Big Cliff Par Raid Ke Doran Akash Ne Organize Zombies Ke Jhund Ka Samna Kiya Tha, Aur Tab Zombies Ki Sankheya Niche Chal Rahi Sena Se Bohot Kam Thi, Lekin Itne Zombies Ne Uski Aur Uski Team Ki Halat Patli Kar Di Thi, Aur Ab Jab Unka Samna 1 Lakh Se Bi Jada Zombies Se Hone Vala Hai To Usey Samj Nahi Ki Vo Inke Sath Lade Ya Piche Hat Jaye, Lekin Agar Vo Piche Hat Ta Hai To Usey Is Baat Ki To Grantee Hai Ki Qing City Is Zombies Ki Sena Ka Mukabla Nahi Kar Paye Gi Aur Fir Kuch Samey Baad Zombies Ki Sena Ka Agla Nishana Uska Base Hoga Aur Tab Zombies Ki Sankheya 2 Lakh Se Uper Bi Ho Sakti Hai.
“Z Type Zombie Kaha Hai?” Kuch Pal Dimag Doradne Ke Baad Main Niche Dekte Huye Bola Aur Zombies Ke Jhund Mein Z Type Zombie Ko Dundne Laga, Lekin Z Type Zombie Kad Mein Chote Hai Aur Niche 1 Lakh Se Jada Zombies Hai, To Usey Dundna Bhoose Ke Dher Mein Suyi Khojne Ke Barabar Hai.
Kuch Der Aur Z Type Zombies Ko Dundne Ki Kosis Karne Ke Baad Maine Greenie Ko Vapis Qing City Ki Tarf Chalne Ke Liye Kaha, Aur Vapis Atey Vakt Maine Qing City Ke Ass Pass Ke Area Ko Observe Karne Ke Moke Ko Vyarth Nahi Jane Diya.
Kisi Bi Yudh Ke Ladne Ke Liye Samey, Bhumi Ka Bhagol Aur Aadmi Teen Karak Hai, Bhogol Ka Vishesh Mahatav Hai, Agar Ithass Dekha Jaye To Kayi Generals Ne Ladayi Jitne Ke Liye Elakon Ka Apne Labh Ke Liye Istemal Kiya Hai Fir Chahe Dushman Sainikon Ki Sankheya Unse Adhik Kyon Na Ho, Akash Pehle Kabi Is Jagha Par Nahi Aya Hai, Isi Liye Qing City Vapis Lout Te Vakt Vo Aas Pass Ke Elakon Ko Aache Se Observe Kar Raha Tha.
Qing City Ke Ass Pass Ke Elakon Ka Muyana Karne Ke Baad Akash Vapis Qing City Aa Gaya, Vapis Atey Vakt Andhera Ho Chuka Tha To Usne Kuch Der Aram Kiya Fir Priya Aur Arun Ke Sath Phoenix Street Ke Aage Banaye Blocked Se Hote Huye Special Region Ke Ander Aa Gaya Banquet Mein Shamil Hone Ke Liye.
Jab Vo Teeno Us Villa Ke Pass Poncha Jaha Banquet Ka Arrangement Kiya Huya Tha To Arun Andhere Mein Gayab Ho Gaya, Vo Ek Assassin Hai, Andhera Uske Liye Sabse Aachi Suraksha Hai, Andhere Se Uske Kiye Gaye Hamle Das Guna Adhik Asardar Hai.
Arun Ke Gayab Hone Ke Baad Akash Priya Ke Sath Villa Ke Ander Ghus Gaya, Villa Ke Ander Waiters Aur Waitresses Saaf Suthre Kapde Pehne Banquet Mein Aye Mehmano Ke Snacks Aur Drinks Serve Kar Rahe Thay, Villa Ke Hall Ke Ander Aye Mehmaan Hath Mein Wine Glass Pakde Chote Chote Groups Mein Khade Ek Dusare Se Batey Kar Rahe Thay.
Hall Ke Bicho Bich Ek Bada Table Lagaya Huya Tha, Jo Fruits, Cakes, Pastries, Salad, Drinks Aur Kayi Tarha Ki Non Veg Aur Veg Dishes Se Bhara Huya Tha.
Villa Ke Ander Ka Drish Dekh Koyi Ye Keh Hi Nahi Keh Sakta Ki Vo Post-Apocalypse Duniya Mein Reh Rahe Hai, Andar Rakhe Bhojan Ko Dekh Koyi Keh Nahi Sakta Ki Ab Nayi Fasal Ugana Muskil Hai Aur Bhojan Ki Koyi Kami Hai, Roshni Se Jagmaga Rahe Villa Ke Ander Ki Duniya Villa Ke Bahar Reh Rahe Logo Ki Jindagion Se Bilkul Vipreet Hai, Jaha Log Bhookh Se Har Lad Rahe Hai Aur Fate Purane Kabde Pehan Rahe Hai, Halat Itne Batar Ho Chuke Hai Ki Mahilaen Ek Roti Ke Tukde Ke Liye Apna Jisam Bechne Ke Liye Teyar Hai.
“Akash Ap Aa Gaye!” Jese Hi Akash Villa Ke Ander Enter Huya, Ek Handsome Dikhne Vala Aadmi Jiska Naam Harash Hai Uski Ankhe Chamak Uthi Aur Vo Akash Ki Tarf Chalte Huye Bola.
Harash Akash Ke Samne Aa Kar Khada Ho Gaya, Akash Ne Ek Simple Warrior Vale Kapde Pehne Huye Thay Aur Ek Tang Sword Uski Kamar Par Latki Huyi Thi, Akash Ke Sath Sundar Aur Khubsurat Priya Khadi Huyi Thi.
Priya Ko Dekhne Ke Baad Harash Ki Ankhe Mili Jhuli Feelings Se Chamki Aur Vo Muskurate Huye Bola: “Priya Ap? Akash Keya Ye Apki Gf Hai? Akash Ap Bohot Lucky Hai! Pata Nahi Qing Mein Kitne Ladke Priya G Par Marte Hai.”
Priya Aur Riya Special Region Mein Rehti Thi, Sr Mein Rehne Vale Amir Aur Bigde Huye Ladke Yaha Aadmi Bi Dono Ko Dekh Aahe Bharte Ha, Agar Dono Ka Rishta Gagan Ke Sath Na Hota To Ab Tak Pata Nahi Unke Sath Keya Keya Ho Jata.
Main Uski Tarf Dekhte Huye Muskura Ke Bola: “Apka Andaja Galat Hai Hamare Bich Eysa Kuch Nahi Hai, Ham Bs Aache Dost Hai.”
Akash Ke Mana Karte Hi Priya Ko Thoda Dukh Huya Jo Uski Ankhe Bayan Kar Rahi Thi Lekin Vo Boli Kuch Nahi, Bs Apni Jagha Par Shanti Se Khadi Rahi.
Harash Muskurate Huye Dono Ko Ek Hall Ke Ek Kone Ki Tarf Le Jane Laga.
Priya Ne Aam Casual Kapde Pehne Huye Thay Vahi Akash Ne Warrior Vale Kapde Pehne Huye Thay, Dono Pure Banquet Mein Sabse Alag Dikh Rahe Thay Jaha Sabne Stylist Kapde Pehne Huye Thay.
Jab Banquet Mein Majud Logo Ne Akash Ke Kapde Dekhe To Unke Cehro Hayo Bayo Eyse Ho Gaye Jese Uno Ne Koyi Ghatiya Chij Dekh Li Ho, Lekin Jab Sabki Ankhe Akash Ke Kapdo Se Hat Kar Uske Cehre Par Padi To Jadatar Logo Ke Chero Ke Hayo Bayo Usi Pal Badal Gaye Aur Unke Cehre Par Akash Ke Prati Vishmay Aur Saman Ke Bayo Aa Gaye.
Is Banquet Mein Jitne Bi Logo Ne Hissa Liya Hai Vo Qing City Ke Vibhin Guton Ke Leader Aur Heads Hai, Unme Se Granary Ki Raid Kuch Ne Ap Khud Hissa Liya Tha Aur Kuch Ne Apne Aadmiyo Ko Bheja Tha, Jis Vaja Se Unko Akash Aur Uski Team Ki Takat Ke Bare Mein Bohot Aache Se Pata Hai, Unme Se Kisi Mein Bi Akash Ke Sath Bidhne Ki Himmat Nahi Hai, Akhirkaar Akash Ki Team Hi Ekali Eysi Team Thi Jisne Raid Ke Doran Apna Ek Sathi Bi Nahi Gavaya Tha Aur Mutant Rat King Ko Maar Kar Baki Mutant Chuho Ke Bhagane Vala Bi Akash Hi Tha.
In Leaders Mein Se Kayi Akash Ke Sath Uljane Ki Jagha Uske Sath Apne Sambhadh Badane Ka Rasta Dhund Rahe Hai, Kyoki Bhavishy Ke Bare Mein Kisi Ko Kuch Nahi Pata Uney Nahi Pata Vo Kabtak Jinda Reh Paye Ge, Lekin Uney Ek Baat Ka Bohot Aache Se Pata Hai Ki Is Apocalypse Duniya Mein Takatvar Evolver Jiske Pass Elite Aadmiyo Ki Team Hai Uske Sath Aache Sambhadh Rakhna Buri Baat Nahi Hai.
Jab Akash Aur Priya Harash Ke Sath Baatey Kar Rahe Thay, Tabi Ek Kubsurat Aur Kamuk Mahila Jisne Red Dress Pehna Huya Tha Aur Cehre Par Makeup Kiya Huya Tha, Unke Pass Aa Kar Unki Bato Ko Bich Mein Kat Te Huye Cold Attitude Ke Sath Majak Udate Huye Boli: “Tum Jahil Log! Is High Class Banquet Mein In Ghatiya Kapdo Mein Aa Gaye, Keya Tum Dono Nahi Jante Tehjibh Keya Hoti Hai.”
Ek Aur Akarshak Dikhne Vali Mahila Jo Gehno Se Saji Huyi Thi Vo Unke Pass Ayi Aur Usne Akash Ko Cold Look Ke Sath Dekh Aur Harash Se Boli: “Young Master Harash Keya Ye Dono Pahadi Apke Dost Hai? Iney Dekh Yahi Lagta Hai Inme Bilkul Bi Common Sense Nahi Hau, Ye Battalion Commander Sanjay Ki Banquet Hai, Ap In Dono Aam Logo Ko Eyse Kapdo Mein Yaha Kese La Sakte Ho? Eyse Karke Keya Ap Commander Sanjay Ki Bejati Nahi Kar Rahe?”
Qing City Mein Flame King Ashok Ki Team Kafi Takatvar Group Hai, Lekin Qing City Mein Power Ke Liye Bohot Sare Groups Lad Rahe Hai Jis Vaja Se Yaha Ek Se Badkar Ek Takatvar Group Bana Huya Hai, Halaki Flame King Ashok Ek Takatvar Evolver Hai Lekin Bade Groups Ki Ankho Mein Vo Ek Chinti Saman Hai Jise Vo Jab Chahe Masal Sakte Hai.
Yaha Hathyar Aur Goliyo Ke Uper Military Ka Control Hai, Agar Flame King Ashok Apni Skills Ka Istemal Karte Huye Kisi Special Region Ke Aadmi Par Hamla Karta Hai To Ek Type 40 Rocket Bohot Hai Uska Namo Nishan Mitane Ke Liye.
Dono Sundar Mahilaen Green Wolves Clan Aur Big Knife Clan Ke Leader Ki Mahilaen Hai, Ye Dono Clans Ko Sanjay Ne Banaya Tha Vo Sab Gair Kanooni Kam Karne Ke Liye Jiney Vo Sabke Samne Nahi Kar Sakta, Ye Dono Clans Aksar Flame King Ke Group Ke Sath Bidhte Rehte Hai.
Kamuk Mahila Jisne Red Dress Pehni Huyi Thi Vo Green Wolves Clan Ke Leader Ranjit Ki Mahila Hai, Uska Name Gori Hai.
Dusari Mahila Jo Gehno Se Saji Huyi Hai Vo Big Knife Clan Ke Leader Gopal Ki Mahila Hai, Uska Naam Geeta Hai.
Jab Dono Mahilaen Akash Ke Group Ke Pass Ayi To Gopal Aur Ranjit Bi Unke Piche Vaha Aa Chuke Thay.
Dono Mahilaon Ke Sabd Sun Ne Ke Baad Maine Apne Ankhe Uper Ki Aur Coldly Ranjit Ki Tarf Dekha.
Ranjit Ne Jab Akash Ke Cehre Par Cold Look Ko Dekha To Usne Turant Gori Ke Cehra Par Tapad Mara Aur Gusse Mein Bola: “Bitch! Apna Muh Sambhal Kar Baat Karo! Tumhare Samne Jo Khade Hai Vo Captain Akash Hai! Abi Apne Gutno Par Betho Aur Captain Akash Se Maffi Mango!”
Green Wolves Clan Ke Leader Ranjit Ne Bi Mutant Rats Jhund Hone Vali Ladayi Mein Hissa Liya Tha, Usne Khud Apni Ankho Se Akash Ki Takat Ko Dekha Hai, Aur Sath Hi Sanjay Ke Liye Kam Karne Ki Vaja Se Usey Aache Se Pata Hai Is Aadmi Ke Pass Itni Takat Hai Ki Vo Sanjay Ki Force Ko Barabar Ki Takar De Sakta Hai, Sath Hi Ye Aadmi Vo Jisey Uska Boss Sanjay Apni Force Mein Shamil Karna Chahta Hai, Iske Elava Usey Ye Bi Pata Hai Ice King Ke Group Tabah Karne Vala Bi Akash Hi Hai, Jis Vaja Se Uski Koyi Iccha Nahi Hai Dusara Ice King Ban Ne Ki.
Ranjit Ke Liye Gori Uske Khilano Mein Se Ek Hai, Vo Usey Koyi Itna Jada Tavajo Naho Deta, Akhirkar Uske Pass Eyse Bohot Sare Khilone Hai.
Thapad Padne Se Gori Ka Cehra Suj Gaya Aur Turant Peela Pad Gaya, Vo Rote Huye Gutno Ke Bal Beth Akash Se Apni Galti Ki Maffi Mangne Lagi: “Maaf Karna Captain Akash! Ankhe Hone Ke Bavajud Bi Main Apko Dekh Nahi Payi Aur Apko Naraj Bi Kar Diya.”
Halaki Ranjit Banquet Mein Hone Ki Vaja Se Uske Sath Kuch Nahi Kare Ga, Lekin Usey Ranjit Ke Character Ke Bare Mein Aache Se Pata Hai, Vo Eysa Aadmi Hai Jo Apni Mahila Ko Marna Ya Torture Karte Vakat Jara Sa Bi Nahi Jhijke Ga Agar Uski Mahila Ne Koyi Galti Ki, Banquet Ke Baad Uske Sath Keya Hoga Iske Dar Se Gori Mein Jara Bi Himmat Nahi Thi Ki Vo Ranjit Ke Adesh Ko Man Ne Se Mana Kar De.
Ranjit Bi Maffi Mangte Huye Bola: “Maaf Karna Captain Akash! Mein Green Wolves Clan Ka Leader Ranjit Hun, Ye Meri Galati Hai Ki Meri Training Mein Kami Reh Gayi Aur Isne Apko Naraj Kar Diya!! Pls Meri Galati Ke Liye Mujey Maaf Karna.”
Ranjit Ke Bolne Ke Baad Maine Gopal Ke Tarf Coldly Dekha.
Akash Ki Cold Look Se Gopal Ke Pura Sarir Kanp Gaya, Lekin Ek Clan Ka Leader Hone Ki Vaja Se Vo Khud Ko Kisi Ne Niche Nahi Manta Jis Vaja Se Vo Ranjit Ki Tarha Maafi Mangne Ke Liye Teyar Nahi Tha, Vo Shanti Se Vaha Khada Raha Aur Na Hi Usne Apni Mahila Geeta Ko Akash Se Maafi Mangne Ke Liye Kaha.
Geeta Ne Jab Gori Ke Akash Ke Samne Gutno Ke Bal Bethe Dekha To Usey Pata Chal Gaya Ki Aj Vo Kisi Eyse Ke Sath Ulji Hai Jiske Sath Usey Nahi Uljna Chahiye Tha, Uske Cehre Ka Rang Peela Pad Gaya Aur Vo Chalte Huye Gopal Ke Piche Khadi Ho Gayi Isi Umeed Mein Ki Uska Aadmi Usko Bacha Lega.
Maine Jab Dekha Ki Gopal Shanti Se Apni Jagha Par Khada Hai Aur Usne Kuch Nahi Bola To Main Aage Bada Aur Ek Jordar Punch Gopal Ke Pait Mein Mara, Maine Punch Marte Huye Bilkul Bi Apni Takat Ko Control Nahi Kiya Jis Vaja Se Gopal Ki Halat Kharab Ho Gayi Aur Usey Tare Najaraney Lage, Meine Gobal Ki Tarf Dekha Aur Coldly Bola: “Apni Mahila Ko Aache Se Sikhayo Ki Usey Kab Keya Bolna Chahiye Aur Kiya Nahi!”
“Keya Tume Apni Jaan Pyari Nahi!” Jabse Gopal Sanjay Ke Liye Kam Kar Raha Hai Aur Big Knife Clan Ka Leader Bana Hai To Usne Kabi Bi Koyi Muskil Ka Samna Nahi Kiya, Kabi Bi Kisne Ne Uske Khilaf Jane Ki Kosis Nahi Ki, Uski Itni Bejati Kabi Nahi Huyi, Lekin Akash Ka Punch Khane Ke Baad Usne Ankhe Gusse Se Laal Ho Gayi, Aur Is Baat Ki Parvha Kiye Ki Unki Takat Ke Bich Kitna Antar Hai Usne Akash Par Hamla Kar Diya.
Z-Age Se Pehle Vo Martial Arts School Mein Muay Thai Kick Boxing Ka Instructor Tha, Uske Punch Jordar Aur Furtile Thay, Kisi Aam Insan Ke Liye Uska Punch Seh Pana Asan Baat Nahi Thi, Survat Mein Usne Sanjay Ki Force Ko Join Kar Liya Tha Jis Vaja Se Usey Sanjay Ne Big Knife Clan Ka Leader Bana Diya Tha.
“Bewakuf!”
Gopal Ke Punch Low Level Evolver Ke Uper Sayad Asardar Sabit Ho Sakte Tha, Lekin Kisi Eyse Ke Samne Jiski Takat Aur Raftaar Kayi Guna Adhik Hai, Uska Punch Ek Turtle Jitna Slow Tha.
Akash Ne Ek Tarf Hote Huye Aasni Se Gopal Ke Punch Ko Dodge Kiya Aur Ek Jordar Kick Gopal Ki Laat Par Maari, Kick Padte Hi Gopal Niche Gir Gaya, Niche Girte Akash Ne Takat Se Gopal Ki Pith Par Apne Pair Se Hamla Kiya, Akash Ke Vaar Se Gopal Ke Muh Se Khoon Nikal Floor Par Gira Aur Akash Ne Pair Par Jor Dalte Huye Usey Floor Par Daba Diya.
Halaki Ranjit Aur Gopal Sanjay Ke Liye Kam Karte Hai Lekin Unka Apsi Rishta Itna Aacha Nahi Hai, Jada Power Hasil Karne Ke Liye Dono Ek Dusare Ko Niche Girane Ki Kosis Karte Rehte Hai, Apne Rival Ko Akash Ke Pair Ke Niche Daba Dekh Ranjit Ke Ander Mix Feelings Paida Ho Rahi Thi, Ek Tarf To Vo Gopal Ki Halat Dekh Khush Ho Raha Tha Aur Dusari Tarf Akash Ki Takat Dekh Usey Dar Lagne Laga Tha.
Gopal Ko Akash Ke Pair Ke Niche Daba Dekh Geeta Turant Gutno Ke Bal Beth Akash Se Apni Galti Ki Maafi Mangne Lagi: “Captain Akash Vo Main Hun Jiska Muh Ganda Hai! Vo Meri Galati Thi Jo Maine Apke Liye Bure Sabd Istemal Kiye! Pls Gopal Jo Baksh Do! Main Apse Bheekh Mangti Hun! Mujey Maaf Kar Do! Mujey Maaf Kar Do.”
Z-Age Ke Baad Insano Ki Jaan Ki Koyi Value Nahi Hai, Geeta Chahe Sundar Hai Lekin Agar Gopal Usey Protect Na Kar Raha Hota To Sayad Vo Aachi Jindagi Na Jee Rahi Hoti, Gopal Uske Sath Kabi Bura Bartav Nahi Karta, Vo Ranjit Ki Tarha Nahi Hai Jo Mahilaon Ko Khilono Ki Tarha Istemal Karke Fenk Deta Hai, Sath Hi Uske Ander Gopal Ke Liye Kuch Feelings Bi Hai, Isi Liye Jab Usne Dekha Ki Gopal Musibat Hai To Vo Bina Jhijake Apni Pride Ko Side Mein Karte Huye Akash Se Maafi Mangne Lagi.
Yaha Jo Ho Raha Tha Uski Bhanak Security Guards Ko Lag Gayi Jis Vaja Se 7 Aadmi Jino Ne Security Guards Ke Kapde Pehne Huye Thay, Uno Ne Akash Aur Gopal Ko Gair Liya.
“Yaha Keya Ho Raha Hai?” Ek Hate Kate Sarir Vala Aadmi Ne Un 7 Logo Mein Se Aage Badte Huye Pucha.
To Be Continue...
(Author Note – Update Me Apko Koyi Bi Galti Lage, Ya Koyi Word Ya Line Samj Na Aye To Bejijhak Usey Highlight Karte Huye Mujey Jarur Bataye Tan Jo Next Update Main Usey Thik Kar Saku Aur Ek Shandar Story Apke Samne Pesh Kar Saku. Xièxiè)
- 3,920
- 12,496
- 159