Romance Bepanaah Ishq (Completed)

[Jaguaar]

Nice and superb update...

Thank you

 

[kingkhankar]

Update 32​

Shaadi ki taiyaari jor shor se chal rahi thi. Sonal ke Mama Mami bhi apni beti ke saath pune se jaipur aagaye the.

Harish Agarwal(Sonal ke Mama)- Ek Govt. Employee hai. Kamai achhi khaasi hai jisse apna ghar bina kisi pareshani ke chala lete hai. Dil ke achhe hai par hadd se jyaada bhole hai. Apni beti se bahot pyaar karte hai.

Rashmi Agarwal(Sonal ki Mami)- Ek housewife hai. Pati jitna bhola hai yeh utni chalak hai. Apni beti ke future ki bahot tension rehti hai. Padhai mein thodi kamzor hai.

Rashi Agarwal(Sonal ki behen)- Thodi shaitan hai but usse
kabhi kisi ko problem nhi hui. Padhai mein dhyaan bilkul bhi nhi rehta. Ghumna fhirna masti karna yehi jyaada pasand hai.

Rashi: Kyaaa baat hai Swati di Sonal di Bahot jaldi shaadi kar rahi rahi ho.

Dono: Ab Mummy Papa chahte hai isiliye kar rahe hai.

Rashi: Matlab jabardasti kr rahe hai. Its a crime. Aaplogo ki marzi ke bina shaadi karwa rahe hai. Aaplog chinta naa karee mere rehte aisa kabhi nhi hogaa. Main abhi baat karti hu.

Yeh bol woh jaldi se waha se bhaag jaati hai. Swati aur Sonal ko kuch bolne ka mauka hi nhi mila.

Sonal: Di jaldi chaliye warna woh express train pata nhi kya kya bolde.

Swati: Haa challl.

Nichhe Rashi ne hungama kar diya tha.

Rashi: Bua fufaji mujhe nhi pata tha aaplog aisa karenge. Mujhe aaplogo se aisi umeed nhi thi. I Am Hurt.

Meera: Rashi humlogo ne aisa kyaa kardiya.

Rashi: Kyaa kardiya. Ab yeh bhi mujhe bolna padega. Aaplog ek tarah ka crime kar rahe hai. Aur mere rehte aisa kuch nhi hoga.

Rashi ki baate waha khade sabke dimaag ke upar se jaa raha tha kisi ko kuch samaj nhi aaraha tha.

Shruti: Aree baat kyaa hui. Puri baat baat batao.

Rashi: Shruti didi innlogo ne Swati di aur Sonal di ke marzi ke khilaaf jaake jabardasti shaadi fix kardi hai. Unnlogo ne mujhe bola Mummy Papa ne shaadi fix kardi isiliye karni padh rahi hai.

Rashmi: Didi kya yeh sach hai. Kyaa Swati aur Sonal ke marzi ke khilaf shaadi horahi hai.

Rashi: Haaa Mummy. Mujhe abhi unhone ne kaha. Lo woh aagyi aap pucho unse.

Rashmi: Swati Sonal kya yeh shaadi tumlogo ke marzi ke khilaaf horahi hai.

Swati: Mami yeh aapki express train puri baat sunti kaha hai. Aadhi baat suni aur daud padhi.

Rashmi: Matlab.

Sonal: Matlab shaadi humari marzi se horahi hai.

Rashi: Par abhi toh aaplogo ne upar kaha Mummy Papa ne shaadi fix kardi isiliye kar rahe ho. Aaplog daro mat main hu na.

Sonal: Tum chupp karo. Pehle puri baat sunaa karo. Humne kaha tha Mummy Papa ne shaadi fix kardi isiliye kar rahe hai. Par yeh aadhi baat thi. Aur yeh aadhi baat sunke hi tum daud gayi.

Swati: Haaa. Rishte ke liye pehle Mummy Papa ne humlogo se pucha tha aur humhe pasand aaya isiliye humne haa kaha.

Rashi: Toh aaplogo ne upar kyo nhi bataya. Bekaar mein maine itna kuch bola jisse mera gala sukhh gaya. Aaplogo ko puri baat batani chahiye thi naa.

Sab ghurr ke Rashi ko dekhte hai toh woh bolti hai.

Rashi: Ab aise kya ghurr rahe hai aapsab. Ab hogayi galti inndono se. Maaf kardo.

Rashmi jhatt se Rashi ke kaan pakad leti hai. Aur bolti hai.

Rashmi: Tere yeh kaan aur taange naa kaat dungi. Bekaar mein sabko tension de diya. Ab samaj aaya kyo tere marks kam aate hai. Aadha adhura sunegi aur usse bhi aadha samjhegi aur likhegi.

Rashi: Aaahhh Mummy dukhh raha haii choro naa.

Meera: Chor do Rashmi. Bachhi hai.

Rashmi: Sonal se ek saal choti hai. Ab toh Sonal ki shaadi horahi hai kuch time baad isko bhi nikalwa dungi mera tension khatam hoga.

Rashi: Main kahi nhi jaa rahi aaplogo ko chorke. Aur shaadi ke baad main kyo jau apna ghar chorke woh aayega apna ghar chorke.

Rashi ki baat pe sab hasne lagte hai.

Dekhte dekhte sagai ka din aajata hai. Kapoor family Jaipur aachuke the aur Ishant ke book kiye hue hotel mein ruke the. Par jaisa Deepak ne bola tha thik usi tarah.

Sham ko Sagai thi isiliye Sonal ne jo dress Raj ke liye pasand ki thi woh Raj ke liye bhej diya gaya tha.

Idher ghar mein Swati aur Sonal ko sagai ke liye ready kiya jaaraha tha. Beauticians ko bulaya gaya tha.

Kuch ghanto ke baad Swati aur Sonal ko achhe se taiyaar kardiya gaya tha. Sonal ne ek Silver Colour ka lahenga pehna tha toh Swati ne Off White colour ka lahenga pehna tha. Chehre pe achhe se makeup kiya gaya tha jo unki khubsoorati ko chaar chand laga rahe the.

Nandini: Kyaa baat hai. Raj aur Yash toh dekhte hi reh jaayenge. Bahot khubsoorat lag rahi ho. Kisi ki nazar naa lage.

Shruti: Sach kaha bhabhi bahot khubsoorat lag rahi hai dono.

Rashi: Dono Jijaji toh aaj hosh khoo baithenge aapdono ko dekh kar.

Swati aur Sonal bas sharmaaye jaa rahe the.

Tabhi waha Meera aati hai aur bolti hai.

Meera: Aree chalo jaldi tumlogo ka hua nhi kyaaa.

Nandini: Sab hogya Aunty. Dekhlijiye dono ko koi kami toh nhi lag rahi hai naa.

Meera Swati aur Sonal ko dekhti hai toh woh bahot khush hoti hai par uske aankho mein aansu bhi rehte hai.

Meera: Meri betiyan bahot pyaari aur khubsoorat lag rahi hai. Aaj tak dusro ki sagai aur shaadi ke liye taiyaar hoti thi aur aaj dekho kitni badi hogyi hai ke apni sagai ke liye ready hui hai. Yeh bolte waqt Meera ka gala bharr jaata hai aur aankho mein aansu aajate hai.

Dono ke aankho mein bhi aansu aajate hai aur woh Meera ke gale lag jaati hai.

Meera: Meri betiyan kab itni badi hogyi pata hi chala. Aisa lag raha hai jaise kal hi toh yeh dono hall mein khilono ke liye Samar ke saath ladh rahi thi aur aaj dekho dono ki sagai horahi hai. Aur phir 2 din baad dono humesha ke liye mere se durr chali jayengi.

Dono: Hum aapko aur papa ko chorke kahi nhi jaayenge Mummy. Hum chahe kitni bhi badi hojaaye yaa durr chali jaaye hum humesha aapki choti si betiyan rahengi aur humesha aapke paas rahengi.

Nandini: Aunty aise roiye mat. Warna inka makeup kharab hojayega. Aur Yeh dono paraye ghar thodi jaa rahe hai.

Shruti: Haa Aunty. Yeh dono toh apne dusre ghar jaa rahi hai. Aur phir aapka jab mann kare waha aajaiye gaa yaa yeh dono yaha aajayengi.

Meera dono ke ke aansu pochti hai aur kajal ka teeka dono ke kaan ke pichhe laga deti hai.

Meera: Chalo warna late hojayega.

Phir sab Marriage hall ki taraf nikal jaate hai aur thodi der mein waha pahonch bhi jaate hai.

Jab yeh waha pahonchte hai toh dekhte hai Raj aur Yash waha pehle se the.

Raj aur Yash ki nazar jab Sonal aur Swati par padhti hai toh woh nazare hi nhi hata paa rahe the. Unki nazre jaise jamm gayi thi. Dono bas ek tak dekh rahe the.

Swati aur Sonal yeh dekh kar sharma rahi thi. Dono ko le jaake Raj aur Yash ke bagal mein khada karwa diya gaya tha.

Swati aur Sonal ke chehre ki khushi dekhte bann rahi thi. Unki khushi unke chehre se saaf samaj aarahi thi.

Yash: Dheere se Swati ke kaan mein. Kyaa baat hai Mrs. Roy. Aaj toh aap bahot khubsoorat dikh rahi hai. Kahi aapko meri hi nazar naa lag jaaye.

Swati kuch nhi bolti bas sharmaa jaati hai.

Idher Raj ek nazar Sonal ko dekhta hai phir dheere se bolta hai. Yeh silver colour achha dikh raha hai.

Sonal toh yeh sunnke hi khush hojaati hai aur saath mein sharma bhi jaati hai.

Ragini: Chalo chalo ab sagai ki rashm puri karte hai. Nandini Shruti Angootiyan laao.

Dono jaldi se angoothiyan le aati hai aur Yash aur Raj ke bagal mein khadi hojaati hai.

Ragini: Yash Raj chalo jaldi se angoothi pehnao.

Phir Yash aur Raj dono Swati aur Sonal ko Angoothi pehna dete hai. Phir Swati aur Sonal bhi angoothi pehna deti hai.

Jaise hi Raj ne Sonal ko angoothi pehnayi thi aur Sonal ke chehre mein jo khushi thi woh durr khada Vicky gusse se dekh raha tha.

Vicky: Gusse se. Jitna khush hona hai ho le. Kyoki teri shaadi ka ek aisa tohfaa taiyaar kiya hai maine jo tujhe saari zindagi yaad rahega. Tumdono ne mujhe beizaat kiya tha naa. Uski saza toh tumdono ko milegi hi.

Idher Sonal toh bas Raj ke dwara pehnaayi gayi angoothi ko pyaar se dekhe jaa rahi thi aur sharmaaye jaarahi thi.

Sonal: Mann mein. Thank You Bhagwan. Thank You so much. Aapki wajah se aaj meri sagai mere Raj se hogyi. Zindagi mein pehli baar jisse pyaar kiya tha aapne ussi se zindagi bhar ke liye meri rishta jorr diya. Thank You so much.

Nandini: Aree sab log aise chupp chaap kyo khade ho. Chalo chalke naach gaana karte hai. Chalo Shrutiii. Aakhir aaj mere 2 devaro ki sagai hai.

Shurti: Haa bhabhi sahi kaha. Chaliye chalte hai.

Smita: Kidher jaana hai tumdono ko.

Shruti: Humare bhai aur devar ki sagai hai hum enjoy bhi naa karee.

Smita: Kitna mahina chal raha hai tumdono ka.

Nandini: That’s not fare choti mummy. Ab kyaa hum enjoy bhi naa karee.

Smita: Enjoy karna hai naa. Bilkul karo. Par ek jagah khade hokar karo. Agar ek kadam bhi aage badhaya naa toh sidha Mumbai bhijwa dungi.

Nandini Mummy: Bilkul thikk kaha aapna Smita ji. Aur tumdono chupp chaap yaha aake khade hojaao. Aur jitna enjoy karna hai yaha khade hokar karo.

Dono apna sadha sa muh banake chup chaao jaake ek jagah khadi hojati hai.

Samar: Chaliye bhaiyaa hum start karte hai.

Phir Shruti aur Nandini ko chorr ke sablog naachne gaane lagte hai. Ishant aur Karan toh Shruti aur Nandini ko chida chida ke naach rahe the. Jisse dono ko bahot gussa aaraha tha.

Nandini: Dekho toh kaise naach rahe hai humhe dikha dikha ke.

Shruti: Haaa. Kaha biwi ke bagal mein khade hoke biwi ko support karenge uski jagah biwi ko chidaa rahe hai.

Nandini: Aane do function ke baad room mein. Aaj toh yeh bahar hi soyenge.

Shruti: Ekdumm. Aaj inki room mein no entry.

Thodi der baad function apne end ki taraf aajata hai. Saare guest chale gaye the. Bas ghar ke hi kuch members reh gaye the jinme se Mr. And Mrs. Khanna bhi the. Vicky toh bahot pehle hi nikal gaya tha.

Mr. Khanna: Sagai ki bahot bahot badai ho.

Charo: Thank You.

Mrs. Khanna: Achha ab hum chalte hai. Bahot late hogya hai. Yeh bol yehdono bhi nikal jaate hai.

Idher Nandini aur Shruti apna muh fulaaye khadi thi. Dono ne abtak Karan aur Ishant se koi baat nhi ki thi infact puri tarah se ignore kiya tha.

Deepak: Ab humhe bhi chalna chahiye phir kal subah baaki ki taiyaariyan bhi toh karni hai.

Vijay: Haaa. Chalo. Waise bhi bachhe bahot thakk gaye hai.

Phir sab ghar aur hotel ke liye nikal jaate hai.

Ghar pahonch ke sab apne apne room mein chale jaate hai. ​

Good update. Nicely written.

 

[Jaguaar]

Update 33​

Nandini: Aap nikaliye room se bahar. Aaj ki raat aap room ke bahar guzarenge.

Karan: Kyaaaaa. Par kyooo. Maineee kyaaa kiyaa.

Nandini: Kyaaa kiyaaa. Aapko nhi pata aapne kyaa kiyaaa. Nikaliye room se bahar.

Karan: Nandini meri pyaari Nandini kyaa huaa. Kyo gussa ho.

Nandini: Mujhe dikha dikha ke aap naach rahe the. Aapko mere bagal mein khada hoke mujhe support karna chahiye tha. Par nhi aapko toh aapki biwi ko pareshan karna tha naa. Isiliye aapki saza yahi hai aaj raat aap bahar guzarenge.

Karan: Nandini ko apne baahon mein leke. Nandini meri pyaari Nandini. Itna gussa nhi karte. Warna humara baby bhi gusse wala hoga. Aur jara socho agar main raat ko bahar raha tha toh sab kyaa sochenge ke IPS Karan Kapoor ki biwi ne usko room se bahar nikal diya. Aur waise bhi yeh humara ghar nhi hai.

Nandini: Choriye mujhe. Aur mujhe apni baaton mein fhasane ki koshish mat kariye.

Karan: Tum toh pehle hi meri baaton mein fhas gayi thi. Tabhi toh aaj hum ek kamre mein hai.

Nandini: Isi baat ka toh faiyda utha rahe hai aap. Thikk hai nhi bhejti kamre ke bahar. Par bed mein nhi sofa mein soyenge aap. Aur mumbai pahonchne tak no touching.

Karan: Thikk hai tumhe touch nhi karunga aur tumhare paas nhi sounga. Par apne bachhe ke bagal mein toh so sakta hu aur usko touch bhi kar sakta hu. Aur isme koi objection nhi chalega tumhara.

Nandini Karan ke counter attack mein puri tarah se fhass chuki thi. Isiliye woh pairr patakte hue bed mein jaake let jaati hai. Karan bhi haste hue let jaata hai.

Idher Ishant ke saath Shruti bhi yehi karti hai par Ishant bhi chalaki se bachh jaata hai.

Idher Swati aur Sonal bahot khush thi dono ki khushi toh jaise kam hi nhi horahi thi. Dono baar baar apni angoothi ko pyaar se dekh rahi thi aur chum rhi thi.

Agle din mehendi aur sangeet ki taiyaariyan start hochuki thi. Sonal aur Swati ko ek jagah baitha kar mehendi lagayi jaa rahi thi.

Sonal ke haatho mein jab Raj ka naam likha jaata hai toh uske aankho mein khushi ke aansu aajate hai jo Swati dekh leti hai.

Swati: Dheere se. Kyaa baat hai Sonal tumhari aankho mein aansu.

Sonal: Yeh toh khushi ke aansu hai di. Raj ka naam mere haatho mein likha hua hai yeh dekh kar mujhe bahot khushi horahi hai. Mujhe nhi pata tha mera pyaar mujhe itni jaldi milegaa.

Swati: Pagal. Yeh toh tera pyaar sachha tha isiliye teri shaadi Raj se horahi hai. Aur apni aankho se aansu poch. Warna agar uss Rajdhani Express ne dekh liya toh bolegi jabardasti shaadi horahi hai.

Swati ki baat pe Sonal ko hasi aajati hai. Sonal ke chehre pe hasi dekh Swati bhi has deti hai.

Idher Yash Raj ke saath khada tha. Yash ke chehre pe toh khushi saaf samaj aarahi thi. Par Raj ka chehra pe koi reaction nhi tha.

Yash: Kyaa baat hai Raj. Kyaa tu khush nhi hai iss shaadi se.

Raj: Aisa kuch nhi hai Yash. Sonal bahot achhi ladki hai. Main bas yehi soch raha hu kyaa woh mere saath khush rahegi.

Yash: Tu jara Sonal ke chehre ko dekh. Dekh kitni khush hai woh iss shaadi se. Aur sach kahu toh Sonal se achhi ladki tujhe nhi mil sakti. Tumdono ekdusre ko samajte ho. Aur sabse badi baat usne tujhe tere past ke saath accept kiya hai. Isiliye ab yehsab sochna chorr aur apne aage ki zindagi ke baare mein soch.

Raj kuch nhi bolta bas Sonal ke haste hue chehre ko dekhta rehta hai. Jab Sonal ki nazar Raj ki taraf jaati hai toh woh dekhti hai Raj usko hi dekh raha hai toh woh ishare se puchti hai kyaa huaa. Raj bas naa mein naa mein gardan hila deta hai.

Dekhte dekhte sham hochuki thi aur Sangeet ka time bhi hogya tha. Par as usual Nandini aur Shruti ke chehre latke hue the.

Ragini: Kyaa hua chehre kyo latke hue hai.

Dono: Toh kyaa karee. Aaplog toh humhe enjoy karne hi nhi de rahe hai. Upar se aaj toh Sangeet hai. Kam se kam aaj toh thoda enjoy karne dijiye.

Ragini: Ab samaj aaya. Toh tumdono ko naachna gaana hai.

Dono: Jiii. Bas thoda saaa. Hum sambhal ke rahenge. Pleaseee maan jaaiye.

Ragini: Thikk hai jaao. Par jyaada nhiii.

Dono yeh sunte hi khushi se uchal padhte hai jisse unhe jhatka lagta hai aur unhe dard hota hai aur woh ek jagah baithh jaate hai aur unki aankho mein aansu bhi aajate hai.

Ragini: Lo paani piyo. Ab samaj aaya kyo hum mana kar rahe hai. Par tumdono ko samaj kaha aata hai. Areee humlog tumlogo ki halat samajte hai. Par tumdono bhi toh dekho kyaa halat hai abhi tumhari. Halki si chukk aur kitna bada nuksaan.

Dono: We are sorry. Ab hum samaj gaye hai. Ab hum koi aisa kaam nhi karenge jisse problem ho and thank you.

Ragini: Aankhe dikha ke. Last mein kyaa bolaa phir se bolnaa.

Dono: Sorry sorry galti hogyi.

Ragini: Hmmm. Chalo ab chup chaap baith ke aaram karo. Dard nhi horaha hai naa.

Dono: Nhiii abhi thikk hai.

Idher Nandini ki Maa durr se yeh dekh rahi thi aur Ragini ko Nandini ki itni parwaah karte dekh itna pyaar karte dekh bahot khush thi. Aakhir ek maa ko toh yehi chahiye ke uske bachhe humesha khush rahe. Aur Nandini ko khush dekh kar uski maa bhi bahot khush thi.

Idher Sangeet ke mahol mein Rashi galti se Aarav ke kareeb jaa rahi thi jo Payal dekh leti hai toh woh gusse aur jalan se Aarav ko apne saath hi rakhti hai usko akela hi nhi chorti hai.

Aarav ko yeh dekh kar bahot hasi aarahi hoti hai par woh apni hasi ko control karleta hai.

Karan aur Ishant issbaar apni biwiyon ko support karte hue unke paas jaake khade hojaate hai jisse Nandini aur Shruti ko achha lagta hai.

Dekhte dekhte Sangeet ka function bhi khatam hojaata hai. Agle din shaadi thi isiliye sablog jaldi so jaate hai. Par kuch logo abhi bhi jaag rahe the aur shaadi ko leke hi baat kar rahe thee.

Vicky: Saari taiyaari hochuki hai naa.

Ranjeet: Haaa saari taiyaari hochuki hai. Humara aadmi Jaipur pahonch gaya hai. Tum usse le jaana. Aur yaad hai naa usse kaise milna hai.

Vicky: Haa mujhe yaad hai.

Ranjeet: Hmmm. Kal uss Raj ko uski shaadi ka aisa tohfa milega jise woh zindagi bhar nhi bhul payegaa.

Vicky: Haaa. Aur uss Sonal ne mujhe thukra ke meri beizaati ki thi naa. Kal uska bhi badla pura hojaayega. Yeh Shaadi ek yaadgaar shaadi banke rahegi.

Phir call cut karke kal ke plan ke baare mein sochte hue sojaata hai.

Agle din subah se hi shaadi ki taiyaariyan start hogyi thi par uske saath saath haldi ki rashm bhi ki jaa rahi thi.
Nandini aur Shruti subah subah hi Hotel aagaye the Raj aur Yash ko haldi lagane ke liye.

Sablog achhe se Raj aur Yash ko haldi laga rahe the aur masti mazaak kar rahe the. Phir wohi haldi Sonal aur Swati ke liye bhijwa di gayi thi jise dono ko laga diya gaya tha.

Dono pehle se hi khubsoorat thi uske upar haldi ka lep lagne ke baad dono ka nikhaar aur badh gaya tha.

Haldi ki rashm ke baad Swati aur Sonal ko beauticians ke saath alag alag kamre mein bhej diya gaya tha taiyaar karwane ke liye. Sonal ne Raj ke liye jo Sherwaani kharidi thi woh bhi bhijwa diya gaya tha.

Yash: Kyaa baat hai Raj tujhe toh kuch shopping karne ki jarurat hi nhi padhi. Sagai se lekar shaadi tak teri saari shopping Sonal ne hi kardi hai.

Raj: Didi ne bola tha usko par woh nhi maani. Warna meri shopping toh bhabhi aur mummy hi karne wale the. Par achha hua isse bhabhi ko jyaada mehnat nhi karni padhi.

Yash: Haa haa. Abhi se biwi ki side le raha hai. Aage pata nhi aur kya kya karega. Yeh bol hasne lagta hai.

Raj: Jyaada mat bol. Warna sabko bata deta hu tera aur Swati ka chakkar pehle se chal raha tha. Phir sambhalte rehna sabke sawaal.

Yash: Aree tu toh gussa hogyaa. Shantt hojaa mere bhai. Ekbaar shaadi hojaaye phir bol dena.

Raj: Dekhte hai.

Yash: Achha. Waise tune ek baat gaur ki. Woh ladka Vicky har function mein kaise tujhe aur Sonal ko gusse se ghurr raha tha.

Raj: Hmm dekha maine. Mumbai mein uske saath jo hua hai uske baad woh shayad direct kuch nhi karega. Aur yaha shaadi mein uske maa baap bhi honge toh indirectly bhi kuch nhi karegaa.

Yash: Naa karee toh achha hai. Warna issbaar toh uski haddiyan hi tutegi.

Raj: Chorr uski baat. Woh bas ek stalker tha jiski saza usse mil chuki hai.

Idher yehdono Vicky ki baat kar rahe the udher Vicky apni planning ke mutabik uss aadmi ke paas chala jaata hai jo Mumbai se aaya hai.

Vicky uss aadmi ko achhe se sab samjha deta hai usko kya karna hai kaise karna hai aur kaam ke baad kaha jaana hai. Woh aadmi bhi sab achhe se samaj leta hai.

Dheere dheere raat hojaati hai aur shaadi ka time bhi horaha thaa. Swati aur Sonal ko achhe se taiyaar kardiya gaya tha.

Swati ne jaha se ek Pink colour ka lehenga pehna tha wahi Sonal ne ek Golden aur red colour mix ka lehenga pehna tha. Dono bahot hi jyaada khubsoorat lag rahi thi upar se beauticians ke haath ka makeup unki khubsoorati pe chaar chaand laga raha tha.

Meera jab apni betiyon ko dekhti hai uski aankho mein aansu aajate hai aur woh chah ke bhi issbaar apne aansu nhi rokh sakti.

Meera: Meri bachhiyan kab itni badi hogayi pata hi nhi chala. Aisa lag raha hai jaise kal hi inka janam hua aur aaj dekho shaadi ke jode mein khadi hai.

Dono: Apni maa ke gale lagte hue. Hum chahe jitni bhi badi hojaaye aapke liye toh chote hi rahenge mummy.

Meera: Apna khayal rakhnaa aur apni mummy ko bhul mat jaanaa.

Dono: Aankho mein aansu liye. Aisaa mat boliye mummy. Hum bhale hi iss ghar se jaa rahe hai par aapke dil mein toh humesha rahenge na. Aapne humhe iss duniya mein laaya. Aap humari mummy hai aapko kaise bhul jayengee.

Darwaze pe khada Deepak bhi yeh dekh raha tha andar hi andar woh bhi ro raha tha par bahar se khud ko sambhale khada tha.

Deepak: Aree chalo chalo udher Hotel se baarat nikal gayi hai wohlog kabhi bhi Marriage hall pahonchte honge.

Dono: Aankho mein aansu liyee. Papaaaa.

Deepak: Haaa beta bolo.

Dono bhaag ke aati hai aur Deepak ke gale lag jaati hai. Deepak jo itni der se khud ko sambhale khada tha uski aankho se bhi aansu nikal jaate hai.

Deepak: Rote nhi betaaa. Aaj se tumdono apne asli ghar jaaogi. Maine toh bas itne saal apni zimmedaari nibhayi hai jo aaj puri hojaayegi.

Dono: Hum aapko bahot miss karenge papa. Aap sabse achhe papa ho. Aapne aaj tak humari har ichha puri ki. Humhe kabhi bhi dukhi nhi hone diya.

Deepak: Apne bachho ki ichha ko puri karna unhe khush rakhna toh ek baap ka farz hota hai. Bas tumdono apne iss baap ko bhull mat jaana. Aur humesha khushh rehnaa.

Dono: Kabhi nhi papa. Kabhi nhiii. Yeh bol dono kuch der Deepak ke gale lagi rehti hai.

Durr khada Samar yeh sab dekh raha tha jiski aankho mein bhi aansu thee.

Sonal: Kazamaaaa. Apni Shinchan ko miss karega naa.
Samar: Rote hue. Main kyo miss karunga. Main toh bahot khush hu aaplogo ke chale jaane se. Ab aaplogo ke hisse ka pyaar bhi mujhe milega. Ab iss ghar mein mera raaj hoga ab yaha meri baate maani jaayengi koi meri shikayat nhi karega koi mujhe daatega nhi.

Dono rote hue apne bhai ke gale lag jaati hai. Samar bhi apni beheno ko kaske gale laga leta hai.

Samar: Rote hue. Mujhe meri Shinchan bahott yaad aayegi. Ab kiske saath main masti karunga. Ab kaun mujhe daatega. Ab kaun meri shikayat mummy papa se karega.

Dono Samar ke aankho se aansu pochte huee. Apna khayal rakhna Samar. Aur Mummy Papa ka bhi dhyaan rakhnaa. Ab tujhe hi iss ghar ko sambhalna hogaa. Sambhalegaa naaa.

Samar rote hue naa mein gardan hila deta hai jisse naa chahte hue bhi dono ke chehre mein ek hasi aajati hai.

Deepak: Chalo ab chalte hai. Baarat kabki nikal chuki hai hai hotel se.

Phir Meera Sonal aur Swati ke aansu pochti hai aur halka sa makeup ka touchup deti hai phir sablog nikal padhte hai Marriage hall ki taraf.

Idher Hotel mein baarat nikalne se pehle sablog Raj aur Yash ke saath masti kar rahe the jisme Raj bhi has raha tha.

Vijay: Aree chalo chalo aur kitna late karoge. Muhurat nikal jayega tumlogo ki masti mein.

Ashok: Haa chalooo ab. Main Deepak ko boldeta hu hum nikal rahe hai. Karan innki ghodi taiyaar hai ki nhi.
Karan: Haa taiyaar hai.

Savitri: Nandini Shurti tumlog mere saath gaadi mein aaogi.

Dono: Par Dadi hum chal sakte hai. Marriage hall paas mein hi toh hai.

Savitri: Nhii bilkul nhi. Chalo chup chaap gaadi mein baitho.

Dono apna sada sa muh banake chup hojaati hai.
Thodi der mein Smita Raj aur Yash ki aarti utarti hai phir sab hotel ke bahar nikal te hai.

Hotel ke bahar hi 2 ghodi aur band baaje waale khade the aur kuch guest bhi.

Ashok: Chalo Raj Yash ghodi mein baitho.

Dono ghodi ki taraf aage badhte hai toh Raj ko Karan aur Yash ko Ishant ghodi mein baithate hai. Yash toh kuch jyaada hi exicted lag raha tha.

Jaise hi Raj aur Yash ghodi mein baithte hai Bandwale na bajana start kardiya.

Savitri Nandini aur Shruti ke saath gaadi mein baith jaate hai aur baaki sab baraati ghodi ke saamne naachte gaate hue nikal padhte hai.

Aarav Payal Ishita Karan Ishant pure joro shoro se naach rahe the. Karan aur Ishant toh gaadi baithi apni biwiyon ko dikha dikha ke naach rahe the. Jisse unko bahot gussa aaraha tha. Par Ragini ne dono ke kaan pakad ke kheenchna start kardiyaa jisse Nandini aur Shruti hasne lagti hai.

Thodi der mein baraat Marriage hall pahonch jaati hai Deepak ne family with guest pehle se waha pahonch chuke the. Sonal aur Swati ko waha pe ek kamre mein baitha diya gaya tha.

Nandini aur Shruti gaadi se utarke Karan aur Ishant ke paas jaake unke pairon mein jorr se maarke aage badh jaati hai dono bas apne pairon ko pakad ke khade rehte hai.

Meera Raj aur Yash ki aarti utarti hai aur dheere se apne haath aage badhati hai par tabhi Karan bolta hai.

Karan: Raj Yash bachkeeee.

Raj aur Yash Karan ke kehne ka matlab samajte uske pehle hi Meera ne Raj aur Yash ki naak pakad ke kheench di aur yeh dekh kar sab hasne lagte hai.

Karan: Isi se bachne ko keh raha tha. Har saas yeh karti hai.

Meera: Thodaa latee hogayee Karan. Pehle se bata dena chahiye thaa. Chalo aao andar aao.

Phir sablog andar aate hai. Raj aur Yash ko stage mein rakhe chair pe baitha diya jaata hai.

Shruti: Tumdono apne jutee sambhal ke rakhna. Sonal aur Swati ki beheno ke haath nhi lagna chahiye. Naak kheenchai mein toh haar gaye ho jutee churai mein jitna hi jitna hai humhe.

Nandini: Haaa sahi kaha. Payal Ishita Aarav Karan Ishant dhyaan rakhna koi bhi inke jutoo ke taraf naa aa paaye chahe kuch bhi hojaaye jutee chori nhi hone chahiyee.

Sab: Yess Bosss. Chinta mat kijiye hum sambhal lenge.​

 

[Jaguaar]

Next Update Posted

 

[Jaguaar]

Good update. Nicely written.

Thank you

 

[Ajay chauhan]

Bhai update to badhiya tha par mujhe ek baat khatak rqhi hai akhir ye rajesh or uska beta hai kom

 

[Lucky..]

Update 30​

Raat ko dinner table pe sab the. Sab chup chaap dinner kar rahe the. Thodi der baad jab dinner hojaata hai toh Sonal apne kamre mein chali jaati hai.

Smita: Maine aapsab se kaha tha maine Raj ke liye ladki dekhi hai aur uske maa baap maan gaye hai.

Ashok: Hmmm kaha tha. Toh kyaa Ladki maan gayi.

Smita: Maine aaj ladki se baat ki usse samjhaya aur woh bhi maan gayi hai.

Raj: Mummy yeh jaruri nhi hai.

Smita: Raj kyo jaruri nhi hai. Tumhi ne kaha tha naa. Ab kyo pichhe hatt rahe ho.

Raj: Kyaa aapne jisko pasand kiya hai woh sab jaanti hai.

Smita: Haa usse sab pata hai. Aur usne tumhe tumhare sabhi situation ke saath accept kiya hai.

Yeh Raj ke liye thoda unacceptable tha par woh kuch nhi bolta.

Savitri: Kaun hai woh ladki.

Smita: Maa ji ladki ghar mein hi hai. Maine Deepak aur Meera ki beti Sonal ko pasand kiya hai.

Yehsunke sabko bahot ghehra jhatka lagta hai. Raj ko sabse jyaada laga thaa. Usko yakeen hi nhi horaha tha Smita ki baat pe. Swati ki khushi ka toh koi thikana hi nhi thaa.

Savitri: Kyaaaa Sonallll. Humari Sonal.

Smita: Jiii.

Savitri: Deepak Meera kyaa tumdono ne soch samaj ke faisla liya hai. Tumhe pata hai naa sab.

Dono: Maaa humne soch samaj ke hi yeh faisla liya hai. Humhe pata hai Raj ke saath kya hua hai aur woh kis tarah reh raha hai. Humne sabkuch Sonal ke upar chorr diya tha. Yeh uska hi faisla hai. Aur phir Sonal yaha aaplogo ke paas rahegi isse jyaada hunare liye achha kya hoga. Humhe uski koi fikra nhi hogi.

Savitri: Rajjjj. Kyaa tu taiyaar hai.

Raj: Mujhe thoda waqt chahiye. Yeh bol Raj waha se chala jaata hai.

Meera: Dekhiye aaplog Raj ko force naa karna. Kyoki yeh puri zindagi ka sawaal hai.

Savitri: Tum chinta mat karo. Ab Sonal humari hui. Ab Sonal sirf 2 saal ke liye nhi puri zindagi ke liye humare paas rahegi.

Idher Swati jaldi se Sonal ke kamre mein bhaagti hai.

Swati: Sonalllll sonall sonalllll. Tune mujheee itnii badi baat nhiii batayiiii. Main tere liyee bahottt khushh huuu.

Sonal: Main kyaa batati di. Maine sirf Raj ke liye haa kaha hai. Kyoki unhe ek saathi ki jarurat hai jisse woh apna dukh dard baant sake. Aur mera pyaar woh toh pura ek tarfa hi rahega naa di.

Swati: Yeh tu kyaa bol rahi hai Sonal. Tu jisse pyaar karti hai usse teri shaadi hogi. Tu uske saath puri zindagi rahegi.

Sonal: Par kyaa Raj kabhi mujhse pyaar karenge. Woh mujhe patni ka haq denge meri jimedaari uthayenge mera khayal rakhenge. Par kyaa woh mujhse pyaar karenge.

Swati: Yeh toh tere upar hoga naa. Agar tu Raj ka saath degi uske liye har woh kaam karegi jo Raj ke nazar mein aaye toh ek na ek din Raj ko bhi tujhse pyaar hojayega Sonal. Tujhe mehnat karni hogi. Maine tujhe ussdin bhi samjhaya tha na.

Sonal: Par kyaa Raj maanenge.

Swari: Woh maan jayegaa.

Tabhi darwaaze pe knock hota hai. Swati jaake gate kholti hai toh saamne Raj khada tha.

Raj: Woh Sonal.

Swati: Andar hai aao.

Raj: Woh kuch baat karni thi.

Sonal: Aaiye naa Raj.

Raj: Kyaa terrace mein aasakti ho agar problem naa ho toh.

Sonal: Jii chaliye.

Raj waha se terrace mein chala jaata hai. Thodi der baad Sonal bhi aajati hai.

Sonal: Bataiye Raj kyaa baat karni thi.

Raj: Kyaa tumhe kisine Shaadi ke liye force kiya hai.

Sonal: Yeh aap kaisi baat kar rahe hai Raj.

Raj: Yeh mere sawaal ka jawaab nhi hai Sonal.

Sonal: Nhii mujhe kisi ne koi force nhi kiya hai. Yeh mera khud ka faisla hai.

Raj: Tum kyo apni zindagi barbaad kar rahi ho Sonal. Tum mere saath khush nhi reh paogi.

Sonal: Mujhe pata hai Raj main aapke saath khush rahungi. Inn kuch mahino mein main aapke saath rahi hu. Mujhe pata hai aap jiska bhi haath thaamenge uska saath kabhi nhi chorenge.

Raj: Kisliye Sonal.

Sonal: Main aapki best friend hu naa Raj. Toh kyaa main apne best friend ke liye itna nhi kar sakti. Aisa samaj lijiye yeh maine aapke liye nhi apne best friend ke liye kiya hai.

Raj bas ektak Sonal ko dekhte rehta hai.

Sonal: Aur mujhe aapke past se koi problem nhi hai Raj. Sabke life mein kuch aisa hota hai. Par mujhe pata hai aap future mein mere saath kabhi naainsaafi nhi karenge.

Raj: Tum itni achhi kyo ho Sonal. Tum chahti toh mana kar sakti thi. Kyoki tumhe bhi pata hai main shayad kabhi tumhe woh naa de saku jiska tumhe haq hai. Phir bhi tumne haa kaha.

Sonal: Maine aisa kuch nhi kiya Raj. Maine jo bhi kiya apne best friend ke liye kiya hai. Yaad hai aapne bhi apne best friend ko jabardasti kuch dresses kharid diye the. Toh kyaa main apne best friend ke liye itna nhi kar sakti.

Raj: Good Night Sonal.

Sonal: Good Night Raj.

Phir Raj nichhe chala jaata hai aur Sonal wahi khadi reh jaati hai. Uske aankho mein nami bhi thi.

Agle din Sonal Raj ke saath college aati hai par raaste mein bilkul shanti thi. Dono mein se kisi ne kuch bhi nhi kaha tha.

Sonal ko college chorne ke baad Raj office jaata hai jaha woh sirf soch mein gumm tha.

Yash: Itna mat soch Raj. Haa karde. Sonal bahot achhi ladki hai.

Raj: Mujhe pata hai Sonal bahit achhi hai par kyaa main uske layak hu.

Yash: Tu yeh sab mat soch. Dekh Aunty ne tere liye Sonal ko choose kiya hai toh unhone kuch soch samaj ke hi kiya hoga. Aur phir Sonal bhi toh tera past jaanti hi hai. Naa tu usse kuch chupa raha hai aur naa woh tere se. Isiliye meri maan aur haa kardeee.

Raj kuch der aur sochta hai phir apni maa ko phone karta hai.

Raj: Mummy.

Smita: Haa Raj.

Raj: Main shaadi ke liye taiyaar hu.

Smita: Khushi se. Sachhhhhhh.

Raj: Jii Mummy.

Yash bhi yehsunke bahot khush hota hai.

Smita ne Raj ki baat ghar mein sabhi ko bata di thi. Waha bhi sab bahot khush the.

Idher College mein Sonal ka chehra utra hua tha. Payal aur Ishita ko sab pata tha isiliye unhone jyaada kuch nhi bola.

College ke baad jab Aarav Sonal ko lene aata hai toh woh bahot khush dikh raha tha.

Aarav: Chaliye Bhabhi. Ghar chalte hai.

Sonal Aarav ko hairaani se dekhti hai.

Aarav: Raj bhaiya ne shaadi ke liye haa kardi hai. Toh uss hisaab se aap meri bhabhi hi hui naa.

Sonal jab yeh sunti hai toh uske aankho mein thode aansu aajate hai. Usko jaise woh sab milgaya tha jo usse chahiye tha.

Aarav Sonal ko leke jaldi se ghar aata hai toh Swati jhatt se Sonal ke gale lag jaati hai.

Swati: Congratulations meri behen. Aakhir tera sapna sachh horaha hai. Raj ne haa kardi hai.

Sonal: Thank you di. Mujhe abhi bhi yakeen nhi horaha hai.

Swati: Yakeen kar. Yeh sach hai.

Samar: Congrats meri Shinchan. Maine toh masti mein bola tha aapne toh sach kardiya.

Sonal: Samar ko maarte hue. Ab mera kazama kuch bole aur woh naa ho aisa hosakta hai. Yeh bol uske gale lag jaati hai.

Samar: Ab toh aap humesha ke liye yaha pe rahogi yaani aapka kamra ab meraaa. Yeh bol hasne lagta hai par uski aankho mein bhi thode aansu the aakhir uski sabse pyaari behen usse durr hojayegi.

Sonal: Samar ki aankhe pochte hue. Main waha aati rahungi.

Samar: Aapka kamra humesha aapka rahega di. Koi usko touch nhi karega.

Raat ko sablog eksaath baith ke shaadi ki baat kar rahe the. Ishant aur Shruti bhi aagaye the. Bas Raj waha nhi tha.

Savitri: Vijay kal pandit ji ko bula le. Aur unse dono shaadiyon ki baat karle.

Vijay: Jii Maa.

Deepak: Maa mujhe ek baat kehni hai.

Savitri: Haaa bol.

Deepak: Hum chahte hai meri dono betiyon ki doli Jaipur se nikle. Inki shaadi Jaipur mein ho.

Meera: Haa Maa ji. Woh inka ghar hai. Isiliye hum chahte hai agar inki shaadi jaipur mein ho toh. Agar aaplogo ko koi pareshani naa ho toh.

Savitri: Nhi nhi koi pareshani nhi hai. Shaadi Jaipur mein hi hogi.

Deepak aur Meera yeh sunke khush hojaate hai.

Ragini: Aur tumdono(Nandini aur Shruti) kaan khol ke sunn lo. Agar ek bhi kaam karte dekha naa mujhse bura koi nahi hoga.

Dono: Areee aiseee kaiseeee.

Ragini dono ko ghurr ke dekhti hai toh dono wahi chupp hojaati hai. Phir shaadi ko leke hi thodi bahot baate hoti hai phir sab apne kamre mein aajate hai. ​

Awesome superb and laajawab update Bhai

 

[Jaguaar]

Bhai update to badhiya tha par mujhe ek baat khatak rqhi hai akhir ye rajesh or uska beta hai kom

Thank you

Yeh dono wahi hai jinke wajah se Raj aur Smita ke beech duriyaan aayi thi

 

[Anshu Sharma]

Nice update bhai sonal aur Raj ki aaj sadhi ho jaye gi fir suagrat ye screen jarur dalna

Aur Vick kab attack' kare ga uska bhi intzar hai

 

[Jaguaar]

Awesome superb and laajawab update Bhai

Thank you