- 17,670
- 113,343
- 259
Last edited:
Incest Baadshah ~ The Tales of Debauchery
- Thread starter Werewolf
- Start date
- 18,328,670
- 17,670
- 113,343
- 259
Guri006
Back door 🚪 Secrets
- 4,209
- 12,886
- 143
Bhai Zara jaldi update dedo. Aap ki story ki plot mast hai.
- 17,670
- 113,343
- 259
2 updates mein story kaa zyaada pata nahin lag raha hain...hopefully next updates mein story aage badhe aur kuch parde bhi khul jaaye...
- 17,670
- 113,343
- 259
- 17,670
- 113,343
- 259
- 17,670
- 113,343
- 259
Update - 3 ~ A Full Fledged Plan
Ab tak...
Brijesh (zorr se) : Ab khade khade intezar kya kar rahe ho? Aage badho aur apne Dada ji ko tauhfa do.
Manorath : Aao Veer!
Aur, apne Dada ji ki sahuliyat se Veer aage badhte hue apne Dada ji ko gift dene jaane laga.
Ab aage...
Veer ke Dada ji, Manorath uss par kayi hadd tak bharosa karte the. Kyunki, jitni bhi shikayat wo sunte aa rahe the, unhone aaj tak Veer ko kabhi apni aankhon se koi galat kaam karte nahi dekha tha. Aur, aaj ye pehli baar nahi tha jab Pranjal ke muh se unhone Veer ki ghatna ke baare me suna tha.
Ye toh saalo se chala aa raha tha. Koi na koi aake Manorath ke saamne Veer ke karmo ki shikayat karta aur Veer keval sarr jhukaaye khada rehta. Veer virodh kiya karta tha par uske paas apni baat ko sahi saabit karne ka koi proof nahi rehta tha. Aur, isliye ab usne virodh karna bhi chhor diya tha.
Aaj bhi kuchh aisa hi tha. Veer ke paas koi saboot nahi tha apni begunahi saabit karne ka. Aur, kya kehta woh? Kaun uski baato ka yakeen karta?
Pichhle kayi saalo se jo image uski ghar me bani hui thi, uske chalte to koi uss par reham bhi nahi khaata tha.
Jab Veer apne haatho me wo flower vase lete hue aage badha tabhi achanak se pata nahi kya hua uska perr fisla aur wo buri tarah saamne ki orr jaa gira.
*Crash*
Flower vase uske haatho se chhooth kar gol ghoomte hue ek tez shor karte hue neeche jaa gira aur ek hi jhatke me wo sundar sa vase dher saare tukdo me bikhar gaya.
"Aaaaaaaaaaa," Waha baithi mahilaaye aur ladkiyo ke muh se kuchh aisi hi hairani bhari awaaz nikli.
Aur, phir ek shaanti si chhaa gayi.
Sab ki aankhein phati ki phati reh gayi. Sabhi Veer ko aise dekh rahe the jaise maano usne kisi ka khoon kar diya ho.
Dekhe bhi kyu na, akhir wo flower vase itna keemti jo tha. Manorath ko shuru se hi paudhe aur flower vases ka bahut shauk tha, yahi kaaran tha ki unke ghar me ek alag se garden bhi tha.
Iss waqt Veer ki haalat kharab thi. Usne khud apne Dada ji ke liye ek flower vase chun ke rakha hua tha jise wo baad me unhe dene waala tha. Iss vase ke saamne uska vase toh kuchh bhi nahi tha. Par, ab kya? Ab toh wo vase uske haatho toot chuka tha.
Bas! Brijesh jo apna gussa pehle hi badi mushqil se control kiye hue tha wo uth khada hua aur chillaaya.
Brijesh : Haram khor! Tujhe pata hai wo tauhfa kitna mehnga tha?
Apne Dad ki garajti awaaz sunn ek baar phir wo sihar utha. Brijesh use aag baboola hoke kha jaane wali nazro se ghoor raha tha.
Manorath : Brijeesshhhh!!!
Brijesh : Papa ji... Aap... Aap jaante hai ye tauhfa kitne ka tha? Ye flower vase 3 lakh ka tha. Maine khud import karwaya tha China se ise aapke liye... Aur, iss bewakoof ne...
Vase ki keemat sunte hi waha khade logo ko jaise ek bada jhatka laga. 3 lakh unn sabke saamne yu barbaad hoke bikhar ke jo pade hue the.
Sabse zyada haalat toh Veer ki kharaab thi. Uski samajh nahi aa raha tha wo karey kya.
Brijesh se ab raha na gaya, wo waise hi kayi saalo se Veer se pareshan tha. Veer uski har ummeedo par paani fer deta tha.
Veer ki taraf tez qadmo ke saath jaate hue wo use ek zordaar thappad maarne hi wala tha ki...
Manorath : Brijeessshhh!!
Brijesh : Par, Papa ji...
Manorath : Aaj mera janmdin hai. Aur, mere janmdin ke din tum aisa sulook karoge toh matlab hi kya? Jo hua use ek galti maan ke aage badho. Vase kitna hi mehnga kyu na ho, wo toh ab toot chuka hai. Ab uske peechhe rone ka koi fayda nahi. Rahi baat paiso ki toh iske paise mein de dunga.
Brijesh : Ye aap kaisi baatein kar rahe ho, Papa ji? Aapka janmdin hai. Mein bhala aap se paise kyu lunga?
Manorath ki baat sunn Brijesh ne apne haath rok liye par uska gussa abhi tak kam nahi hua tha.
Pranjal : Dada ji, maine Veer se kaha tha baahar hi ki apne shoes utaar de, kyunki baarish se geele ho chuke hai. Par, Veer ne meri suni hi nahi. Bola ki maids toh ghar me lagi hi hai, wo kis kaam aayengi?
Aur, uski baat sunn sabhi ki nazrein Veer ke perro par gayi jo geele joote pehna hua tha aur farsh ko ganda kar raha tha.
Aur, ye dekh Brijesh aur krodhit ho gaya. Tabhi, Veer ki stepmom Shweta uth khadi hui.
Shweta : Veer din-ba-din laparwah hota jaa raha hai.
Pranjal : Veer! Apne joote utaaro, idhar aao ye sleepers pehan lo aur ab galti ho gayi toh ho gayi. Ye dekho bhagwan ka prasad rakha hua hai. Dada ji ko ye prasad do aur unse maafi maang lo.
Pranjal use haath pakad ke uske joote utarwaya aur use wahi Dada ji ke paas rakhi ek sleepers ko pehna diya. Pranjal ne wahi table pe rakhe hue dahi shakkar jo ki bhagwan ko chadhaaya gaya tha use katori me laake Veer ko thama diya.
Pranjal : Jao Veer! Dada jii ko prasaad do aur maafi maango.
Veer bechara itna seham gaya tha aaj ki ghatnao se. Aaj uski zindagi ka sabse manhoos aur bura din tha.
Veer ne prasad ki katori haath me thaami aur wo aage badha hi tha ki firse uska perr na jaane kaise fisla aur prasad ki katori uske haath se chhatak kar seedhe uske Dada ji ki orr jaa giri.
Saara ka saara prasad uske Dada ji ke kapdo par jaa gira.
Bas! Brijesh ka jo gussa abhi apni limit par tha, wo cross ho gaya. Wo aage badha aur-
*Chataak* *Chataak* *Chataak*
Thappado ki jhadi laga di aur Veer ke gaalo par raseed-raseed ke maarte gaya.
Thappado ki goonj se Kavya sehamte hue sab kuchh dekh rahi thi. Use waqai Veer pe taras aa raha tha. Arohi bhi bauhe sikodti hui saamne ho rahe drishya ko dekh rahi thi.
Wahi Pranjal aur Vivek khushi se foole nahi sama rahe the.
Vivek (khuspusate hue) : Yahi hai wo grand show... Haha!
Ragini : Ohhh! Toh, tum iski baat kar rahe the. Par... Par, ye kuchh zyada nahi ho gaya?
Vivek : Hmph! Zyada kaha ye toh abhi bhi kam hai.
Ragini : Aur, ye idea kis ka tha?
Vivek (smiles) : Chhote ka...
Ragini (hairani me) : Pranjal ka??? Devar ji kuchh zyada hi chatur ho rahe hai aaj kal.
Idhar thappado se Veer ke gaal laal ho chale the.
Brijesh (gusse me) : Tu jaanta hai aaj tune kya kiya hai? Haram khor! Wo prasad hamare kul ki devi ka tha. Aur, tune use zameen pe gira diya? Aur, wo bhi Papa ji ke upar? Naye kapde bhi kharab kar diye tune unke. 3 lakh ke tauhfe ka chuna laga diya. Roz-roz tere haath se kuchh na kuchh gadbad hoti hi hai. Beta nahi panauti hai tu. Mein kehta hu nikal jaa... Nikal jaa isi waqt ghar se... Aur, ahinda se iss ghar me qadam bhi mat rakhna.
Aur, Brijesh usko haatho se pakad ke ghaseet ke baahar le gaya aur zorr se dhakka dete hue use darwaaze ke baahar fek diya.
Ghar me maujood sabhi log darwaaze ki orr tez qadmo ke saath aaye siwaaye Manorath ke.
Aaj tak Devi ke prasad ka aisa apmaan unke kul me kisi ne bhi nahi kiya tha. Manorath khud abhi iss waqt atyant dukh aur gusse me the. Isi kaaran unhone Brijesh ko bhi iss baar nahi toka.
Aur, wo wahi baithe hue chup-chap apne hi mann me Devi se kshama maangne lage.
Brijesh : Nikal jaa! Nikal jaa iss ghar se... Aaj se tera aur mera koi sambandh nahi. Marr gaya aaj se tu mere liye... Mera koi beta nahi hai. Khabardar yadi tune iss ghar me dobaara qadam bhi rakha toh...
Veer kaanpte hue sab kuchh apni aankhon se dekh raha tha, ye pal bhar me kya se kya ho gaya. Aaj kyu uske saath ye sab hua?
Veer ki sauteli Maa, Shweta saamne ke nazaare ko badi hi khushi se dekh rahi thi. Uski mann ki muraad poori jo ho gayi thi. Ab uski beti hi jaydaad ki malkin banegi. Yahi sochte hue wo apni beti ki orr mudi toh dekha ki uski beti, Bhumika ke chehre par koi expression nahi the. Aur, ye jaan kar Shweta ko khushi hui ki uski beti ke mann me bhi Veer ke prati koi bhaav nahi hai.
Veer ke aasu uski aankho se lagatar bahe jaa rahe the. Par, wo kuchh nahi bola.
Wo chup-chap utha aur baahar ki orr chal diya. Usne apne jeb me se gaadi ki chaavi nikaali aur wo gaadi on karne hi waala tha ki peechhe se Brijesh ki awaaz aayi.
Brijesh : Ye gaadi teri nahi hai.
Aur, Veer chaavi ko gaadi me lage hi chorr kar ghar se baahar nikal aaya.
Usne ek jhalak peechhe mud ke dekha. Shweta aur Bhumika use bina koi bhaav ke dekh rahi thi. Brijesh ki aankho me bhayanak gussa nazar aa raha tha. Wahi uske Karunesh chacha bhi use bina koi bhaav ke dekh rahe the.
Uski Sumitra chachi thoda chintit zaroor prateet ho rahi thi.
Vivek aur Pranjal ke chehro par halki khushi nazar aa rahi thi. Ragini aur Arohi bauhe sikode jaise kisi soch me doobi hui thi. Jab uski nazar Kavya par gayi toh Kavya ne sehamte hue sarr jhuka liya.
Bas! Uske baad Veer palat ke ghar se dur jaane laga. Ghar ke security guards bhi Veer ko jaata hua dekh rahe the.
Achanak baadal garje aur baarish firse shuru ho gayi.
Par, Veer na ruka. Aur, kuchh hi palo me wo apne gharwalo ki nazro se ojhal ho chuka tha.
Iss waqt Veer ko baarish achhi lag rahi thi. Use apni lag rahi thi. Jab Ajay se maar khaate waqt wo ghar laut raha tha tab bhi baarish ne uska saath diya tha. Aur, abhi jaha uske gharwalo ne use ghar se nikaal ke use akela chhor diya tab bhi baarish uska saath de rahi thi.
Uske saath-saath mausam bhi yu ro raha tha. Veer bina koi awaaz kiye rote-rote bas chalta jaa raha tha.
Usne apne seene par latka pendant apne haatho me thaam liya. Ek bada hi pyaara sa pendant tha, ekdum alag type ka.
Use bheenchte hue Veer ke aasu aur tezi se behne lage. Ye woh pendant tha jo uski asli Maa ne use pehnaaya tha.
Veer ko apni asli Maa ke baare me kuchh bhi nahi pata tha. Bas itna pata tha ki uss Maa ne usse janm diya hai. Jab bhi wo Brijesh se apni Maa ke baare me poochhta toh Brijesh bas ek hi baat bolta : "Naam mat lo uss kameeni aurat ka..."
Uski Maa ka naam tha Bhavna. Veer ke janm ke kuchh mahine baad hi Bhavna ghar se chali gayi thi.
Kaha gayi woh, kis haal me hogi abhi, zinda bhi hai ya nahi uski Maa use kuchh nahi pata tha. Yaha tak ki uski Maa ka naam bhi uske Dada ji ne use bataya tha. Na hi uss aurat ko lekar ghar me charcha hoti thi na hi koi uske baare me koi topic chhedhta tha.
Veer ko toh ye bhi nahi pata tha ki uski Maa kaisi dikhti thi. Koi bhi photo album nahi tha, uski Maa se judi koi bhi cheez nahi thi ghar me.
Baarish ke kaaran sadko par abhi gaadiya bhi kam chalti hui nazar aa rahi thi. Use nahi pata tha wo kaha jaa raha hai. Jab tak uske perr chal rahe the wo bas chalta jaa raha tha. Use apni sagi Maa ki yaad aane lagi. Yadi wo yaha hoti abhi toh uski Maa uske saath kaisa vyavhar karti? Kya use pyaar deti? Ya phir Brijesh ki hi tarah wo bhi...!?
Paani se bheega hua Veer main road par aa chuka tha, abhi wo mudne hi waala tha ki ekdum se ek car mod se aayi aur Veer ne palat ke car ko dekha.
Par, tab tak bahut derr ho chuki thi.
Car ka agla hissa uski pasli se takraya aur thokar hote hi wo zorr se jaate hue dur gir pada.
"Ohhhh! Noooo...." Car me baithe ek aadmi ke muh se nikla.
Car ko jhatka lagte hi peechhe baithi ek ladki faurun hi aage ki seat se jaa bhidi, "Aaaahhhh!"
Aadmi : Madam aap theek to hai na?
Ladki (sarr malte hue) : Haan! Mein... Mein theek hu.
Phir, jaise hi uss ladki ne saamne dekha toh uski maano saansein hi atak gayi. Saamne ek ladka zameen par dala hua tha aur use samajhne me derr na lagi ki abhi-abhi uski car kis se takrayi thi.
Wo ladka waha baarish me car se bhid ke pada bheeg raha tha.
Ladki (ghabrate hue) : Ye... Ye....
Aadmi : Inn sab ka samay nahi hai, Madam. Humein jald hi nikalna hoga.
Aur, itna bol wo aadmi faurun hi gaadi aage badhaane laga.
Ladki (chillaate hue) : Ye kya bol rahe ho aap? Nahi... Hum aise use chhor kar nahi jaa sakte.
Aadmi : Madam! Baat ko samajhiye... Iss waqt humara yaha se nikalna bahut zaroori hai.
Aur, usne car ke accelerator par perr rakh car aage badha di.
Ladki peechhe mud window se uss ladke ko dekh rahi thi, uska nichla honth daanto taley zorr se daba hua tha ki maano khoon hi nikal aaye. Aankhon me halke aasu bhi aa chuke the.
'I'm sorry...' Usne mann me kaha.
Aur, wo car palak jhapakte hi logo ki nazro se ojhal ho gayi.
Idhar accident dekh aas-paas ke jo bhi log dukaan ke neeche baarish se bachne ke liye khade hue the wo daudte hue aaye aur Veer ko uthaane lage.
.
.
.
.
.
.
.
.
.
.
Aaj ke liye itna hi guys!
Dhanyavad!
Do leave a like!
Last edited:
- 17,670
- 113,343
- 259
For starting new story thread..
Waiting for this.
Welcome back bro
Very interesting concept & the character is bang on
do larke kisike liye shadyantra rach rahe hain jahir hain unki baato se andaja lagta hain hain wo shikar veer hee hain... khud ke chachere bhai hi uske dushman ab irada ghar se nikalwane ka hain ya phir duniya se hi yeh toh unki neeyat jaane... akhir veer se itni nafrat karne kee wajah kya hain bhala... khair aaj hi ke din dadajee kuchh bara nirnay karne waale hain...
******
ghar mein jana nahin chahta hain aur bahar kaheen rah nahin shakta... akhir itni nafrat kyun karte hain log khud ke hi santan se... kya dada ko na dikhta hain kya agar pratibhashali nahin hain toh kya wo insan bhi nahin hain unka apna khoon hain... insaniyat bhi khatm ho chuki hain... jahir hain kisi se sneh nahin hain tabhi wo katra raha hain... sareer mein dard hain lekin dil mein dard aur dar dono hain kaheen uske dard ka bhi majak na uraya jaye... usse aur dard na diya jaye....
*****
zakhmo pe namak chhirakne aa gaya... apni chikini chupri baato mein uljha ke jahir hain uss gift mein kuchh jhol hain jo iske liye tayaar kiya gaya hain... baato mein fasa ke jhooth chipka diya... lekin gharwaale veer ke nature se wakeef na hain jo ladka aajtak khud ko kabhi sambhal na paya hain wo bhala kisi ko kya marega... lekin veer ne pratikar kyun nahin kiya... akhir shabd apni begunahi ke toh footne hi chahiye the wo bhi na nikle itna dar hain uske andar....
*****
pichhli update mein padha tha kee wo apne chachi ke kareeb hain lekin unke vyavhar se jara bhi sahanbhooti ya phir koi bhi samwedna na prakat hui... ekmatra sadasya sabse chhoti behen kavya hi thii jisse dukh hua uski halat ko dekh ke... akhir kyun wo kkyun nahin nafrat karti hain ghar ke baaki sadasyo kee tarah... aur bhala baaki sadasyo kee nafrat karne ka raaz kya hain... kya bas itna hi gunah hain kee wo auro ke jaisa gunwaan na hain...
*****
brilliant narattion bhai... jo bebasi veer mehsoos kar raha tha wo bakhubi aapne darshaya hain.. uske bhai ke bartab pe jitna krodh usse aa raha tha hame bhi waisa hi mehsoos hua.. ek chalchitra kee bhanti ghar mein ghusne se lekar party mein jaane tak...
Superb Update bro
Update has been posted guys!