Mr Jerry
Member
- 274
- 297
- 64
Bhai interesting update tha ...
Raj ek room mai betha hua apne samne khade 5 insaano ko dekh raha tha jinka ab woh teacher ban chuka tha Raj ab teleport hone ke baad kya kya kya hua woh sab sochne lagta hai...
1 week back after teleport..
Raj ki haalat bahut zada kharab thi un dono mutated humans ne Raj ko bahut buri tarah peeta tha acchi baat to yeh thi ki regeneration ability ki wajah se Raj ki body heal ho rahi thi lekin bahut slowly itni ki ab kya hi kahu..
Raj abhi behoshi ki haalat mai raste pe pada hua tha abhi suraj nikalna shuru hi hua tha ki waha se ek bagghi nikalti hai..
Bagghi mai bethe hue log bich raste kai bich mai kisi ko itni kharab haalat mai dekh kar thoda heraan ho jate hai aur sochte hai kahi aas pass koi lootera ya daaku to nahi lekin yeh jis rajya se the waha ki pramukh 3 parivaaron mai se ek the isliye inhe lootera ya daakuon ka dar nahi tha ya bagghi ma bethi hui ek ladki jo shyd Raj se thodi chhoti thi woh kehti hai..
Ladki -"jakr dekho inhe kon hai yeh agar zinda hai to inka ilaaj karwao.."
Bagghi mai betha hua ek rakshak utar kar jakr dekhta hai to ek pal ke liye itne us nojawan ke kapde dekh kar woh khud heraan ho jata hai lekin woh Raj ki dil ki dhadkan check karta hai to paata hai ki uski dil ki dhadkan chal rahi hai lekin bahut kam..
Rakshak -"master inki dil ki dhadkan chal rahi hai.. "
Ladki kuch soch kar kehti hai..
Ladki -"inka ilaaj karwao mai kisi ko bhi ese bich mai raste mai akele marne ke liye nahi chhod sakti.."
Woh ladki dil ki acchi thi bas apna audha kayam rakhne ke liye sakht bana karti thi..
2 rakshak milkar Raj ko utha kar dusri bagghi mai sambhal ke rakh dete hai..
Rakshak 1 -"iska pehnava kitna alag hai.."
Rakshak 2 -"shyd kisi bade rajya se aaya hoga.. "
Rakshak 1 -"bade rajya se tumhara matlab kya hai hamara devpur itna bhi chhota nahi hai.."
Rakshak 2 -"yaha bas ek magic school hai isliye yeh thoda prasiddh hai..."
Rakshak 1 -"hamaari master bhi jld hi school ki pravesh pariksha dengi aur White Rock academy mai jayengi.."
Woh dono rakshak ese hi baat kar rahe the jabki aage bethi hui ladki apni aankhen band kari hui apni magic core mai magic path banane ki koshish kar rahi thi..
Lekin baar baar uske hath mai asafalta hi aa rahi thi side mai betha hua ek buzurg jo ussi academy ka ek teacher tha woh us ladki se kehta hai..
Buzurg iski umar 60 ke ass pass thi.. grade..
Buzurg -"Sanjana ab kum kitne stars ko ek path mai le kr aa payi ho..?"
Es ladki ka naam Sanjana tha dil ki 888acchi aur mehnati thi aur Devpur ke pramukh 3 parivaaron mai se ek ke head ki beti thi..
Sanjana -"teacher mai abhi bas 3 stars ko ek path mai lekr aa saki hu aur 4th star mai kitni bhi koshish karlu lekin ho nahi pa raha.. "
Buzurg -"tumhe magic core ka color change karne ke liye energy ko apne sar pe niyantrik karna chaiye aur usse apne sar se pure shareer se niche tak phela dene chaiye.."
Woh dono abhi baat kar hi rahe the kab tak ek nazar Earth ki taraf bhi daal dete hai..
Abhi raat ke 8 ya 9 baj rahe honge ki waha bahut saari police cars ka horn bajna shuru ho jata hai..
Sabhi cars us gaddhe se thoda duur rukti hai to un cars mai se high force mai officers nikalne shuru ho jate hai..
Waha commissioner Subham IPS anjali se lekr har ek officer mojuud tha..
Aur sab log apne samne itne bade gaddhe ko dekh rahe the yeh 50 feet gehra aur iska area bahut zada bada tha itna bada ki yaha ek gaanv basaya ja sake....
Har kisi ki yeh dekh kar haalat kharab ho gayi thi ki aakhir yaha hua kya tha kisi ko kuch samajh nahi aa raha tha..
Anjali bhi bahut zada dari hui thi agar wakai woh sabhi log jo kidnapped hur the iske andar dafan ho gaye to uske dimag mai yeh sab hi chal raha tha lekin woh apne aap ko sambhaal kar apni duty karti hai..
Anjali -"sabhi pure area ko acche se dekho aur kuch logo ko bula kar dekho ki es gaddhe ke andar kuch milta hai ya nahi.. "
Commissioner ki to phati padi thi agar un kidnapped hue logo mai se koi bhi mara to uski nokri to pakka hi chali jayegi..
Anjali ka order sun kar sabhi offices har ek jagah ko dekhne lagte hai aur unhe us gaddhe ke upar kuch log bhi milte hai yeh wahi log the jo upar mojuud the..
Thodi der baad kuch officer Anjali ke pass aate hai aur usse batate hai ki..
Officers -"mam hume pass mai hi 2 log mile hai un dono ki hi condition bahut zada kharab hai ek ke hath ki haddiyaan tut gayi hai aur dusre ki haalat marne jesi hai aur waha ka area.." iske aage woh kuch nahi bolta..
Anjali kuch bol pati usse pehele hi waha media aa jati hai aakhir itna bada baat jo hi gayi thi aur thodi hi der mai jo log kidnapped hue the unki family members, friends, patni sabhi log waha aa jate hai..
Sabhi ko police se jawaab chaiye tha har ek ki aankhon mai aansu the sab chilla rahe the aakhir kyu na chillaye es incident ne ek maa se apna baccha chhen liya, patniyo ne apna pati kho diya, maa aur baap ne apne budhape ka ek lauta sahaara apne bete ko kho diya..
Har ek ki aankhon mai aansu the sab ro rahe the commissioner aage jakr media ko yaha hue we hadse ke baare mai batane lagta hai aur wahi Anjali un dono ke pass jati hai jo zinda the..
Anjali jab waha pahunchti hai to khud ek pal ke liye uski aankhen badi ho jati hai kyuki aas pass ke saare ped jameen pe gire hue the aur unhe kaat kar nahi balki mukko se giraya gya tha aur ek tute hue ped ke niche ek 18 ya 19 saal ka ladke betha hua tha aur uske hantho se khoon pani ki tarah beh raha tha wahi dusri taraf ek 25 se 26 saal ka ladka behoshi ki haalat mai tha uski body itni kamzor ho gayi thi ki uski shareer ki haddiyaan tak saaf dikhai de rahi thi..
Anjali officers se kaanpate hue puchti hai..
Anjali -"ya.. yaha.......yaha ki es.. esi haalat kis.. kisne kari..?"
Officers us bethe hue ladke ki taraf kaanpate hatho se ishara karte hai aur unhe bahut zada dar bhi lag raha tha..
Officers -"ma... mam hum ja.. jab yaha aaye to yeh ladka paglo ko tarah pedo pe mukka mar raha tha iske hath ki haddiyaan tak tut gayi thi lekin yeh fir bhi nahi ruk raha tha aur jab humne isse shant karne ki koshish kari to woh bahut zada rone laga aur ab yaha ese betha hua hai.." unme se ek officers ne darte hue ek saans mai saari chijen Anjali ki bata di yeh sab tha hi itna shocking ek 18 saal ka ladka itne mote tane wale ped ko mukko se tod raha tha..
Anjali yeh sun kar ek gehri saans leti hai aur uske dimaag mai ek chij aati hai kahi iske upar koi experiment to nahi kara gya..
Anjali jameen pe pade hue khoon ki taraf dekhti hai aur isharo ma usse collect karne ki kehti hai aur fir bolti hai..
Anjali -"en dono ke baare mai kuch pata chala.."
Dono officers ne pehele hi unke baare mai pata kar liya tha..
Officers -"yes mam yeh ladka jo betha hua hai woh Veer hai aur yeh aadmi jo behosh hai woh Aakash singh hai humne en dono ki family ko inform kar diya hai woh thodi der mai yaha aate hi honge.."
Anjali aakash naam sun kar thodi heraan ho jati hai kyuki yeh scientists tha aur shyd yeh hi akele zinda bacha tha thodi der baad ek Doctor ki team aakar Veer aur Aakash ko treatment ke liye lekr chali jati hai..
Planet Eris..
Ab raat ho rahi thi isliye un sabhi ne thodi der aaram karne ke baare mai socha Sanjana wahi bethe hue dhyan laga rahi thi aur nature mai mojuud energy se apne magic core kke 4th ístar ko star path mai lane ki koshish kar rahi thi lekin abhi tak kuch nahi hua tha wahi Raj ko kuch medicines dedi gayi thi..
Sanjana -"us ladke ko abhi tak hosh nahi aaya kya?"
Woh rakshak bhi wahi bethe hue the..
Rakshak -"nahi master unhe abhi tak hosh nahi aaya.."
Buzurg -"Sanjana us ladke ko hosh aa jayega tumhe parvesh pariksha se pehle apni star path mai 4th star jodna hoga..
Sanjana ko yeh buzurg academy lekr ja raha tha taaki woh parvesh pariksha ko pura karke baad mai uski student ban jaye..
Sanjana apna sad han mai hilati hai aur wapas apni training karne ke liye beth hi rahi thi ki..
Kabhi unhe bagghi se kisi ke chillane ki awaaz aati hai yeh sun kar sab jldi se bagghi ki taraf jakr dekhte hai to Raj bagghi mai betha hua tez tez saanse le raha tha uski aankhon ka color light light red ho gya tha..
Buzurg yeh dekh kar kehta hai..
Buzurg -"iske pass ek F rank ability hai.. "
Dono rakshak Raj ko bade jalan se dekh rahe the kyuki har 10 mai se kinhi 5 logo ko hi ability milti hai aur un dono ke pass koi ability nahi tha us buzurg ki aankhen orange thi uske pass ek E rank ability thi..
Sanjana to Raj ko hi dekhe ja rahi thi kyuki Raj ne jo kapde pehene the woh usne kabhi nahi dekhe the..
Raj jab thoda normal hota hai to apne samne en anjaan chehre ko dekh kar woh heraan ho jata hai aur kehta hai..
Raj -"aa... aap log kon hai..?"
Woh sabhi Raj ki baat sunkar usse kehte hai..
Sabhi -"yeh hume puchna chaiye tum kon ho aur kese kapde pehen rakhe hai tumne?"
Raj ne abhi tak wahi kapde pehene hue the jo un bodyguards ne pehene the aur samne khade logo ka libaas alag tha...
Raj un sabhi ko dekh raha tha aur soch raha tha..
'Kya mai wakai dusre planet pe aa gya hu jese usne bataya tha? lag to ese hi raha hai.. '
Raj himmat karke bolta hai..
Raj -"ma.. mai Raj hu.."
Raj ka naam jan kar sabhi usse apna parichay dene lagte hai aur Raj us bagghi se bahar aa jata hai aur bahar ka nazara dekh kar pura heraan ho jata hai kyuki pura aasman mai sitarein chamak rahe the hawa ek dam saaf thi esi hawa se to insaan aaram se 100 saal ya usse zada bhi aaram se zinda reh sakta tha..
Raj es samay apne aap ko nature ke bahut kareeb mehsoos kar raha tha woh sabhi Raj ko esi harkatein karta dekh heraani se dekh rahe the aur soch rahe the shyd bechaare ka dimaag kharab hai..
Buzurg -"tumhe raste mai lootero ne loota hoga aur unke sath haatha payi mai tumhe itni chhote lag gayi.."
Raj yeh sun kar aankhen kholta hai aur kehta hai..
Raj -"kon loo.." lekin woh chup ho jata hai kyuki usse koi na koi to bahana dena hi hoga taaki en logo ko Raj pe shak na ho..
Raj -"ha.. han mujhe lootero ne hi loota tha.. "
Buzurg -"shyd tum bhi White Rock academy mai ja raha ho aur pravesh pariksha ke liye.." yeh buddha apne aap ko samajhdaar dikhane ke liye ye sab keh raha tha wahi Raj ke dimag mai yeh chal raha tha konsi academy...
Raj kuch soch kar apna sar na mai hila deta hai..
Yeh dekh kr us buzurg ki muskan gayab ho jati hai aur puchta hai..
Buzurg -"to tum kaha ja rahe ho..?"
Raj himmat karke bolta hai..
Raj -"ma.. mai waha teacher banne ja raha hu.."
Sabhi yeh sun kar heraan ho jata hai aur Raj ki badi badi aankhon se dekhne lagte hai..
Buzurg -"bacche mazak karna band karo ek teacher banna bahut mushkil hota hai aur tumhe ek teacher banna hai.."
Raj ko hosh to aa gya tha lekin uski body bahut zada week thi aur shyd aap sabhi ne Raj ko dusri duniya mai aata dekh notice kara hoga Raj dara kyu nahi kyuki es duniya mai aane ke baad Raj ne kisi se baat kari thi aur usse baat karne ke baad Raj ko acche se samajh aa gya tha woh kya kya kar sakta hai aur kisi magician ka teacher banna uske liye bekaar tha es duniya mai magician hi sabse aage the magician dusre logo ko sikha kar unse apna accha bond create kar sakte the aur wakt aane pe shyd woh uski madad bhi kare.....
Woh apne hath mai peheni hui black ring ko dekhta hai aur apna thuk nigal leta hai..
Buzurg Raj ko gehri soch mai duba dekh kehta hai..
Buzurg -"dekho iske pass koi jawaab tak nahi hai.. "
Raj -"kya aap firse apne magic core mai energy flow kar sakti hai mai aapko thoda bahut guide to kar hi sakt hu shyd aapka magic core change ho jaye...."
Sanjana ko samajh nahi aata woh kya kare kya apne hi umar ke kis ladke ki baat mane ya nahi lekin buzurg usse sikhana chahta tha ki kisi ko guide karna baccho ka kaam nahi hai..
Buzurg -"sanjana tum firse training karo aur yeh ladka jo keh raha hai woh karo.. "
Sanjana Raj ki baat nahi manni chahti thi lekin us buzurg ki baat taalne ki uski himmat nahi thi isliye woh wapas apni training ke liye beth jati haia aur nature se energy lena shuru karti hai aur Raj bas usse ek nazar dekhta hai fur apni aankhen band karke us information pe dhyan lagane lagta hai..
Naam se lekr har ek chij ab uske samne thi aur woh jo technique ka istemaal kar rahi thi apne stars ko ek path mai laane ke liye usme jitni bhi galti thi usse dikh jati hai aur woh kehta hai...
Raj -"tumhe energy ko apni puri body se absorb karna chaiye jisse tumhara 4th star tumhare path mai lag jayega apne sar se energy lene ka koi faida nahi hai isse shyd tum agle 1 saal mai bhi 4th star ko apne path se connect na kar sako.."
Raj ki baat sun kar sab usse dekhne lagte hai kyuki woh khud abhi ussi ki umar ka tha aur usse guide kar raha tha yeh heraani ki baat thi..
Buzurg gusse se Raj ko dekh kar kehta hai kyuki sar se energy apni body mai absorb karne ke liye usne hi kaha tha aur woh uski hi baat to galat keh raha tha..
Buzurg -"energy ko apne sar se lene mai hi Sanjana apne 4th star ko path mai laga payegi.."
Raj kuch nahi bolta aur sanjana ki taraf dekh kar kehta hai..
Raj -"tumhe ek baar koshish karni chaiye.. "
Sannata ko Raj ki baat pe bharosa bilkul bhi nahi tha lekin woh fir bhi ek baar yeh karne ke baare mai sochti hai aur nature mai mojuud energy uske shareer ke charo taraf chha ja jati hai..
10 ya 15 minute tak kuch nahi hota aur us Buzurg ko es baat ka bharosa ho jata hai ki Raj ne bas ese hi yeh keh diya woh Raj ko taana maar paata..
Usse pehele hi Sanjana apni aankhen khol leti hai aur Raj ko heraani se dekhne lagti hai..
Woh Buzurg bhi yeh dekhta hai aur sanjana se puchta hai..
Buzurg -"kya tumhara 4th star path mai connect ho gya.."
Sanjana apna sar na mai hila deti hai yeh dekh kar woh buzurg thoda nishchit ho jata hai aur Raj se kuch kehta usse pehele hi sanjana kuch aur bol deti hai jisse woh heraani se sanjana aur Raj ki taraf dekhne lagta hai..
Sanjana -"mene 4th star hi nahi 5th star bhi path se connect ho gya hai aur mera magic core Red color ka ho gya hai aur mujhe 5 stars ko ek path mai lagane mai bas 3 min lage.."
Sabhi Raj ki taraf dekhne lagte hai bas uske kuch words ne Sanjana ke ek element ke magic path mai 2 star connect karwa diye the aur woh ab bas do kadam hi duur thi ek 1st grade magician banne ke liye..
Mai thoda bahut bata deta hu es world ke baare mai..
Yaha har kisi ko ability mile ye jaruri nahi hota jese un do rakshk ke pass koo ability nahi thi aur ability milne ke baad uski rank kya hoga woh bhi koi nahi janta, maan lo kisi insaan ke pass F rank ability hai ese uski zindagi mai ek limit lag jayegi us limit ko todne ke liye es world mai magician hai aur har ek element ko sikha ja sakta hai aur har grade ke sath magic core ka color bhi change hota hai
Fire
Air
Water
Earth
Ice
Grass
Earth
Shadow
Healing
Summoning
Ese aur bhi elements the..
Ek magic element ko sikhne ke liye usse apne magic core mai elements ko active karna hoga aur har ek element ko open karne ke liye ek alag magic core hota hai aur usse open karne ke liye techniques banai gayi hai and har grade ki technique mojuud hai woh bhi hazaaron ya laakho mai..
Ab path ke baare mai jaan lete hai 1st grade magician banne ke liye kisi ko apne magic core mai 7 stars ka ek path banana hoga aur har ek star pe uska control acch hona chaiye maan lo koi 6th star pe kaam kar raha hi lekin 3rd star uske control mai nahi hai to uska pura path kharab ho sakta hai aur magic bhi caste nahi hoga aur har grade ke sath stars ko path mai lane ki sankhyan badhti rehti hai woh sankhya mai bata deta hu..
1 grade - 7 star
2 grade - 49 star
3 grade - 343 star
343 stars ke baad magician ko apne sabhi stars ko magic core mai mila kar ek planet banana padta hai taaki woh aage ke grades mai pahuch sake...
4 grade - 7 planet
5 grade - 49 planet
6 grade - 343 planet
343 planet ke baad magician ko apne sabhi planet ko magic core mai mila kar ek sun banana padta hai taaki woh aage ke grades mai pahuch sake...
7 grade - 7 sun
8 grade - 49 sun
9 grade - 343 sun
Aur ek baat planets banane ke baad magician ko pehele star se ek path banana hoga aur jab 343 stars ek path pe lag jayenge to usse ek planet aur kab 343 planets ho jayenge to usse 1 sun (mai to soch kar hi thak gya)
Ab magic core ka color dekh lete hai
Har grade mai 3 color hote hai..
1 grade -
Light Red 1 se 3 star tak
Red 4 se 6 star tak
Bright Red 7 star pe...
2 grade-
Light Ornge 8 se 28 star tak
Orange 28 se 48 star tak
Bright orange 49 star pe..
3 grade-
Light Yellow 50 se 146 star tak
Yellow 147 se 342 star tak
Bright yellow 343 star pe..
4 grade-
Light green 1 se 3 planet tak
Green 4 se 6 planet tak
Bright green 7 planet pe
5 grade-
Light Cyan 8 se 28 planet tak
Cyan 29 se 48 planet tak
Bright clan 49 planet pe..
6 grade
Light Violet 50 se 146 planet tak
Violet 147 se 342 planet tak
Bright violet 343 planet pe
7 grade
Deep White 1 se 3 sun tak
White 4 se 6 sun tak
Dark white 7 sun pe
8 grade
Light Blue 8 se 28 sun tak
Blue 29 se 48 sun tak
Bright blue 49 sun pe
9 grade
Rainbow..
Back to story...
Raj jab Eris planet pe teleport hua tha to ussi samay do alag alag jagah pe ek ladki jo apni aankhen band kari hui thi aur dhyan laga rahi thi lekin Raj ke aane se un dono ki aankhen apne aap khul jati hai aur golden color mai chamakne lagti hai..
[Note : Aaj ka update es world ka power level dikhane ke upar tha zada aur es information ko 1st post pe likhu ya nahi bata dena sab]
Matlab Raj jab dusra planet mai teleport hua toh usna sanjana ko guide karke uska magic path mai 5 star la sakti hai ... Ab sayad Raj ke wajah se aage sanjana 7 star ko ek path mai laa sake aur ek 1st grade mai ja saake ... Ab kahani mai aur bhi masala dekhna ko milega ...
aur usse guide karne ke liye khud pata hona chaiye kese kar sakta hai kyuki uski skills bas galti bata sakti hai na ki unka solution usse sahi karne ke liye Raj ko uske baare mai pata bhi hona chaiye aur abhi guide isliye kara kyuki Sanjana jo technique use kar rahi thi uska sabse zada asar ke baare mai pata chala tha
wese Raj ko konse element ka magician banna chaiye
