- 210
- 1,595
- 139
Chapter 06: maa ki chithi
Jab wah jaga to subah hi chuki thi. Usne apne paas dekha to uski maa nahi thi.
Wah uthkar tambu ko check kiya. Use na to Soni Moni aur na hi uski maa dikhi. Dhruv pareshan ho gaya.
Dhruv paglo ki tarah tambu ke aas paas khoja. Lekin use koi nahi mila. Uski maa aur Soni Moni hava ke jhonke ki tarah waha se gayab ho gayi.
Dhruv bahut nirash hua. Wah apni nirash man ke sath tambu me aaya. Wah jab us bhag me aaya jism wah soya hua tha to waha ek kagaj paya.
Dhruv usko utha kar padhne laga. Yah khat uski maa ne likha tha.
Khat me..
Beta, main ab tumhare paas nahi rah sakti. Tum apna dhyan rakhna. Maine apni shaktiyo ka upyog kiya hai. Jisse mere dushmano ko khabar lag gayi hogi. Aur wo mera pichha karte hue yaha tak aa jayenge.
Beta, apni chaos dragon bloodline ko kabhi mat dikhana kisi ko. Hamesha apna khyal rakhna aur is chitti ko padh kar jala dena.
Beta, tum hamesha apne pita ke bare me pucha tha na. Aaj main bata rahi hu. Tumhare pita ka naam Shamsher Singh hai. Unke baare me kabhi pata karne ki koshish mat karna beta. Sath hi sath we yaha se bahut dur rahte hai. Unhone hum logo ka tyag kar diya tha.
Soni Moni bachpan se mere sath rahti aayi hai. Jiska pata mere dushman ko hai. Isliye unhe bhi main apne sath le jaa rahi hu. Antim me kahungi ki tum apna khyal rakhna.
Tum purab ki disha me chalte Jana tum Diwakar Nagar pahuch jaoge.
— tumhari maa.
Dhruv apni maa dwara likhi gayi chithi ko padh kar use jala diya. Shukra tha ki uski maa ne jalane ke liye chije rakhi hui thi.
Dhruv kisi tarah saman sameta. Ab wah apne aane wale kal ke baare me sochne laga. Sabse pahle use diwakar nagar pahuchna hai. Tabhi wah kuch kar payega. Sath hi sath aage ka sochna padega.
Uske sath hi maa ne apni bloodline chupane ki baat ki thi. Use dragon dwara boli gayi bate bhi yaad thi. Dragon ne bataya tha ki vasna us par havi hoga.
Dhruv ko sabse pahle ek jagah rahne ka khojna tha. Uske baad blue star ki abhi ki shaktiyon ke baare me dekhna padega. Agar koi kitab mil jaye to achha. Dhruv waha se diwakar nagar ke liye nikal pada.
Do din baad…
Diwakar nagar ke gate par ek ladka khada tha. Uske kapde bhi fate hue the. Uske sharir par khun lage hue the. Sath hi sath uske sharir par kuch kharoche bhi dekhi ja sakti thi.
Uske itna bigde halat me hone ke bawajood uske sharir me tajgi thi. Wah jaldi hi city gate ke paas pahuch gaya. Gate par guard ne rok liya. “Ladke city ke andar jana hai to pahle fee bharo.”
“Ji kitna chahiye.” ladke dhimi awaj me bola.
“8 tambe ke sikke.” sainik bola.
Ladka usko ek chandi ka sikka deta hai. Blue star par currency me tambe chandi aur sone ke sikke chalte hai. 100 tambe ke sikka, 10 chandi ke sikke aur 1 sone ke sikke ke barabar hota hai.
“Bhaiya yaha nahane ki jagah hogi kya?” ladka usi tarah dhimi awaj me bola.
“Jaa ladke is kamre ke andar bathroom hai naha le.” sainik bola. Yah jagah bahar se aane wale ke liye hi banaya gaya tha. Kuch log kai dino tak bahar rahte hai aur pani na mil pane ke karan naha nahi pate. Isliye sahar me aakar pahle naha lete hai.
Ladka public bathroom me ghus gaya. Wah apne sharir ko achhe se dhoya. Jab wah ladka bahar aaya to bahut fresh lag raha tha. Usne abhi ek sadharan sa kapda pahan rakha tha.
Bahar wahi sainik khada tha. Apne samne shadharan se ladke ko dekh sainik ko sayad daya aa gayi. Wah ladke ko bulaya, “ladke yaha kya karne aaya hai?”
“Kya karu bhaiya main apne pariwar ke sath sahar aa raha tha. Raste me daku mil gaye aur unhone sari chije hadap li. Mere pariwar wale mujhe bachane ke chakkar me mare gaye.” Ladka bahut asani se jhuth bol gaya.
Sainik puchha, “ohh… aage kya karne ka socha hai?”
Ladka apna sir hilate hue bola. “Abhi to kuchh nahi.”
Tabhi waha se ek rath gujra. Usme ek ladki baithi hui thi. Wahi koi 18-19 saal ki hogi. Bahut hi sundar thi. Ladke ki ankho me chamak dekhi ja sakti thi.
Sainik ne apna kaam pura kiya. Uska kaam tha sabse aate samay paise lena. Sainik ka dhyan fir se dhruv par gaya, “waise ladke naam kya hai tera?”
“Bhaiya mera naam Dhruv hai.” Ladka bola. Ji haa ye dhruv hi tha. Jo janwaro aur dakuwo se ladte bachte Diwakar nagar pahuch aaya tha. “Bhaiya itne log city me kyun aa rahe hai.”
“Ladke city me royal academy ki selection hone wali hai. Isliye yaha log aa rahe hai. Waise tum bhi iske liye hi aaye ho?” sainik bola.
“Mujhe to gharwalo ne nahi bataya.” Dhruv apna bahana continue kiya.
“Dekho ladke mujhe lagta hai tumhe waha jana chahiye. Waise tumhari umra fit hai is waha admission lene ke liye.” sainik bola.
“Thank You bhaiya.” Dhruv bola. Usko rahne ke liye jagah chahiye thi. Yaha par jagah mil rahi thi. To kyon na wah yah kaam kare. “Thik hai bhaiya main chalta hu.”
Dhruv waha se nikal gaya. Wah market se gujar raha tha tabhi uske kano me awaj padi.
“Le lo bhaiya. Royal academy ka itihas. Le lo. Le lo. Ek tambe ka sikka me.”
Dhruv ne ek piece kharid li. Wah lekar padhne laga. Kaha jata hai ki Diwakar sahar Kandhar rajya ke andar aata hai. Kandhar rajya par abhi Gupta pariwar kabja kiye hue hai.
Abhi jo selection ho raha tha, wah royal academy me admission ke liye ho raha tha. Gupta pariwar harek saal rajya ke harek hisse se youth ka selection karti hai aur usko bhavishya ke liye taiyar karti hai.
Uske sath hi kitab me Gupta parivar aur royal academy ke bare me bahut kuch bataya gaya tha. Dhruv ko us kitab se bahut sari jankari mili.
Last edited:
