15
Aniket ke jab Renuka se baat ki to use Samir ke baare me pata chala ki kya hua ek din pahle ,phir usne uske diye gaye address pe par gaya Samir vaha pe room kar ke rahta ahta tha lekin vo kal shyam se nahi aaya tha , jab ki ab lagbhag subah ho gayi thi ,aur Aniket niket raat bhar soya hi nahi tha.
Use raat me bohot baar Divya ke call aaye jo ki aate to roj hi the baat krne ke liye lekin vo Divya ko avoid karna hi thik samaj Raha tha use samaj nahi aa rah tha ki kya kare lekin kal raat ko bohot se call aaye msg aaye msg usne padhe nahi , vo kuch Divya ke bare me soch nahi paa raha tha ki kya kare .
Dusri taraf paurnima bhi tension me thi usne police missing complaint krne ki Sochi jiske liye use vaibhav ko phone lagane ki jarurat padi . vaibhav bhi apne bahan ke bare me sunkar tension me aa gaya ki kaha gayi hogi aur use kuch hua to nahi hoga isiliye vo bhi apne ghar aane ke liye nikal gaya .
Aniket ne Samir ko dhundhne ke liye Aisha se kaha , vo abhi hi nind se uthi thi .vo bhi aniket ki vajah se late soyi thi .unke pass bohot si suvidhaye thi ki jisase vo kisike bhi msg ko padh sakte the lekin Samir ke mobile ki chatting ko hack vo nhi kar paa rahe the .
Aisha " hello , Aniket vo Samir ke mobile ko hack karna bohot difficult hai shayad usne apne aap ko hack hone se bachane ke liye naye tarike ka software apne mobile me use Kiya hoga "
Aniket " matlab saaf hai ki kalyani ke gayab hone ke piche Samir kaa hi hath hai , kya Samir aur kalyani ke bich me koi chatting yaa phone call hua hai "
Aisha " nahi hua hai , yaa phir hua hoga kyuki ham Samir ke mobile ko hack nahi kar paa rahe hai to aisa bhi ho sakta hai ki kalyani ka mobile bhi hack Kiya Gaya ho "
Aniket ye sab sunke puri tarah chinta me pad gaya ki ab kya kare , Samir ko kaise dhunde .use is tarah ki situation me sirf ek hi vyakti madat kar sakti thi vo thi mommy kyuki unke guptchar har jagah the unhe har tarah ki khabar milti rahti thi .aur nahi bhi hogi to unhe nikalne me jyada vakt nahi lagaya tha .
_______________________
Divya apne ghar me shweta ko god me sulakar baithi hui thi , kyuki shweta ne rote rote Divya ko raat bhar sataya tha kyuki Aniket ghar pe nahi rahta tha , use aadhi raat ko Aniket ke pass Jana tha lekin Aniket ne Divya ke calls nahi uthaye , isliye usne kaise bhi karke use Sula diya .
Aur ab vo sochne me vyast thi ki ab kya kare apne liye nahi ab apne beti ko to apne pita se alag kar nahi sakti thi .isiliye usne apne Bhai ko is baare me bata diya tha apni maa ko bhi is baat ki jankari de di ye nahi bataya ki kya hua bas ye kaha ki dono ke bich jhagda ho chuka hai kyuki usme itni himmat nahi thi ki ye baat apne maa baap ko bata sake .
Divya ne shweta ko bed pe litakar apne ko aap ko tayyar karne vali thi , uske baad shweta ko karti ki tabhi use kisika call aaya .
Divya " hello kon ?"
"Divya ek minute meri baat sunlo urgent hai "
Divya " tum , vaibhav mene kaha tha na ki mujhe call mat karna aur ye kiske no se call kar rahe ho "
Vaibhav " Divya ye aakhri call samaj lo lekin mujhe tumhari madat ki jarurat hai , meri behan missing hai , please "
Divya " kya , aur ye sab mujhe kyu bata rahe police complaint kro me kya madat kar sakti hu "
Vaibhav " tum police nhi par cbi me to jarur ho na , main police complaint vaha aane par kar dunga lekin police samay lagati hai aur main nahi chahta ki kuch deri ho jaye "
Divya " lekin me kya kar sakti hu "
Vaibhav " please aisa mat Karo bhalehi mere liye nahi meri bahan ke liye , please "
Divya " konse college me hai , aur kabse ghar par nahi hai tumhe pata hai "
Vaibhav " vo Aniket ke hi college me hai , tum ho sake to usase puch lena kuch pata hoto , vaise paurnima ne usake ek college ke sir se baat ki hai ,unhe kuch jyada nhi pata ,lekin vo idhar udhar dhund rahe the "
Divya " kisi dost se baat Hui ? , Mujhe no do main jaakar paurnima se milti hu ,kuch karti hu tum tension mat lo thik hi hogi vo "
Vaibhav " please jaldi karna Mai aa raha hu , aur please paurnima ko batana ki tum mere dost ki Biwi ho "
Divya " thik hai "
_________________________
Kalyani ek kamre me ro rahi thi , vo khudko Kos rahi thi , lekin uski galati isme kuch nahi thi .use kuch samaj nahi aa raha tha ki kya ho raha hai .
Ek taraf Dheera , Ajay aur Vijay ke sath baatchit me busy tha . Vo dono sandhya se milna chahte the aur in logo ke Raja ke sath jald se jald baat ho isi koshish me lage hue the .
Vijay " Dheera , hamare maharaj kab tak bahar aayenge ?, Ab tak to vishram ho gaya hoga ."
Dheera " haa uth to gaye honge lekin ,vo ab vyast hai Rajkumar aaye hue hai unke sath vyast hai "
Vijay " Rajkumar aaye hai , ye to achhi baat hai phir to unse bhi ham aage ki yojna ke bare me baat kar lenge "
Dheera " Haa kyu nahi , vaise vahi to hai jinhe ladne marne me jyada maja aata hai , apni Berki paramparao par garv karte hai , kabhi kabhi to lagta hai ki ye jarur purane din vapas laa denge "
Vijay " maine to bass tum se sab se bahot baar suna hai Aaj mil bhi lenge , hai ki nahi Ajay "
Ajay " haa bilkul vaise jawan khun hi ladhayi me kaam aata hai "
Dheera " Haa josh to hai , inki vajah se hi to tum
Logo ki baat maani hai Maharaj hai , mujhe to bohot pasand hai . Manavta , logo ki bhalai in jaise faltu shabd ka Kam hi istemal karte hai , ye Manavta sab kamjor log baat karte hai , jinko lagta hai vo agar unse takat var insaan se ladenge , lekin sach baat to ye hai ki vo veer hi nahi hai "
Ajay aur vijay , dono hi dheera ki baate sunkar chauk gaye , bhalehi vo dono ladayi me mante the lekin nyay ke liye , unke hisaab se unke saath anyway hua hai , lekin is tarah ki vichardhara ko dekhkar vo dar bhi Gaye the .
Vijay " vaise Rajkumar kaha hai , aur aaj koi shubhdin "
Dheera " haa shubhdeen aaj nahi lekin kal jarur hai "
Vijay " vo kya ?"
Dheera " unki shadi hai "
Ajay thodi der sochne ke baad " shadi kis se "
Dheera " haa hai ek unhe pasand aa gayi hai "
Vijay thoda soch me pad gaya tha ,kyuki pichli baar jab Raja se mila tha usne kaha tha ki uske bete ko sandhya pasand aayi hai par Raja ne hi mana kar Diya kyuki in sab ki vajah se koi nuksaan nhi hona chahiye .
Vijay thoda sochne hi tha ki Ajay ne Dheera se phirse sawal kar liya .
Ajay " kon hai kya ham use jante hai , ek minute ,.....tum logo me shadi to uthakar hoti hai "
Dheera " haa , aur tum dono nhi jante , maine isi liye kaha tha ki hamare Rajkumar parampara kabhi nahi todte , kyuki unhone parampara ke hisab se dulhan ko utha ke laya hai "
Vijay " kya vo dono pyar karte the "
Dheera " Rajkumar karte hai , aur uthvakar laya matlab nahi karti hogi "
Vijay " ek minute tum ne to kaha tha ki kisiko kidnap nhi Kiya hai "
Dheera " hamne nahi kiya hai Rajkumar ne Kiya hai vo bhi shadi ke liye aur use kidnap kahna band karo yaar , hamari prathao ke liye thodi tameej rakho "
____________
Kalyani jo ab tak ro rahi thi , pura chehra kharab ho gaya tha .jaise hi darwaje se koi aaya usne apne sar ko upar uthaya aur dekha to vaha pe Samir khada hua tha .
Samir jaise hi uske pass aake baitha kalyani usase door ho gayi .
Kalyani rote hue " kaha laye ho mujhe ,mene kya bigada hai tumhara , mujhe jane do please , please"
Samir " tumne kuch nahi bigadha hai jaanu main to tumhe raani banane vala hu , ab se sab kuch tumhara hi hoga jo mera hai "
Kalyani ekdum gusse se " kisi ladki ko jabardasti agwa karte ho aur upar se aisi baate kar rahe ho jaise koi maharaja ke ladke ho , "
Samir " lagta hai ab tak samji nahi , tum Berki tribes ko janti ho "
Kalyani sochte hue ki ye kya bate kar raha hai " haa uska kya vo to khatam ho gayi "
Samir " nahi vo tribes abhi bhi hai aur main us tribes ka Rajkumar hu aur tumse shadi hone ke baad Raja "
Samir aage aake kalyani ko chhune ki koshish ki , jaise hi uska hath kalyani ke pass aaya vo phir se piche sarak gayi .
Samir " ho jao dur kitni hona hai , agar me tumhare sath abhi kuch bhi
kar lu to koi kuch nhi bigad sakta mera , lekin tum pahle samaj jao ki yahi tumhari kismat hai "
