Update 20
Vijay har roz ab piney laga tha. Usski maa ko aur Pooja ko bahot takliff ho rahi thi Vijay ko uss haalat mein dekna….Vijay ke papa sham ko jab naukri se wapas atey to Vijay ki maa Vijay ke baarey mein batein karta pareshan hokar, lekin Vijay ke papa kehta tha ke, “kuch nahin hoga, abhi woh jawan hai pita hai to piney do, mujhey uss par pura bharosa hai ke woh sudhar jaega waqt aney par, abhi to woh ishk ke takliff bardasht kar raha hai issi liye weisa behave kar raha hai.” Balke woh to har subha ko Vijay ko saw rupay deta tha din guzarney ke liye, halan ke ussko maloom tha ke woh piney jayega phir bhi woh ussko peise deta tha……
Ek din Vijay piney gaya tha din mein. Din mein do baar pita tha, ek din mein barah baje aur ek baar raat ko. To din mein woh piney ko gaya tha aur Aisha Tiger ko khol kar ussko chain samet main road gayi thi kissi dukaan mein kuch laney ke liye… kyun ke woh kabhi bhi akeli kahin bhi nahin jati thi, pehley to sirf Vijay ke sath jati thi, par iss din ko Tiger ko chain hold karti huwi dukaan gayi…. Kidhar gayi thi? Thik usss jewelry shop ke yahan. (Aap log pehley post par sketch mein dekh saktey hein). Aur who restaurant bilkool uss jewelry shop ke bagal mein tha.
Jab Aisha kissi bracelet ko dekh rahi thi, to Tiger ko bahar ek lohey ke khambey mein bandh diya tha, aur udhar Vijay restaurant ke andar tha, Vijay jiss table par baitha tha, usska peeth jewelry shop ko karta tha, lekin Tiger ne ussko pehchaan liya aur bhonkney laga. Restaurant ke andar music chaloo tha iss liye Vijay khayal nahin kar raha tha Tiger ki awaaz ko.
Tiger zor zor se restaurant ke taraf dekhtey huwe bhonk raha tha aur bahot uchal raha tha….. ab Aisha ko pata nahin tha ke Vojay udhar hai, to jewelry shop ka dukandaar ne poocha ke kyun kutta itna bhonk raha hai aur uchal raha hai…. To Aisha baahar gayi Tiger ko khamosh karney ke liye…Lekin Tiger ek dum bekabu hogaya aur ziada hi uchal raha tha aur Aisha se nahin sambhal raha tha….to ussko wahin chor kar Aisha phir jewelry shop ke andar chali gayi…..
Tiger ziada zor se bhonkta gaya aur kuddta gaya, andar se Aisha har waqt Tiger ko baahar dekh rahi thi ek disturbed expression se, dukaan waley bhi disturb ho rahey the Tiger ki zordaar awaaz se…. lekin kuch der mein usska bhonkna bandh hogaya aur woh chotey kuttey ki tarah awaaz karney laga, jeise kissi malik ko dekh kar kutta karta hai khushi se…… jab Aisha ne Tiger ka badla huwa awaaz suna to ussko pata chal gaya ke baahar zaroor Vijay hoga kyunke Aish Tiger ko untna hi janti thi jitna ke Vijay, Aisha Tiger ke har awaaz aur harkat se waakif thi… huwa yeh ke Vijay ne andar se Tiger ki awaaz sunli aur uss ke paas agaya…. Ussko bhi pata chal gaya ke Aisha hi ussko lekar wahan ayi hogi, ussney andar jhanka aur jab dekha ke Aisha andar hai to, bus Tiger ko sambhalta tha……
Ab, jab Aisha baahar nikli to ussko pata nahin chala ke woh kia karein, Tiger ka chain Vijay ke hath mein tha, aur woh Tiger ko laayi thi… ..Aisha ne sar uthakar Vijay ko ek nazar dekha aur hath barhayi chain pakarney ke liye, bina kuch kahe, Vijay ne chain uss ko thama di….to jab Aisha janey lagi, to Tiger Vijay ke taraf ja raha tha, ab Aisha ko khinchna par raha tha, aur Tiger bahot strong tha to Aisha se nahin khincha jata tha, to Vijay ne kaha, “Rehne do, main le aata hoon Tiger ko, tum aguey chalo” Tab Aisha wapas ati hai aur chain ko Vijay ke hath mein deti hai, Vijay usska hath thamta hai, lekin Aisha apna hath zor se khinch kar jane lagti hai….. Vijay uss ke pichey pichey pukartey huwe, “Aisha, suno to, Aisha mujhey kuch kehna hai arey kum se kum meri baat to sun sakti ho nah yaar?!!” yeh kehte huwe Aisha ko follow karta hai…..
Donon jab Rhanveer lane mein pohonchtey hein to, Aisha dawdney lagti hai…aur woh dawdtey huwe apney ghar chali jati hai…Vijay, dekhta reh jata hai, aur Tiger ko uss ke ghar jaakar bandhta hai, aur Aisha ki khirki ki taraf dekhta hai….. Aisha ek baar khirki se jhankti hai aur waapas chali jati hai…..
Vijay ko ek ajib sa bhaaripan mehsoos hota hai dil ke andar. Ghuttan si mehsoos hoti hai aur ek gehra sa dard ki leher chalti hai uss ke andar…. Woh khud bayan nahin kar pata ke uss ko keisa mehsoos ho raha tha… ussko chilakar bahot zor se roney ko mann kar raha tha…. Wahin chup chap baith jata hai Tiger ke paas aur Tiger se batein karta hai enkhon mein ensoo liye huwe, « Kyun re Tiger, kia khata huwa re mujhse ! Meri Aisha mujhse kyun ruthi huwi hai re Tiger… hein ? bol re Tiger. Kuch to bol remere wafadar yaar…. Aur Tiger ko gaaley lagakar Vijay roney lagta hai….. Pooja, Vijay ke kamrey mein se sab dekh rahi thi, ghar ke andar se jab Aisha ne Tiger ko khola, aur dukaan ki taraf gayi tabhi se Pooja wait kar rahi thi ke kab woh Tiger ko wapas bandhney ayegi… to jab Vijay aur Aisha donon ek sath Rahnveer lane mein aye, to Pooja ne sab dekha tha ghar ke andar se, woh soch rahi thi ke donon mein phir sulah hogayi, lekin baad pata chala ke kuch weisa nahin … ab Pooja dekh rahi thi ke Viay Tiger ko thamey ro raha tha, to woh baahar gayi apne bhai ko ghar ke andar laney ke liye…. Aur donon bhai behen andar aye…. Pooja ne, Vijay ko khana serve kiya, aur uss se batein ki taake woh uss bat ko bhuladein…… lekin Vijay ghum phir kar wohi baatein karta tha…..
To be continued………………………..