• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Yeh bhi Muhabat hi hai (COMPLETED)

bondjamesbond09

Active Member
1,613
4,377
159
Update 21

Aaakhir khana khaney ke baad Vijay ne decide kiya ke woh Aisha se baat karney ko jaega…. Pooja aur usski ma mana kar rahe the Vijay ko…lekin uss ne kaha ke kitney dinon tak woh eisa sehta rahega…Phir pooja ne bhi kaha, “Han bhai, tum zaroor jawo, ussko majboor karo ke woh kahein ke kia baat hai… kum se kum ek jawab to miley uss se! jawo bhai jawo.”

Vijay Aisha ke ghar ke taraf gaya, usske chahi ne dekha aur Vijay ne Aisha ki maa se kaha ke woh Aisha se milna chahta hai. Chachi ne kaha ke agar Aisha ke papa ko maloom para to bahot mushkil hoga. To Vijay ne samjhaya ke woh to naukri par hai aur koyi bhi to nahin hai jo ussko batayega ke woh wahan aya hai…. Aisha ghar ke andar se sab sunn rahi thi, lekin khamosh thi….

Vijay zabardasti ghar ke andar ghuss gaya, aur chachi se kaha chacha ko kuch mat batana.

Vijay Aisha ke kamrey ke darwaze ko open kiya aur andar dakhil huwa…Aisha bistar par baithi huwi thi. Ussne sar utha kar Vijay ko nahin dekha, bus sirf nichey zameen ko dekhti rahi…… Vijay nichey zameen par baitha aur Aisha ke payron par donon haathon ko rakh kar poochcha, “Yeh sab kia hai Aisha? Kia ho raha hai hamarey beech jaan?” Aisha pathar bani khamosh sirf nichey dekh rahi thi. Vijay ne bahot batein ki lekin Aisha ne ek bhi jawaab nahin diya sirf khamosh nichey dekhti rahi.

Vijay ne usska haath apney haathon mein liya aur apney gaalon par lagaya, aur kaha, "dekho to inn hathon ko main ne kitney dinon se nahin chuwa, bhool sa gaya hoon innko main, nahin pehchaan raha hoon aaj main inn ko…. Kia yeh meri jaan ki kalaiyan hai? Kia yeh wohi haath hai jo mujhko khana khilata tha, kia yeh wohi hath hai jo mere liye school mein cakes bachata tha? Bolo Aisha, kuch to bolo jaan meri?!” Lekin Aisha bilkool chup thi. Phir Vijay ne socha ke ab kissi aur tariquey se ussko bulwaye….. Vijay bistar par Aisha ke kareeb baitha aur dhirey se usske honton ko kiss karna chaha…tab AISHA NE REACT KIYA, Vijay ko ek zor ka thapad mara!!............. Vijay ko ghusa aya aur chilla kar kaha! “Maro, aur maro, tumhara baap ne ghayal kiya tha, tum ne kum nahin dukh diya mujhey, andar ka dukh kum hai ab upar bhi koyi choat de hi do, maro Aisha aur maro…kia kiya main ne!! kia bura kiya? Tum ko chuma nah? Kia pehley nahin chuma tumko? Kia kia nahin kiya tumharey sath? Tumharey jism ki har hissey ko jaanta aur pehchaanta hoon, yeh tumharey papa ko pata hai? Hum donon ne apna had paar kar diya hai yeh tumharey papa ko pata hai? To kia hai yeh sab? Kia ho raha hai yahan?”

Aisha phir boot bani baithi thi. Vijay ne kaha, “Kia main murti se batein kar raha hoon? Hai jawab tumharey paas ? kuch to kaho ! »…..

Vijay ne phir apne aap ko kaabu mein kiya aur bahot pyar se, dhimi awaaz mein Aisha ke kaan ke kareeb kaha, «Tumhari jism ki khusbhoo mujhko bahot tarpaati hai jaan, tumhari aahon ki yadein satati hai jaaan meri, tumhari yadon mein jeeta hoon, tumhari badan ki khushbhoo ko yaad karta hoon, hamarey pyar bharey har pal mujhko tarpati hai….. keise bhool sakta hoon har pal jo main ne guzarey hein tumharey sath issi kamrey mein, tumharey jism ki har hissey mein main rehta hoon jaan, aur tum mujh mein rehti ho, hai nah? Bolo, to phir yeh doori kyun hamarey beech ? hmm. Bolo jaan ? Subha, savere, raat din sirf tumhara khayal rehta hai, sirf tumhara chehra enkhon ke saamney ata hai, ghar mein, kamrey mein, raastey par, jahan bhi jawun tum mere saath rehtey ho Aisha, uthte, baithte, jagtey sotey sirf tum rehti ho...chaaron taraf sirf tumhara aalam hai...main kia karun jaan ” YEH SAB KEHTEY KEHTEY Vijay ki enkhon se ensoo tapak parey….lekin Aisha bilkool pathar ki tarah, jeise koyi feelings na ho weise khamosh baithi thi…..

Vijay phir bhi pura koshish kar raha tha uss ne kaha, “ tumhein zor se bahon mein lene ko mann karta hai jaan, ek baar mere bahon mein ajawo please, siney se laganey do mujhko…” yeh kehkar Vijay ne Aisha ki bahon ko upar kiya aur apney bahon ko Aisha ke taraf kar raha tha uss ko apney bahon mein leney ke liye magar Aisha wahan se hatt gayi…. Phir bhi Vijay himmat nahin hara aur usske paas gaya aur dhirey se kaha, bahon mein lena to kia, tum se pyar karney ko bahot mann karta hai jaan, tumharey jism ke har koney ko chuney ko mann karta hai, iss blouse ko utarney ko mann karta hai, iss badan par charon taraf kiss karney ko ji karta hai, jeise hum har raat ko yahin par kiya kartey the…hmmm, bolo sweetheart, kia tumko mann nahin karta?” Tab Aisha ne ek lambi sanss lekar kaha, “uss din main ne tumko jawab dediya tha, agar tum samajhtey nahin ho to lo, phir se sunon, main tumhara koyi nahin lagti, bhool jawo sab kuch, main sab kuch bhool chuki hoon. Mera tumhara koyi rishta nahin hai! Samjhey ya phir se dohrana parega?”

Yeh sunkar Vijay kuch der khamosh raha aur jeise hi kuch kehney ja raha tha Aisha ne yeh bhi kaha, “Tum apna email nahin check kartey ho? Main ne tumharey sabhi sawalon ka jawab email mein de diya hai bahot hafte pehley. Wahan bhi yehi kaha hai main ne ! »

To Vijay ne ghussey mein kaha, «Achcha ! to main tumhara koyi nahin lagta? To kyun mujhey raat raat bhar apney iss kamrey mein rokti thi? Kyun har raat ko jab tak 7 baar light on/off na karun tum soti nahin thi, kyun mere baghair kabhi school nahin jati thi, kyun mere liye cakes bacha kar rakhti thi, kyun kyun kyun?” Phir Vijay roney laga…aur zor se, bahot hi zor se chilla kar kaha, …..”Thik hai miss Aisha Rhanveer ! Bahot achchi baat hai. To ab mera bhi ek baat ghaur se sunlo tum, shayad tumko yeh sunkar behad khushi bhi hogi………

YEH BATEIN Vijay itna zor se chilla kar keh raha tha ke Vijay ki maa aur Pooja daudtey huwe wahan gaye dekhney ke kia ho raha hai….. to unn logon ne suna Vijay keh raha tha…….. “Aaj main Vijay Rhanveer tum se yeh wada karta hoon, kassam khata hoon ke agar main apney baap ka awlad hoon aur mard ka bachcha hoon, to KABHI BHI ZINDAGI BHAR SHADI NAHIN KARUNGA! AGAR TUM AYI MERI ZINDAGI MEIN TO THIK HAI, LEKIN TUM NAHIN TO KOYI BHI ISS DUNYA MEIN MERI PATNI NAHIN BANEGI. Chahey akele hi budha kyun na ho jawun lekin kissi ko nahin apnawunga, Yeh mera mard ka wada hai tumse miss Aisha Rhanveer!” Aisha thartharatey huwe honton se, Vijay ke enkhon mein dekh rahi thi jab woh yeh wada kar raha tha aur usske enkhon se ensoo behney laguey… Vijay bhi woh kehtey kehtey ro bhi raha tha, usski awaaz tuth gaya tha aur rotey rotey wada kar raha tha….. udhar Pooja aur usski maa bhi Vijay ke baton ko sunkar ro parey…Aisha ki maa bhi ro pari….

Vijay Aisha ke kamrey se nikal aya, to dekha pooja aur usski maa wahan hai to uss ne kaha, “Chalo maa, aaj mai tumse yeh kehta hoon ke idhar hamara koyi rishtedaar nahin rehta chalo yahan se Pooja.”

Aisha roti huwi Vijay ke pichey kamrey se baahar nikal rahi thi, tab Vijay ne palat kar kaha: “Aur han yeh mat sochna ke yeh sirf abhi ki batein hai baad mein bhool jawunga…nah! Tumko achchi tarah se maloom hai ke main jo kehta hoon woh karke dikhata hoon, aur yeh bhi mat sochna ke agar tumney shadi kissi aur se karli tab main tumko bhool kar apna ghar basa lunga, nahin kabhi nahin, tum ne kissi aur se shadi ki to matlab ke mujhko dhoka diya aur mera budha honey tak akele rehney ka zimewaar tum hogi….main ne sirf tumse pyar kiya yeh dunya ko maloom hai, to main ab kabhi bhi kissi se pyar nahin karunga…. This is my SOLEMN promise to you Miss Rhanveer Aisha, BEWARE, I ALWAYS MEAN what I say! Bye, YOU BE HAPPY AND LET ME TAKE ALL YOUR SADNESS! ENJOY YOUR LIFE MY DEAR JAAN!”
Yeh kehkar ensoo bharey enkhon se Vijay wahan se apni maa aur Pooja ko liye wapas apney ghar chala gaya!!
Ghar janey ke baad, apney kamrey mein khud ko bandh kar ke bistar par leyt kar khub roya…ghantey bhar rota raha…. Pooja baahar se kayi baar darwaza kholney ko kaha lekin sirf der sham ko ussne darwaza khola….

Raat ko Pooja ko heirani huwi ke dinner ke waqt Vijay table ke paas aakar baith gaya. Woh to har raat piney ko jata hai pikar nashey mein dhuth ata hai tab khana khata hai….lekin Pooja bahot khushi khushi Vijay ke khana nikaal kar uss ke paas table par serve kar diya…aur apna khana bhi nikal liye aur Vijay ke sath baith kar donon bhai behen ne khana khaya…… Aisha bahot khush thi ke Vijay piney nahin gaya…..

Raat ko soney se pehley Pooja Vijay ke kamrey mein gayi, Vijay leth raha tha, Pooja ne kaha , “ Bhai, aaj kia main tumharey sath so sakti hoon?” Vijay, Pooja ko dekh kar muskuraya aur, jagah banaya bistar par aur apney bahon ko khola Pooja ko bahon mein lene ko, donon bhai behen ne ek dusrey ko bahon mein liya aur donon khub roye….. Vijay ek bachchey ki tarah ro raha tha, Pooja Vijay ko comfort kar rahi thi, lekin saath saath khud bhi ro rahi thi….

Aakhir Pooja ne baat ki, “Bhai aaj mujhey bahot khushi huwi ke tum drink karney nahin gaye, main ne socha tha aaj to tum bahot ziada hi pikar awoguey uss problem ki wajah se, lekin bahot hi achcha laga ke tum nahin gaye bhai. Thank you bhai.” Vijay ne jawab diya, “Don’t worry aaj ke baad main har roz piney nahin jawunga…. Kabhi kabhaar pilunga, har roz nahin jawunga…”

to be continued..................
interesting
dekhte hain Vijay ab Kya karta hai
 

bondjamesbond09

Active Member
1,613
4,377
159
Update 22

Dusrey din Vijay subha ko nashtey ke baad apna computer ko on kiya bahot dinon ke baad. Yahoo mail open kiya to bahot sarey mails the unn mein Aisha ke mails bhi the. Do mails the Aisha ke taraf se.
Vijay ne read kiya, woh kuch eisa tha:

Dear Vijay,
We are not destined to be together in this life. If God bless we will meet in another life after another birth. Please forget me, I am taking you out of my heart right now as I don’t want to face any more troubles. I have no particular reasons to give you as I don’t find it necessary. What is important is that we will no longer spoil any lives.
All the best for your future.
Do forgive if possible, or else it’s my fate again which I accept.


NOT yours,Aisha.


Vijay ko yeh mail pahr kar bahot ghussa aya. Aur woh reply karna chaha lekin delete kardiya. Phir doosra mail open kiya. Woh eisa tha:


It’s me once more. I am burning all things which belonged to you. I put fire to all. Do the same you also, you will not be haunted anymore by my memories. I destroyed everything where you were present. You do the same as well.
Aisha.


Vijay ne iss mial ko bhi delete kiya… lekin kuch der baad, trash mein se phir inbox mein move kiya aur inbox mein se ek folder create kiya jiss ko ‘Aisha’ ka naam diya aur donon mails ko wahan move kardiya.
Uss ke baad kaafi der tak Vijay computer ke paas baitha raha idhar udhar surf kartey…… Pooja usske kamrey mein ayi aur poocha kia karr raha hai…. Vijay ke enkhon mein ensoo the…lekin uss ne koyi jawaab nahin diya Pooja ko aur wahan se uth kar chala gaya…..

Din bhar ghar par nahin tha, khana bhi nahin khaya din mein… Pooja soch rahi thi ke pikar wapas ayega, lekin sham 4 bajey normal waapas aya. Pooja ne pucha kahan gaya tha to jawaaab diya ke university gaya tha inform karney ke kia hoga usske absences ka to jawab mila ke ussko refer kar diya gaya hai agley saal phir se join kar ke apna course complete karein! Pooja bahot khush huwi aur apni maa ko khush khabri sunayi, usski maa bhi bahot khush huwi aur jab sham ko Vijay ka papa aya to uss ko bhi news mila to woh bhi bahot happy huwa aur Vijay ko shaabaasi di aur himmat di aguey bahrney ke liye.
Lekin 3 mahiney abhi baaki tha agla semester shuru honey ko, to Vijay soch raha tha ke 3 mahinon tak kia karega….

Online gaya pc par aur jobs ki talash karney laga to dekha ke ek call centre mein vacancy tha. Online hi apply kiya aur kuch ghantey baad reply aya ke office aakar boss se miley!!

Dusrey din uss call centre ke maalik se milne ko gaya to ussko dusrey raat se kaam par aney ko kaha gaya….

Ghar wapas aakar apni maa aur Pooja se kaha ke woh raat ko kaam karney jaega call centre mein…Pooja aur maa donon khush nahin the ke raat ko woh baahar jayein…. Lekin Vijay ne donon ko convince kiya ke kitney saarey ladkiyan raat mein kaam kar rahe hein aur woh to ladka hai to kia huwa aur woh bhi to temporary kaam karney jaa raha tha sirf 3 mahinon ke liye…..
Sham ko usske papa ne kaha ke thik hai jaa sakta hai… uss ka papa ussko hamesha support karta tha, har baat mein kyun ke ussko Vijay par bahot bharosa tha.

To agley raat ko Vijay call centre ponhcha….. chota sa training ki zaroorat thi aur ek khubsurat ladki ussko train kar rahi thi ke keise kaam chalana hai. Uss ladki ka naam bhi Pooja tha aur Vijay ne baton baton mein uss ko bata diya ke usski behen ka naam bhi Pooja hai….. donon jald hi dost ban gaye…. Ek raat mein laga ke donon barson se dost hai…..

Subha 7 bajey ghar wapas aya vijay, aur Pooja sokar uthi bhi nahin thi….Pooja ke kamrey mein gaya aur cher chaani ki usske saath aur bataya ke raat bhar woh ek dusrey Pooja ke saath tha!! Ghantey bhar Pooja ko bistar se utarney nahin diya itna shararat kar raha tha usske saath… Pooja zor zor se chilla rahi thi, itna ussko Vijay tang kar raha tha…. Vijay ki sab se choti behen Anu shor sunkar woh bhi pohnchi Pooja ke bistar par aur Vijay ka saath diya Pooja ko tang karney ki…Pooja Anu ko maar rahi thi magar Vijay ko to nahin maar sakti thi… usska bada bhai, Vimal bhi kuch der andar gaya aur sab milkar Pooja ko tang karney laguey yahan tak ke Pooja roney lagi… Jab Vimal ne Pooja ko rotey dekha to bhaag gaya kehkey ke woh naukri par ja raha hai…..

Magar Vijay ne Pooja ko zor se bahon mein liya aur phuslaya ke woh sab bus mazaak kar rahey the usske saath…..

Vijay ka papa bhi naukri ke liye nahin nikla tha jab Vijay wapas aya to…donon maa baap bachon ko iss tarah se khushi khushi kheltey dekh kar bahot khush huwe. Vijay ki maa ne prathna ki uss ke ghar mein hamesha eisa hi khushian bani rahe….

To be continued……………………..
chalo achcha hai kaam me Vijay ka man to lagega
 
  • Like
Reactions: Casinar

bondjamesbond09

Active Member
1,613
4,377
159
Update 23

Vijay ke dil ke andar gehra zakhm tha jissey woh chupaney ki koshish kar raha tha. Issi liye ussney call centre mein naukri ki taakey woh Aisha ki yaadon se door bhaag sakey. Kissi se kuch kehta nahin tha magar andar hi andar woh bahot kuch seh raha tha. Aksar woh Aisha ki yaadon mein dooba rehta halaan ke ussney Aisha ko yeh kehdiya tha ke woh kabhi kissi aur se shadi nahin karega to iss ka matlab to saaf tha ke woh sirf ussi se pyar karta tha….

Woh ghar mein Pooja ke saath cher chani, mazaak kiya karta tha kyunke uss ko pata tha ke Pooja bahot ghamgeen hoti hai jab Vijay udaas rehta hai, to bus apney ghar walon ko khush rakhney ke liye uss ne apna dard chupaya huwa tha lekin kitney dinon talk who eisa kar paata??

Din,haftey, mahiney guzartey gaye…. Woh har raat call centre ko chala jata aur subha saverey ghar ko wapas ata jab uss ka papa aur bara bhai kaam ke liye bhi nahin nikley hotey. Har roz kuch na kuch cakes waghairah lekar ata sabhi ke liye ghar par…. Aur jab bhi woh kuch kharidta to Aisha ko yaad karta kyunke jab bhi woh kuch bhi kharidta tha to uss mein Aisha ka kaq hota tha pehley…..

Ab din mein woh sota tha din ke 1 baje tak, kabi kabhi 2/3 bajey tak…. To din ko kia guzarta hai Rhanveer lane mein ussko kuch pata nahin chalta tha…. Udhar Aisha ko bhi kuch samajh mein nahin ati thi ke Vijay kia kar raha hai, kahan jata hai etc… Aisha ko yeh tak pata nahin tha ke raat ko Vijay kaam par jata hai…ab to sabhi communication bilkool hi cut gaya tha….

Han ek baat batana bhool gaya main…. Pehla din kaam par janey se pehley Vijay ne Tiger ko train kiya Pooja ke saath, woh iss liye ke Tiger ko raat ko khola jata hai aur uss waqt woh naukri par hota hoga…. Jab Vijay Tiger ko train kar raha tha to Aisha apney kamrey mein baithi sab sun rahi thi…. Veise hi Tiger ko Train kiya tha Vijay ne Aisha ke liye bhi….. to train kuch eisa kiya taakey kholney ke liye Tiger Pooja se ziada uchley kudey nahin, aur bandhney ke liye woh araam se aakar apna chain galey mein bandhwaley…..

Vijay ne ek danda liya apney hanth mein aur Pooja ko bhi ek danda diya…. Isharey se aur zor se awaaz dekar uss ne Tiger ko baahar aney ke liye order kiya to Tiger bahaar aya doombh hilatey, to Vijay ne Tiger se kaha, “Yeh Pooja hai, meri sister hai, sunn raha hai tu? Main nahin rahunga to yeh tumko kholne aur bandhney ko ayegi aur tu chup chap ayega aur bilkool nahin uchlega!! Suna tu ne Tiger?” Phir Vijay ne Tiger ko andar apney ghar mein janey ko order diya aur Tiger ghuss gaya ghar ke andar. Tab Vijay ne Pooja se kaha ab woh danda dikha kar Tiger ko baahar aney ko kahey….. Pooja ne weisa hi kya, tab Tiger ne Vijay ke taraf enkh uthakar dekha… to Vijay ne kaha, «Arey haan ussko bhi obey karna hoga tujhey, tu sun jo woh kehti hai !! » Magar Tiger andar hi baithey apna poonch hilla raha tha…. Phir Vijay ne Pooja ko kaha ke oonchey awaaz mein kuch ghusa hokar Tiger ko bahar aney ko kahe !! To Pooja ne chila kar kaha, « Abe o Tiger sunta nahin kia ? baahar nikal!!” to Tiger sar jhukaye huwe, doombh ko bilkool nichey kiye huwe Pooja ke saamney aya, sar tak nahin uthaya ussko dekhney ke liye….. Pooja uss dandey ko zameen par pith rahi thi….. Jab Pooja ne dekha ke Tiger bilkool gae ki tarah khamosh agaya to ussko heiraani huwi aur uss ke mann mein komalta sa jaga, aur baith gayi Tiger ko caress karney aur uss ke chain ko khol diya…. Tiger kuda aur bhonka phir do turns karkey daudtey chala gaya….

To baandhney ke waqt Vijay andar apney kamrey mein tha aur Pooja ko kaha "Jawo tumhi uss ko bulakar khaney ko do, jab woh khaney lagey tab chain usske galey mein hook karna….." Pooja ne weisa hi kya aur kaamyaab rahi…to Vijay ne kaha Pooja se ke usski ghair haziri mein weise hi Tiger ka khayal karein.

Han to din mein ek Roz Vijay soya huwa tha jab Tiger zor zor se bhokney laga aur uchal raha tha. Vijay ki neendh tut gayi aur khirki ke bahar dekhney gaya ke kyun Tiger weisa behave kar raha hai….. to dekha ke Aisha bahot khubsurat dress mein thi, achcha make ups vaghaira kiya tha aur apney maa ke saath kahin jaa rahi thi, to Tiger uss ko weise bhonk raha tha aur Aisha isharey se Tiger ko cher rahi thi…..

Aisha veise dekh kar Vijay ke dil jeise zor se dharka aur, ussko ek bhaaripan jeisa mehsoos huwa…. Aisha kuch ziada hi khubsurat lag rahi thi. Vijay ne khirki ke pardey se apna chehra dhanka aur chupke se Aisha ko dekh raha tha…. Aisha khari apni maa ka intezaar kar rahi thi jo tab tak baahar nahin ayi thi….. Vijay dekhta gaya Aisha ko…. Aur uss ka mann ek dam machal raha tha aur, ussko jeise Aisha ko apney bahon mein zor se lene ko kiya…. Aisha ne ek khubsurat laal rang ke dress pehni thi, aur dress ke charon taraf safed rang ka border tha, aur Aisha ke galey ki safed rang match kar rahi thi uss red colour se…. Aisha ke baal khuley huwe thai…jeise Vijay passand karta tha….. Vijay dekhna chahta tha ke, kia Aisha uss ke kamre ke taraf dekhegi ya nahin…. Aur notice kiya ke han kayi baar Aisha ne Vijay ke khirki par apna nazar dawdayi…. Aur Vijay ke terasse ke upar bhi dekh rahi thi….Vijay man hi man soch raha tha ‘kia ussko pata hai ke main ghar par hoon?’….. Vijay ki nazar Aisha ki breasts par pohncha, aur Vijay ko laga ke woh thora sa ziada bara lagta tha…. Phir Vijay ne Aisha ko upar se nichey khub nihara…. Woh muskura rahi thi, aur Tiger ko cher rahi thi, ek snack kha bhi rahi thi aur Tiger ko bhi phek rahi thi khaney ko….. Vijay ki nazar phir Aisha ki ghutney par pohnchi, dress wahin tak thi, phir Vijay apna nazar ghutney par se nichey tak pherta gaya, Aisha ki calves tak phir ankles tak… har hissey se woh waqiff tha… uss har hissey ko chuwa tha uss ne, kiss kiya tha, apna banaya tha… Aisha ki badan ka har hissey par Vijay ka haq tha kabhi… yeh sab soch raha tha Vijay aur uss ka dum ghutney laga… jeise ussko sanss leney mein takliff ho raha tha…aur jaldi se woh terasse par gaya..aur donon aamney saamney ho gaye achanak!!

Jab Aisha ne Vijay ko terasse par dekha to apna peeth kar liya Vijay se aur zor se kaha, “Maa!! Kia kar rahi ho ab tak !! dulhan ki tarah tayaar ho rahi ho kia ? singaar karni hai ?? » yeh kehkar khud hansi Aisha ne phir mudkar Vijay ko dekha, par Vijay nahin hans raha tha, balkey ussko peeth ki orr nihaar raha tha….. Vijay ka terrace Rhanveer lane ko face karta tha, aur uss waqt Aisha lane mein hi khadi thi jo uss ke ghar tak end hota hai…Rhanveer lane jeise inn teenon families ka angna tha….

Kuch der ke baad Aisha ki maa nikli aur, donon chalney laguey…Aisha ne sar utha kar ek baar phir Vijay ki nazron mein dekha, aur apney chudiyon ko kalayi par sarkaya…tab Vijay ne dekha ke usski kalayi mein woh laal chudiyan thi jo kabhi Vijay ne kharid ke diya tha Aisha ko…… Vijay chohnka aur socha ke uss ne to kaha tha mail mein ke ussne Vijay ki di huwi har chiz ko jala diya hai?!!.... Woh donon Rhanveer lane mein jaa rahe the aur Vijay dekhta raha, aur jab lane ke aakhir tak pohnchey to Aisha mudkar Vijay ko phir se dekha ek halki si muskaan ke saath….

Vijay ko kuch samajah mein nahin araha tha ke kia chahti thi yeh ladki !! kyun eisi behave kar rahi thi jeise kuch kehna chahti ho magar keh nahin paa rahi thi?!!

Vijay ghar ke andar gaya , computer on kiya aur phir se usska mail check kiya aur socha ke koyi aur mail hogi Aisha ke taraf se …magar nahin tha…. Lekin call centre wali Pooja ke yahan se 15 mails the !!! kuch forwarded mails thai aur 3 personal mails thai….. love letters ki tarah….. lekin Vijay ko koyi interest nahin thi Pooja ke saath aur ussko ghalat faimai mein nahin rakhna chahta tha to ussko reply kiya aur kaha ke usska mangni ho chukka hai Aisha ke saath…..

To be continued…………………….
Kya chal rha hai Aisha ke dimag me ya wo koi khel khel rahi hai
is muskan ka kuch to raaj hai
 
  • Like
Reactions: Casinar
Top