Update-51(Found'em)
51
Deepak-Are you sure sir?? Wahaan saare badmash he millenge aapko..
Main-Badmaashon ko he dekhenge aaj.. Lets go..
Ye bolke Main Jack Abeer Nisha or Deepak nikale gaadi mein baithke..
Wahaan se 15-20 minutes kaa raasta tha and humlog finally shastri Nagar ki uss basti mein pohanchey gaadi andar jaane ki jagah nahi thi as galiyan thodi tight thi issliye gaadi humne bahaar he roukki or andar ghusse uss basti k..
Main-Kiske sath rehta tha ye??
Deepak-Akela bhai.. Ek wife thi woh bhi chhod gayi isko..
Main-Cool, warna woh bhi maari jaati bechaari.
Humlog aage aaye Deepak or Nisha aage chal rahe they..
Main-Jack pistol haina..
Jack - Loaded and ready to go bhai..
Main-Badhiya, kahin bhenchod koi bakchodi kare toh thok dena.
Jack - Don't worry bhai..
Humlog finally ek choraahe par pohanchey jahaan 4-5 londo ne raasta rouka hua tha wohlog bikes par they or wahaan uss galli ko bandh karke baithtey they..
"Kaise Inspector sahaab kahaan chale aarahe ho??"
Deepak - Bhaaskar se milna hai..
"Bhaaskar bhai idhar hain he nahi Baahar hain"
Deepak - Koi naa hum uske ghar se pata karlenge..
"Aise kaise karloge??"
Main-Oye vakeel idhar dekh ek raipta maara naa toh yahin mutt dega.. Hatt saale aage se..
Ye sun woh bike se khadda hoke meri taraf aane laga lekin usase pehle Abeer ne maara uske munh par punch jisse lagtey he woh literally knock out hogaya, Abeer kaa punch koi hatta katta naa seh paaye toh ye toh bhenchod mareej tha woh wahaan niche he padda reh gaya..
Main-Haan ab bolo?? Or koi?? Bhenchod jaantey ho kiske saamne khaddey ho.. Abki baar seedha khopdi kholdi jaaegi samjhe..Nikalo..
Ye sunte he baaki bache londo ne apni bikes side mein ki or ek hilla hilla k uss behonsh bandey ko jagaane laga..
Main-Chal Deepak bhai..
Humlog aage aaye toh Bhaaskar kaa ghar sabse alag he tha yahaan, jyaada bada kuch nahi tha lekin iss area mein sabse badhiya ghar uska he tha..
Deepak ne darwaja knock kiya toh darwaja sapaat khull gaya..
Main-Waah! Matlab laash yahi mill jaaegi uski..
Ye bolke humlog Andar enter hue toh andar hall mein ek laash paddi thi ye tha Bhaaskar. 40-42 age full mota sareer or khoon se bhare kapde.. Uska galla kaata gaya tha..
Main-Nice...Bulao forensic waalon ko yahaan bhi..
Nisha-Ji.
Deepak - Ab sir?? Ye lead bhi gayi?? Yahaan toh log kuch bataaenge bhi nahi police ko..
Main-Unhe pata hoga kuch tab naa bataaenge woh bike waale londey iske khaas they unhe he nahi pata tha ki Bhaaskar yahaan marra padda hai toh kisko kya he pata hoga bhalla..
Deepak - Fir sir??
Main-Easy haibe.. Multiple log they woh obviously toh gaadi se he aae honge or idhar se entry karne kaa ek he raasta hai toh humaari tarah gaadi main road par he khaddi karke aage aaye honge wohlog bhi or wahaan road k dusari side Bank hai jiske bahaar camera tha advanced laga dikhne mein camera toh isko jo bhi thok k gaya hai uski gaadi ko capture kiya hoga uss camera ne..
Deepak-Right.. You are insane sir..
Main-Khoon jiss hissab se sukh gaya hai toh almost 15-16 ghantey hogaye honge murder hue yaani kal raat 7 se 9 baje k bich kaa kand hai ye toh iss bich ki footage leke aao bank se.. Yaa 7 se 10 ki leke aana just to be sure..Or yahaan constables ko bula lo...
Ye bolke humlog bahaar aaye toh woh bike waale 3 londey humaare piche piche aagaye they..
Main-Kya be tumhaare bhai ko koi tapka gaya tumlog kya kar rahe they??
Ladka-. K.. J. Kya???
Main-Jaa dekh k aao..
Wohlog bhaagtey hue andar ghusse or itani he speed se waapis bahaar aaye. Unke thobde se ye clear tha ki ye unke liye bhi shock tha unhe ghanta kuch nahi pata tha andar kya hua..
Main-Kyun bataoge kuch??
Is par koi kuch nahi bola..
Main-Abe jinda tha tab toh iske kuch kaam aa nahi paaye tumlog ab marr gaya hai kamsekam abtoh kaam aajao uski aatma ko he shanti mille.... Haan?? Kal raat 7 baje k baad kon kon milne aaya tha??
Ladka1-B.bb.hai se milne toh bahotttt loggg aatey rehtey hain.. Kal bhi kaafi aaye they..jyaadatar shyaam 5 se 8 k bich he aatey hain 8 k baad koi nahi aata.
Main-Abe maal khareedne waale nahi koi alag bandey, jinhone badhiya kapde pehne ho orr shakal se gunde lagein?? 3-4 ek sath aae honge yaa maybe jyaada..
Ladka-3-4 gggroups bhi aaye they..
Main-Bhakk bhosdk..Deepak situation sambhal or constables k aatey he footage leke pohanch wahaan, naa toh ek second yahin dekh lenge footage chalo bank..
Deepak - Ji sir.. Bus constables aa he rahe hain 2 minutes mein..
Main-Koi naa aa jaaenge ye apne koi kaam kaa nahi hai..
Ye bolke humlog wahaan se bahaar nikale and gaadi wahin chhod road cross karke dusari side aaye jahaan Bank tha uske gate par camera laga tha, camera 360° waala tha kyunki private bank tha government bank mein bc kahan 360 milenge.. Humlog andar aaye or seedha manager waale room mein aaye..Manager ek 35-40 ki age ki Lady thi..
Main-Good afternoon madam..
Manager - Ek baar jarra wait kijiye..
Main-Waah.. Madan computer screen se thobda uthaao, mujhe toh chalo ek baar nahi pehchaano lekin ye madam IPS ki uniform mein hain inki toh ijjat karo..
Manager - Sorry. Baithiye. Yes how can I help you..?
Main-Kal raat 7 se 9 baje k bich ki cctv footage caahiye aapke bahaar waale cctv camera ki..
Manager - Why??
Main- Sawaal bahot karti ho aap..
Manager - Hakk hai mera..
Main-Inspector inko daalo pehle toh gaadi mein,
Manager - Why is that??
Main-Madam tumhaare sawaalon ka jawaab nahi hai mere pass, lekin dekho lady police yahaan mojjud hai toh main obstruction k charges par yahaan se abhi k abhi hathkadi pehnaake leke jaaunga tumhe, obviously tumhara vakeel bacha lega tumhe but yahaan staff k saamne jo tumhari ijjat kaa kachra hoga woh main karna nahi caahta, issliye bina sawal jaldi se footage check karwaaiye..
Ye sunke usne mujhe ghurr k dekha and then shayad pehchaan bhi gayi, but jo bhi tha woh uthi wahaan se or humein sath aane ko kaha.. Humein woh ek cabin mein leke aai jahan ek champu saa londa baitha tha computer k saamne..
Manager - Dinu inhe Kal shyaam ki footage dikhaana..
"Ji mam"..
Ye sunke woh wahaan se chali gayi..
Main-7 baje se suru kar bhai..Bahaar waale camera ki..
Usne kuch minutes mein footage saamne chaalu ki or by god footage kaafi clear thi, night time mein bhi itani clear jo humaare liye better tha..
Main-Fast forwarding mein chalne dey... 8X par. Roukane k liye taiyaar rehna..
Footage chaalu hui toh uss galli kaa clear view tha kai log gaye wahaan se andar obviously shakal kuch jyada clear nahi dikh rahi thi kissi ki but shakal k bina bhi kaam chala lenge humlog.. Abhi takk keval bikes yaa paidal he mostly log gaye uss gali mein, haan 2 baar gaadiyaan bhi rukki wahaan lekin woh choti gaadiyaan thi or 1 gaadi mein se ek he uttara or dusari mein uttare 2 jinmein se ek wahin rukka or dusara galli mein gaya.. Ye sab Bhaskar k clients they jo usase maal letey they..
Abeer-Kya be?? Kahin koi dusare raaste se toh nahi aagaya.
Main-Deepak ne bataya mujhe ki dusara raasta basti k dusare corner par hai or usme bhi gaadi bahar he khaddi karke andar aana hota hai paidal. Itani durr kon jaaega be jab ye saamne he hai.. Sab idhar se he toh aarahe hain.
Abeer - Inmein apne kaam kaa toh koi naa hai..
Main-Thand rakh mill jaaega..
Finally net 7:45 par ek Bolero aake wahaan rukki jisme se 5 bandey uttare..
Main-Ye hain apne bandey.. Ek baar puri footage chalado bhai kahin koi orr toh nahi aaya hoga..
Ye bolke ussne puri footage 9 baje takk chalaai iss bich bus woh bolero waale he waapis gaye orr koi gaadi nahi aai..
Main-Perfect.. Ab woh bolero aai tabse suru karo..
Usne firse wahin se suru ki unki pith thi humaari taraf or 2 ka thobda bhi tha camera k taraf lekin clearly visible nahi tha still Deepak ne photo khinchi un dono ki, gaadi kaa number visible tha Deepak ne note kiya ab wohlog kareeb 30 minutes baad waapis gaye..
Main-Ye gaadi pata karo kiski hai.. Kal raat wahaan nehar k uppar se bhi ye log ek suv gaadi mein gaye they toh 99% yahi hai.. Gaadi chori ki hogi truck ki tarah lekin unhone chhodi nahi hogi gaadi abhi, harr ek thane check post par khabar pohancha do ki ye gaadi caahiye humein, dikhe toh bus inform karo or kuch bhi nahi karna hai.. Kuch bhi nahi.. Or ye dono ki photo bhi bhejo Meerut k harr thane k harr officer k pass, jo inko by face jaanta hoga woh toh pehchaan he jaaega itani clear photo toh hai he .. Jaldi karo ye dono kaam. Also sehar se bahaar jaane waale harr raaste par checking karwao, kacha raasta ho yaa main road harr jagah checking caahiye mujhe ..Ye gaadi millgayi toh samjho kaatil milgaye..
Continued..