- 18,429
- 125,334
- 259
Update 72 Vihaan Chats with Ruchi
“hello Ruchi, Vihaan here, thanks very much for giving me your number”
Ruchi ka jawaab yeh aya,
“Kahan the aap? Eise to piccha karte ho aur jab aap se milne ko mann kiya to aap ghaayab the, yeh jaan bujh kar kiya nah aap ne mujhe sataane ke liye, bataayie!?”
Ab aguey….
Ruchi ki message padhkar Vihaan hanssne laga aur saanss sambhaalne ke baad type karke send kiya,
“lagta hai aaj upar wala mujhse bahot ziada khush hai issi liye mujhko itne saare khushiyan ek saath de diya!”
Ruchi ne Vihaan ke mesg padhkar khud se kaha,
“yeh kia keh rahe hein French teacher Sir? Mere question ko avoid kar rahe hein…” aur ussne likh kar send kiya,
“achah ji, to aap ko itni Khushi mili ke aaj aap ne mera wait nahin kiya mujhko chaaron taraf aap ko dhundne ko chorra aur jaan bujh kar mujhko sataya, issmein aap ko itni Khushi mili?!”
Vihaan phir se hanssa usski mesg padh kar aur yeh likh kar send kiya Ruchi ko,
“ari kyun ulta matlab nikaal rahi ho tum? Main busy tha aaj hahahaha!”
Ruchi: “busy? Class to kal start kar rahe ho aap aur busy ho gaye? Kyun aap ne aaj mera wait nahin kiya? Kahan se chhup kar mujhko dekh rahe the aap jab main college se wapas gaon aayi shaam ko batao!”
Vihaan aur bhi zor se hansste hue text kiya,
“are main sheher gaya hua tha”
Ruchi: “sheher to wahan hai jahan college hai!”
Vihaan: “nahin main apna ghar gaya tha certificates vaghaira lene kal office mein dena hai”
Ruchi: “aap ka ghar kahan hai?”
Vihaan: “yahan se bahot door, koyi 450 kms door”
Ruchi: “aur abhi kahan ho aap?”
Vihaan: “issi gaon mein”
Ruchi: “ofo main kuch nahin samjhi”
Vihaan: “thik hai kal samjhaunga”
Ruchi: “Sunday ko aap ke saath ek bahot khubsurat adki thi, kaun hai wo?”
Vihaan:”kyun? Tumhare khayal se kaun ho sakti hai?”
Ruchi: “aap ki mangitar”
Vihaan: “kyun eisa lagta hai ke mera magni ho gaya hai? Mere ungli mein kabhi anguthi dekha hai kia?”
Ruchi apne danton mein honton ko dabaate hue yeh likh kar send kiya,
“to aap ki Dulhan bhi to ho sakti hai nah!”
Vihaan muskuraya aur likhne wala tha ke haan meri wife hai, aur Ashita ko yaad kiya, socha wo bhi phone karne hi wali hogi, kitna ro rahi rahi kuch der pehle aur Ruchi ko text kiya,
“Achah baad mein text karta hoon kuch kaam hai abhi ok?”
Ruchi: “haan main bhi yehi kehne wali thi main abhi kitchen mein hoon, raat ko apne room se text karungi, magar abhi itna bataate jao ke aap ho kaun aur gaon mein kiss ke yahan thehre ho aap? Aap ka koyi rishtedaar hai kia gaon mein?”
Vihaan: “aaj Principal ne jab mera surname batayaa to tumne nahin suna tha kia?”
Ruchi: “nahin yaad nahin sirf Vihaan naam yaad hai.”
Vihaan: “Raghuvansh Ishwar mera dada hai main unhi ke yahan rehta hoon!”
Ruchi:”WHAT? Aap itne bade aadmi ho? OMG. Main to bahot chhoti hoon aap ke saamne.”
Vihaan: “what nonsense? Koyi bada ya chhota nahin hota sab insaan same hote hein!”
Ruchi: “to ab bata do wo ladki kaun thi aap ke saath Sunday ko mandir ke paas? Aap se chipki hui thi jeise ek girlfriend chipki rehti hai apne boyfriend ke saath”
Vihaan: “haan meri girlfriend hi samjho usse, wo meri ek lauti behen hai Ashita!”
Ruchi bahot khush hui yeh jaan kar ke wo usski behen thi aur text kiya,
“hmmm aap ki behen hai, aap se bahot pyar karti hai, mera to ek bhai hai bilkool jalaad hai!”
Phir vihaan ne kaha raat ko ussko message karega kyunke Ashita ki call ane wala tha to vihaan ne mobile free rakha.
*******************************************************
Udhar ghar mein Ashita dhundne ki koshish mein lagi thi ke vihaan ne kia liya hoga ghar se… bahot dhunda ussne ghar mein, vihaan ke almaari mein magar ussko kuch samajh mein nahin aya ke vihaan kyun ghar aya tha aur kia legaya. Bahot dhundne ke baad ashita ne dekha ke vihaan ke do black classic shoes nahin hai, aur Ashita ne socha ke Vihaan to sport shoes jeise Nike aur Adidas ziada tarr pehenta hai magar wo classic black shoes to sirf occasion par jeise shadi, mangni ya kissi important party vaghaira mein jata hai tab pehenta hai to abhi kyun unn shoes ko legaye wo?
Ashita ne Vihan ko phone nahin kiya. Wo apne mummy papa ko wapas aane ki wait karne lagi unnko bataane ke liye ke Vihaan ghar se pata nahin kia lene aya tha….
Aur jab usske parents aaye to Ashita ne sab kuch bataya ke keise Vihaan college aaya tha uss se ghar ke keys lene aur wapas karne….
Anirud ko taahjub hua aur khud Vihaan se baat karne ke liye phone kiya.
Vihaan ne call receive karte hue apne papa se pucha ke wo keise hein etc magar Anirud ne sidhe mudde ki baat ki to Vihaan ne kaha ke ek chota sa office mein kaam mila hai gaon ke paas wale sheher mein to certificates aur classic kapde aur shoes lene aya tha. kaha ke kal se kaam karne jaa raha hai.
Buss itni hi baat hui to Anirud ne wo baat bataaye Ashita aur Suman ko, tab Ashita samjhi aur ussko chain ayi.
Gaon mein dada ji ne Vihaan se baat kiye college ki Naukri aur usske padhayi ke baare mein aur uss se kaha ke ussne bahot acha decision liya apne degree ko haasil karne ke liye. Dada bahut proud feel kar raha tha ke usska pota ab college mein teacher hai.
Dinner ke baad Ashita ne apne room se vihaan se baat kiye kuch der. Ashita khush thi ke ussko Naukri mila aur donon ne thodi der baat kiye aur vihaan ne kaha ke aaj ke bhaag daud mein wo bahot thak gaya hai aur araam karna chahta hai to call end kiye gaye, magar Vihaan ko Ruchi se bhi baat karna tha issi liye ussne Ashita se jaldi baat end kiya.
Aur raat ke 10 baje Ruchi ne khud Vihaan ko message bheja,
“Aap so to nahin gaye nah?”
Vihaan ne turant reply kiya
“itni khubsurat aur pyari si ladki se baat karna hai to kaun budhoo so sakta hai, neendh to tumhare paas cchali gayi hai ruchi!”
Ruchi ne muskuraate hue likha,
“kal aap ko classes lene hai aap ko so jana chahiye ab!”
Vihaan ne likh kar send kiya,
“I want to see you!”
Ruchi: “kal dekh lena!”
Vihaan: “nahin mujhe abhi tumko dekhne ka mann kar raha hai Ruchi”
Ruchi: “wo to naamumkin hai ji!”
Vihaan: “aur main naamumkin ko mumkin karke dikha doon to?”
Ruchi: “wo keise ho sakta hai, main yahan pahaadon ke paas hoon aap koyi 1000 metres ke doorie par ho keise mumkin hai?”
Vihaan: “main abhi issi waqt wahan aa to sakta hoon nah!”
Ruchi ghabra gayi aur jaldi se likh kar send kiya,
“oh no! hargiz nahin eisa mat karna please, weise iss andheri raat mein keise yahan tak aa paoge, street lights bhi nahin hai idhar yeh sheher nahin hai babu!”
Vihaan: “tumko dekhne ke liye mujhe nah to street aur nah hi light ki zaroorat hai dear, tum beech samundar mein bhi hoti to main chala ata tumko dekhne ke liye, tumhari ek jhalak ke liye!Tum mein kuch hai jo mujhe khiinchta hai, tumhare chehre mein kuch mujhe apni taraf bulata hai, tumhari awaaz sunne ko mann karta hai, tumko chhune ko mann karta hai, sach kahun to tummo apne baahon mein bharne ko mann kar raha hai abhi issi waqt, main ata hoon ruchi!”
Ruchi ko laga ke garmi ka Mausam hai aur usske maathe se pasine tapak pade, ghabra gayi aur sochne lagi ke kia jawaab likhe….. ek gehri saans lene ke baad yeh likh har send kiya vihaan ko,
“Aap kyun mujhe itna pareshaan karna passand karte ho ji? Aap yahan aaye to ghar mein sabko pata chal jaega aur mujhe mara jaega, mujh par tohmat lagaya jaega, kia aap yeh chahte ho?”
Vihaan: “tum pagli hi ho! abhi 11 bajne ko hai, thodi der mein barah baj jaega, sab so jaenge, sab gehri neendh mein honge tab aunga to keise kissi ko pata chalega?”
Ruchi: “OMG. Mujhe aap ko number nahin dena chahiye tha aap mere liye musibat hi banoge lagta hai. Aaj pehli baar text karnaa shuru kiya ke aap ab yahan aane ki baat karne lage uff!”
Vihaan: “aaj tumse shaam ko nahin mila nah iss liye lagta hai barson se nahin dekha tumko, sirf college mein thoda sa mile the!”
Ruchi: 45 mins tak to mere paas baithe aaj aap bus mein, itne der tak mere saath the to?!”
Vihaan: “sirf baitha tha nah? haath tak nahin pakarne diya tha tumne…..”
Ruchi: “for a first time utna kaafi tha!”
Vihaan: “to ab for the second time wala pura karne ke liye aunga nah!”
Ruchi: “uff meri maa! Please kuch aur baat karo nah!”
Vihaan: “aur koyi baat hi nahin karne ko tumko dekhne ka bada mann kar raha hai, tumhare gaal par haath ferrne ko mann kar raha hai, ussko halke se kiss karne ko mann kar raha hai…..”
Ruchi: “please ruko ruko ruko nah, issssshhhh kia kia kehte jaa rahe ho aap…. Yeh bataiye ke agar maan lo aap arahe ho to ghar se nikloge to kia bataoge wahan sabko itne raat ko kahan jaa rahe ho? aasmaan mein taare ginne?”
Vihaan: “kissi ko bataunga thoda hi ke main ghar se nikal raha hoon?”
Ruchi: “matlab?”
Vihaan:“arey sab gehri neendh mein honge tak niklunga.”
Ruchi: “Aap ko raat ke barah baje iss jangal wale sadak par akele chalne ko darr nahin lagega?”
Vihaan: “main kissi bhi chiz se bilkool bhi nahin darrta!”
Ruchi: “aur agar aap yahan tak aaye bhi to main to ghar ke andar hoon, mujhse keise miloge aap? Keise mujhko dekh paoge?”
Vihaan: "wo tum khud mujhe bataoge ke tum kiss kamre mein ho aur mujhe kiss taraf aana chahiye!”
Ruchi: “aur agar main ne weisa nahin kiya to?”
Vihaan: “eisa to nahin ho sakta ke main yahan se utna door aaun aur tum mujhe bina mile wapas bhejdo”
Ruchi:”aap ko bahot bharossa hai mujh par?”
Vihaan: “100%”
Ruchi: “kahin eisa nah ho ke wapas lautna pade aur aap ka bharossa tut jaaye!”
Vihaan: “time dekho, 5 minutes reh gaye hein barah bajne mein!”
Ruchi: “aap kyun iss tarah se mera dil zoron se dhadka rahe ho? meri saansein ruk sakti hai!”
Vihaan: “uss se pehle main tumhare andar apni saansson ko bhar dunga!”
Ruchi: “ufff aap sach mein majnu ho!”
Vihaan: “aur tum Laila”
Ruchi: “mujhe mat do itna bada naam mujh mein wo taaqat nahin ke aap ke liye khud ko qurbaan kar sakun, main bahot kamzor hoon, naazuk hoon main kissi musibat ke saamne nahin tik sakti, haar jana passand karti hoon, main fighter type nahin hoon, mujh par aap itna yakeen mat kijiye please.”
Vihaan: “wo sab main tumko seekha dunga nah!”
Ruchi: “nahin seekha paoge aap mujhe kuch bhi babu, main achaanak aap ki life se ghaayab ho sakti hoon”
Vihaan: “yeh kia baat hui bhala? Eise keise ho sakta hai, tum naamumkin baat kar rahi ho ab to!”
Ruchi: “yaad rakhna mere iss baat ko Sir. Aaj hoon kal achanak se ghaayab ho jaungi tab mat kehna ke main ne bataya nahin tha aap ko!”
Vihaan: “Ruchi dekho ab mujhko itna suspense mein mat dalo nah please, abhi jiyo, abhi ka faeda uthaao nah. Abhi hum zinda hai, hum mil sakte hein, hum baat kar rahe hein, hum ek dusre ko dekh sakte hein, chhuh sakte hein to kyun paheliyan bujha rahi ho ab? Eise bahane to nahin challenge my dear!”
Ruchi: “Vihaan Sir, aap iss andehre mein agar abhi ghar se nikle aur yahan pahunch hi nahin paaye to main khud ko keise maaf karungi? Aap ko kuch bhi ho sakta hai, yeh sheher nahin hai babu, aap ko kuch bhi ho sakta hai, iss jangal aur paahaadi ilakon ka koyi bharosa nahin ke kab kia ho jaaye!”
Vihaan: “jeise ke? You mean bhoot vaghaira?”
Ruchi: “kuch bhi, haan woh bhi!”
Vihaan: “hahaha, ab yeh to mat kaho ke tum eise baton par yakeen karti ho, bhoot voot kuch nahin hota my dear, yeh sab insaan ke andar bassa hua vehem hota hai, sab jhoot hai… itna to main guarantee ke saath keh sakta hoon ke main abhi tumhare yahan bina kissi bhoot se mile aa sakta hoon mujhe bilkool darr nahin hai inn sab chizon ka!”
Ruchi: “achcha, maan lo ke aap yahan agaye, main aap se mili aur meri bhabi ya bhai jaag gaye aur mujhe aap ke saath iss beech raat mein dekh liya ya kissi bhi tarah unnko pata chal gaya to mera kia haal hoga wo aap bardaasht kar paoge? Apne aap ko nahin kosoge ke agar aap nahin aate to achhah hota?!”
Vihaan: “Ruchi please eisa to mat kaho, kuch nahin hoga humko koyi nahin dekhega, ek kaam karte hein tum ghar se baahar nikalna mujhse milne, main tumko apni baahon mein bhar lunga iss kaali raat mein to khush ho jaunga, iss se ziada kuch nahin chahiye mujhe.”
Ruchi: “aur iss kaali raat mein aap mujhko dekh keise paoge, aap to mujhe dekhna chahte ho nah?”
Vihaan: “mobile ki torch on karunga tumhare chehre par, aur weise tum itni gori ho ke andhere mein bhi tumhara chehra dikhega mujhe! Tumhari rangat kaali raat mein ujala feyla dega… Ek baat batao, iss waqt kia pehna hua hai tumne? Nighty pehenti ho nah?!”
Ruchi: “itni bhi taarif mat karo aap mera, gore to aap bhi ho, to kyun mere rang ki itna taarif karte rehte ho aap? Phoolvati ne bhi kaha tha, kia aap ko saanvli log bilkool nahin passand? Aap ki behen bhi gori hai, aap bhi gore ho to saanvle log kia khubsurat nahin hote? Mujhe to Phoolvati bahut khubsurat dikhti hai!”
Vihaan: “are kiss ne kaha ke mujhe sirf gore log pasand hai? Aur kiss ne kaha ke mujhe Phoolvati nahin passand? Insaan dil se khubsurat hona chahiye aur Phoolvati ka dil behad khubsurat hai, tumko wo khubsurat iss liye dikhti hai kyunke tumhara dil saaf hai aur tumhare dekhne ka nazarya khubsurat hai. Mujhe bhi to wo khubsurat dikhti hai…. Veise tumne bataya nahin ke nighty pehenti ho ke nahin?!”
Ruchi: “haan pehenti hoon, ussi mein hoon abhi!”
Vihaan: “wah, tab to tumko baahon mein bharne ka irada aur bhi buland ho gaya mera abhi nikalta hoon…. Veise ek pic to send kar sakti ho at least mujhe main save karunga….”
Ruchi: “hum sms se baat kar rahe hein yeh whatsap nahin, mere yahan wifi nahin hai Sir ji”
Vihaan: “koyi baat nahin kal tumhare mobile par internet package dalwa dunga to kal kuch pics send kar dena mujhe souvenirs bana ke rakhunga! Well I am getting out now, araha hoon sach mein okay!”
“Ruchi: “mujhe bahot bahot darr lag raha hai, mat aao nah please!”
Vihaan: “daro mat Ruchi tujhe dekhne ko bahot mann kar raha hai, kia pata raat mein main mar jaun phir zindagi bhar khud ko tum kossti rahogi ke tumne mujhe kyun milne se mana kiya! Abhi waqt hai to mil lete hein nah!”
Ruchi: “baatein banana koyi aap se seekhe dekho to kia baat kar daale aap ne, ab to main nahin rokungi aap ko magar mere dil ke dhadkan itne tez ho gaye hein ke khud mujhe sunaayi de rahe hein! Ufff!”
Vihaan: “main nikal raha hoon, thodi der mein tumhare ghar ke paas ane ke baad text karta hoon tumko!”
Ruchi: “Be very careful, apne aguey piche acchi tarah se dekhna, kahin koyi bhi nazar aaye to aaguey mat badhna, aur kahin koyi light dikhe, torch, ya lantern to bahot honshiyar rehna, aur turant wapas mudh jana ya chhup jana, okay?”
Vihaan ghar se chupke se nikla saawdhaani barakte hue. Sab log soye hue the. Darwaze ko bahot ahiste se khola aur nikal pada. Peepal ke peyd tak reach hokar wapas ghar ke taraf dekha, ke kahin kissi ne ussko dekha to nahin, sab clear laga to aguey badha. Badhta gaya, Phoolvatti ke ghar ke paas se guzra to ussko usske ghar ke andar ek chota sa light jalte hue dikha, jeise koyi nightlamp ho vihaan ne socha shaayad wo Phoolvanti ka hi kamra hoga, aur aguey badhta gaya…. Door kuch kutton ki bhonkne ki awaazein sunaayi de rahe the, hawa se patton ke sarsaraahat sunaayi de rahe the peydon ke upar yahan tak ke ghanss bhi sar sar kiye jaa rahe the eisa lagta tha ke Vihaan ke chalne ki raftaar se ghanss hill rahe the….
Chalte hue vihaan apne dimaagh mein Ruchi ko nighty mein sochne laga tha aur sexual feeling ne usske mann mein ghar bana liye the jiss se Vihaan bahot utejit hone laga tha, ussne harkatein feel kiye apne pant ke andar aur Ruchi ko chumne chaatne ka bada mann kiya ussko, sabr nahin ho raha tha uss se. sirf yehi soch raha tha ke itni raat gaye ek itni khubsurat ladki uss se milne ko raazi hui to ek hi baat ho sakti hai ke wo usske saath humbistar hone ke liye tayyaar hai, yeh soch kar vihaan bahot khush ho raha tha aur Ruchi ke jism ko khayaalon mein basaaye hue aguey bahdta chala gaya pahaadiyon ke karib Ruchi ke ghar ke taraf….
To be continued….. (3005 words)
Last edited:
agla update hot hone wala hai lagta hai.... magar kahin eisa nah ko ke kissi vajah se mil nah paaye! Eisa hoga kia?
kuch mysterious hai jarur lagta hai.....
