- 18,429
- 125,339
- 259
Update 67 Ruchi…
Donon ladkiyan bus mein jaa rahe the aur gori wali zor se hanssti jaa rahi thi.Saanvli ladki ne pucha,
“kyun ab kia ho gaya tujhe jo itna hanss rahi hai, bahut Khushi ho rahi hai kia ke ussne tujhe wave kiya?”
“ari nahin thik jab main ne usske taraf dekha bus start ho gayi aur usska wave jeise adha hi reh gaya usska chehra dekhne layak tha hihihihi” gori ladki ne kaha.
Saanvli: “teri tarah gora aur handsome bhi hai Jodi khub jamegi.”
Gori: “kyun tumko wo nahin passand kia? Kehte hai na ke opposite attracts! Kia pata ke ussko tujh mein interest hai?”
Saanvli: “haan mujhe to passand hai to kia main apna loon use? Tu bura nahin maanegi? Aur kia wo mujhko passand karega kia?”
Gori: “ari cal chorr usski baat, pata nahin kaun hai kahan se aya hai, kia kar raha hai gaon mein, ajnabee hai, paedessi hai wapas chala jaega!”
Saanvli ne gaana gaya: “pardesiyon se nah aankhiyan milaana, pardessiyon ko hai ek din jaana….”
Gori: “haan issi liye to main aankh nahin milana chahti thi tumne force kiya mujhe, buss thoda sa dekha ussko!”
Saanvli: “I bet ke wo shaam ko humara wait karega kia kehti hai tu?”
Gori: “ho sakta hai ke wo wapas chala bhi jaaye shaam hone tak, kia pata!”
Saanvli: “main kehti hoon ke shaam ko jab hum buss se utrenge to wo saamne hoga chal shart lagaati hein!”
Gori: “nah main nahin lagaati shart vart, dekh lenge shaam ko phir!”
********************************************************
Ashita college se nikli aur turant Vihaan ka call aya. Vihaan ko pata tha exactly kitne baje wo nikalti hai.
Vihaan ne uss se baat kiya jab tak ke wo ghar wapas nahin reach hui. Tab ussko bye kiya aur ghar ke kaam karne ko kehkar Vihaan peepal ke peyd ke niche baith kar bus ko aane ka wait karne laga iss umeed se ke college ki wo ladkiyan jiss ko ussne subha dekha tha weh log bus se utre.
Ab kyunke koyi 10 kms tak buss ko gaon ke paas wale chhote sheher se ana tha, to time to lagta hai, varna hota yeh ke thik jiss waqt Ashita college se niklati hai agar ussi waqt yeh ladkiyan bhi aate to vihaan nahin mil pata gaon ke ladkiyaon se, usske liye timing sahi tha donon taraf ke.
Aur kuch der wait karne ke baad vihaan ko bus nazar ayi aate hue to wo uthkar chala gaya jahan bus passengers ko utaarte hein. Dhoop tha to vihaan ne sunglasses pehna hua tha. bus ke andar se ladkiyon ne ussko dekh liya aur saanvli ladki ne gori wali ko kehuni maarte hue kaha,
“Dekh dekh tera wo wait kar raha hai, chal main ne kaha tha nah, ab follow karega, Romeo kahin ka hehehe!”
Do peher ke takriban 3 baje the aur uss waqt uss chote se gaon mein koyi nazar bhi nahin arahe the, vihaan akela khada tha wahan, door door tak koyi nazar nahin araha tha, sirf Vihaan aur teen ladkiyan jo bus se utre chal rahe the aur Vihaan bagal mein chalte hue baat kar raha tha magar teenon ladkiyan apas mein baat karte hue chal rahe the. Gori ladki ka sar niche jhuka hua tha aur saanvli ladki uss se keh rahi thi,
“Ari ek nazar dekh le bechare ko tujhse hi baat kar raha hai, tera naam puch raha hai bata doon kia?!”
Vihaan ne suna aur Saanvli ladki se kaha,
“haan chal tuhi batade isska naam agar issko bolna nahin ata to, bata de nah yaar kia jaega agar naam jaan liya to!”
Saanvli ladki ne kaha,
“Ruchi”
To gori ladki ne zor se kehuni mara saanvli wali ko. Ab teesri ladki jo thi wo issi gaon ki thi aur usska ghar agaya to wo chali gayi. Yeh dekh kar vihaan ne socha pata nahin yeh donon kahan tak challenge, aur ussko fikar ho raha tha ke kahin inke ghar bhi nah ajaaye to baat to kar hi nahin payega.
Assal mein yeh donon dusri gaon ke the jahan bus nahin jata aur koyi 500 metres chalna tha donon ko magar Vihaan ko pata nahin tha.
Jab naam bataya uss ladki ne to vihaan ne kaha, Roochi, keise likhte hein ROOCHI YA ROOCHY? Pleae spell karo nah!
To Saanvli ladki ne spell kiya R-U-C-H-I!
Tab vihaan ne thanks kaha aur muskuraate hue aashikana andaz mein kaha,
“aur tera naam kia hai ji yeh bhi bata de nah, tujhse hi isska info nikalna padega nah ab!”
Ruchi ne ab tak sar jhukaya hua tha aur phir se kehuni maarte hue Saanvi ladki se dhire se kaha,
“le ab bata apna bhi naam issko tu, hanssega dekh lena!”
Saanvi ladki ne Vihaan ko dekha aur kaha,
“mera naam old hai ji meri dadi ne rakha tha kahin hanssiyo mat agar bataya to!”
Vihaan ne ussi ada mein kaha,
“nahin hansenge ji, naam to naam hota hai old ho ya new aakhir naam hota hai nah to kia naam hai tumhara??”
Saanvli ladki ne kaha,
“Phoolvatee” aur turant Vihaan ke chehre mein dekha ke wo hanssta hai ya nahin.
Vihaan muskuraya aur kaha,
“Gaon ke hissab se naam to sahi hai, iss mein hanssna kia hai Phulvati dear, chalo tumse milkar Khushi hui”
Aur Vihaan ne haath badhaya shake hands ke liye
Phulvati ne charon taraf dekha pehle aur kaha,
“Gaon mein hum haath nahin milate ladkon se, yeh sheher nahin hai!”
Ruchi niche dekhte hue hi chal rahi thi aur dhire se Phulvati se kaha,
“ab issko bol wapas jaane ko kahin kissi ne dekh liya to musibat!”
To phulvati ne kaha,
“arey isska naam bhi to puchna hai nah wait kar bhagaati hoon isse abhi!”
Phulvati: “hamara naam to puch liya magar apna kab bataoge request send karna padega kia tumhara naam jaanne ke liye?”
Vihaan zor se hanssa aur kaha,
“bande ko Vihaan kehte hein, magar yaar tumhari yeh dost ne to ek baat bhi nahin kiya mujhse, ek word bhi nahin kaha yeh bahot naa insaafi hai, hai nah?”
To Phulvati ne Ruchi se kaha,
“Ari kuch to bol dekh yeh picha nahin chorrne wala varna”
Tab Ruchi ka sar thoda sa upar utha aur vihaan ko dekhte hue kaha,
“aap hamara picha kyun kar rahe ho, wapas jao aap, yeh gaon hai babu kissi ne dekh liya to hum musibat mein par sakte hein please jaao aap!”
Vihaan bahot khush hua aur kaha,
“Itni pyari, itni surili awaaz hai aur tum issko chhupa rahe the, iss awaaz se pyar ho gaya mujhe to”
Ruchi ka chehra laal ho gaya aur apne kadmon ki raftaar badha diya ussne. Thik tabhi Vihaan ka phone baja.
Vihaan ne call liya of course Ashita thi,
“bhai kahan ho? mujhse baat karlo thoda sa video call karti hoon, uniform utaarne jaa rahi hoon, dekhoge nahin?!”
Ab baari thi vihaan ka chehra laal hone ka aur ussne kaha,
“are nahin baahar hoon wifi nahin hai idhar, tu utaar le baad mein call karta hoon okay?!”
Aur vihaan ne call cut kar diya aur Ruchi se kaha,
“hey apna number to deti jaa nah please!”
Ruchi ne kaha,
“main mobile nahin rakhti!”
Vihaan ne kaha,
“I don’t believe ke iss modern zamane mein tumhare paas mobile nahin hai dede nah kia jaega yaar!”
Ruchi ne kaha,
”phulvati ke paas hai mere paas nahin hai!”
To Vihaan ne phulvati se kaha,
“thik hai to tu degi apna number mujhe, de nah please!”
Phulvati ne dhire se Ruchi se kaha,
“apna kyun nahin diya, tu kia issko ullo samajhti hai issko pata hai ke tere paas bhi mobile zaroor hogi”
Ruchi ne dhire se “sshhh” kaha
Aur Vihaan ne kaha,
“bolna phulvati tera number turant miscall karta hoon tab tu save kar lena mera wala!”
Phulvati ne bata diya aur Vihaan ne call kiya to Phulvati ke bag mein usski mobile baji…
Tab tak dusra gaon agaya aur Ruchi ne kaha,
“ab jao please humara ghar paas hai ab! Koyi dekh lega!”
Vihaan ne kaha,
“yeh mauka to nahin khona chahta hoon, kum se kum tumhara ghar to dekh loon main!”
Ruchi ne apna kaandha uchkaate hue kaha,
“to dekhlo magar door raho hamare sath mat chalo please I beg of you!”
Vihaan ne kaha,
“okay thik hai piche rehta hoon tum donon aguey jao…”
Aur vihaan ne apna kadam roka, donon ko aguey bhadhne diya. Phir ahiste ahiste chalne laga aur pehle Phulvati ka ghar aya wo apni aangan mein jaate hue mudhkar Vihaan ko wave kiya, vihaan ne muskuraate hue ussko dekha, aur nazron ko Ruchi par jamaaye rakha to dekha wo chalti jaa rahi hai aur koyi bhi ghar nahin dikh raha tha uss taraf to kadmon ko tez karke usske paas aya aur pucha,
“hey sunon iss taraf to koyi ghar bhi nahin tum jaa kahan rahi ho aakhir?!”
Ruchi ruk gayi aur chaaron taraf dekhne ke baad kaha,
“tum samajh kyun nahin rahe? Mujhe problem hogi ghar mein agar kissi ne bhi mujhe tumse baat karte hue dekha, mat follow karo mujhe please!”
Vihaan: “yaar magar at least batado ke kitna door aur jana hai tumhein?”
Ruchi ne apne ungli se kuch door pahaadi ke taraf dikhaate hue kaha,
“wo dekh rahe ho wahan uss pahaadi ke paas, ek laal chat wala makaan dikha wahan rehti hoon ab please yahin se mudh jao aur picha karna bandh karo mere ghar wale bahot sakht hai, mera college jana bandh karwa denge agar mujhe kissi bhi ladke se baat karte hue dekh liya to, okay please return from here itself now!”
Ruchi ke maathe par sikanjh dekh kar vihaan samajh gaya ke wo kitna pareshaan hai aur darr bhi rahi hai to kaha,
“okay okay main tumko koyi problem nahin dena chahta buss dosti karna chahta tha, thanks Ruchi kal subha milenge bus stop ke paas, main wait karunga.”
Tab Ruchi ke chehre mein ek raahat dikhi aur halki si muskaan nazar aya aur wo jaane lagi apne ghar ke taraf, Vihaan mudh gaya magar baar baar mudhkar Ruchi ko dekhta gaya jab tak ke wo apni ghar tak nahin pahunchi. Vihaan wait kar raha tha ke Ruchi mudh kar ussko dekhe, magar hota yeh tha ke jab Ruchi mudhkar ussko dekhti to vihaan aguey dekh raha hota tha aur jab Vihaan mudhkar ussko dekhta to Ruchi aguey badh rahi hoti thi. Phir Vihaan khada ho gaya ek pal thik jab Ruchi ghar ke aangan mein daakhil hui, aur Vihaan ko bahot Khushi hui dekh kar ke Ruchi piche mudh kar ussko dekh rahi thi aangan mein daakhil hote waqt.
Wahan se Vihaan bade khush hote hue wapas apne gaon gaya aur itna khush tha ke dancing step karte hue gaya….
Jiss waqt bus stop ke paas se kuch door tak Vihaan unn teenon ladkiyon ke saath saath jaa raha tha to uske dada ji balcony se sab dekh raha tha aur dada ji ne khud se kaha,
“lo kishan kanhayya agaya gaon mein aur usske gopiyan bhi saath hein!”
Peepal ke peyd ke niche baith kar Vihaan ne Phulvati ko message kiya,
“hello main Vihaan, please mujhe Ruchi ka number do nah please!”
Phulvati ne turant reply kiya,
“mujhe pata tha tum usska number mangoge, magar main nahin de sakti ussi se maang lena!”
Vihaan: “Arey do nah yaar ussko surprise karunga!”
Phulvati: “keise doon wo mujh par bhadhkegi agar usska number diya to!”
Vihaan: “dekh main tere mobile ko recharge karwa dunga badle mein, jab bhi chaahe tu recharge karwa lena, tera saving ho jaega de de nah yaar!”
Phulvati: “are kia karungi recharge karwake, main mobile utna use hi nahin karti hoon yaar!”
Vihaan:”kyun tera koyi boyfriend nahin hai?”
Phulvati: “nahin hai tu banega kia mera boyfriend?”
Vihaan khamosh ho gaya…. Reply nahin kiya kuch der sochta raha ke kia kahen ussko, to Phulvati ne hi message send kiya,
“kyun kia hua? Nahin ban sakta nah mera boy friend tu? Eise hi koyi nahin banta mera bf iss liye ke kaali hoon nah? Har kissi ko gori ladki chahiye hota hai hum jeison ko nahin milta boyfriend voyfriend”
Vihaan ne ussko call kiya.
Phulvati ne call liya aur kaha,
“lo ab tu phone karne laga mujhe, abhi kissi ne sun liya to shaamat ajaegi, kyun phone kiya tum ne?”
Vihaan: “sun phulvati, boyfriend nah sahi tera friend to ban sakta hoon hai ke nahin? To ek dost apne dost ko phone to kar sakta hai nah? chal koyi tujhe text ya phone nahin karta to main karunga, har roz tere mobile par mere texts bhi ayenge aur calls bhi tab to recharge karwanaa padega nah tujhe?”
Phulvati ne hansste hue jawaab diya,
“budhoo hai kia tu? Tu mujhe call aur text karega to mujhe kyun recharge karna padega? Jab main tujhe call karungi tab nah mujhko recharge karna padega?”
Vihaan: “are baba, to tu mujhko reply karegi text ki to tera paisa jaega nah?!”
Phulvati: “mera ek recharge 3 mahinon tak rehta hai, main ziada nahin karne wali tujhko text vex!”
Vihaan: “uff kia musibat hai yaar! Acha bata de nah Ruchi ka number yaar please!”
Phulvati: “are ussko pata chal jaega nah ke main ne hi diya tujhe usska number? Nahin de sakti!”
Vihaan: “magar ussne kyun kaha ke usske paas mobile nahin hai?”
Phulvati: “Usske ghar ke log bahot strict hai, usska college jana bandh karwa denge agar usska ko bf ya kissi ladke ke saath usska koyi chakkar hua to, usska ek bada bhai aur bhabi hein jo ussko bahot dominate karte hein ghar mein, usski maa baap nahin hai, usski bhabi to uss se ghar ke sabhi kaam karwati hai bechari kabhi college ke works bhi nahin kar paati kyunke late raat tak ghar ke kaam karti hai, naukrani bana ke rakha hai ussko usski bhabi ne!... ab agar main ne tumko usska phone number diya aur usski bhabi ya bhai ne sun liya ya dekh liya ussko text karte hue to uss par kia beetegi isska andaza hai tumko? Agar uss se number le sako to le lena main to nahin de sakti!”
Vihaan heyraan hote hue kaha,
“kamaal hai, aaj ke zamaane mein bhi eise log hein iss dunya mein jo ek ladki ko iss tarah se use karte hein ghar mein kamaal hai yaar!”
Phulvati: “hmm agar Ruchi ko college jana aur padhna hai to yehi shart hai usski bhabi ki ke wo usska ghulaam banke rahe, varna college jana bandh!”
Vihaan: “had hai yaar uff!”
Phulvati: “ab main rakhti hoon varna mera bhi band baj jaega agar kissi ne dekh liya ke main kissi se baat kar rahi hoon, yeh gaon hai vihaan yahan yeh sab nahin chalta, chat karna ya bf se eise baat vaghaira karna….”
Vihaan: “are sun to, kia Ruchi ka koyi bf vaghaira hai?”
Phulvati: “kia sawaal hai yeh? Abhi itna samjhaya nah ke agar wo hua to kia hoga usska?!”
Vihaan: “nahin mera matlab hai ke kissi ko dil hi dil mein wo passand karti hogi, college mein ya uss taraf kahin koyi hoga kia?”
Phulvati: “bilkool nahin, koyi bhi nahin hai, wo chahti bhi nahin!”
Vihaan: “okay thanks for the info sweet Phulvati, tum pakka dost ho mera. Muuuuuah!”
Phulvati: “yeh kia tha muuuuah? Yeh sab nahin chalta idhar, aaguey se eisa mat kariyo haan!”
Vihaan ne zor se hansste hue call ko end kiya!
To be continued…. (2600 words)
Last edited:
vihaan ke dadu soch kuch alag hi hain...... waise unka soch yeh hona chahiye tha "kutte ki dum tedhi ki tedhi"
