Update 11 Abhi Very Happy
Sunday ko din bhar Abhi ne apne diary mein sab kuch likha usske aur Ruhi ke baare mein. Apne feelings ko likha, ussko kia feel ho raha hai, kitna pyar karta hai Ruhi se, usske baghair jee nahin paega yeh sab likha Abhi ne.
Usske ghar mein wo apni choti behen jo 18 saal ki thi uss se bahut close tha. Abhi ussko sab kuch batata tha aur apne diary padhne ko deta tha, matlab usski uss behen ko sab kuch pata tha jo beet raha tha Abhi par. Usski behen ka naam tha Naina. Aur ek uss se bhi choti behen thi Abhi ka. Baaki aur 3 bhai the usske. Naina baaki sabko Abhi ke baare mein bata deti thi siwae usske pita ke. Matlab ghar mein usske pita ke ilawa sabko pata tha ke Abhi pyar mein hai Ruhi se.
Abhi ka din Ruhi ki yaad mein guzra hamesha ki tarah aur agle din savere savere pahunch gaya Ruhi ki aangan mein aur aaj bhi Ruhi gulaab tod rahi thi uss din ki tarah.
Iss baar Abhi ruk gaya garden ke saamne Ruhi ko dekhte hue aur good morning kaha. Ruhi weise hi apni Nightgown mein hi thi. Ek muthi mein kuch gulaab ke phool liye hue the aur dusre haath se aur phool tod rahi thi.
Ruhi ne kuch sharmilee adaa se good morning reply kiya Abhi ko magar bahot hi dhire se. Abhi khada ussko dekhta raha aur Ruhi kabhi ussko dekhti to kabhi mudhkar apne piche ghar ko dekhti ke koyi ussko dekh to nahin raha andar se.
Abhi ne pucha,
“Saturday ko tum kahan gayi thi? Aur mujhko jaane se pehle bataya kyun nahin tha?”
Ruhi muskuraayi, phir hanss padi aur aur apni dheemi, meethi awaaz mein kaha,
“Batana bhool gayi thi Friday ko, uss shaam ko aap chale gaye tab mujhe yaad aya ke aap se kehna bhool gayi thi ke Saturdays ko main ek course follow karne jaati hoon sewing ki.”
Abhi ne heyraan hote hue pucha,
“sewing ki course? Kyun? Silaayi karogi aage chal kar kia?”
To Ruhi ne kaha,
”Aur kia kakrti? 12th ache se pass nahin hui, padhne ko aage mann nahin kiya, to mummy ne kaha silaayi seekh loon shaayad aage kaam ajaye!”
Abhi ne kaha,
“okay achcha bhi hai, magar kidhar gayi thi course follow karne ko? Kahin door kia?”
Ruhi ne kaha,
“West mein jo sheher hai wahan!”
Phir ruhi ne piche mudhkar dekhte hue kaha,
“Aap jao nah ab, aap kyun itne savere aajaate ho? Raat ko sote nahin ho kia? Abhi 6 baje hein kaam to 7 ko start hota hai nah?!”
Abhi ne jawaab diya,
“Neendh to tumne churra liye hein mere to kaise so paunga main? Aur ek baat batao kia tumko nahin passand ke main itne savere aajata hoon? Kumse kum sabke aane se pehle tumse kuch baatein karne ka mauka to mil jata hai, jaise abhi! Aur sach batao kia tum mujhko abhi expect nahin kar rahi thi? Kia tum abhi abhi mujhi ko nahin soch rahi thi?”
Ruhi hanss pari aur kaha,
“Aap mere khayaalon ke andar dekh sakte ho kia?
Abhi: “hmm isska matlab ke haan mere baare mein hi soch rahi thi tum hai nah? main to 24 ghante sirf tumko hi sochta rehta hoon, ghar se bus mein aate waqt tumhi rehti ho mere khayaalon mein to tumko bhi weisa hi sochna chahiye nah!”
Ruhi: “bilkool jhoot main aap ke bare mein bilkool bhi nahin soch rahi thi”
Aur ruhi hanss padi yeh keh kar, phir kaha,
“Aap jaao nah ab. Mera bada bhai yahin hai ussi ke liye flowers le rahi hoon wo photos leta hai apne camera se….”
Abhi ne tab kaha,
“Aur Saturday ko jab tum jaa rahi thi to ek nazar mujhko dekha bhi nahin nazrein bilkool niche jhuke hue the, mujhko ek nazar dekh to sakti thi nah?!”
Ruhi ne weise hi sharmilee andaaz mein gulaab ke phool ko dekhte hue jawaab diya,
“Main kaise nazar utha kar dekhti uss waqt sab ke nazar mujh par the mujhe maloom tha sab mujhi ko dekh rahe the, I felt very shy at that moment on that day! Magar main ne aap ko dekha tha jaate hue thoda sa. Mujhe pata tha ke aap bhi mujhko hi dekh rahe the.”
Abhi bahut khush hua usski answer se aur baat badalte hue kaha,
“Are haan Manoj bus ki bhi photos le raha tha, main ne dekha tha uss din! Wo professional photographer hai kia? Kaam kahan karta hai wo?”
Ruhi ne phir mudhkar ghar ke taraf dekhte hue reply kiya,
“Ussi sheher mein kaam karta hai jahan main silaayi ke liye jaati hoon, aur wo professional photographer to nahin magar usska shauk hai photos lena, ussko ek inaam mila tha ek baar kissi special photo ki ek photography contest mein!”
Abhi: “oh I See! Kia wo mujhe ek copy bus ki photos ka de sakta hai kia?”
Ruhi: “Ussi se maang lena, wo har roz bus ki photos leta hai, bus kaisa tha aur har roz kitna bus banta jaa raha hai, har roz kuch pics leta hai bus ki!”
Abhi: That’s great, wo mera madad kar raha hai ek tarah se, main zaroor uss se photos manguga last din ko.”
Ruhi: “To aap ko ussko pay karna padega photos ke liye!”
Abhi: “of course pay karunga. Kitna leta hai per photo?”
Ruhi: “pata nahin ussi se puch lena….. ab jao nah please, main nahin chahta hoon ke wo mujhse sawaal kare ke aap kia keh rahe the!”
Abhi: “Are to agar wo puche to keh dena ke main uss se bus ki photos kharidna chahta hoon nah!”
Ruhi ne phir hansste hue kaha,
“Bahot honshiyaar ho aap, turant aap ko ek bahana mil jata hai!”
Abhi: “Main to yahan sirf tumhare liye ata hoon; baaki to kaam to bahana hai sweetheart”
Ruhi: “main aap ki sweetheart nahin hoon kyun kehto aap mujhko sweetheart?!”
Abhi muskuraya aur jaane laga. To Ruhi ne kaha,
“Ruko please!”
Abhi: “kabhi jaane ko kehti ho kabhi rukne ko kia yaar!”
Ruhi ne tab hansste hue kaha,
“Mujhe kehna tha ke din mein kaam karte waqt aap baar baar mujhse baat karne mat ana khaas kar jab Mehboob chacha yahan hota hai!”
Abhi ne heyraan hote hue pucha,
“Are wo kyun? Mehboob ne kuch kaha kia?!”
Ruhi: “Haan baad mein bataungi aap ab jao!”
Abhi ne jaate hue kaha,
“Saturday ko tum Qayamat dhaa rahi thi, beauty queen lag rahi thi, itni khubsurat ho socha nahin tha, tum par to kayi mitte honge mere ilawa hai nah? jab uss sheher mein jaati ho to kitnon par Bijli giraati hogi tum hmmm?!”
Ruhi ne muskuraate hue kaha,
“mujhe kia pata? Aap jaise diwane aur honge kahin to main kia jaanun!”
Abhi: “shukar hai ke mere ilawa kissi aur ka pata nahin tumko varna mujhe takliff hoti!”
Ruhi tab thoda zor se hanss padi aur khud apne muhn par haath rakh kar piche ghar ke taraf dekha aur dhire se phussphussaate hue Abhi se kaha,
“Ab jao please baad mein milti hoon! Jab Manoj chala jaaye tab milna!”
Abhi khush hua aur chala gaya washroom ke taraf.
Washroom ke ke kone se Abhi watch karne laga Ruhi ko aur dekha ke wo terrace se hokar ghar ke saamne ke darwaze ke andar gayi tabhi Manoj ki awaaz sunaayi diya yeh kehte hue,
“are ek do katra paani daalo uss rose par nah tab click karunga”
Abhi samajh gaya ke andar Manoj unn gulaabon ki tasveerin le raha tha.
Bus 10 mins baad Manoj kitchen ke taraf se apne bag kaandhe par taange nikla aur Abhi se hello kaha aur jaane laga to Abhi ne ussko roka, aur Manoj ne muskurate hue kaha,
“Are bus miss ho jaegi shaam ko wapas aunga to baat karenge”
Magar Abhi ne kaha,
“to chalte hue baat karta hoon nah chalo tumko bus stop tak chorr ke ata hoon baat bhi kar lenge.”
Ruhi kitchen ke stairs par aa khadi hui Abhi ko usske bhai se baat karte hue sunkar. Abhi ne ussko dekha aur Ruhi Abhi se muskuraayi. Ruhi ko pata tha ke Abhi Manoj se bus ki photos ke baare mein baat karna chahta tha.
Aur jab Abhi aur Ruhi ne ek dusre se muskuraaye to Manoj ne donon ko ek dusre se muskuraate hue dekh kar hanssa.
Phir Abhi Manoj ke saath chalte hue bus stop tak gaya aur ussne Manoj se kaha ke jitney bhi photos wo bus ka lega unn sab pics ke ek copy ussko dein aur pucha ke per photo kitna lega. Manoj ne kaha 10 rupay ek photo ki. Abhi ne kaha okay aur tab manoj ne kaha ke,6 Mahinon mein 300 se ziada pics ho jayenge kia Abhi utna pay kar paega Manoj ne pucha, to Abhi ne kaha ke agar 500 pics bhi hue tab bhi pay karega. To Manoj ne kaha okay deal. Phir turant Abhi ne jeb se 500 rupay Manoj ko advance payment kar diya to Manoj ne kaha ke issi hafte mein pehla roll ko develop karega to jitney bus ki pictures hein wo Abhi ko dega.
Abhi kuch door ka soch raha tha is sliye ussko wo bus ki photos chahiye tha aur ussne Monoj se Saeed ko bataane se mana kiya ke Abhi uss se photos le raha hai. Yeh bhi kaha Abhi ne ke kabhi workers ko nahin lena photos mein, Saeed ko to bilkool bhi nahin lena, agar Abhi ko photos mein liya to koyi baat nahin…..
Yeh baad mein pata chalega ke Abhi ko kyun uss bus ke photos shuru se end tak chahiye tha. Abhi ne abhi se hi bade door ka soch rakha tha. Ek din future mein saare photos usske bade kaam aane wale the.
Abhi wapas aangan mein gaya aur Ruhi ko dhundne laga. 6.30 hua thato usske paas 30 mins tha Ruhi se baat karne ke liye. Washroom se kitchen mein dekha to koyi nahin tha, phir bus ke piche wale hisse se washing stone ke taraf dekha to wahan ke room ka khidki khuli hui dekha… ussko umeed thi ke Ruhi uss kamrre mein hogi…. Kuch himmat karke Abhi chalte hue wahan tak gaya…magar kamre ke andar dekhne ki himmat nahin hui ussko. Bahot ganda lagta kissi ke kamre mein dekhte hue ussne socha…
Ab kyunke Abhi kad ka ooncha tha to ussko sirf kamre mein dekhna tha to sab kuch dikh jata ussko, magar ussne dekha nahin iss niyat se gaya wo uss taraf ke agar Ruhi andar hogi to kum se kum Ruhi to ussko dekh paegi. Aur wohi hua, jaise Ruhi ne Abhi ko uss khidki se guzarte dekha to ussne gala saaf kiya Abhi ko jaise ek ishara kiya ke wo andar hai…. Bed par baithi, haath mein ek kitab liye Ruhi Abhi ko dekh rahi thi muskuraate hue.
Abhi ne ussko dekha, uss kamre a moaena kiya, aur pucha,
“is this your bedroom?!”
Ruhi ne muskuraate hue kaha,
“It can’t be called a bedroom, too small, but yes I sleep here, this is my bed.”
Abhi: “you can’t understand how lucky I am feeling to be introduced to the bed and place you sleep. It’s an honour for me.!”
Ruhi: “Ah really? Why so?!”
Abhi: “yessss my dear…. What are you reading?”
To Ruhi ne kitab ki cover ko turn karte hue Abhi ko book ki title dikhaayi, book tha ek Mills and Boon wala romantic tale. Cover ke pic par ek aurat thi semi nude ek bina shirt ke hero se lipti hui.
Abhi ne pucha,
“you love to read romantic stories only or any variety in your choice?!”
Ruhi ne kaha,
“nah mujhe sirf romantic hi padhna passand hai, detectives, horror ya police bilkool nahin passand sirf ziada tar mills and boon ya dusre author ke but romantic hi padhti hoon.”
Phir Ruhi ne ek collection dikhaya Abhi ko usski table par. Karib 25 ya 30 books the sab ke sab Mills and Boons collection wale. Abhi ne dekh kar muskuraya aur pucha,
“Abhi hum donon baatein kar rahe hein to ghar ke andar sab sun nahin rahe hein ke tum mujhse baat kar rahi ho?!”
Ruhi ne kaandhe ko uchakte hue kaha,
“To kia hua sunne do!”
Abhi: “tumhari mummy so rahi hai ya jaag gayi hai? Aur tumhare papa ko nahin dekha aaj tak main ne kahan hota hai wo, der raat ko kaam se wapas ata hai kia?!”
Ruhi ne kaha,
“Mera papa Saudi Arabia mein driving ki Naukri karte hein, wo wapas ane hi wala hai kuch mahine baad!”
Abhi: “oh I see! To tum, tumhari mummy, Manoj aur Mahesh rehte ho yahan!”
Ruhi ne add kiya,
“Dadaji bhi!”
Abhi: “are haan dada ji ko bhool gaya main! Aur buss itne hi members hein tumhare family mein?”
Ruhi: “no, meri ek badi behen hein jisski shaadi ho chuki hai wo yahan se 100 kms ki doorie par rehti hai. Kabhi kabhaar aati hai.”
Abhi: “wow great then to have an elder sis!”
Ruhi: “hmmm yes!”
Abhi: “acha yeh batao ke kyun tumne mujhse kaha ke jab Mehboob present ho to tumse baat nah karun? Kia kaha ussne?!”
Ruhi ne kamre mein piche dekha tab awaaz dhimi karke kaha,
“Mere papa aur Mehboob bhai jaise hein. Mere papa ne ussko hum logon ka khayal rakhne ke liye kaha hai, halaan ke bus ke piche wala ghar mere chote chacha ki hai, matlab mere papa ka chota bhai hai, phir bhi Mehboob mere chacha se badhkar hai. Uss ne meri mummy se pucha ke main aap se kyun baar baar baat karti hoon! To mummy ne wo baat mujhse kaha, to main samajh gayi ke unnko nahin achha lagta jab hum donon baat karte hein issi liye aap se kaha ke usski haaziri mein mat baat karna mujhse se”
Abhi: “okay main samajh gaya, usske saamne tumse baat nahin karunga.”
Ruhi: “are eise nahin, jaise hum abhi kar rahe hein aise mat karna but wahan jab sab koyi ek saath hein agar mummy, Mehboob chacha, Rahima chachi, Mahesh sab saath hein tab you can talk, but not like this alone me and you, samjhe aap?!”
Abhi: “thik hai samajh gaya main, magar ek dusre ko dekh to sakte hein nah, tum nazar aati rehna please. Main tumko har baar dekhna passand karta hoon. Agar ek ghanta ho gaya aur tum nazar nahin aayi to mujhe bechaini hone lagti hai to please saamne aaya karna hat baar okay?!”
Ruhi: “mujhe pata hai. Issi liye to aati rehti hoon nah!”
Abhi bahot khush hua aur kaha,
“thanks very much darling, ab chalta hoon weh log aane wale hein ab kaam start karna hoga. Aur dekha nah tumne pucha ke main kyun itne savera ajaata hoon, to ab samjhi, hum donon ko baatein karne ke liye kitna time mil gaya hai nah?!”
Ruhi ne haan mein muskuraate hue gardan hillayi.
Abhi jaane laga, phir wapas aya aur pucha,
“How old are you Ruhi? I am 22 will be 23 this year and you?”
Ruhi ne hansste hue kaha,
“ladkiyon ki umar nahin puche jaate, bad manners hihihi”
Abhi ne muskuraate hue kaha,
“ofo pata hai yaar, par main ne apni age bataya nah tumko so please tell me, kahin tum mujhse badi nikli to?!”
Ruhi zor se hanss padi aur kaha,
“haan main aap se badi hi hoon hihihihihi!!”
Abhi ne bhi hansste hue kaha,
“koyi baat nahin agar badi ho bhi to, umar se kia lena dena!”
Ruhi: “Aap ko koyi farak nahin padega agar main aap se umar mein badi hui to?
Abhi: “bilkool bhi nahin iss mein kaun si badi baat hai? Chalta hai yaar!”
Ruhi: “Acha aur aap ko lagta hai ke main aap se umar mein badi hoon kia?!”
Abhi: “bilkool hi nahin, tum 17, 18 ki lagti ho!! are yaar bata to do, 18 ho chuki ya ab bhi minor ho hehehehe!”
Ruhi: “ho chuki….. hmmmm I am over 19! Will be 20 this year!”
Abhi: “great that’s perfect then, ok see you later”
Aur Abhi chala gaya change karne, tab tak baaki ke sab agaye.
To be continued….. (2750 words)
Woooooowww very good update
As always.....brilliantly dedcribed and well written.....
Ye wale update ko padhkar mujhe 2 tarah ki feeling aayi.....
1 kitna pyar he dono mai......
2 itna pyar kyo hai dono mai....OR saath me Ruhi ki family me.....
To ab ham baat karte hai first point ki.....to Ruhi ka abhay se baat karna.....even garden me bhi....janha pichle 2 bar usne abhi ko ignore kar diya tha.....aaj baat ki....
OR phir Abhi ki baato ka reply bhi diya.....OR saath hee sath...apni adaao...nazara...OR sharmilee hasi se abhi ko gaayab bhi kiya....
Ye sab dekh kar Ruhi ka pyar abhi ke liye kitna strong hai....ye pata chalta hai....
OR apna abhi to waise hee latte hai.....to uske baare me to kuch kahna....aise ho ga jaise ki sooraj ko roshni dikhana....
But dono ki bonding.....Jo ki dhire dhire mazbut ho rahi hai....use kaafi achche se dikhaya hai....
Ab baat kare 2 point ki.....
To mujhe strong feeling isi baat ki thi.....KI ye sab kuch jyada hee jaldi nahi hi raha.....
Jaldi ke saath sath....bahut jyada hee SMOOTHLY bhi......matlab love relationship chalta hai.....lekin itna bhi jyada free tarike se......
OR sabse main baat.....Ruhi ke sabhi ghar waale sab dekh kar bhi.....kyo undekha kar rahe hai......
Jabki us ZAMAANE me ladki ko kisi paraaye se baat karne par bhi pabandiya hoti thi.....OR yanha to sab khulla chal raha hai.....
Yanha tak ki Ruhi ki kaamna ne us se ye kaha KI MEHBOOB KI MAUJOODGI ME BAAT MAT KARNA.....BAJAYE ISKE KI AB SE ABHI SE BAAT MAT KARNA.....iska yo ye matlab hua ki......jab Mehboob na ho tab baat kar sakti hai....koi dikkat nahi hai.....
OR uska bhai.....Jo abhi ko uski bahan ko ishaare karte hue dekh raha hai or uska jawab dete hue.....apni bahan ko bhi.....
OR phir bhi has kar ja raha hai......ye sab mujhe to thik nahi lag raha.....
Ak line me kahu to......AAJ WALA UPDATE MUJHE ROMANTIC SE JYADA THRILLING LAGA.....
Jisme ki sab milkar abhi ko fansa rahe hai.....OR iska reason kya he ye to waqt hee batayega........
Ab baat kare baaki ke update ki to......
Abhi......Manoj se photographs......may be wo unhe future me apne business ko extende karne me use kare.....
Abhi or Ruhi ki conversation kaafi achchi thi.......
Dekhte hai aage kya Hota hai......
Anyways
Fantastic update.....
Thanks.......
YES ONE MORE THING.......
US TIME ME THODA JALDI ME THA TO AAPKA PURA COMMENT NAHI PADH PAYA THA.....
ABHI MAINE USE PURA DEKHA......OR USKI KUCH LINES........
Agar Ruhi k baare mein pehle se bata diya gaya to Abhi ka role feeka ho jaega aur Ruhi will win the show where as the hero is the main character of the story....
Aur bhai ye Ruhi wo wala Ruhi nahin jo Ruhi Abhi ki pehla pyar tha...... hope aap ne shuru se thik se read kiya hai
AAPKA LAST WALI LINE THIK NAHI HAI.....
MAINE YE ISLIYE HA KYOKI BHALE HEE YE RUHI DUSRI WAALI RUHI HAI.....
BUT AT THE TIME.....YE ABHI KE LIYE SAB KUCH HAI.....
WO ISE BHI UTNI HEE SHIDDAT SE CHAHTA HAI JITNA PAHLI WAALI RUHI KO.....OR YE BAAT USKE HAAV BHAAV.....USKI FEELINGS.....EMOTIONS ME BHI DIKHAI DETI HAI......
WO BAAT ALAG HAI KI BAAD ME JAB....YE DONO KISI KAARAN SE ALAG HO.....TAB AK BAR ABHI KE MAN ME YE KHAYAAL AA JAAYE KI.....
YE USKI PAHLI WAALI RUHI NAHI THI.....AGAR WO HOTI TO USKE SAATH AISA NA KARTI.....YA USE AKELA NA CHHODTI....WO BAD KI BAAT HAI....
LEKIN ISS TIME ABHI OR USKE DIL DIMAAG KE LIYE YE HEE RUHI HAI.....
TO ABHI ISS BAAT SE KOI FARAK NAHI PADTA KI WO NUMBER 1 HAI YA SECOND.....
OR RAHI BAAT MERE STORY KO STARTING SE DHYAAN SE PADHNE KI.....TO WO MAINE KAAFI ACHCHE SE READ KIYA HAI......
TAB HEE ISS TARAH KE COMMENTS KAR PAA RAHA HU......
WARNA SIRF.....-nice update......--good update.......LIKHNA MUJHE BHI AATA HAI.....
I HOPE YOU UNDERSTAND THIS......
THANKS
dobara bhai... too good story yaar, fantastic
