Update 15
Ishq pyaar mohabbat, sab moh maya hai
Ab aisa kyu hai ye update me padhna ki insaan ko mohabbat me kya kya papad belne padte hai,
To haalat kuch yun the ki avi puri taraf se sanjana ke dil o dimag par chhaya hua tha, uthte baithte sote jaagte khate pite bas avi ka hi khayal uske jehan me chal raha tha par avi tha ke uske man me kya hai pata hi nahi chalne de raha tha aur sanjana puri himmat ke sath dati huyi thi ye jaane ke liye ki avi ke dil me uske liye kya feelings hai
Ek din aise hi jab wo log canteen me baithe the jab sanjana ne baat chedi
Sanjana- avi, wo dekh rahe ho ? wo kone me baithe dono ko, kuch na kuch chal raha hai unke beech
Avi ne bhi befikri me kaha
Avi- kuch chal raha hai matlab ?
Sanjana- mujhe lagta hai dono premi hai..
Avi- matlab kuch bhi.. wo dono kya sirf baat nahi kar sakte kya
Sanjana- aise kone me baith ke ?
Avi- arey dusri taraf jagah nahi hogi isiliye waha baithe to isse kya wo couple ban jayenge ?
Sanjana- avi, tune kiya hai kya kabhi pyaar ?
Sanjana ka sawaal sun kar avi do second ke liye chup ho gaya fir jald hi khud ko normal karte huye bola
Avi- hao, mai bharpur logo se pyaar karta hu
Sanjana- bharpur bole to
Avi- bharpur boleto anek
Sanjana- ha ha ha, jaise mujhe matlab nahi pata tha, maine pucha ki kya koi special hai unme se ?
Avi- hao hai na, special, mera dost anya, apni jaan hai wo
Sanjana- aur ?
Avi- ha ek hai aur..
Ab sanjana ka dil joro se dhadakne laga
Sanjana- kaun hai wo ? kya naam hai uska ?
Aur avi bhi mahol banate huye use batane laga
Avi- uski aur meri pehchan mere janm ke samay se hai, bahut maanti hai wo mujhe, ha tere jaisi sunder nahi hai, matlab ekdum kaali hai par mujhe bahut pasand hai, aaj bhi mera awaj sun le to daudi aaye mere paas
Sanjana gaur se saari baat sun rahi thi aur uske chehre par kamaal ka tension tha aur ye baat avi ne bhi notice kar li aur fir wo bola
Avi- tujhe pata hai, mere liye pagal hai wo, mai agar ghar par hu to wo sirf mere hi hath se khayegi aur kisi ke nahi..
Ab sanjana ne jaise taise pucha
Sanjana- gharwalo ko pata hai sab ?
Avi- ha matlab mere hi liye to bapu use leke aaye the
Sanjana- leke aaye the matlab ?
Avi- matlab kharid ke, bapu use mere liye kharid laye the, bahut bhari hai wo, mai pyaar se dimple bulata hu usko, roj kam se kam 10 litre doodh deti hai wo…
Avi se khud ki hasi control nahi ho rahi aur sanjana uska para chadh raha tha sanjana chid gayi aur ek jordar mukka avi ke pih me maarte huye boli
Sanjana- nalayak, mtu bhains ke bare me bata raha tha ?
Avi- oye sanju, khabardar bhains bola use to, meri maa to bahu bolti hai use
Sanjana- tu na ek no ka khadus aadmi hai, mujhe baat hi nahi karni tujhse..
Avi- kyu, maine kya kiya hai tune pucha wahi to bataya maine
Waise dekha jaye to sanjana confuse thi, wo is baat se khush thi ke chalo iske bare me kuch pata to chala aur is baat se dukhi ke wo aur kuch nahi jaan payi fir bhi wo boli
Sanjana- avi tujhe love marriage pasand hai ke arrange ?
Avi- dono nahi
Sanjana- kyu ? jindagi bhar aise hi rehne ka khayal hai kya ? kabhi na kabhi to shadi karni hi hai na ?
Tab avi ne haste huye kaha
Avi- insaan ya to sukhi ho sakta hai ya shadishuda aur jaha tak sawaal hai shadi kaise kari jaye to tumhe batata hu, arrange marriage aur love marriage me ek basic fark hai, samjho tum jungle se ja rahi ho aur achanak jhadiyo me se ek saap aa kar tumhe das le, ye hai arrenge marriage
Sanjana- aur love marriage ?
Avi- love marriage me aap khud saap ke paas jakar usse request karte hai ke wo aake aapko dase bas.
Avi apni baat bol ke hasne laga aur sanjana bhi jaise taise hasi par ander se wo bhayanak chidi huyi thi aur akhir me wo boli
Sanjana- tum baat mat badlo, chalo mai side sidhe puchti hu tum kisi se matlab kisi ladki ke pyaar karte ho kya ?
Ab avi thoda serious ho gaya aur bola
Avi- tumhe kyu janna hai ye sab ?
Sanjana- mujhe janna hai bas tum batao
Avi kuch samay tak sochta raha ki sanjana ko bataye ya nahi ? kyuki yash ke alawa ye baat koi nahi janta tha aur ek pal ko uske dimag me ye khayal bhi aaya ye sanjana ko bata de taki uske dimag se ye pyaar ka bhoot utre par agar bata diya ki fir aage wo kaun hai kya naam hai aise sawalo ki line lag jayegi aur avi nahi chahta tha ke sanjana ke dil ko koi thes lage isiliye wo bola
Avi- sanjana, tumne tajmahal dekha hai..
Sanjana- nahi, kyu ?
Avi- insaan ne na ek baar tajmahal jarur dekhna chahiye, uski khubsurti mehsus karni chahiye, uske karigari par mohit hokar uspar pyaar karna chahiye par kabhi uske base me nahi jana chahiye, tajmahal bhale hi kitna hi sunder kyu na ho par uske ander kabra ke alawa aur kuch nahi milega, saari duniya bhale hi use pyaar ki nishani manti ho par akhir wo hai to ek kabra hi.
Avinash is waqt full serious tha aur sanjana ne use itna serious pehle kabhi nahi dekha tha isiliye usne shant rehna aur dobara is topic par baat na karne ka socha, avi kuch samay shant waha baitha raha aur fir uth kar khada hua aur bola
Avi- bahut koshisho ke baad jakhm bhara hai dobara mat kuredo use..
Itna bol ke avi waha se chala gaya aur sanjana sochne lagi, kya hua hoga ?
Aajkal har waqt sanjana ke dimag me dhero sawal hote the par ek baat achi huyi thi sanjana ke dhyan me aa gaya tha kea vi kisi se pyaar karta hai aur wo insaan usse dur chala gaya hai, sanjana halke se muskurayi aur khud se hi boli
Sajana- chot khaya aashiq !
Sanajana me soch liya tha ke use aba vi ki puri kahani janni hai par aisa kaun tha jo iske bare me bataye aur tabhi uske dimag me ek naam aaya… Aniket !
Is mamle me sanjana ko jyada takleef nahi uthani padi usne bas xforum khola aur agle hi pal aniket ke bare me jo use info chahiye thi uske paas thi. Aur agle hi din sanjana pahuch gayi aniket se milne avi ke gaon aur sidhe gayi aniket ke dukan me.. aniket kaam ne busy tha to sanjana jakar customers ki bheed me khadi ho gayi aur bas mauka dhundh rahi thi aniket se baat karne ka.. aniket ka dhyan sanjana ki taraf gaya aur wo bola
Aniket- bolo madam kya chahiye ?
Sanjana thoda hadbadayi aur jaldi jaldi me bol gayi
Sanjana- h ! kuch.. kuch nahi !
Aniket- kya ?
Sanjana ko kya bole kuch sujh nahi raha tha aur use is tarah chup dekh ke aniket bola
Aniket- o madam mujhe pata hai mai handsome hu par aap jara late hai kyuki is plot ki registry pichle saal ho gayi hai..
Itna bol ke aniket ne apni battisi faad smile de dali jise dekh ke sanjana bhi hasi aur boli
Sanjana- aap AK ko jaante ho na ?
Aniket- AK? Kaun AK ?
Sanjana- arey Avinash Kanitkar
Aniket- arey apna Avya, arey avya to apna dil jigar fefda sab hai, par uska kya ?
Sanjana- wo mujhe thodi baat karni thi
Aniket- ha to bolo na
Sanjana- yaha ?
Aniket- ha.. kyu koi problem hai.?
Ab aniket bhale hi majak ke mood me lag raha tha lekin wo sanjana ke haav bhav bakhubi note kar raha tha, sanjana boli
Sanjana- hum kahi aur aaram se baat kar sakte hai kya ?
Aniket gehri awaj me bola
Aniket- koi serious matter hai kya ?
Sanjana bhi jhut muth has ke boli
Sanjana- nahi..nahi jyada kuch serious nahi hai..
Avi- jyada nahi matlab thoda serious hai..
Sanjana- aapko kuch problem hai kya bahar jakar baat karne me ?
Aniket bhi gehri saas chhodte huye bola
Aniket- bahut bada problem hai madam aur ye problem maine khud apne gale me bandha hai.. meri biwi komal use agar pata chala na ki mai kisi ladki ke sath coffee pine gaya hu to jyada kuch nahi hoga bas teri taange tut jayengi..
Ab sanjana thodi mayus huyi
Sanjana- theek hai fir jati hu mai
Wo mud kar jane lagi itne me aniket ne use awaj diya
Aniket- arey madam ruko, tumhare chehre par to double bara baj gaye, ruko aata hu mai…
Review Time pehle he bata du mujhe review dena nahi ata jo likhu us per surprise hone wali emoji daal ker thanks likh dene ka
To Akhir sanju ko us ke jaisa paglu mil he gaya jis ke saath wo pehle chumban se le ker akhri sex tak ki baate soch ker baith gayi hai hmm interesting pehle he bata du apan ko chahiye har baat detail me ab ju samajh he gye ho gye kon si detail
Waise dimple wala mast tha samajh to aa gayi thi lekin phir bhi maza aya Sanju ke jaise rang ure aur wapis aye ye daikh ker acha laga aur pata laga ke wo AK ke baare me serious hai na ke koi khurafat hai baki ju game badalna chaho to keh dena ek dum se ye sab to Sanju ka Evil plan tha
Sala ye XF se ghar ka address tak pata chal raha hai hum to yahan dhoond dhoond ker pagal ho gye ju ko tareeka pata hai to batao mere ko meri sweetu
Ristrcted ka adress nikalwana hai ju ko wo tip me 100 rupaya de de ga phir ju ek nawa thread kholna
To sanju aniket se milne pohanch gayi lagta hai ju ki dusri storie parhi pare gi
koi na parh le gye
And finally update acha tha Mistake to mili he nahi plus lafz na itne mushkil the na itne easy perfect balance kia ju ne har scene apni jagha kabile-tareef tha likhne ka andaz acha laga iss liye ju ko diye 10/1.5 points