UPDATE- 61
Thodi der baad Savita aur Raghav bhi Hospital mein aa gaye. Savita ko Kuchh pata nahi tha, isliye usne aate hi poochaa.
Savi- Kya huwa. Sab log yaha par kyon ho. Aap log Ro kyo rahe ho.
Savita ki aawaz sunkar Sarita uthkar uske gale lag gayi aur rone lagi. Savi ne pyaar se uske sir par hath phera aur use chup karate huwe poochha.
Savi- Tum ro kyon rahi ho. Chup ho jao aur mujhe batao kya huwa hai.
Sarita- Di. Wo Abhishek bhaiyaa.
Savi- Kyaa. Abhishek. Kaha hai wo.
Sarita- Andar ICU mein hai. Use goli lagi hai.
Savi- Kyaaaa. Kya kah rahi ho tum. Wo tumhe kaha mila aur use goli kaise lagi.
Savita ki baat sunkar Nishchal ne kaha.
Nishchal- Di main aapko baad mein sabkuchh bata dunga. Abhi aap in sabko ghar lekar jaiye. Main aur jawed yaha par hain. Pahle ye log fresh ho lein uske baad yaha par aa jayegne.
Nishchal ki baat sunkar Sarita ne kaha.
Sarita- nahi di. Mujhe kahi nahi jana. Mujhe apne bhaai ke paas rahna hai.
Savi- Nishu sahi kah rah hai. Tum apni halat dekho, Kya haal bana rakha hai tumne. Aunty ji aur Manisha ki bhi halat thik nahi hai. Ghar chalo fresh hokar fir aa jana yaha.
Savita ki baat par koi ghar jane ko taiyar nahi huwa, lekin Savita sabko jabardasti apne sath le gayi. Sabke jane ke baad Nishchal ne Mohit se kaha.
Nishchal- Tumne Kya bataya tha SSP Sir ko Mohit.
Mohit- Sir maine Kya bataya. Madam ne kaha tha ki SSP Sir ko inform kar dein ki Is jagah par ye ye huwa hai aur itna maal jabt kiya gaya hai. Sir ne poocha ki Permission thi. to maine bol diya ki permission nahi thi.
Nishchal- Kya kiya tumne. Unhe ye nahi batana chahiye tha ki Sarita ne bina mujhe suchit kiye waha rade dali. Tum bhi harishchandra ho gaye ho. Sach bolne ki bimari tumhein bhi lag gai hai sarita ke sath rahte rahte. Bahut Muskil se SSP Sir ko mana kar aa raha hoon. Bahut ukhde huwe the Aur Maine tumko kaha tha na ki Sarita ko bahar mat jane dena. To fir wo bahar gayi kaise.
Mohit- Main Kya karu Sir. Madam meri bat sunti kahan hain. Maine unse kaha ki aapne mana kiya hai kahi jane se. to mere upar hi bhadak gayi aur akele hi nikal padi. to majbooran mujhe sath jana pada. Aap chahe to Janhavi, Kaushal ya Vikas kisi se bhi pooch sakte hain.
Nishchal- Mujhe pata tha ki ye Jiddi kisi ki baat nahi man-ne wali. Iske chakkar mein mujhe SSP Sir se kitna sun-na pada aaj.
Mohit- Waise Achha hi huwa ki madam ne aaj aapki baat nahi mani. Kam-se-kam isi bahane madam ko unka bhaai mil gaya. Jiski talash mein wo Kitne shalo se thi.
Nishchal- ye baat to sahi kahi tumne. Uska bhaai mil to gaya hai, lekin hai to wo apradhi hi. Kanunan use saza to milegi hi.
Mohit- Kuchh karke Unhe bachaya nahi ja sakta kya sir.
Nishchal- Ye namumkin hai. Main isme kuchh nahi kar sakta. Lekin agar wo Sarkari gawah ban-ne ke liye taiyar ho jaye to uski saza jaroor kam ho sakti hai. main koshish karunga ki use sarkari gawah bana liya jaye.
Agar wo Sarkari gawah ban gaya to Hamara kaam aasan ho jayega. Lekin Abhi sabse badi baat ye hai ki use goli lagi hai. Sabse pahle uska hosh mein aana jaroori hai. uske baad dekhte hain ki kya karna hai.
Tum aur Kaushal Vikash ko bolkar waha ka sara kaam finish karwao. Tum dono bhi abhi jao. Baad mein aa jana.
Haan Ek baat aur. Ye Sakhs jo andar leta hai ye Sarita ka bhaai hai ye kewal Utne log jante hain Jitne log Is Opretion mein gaye huwe the. Isliye Sabhi hawaldaro aur Constable ko ye Sakht nidesh de do ki Ye baat unke andar hi dafan rahe ki ye Sakhs Sarita ka bhaai hai. Agar kisi ki bhi juban se Ye raaz bahar aaya to uski naukari gayi samjho,
main nahi chahta ki Bachha Singh Ya Raghu ko is baat ka pata chale ki Unke giroh mein Sarita ka bhaai bhi shamil tha jo ab hospital mein admit hai. Agar unhe is baat ki bhanak bhi lagi to Iski jan ko khatra hai. aur jaha tak mujhe lagta hai ki ham Bachha singh tak hi ye mamla samajh rahe hain to bilkul galat hai. Bachha singh ke upar bhi koi hai jo inhe deal kar raha hai.
Nishchal ke kahne ke baad Kaushal aur Mohit ne haan mein apna sir hilaya aur hospital se Chale gaye. Jawed ko wahi baithne ka bolkar Nishchal Doctor se milne chala gaya. Doctor ke chamber mein jakar Nishchal ne kaha.
Nishchal- Sir. Wo patient jisko goli lagi hai uski kya report hai.
Doctor- Sir. Wo khatre se to bahar hai, lekin jab tak usko hosh nahi aa jata ham kuchh nahi kah sakte.
Nishchal- Kuchh bhi karke use bachaiye Sir. Wo ek Aham case ka Accuse hai aur sath mein Uske paas aisi bahut si jankari hai jo hamare bahut kaam aa sakti hai. isliye aap usko best se best treatment dijiye.
Doctor- Thik hai Sir ham apni taraf se poori koshish karenge.
Uske baad nishchal Doctor ke chamber se bahar chala gaya.
*******
Udhar Raghu apni jaan bachakar Godam se bhagkar Apne bhaai Bachha Singh ke paas pahucha. Bachha singh ne jab Raghu ko dekha to Usne chintit swar mein poocha.
Bachha- Kya Huwa chhote. Tere kandhe se ye khoon kyon bah raha hai.
Raghu- Kuchh nahi bhaiya. Bas goli chhu kar nikal gayi hai.
Bachha- Kyaa. Kiski maut aayi hai jine tumpar goli chalayi hai. Mujjhe poori baat bata.
Raghu- Aaj main maal ko destibute karne ke liye godam mein mal load karwa raha tha to Us Sarita ne dhava bol diya aur Apne Sare aadmiyon ko ghayal kar diya. Sath mein Sara Maal jabt kar liya. Usi ke sath muthbhed mein mujhe Sarita ki gun se nikli goli lag gayi. lekin main kisi tarah waha se bhaag aaya.
Bachha- (Chillate huwe) Sarita Sarita Sarita. Ye ladki Na To marti hai aur na hi chain se jeene deti hai. Hamara karodo ka nuksan ho gaya hai. Ab tak to ye khabar Boss Aur Sarkar ko bhi chal gayi hogi. Pata nahi wo log Kya karenge hamare sath.
Raghu- Mujhe ye samajh mein nahi aata ki aap un dono se itna darte kyon hain. Hamari hi badaulat wo aaj Boss aur Sarkar banker baithe hain. Agar ham logo ne apne hath kheech liye to unki koi aukat nahi rahegi. Kya kar lenge wo hamara. Kuchh nahi ukhad payenge wo dono.
Bachha- Chup kar tu. Tujhe nahi pata ki tu kya bol raha hai chhote. Hamare jaise kaiyo desh ke kone kone mein unke liye kaam kar rahe hain. Agar wo dono ham logo ki wajah se boss aur Sarkar bane baithe hain to Ham bhi un dono ko wajah se hi Is mukam tak pahuche hain.
Isliye apna dimag Thanda rakh tu. Unko kaise deal karna hai ye main dekh lunga.
Bachha singh aur Raghu baat kar hi rahe the ki udhar se Boss ka phone aa jata hai. Bachha singh ne Raghu ko apna mobile dikhaya to Usne kaha.
Raghu- Lo Saitan ka naam liya aur Saitan ka phone bhi aa gaya.
Bachha- Tum ekdam chup raho. Main baat karta hoon usase.
Itna kahkar Bachha Singh ne phone utha liya. Phone uthane ke baad Baccha Singh ne kaha.
Bachha- Hello Boss.
Boss- Apna hello apne paas rakho tum. Ye sab Kya ho raha hai. Hamara Mall fir pakda gaya. Tum log kya kar rahe the. Ek kal ki aai chhokri tum logo ki gand lal karke chali gayi aur tum log hath par hath dare baithe rahe.
Bachha- Nahi boss. Hamne poori koshish ki thi, Balki Hame to ye pata chala tha ki wo Field mein nahi aa rahi hai kuchh din to hamne badi savdhani se kaam kiya tha. Patan ahi kaha se use pata chal gaya.
Boss- Mujhe tumhare bahane nahi sun-ne hain. Tumhara har baar ka koi na koi bahana rahta hai. Are Use wahi maar kyon nahi diya tumne jab wo godam mein gayi thi to.
Bachha- Are boss. Mere bhaai Raghu ne Poori koshish ki thi use marne ke liye, lekin Wo badi sakht jan hai. Uska to kuchh nahi huwa, lekin Raghu ko jaroor goli lagi hai.
Boss- Tumhe pata hai. Tum logo ki wajah se mujhe Sarkar ki kitni khari khoti sun-ni padi. Karodo ka mall tha. Sab dubo diya tum logo ne. Ek Laundiya nahi samabhalti tum Logo se. Kisi kaam ke nahi ho tum log
Bachha- Dekhiye boss. Ham logo ne apni taraf se poori koshish ki thi. Lekin fir bhi aapko lagta hai ki ham kisii kaam ke nahi hain to Aap Itne bade aadmi hain. Uska Transfer Kyon Nahi karwa dete. Aapki to bahut jaan pahchaan hai Bade bade logo, politician se.
Boss- Ab tum mujhe sikhaogi ki kya karna hai Mujhe. Are Is samay wo public figure ban chuki hai. Uska Transfer Kis bas par karwaye ham. Itna hi nahi Maine aur Sarkar ne Uska Transfer karwane ki bahut koshish ki lekin Koi hai jo uska transfer hone nahi de raha hai.
lekin wo kaun hai ye mujhe nahi pata. Kyonki Mujhe khabar mili hain ki CM ki taraf se Uska Transfer Roka gaya hai. Jald hi main iska pata laga lunga, lekin tumm logo ne Jo nuksan karwaya hai uski bharpayi jaldi se karo. Nahi to achha nahi hoga tum logo ke liye.
Bachha- Thik hai boss. Ham karte hain kuchh.
Boss- Jo bhi karna. Is baar dhyan se karna. Koi galti nahi honi chahiye.
Bachha- Thik hai boss.
Uske baad BAchha singh ne phone rakh diya. Raghu jo sari bate sun-ne ke baad bahut gusse mein tha. Phone rakhte hi wo bola.
Raghu- ye kya bhaiyaa. Aapne use kuchh kaha kyon nahi. Sala Khud to kuchh kar nahi pa raha hai aur upar se Ham logo ko kah raha hai ki ham log nikamme hain. Jab Sala itna bada aadmi hokar Ek Inspector ka transfer nahi karwa pa raha hai to ham logo se kyon ummeed rakhta hai ki ham log uska Kuchh kyon nahi kar pa rahe hain.
Bachha- Shant ho ja Chhote. Tune suna nahi ki CM ki taraf se Uska transfer rokne ki recommendation aayi thi. to uska transfer hone se raha. Wo itni nidar hai ki darti hi nahi. Upar se Sakht jaan bhi hai. marti bhi nahi. Kuchh aur sochna padega uske liye.
Raghu- Aap fikar mat kijiye bhaiya. Maine kuchh socha hai uske liye. Main lagbhag aadha kaam poora kar chuka hoon. Bahut jald bacha huwa aadha kaam bhi poora kar lunga. Fir wo inpector meri muthhi mein hogi.
Bachha- (khush hote huwe) Achha Kya socha hai tumne aur kis kam ki baat kar raha hai tu.
Raghu- Abhi nahi bhaaiya. Main aapko bataunga nahi balki dikhaunga. Wo bhi bahut jald.
Bachha- Mujhe tujhpar poora bharosha hai. tum jaroor karoge jo tumne socha hai. Lekin ek baat ka dhyan rakhna chhote. Kuchh bhi ho jaye. Aisa koi bhi kaam mat karna jiske chalte ham dono ko aur hamare kaam ko koi nuksan ho.
Raghu- Thik hai bhaiya. Aap befikar rahiye. Main jo bhi karunga usme nuksan nahi balki fayda hi fayda hai. Ab main chalta hoon. Apne kaam ko anjam dene ke liye koi naya plan sochne.
Bachha- Thik hai Chhote. Apna dhyan rakhna.
Iske baad Raghu Bachha singh ke paas se chala jata hai
******
Udhar Raat ho gayi thi, lekin Abhishek ko abhi tak hosh nahi aaya tha. Sabhi pareshan the. Kisi ki aankho mein aanshu the to kisi ke chehre par tanav. Sabhi Hospital ke parisar mein baithe huwe the.
Raghav sabke liye raat ka khana lekar aaya tha. Koi khana khan eke liye razi nahi tha, lekin Savi ne jabardasti sabko khana khilaya tha. Raat aise hi bit gayi. Subah Nishchal Hospital se jane se pahle Sarita se kaha.
Nishchal- Sarita. Jara ek minute idhar aana kuchh jaroori baat karni hai tumse.
Nishchal ki baat sunkar Sarita uske paas chali gayi. dono sabse thodi door chale gaye to sarita ne kaha.
Sarita- Ji kahiye.
Nishchal- Dekho Sarita. Main ye kah raha tha ki tum apni tabiyat kharab hone ka bolkar chutty ke liye apply kar do. Abhishek tumhara bhai hai ye baat Abhi JItne log jante hain Utne log hi jane to jyada achha hai. Kyonki Agar Bachchha Singh ya Raghu ko pata chal gaya ki Wo tumhara bhaai hai to uski jaan ko bahut khatra ho sakta hai.
Kyonki unhe ye lagega ki wo unka raaz khol dega, Maine Kal tumhare sath jitney log gaye hain Sabhi ko sakhti se mana kiya hai. Tum bhi is baat ka dhyan rakhna ko agar koi PS se phone kare to tum is bare mein apna munh mat kholna. Koi matlab Koi bhii. Samajh rahi ho na ki main kya kah raha hoon.
Sarita- Ji Sir Samajh gayi.
Nishchal- Thik hai Tum jao apne gharwalo ke paas. Main Kam se ja raha hoon. Sham ko ata hoon.
Nishchal ki baat sunkar Sarita Apne gharwalo ke paas chali gayi. Nishchal ne jawed ko Apne paas bulaya aur kaha.
Nishchal- Jawed. Main kaam se bahar ja raha hoon. Tum yaha par sab sambhal lena. Main mohit ko bhejta hoon yaha par. Uske baad tum chale jana. Main shaam ko wapas aaunga. Tum samajh rahe ho na.
Jawed- Yes Sir. Main samajh gaya. Aap nishchint rahiye.
Uske baad Nishchal Chala gaya. Lagbhag 1 ghante baad Mohit aaya to Jawed waha se chala gaya. Subah Nashta aur Chaai Raghav lekar aaya to Savi ne Sabko chaai aur Nashta karwaya. Sabhi ne beman se Chaai aur nasta kiya.
Dophar mein Raghav khana bhi lekar aaya. Sabhi ne thoda bahut khana khaya. Isi tarah Ye din bhi beet gaya. Abhishek ko abhi tak hosh nahi aaya tha. Sabhi gharwale chintit the. Doctor bhi Abhishek ki halat ko lekar chinta vyakt kar rahe the. Sham ko lagbhag 7 Baje ke kareeb Nurse bhagte huwe Doctor ke paas gayi aur bataya ki Jis patient ko goli lagi thi use hosh aa gaya hai.
Doctor ne jakar use dekha aur Kuchh injection laga kar ICU se bahar aa gaye. Doctor ko dekhkar Sabhi gharwalo ne unhe gher liya. Aanand ji ne doctor se poocha.
Aanand jj- Ab mera beta kaisa hai doctor Sahab.
Doctor- Ab khatre ki koi baat nahi hai. mareej ko hosh aa gaya hai.
Ye sunkar Sabhi ke chehre par Khushi chha gayi. sath mein aankho se aanshu bahne lage. Rani ji ne Doctor se poochha.
Raani ji- Kya ham usase mil sakte hain.
Doctor- Ji nahi. Abhi unhe dawa di hai to wo so rahe hain jab sokar uthenge tab aap log unse mil sakte hain.
Doctor ye kahkar chale jate hain. Sabhi baithkar Abhishek ke hosh mein aane ka intezar karne lagte hain.
Iske Aage ki Kahaani Agle Bhag mein..
..
.
..