- 3,851
- 4,646
- 159
INT.OFFICE - NIGHT
Din lagbhag khatam ho gaya tha sab employees ke liye, par Mohan, abhi bhi apni desk par betha samne deewar par lagi ghadi to dekh raha tha. Ghadi(clock) ki suiya tik...tik...tik...aage badh rahi thi, Mohan ne fir apna dhyan ghadi se hatakar samne laptop par lagaya aur mouse se “TURN OFF” ha button press kar diya, uske chasme par screen se padne wala reflection achanak chala gaya, fir usne ek bar aur apni nazar samne deewar par dali to ghadi ne 10 pm Ka waqt bataya, Mohan apni desk se khada hua, apne laptop ko bag me rakha aur chair ke peeche pade apne blazer ko pehna aur office ke exit gate ki aur badh chala. Is waqt tak office me koi nahi tha, gate ke pas ponch kar use Raghu(Security guard) dikhai diya, Mohan ne haath ke ishara se use “bye” bola aur gate ke bahar nikal gaya.
Din lagbhag khatam ho gaya tha sab employees ke liye, par Mohan, abhi bhi apni desk par betha samne deewar par lagi ghadi to dekh raha tha. Ghadi(clock) ki suiya tik...tik...tik...aage badh rahi thi, Mohan ne fir apna dhyan ghadi se hatakar samne laptop par lagaya aur mouse se “TURN OFF” ha button press kar diya, uske chasme par screen se padne wala reflection achanak chala gaya, fir usne ek bar aur apni nazar samne deewar par dali to ghadi ne 10 pm Ka waqt bataya, Mohan apni desk se khada hua, apne laptop ko bag me rakha aur chair ke peeche pade apne blazer ko pehna aur office ke exit gate ki aur badh chala. Is waqt tak office me koi nahi tha, gate ke pas ponch kar use Raghu(Security guard) dikhai diya, Mohan ne haath ke ishara se use “bye” bola aur gate ke bahar nikal gaya.
CUT TO:
EXT. PARKING LOT - NIGHT
Mohan apni car me betha, car start ki, accelerator press kiya aur parking lot se apni Dzire car me bahar aa gaya. Uski car jaise hi parking lot se bahar aai peeche background me uski company ki building dikhai di “Analytica Pvt. Ltd.”
CUT TO:
EXT. ROAD - NIGHT
Mohan ki car us andheri thandi raat me aage badh rahi thi aur khore ki halki chadar, car ki light se badlo ke jaise takra rhi thi.
CUT TO:
INT. MOHAN'S CAR - NIGHT
Mohan ne “STEREO ON” kiya, aur , apne favorite channel jo ki ”Rock n Roll” music ka tha tune karke songs ki masti me jhumne lga.
CUT TO:
INT. MOHAN'S CAR - NIGHT
Mohan apni songs ki masti me car aage badha rha tha, road ke side me lagi street lights road par dudhiya lights gira rhi thi, jisme Mohan ki car ek shahi swari ke jaise lag rhi thi, tabhi us kohre ki halki chadar me road side par use ek admi dikhai diya.
CUT TO:
EXT. ROAD SIDE - NIGHT
Idher ek admi khada tha, Kishori Lal(70), usne behad sadhe kapde pehne hue the, kurta-pajama, aur kandhe par ek khadi ka jhola tha. Wo kafi khoya hua aur confused lag rha tha. Aur bar-bar idher udher dekh rha tha, tabhi peeche background me Mohan ki car halke khore ko cherte aati dikhai di aur bilkul us admi (Kishori Lal) ke pas akar ruk gyi.
Mohan ne car ki window neeche ki aur Kishori Lal ki aur dekha.
CUT TO:
INT./EXT. MOHAN'S CAR - NIGHT
Mohan ne stereo ka volume kam kiya.
MOHAN:
Hello, aap kidher ja rhe ho?
KISHORI LAL:
Ye konsi jagah he aur tum kon ho?
MOHAN:
Ye Geeta Colony link road he. Aapko kahan jana he, me aapko drop kar deta hu.
KISHORI LAL:
Kya? Ye Geeta colony link road he?
(aur fir se idher-udher dekha)
Mere khayal se me yahi-kahi rehta hu.
MOHAN:
(mohan ko lga shayad kuch gadbad he, ya ye admi apna rasta bhatak gya)
Okay, chaliye me aapko police station chod deta hu, kisi ne toh aapke baare me police me inform kar diya hoga, ya fir me jis raste ja rha hu, uss raste agar aapko aapka ghar yaad aata he toh mujhe bata dena.
Kishori lal ne ek minute tak socha, apne aas-paas jayeja liya, aur fir Mohan ki car me beth gye.
KISHORI LAL:
Shukriya
CUT TO:
INT. MOHAN'S CAR - NIGHT
Car me right side Mohan aur left side Kishori lal bethe hue the.
MOHAN:
Hi, I am Mohan
(ek awkard smile ke sath bola)
KISHORI LAL:
Hello, mera naam Kishori Lal he.
Dono ne ek dusre ko nervous smile di aur fir Kishori lal apna chera window ki taraf karke bahar dekhne lge.
Car me faile is halke tanav ko kam karne ke liye, Mohan ne song change kar diya, Mohan songs ka kafi shaukeen rha he bachpan se hi, uske paas har decade ke songs the pre-downloaded, Mohan, Kishori Lal ki aur dekhkar halka muskuraya aur 60's se song wali playlist chala di. Usme sabse phela song tha Mohammed Rafi ka “Chaudhvin Ka Chand”.
Beat ke baad lyrics aane shuru hue - Chaudhvin ka chaand ho, yaa aafataab ho, jo bhi ho khudaa ki kasam, laajawab ho...
Dono gaane ko shanti se sunne lage.
Kishori Lal jo abhi bhi bahar dekh rhe the, unke chere par ek halki smile aa gai aur saath hi aankho me kuch aansu, par aansu us muskurahat ho hta na sake, muskurahat jami rhi. Unhone dhere-dhere gane ko gunguna-na shuru kiya.
KISHORI LAL:
Jo bhi ho tum khudaa ki kasam, laajawab ho.
Mohan ne muskurahat ke saath Kishori Lal ki aur dekha, wo khush tha aur saath hi surprised bhi.
MOHAN:
Waah! Mr. Kishori Lal ji aap to laajawab gaate ho.
KISHORI LAL:
Me ye gaana Usha ke saath gaya karta tha.
(gaane ki beat)
Jab hum 1960 me college bunk karke, ye movie dekhne gaye the, tab me shayad 21 saal ka tha,
(Mohan ki aur dekha)
Jaise hi ye gaana aaya tha film me
(window ki aur dekha)
Usha ne mera haath thaam liya tha, bass usi waqt mujhe is gaane ke jadu ne jakar liya
(gaane ki beat)
Aur me jaan gya ki wo hi meri biwi banegi, meri zindagi ki pheli aur aakhri aurat.
MOHAN:
That's sweet, agar aap bura na me to kya me jaan sakta hu, Mrs. Lal kha he?
KISHORI LAL:
(ek gheri saans lete hue)
10 saal ho gye Usha ko guzre hua, Cancer, badi bahaduri se ladi meri Usha, par..,ye cancer jaisi bimari mere dushman ko bhi na ho.
MOHAN:
I am very sorry to hear that.
KISHORI LAL:
Ab to bas yaadien he, dar is baat ka he ki ab to kabhi-kabhi yaadien bhi yaad nai aati.
Mohan ko kafi dukh hua Kishori Lal ke liye, par wo is bare me chah ke bhi kuch nahi kar sakta tha.
MOHAN:
Meri Mummy bhi 10 saal phele expire hui thi
(Kishori Lal abhi bhi bahar dekh rhe the)
Unko bhi cancer tha
(Kishori Lal ne Mohan ki aur dekha, par Mohan ab samne dekh rha tha)
Aur unka bhi naam “USHA” hi tha.
(Ye sunkar Kishori Lal ko jhatka laga, aur Mohan ne ek nazar Kishori Lal par daali)
Unhone bhi cancer se behad datkar ladai ladi, I am very proud of her.
KISHORI LAL:
Aur tumhare pitaji wo kya karte he abhi?
MOHAN:
(Mohan ne smile ke saath Kishori Lal ki aur dekha, aur fir kuch pal thera)
Wo retired railway officer he, unhe “ALZIEMERS” he, hmmm..bhulne ki bimari
(Kishori Lal ne chokte hue Mohan ki aur dekha)
Nahi nahi aesi kisi fikar ki baat nahi he, wo is waqt soo rhe honge, har subha hum dono walk par jate he, fir bahar hi kahi breakfast karte he. Morning me me unhe yaad rehta hu, mostly,
(gaane ki beat)
Abhi iss waqt me jaker unse milunga toh unhe yaad bhi nahi hoga ki me kon hu.
KISHORI LAL:
Ye sunkar bada dukh hua, magar hum bhuddon ki galti kya hain? Ye umr hi kuch aesi he, do kadam chalo toh ghutne me dard, kuch pasand ka khalo to pet me gadbad, zyada sochne jao to wo cheez yaad hi nahi aati.
(kuch pal ruke)
Zyada se zyada hum apne bacho par aashrit ho sakte he. Lekin unper already hi itna pressure he, tumhe to pta hi he desh ke halat, unemployement, gareebi, competition, jan sankhya
(gaana ke beat)
Hum buddhe duvidha me aa jate he ki unse kiss muh se madad mange.
MOHAN:
Aapko koi bacche nahi he kya Mr. Kishori Lal ji?
KISHORI LAL:
Mere bacche?
(dimag par zor dalkar sochte hue)
MOHAN:
Koi baat nahi, aap apne aap ko zyada push na kariye
(ye bolte hue uske chere par dukh ki kuch lakeere ubher aai. Wo kafi der tak maun rhe gya. Dono ke beech fir wo atpta sa tanav aa gya, Mohan ne Kishori Lal ki aur dekha umeed me ki shayad wo kuch bole, par akhir me usne khud is tanav bhari khamoshi ko todna sahi samja)
Mujhe aaj bhi yaad he, jab me bada ho rha tha, me ek behad shant kisam me ladka tha, zyada kisi se baat nahi karna, apne aap me rehna, homework time par karna, good grades, sabkuch systematically karna.
(Gaane ki beat)
Ek bar jab meri class ka exax chal rha tha, mere kuch classmates ko copy karna tha, wo jante the ki me unhe copy nahi karne dunga
(gaane ki beat)
Unhone mujhe dhamkaya ki mujhe washroom me lock kardenge, me darr gaya tha toh mene unhe apne answer dikha diye, me answer dikha hi rha tha ki hamari principle ne hame pakad liya. Unhone hamare parents to bula liya, tab mere pitaji behad gusse me the un ladko par nahi mujpar aur isliye nahi ki mene unki mdada ki balki isliye ki I didn't stood for myself.
(Mohan ne Kishori Lal ki aur dekha)
Wo khete the ki “Learn to fight for What's right”, hume kabhi darkar rehena nahi chahiye aur khudko kisi se kum nahi samajhna chahiye, “if they don't respect you, they don't deserve your respect either”, hume hamesha...
(Mohan apna sentence complete karne ja hi rha tha ki, use phele Kishori Lal ne uska sentence pura kar diya)
KISHORI LAL:
Jo sahi lagta he wahi karna chahiye, always do the right thing.
MOHAN:
(smile ke saath)
Always do the right thing.
Mohan muskurate hue car drive kar rha tha, Kishori Lal ke chere par bhi ek halki muskurahat ubher aai thi, unhone kuch pal ko Mohan aese hi dekha.
KISHORI LAL:
Aaj kha tha me?
MOHAN:
Link road
KISHORI LAL:
Aaj bhi?
MOHAN:
5th time ho rha he ye “PAPA”. Ab bas mujhe nurse hire karni padegi!
(thoda dissaponted hote hue bola)
Kishori Lal aur Mohan ne ek dusre ki aur dekha, unke chere par koi smile nahi thi aur fir achanak dono zor-zor se has pade.
CUT TO:
EXT. BUILDING GATE - NIGHT
Mohan ki car gate se ander enter hui.
INT. HOUSE - NIGHT
Mohan ne gate khola, aur dhere se Kishori Lal ko ander le aaya, jab wo dono living room se hote hue bedroom ki aur ja rhe the, to samne deewar par photos lagi thi “USHA” ki, “KISHORI LAL” ki, “MOHAN” ki (Cricket Kit ke saath) aur un “TEENO” ki ek saath.
INT. BEDROOM - NIGHT
Kishori Lal bedroom ke ander aaye, Mohan ne unka bister sahi kiya.
MOHAN:
Aap let jao me paani lekar aata hu.
KISHORI LAL:
(muskurate hue uski aur dekha)
I am sorry Mohan, aage se aesa nahi hoga.
Mohan ne bhi unki aur ek smile paas kar di, ye btane ke liye ki koi baat nahi sab “THEEK” he.
Kishori Lal apne bister par let gaye, unke chere par abhi bhi wo muskan kayam thi aur saath hi ek garv bhi ki Mohan jaisa beta unhe mila, par saath hi kuch dard ki lakeere bhi thi, jo shayad us pachtave ki thi jo unhe ho rha tha, Mohan ke liye itni mushkile khadi karne par.
CUT TO:
INT. OFFICE - NIGHT
Mohan apne laptop par type kar rha tha, unse ghadi ki aur dekha to 10 pm hone wale the, usne laptop band kiya, apna blazer liya, Guard to “bye” kiya aur exit gate se bahar nikal gya.
CUT TO:
EXT. PARKING LOT - NIGHT
Mohan ne car start ki, accelator press kiya, aur bahar aane lga, background me company building “Analytica Pvt. Ltd.”.
CUT TO:
EXT. ROAD - NIGHT
Mohan gaane me jhuum rha tha.
CUT TO:
EXT. ROAD - NIGHT
Mohan ne car road ke side me roki, window neeche ki, saamne Kishori Lal khade hue the.
MOHAN:
Hello, aap kha ja rhe ho?
KISHORI LAL:
(sandhe ki nazar se dekhte hue)
Tum kon ho aur ye konsi jagah he?
Mohan ne muskurate hue Kishori Lal ki aur dekha.
THE END
bahut badhiya
Award + 5000 Likes + 30 days sticky Thread (Stories)
Award + 3500 Likes + 15 day Sticky thread (Stories)
Award + 1000 Likes