- 78,222
- 113,744
- 354
Thriller The Revenge (Completed)
- Thread starterTheBlackBlood
- Start date
- 100,264
- 78,222
- 113,744
- 354
Socha to maine bhi yahi hai lekin fir ye socha ki agar badle ki aag me andhe ho kar vikram ke dwara unke family members ko bhi maar diya gaya to kya ye uchit hoga? Log sawaal karenge ki vikram ke mata pita ke sath to shayad Sanjay and uske baaki dosto ne bura kiya tha to badla bhi unhi se lena chahiye, family ke baaki logo ne to kuch na kiya tha fir unko maar kar vikram ne bhi galat hi kiya. Well dekhte hain kya hota hai
- 78,222
- 113,744
- 354
Har baar aisa nahi hoga, ittefaaq ya kismat ek baar hi aisa karwati hai
- 78,222
- 113,744
- 354
parkas
Prime
- 22,890
- 52,671
- 258
kamdev99008
FoX - Federation of Xossipians
- 8,531
- 34,460
- 219
Ap kuchh bhi likho to bhi sab galtiya hi dhudhengeSocha to maine bhi yahi hai lekin fir ye socha ki agar badle ki aag me andhe ho kar vikram ke dwara unke family members ko bhi maar diya gaya to kya ye uchit hoga? Log sawaal karenge ki vikram ke mata pita ke sath to shayad Sanjay and uske baaki dosto ne bura kiya tha to badla bhi unhi se lena chahiye, family ke baaki logo ne to kuch na kiya tha fir unko maar kar vikram ne bhi galat hi kiya. Well dekhte hain kya hota hai
Aur
Kuchh na likho, tab bhi
Galati pariwar ki Nahi, lekin badla bhi to pariwar hi lega.... Aage chalkar
Jaise vikram
Galat uske maa-baap bhi the.... Lekin use badla har haal me lena hai
Think logically.
Not socially
- 78,222
- 113,744
- 354
- 78,222
- 113,744
- 354
Agree, well dekhiye kaisa mahaul banta hai
- 78,222
- 113,744
- 354
Update - 14
____________________
____________________
Kursi par rassiyo me bandhe baithe shakhs ke chehre par bebasi ke bhaav gardish karte nazar aa rahe the. Idhar usko dekh kar baar baar mera khoon khaul uthta tha. Mere paas zyada waqt nahi tha. Maut to uski nishchit thi lekin usse pahle main ye chaahta tha ki wo apne mukh se kaboole ki mere mata pita ki maut me uska bhi hath tha.
"Tum jitna waqt lagaaoge jeewan uncle utna hi tum apni maut ko bhayanak banaaoge." Maine sard lahje me kaha_____"Tumhe shayad andaza bhi nahi hai ki bees saalo se mere andar majood badle ki aag tum sabko kis tarah se jala dene ke liye aatur hai. Abhi to ye shuruaat hai. Tum sab bees saalo se aisho araam me zindagi ji rahe the lekin ab us zindagi ka khatma hone ka samay aa gaya hai. Mera yakeen karo main tum sabka wo hasra karuga jiske bare me tum logo ne socha bhi nahi hoga. Ek ek kar ke main tum sabki saanse chheen luga aur tum log kuch nahi kar paaoge aur haan ye mat sochna ki tum sabka aaka tumhe ya tumhari family ko mere qaher se bacha lega."
"Main tumhe kaise yakeen dilaau vikram ki tum jaisa soch rahe ho waisa kuch bhi nahi hai." Jeewan ne hataash bhaav se kaha_____"Tumhare mata pita ki maut me ham me se kisi ka bhi koi hath nahi hai. Aree hath hone ki to baat hi door hai ham log unke liye aisa soch bhi nahi sakte the. Tum khud socho ki ham me se koi bhala kyo tumhare mata pita ki hatya kar dena chahega?"
"Daulat ke liye jeewan uncle." Maine shakht bhaav se uski aankho me jhaankte huye kaha_____"Sone ke un biscuits ke liye jinki vajah se tum sab mere pita se kayi baar charcha kar chuke the lekin mere pita ne tum me se kisi ko us sone ka rahasya nahi bataya tha."
Jeewan meri baat sun kar mujhe awaak sa is tarah dekhne lag gaya tha maano usne mere roop me kisi ajoobe ko dekh liya ho. Buri tarah ashcharya chakit tha wo. Fir ekdam se uske chehre ke bhaav badi tezi se badle.
"Ye tum kya kah rahe ho vikram?" Jeewan ne khud ko samhaalte huye kaha____"Aakhir tum kis sone aur biscuits ki baat kar rahe ho? Hame to is bare me kuch pata hi nahi hai."
"Tu aise kabool nahi karega haramkhor." Maine gusse me kheech ke ek tamacha jeewan ke gaal par raseed kar diya jisse uski cheekh nikal gayi_____"Tujhe lagta hai ki mujhe kuch pata hi nahi hai aur jo tu kahega use main maan luga lekin ye teri galat fahmi hai. Socha tha apne badle ki aag me sirf tum logo ko hi jala kar rakh karuga lekin ab tum logo ke alawa tumhari puri nashl ko bhi jalaauga. Ek ek kar ke tum sabke pariwar walo ko is duniya se rukhsat karuga."
"Aisa mat kaho vikram beta." Jeewan pahli baar sahma sa nazar aaya____"Agar tumhe sach me yahi lagta hai ki hamne hi tumhare mata pita ki hatya ki hai to tum shauk se hamari jaan le lo lekin hamare pariwar walo ko kuch mat karna. Unka is sab se koi lena dena nahi hai."
Jeewan jane kya kya kahe ja raha tha lekin mera dhyaan achanak se is baat par gaya ki jeewan baar baar apni peeth ko kursi ki pichhli pusht se ragad kyo raha tha? Yu to uski peeth kursi ki pichhli pusht se hi tiki huyi thi lekin rassi se bandhe hone ki vajah se wo zyada hil dul nahi sakta tha. Iske bavjood wo baar baar apni peeth ko ajeeb tarah se ragad raha tha. Ekaek mere dimag ki batti jali. Jeewan aur uske sabhi dost C.M.S. jaisi sanstha se taalluk rakhte the to zaahir hai unke paas sanstha se sampark karne ka apna koi khaas jariya raha hoga. Halaaki bees saal pahle ka mujhe pata tha lekin aaj ka nahi pata tha. Mujhe uski us ajeeb harkat se us par shak hua to main fauran hi uske peeche ki taraf gaya.
Jeewan mujhe apne peeche aaya dekh ghabra sa gaya. Idhar maine fauran hi uske coat ke button kholne shuru kar diye. Jeewan mere aisa karne par buri tarah hilne laga tha aur yahi prayaas kar raha tha ki main uska coat na utaaru. Kuch hi der me maine uska coat khol diya. Ab samasya ye thi ki dono hath bandhe hone ki vajah se uska coat puri tarah utara nahi ja sakta tha is liye maine apne thaile se ek kainchi nikaali aur peeche se uske coat ko kaatna shuru kar diya. Kuch hi der me aalam ye tha ki jeewan ki peeth ka hissa beparda ho gaya tha. Uska coat, uski shirt aur uski baniyaan sab maine kainchi se kaat diya tha. Maine uski nangi peeth ko dhyaan se dekhna shuru kiya to kuch hi palo me main ye dekh kar chaunka ki uski peeth ke thoda upar ki taraf ek cut laga hua tha jo ki kaafi purana lag raha tha.
Jeewan ki peeth par kareeb dedh inch ka cut tha jiske dono taraf chaar paanch halki halki dhaari si bani huyi thi. Aisa lagta tha jaise us cut ko kabhi sila gaya ho. Maine gaur kiya jeewan isi jagah ko kursi ki pichhli pusht par ragad raha tha. Maine uski peeth par bane us cut ko apne hath se sahlana shuru kiya to jeewan aur bhi tezi se hilne laga. Uski is harkat se mera shak aur bhi gahra gaya. Us jagah par sahlaane se mujhe kuch ajeeb sa feel hua to main fauran hi hata aur apne thaile se chaaku nikaal kar waapas uske peeche ki taraf gaya.
"Ye...ye tum kya rahe ho vikram beta?" Jeewan achanak se hi pareshaani me hadbada kar bol utha_____"Kya tum sach me mujhe jaan se maar dene wale ho?".
"Chinta mat kar." Maine chaaku ko uski peeth ke cut wale hisse ki taraf le jate huye kaha_____"Itni asaan maut nahi duga tujhe balki tujhe tadapne ka pura mauka duga."
"Aaaahhhhhh." Kahne ke sath hi maine chaaku ko uske cut wale hisse par ghusa diya jisse jeewan ki dard bhari karaah nikal gayi.
Jeewan ki peeth se khoon bahne laga tha jise maine rokne ki zara bhi koshish nahi ki balki mera dhyaan to is baat par tha ki mera shak sahi hai ya bewajah. Kuch hi palo me maine uski peeth ke us hisse ko chaaku se cut lagate huye chaaku ko usme ghusa diya. Jeewan dard se buri tarah cheekha to maine apni ek hatheli uske muh par chipka di. Jeewan ki peeth khoon se rangi ja rahi thi aur wo dard se tadap raha tha lekin main tabhi ruka jab mujhe tasalli huyi. Mera shak bewajah nahi tha yaani uski peeth par bana cut ek khaas tarah ka tha. Chaaku se kured kar maine uski peeth se ek chhoti si cheez nikaali jo kisi chip ki tarah dikh rahi thi. Khoon se sani huyi us chip ko main dhyaan se dekhne laga tha.
"Ab tu bata ki ye kya hai?" Maine us chip jaisi cheez ko jeewan ki aankho ke saamne kar ke shakht bhaav se kaha____"Dekh sach sach batana mujhe warna tu soch bhi nahi sakta ki ye chaaku main tere jism ke kaun se hisse me ghusa duga."
"Ye....aahhhh...ye ek chhota sa transmitter hai." Jeewan ne dard ko jabt karne ki koshish karte huye kaha.
"Bahut khoob." Main ekdam se bol utha____"C.M.S. jaisi sanstha ne beete saalo me kafi tarakki kar li hai."
"C...C.M.S.?????" Jeewan ne mere mukh se C.M.S. ka naam sun kar buri tarah chaunkne ki acting ki thi____"Ye kaisa naam hai hai? Kiski baat kar rahe ho tum?"
"Acting mat kar buddhe." Maine uski aankho me dekhte huye kaha____"Mujhe sab pata hai aur tujhe bhi pata hai ki bees saal pahle main bhi choot maar service jaisi sanstha ka sadasya tha. Tab nahi jaanta tha lekin aaj jaanta hu ki mujhe aisi ghatiya sanstha me shaamil karne ke peechhe tum sabka hi hath tha. Apni biwiyo ki khwaaish ko pura karne ke liye tum logo ne apne apne beto ko bhi usi sanstha me shaamil kar liya tha."
Jeewan mere mukh se ye sab sun kar jaise patthar ki shila me tabdeel ho gaya tha. Uske chehre par ashcharya ke bhaav taandav sa kar rahe the, fir ekdam se usne un sabhi bhaavo ko apne chehre par se gaayab kar liya.
"Tum ye sab kaise jaante ho?" Fir usne gambheer bhaav se kaha____"Kya tumhare us detective kulkarni ne tumhe ye sab bataya tha? Nahi nahi....use to is sabke bare me kuch pata hi nahi chal paya tha, kyoki usse pahle hi hame uske bare me pata chal gaya tha aur fir.....!"
"Aur fir tum logo ne uska kriya karm kar dene me zara bhi deri nahi ki thi, hai na?" Maine zaher se bhari muskaan me uski baat ko pura kiya to jeewan ne sir jhuka liya.
"Bees saalo me bahut kuch badal gaya hai is liye main nahi janta ki C.M.S. ka naya adda kaha par hai." Maine kaha____"Lekin tu batayega ki aisi ghatiya sanstha ne kis jagah par apna naya makaam bana rakha hai.?"
Meri baat sun kar jeewan ekaek thahaka laga kar has pada aur fir hasta hi chala gaya. Main uske is tarah hasne par buri tarah tilmila gaya tha. Fir ekdam se main chaunka. Mere hath me abhi bhi wo chip thi jo ki ek chhota sa transmitter tha. Uski vajah se jeewan se taalluk rakhne wale log kisi bhi samay mujh tak asaani se pahuch sakte the. Mujhe apni galti ka ehsaas hua aur maine fauran hi us chip ko darwaze ke paas hi rakhe ek patthar se tod kar choor choor kar diya. Ye dekh jeewan ke chehre par chinta ki lakeere ubhar aayi. Main jaanta tha ki ab yaha par rukna bhi khatre se khaali nahi hai is liye maine kurte ki jeb se chloroform wala rumaal nikala aur usse jeewan ko behosh kar diya. Uske baad jeewan ko maine rassi ke bandhan se mukt kar diya. Saara samaan thaile me daal kar maine jeewan ko apne kandhe par uthaya aur kamre se baahar ki taraf chal diya.
Waapas aane me mujhe na to zyada samay laga aur na hi zyada mehnat lagi. Jeewan ko car ki pichhli sheet par leta kar maine car start ki aur chal pada waha se. Ab mujhe kisi aisi jagah ki zarurat thi jo mere aise kaamo ke liye puri tarah se anukool ho aur safe bhi ho. Raat bhar main idhar udhar bhatakta raha aur aakhir me mujhe ek band pada karkhana mil gaya. Maine car ko udhar roka aur us karkhane ke andar ja kar uska muaayna karne laga. Maine dekha wo karkhana mere liye safe aur anukool jagah thi. Waapas aa kar maine car se jeewan ko nikala aur karkhane ke andar le ja kar use ek piller par rassiyo se kas kar baandh diya. Main janta tha ki use kuch samay baad hosh aa jayega is liye maine tape se uska muh band kiya aur baahar nikal gaya. Mujhe kuch zaruri cheeze chahiye thi aur kuch aisa samaan bhi jo aise waqt me mere kaam aa sake.
Jeewan ki car bhi mere liye musibat ban sakti thi is liye maine use jeewan ke ghar ke aas paas hi le ja kar khadi kar diya tha aur us par se apne nishaan mita diye the. Car se jeewan ka mobile le jana nahi bhoola tha main. Raat kaafi guzar gayi thi magar mujhe sukoon nahi tha. Main har kaam badi safaayi se karna chaahta tha is liye ek auto kar ke main gaziabad apne thikane ki taraf nikal liya. Main jaanta tha ki aane wala samay ab mere liye bahut hi zyada mushkilo aur chunautiyo se bhara hua hoga jiske liye mujhe har tarah se taiyar rahna tha. Jab main gaziabad apne thikane par pahucha to subah ke chaar baj chuke the aur meri kismat dekho ki Dinesh auto le kar ghar se nikalne hi wala tha. Mujhe aaya dekh pahle to wo chaunka aur fir mere us waqt aane ka kaaran puchhne laga jiska jawaab maine use diya. Use jaldi nikalna tha is liye auto le kar wo nikal gaya lekin usse pahle usne apni biwi ko bol diya tha ki mere liye naasta paani bana degi.
Thaka hua to main bahut tha lekin bistar par letne ke baad bhi mujhe neend nahi aa rahi thi. Shayad is liye ki main wo kar ke aaya tha jo apne jeewan me maine kabhi nahi kiya tha. Aane wale dino me main jo kuch bhi karne wala tha uska nateeja kya hoga ye main achhi tarah mahsoos kar sakta tha. Main isi sab ke bare me sochta raha aur jane kab meri aankh lag gayi thi.
Kisi ke dwara darwaza khatkhataye jane se meri aankh khuli to maine ja kar darwaza khola. Baahar Dinesh ki biwi Swati khadi thi. Itne dino me wo pahli baar hi upar mere kamre ke darwaze tak aayi thi. Khili huyi dhoop me uska gora rang aur bhi chamakta hua nazar aa raha tha. Meri nazre uske roop saundarya par thahar si gayi. Teen teen bachcho ki maa hone ke baad bhi wo sundar aur jawaan lag rahi thi. Mujhe apni taraf ghoorta dekh usne mera dhyaan bhang karne ke liye apne gale ko halke se khankhaara jisse main chaunk kar hakikat ki duniya me aaya. Ye soch kar thodi sharmindagi bhi huyi ki mujhe is tarah ghoorta dekh usne kya socha hoga mere bare me?
"Maaf kijiyega." Fir maine nazre jhuka kar kaha____"Pahli baar aapko khili huyi dhoop me dekha to dekhta hi rah gaya. Mujhe nahi pata tha ki hamari bhabhi ji itni khubsurat hain ki un par se nigaah hi nahi hategi.
"Achha ji aisa hai kya?" Swati ne halke se sharmate huye kaha.
"Dinesh bhai bade naseeb wale hain." Maine jab dekha ki use meri baat ka bura nahi laga to maine muskura kar kaha____"Jo unhe aapke jaisi haseen biwi mili. Kaash hamare bhi aise naseeb hote."
"Naseeb to aapke bhi achhe hi honge." Swati ne usi muskaan me kaha____"Aapki dharam patni bhi to sundar hi hongi."
"Agar main ye kahu ki maine ab tak kisi se shadi hi nahi ki hai." Maine uske haseen chehre ki taraf dekhte huye kaha____"To kya aap yakeen karengi?"
"Ye kya kah rahe hain aap?" Swati ke chehre par hairaani ke bhaav ubhar aaye, boli_____"Aapne ab tak shadi kyo nahi ki?"
"Kya kare?" Maine is baar Swati ko sir se le kar paanv tak dekhte huye kaha____"Aapke jaisi haseen ladki hi nahi mili kabhi."
"Dhatt." Swati meri is baat se fir se sharma gayi thi____"Ye kaisa mazaak kar rahe hain aap? Bhala main kaha se aapko ladki nazar aati hu? Teen teen bachcho ki maa hu main. Kya aap nahi jaante?"
"Wo to jaanta hu." Maine kaha____"Lekin ab iska kya kiya jaye ki aap teen teen bachcho ki maa nahi balki apni hi beti Poonam ki badi bahan lagti hain. Khair chhodiye is baat ko, kahi aisa na ho ki aap mere bare me galat soch baithe. Ye bataiye koi kaam tha kya mujhse?"
"Are haan baato baato me main bhool hi gayi ki main yaha kis liye aayi thi." Swati ne chaunkte huye kaha____"Raat ko aap kafi der se aaye the is liye subah aapko jagana uchit nahi samjha tha. Ab jabki dopahar ho gayi hai to socha ki aapki neend puri ho gayi hogi. Poonam to apne school gayi huyi hai is liye main hi aapko jagane aa gayi. Aap naha dho kar jaldi se khana khane ke liye neeche aa jaaiye."
"Kya kaha aapne?" Maine Swati ki baat se buri tarah chaunk pada tha_____"Dopahar ho gayi hai?"
"Haan ji." Swati ne kaha____"Achha ab chalti hu main....jaldi aaiyega."
Swati itna kah kar seedhiyo se neeche chali gayi thi aur main but sa darwaze par hi khada rah gaya tha. Dopahar ka samay ho gaya tha aur main ab tak yahi tha jabki mujhe jeewan ke paas hona chahiye tha. Mere andar ekdam se halchal si mach gayi thi. Itna laparwaah kaise ho sakta tha main? Abhi main ye sab soch kar khud par gussa hi ho raha tha ki tabhi achanak se main apne saamne kisi jinn ki tarah aa gayi aarti ko dekh kar chaunk pada.
"Kya baat hai." Usne mujhe ghoorte huye kaha_____"Aaj bada Swati didi ke hushn ki tareefe kar rahe the aap? Kahi dil to nahi aa gaya un par?"
"Kya tumhe isse koi aitraaz hai?" Maine uski aankho me jhaankte huye kaha.
"Mujhe bhala kyo aitraaz hoga?" Aarti ne sahsa hadbada kar kaha____"Aapka dil hai kisi par bhi aa sakta hai. Dukh to is baat ka hai ki itne samay baad bhi aapka dil kabhi mujh par nahi aaya."
"Apne man se aise behooda khayaal nikaal do." Maine thoda shakht bhaav se kaha_____"Maine aaj pahli baar unse bas thoda sa hasi mazaak hi kiya hai. Zaruri nahi ki tumhari tarah unse mera sambandh bane aur waise bhi main kisi ki jageer nahi hu jis par sirf kisi ek ka hi haq rahega."
Meri baat sun kar aarti ekdam se chup ho gayi thi. Shayad usne meri aur Swati ki baate sun li thi aur aarti ko usse mera yu hasi mazaak karna achha nahi laga tha. Yahi vajah thi ki wo swati ke jate hi mere saamne aa dhamki thi aur ye sab bol baithi thi. Meri baato ne use hakikat ka ehsaas karaya to uski nazre jhuk gayi.
"Maaf kar dijiye mujhe." Fir usne dheeme swar me kaha____"Main bhool gayi thi ki aap mere pati nahi hain balki ek aise paraaye mard hain jin par main khud hi aasakt hu aur aapki sewa me apna sab kuch saupna chaahti hu."
"Tum khud achhi tarah jaanti ho ki hamare beech koi gahra rishta nahi ho sakta." Maine kaha____"Is liye apne andar aise jazbaat ubharne hi mat do jinki vajah se aage chal kar tumhe taqleef ho. Khair ab jaao yaha se."
Aarti ke jane ke baad maine gahri saans li aur fir fresh hone ke liye bathroom me chala gaya. Kareeb ek ghante baad main lunch kar ke dinesh ke makaan se nikal pada tha. Mere zahen me baar baar jeewan uncle ka khayaal aa jata tha aur main sochne par majboor ho jata tha ki wo rassiyo me bandha ab tak waise hi baitha hoga. Uske yu gaayab ho jane se uske ghar wale aur khud C.M.S. jaisi sanstha ke log bhi shayad uski khoj me nikal chuke honge. Aane wala waqt meri liye sach much bahut hi zyada mushkilo aur chunautiyo se bhara tha lekin in chunautiyo se mujhe ghabrana nahi tha balki puri nidarta se inka saamna karna tha. Jaldi hi main ek aisi jagah pahucha jaha par kiraye se car milti thi. Itne dino me thodi bahut meri jaan pahchaan ho gayi thi is liye mujhe waha se kiraye par car lene me mushkil nahi huyi. Car le kar main fauran us karkhane ki taraf tezi se badh chala jaha par maine jeewan uncle ko baandh kar rakha hua tha.
✤༺✧༻✤
- 78,222
- 113,744
- 354