Update 02
Dev apne dimag me soch raha tha. Uss baat ko ab 15 saal ho chuke hai. Aur baba ne bhi mujhe woh baat bhool jaane ko kaha tha. Lekin kya karu MIGHTY STONE ka Naam sunte hi mujhe gussa aane lagta hai. Accha hua mai waha se chala aaya nahi toh gusse me kuchh kar deta. Waise 10-12 logo ke aage mera kuchh nahi chalta. Lekin woh log itne dur kis liye aaye honge? yahi baat soch kar woh aage badh raha tha.
Dev andhero ko cheerta hua aage badh raha tha. Din me BIO-BOT aur raat me jungali jaanvaro se darr hamesha laga rehta tha. Dev ko ab iss halat me rehne ki aadat lag chuki thi.
Thodi der aur chalne ke baad woh ek door ke paas jaa pahuncha. Ghani jhaadi ke beech me woh darwaja kisi ko bhi dikh nahi pata. Darwaje ke paas jaake ek secret password dabane se woh khul gaya. Dev fir bike pe baith ke darwaje ke andar chala gaya.
Baahar se kisi ko bhi nahi lagega ki yaha ek poora gaav ek bunker hall me reh sakta hai. Issi se aap andaja lagao ki woh Kitna bada hoga. Kareeb 100-150 log honge unme aurte aur Bacche bhi shamil the. Bunker ke baahar kisi ko bhi jaane ki permission nahi thi. Kuchh chune hue log hi baahar nikalte the. Jaise ki kuchh log khanna arrange karne ke liye (shikaar), kuch log petroling ke liye...har kaam ke liye ek management tha. Aur useke hisab se sab chalte the. Aisa barso se chalta aa raha tha.
Aur iss gaav ka leader tha Mr. Soni Singh. Bahot hi acche aur sabko saath me le kar chalne wale niswarthi leader the.apne balbute par unhone ye gaav khada kiya tha. Sab log unki izzat bhi karte the. Aur Dev bhi.
Bike park karne ke baad Dev mr. Singh ke tent me chala gaya. Usse dekhte hi…
Mr. Singh : aao Dev, kaam pura kiya tune?
Dev : ha baba
Itna bolkar Dev apni bag me se kuchh nikal kar table par rakh deta hai. Mr. Singh usse haath me pakad kar…
Mr. Singh : shabash mere bacche. Bahot badhiya kaam kiya hai tumne. Aaj Pure 3 batteries tumne layi. Hum bahot khush hai.
Dev : baba, aaj main MIGHTY STONE walo se mila.
MIGHTY STONE ka Naam sunkar mr. Singh Dev ki taraf dekhne lage. Unke kuchh bolne se pehle Dev bol pada.
Dev: baba, kuchh nahi kiya unhone. Aur maine bhi apne aap ko shant rakha.
Mr. Singh : I'm proud of you my boy. Sach kahu to ek pal ke liye mai dar hi gaya tha. Lekin mujhe tumpar bharosa tha.
Dev : baba. Ek baat punchu?
Mr. Singh : ha bol Dev.
Dev : aapne abtak mujhe apna badla Kyun nahi lene diya?
Mr. Singh : Dev, josh me aake kabhi bhi koi kaam nahi kiya jaata. Itne saal maine tumhe apne bete ki tarah rakha. Apna beta mana…
Dev : ( beech me hi ) main bhi aapko apna hi samjha hai baba. Aap hi mere baba ho. Uss din ke baad agar aap nahi hote toh aaj mai...mai nahi rehta. Aaj mai jo bhi hun sirf aapki siksha ke karan hi hun. Aap ke karan hun.
Mr. Singh : aise baate bola nahi karte.you are a man...Be a man. Understood?
Dev : ha baba.
Mr. Singh : wakt najdik aaya hai. Ab tum apna badla bhi pura kar paoge. Par jab mai bolunga tabhi. Ok?
Dev : ok.
Mr. Singh : Now come let's have some dinner.
Mr.Singh ke saath dinner karne ke baad Dev apne adde par chala gaya.
Use akele rehna pasand tha. Uska adda ek bahot oonche ped ke uper bana hua ek room tha. privacy ke chalte woh itne uper rehta tha. Dev ne yeh jagah isliye chuni thi Kyun ki woh yaha se sab kuchh dekh sake jo bankar me baith ke na dekh paye.
Niche Ghane ped paudhe aur khandar bani hui badi badi buildings jise chhote ped paudho ne apne kabje me kar liya tha. Aur uper bahut hi bada satellite tha jiske baare me usne sirf kahaniyan me hi suna tha. Usse log A.H.S.2 (ARTIFICIAL HUMAN SUPPORT SATELLITE) kehte the.
A.H.S.2
Dev ne kahaniyon me suna tha...
Kuchh 800 saal pehle Prithvi par ek bahot he bada sankat aaya tha. Ek bada sa taara Prithvi par girne wala hai. Toh pure deshon ke badi hasthiyo ne yeh faisala kiya ki woh Prithvi chhod kar kisi aur jagah chale jaayenge. Aur haadsa hone ke baad wapis laut aayenge .Uss taare ko Prithvi tak pahunch ne me abhi time tha toh sabhi bade bade log space ship banane me lag gaye.
unn logo ne yeh baat janata ko batana sahi nahi samjha. Space tourism ke bahane unn logo ne kafi logo ko spaceship me jagah di...joh bahot sara amount de sakte the. Aur kul milakar 10 badi badi space ship raato raat khadi kar di.
EK spaceship ki capacity thi 20,000 log. Jahan aurato aur ladkiyon ko jyada priority diya tha.
aur young man power. Unhone bahot saare scientists ko bhi jagah di thi. Ab woh ships bade bade capsule le ke space me chhod dete the. Jin ke andar important chije thi jo unhe settlement banane ke liye jarurt thi. Aise karte karte spaceship kafi logo ko space me chhod kar aaye, puri taiyari ke saath. Yeh saari capsule ek saath milakar space me ek colony banayi. Jise aaj A.H.S.2 jaana jaata hai, jo abb kaafi advanced ho gaya tha.