Sci-FI StRanGe WoRLd : APOCALYPSE

[Milan2010]

Update : 14 (Dost ya Dushman)

Sam “haa, anyways..voh mai baad me bataunga, but I really want to know ki yeh jagah konsi hai..??”

Pathik ajeeb se hasi haste hue kehta hai “yaar..tu toh esi baate kar rahe hai ki jese tu Mumbai pehli baar aaye hai, comman man”

Pathik ki baat sunkar Sam aur Akshita dono ek saath kehte hai “MUMBAI….!!!!!”

Ab aage…

Sam ke liye aajka din vakahi me bura tha, aaj use ek ke baad ek jatke par jatke mil rahe the, Iss waqt Sam ki haalat aisi thi maano kaato toh khoon nahi, Sam kabhi Pathik ki aur dekhta toh kabhi prithvi par hui tabahi ko dekhta, darsal voh samaj nahi paa raha tha ki voh Pathik ki baat par kese tarah se react kare

Sam aur Akshita dono ke hi haal karib karib ek jese the, jise kaal ko voh apna bhavishya samaj rahe the voh bhavishya naa hokar unka atit tha, aur ek aisa atit jo karib 1000 saalo se bhi jyada purana tha

Kisi ne sach hi kaha hai, Sach me waqt ke mayajaal ko koi bhi nahi samaj sakta, Sam aur Akshita dono hi ek dusre ki aur dekh rahe the..voh kehna toh bahut kuch chahte the, lekin unke lab saath nahi de rahe the

Akshita apna haath chehre par rakhte hue kehti hai “sam..iska matlab hai ki…” voh bolte hue ruk jaati hai

Sam “haa aksh, par mere toh kuch bhi samaj me nahi aa raha”

Akshita “ha vahi toh sam, maine kabhi sapne me bhi nahi socha tha ki hamare earth ki yeh haalat ho jayegi..?? yanha ke haalat toh hamare waqt se bhi jyada bure hai” voh thodi der rukkar kehti hai “Sam muje toh yeh baat samaj me nahi aa rahi, iss tarah ki tabahi hone ke bawjood bhi hamare records, hamari history me iska jikar kyu nahi kiya gaya..??”

Sam bhi apne dimaag par jor daalte hue kehta hai “as per my knowledge, hamari dharti par iss tarah ke haalat kabhi nahi hue, par yanha aakar toh muje kuch bhi samaj nahi aa raha”

Akshita “sam, tuje kya lagta hai..kya hum sach me…”

Akshita ki baat ko samajte hue Sam kehta hai “yes akshita, we are in past, but exactly I don’t know which year..??”

Akshita sam ko tokte hue kehti hai “sam..i think tuje yeh nahi bolna chahiye tha”

Pathik “I knew it, mai janta tha ki aap dono yanha se nahi ho, you are the time-travelers, right..?? muje yakeen nahi ho raha..i just can’t believe it”

Akshita sawaliya bhari najro se dekhte hue Pathik se sawal karti hai “how did you know..?? We are not time-travellers”

Pathik “common guys, bahut hi simple hai..jo weapons tum dono ke pass hai, voh hamare toh kya, pure earth par kisi ke pass nahi hai, aur fir jis tarah se tum dono ne uss Zorian se ladayi ki, saaf pata chalta hai ki aap dono yanha se toh nahi ho, and tumhari baate sunkar mai daawe se keh sakta hu ki aap dono time-travellers hai”

Aarav abhi bhi thoda gusse se kehta hai “yaa fir kuch aur hai, Pathik inn par bharosa karna bewkoofi hogi, Time Travel jesi chizo par believe karna galat hoga”

Pathik “haa bhai, shayad koi aur din hota toh mai nahi maanta, par jo aaj humne dekha hai, use ignore nahi kiya jaa sakta”

Sam “I am sorry, kya dekha tum logo ne..??”

Aarav gusse me kehta hai “just stop it, and me who the hell are you, and what are you doing on our Earth”

Sam jiske haath par halki si chot lagi thi, voh dikhata hai, jise dekh Pathik kehta hai “agar yeh zorian hota toh iska khoon laal nahi hota”

Sam “aarav, janta hu iss waqt jo haalat hai use jaldi kisi par yakeen nahi kiya jaa sakta, par yakeen maan mere bhai, iss ladayi me hum sab ek hi taraf hai”

Aarav thoda naram hote hue kehta hai “thik hai, muje sabkuch janna hai, uske baad me faisla hoga”

Sam “thik hai, mai sab bataunga, bas usse pehle muje kuch janna hai”

Akshita “sam, kya soch raha hai tu, kahi tu”

Sam “ha akshita, agar hume yeh jung jeetni hai toh hume saath milkar hi kaam karna hoga, kyunki muje lagta hai ki yeh dono humse bhi jyada jante hai”

Pathik “aakhir baat kya hai..??”

Sam “tumne itni asaani se keh diya ki we are time-travellers, toh kya hamare se bhi pehle yanha par koi aaya hai..?? kyunki time-travel har koi nahi kar sakta, aur tumhare reactions aise the ki tumlog kuch jaante ho”

Aarav “haa aaya toh hai, par voh insaan nahi the, darasal yeh hum khud bhi nahi jaante the”

Sam “Zorians, but how..?? voh time travel kese kar sakte hai, it’s impossible”

Aarav “nahi sam, mai unki baat nahi kar raha”

Akshita “fir, aur kaun hai..??”

Pathik “humne akshar yeh suna tha ki kahi jagaho par dinosaurs dekhe gaye hai..pehle toh hume yakeen nahi hua, par jab aaj humne khud dinosaurs ko yanha dekha, toh yakeen karna aur bhi aasan hogaya, uske aaj aaplogo ki baate sunkar..I am sure ki aaplog time-travellers hai”

Akshita “sam, muje dar lag raha hai, yeh kese possible ho sakta hai..??”

Aarav “muje aisa kyu lag raha hai ki aap dono hi dinosaurs ke baare me pehle se hi jante hai”

Sam gehri saans lete hue kehta hai “ha aarav, yeh hamare waqt me bhi ho chuka hai”

Pathik “toh kya hum kabhi bhi zorians se jeet nahi paayege”

Aarav “kitne saal, kitne saal tak yeh sab chalta rahega, yanha ke haalat bahut hi jyada kharab hai”

Sam “muje toh kuch bhi samaj me nahi aa raha, maine socha tha past me muje kuch toh jawab milenge, lekin yanha aane ke baad toh yeh gutthi aur bhi sulaj gayi hai”

Pathik “sam, akhir baat kya hai..?? aap dono konse saal se aaye ho”

Akshita “we are from Third Blitz”

Pathik aur Aarav “third blitz..?? voh konsa time hai..??”

Sam “akshita, inhe Blitz ke baare me nahi maalum, in simple terms, We are from 31st century, more preciously form year 3146”

Yeh sunkar pathik aur aarav dono hi chaunk jaate hai, Sam ki baat unn dono ke liye kisi dhamake se kam nahi thi, Pathik “1100 saal, toh kya itne saalo ke baad bhi zorians hamari dharti par hi hai”

Sam “nahi pathik, baat kuch aur hai, kyunki jo itihaas humne padha hai, jo records hamare pass hai, usme zorians ka jikra kahi nahi kiya gaya, zorians hamare waqt me aaye hai, par voh log time-travel karenge yeh humne kabhi nahi socha tha”

Pathik “haa, yeh baat toh mai bhi samaj ta hu, manthan ne bataya tha muje ki time-travel karna bahut hi jyada khatarnak ho sakta hai, sab kuch tabah ho sakta hai”

Sam “manthan..?? toh kya voh bhi time-travel karta hai..??”

Aarav iss baar thoda jhalla kar kehta hai “nahi, time-travel koi nahi karta” fir voh pathik ki aur dekhte hue kehta hai “aayinda uska naam mere samne kabhi nahi lena”

Akshita “sam, ab hum kya kare..?? ek sawaal ka jawab toh hume mil gaya ki voh time-portals the, par aur yaanha aane ke baad aur bhi kahi saare sawaal hamare samne aagaye hai”

Pathik “mere hisab se agar hum base par jaakar baate kare toh jyada sahi rahega” fir voh rukkar kehta hai “I mean, jaha bache hue log hai, aur vese bhi base se jyada der bahar rukna safe nahi hai”

Fir voh sab vaha se jaane lagte hai, iss waqt charo aur sannata faila hua tha, chand ki roshni har jagah faili hui thi lekin fir bhi sabhi ke mann me ek dar basa tha, kudrat iss tarah se palat jayegi yeh kabhi kisine sapne me nahi socha tha aur saath hi mai thandi thandi hawa beh rahi thi

Kuch der chalne ke baad coh sabhi log base me pahuch jaate hai, bahar se dekhne par yahi lagta tha ki yeh sab tuti hui imarto ka malba pada hua hai, unn malbo ke bich se ek choti s jagah thi jo surang ki tarah faili hui thi, yeh sabhi uss surang se unn malbo ke niche aagaye

Lekin shayad aaj Sam ke liye yeh din kaafi bhaari tha, kyunki voh nahi janta tha ki yeh din use aur kya kya dikhane vala hai

Jese hi sam, Pathik aur Aarav ke saath unke base par pahucha, vaha ki halat dekhkar uska dil rone ko hone laga, kyunki vaha par rahe logo ki halat hi bahut jyada kharab thi, roshni ke naam par deam bulbs jal rahe the, har kisi ke sharir par chote mote gaanv the, lekin fir bhi voh sab aapas me milkar iss tabahi ka samna kar rahe the

Yanha tak ki chote bacho ke haalat bhi bhi kaafi bure the, khair filhaal toh voh bache vahi baithkar aapas me khel rahe the lekin unn logo ka dekhne ka voh manjar dil dehla dene vala tha

Tabhi ek chota bacha daudte hue pathik ke pass aaya aur voh kehta hai “bhaiya, yeh kaun hai..?? yeh hume bachane aaye haina..??”

Sam uss chote bache ko dekh uske samne baith gaya aur uska haath pakadte hue kehta hai “haa beta, mai aapko bachane aaya hu”

Voh chota bacha “bhaiya, hum kuch nahi hoga na..??”

Sam “mai kuch bhi nahi hone dunga, promise, ab aap jakaar apne dosto ke saath kheliye, thik hai” fir voh bacha vanha se chala jaata hai

Vahi aarav jaakar sabhi logo ko bata deta hai ki yeh dono dost hai, lekin usne time-travel vaali baate kisi ko nahi batayi, shayad unn sab ke liye yahi sahi tha ki unhe iss baare me pata naa ho

Akshita yeh dekhkar khud ko rok nahi paayi, uski aankho se aansu chalak aaye aur voh sam ke gale lagkar kehti hai “sam, yaha ke halat bahut hi jyada kharab hai, maine sapne me bhi nahi socha tha ki koi esi life bhi kabhi jee sakta hai”

Sam “haa aksh” voh bhari gale se kehta hai “par akshita, yeh sab kese ho sakta hai, yanha ke yeh haalat..kuch toh hai akshita jo mai samaj nahi paa raha” voh bolte hue ruk gaya

Aksh sam ki aur dekhte hue puchti hai “kya samaj nahi paa raha sam..??” lekin sam ne toh jese suna hi nahi tha, voh bas ek tak samne ki aur dekhe jaa raha tha

Sam se kuch jawab naa pakar Akshita usse alag hoti hai, aur jab Aksh ne Sam ki najaro ka picha kiya toh dekha ki Sam uske samne se aa rahi ladki ki aur dekh raha hai, yeh dekh Akshita ko halka sa gussa aaya aur usne…..

Sam ki yeh harkat dekhkar Akshita ko uspar gussa aaya aur voh kuch karti uske pehle hi Sam bolta hai “tum..?? how..?? yeh kese possible ho sakta hai..??”

Ek saath itne saare sawal sunkar sabhi sam ki aur dekhne lagte hai, jabki sam abhi bhi uss ladki ko ghure jaa raha tha

Akshita “sam..are you okay..??”

Pathik “kya hua bhai..?? aur kya possible ho sakta hai..??”

Tab tak samne se aarahi ladki ab tak inn sabhi ke pass chuki thi “tu muje ghur kyu raha hai..??” aur voh Pathik se sawal karti hai “pathik..yeh log kaun hai..??”

Sam apni aankhe band karte hue kehta hai “nahi..yeh ho kya raha hai mere saath, nahi..yeh nahi ho sakta, it’s impossible, no way it can be true”

To be continued…

 

[Mayaviguru]

Ek update mat do sirf daily do quarantine ki wjh se wapas aaya xf par mila kya tumhara update thoda acha lga ki chlo dhang ka content padhne ko milega incest aur adultery ke bina aur ye kya ek to ittu sa update wo bhi suspence mai chod gye jldi de agla wala dimag ki dhi ho rhi hai pehle lga time travel fir lga dimension travel av lag rha dono ya for kuch aur hi chal rha hai jaldi aage bdha story ko

 

[spritemathews]

Awesome Updates!

 

[Kirti.s]

Very nice update

 

[Milan2010]

Ek update mat do sirf daily do quarantine ki wjh se wapas aaya xf par mila kya tumhara update thoda acha lga ki chlo dhang ka content padhne ko milega incest aur adultery ke bina aur ye kya ek to ittu sa update wo bhi suspence mai chod gye jldi de agla wala dimag ki dhi ho rhi hai pehle lga time travel fir lga dimension travel av lag rha dono ya for kuch aur hi chal rha hai jaldi aage bdha story ko

bhai Mayaviguru
bhai, abhi regular updates milenge
aur koshish karunga b break naa lu
haa bhai incest ke alawa bahut kam hi esi stories hai, aur isiliye readers bhi kam hi aate hai
bhai, agla updates padh lijiye, shayad kuch samaj me aajaye

 

[Milan2010]

Awesome Updates!

mathews bro

 

[Milan2010]

Very nice update

kirti ji Kirti.s

 

[Milan2010]

Update : 15 (Do Ladkiyo ka Rahasya)

Tab tak samne se aarahi ladki ab tak inn sabhi ke pass aa chuki thi “tu muje ghur kyu raha hai..??” aur voh Pathik se sawal karti hai “pathik..yeh log kaun hai..??”

Sam apni aankhe band karte hue kehta hai “nahi..yeh ho kya raha hai mere saath, nahi..yeh nahi ho sakta, it’s impossible, no way it can be true”

Ab aage….

Uss ladki ko dekhkar sam kisi putle ki tarah khada ho jaata hai, voh ektak bina apni palke japkaye hue uss ladki ko hi dekhe jaa raha tha, use yeh tak ehsas nahi tha ki Akshita aur baaki log usse kuch puche jaa rahe the
Sam khud ko sambhal nahi paata aur voh do kadam piche chale jaata hai “how is this possible, it can’t be”

Akshita sam ko jandodkar use sambhalte hue kehti hai “sam..aakhir tuje hua kya hai..??”

Vaha maujud koi bhi shaks sam ke iss bartav ko samaj nahi paa raha tha, aur vahi voh nayi aayi hui ladki bhi sawaliya bhari najro se Sam ko ghure jaa rahi thi, voh pathik se puchti hai “pathik, kaun hai yeh log”

Sam kabhi akshita ki aur dekhta toh kabhi uss ladki ki aur, voh haklate hue hi “t..tt..tttum..tum jinda kese ho..??”

Voh ladki “what do you mean by that..??” halke gusse se sam ko jawab deti hai

Vahi akshita bhi aisa sunkar shock reh jaati hai, voh sam ke chehre ko apni aur karti hai aur uski aankho me dekhte hue kehti hai “sam, sam, tu yeh kya bol raha hai..?? tu theek toh haina..?? please kuch toh bata”

Sam akshita ki aur dekhte hue kehta hai “aksh, I don’t know, yeh impossible hai"

Akshita “kya impossible hai..??”

Sam “agar maine tuje bata bhi diya, tab bhi tu meri baat ka yakeen nahi karegi”

Akshita sawaliya bhari najro se Sam ki aur dekhti hai aur firse puchti hai “sam..baat kya hai..?? please bata muje”

Sam aksh ki aankho me dekhte hue kehta hai “m…mmuujeee..muje vo..vvooohhhh ladki dikhayi de rahi hai, vohi ladki jo mere aankho ke samne mari thi” aur voh uss aayi hui ladki ki aur ishara karta hai

Yeh sunkar sabhi log ajeeb najro se Sam ki aur dekhte hai, jabki akshita kabhi sam ki aur dekhti toh kabhi uss ladki ki aur dekhti, voh sam se sawaal karti hai “yeh kese ho sakta hai sam, yeh koi aur hai”

Sam “yeh vahi ladki hai jo meri aankho ke samne mari thi, maine kaha thana, yeh impossible hai”

Akshita “sam, yeh impossible hi hai, tune jis ladki ko dekha voh 31st century me thi, aur yeh ladki 21st century se belong karti hai”

Tabhi voh ladki kehti hai “wait wait wait wait, kya tumne abhi abhi 31st century kaha..??” fir voh pathik ki aur dekhte hue kehti hai “pathik, muje janna hai ki aakhir yanha par ho kya raha hai..?? aur yeh dono kaun log hai..??”

Sam uss ladki se sawaal karta hai “maine khud dekha tha, you have die infront of my eyes”

Toh voh ladki kehti hai “aapke kehne ka matlab kya hai..?? you mean to say I am dead..??”

Pathik uss ladki ke sawaal ka jawab deta hai “yeh dono time-travellers hai, yeh future se hamari madad karne ke liye aaye hai”

Voh ladki ko kuch bhi samaj me nahi aa raha tha ki voh kya kahe, time travel ke baare me sunkar uska dimaag chakrane lagta hai toh voh pathik se ishare me puchti hai ki yeh sab kya ho raha hai, uske baad pathik uss ladki ko sabkuch bata deta hai jo vo janta tha
Yeh sunkar voh ladki ajeeb se najro se kabhi pathik ko dekhti hai toh kabhi unn dono ko, kyunki yeh jo pathik ne abhi kaha voh use kisi sci-fic film se kam nahi lag raha tha, kyunki aisa kuch iss haal me sunna kaafi ajeeb tha

Aksh “sam are you sure ki yeh vahi ladki thi jise tumne marte dekha tha..??”

Sam ko lag raha tha ki voh uss mari hui ladki ko dekh raha hai..jabki sachayi yeh thi voh ladki mari nahi thi..balki voh zinda thi aur uske aankho ke samne khadi thi
Sam “akhir yeh sab ho kya raha hai..??”

Pathik ko achanak se kuch yaad aata hai toh voh sam se sawaal karta hai “wait a second, tumne Siddhi ko marte hue kab dekha tha..??”

Sam sawaliya bhari najro se pathik ki aur dekhta hai, toh pathik use uss ladki ki aur ishara karte hue kehta hai “I mean ki ise tumne marte hue kab dekha tha..??”

Sam iss baat ka jawab deta hai “karib 1 hafte pehle, muje yaad hai ki mai mission par tha, aur apni team se alag ho gaya tha”

Tabhi aarav use bich me rokte hue kahta hai “guys, agar yeh baate hum thode alag jaakar kare toh jyada behtar rahega, mere khayal se yeh baate inn logo ko naahi pata chale” voh baakiyo ki aur ishara karte hue kehta hai

Aarav ki baat par sabhi log haami bharte hai aur voh log baakiyo se alag hokar side me aajate hai aur uske baad Sam uss din ki ghatna suna tha jis se voh puri tarah tut chukka tha aur apni position se resign tak de diya tha

Ek Hafte Pehle

Sam apni team ke saath ek mission par tha, mission unn logo ko bachana ke tha jo Zorians ke Coronal City par kiye gaye hamle ke dauran bach gaye the
Same raat ke karib 11 baje apni team ko lekar Coronal City me ghum raha tha, akshar humne dekha hai raat ke iss waqt bhi seher ki sadako par logo ki kaafi bheed jami rehti hai..lekin aaj aisa nahi tha, Zorians ke dwara kiye gaye hamle me pura Coronal City tabah ho gaya tha..lekin kuch jagah esi thi ki jaha par nuksaan kam hua tha..matlab ki vaha par logo ke zinda hone ki ummid jatayi jaa rahi thi
High Command se order milte hi Sam apni team lekar Coronal City ke uss ilake me pahuch gaya tha..aur unke report ke anusar yaanha par bhi bhi kuch log the jo jinda toh bach gaye the lekin unke haalat jyada ache nahi the, aur kahiyo ki haalat bahut hi jyada naajuk the

Sam aur baakiyo ko kaafi muskile aa rahi thi, ek taraf raat ko ghor andhera aur sehar ke tabah hone ki vajah se gira hua malba unhe kaafi dikkate de rahe the, lekin fir bhi yeh log haar mane bina apna pura jor lagakar logo ko vanha se nikal rahe the
Sam apni team se kehta hai “okay listen team, as per our reports, yanha par logo ke jinda hone ki ummid thi, and we have found them, but I think shayad sehar ke andar bhi aur koi ho sakta hai, toh mai aur andar jaa raha hu” fir vo ruk kar kehta hai “jald se jald inn logo ko meditown transfer karwaye, aur yaad rahe, kahi par bhi..kuch bhi harkat ho, fauran yanha se bahar nikal jaana, is that clear..??”

Team “yes sir” aur itna kehte hi sam apni team se thoda dur aagaya

Sam chalte hue apni charo aur dekh raha tha, par abhi tak use koi bhi zinda insaan nahi mila tha, voh iss ummid se aage badh raha tha ki shayad koi bacha ho, lekin use har raste par sirf nirasha hi mil rahi thi, janha se bhi voh gujar raha tha har jagaho par insano ki laashe hi giri hui thi
Sam chalte hue kaafi dur nikal aaya tha aur use bhi ab yeh lagne laga tha ki shayad ab iss sehar me aur koi nahi bacha hai “muje nahi lagta ki yaha par koi hoga, ab muje vapas jaana chahiye” aur voh vaha se jese hi piche muda uski najar samne daudte hue aa rahi uss ladki ki aur gayi

Achanak se iss ladki ko dekh voh chaunk jaata hai, kyunki jab voh vanha se aaya tab use koi nahi dikh raha tha, lekin achanak se iss ladki ko dekh voh thoda hadbada jaata hai
Sam ektak uss ladki ko hi dekhe jaa raha tha, use yeh toh pata chal gaya ki voh ladki apni jaan bachane ke liye bhaag rahi hai, aur voh kuch karta uske pehle hi vahi pass me rahi ardh tuti hui imarat ki voh deewal, achanak se uss ladki ke upar gir gayi, aur deewar ke saath uss ladki ki dard bhari chikh charo aur gunj uthi
Sam iss haadse ko dekh nahi paaya, voh vahi par apne ghunto ke pal baith gaya aur usne apni aankhe band kar li

Sam kaafi der tak vahi par baitha rahta hai jabtak Akshita vanha par nahi aa jati, voh Sam ko dhundte hue yanha par aa pahuchi thi aur use sam vaha par raste me baithe hue dekh gaya, toh voh turant daudte hue sam ke pass gayi aur usko pakadte hue kehti hai “sam..sam, are you okay..??”

Lekin sam ko toh jese hosh hi nahi tha, akshita ne use hilate hue firse pucha “sam..tuje ho kya gaya hai..?? aur tu calls ka respond kyu nahi kar raha tha..upar se tera GPS tak kaam nahi kar raha tha, aur naa hi tune pichle 1 ghante se hum mese kisi se bhi contact karne ki koshish ki”

Sam ne fir uske samne giri hui building ki aur ishara karte hue kaha “aksh..mai yahi par tha..voh ladki, voh mujse madad mangne aayi thi aur mai..mai kuch nahi kar paaya, Akshita..voh samne mari hai..meri aankho ke samne, aur mai bas sirf use dekhta hi reh gaya, mai usko bacha sakta tha Aksh..lekin, lekin mai use nahi bacha paaya” kehte hue voh rone laga

Back To present

Sam ki puri baat sunkar sabse jyada shock Siddhi aur Aarav ko laga, kyunki jo kuch bhi Sam ne abhi bataya voh kuch kuch Siddhi ke saath ghati ghatna ke saman tha, siddhi puchti hai “kya uss ladki ne mehendi colour ke kapde pehne hue the..?? aur usko kuch chot lagi thi..??”

Sam turant hi siddhi ke sawal ka jawab deta hai “haa, aur uske haath me chot bhi lagi hui thi”

Siddhi usse kehti hai “aapki baat ekdum sahi hai” voh apna haath dikhati hai jispar pattiya lagi hui thi “mere saath asi hi ek ghatna ghati thi, par voh building naa hokar ek pole tha, aur voh pole mere hi upar girne vala tha, lekin akhri waqt par aarav ne muje bacha liya tha, aur usi dauran meri chikh bhi nikal gayi thi”

Pathik ko iss waqt kuch samaj me nahi aa raha tha, voh turant bol padta hai “ek min, Siddhi yeh jo hadsa tere saath hua tha” usne siddhi ki aur ishara kiya “toh yeh sam ko kese dikhayi diya..??” fir Pathik apni hi bat ko samjate hue kehta hai “mera matlab tha ki aap dono 31st century se belong karte hai, aur humsab” voh sabki aur ishare karte hue “21st century me jee rahe hai, toh yeh kese possible ho sakta hai”

Aksh “wait wait, kuch toh gadbad hai yanha, shayad yahi vajah thi ki muje voh hada asadharan sa lag raha tha”

Sam akshita ki aur sawaliya bhari najro se dekhte hue kehta hai “kya matlab..??”

Akshita “sam, ek baat hai jo maine tuje nahi batayi, muje uss waqt hi yeh mehsus ho gaya tha ki kuch toh gadbad hai, par tujpar itna yakeen tha ki maine laaparwahi kar di”

Sam “laaparwahi..?? tu kehna kya chahti hai” ko kuch samaj me nahi aa raha tha

Akshita “sam, jab tere kehne par hamari team ne unn malbo ko hataya tab maine dekha tha..uss ladki ne pink top aur black jeans pehna hua tha, aur usski lash..voh deewar girne ki vajah se kuchal gayi thi..lekin fir bhi maine ek baat notice ki thi..uske sharir ke kuch hisse halke se jale hue lag rahe the, par uss waqt muje teri fikar ho rahi thi, so maine iss baat par jyada dhyaan nahi diya, par siddhi ki baat sunkar aur jab tune uske kapdo ke baare me bataya, now I am definitely sure ki tune jis ladki ko marte hue dekha tha, uski maut building ke girne ki vajah se nahi hui thi”

Sam “yaani voh ladki pehle se hi mari hui thi” voh kuch sochte hue “haa, muje ache se yaad hai ki jab mai vanha se gujra toh koi bhi zinda nahi tha, bahut si laashe vaha par thi, aur jab muje kuch naa mila toh mai vapas aane ke liye muda tha..aur uss waqt maine siddhi ko bhagte hue dekha”

Akshita “iska matlab samaj raha haina tu..??” voh sam ki aur dekhte hue kehti hai

Sam “haa aksh, voh portal Coronal City ko Mumbai se jodta hai”

Pathik “par yeh kese ho sakta hai..?? it’s impossible, kyunki siddhi ya humne kabhi time-travel nahi kiya, naa ese koi hadse hamare saath hue hai”

Sam “haa pathik tum log ne nahi kiya, lekin mai kahi baar Mumbai aa chukka hu, aur shayad uss raat bhi mere saath yahi hua tha”

Akshita “haa, infact sam ko yaha ke local transport bus ki ticket bhi mili thi, some like Dadar to Panvel” aur fir voh sam ki aur dekhte hue kehta hai “sam, mere khayal se inhe dinosaurs ke baare me bhi bata dena chahiye”

Siddhi thoda chillate hue kehti hai “dinosaurs..??”

Aksh “haa..dinosaurs”

Siddhi “yaani mai sahi tha..maine sach me dinosaurs ko dekha tha, lekin meri baat par kisine yakeen nahi kiya”

Akshita “sam, jese tum galti se kahi baar aagaye the, toh kya aisa possible nahi ho sakta ki dinosaurs bhi galti se apne waqt se hamare aur inke waqt me aa rahe hai”

Sam “bilkul ho sakta hai, aur shayad hamare Pruthvi ki yeh haalat dekhkar voh samaj nahi paate aur voh bekaabu ho jaate hai”

Siddhi asamaj bhav se darte hue puchti hai “iska kya matlab ho sakta hai”

Sam “mai nahi janta” voh rukte hue bolta hai “filhaal toh sabse bada sawal yah hai ki iski shuruwat kaha se hui, aur yeh waqt ke saath aisa kyu ho raha hai..??”

Sab log chup chap baithe the, sam ne ek aisa sawaal kiya tha jiska jawab kisi ke bhi pass nahi tha, Siddhi “kya aapko lagta hai ki hum kabhi zorians se zinda bach paayenge”

Sam “vese toh yeh ladayi hamari thi, kyunki zorians ka humla humare waqt me hua tha, par ab lagta hai ki hume yeh zung saath milkar ladni hogi”

Siddhi “aap log toh future se aaye hai, agar aapko hi nahi pata ki yeh sab kyu aur kese ho raha hai toh” voh aage kuch nahi bol paati

Pathik “kaash ke aaj manthan zinda hota, sirf vahi ek tha jise inn sab chizo ke baare me knowledge tha, kaash ke voh zinda hota..toh aaj hume bahut madad mil jaati”

Manthan ka naam sunte hu aarav ka gussa satve asmaan par pahuch jaata hai, voh gusse me chillate hue kehta hai “voh ek kaatil ke alawa aur kuch nahi hai, agar voh zinda bhi hota toh mai khud use apne haatho se maar deta”

Sam ajeeb sa chehra banate hue kehta hai “mai kuch samja nahi”

Aarav vese hi gusse me kehta hai “he bloody killed my sister”

Pathik “aarav, yeh sach nahi hai..tu bhi jaanta hai ki Manthan Pari se bahut hi jyada pyaar karta tha..apni jaan se bhi jyada, voh Pari ko kabhi nahi maar sakta, voh sirf ek hadsa tha aur kuch nahi”

Lekin aarav kuch nahi sunta aur vanha se chala jaata hai, iske baad Pathik aur siddhi ke kehne par Sam aur Akshita unn dono ko saari baate bata dete hai ki kese Zorians ne unn par hamla kiya aur kese voh dono yanha par aa pahuche

To be continued….

 

[zopion]

Update : 1 (Beginning of the End)​

“WAQT”…yeh ek aisa shabd hai jisse hum sabhi ki zindagiya aapas me judi hui hai, aur iss waqt ke kayi saare naam hai...jaise ki waqt, time, samay adi-adi, lekin kya hum time ko aajtak kabhi samaj paaye hai..?? mere khayal se toh hum waqt ke baare me bas itna hi jante hai jitna hamari kalayi me rahi ghadi..ya fir deewar par lagi hui ghadi me dikhta hai

Par kya sach me waqt ka matlab sirf ek ghadi hota hai..?? shayad haa, aajkal hum ghadi ke suiyo par hi toh chalte hai..yaa yu kahu ke ghadi ki sui ke hisab se hum daudte hai

Lekin shayad daudna hi sabkuch nahi hota..isiliye yahi shabd hamari zindagi ka ek jaruri aur mahatvapurn hissa bana hua hai, aur hamari jindagi me jitna jaruri yeh samay hai..usse kayu gunah jyada hamare ek bada sawaal bhi hai…aakhir me WAQT inta jyada important kyu hai..??

Waqt ya Time..yeh aise shabd hai jo hum din me anginat baar sunte hai, lekin waqt ka sahi matlab aajtak koi bhi nahi samaj paaya..lekin yeh sab jante hai ki hamari duniya issi waqt par tiki hui hai, agar yeh waqt naa hota toh..shayad aaj hum bhi naa hote, kyunki hum insaan yaa fir yeh kahu ki iss pure brahmand me jitni bhi cheeze hai voh sab kahi na kahi isi waqt se judi hui hai

Waqt aisi chiz hai jise hum dekh nahi sakte, na toh hum use chu sakte aur naa hi use paa sakte hai..lekin fir bhi waqt hamari life me itna jyada important kyu hai..?? kya kabhi yeh socha hai ki agar yeh waqt hamari muthi me aajaye toh hum kya kuch nahi kar sakte..??

Yeh sach hai ki waqt se jyada taqatwar shayad hi koi aur chiz ho..par fir bhi hum jese mamuli se insaan bramhand ki sabse taqatwar aur ekloti chiz..yaani waqt ke saath ched-chad karna chahte hai, hum chahte hai ki kudrat ki voh Shakti hamare vash me aajaaye jispar yeh pura universe tika hua hai

lekin yeh kehna galat nahi hoga ki waqt par kaabu paana toh bahut hi badi baat ho gayi, kyunki hum waqt ko mehsus tak nahi kar sakte..bas yeh ehsas jarur rehta hai ki har pal waqt badhte hi jaata hai..aur waqt ko rokna hamare bas ke baahar hai, waqt naa toh rukna janta hai..aur naa hi mudna janta hai, voh toh bas aage badhna janta hai..aur waqt ko rokne ke liye mai yaa aap kuch nahi kar sakte

Jab bhi hamare kaano me waqt ya time shabd sunayi deta hai toh sabse pehle hamari najar sidhe ghadi(watch) par jaati hai, sadiya beet chuki hai..lekin hum naa toh waqt ko kabhi jaan paaye the aur shayad hi hum kabhi waqt ko jaan paayenge

Agar hum ghadi ki aur dekhe toh yeh ehsas hota hai ki waqt aage badh raha hai, jese ki seconds, minutes, hours..aur 24 hour yaani 1 din..1 hafta, 1 mahina, 1 saal aur aage badhte hi rehta hai..laakho crore saal beet chuke hai..lekin aaj bhi waqt shabd sunkar hamare jehen sirf ghadi ki parchayi samne aati hai

hum yeh jaante hue bhi anjaan ban rahe hai ki waqt me ek esi taqat hai jo dikhayi toh nahi deti..lekin hamesa apna rang dikhati hai, ek waqt hi hai jo hamare jakhmo ko bharta hai..ek waqt hi hai jo hamari kadvi yaado ko bhulakar achchi aur meethi yaade banata hai..aur sirf itna hi nahi..badhte waqt ke saath hum bahut kuch sikhte bhi hai, par ek yeh baat bhi sach hai ki kahi baar waqt hume ese jakham de jaata hai jo hum zindagi bhar nahi bhul paate

Iss pure brahmand me humari ek choti si duniya hai, aur isi duniya ka ek behad hi chota sa shabd hai “WAQT”, par yeh shabd jitna chota hai, uske piche ka raaz utna hi jyada gehra hai

waqt ke gujarne par kahi nayi chize aati hai, kahi chize piche chut jaati hai, aur kaafi kuch badal bhi jaata hai..par ek chiz hai jo kabhi nahi badalti..haa sahi samje..chahe kuch bhi ho jaaye waqt kisi ke liye nahi rukta..aur naahi kabhi piche mudkar dekhta hai..Shayad isiliye kaha jaata hai ki ek baar jo beet gaya voh beet gaya, kyunki waqt dubara mudkar kabhi vaapas nahi aata

itna sab jaante hue bhi hamare dimag me kuch sawal akshar ghumte rehte hai..jaise ki agar kisine waqt ke saath chechad ki toh uska anjaam kya hoga..?? Kabhi socha hai ki waqt hamesa aage hi kyu badhta hai..?? kyu hum apni yaadon ko waqt ke saath bhul jaate hai, kyu waqt ko hum kabhi samaj hi nahi paate..?? aakhir esi toh kya chiz hai jo waqt ko itna taqatwar banati hai..??

Waqt ek aisa paid hai jo sirf badhna janta hai..voh ek esi nadi hai jo hamesa aage ki taraf bahti rehti hai, par sach toh yeh hai ki aaj tak insaan waqt ko nahi pechaan paaya..waqt ki asli tasweer kya hai voh soch bhi naa saka, ek baat yeh bhi jante hai ki agar kabhi waqt ruk gaya toh uske saath hamara astitva bhi khatam ho jayega

Chahe kitni hi saal kyu naa beet jaaye, par ek chiz hai jo kabhi nahi badalti..aakhir me yeh WAQT hai kya..?? Yug badal jaate hai..par waqt apni taqaat hamesa dikhata hai..hamesa apne itihaas ko dohra kar yeh dikhata hai ki hum waqt ki taqat ke aage laachar aur bebaas hai


Location : MediTown
Time : year 3146, Third Blitz Period

uss hadse ko bitte hue aaj karib 1100 saal ho chuke hai, uss hadse ne hum sab ki zindagiyo ko badal kar rakh diya tha..ek aisa waqt aaya tha jab hamari yeh pruthvi maut ke kagar par khadi thi, yaa yu kahu ki hamari pruthvi tabah ho chuki thi aur aaj fir ek baar vohi waqt wapas laut kar aaya hai, vohi barbadi hamare ghar par mandla rahi hai jo 1100 saal pehle hui thi..par sabse bada sawal toh yeh hai ki kya iss baar vakahi me yeh hamara ANT hai..?? kya hum iss ladayi ko kabhi jeet payenge..??

aaj bhi muje unn dardnak cheekho ki awaaz mere kaano me sunayi deti hai, voh bhayank raat muje aaj bhi apni aankho ke samne dikhayi deti hai, aur uss tabahi ko dekhte hi mere mann me bas ek hi baat aati hai, KYA YEH HAMARA ANT HAI..!!!

Ek 25 saal ka ladka apne bed par laite hue soch raha tha..aur jo tasweere uske dimag me ghum rahi thi voh sidhe room ki chhat par project ho rahi thi..voh tasweere thi unn hadso ki jo 1100 saal pehle ghati thi..har tasweer pruthvi ki barbadi ko darsha rahi thi, jaha najar dale vaha sirf rakh aur malba pada hua tha..najara dekh kar saaf lag raha tha ki kuch bahut hi bura hua hai..logo ke marne aur karhane ki cheekhe charo aur se gunj rahi thi..vahi agar asmaan me najar dale toh vaha bhi fighter planes ki awaaz aur unke bich me ho rahe jung ka shor gunj raha tha

Sirf asmaan hi nahi..niche zameen par kuch log haath me laser gun liye behrahmi se maasum logo ko maar rahe the, aaspass ki buildings ko grenades se uda rahe the..toh kahi par pehle se hi tabah ho chuki buildings ka tuta aur jala hua malba pada tha, dekhte hi dekhte sab kuch jalkar rakh ho chuka tha..jaanha najar pahuche vaha sirf khoon aur laashe dikhayi de rahi thi

Yeh hadsa jo unn tasweer me dikh raha hai voh sirf ek soch nahi hai..balki voh ek sachayi thi, ek esi sachayi jisne iss puri duniya ko hila kar rakh diya tha..lekin iss sachayi se uska dhyaan baar-baar uss hadse par jaa raha tha jo uske saath ghata tha..reh-rehkar voh hi tasweer uske aankho ke samne aa jati thi

Voh ladka apni hi soch me ghum tha ki tabhi uske kaano me ek jaani pehchani awaaz sunayi di, awaaz sunte hi usne gehri saans lete hue apni palko ko ek baar japkaya, aur uthkar apne bed par baith gaya

Apni najar ko room ke darwaja ki tarah karte hue apni ek ungli se ishara kiya toh uske room ka darwaza achanak se gayab ho gaya

Darwaje ke thik uss par ek aurat khadi thi..jiski umar karib 50 saal ke aaspass hogi, voh kehti hai "son..kitne din beta, ab toh bahar aaja, tuje vapas aaye hue aaj ek hafta beet chuka hai"

Voh ladka "mom, aap please muje akela chod dijiye, muje abhi kisi se nahi milna" aur usne bina kuch sune firse ungle se ishara kiya aur voh darwaja automatically vaha par aagaya aur bahar khadi aurat vahi ke vahi khadi rahi

Voh aurat gehri saans lete hue apne man-me kehti hai “pata nahi aisa toh kya hua tha, jabse aaya hai voh bas ese hi hai”

Voh ladka firse apne bed pr lait gaya aur apni aankhe band kar li, tabhi use mehsus hua ki voh uss kamre me akela nahi hai, voh vese hi bed par lete hue bola "please akshita, leave me alone"

Akshita "tu abhi tak uss baat ko lekar baitha hai..??"

Voh ladka apni aankhe kholte hue khada hua, aur uss ladki ke hologram ki aur dekhne laga jo uske bed se kuch hi duri par tha "kese bhul jau..?? Uss ladki ko mai bacha sakta tha, voh meri aankho ke samne mari thi aksh, mai itna khud garz kese ho sakta hu..usko bacha ne ke liye mai kuch naa kar paaya..yanha tak maine koshish tak naa ki"

Akshita "listen sam..jo hua use bhul jaa..kyunki uss hadse me tere koi galti nahi thi...we will talk about this later..but right now they need us and we need to help them"

Sam chalte hue uss ladki ke hologram ke pass aaya, aur uss ladki ki aankho me dekhne laga, "I can’t..mai vaha vapis nahi jaana chahta..please aksh" aur usne apna chehra juka diya

Akshita ne apne haath ko sam ke chehre par rakha, aur sam ka face apni aur kiya "sam, jo hua usme teri koi galti nahi thi..aur tuje khud ko hurt karne ka koi haq nahi banta, mai janti hu tuje iss waqt kesa mehsus ho raha hai, par yaad rakh hum jiss daur se gujar rahe hai, use hum khatam kar sakte hai..saath milkar hum apni earth ko bacha sakte hai"

Sam "nahi aksh, mai kuch nahi kar sakta..tu jaanti hai ki mai vaha vapas kyu nahi jaana chahta"

Akshita iske aage kuch nahi boli, usne sam ko apne seene se laga diya "thik hai sam, as u wish..but please let me help you, mai tuje iss tarah nahi dekh sakti, i want to meet you"

Sam kuch der ese hi raha "okay, come to my place"

Aur fir akshita ka hologram band ho gaya, hamare time me mobile phone se long distance se baat hoti thi, par future me mobile phone ki jagah ek choti si device ne le li thi, uss device ki vajah se insaan khud ki ek solid image ko transfer karke face to face baat kar sakta tha


To be continued….

superb & interesting start bhai
dekhte hain kahani aage kya kya rang dikhati hai

 

[Kirti.s]

Very nice update
Kafi kuch yha uljha hua tha jo dheere dheere clear hoti ja rhi hai sam ne jo andaza lagaya hai woh sahi lga rha hai.lekin abhi abhi suspense bna hua hai ki manthan2 ki maut kaise hui or dusri baat akhir aarav,pathik or siddhi sath mein kaise hai ku ki aarav toh dusre universe se belong krta hai.teesri baat manthan1 or paridihi kaha hai.ab dekhna ye hai kis tarah se inki entry hoti hai story mein