• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Thriller Sting of the Scorpion (Sequel to Dark Seduction) - Completed

Submissive lover

New Member
81
159
33
Final Update


Armaan ne poore ek mahine tak Anvit par nazar rakhi. Woh dekhna chahta tha ki Anvit ke haath lagi is daulat aur takat ko woh kaise handle kar raha hai. Ek mahine baad bhi Anvit ki koi bhi activity sandehjanak nahi lag rahi thi. Armaan ko abhi bhi Anvit par poora bharosa nahi tha, lekin itna to tay tha ki Anvit Nishant ki tarah jaanwar nahi tha. Shayad isiliye jyada shaq ho raha tha Armaan ko uspar. Woh jaanta tha jo log seedhe, meethe aur aadarshwadi bante hai, aksar wahi sabse kharatnak nikalte hai.


Phir Armaan ne Pankhudi ke baare mein socha. Aakhir kab tak woh use use ghar mein band rakhta? 2 mahino so woh bechari wahan us ghar mein akeli reh rahi thi, daal chawal aur aalu khake guzara kar rahi thi. Armaan ne faisla kar liya ki ab woh Pankhudi ko chupakar nahi rakhega.


**********


Pankhudi apne bistar par lete ek kitaab padh rahi thi. Shaam ka waqt tha, jaldi hi andhera hone wala tha.


Darwaza khulne ki awaz aayi aur Armaan andar aaya. Use dekh kar Pankhudi ke chehre par ke muskaan khil uthi. Woh uthi aur daud kar Armaan ko gale lagaya.


“I missed you so much,” Pankhudi ne kaha, “Aaye ho to aaj raat rukoge na?”


“Nahi Pankhudi,” Armaan ne muskurate hue kaha, “Aaj mein tumhe yahan se le jaane ke liye aaya hun.”


“Sach?” Pankhudi ne poocha.


“Haan sweetheart,” Armaan ne kaha, “You are safe now.”


“Aur Nishant?” Pankhudi ne poocha.


“Woh tumhe ab kabhi pareshan nahi kar payega,” Armaan ne kaha.


“I am so happy, finally mein apne flat mein jaa paungi,” Pankhudi ne Armaan ko gale lagate hue kaha.


“Us se pehle kahin aur chalenge, Pankhudi,” Armaan ne kaha, “Bade dino se mera mann tha ki tumhe kisi acchi jagah dinner karau.”


Pankhudi muskurai. Armaan ne use ek box diya. Pankhudi ne dekha ki us box ke andar uski sabse favorite dress the jo Armaan use ghar se utha laaya tha, uski makeup kit aur uski favorite lipstick bhi. Apni cheezon ko pakar Pankhudi bahot khush hui.


“Taiyyar ho jao Pankhudi,” Armaan ne kaha.


Pankhudi bahot khush thi. Ab woh azad hone waali thi. Aur Armaan ke saath kuch waqt bhi bitane milne wala tha use. Usne kapde badal liye aur light sa makeup karne lagi.


Armaan bistar par baithkar use dekh raha tha.


“Ghar to bahot sundar bana diya hai tumne, Pankh,” apne chaaron taraf nazar ghumar Armaan ne kaha, “Chamchama raha hai sheesh mehel ki tarah.”


Pankhudi muskurayi.


Phir Armaan ne bistar par pade Priya ke teddy bear ki taraf dekha aur use uthakar apni goad mein rakha.


“Jaanti ho, iska naam Winne hai,” Armaan ne muskurate hue kaha, “Priya ne diya tha us yeh naam. Bahot pyaar karti thi woh apne Winnie se.”


Teddy bear aur Priya ka jikr hote hi Pankhudi ko woh dardnaak video yaad aaya jo use teddy bear ke andar chupe memory card mein qaid hai. Uske aankhon se aansu nikal gaye. Aansuon se uska poora makeup kharab ho gaya.


Armaan ne Pankhudi ko rote hue dekha aur chintit ho gaya.


“Pankh, are you OK?” Armaan ne poocha.


Pankhudi dressing table se uthkar roti hui Armaan ke paas aayi. Use gale lagakar phoot phoot kar rone lagi.


“Priya ko kya hua tha?” Pankhudi ne rote hue poocha.


“Cancer tha use,” Armaan ne kaha, “Humne treatment bhi karwaya, lekin nahi bach payi Priya.”


“Hospital mein admit thi woh last stage mein?” Pankhudi ne poocha.


“Nahi,” Armaan muskuraya, “She hated hospitals. Use yeh ghar bahot pyara lagta tha. Woh isi ghar mein mari thi, apne kamre mein, apne isi teddy bear ko gale lagaye hue. 25th October 2012, woh din bada manhoos tha. Mera Shalini se jhagda hua tha aur main gusse mein ghar se nikal gaya tha. Thodi der mein Shalini ka call aane laga. Main gusse mein tha maine phone nahi uthaya uska, woh baar baar call karti rahi. Darasal Priya ki tabiyat achanak kharab ho gayi thi isiliye Shalini call kar rahi thi. Main agar phone utha leta to shayad main Priya ke aakri waqt mein uske saath reh pata. Lekin mere sar par to gussa sawar tha. Phir jab mein shaam ko ghar lauta tab tak Priya jaa chuki thi. Humare family doctor bhi wahin the, Shalini ne bulaya tha unhe. Doctor ne kaha ki Priya ki saansein achanak ruk gayi. Unka kehna tha ki terminally ill patients mein aisa aksar hota hai. Apne isi teddy bear ko gale lagakar leti hui thi meri phool si bacchi. Itni pyari lag rahi thi, maano gehri neend so gayi ho. Shayad Bhagwaan ki yahi iccha thi. Jab tak woh zinda thi, maine bahot pyaar kiya tha use. Afsos bas isi baat ka hai ki uske aakhri waqt mein main uske saath nahi tha. Yun achanak chhod ke chali gayi meri Priya mujhe.”


25th October 2012 wahi date thi jis din ka woh video tha. Us din Priya ke saath kya hua hoga yeh sochkar Pankhudi kaanpne lagi. Woh samajh nahi paa rahi thi ki woh Armaan ko yeh raaz bataye ya na bataye ki uski beti ki saanein achanak ruki nahi shayad roki gayi thi.


Armaan dekh raha tha ki Pankhudi bahot jyada disturbed hai.


“Pankhudi,” Armaan ne uski aankhon mein dekhte hue kaha, “Kya kuch kehna chahti ho?”


Pankhudi ne na mein sar hilaya aur Armaan ke kandhe par sar rakh ke roti rahi. Woh samajh gayi ki Armaan Priya ki death ko ek natural death samajh raha hai.


Pankhudi ke mann mein toofan tha. Ek taraf Priya ke woh aansu yaad aa rahe the, uski woh bebas aankhein, jab woh keh rahi thi Winnie se ki papa ko sach bata dena. Aur ek taraf use Armaan ka khayal aaya. Priya ka sach use pata chalega ko use kitni takleef hogi iska Pankhudi andaza bhi nahi laga sakti thi. Aur sach jaankar Priya wapas bhi to nahi aayegi. Kuch nahi badlega sach batane se, bas dard hoga, Armaan ko aur uske baad woh jo Shalini ke saath karega uske baare mein soch kar hi Pankhudi kaanp uthi. Shalini ke saath Armaan pehle hi bahot bura kar chuka tha. Shalini ke baare mein Pankhudi ke maan mein kayi sawal the. Woh jaan na chahti thi ki Armaan ne Shalini saath jo kiya woh kyu kiya, aur ab woh kahan hai, kis haal mein hai. Lekin Armaan se kuch bhi poochne ki himmat nahi ho rahi thi. Armaan ne pehle ki chetawni di thi ki Shalini ke baare kisi bhi sawal ke jawab Pankhudi ko ‘acche nahi lagenge’.


Pankhudi kisi ke bhi dard ka kaaran nahi ban na chahti thi, khaas kar Armaan ke. Jis aadmi ne use surakshit rakhne ke liye apna sab kuch daanv par laga diya, use woh aur dard nahi dena chahti thi. Usne faisla kar liya ki Armaan ko us memory card ke baare mein woh kabhi nahi batayegi, woh is raaz ka bojh marte dum tak apne dil mein hi rakhegi.


“Kya hua Pankhudi?” Armaan ne uski peeth sehlate hue pyaar se kaha, “Kyu ro rahi thi itna?”


Pankhudi ne apne aansu pooche aur apne chehre par muskaan laane ki koshish kari.


“Priya ko to maine kho diya Pankhudi,” Armaan ne Pankhudi ke aanu pochte hue kaha, “Lekin tumhe nahi khona chahta. Tum bahot special ho mere liye. Itni pyari, itni masoom, jab tum meri baahon mein hoti ho to mere mann ko ek sukoon milta hai, aisa lagta hai ki sab kuch theek ho jayega.”


Pankhudi nam aankhon se muskurayi aur Armaan ko gale laga liya.


“Chalo ab muh dhoke aao,” Armaan ne muskurate hue kaha, “Paagal ladki! Ro roke saara makeup barbaad kar diya tumne. Bhootni lag rahi ho.”


Pankhudi muskurayi aur sheeshe mein dekha. Uske aansuon mein ghulkar uske saste eyeliner ki lakeerein ban gayi thi uske chehre par. Woh bathroom mein jaakar muh dhoke aayi aur dobara makeup karne lagi.


Armaan ne ek nazar Priya ke teddy bear ko dekha aur soch mein pad gaya ki usne aisa kya keh diya ki Pankhudi yun phoot phoot kar rone lagi. Kis baat se woh itna dari hui thi ki uski baahon mein kaanp rahi thi? Use shaq hone laga tha ki Pankhudi us se kuch chupa rahi hai.


**********


“Aur batao bhai Sumit,” Anvit ne apne informer se kaha, “Kya khabar hai mere pyare bhai ki?”


“Unki halat bigadti jaa rahi hai,” Sumit ne kaha, “Unko abhi bhi woh awaz sunai deti hai. Unhone apni jaan lene ke koshish kari apne kalai ko apne daanton se kaatkar. Unhe bacha liya gaya hai aur ek straight jacket mein daal diya gaya hai.”


Anvit muskuraya. “Tab to ek baar milna banta hai bade bhaiyya se,” Anvit ne kaha.


Anvit us mental hospital pahuncha jahan Nishant admit tha. Use Nishant ke cell ka raasta dikhaya gaya. Nishant ek kone mein pada hua tha, straighjacket mein bandha hua. Use ek injection laga diya gaya tha jis se woh ekdum shaant ho gaya tha.


Anvit use dekh kar muskuraya aur uske paas baith gaya. Usne ek box khola jisme kheer thi. Woh chammach se dheere dheere Nishant ko khilane laga.


Nishant ki aankhon mein uski haar saaf dikhai de rahi thi.


“Yeh main kya sun raha hun bhai? Aapne apni jaan lene ki koshish ki? Kyu takleef de rahe ho apne aap ki itni?” Anvit ne pyaar se kaha, “Use liye main hun na...aap kyu pareshan hote ho?”


“Mujhe yahan se bahar nikaal Anvit,” Nishant ne aansu bahate hue kaha, “Mujhse bardaasht nahi ho raha.”


“Dheere dheere iski bhi adat pad jayegi bhai,” Anvit ne muskurate hue kaha, “Main hun na, main kuch nahi hone dunga aapko. Roz bhagwaan se aapki lambi umar ki dua karta hun.”


“Nahi jeena mujhe Anvit,” Nishant ne kaha, “Please...”


“Shhh...” Anvit ne Nishant ko kheer khilate hue kaha, “Aisa marne ki baatein nahi kehte bhai. Jeena marna sab bhagwaan ke haath mein hota hai. Sab theek ho jayega, main hun na, main sab theek kar dunga.”


Nishant ne bas bebasi mein apni aankhein band kar di.


“Woh jo aapki mercedes hai na,” Anvit ne pyaar se kaha, “Kya makkhan hai gaadi. Highway pe chalao to ekdum udti hai.”


Nishant kheer ka chammach apne daanton mein peesha. Anvit muskuraya.


“Kheer itni acchi laga ki chammach bhi kha jaoge bhai?” Anvit ne kaha, “Soch raha hun uska color badal do, bright red kaisa rahega?”


Anvit jaanta tha ki Nishant ko laal rang ki gaadiyan nahi pasand. Aur Anvit to uski favorite car ka rang baladne ki baat kar raha tha.


Nishant bas aankhein moonde baitha raha. Anvit uske sar ko pyaar se sehlakar use kheer khilata raha. Anvit ne Nishant ko saari kheer khila di aur jaane ke liye utha.


Phir woh muskurakar Nishant ki taraf jhuka aur uske kaan mein kaha, “Thodi der mein tumhare pet mein bahot tez dard hoga. Raat bhar dard se tadapte rahoge. Woh kya hai na maine kheer mein thoda sa toilet cleaner mila diya tha, bas zara sa, maroge nahi, bas tadpoge raat bhar. The acid will burn your insides and cause tiny little blisters on your intestines, that’s going to be quite...uncomfortable.”


“You son of a bitch!” Nishant chillaya, “You think you’ll get away with this?”


“I will,” Anvit muskurate hue bola, “Tum kisi ko bataoge bhi to tumhara yaeeen kaun karega? You are a fucking violent paranoid schizophrenic anyway.”


Nishant chillana chah raha tha lekin use jo injections lage the uski wajah se woh bahot sedated tha. Jyada unchi awaz nahi nikal rahi thi uske gale se.


“I’m only getting started brother,” Anvit ne muskurate hue kaha, “I am going to fucking break you. Is kadar toduga tumhe ki tum apne aap ko bhi nahi pechaan paoge. Abhi main chalta hun. Good night, bhai. Jaldi hi milenge dobara.”


Nishant ko apne cell mein tadapta hua chhodkar Anvit muskrata hua Nishant ki gaadi chalata hua wapas ghar lauta.


**********

Pankhudi ne apna makeup poora kiya aur muskurati hui Armaan ke paas aayi. Woh bahot sundar lag rahi thi. Armaan ne use apni baahon mein liya aur uske hoton ko chum liya. Pankhudi sharmayi.


Armaan use ghar ke bahar le gaya. Kuch door hi uski car khadi thi. Wahi Jaguaar jisme usne Pankhudi ko uske birthday ke din ghumakar barf ka gola khilaya tha, wahi Jaguaar jisme Pankhudi to suicide karne se bachne ka baad bithkar Armaan uske flat tak le gaya tha, wahi car jisme Armaan ne pehli baar Pankhudi ko us contract ke baare mein bataya, wahi car jiska accident hone ki wajah se Armaan aur Pankhudi us jungle mein kho gaye the. Pankhudi us car to dekh kar bahot khush hui. Bahot pyari yaadein judi hui thi uski us car se, Armaan ke saath bitaye hue kuch khaas lamhe the us car mein.


Armaan Pankhudi ko ek rooftop restaurant mein dinner par le gaya. Khoobsoorat chamchamata hua Mumbai sheher dikh raha tha unke chaaron taraf. Pankhudi ko 5 star ka khana kuch khaas pasand to nahi aaya, uska maan na tha ki is se tasty khana to woh apne kitchen mein bana leti hai, lekin use Armaan ke saath kuch pal bitane mil rahe the, woh usi mein khush thi.


Dinner ke baad, Armaan use wapas uske flat mein le gaya. Pankhudi khushi se jaise chehek rahi thi. Woh Armaan ka haath pakadkar use bedroom tak le gayi. Armaan ne gaur kiya ki Pankhudi ne uski chadar par laga woh khoon ka daag abhi tak nahi dhoya tha. Armaan yeh sochkar bhavuk ho gaya ki Pankhudi kitna pyaar karti hai us se.


Pankhudi ne sharmte hue apne kapde utarna shuru kiya. Woh taras gayi thi Armaan ke touch ke liye. Apne poore kapde utarkar woh Armaan ke taraf badhi aur uske dono haath apne boobs par rakh diye. Armaan uske nipples ke saath khelne laga, Pankhudi karahne lagi. Armaan ne use bistar par letaya aur use pyar karne laga. Dono ek doosre ki baahon mein pighalne lage.


Sex ke baad Armaan ne Pankhudi ko apni baahon mein liya aur use chuumne laga.


“Aankhein band karo,” Armaan ne muskurate hue kaha, “Tumhare liye ek surprise hai.”


Pankhudi ne aankhein band kari aur surpise ke baare mein soch ke muskura rahi thi.


“Ab aankhein kholo,” Armaan ne kaha.


Pankhudi ne aankhein kholi to dekha Armaan ek jewllery box laaya tha. Usme ek sone ki chain aur uspar laga heere ka pendant tha. Heere ki chamak itni sundar thi ki Pankhudi ek pal ko dekhti reh gayi. Usne pyaar se us heere ho chhua.


“Bahot keemti hoga na yeh?” Pankhudi ne kaha.


“Tumne jyada nahi Pankhudi,” Armaan ne use gale lagate hue kaha.


Pankhudi ko andaza tha ki us pendant ki keemat laakhon mein hogi. Uski aankhon mein phir aansu aa gaye.


“Hey Pankhudi,” Armaan ne kaha, “Kya hua?”


“I am sorry,” Pankhudi ne kaha, “Main ise nahi le sakti...kitna mehenga hoga yeh...”


“To kya hua Pankhudi?” Armaan ne poocha, “Pyaar se laaya hun tumhare liye. Please mana mat karo...”


Pankhudi Armaan se lipatkar rone lagi. “Hum dono ke beech mein jo hai...it is so pure...please use aise hi rehne do. Itni mehenge gifts doge to...I’ll feel burdened...main kabhi tumhe itna mehenga tohfa nahi de paungi...”


“Tum mere liye kitni azeez ho jaanti ho?” Armaan ne uski peeth sehlate hue kaha, “Bas ek chota sa tohfa hai Pankh, koi ehsaan nahi jo tumhe chukana hoga.”


“Please...” Pankhudi ne kaha, “Main ise...mujhe samajh mein nahi aa raha maine kaise samjhau...main bas nahi chahti ki hum dono ke beech mein aisi koi bhi cheez ho to is khoobsoorat rishte par bojh bane...”


Pankhudi pagalon ki tarah ro rahi thi. Woh Armaan ko mana karke hurt nahi karna chahti hi, lekin uska zameer itna mehenga tohfa lene ki izajat nahi de raha tha. Armaan uski kashmakash samajh gaya tha. Woh jaanta the ki Pankhudi ek khuddar ladki hai aur usne apne liye Armaan se kabhi kuch nahi maanga tha. Armaan ne uske chehre ko apni hatheiyon mein thama aur uske hoton ko pyaar se chuma.


“Phir se ro ro ke bhootni ban gayi ho,” Armaan ne muskurate hue kaha.


Pankhudi ne apne aansu pooche, to uska makeup aur bhi fail gaya.


“Theek hai sweetheart,” Armaan ne kaha, “Is wapas le launga. Sambhal ke rakhunga tumhare liye. Kabhi pehen ne ka mann ko to keh dena mujhse.”


Pankhudi ne aansu pochkar haan mein sar hilaya.


“Aur aise pagalon ki tarah roya mat karo choti choti baat par,” Armaan ne muskurate hue kaha.


“I am sorry,” Pankhudi ne kaha, “Main muh dhoke aati hun.”


Pankhudi utne lagi to Armaan ne uska haath thaam liya.


“Rehne do,” Armaan ne muskurate hue kaha, “Aisi hi sundar lagi rahi ho, meri pagal Pankhudi.”


Pankhudi sharma kar Armaan ki baahon mein sama gayi.


“Agli baar na chowpatty chalenge,” Pankhudi ne ek masoom muskaan ke saath kaha, “Bhel puri khayenge. Aur bhutta bhi.”


Armaan muskuraya. “Zaroor,” usne kaha.


Dono ek doosre ki baahon mein so gaye.


**********


Kuch dino baad Anvit ka informer uske paas aaya aur usko ek envelope diya.


Anvit ne kholkar dekha to usme Armaan aur Pankhudi ke bahot saare photos the, secretly kheenche hue. Ek photo mein dono baraf ka gola kha rahe the, ek mein samundar kinare baithe sunset dekh rahe he, ek photo mein Armaan Pankhudi ko kisi roadside stall se jhumke dila raha tha, toh ek main Pankhudi Armaan ki baahein thame muskura rahi thi.


“To Pankhudi naam hai inka,” Anvit ne muskurate hue kaha, “Kitni pyari lag rahi hai muskurati hui. Kitni masoom aankhein hai. Koi hairani nahi ho rahi hai ki Armaan itna desperate tha inhe Nishant se bachane ke liye.”


“Gareeb ghar se hain yeh Sir,” Sumit ne kaha, “Baap nahi hai. Maa aur behen ki zimmedari akeli uthaye hue hain. Kaam se kaam rakhti hain, aur Armaan se pehle koi mard nahi tha inki life mein. Character bahot clean hai inka.”


“Tabhi to Armaan ka dil aa gaya inpar,” Anvit ne kaha.


“Mujhe ek baat samajh mein nahi aa rahi boss,” Sumit ne kaha, “Itna hi pyar tha to auction mein kyu utara inhe?”


“Pyar mohabbat ko duniya ke bade bade shayar bhi nahi samajh paye hai chhote, to hum kya samjhenge?” Anvit photos dekhte hue muskurakar bola.


“To ab karna kya hai boss?” Sumit ne poocha.


“Nazar rakho, aur kya,” Anvit ne kaha.


THE END
Nice
 

Submissive lover

New Member
81
159
33
Epilogue


Armaan apne office mein ek important conference mein baitha hua tha. Uske company ke alge project ka plan discuss ho raha tha.


Uske phone par ek text message aaya.


Pankhudi – Aaj special din hai. Jaante ho aaj kya hai? :loveeyed2:


Armaan woh text padhke muskuraya. Woh nahi jaanta tha ki aaj kya special hai. Usne reply kiya.


Armaan – Kya hai aaj Pankhudi?


Pankhudi – Tumhe sach mein yaad nahi? :(


Armaan – Sorry, I am bad at remembering dates. Aaj bata do, agli baar ke liye phone mein reminder laga dunga.


Pankhudi – Phone mein reminder *sigh* Theek ek saal pehle, aaj ke din hum pehli baar mile the. :love2:


Armaan muskurata hua soch mein pad gaya. Phir use yaad aaya ki ek saal pehle isi din woh Pankhudi se uske office ke lift me mila tha. Kitni darr gayi thi woh bechari uske chhune se. Aur aaj wh usi din ki yaad mein khush hai.


Armaan – Aaj ke din to tumne mujhe pehli baar dekha tha Pankhudi. Jaanti ho maine tumhe pehli baar kab dekha tha?


Pankhudi – Kab? Batao na!


Armaan – Milke bataunga. :wink: Shaam ko kahin bahar chalein? :rose:


Pankhudi – Aaj shaam ko tumhare liye kuch special banane ka mann hai dinner mein. Ghar aaoge?


Armaan – Of course sweetheart! I’ll be there, 9 pm. :pya:


Pankhudi – Fish banana chah rahi hun. 🐟 Tum vegetarian to nahi ho na?


Armaan – Vegetarian? *LOL* Aise aise jaanwar kha chuka hun jo tum soch bhi nahi sakti. Aur jyada bhookh lage to insaan bhi kha sakta hun :D


Pankh – Yikes! :yikes:


Armaan – Just kidding sweetheart. Fish is fine. :heart:



Pankhudi uska reply padhke khushi se ucchal padi. Usne jaldi se apni ghar ki safai ki aur bazaar chali gayi samaan laane.


Armaan ka uske baad meeting mein dhyaan hi nahi lag raha tha. Uska poora din shaam ke intezaar mein beeta.


Shaam ko jab woh Pankhudi ke ghar pahuncha, Pankhudi ne table itna sundar saza rakha tha, phoolon aur candles se. Bahot saara khana banaya tha usne, jisme uski favorite fish curry aur rice bhi shaamil the. Salads se leke dessert tak, saara khana saza rakha tha table par. Armaan apne saath ek mehengi red wine ki bottle laaya tha. Usne woh bottle kholi aur do glasses mein thodi si wine daali.


“Cheers!” Armaan ne kaha.


Pankhudi ne bhi sharmate hue “Cheers!” kaha aur ek ghoont liya.


“Tumne kapde kyun pehen rakhe hai Pankhudi?” Armaan ne muskurate hue poocha.


Pankhudi uska ishara samajh gayi aur shamate hue apne saare kapde utar diye aur Armaan ke taraf badhne lagi. Armaan ne uski kalai thaam ke use apni goad mein kheench liya. Armaan apne haath uske nange badan par pherta raha aur Pankhudi sharam ke maare pighalti rahi.


Dono ne red wine pi aur saath mein khana khane baithe. Pankhudi bina kapdon ke use khana paroste hue bahot sharma rahi thi. Uske gaalon par ek haseen lali aa gayi thi jis se uska roop khil utha tha.


“This is the most delicious fish curry I’ve ever tasted,” Armaan ne Pankhudi ke haathon ko chumte hue kaha, “Tumhare haathon mein jaadu hai.”


“Sach mein acchi hai ya bas yun hi keh rahe ho?” Pankhudi ne nervously poocha. Use woh cupcakes wala kissa yaad aa raha tha.


“Is baar sach mein bahot yummy bana hai khana,” Armaan ne muskurate hue kaha.


Pankhudi sharma gayi. “Thank you,” usne kaha.


“Thank YOU, Pankhudi,” Armaan ne use apni goad mein bithate hue kaha, “Mere liye itna sab kuch karne ke liye. I really appreciate this.”


Armaan mein Pankhudi ko apne haathon se khana khilaya. Khane ke baad dono bedroom mein chale gaye. Armaan ne apne kapde utare aur Pankhudi ko apni baahon mein le liye. Aaj uska kuch laga hi mood lag raha tha. Woh sex karne ke mood mein nahi tha, woh bas khel raha tha Pankhudi ke saath ek gudiya ki tarah, uske baalon mein se haath pher raha tha, use chum raha tha, uske gaalon ko sehlate hue uski aankhon mein pyaar se dekh raha tha.


“Tumne kab dekha tha mujhe pehli baar?” Pankhudi ne poocha.


Armaan muskuraya. Usne apne phone mein ek video chalaya. Pankhudi curiously woh video dekhne lagi. Woh Armaan ki car mein lage dashcam ki footage thi. Video mein Pankhudi dikh rahi thi apni scooty chalate hue. Ekdum se woh hadbadakar ek taraf mudi aur barricade se takrakar gir gayi aur Armaan ne ekdum se brake laga diya.


“Woh accident...” Pankhudi ne hairani se poocha, “Woh tum the?”


“Haan,” Armaan ne uski julfon se khelte hue kaha, “Aur phir maine tumhari zindagi mein keher barsaya...bahot bura hun na main...”


Pankhudi ne pyaar se Armaan ko gale lagaya. Armaan uske seene pe sar rakh kar let gaya. Pankhudi ki dhadkan sunai de rahi thi use.


“Jaanti ho tum mere liye itni special kyun ho Pankhudi?” Armaan ne kaha, “Because I trust you. You are such a pure soul...aur mujhe bharosa hai tumpar, ki tum mujhe hurt nahi karogi...mere khane mein kabhi zeher nahi milaogi...main jab tumhari baahon mein jo jaunga to neend mein mujhpar khanjar nahi chalaogi...”


Pankhudi Armaan ki behki behki baaton se hairaan ho gayi.


“Kitna sukoon milta hai tumhari baahon mein...jaanti ho...” Armaan ne bhari awaz mein kaha, “I feel safe...”


Pankhudi ne dekha ki Armaan ki aankhon se ek aansu gir pada.


“Humesha dhokha hi mila hai mujhe Pankhudi,” Armaan ne use apni baahon mein lete hue kaha, “Meri daulat meri sabse badi dushman hai. Meri sauteli maa...main unhe apne sagi maa mannta tha, main to jaanta bhi nahi tha ki main unka beta nahi hun, unhe hamesha pyaar kiya...aur jab papa videsh chale gaye, sab kuch badal gaya...usi aurat ne itne julm kiye mujhpar, mujhe zabardasti nashe ki lat lagwayi, mujhe jaan se maarne ki koshish kari sirf paison ke liye...”


Pankhudi Armaan se lipatkar uski kahani sun rahi thi. Pehli baar Armaan use apne baare mein kuch bata raha tha.


“Bachpan mein bachpan jaisa kuch raha hi nahi mere,” Armaan ne kaha, “Lekin jaise taise sambhala apne aap ko maine...zindagi ki ek nayi shuruvat karni chahi. Shalini mili, us se shaadi hui, Priya ka janam hua...kuch saalon tak sab kuch theek tha. Shayad meri zindagi ke sabse khusnaseeb pal the woh jo Priya ke saath beethe. Lekin Priya ke jaane ke baad mein bikharne laga tha. Shalini aur mere beech tanaav badhne laga tha. Aur ek din usne...”


Armaan bolte bolte ruk gaya. Uski aankhon se aansu behne lage the. Pankhudi ne uske aansu pooche aur use gale laga liya.


Ek dardnaak yaad Armaan ki aankhon ke saamne jaag uthi.


*******


“Khana pine bilkul hi chhod rakha hai tumne,” Shalini ne Armaan ke sar par haath pherte hue kaha, “Kamjor pad jaoge aise tum. Kab tak anti depressants ke sahare jioge?”


“Kuch accha nahi lagta Shalini,” Armaan ne kaha.


“Hey sweetheart,” Shalini ne use gale lagate hue kaha, “I know Priya tumhare liye sab kuch thi. Aur maine jo buri baatein kahin uske liye us din, uske liye mein bahot sharminda hun. Uske jaane ke baad ehsaas ho raha hai kitni galat thi main. Mujhe maaf kar paoge?”


Armaan use dekh kar halke se muskuraya. Shalini us se lipatkar rone lagi.


“Ab bas ek doosre ka sahara hai,” Shalini ne uske kandhe par rote hue kaha.


“I’ll try to be a good husband Shalini,” Armaan ne kaha, “Main poori koshish karunga tumhe woh saari khushiyan dene ki jo aaj tak nahi de paaya. Bas mera saath dena sweetheart...I know I haven’t been the best husband, but is waqt mujhe tumhari zaroorat hai...tumhare saath ki, tumhare pyaar ki...please mujhse choti choti baaton ke liye mat ladho...”


“I am always there for you darling,” Shalini ne apne aasnu pochte hue kaha, “I am sorry agar meri wajah se koi takleef hui tumhe to.”


Armaan ne Shalini ko gale lagaya.


“Let me make you something to eat,” Shalini ne Armaan ka maatha chumte hue kaha, “Subah se kuch nahi khaya hai tumne.”


Armaan halke se muskuraya aur Shalini kitchen mein chali gayi. Ek garam soup ka bowl lekar woh lauti. Usne pyar se woh soup Armaan ko khila diya.


Phir woh uthi aur muskurakar Armaan ka phone uthakar kamre se bahar jaane lagi.


“Shalini,” Armaan ne poocha, “Mera phone kahan le jaa rahi ho?”


“Ek call karni hai,” Shalini ne muskurakar jawab diya aur apne peeche darwaza band kar diya.


Thodi der mein Armaan ke gale mein kuch jalan si hone lagi. Phir use khasi aane lagi. Dekhte hi dekhte woh khasi itni tez ho gayi ki uske muh se khoon nikalne laga.


“Shalini!” Armaan ne awaz lagai.


Shalini ne koi jawab nahi diya. Armaan ne darwaza kholne ki koshish kari lekin Shalini ne bahar se band kar diya tha. Armaan pagalon ki tarah darwaza peetne laga. Armaan samajh gaya tha ki Shalini ne jaan boojh kar use kamre mein band karke uska phone le gayi taaki woh kisi ko madad ke liye na bula sake. Woh uska naam lekar pagalon ki tarah darwaza peet ta raha.


Zeher Armaan ke poore badan mein phailne laga aur woh dheere dheere kamjor hone laga aur zameen par gir pada. Uski nazar dhundhli pad gayi aur naak muh se khoon beh raha tha. Uske poore badan mein itna dard ho raha tha maanon haazaron bicchuon ne kaat liya ho. Use wahin marne ke liye chhodkar Shalini darwaza band karke kahin chali gayi thi.


Armaan ko zameen par pade dard mein tadapte hue kayi ghante beet gaye. Bahot dard ke bawajood uski saansein chal rahi thi.


Darwaza khula aur Shalini ke saath ek aadmi andar aaya. Woh uska boyfriend Rakshit tha. Woh Armaan ko dekh kar muskuraya.


“Badi karari jaan hai iski,” Rakshit ne kaha, “Saala abhi tak zinda hai.”


“Jitna dose tumne bataya tha, utna to diya tha maine,” Shalini ne kaha.


“To kya aise aadha maarogi kya use?” Rakshit ne kaha, “Jao jaake zeher ke sheeshi le aao.”


Armaan samajh gaya tha ki Shalini use jaan se maarna chahti thi. Uske badan mein jitna dard ho raha tha us se jyada uske dil mein ho raha tha, Shalini ke is dhokhe se.


Shalini zeher ki sheeshi le aayi aur Rakhsit ne Armaan ka muh pakadkar woh zeher use zabardasti pilaya. Armaan ne ladhne ki koshish ki lekin woh pehle hi bahot kamjor ho chuka tha. Rakshit ne Armaan ki naak dabakar use muh kholne par majboor kiya.


“Shhh easy easy,” Rakhsit ne kaha, “Bas thodi der aur, phir yeh dard hamesha ke liye khatam ho jayega.”


Armaan ki aankhon se bebasi ke aansu nikal gaye.


“I know I look like a monster to you,” Rakshit ne Armaan ki taraf dekhte hue muskurate hue kaha, “Lekin yeh poora plan tumhari brilliant wife ka tha. Tumhari will mein tumne likhwaya hai ki agar tumhari akal mrityu accident ya murder se hoti hai to tumhari saari daulat kisi NGO ko milegi. Lekin usme suicide ka koi zikr nahi hai.”


Armaan dard se tadapte hue uske khilaaf ki gayi ki ghinauni saazish ki details sun raha tha.


“Yeh tumhare hi signature hai na?” Rakshit ne Armaan ko ek suicide note par kiye gaye uske signature dikhaye, “Tumhe pata bhi nahi chala kab tumhari biwi ne is par dhokhe se tumhare sign karwaye.”


Armaan ne Shalini ko gusse bhari nazar se ghoora.


“Chalo ab note bhi padhke batata hun,” Rakshit ne kaha, “Warna tumhari aatma bhatkegi.”


Rakshit suidice note padhne laga.


“Meri pyari Shalini,


Mujhe maaf kar dena maine tumhe is duniya mein akela chhod jaa raha hun. Priya mere liye sab kuch thi. Uske jaane ka baad mera kisi cheez mein mann nahi lag raha. Aisa lagta hai uske bina mere jeevan mein kuch nahi bacha. Tumne mujhe bahot pyaar diya, lekin tumhara pyaar bhi bacche ko khone ka dukh nahi mita paaya. Aakhir kyu Bhagwaan ne cheen liya meri phool ki bacchi ko mujhse? Mere jeene ki iccha khatam ho chuki hai. Meri maut ke liye koi zimmedar nahi hai...


Mujhe maaf kar dena Shalini.


Tumhara

Armaan”


Armaan cheekhna chata tha lekin woh zameen par pada apni aakhri saansein gin raha tha. Woh andar hi andar toot chuka tha yeh jaankar ki Shalini ne uske saath itna bura kiya bas uski daulat paane ke liye.


“Ab mar bhi jao sweetheart,” Shalini ne muskurate hue kaha, “Tumhara dard dekha nahi jaa raha mujhse.”


Rakshit ne Shalini ke haath pakadke use apne paas kheench liya.


“Dayan kahin ki,” Rakhshit ne use muskurate hue chidhaya, “Pati ko kha gayi apne.”


“Aur tumhe isi dayan se ishq hai,” Shalini ne muskurate hue jawab diya.


Rakshit ne use bistar par letakar aur uske kapde utare.


“Mauka to do janeman,” Rakshit ne apne pant ki zip kholte hue kaha, “Dikhata hun kitna ishq hai.”


Armaan ko haara hua zameen par tadapta hua dekha kar muskuraya aur Shalini ke saath sex karta raha. Shalini bhi khoob maze le rahi thi.


Armaan haar maan ne waalon me se nahi tha. Usne dekha ki Shalini ne apna phone ek table par chhoda tha. Woh dheere dheere sarakakr us phone tak pahuncha. Rakshit aur Shalini sex ke nashe mein doobe hue the. Armaan ne Shalini ke hi phone se police ko phone kiya.


“Mere patni ne mujhe zehar dekar maarne ki koshish kari hai, woh abhi yahin hai ghar par. Address wahi hai jispar yeh phone registered hai,” Armaan ne kaha, “Mere paas jyada waqt nahi hai. Woh kisi bhi waqt meri jaan le sakti hai. Please police aur ambulance bhejiye mere ghar par.”


Armaan ki awaz sunkar Rakshit aur Shalini ekdum se chaunk gaye.


“Bewakoof aurat!” Rakshit chillaya, “Phone itne paas kyu rakh di uske?”


Shalini gusse mein Armaan ki taraf badhi aur dono haathon se uska gala dabane lagi. “Just fucking die already!” woh gusse mein chillai. Armaan itna kamjor pad chuka tha ki usme ladhne ki takat nahi thi.


“Kya kar rahi ho chhodo use!” Rakshit ne Shalini ka haath kheenchte hue kaha.


“Zinda mat chhodna ise Rakshit!” Shalini ghabrakar chillai, “Maar daalega yeh hum dono ko!”


“Police kisi bhi waqt yahan pahunchti hogi,” Rakshit ne kaha, “Police ke haath lage to saari zindagi jail mein sadenge. Abhi yahan se bhagna jyada zaroori hai, is se baad mein niptenge.”


Rakshit Shalini ka haath pakadkar darwaze se bahar bhaagne laga. Shalini ne mudkar Armaan ki taraf dekha. Armaan zameen par pada tha, maut ki kagar par, lekin woh Shalini ko is kadar ghoor raha tha, ki woh kaanp uthi. Armaan ki aankhon mein badle ki aag thi. Shalini ke chehre par darr saaf dikhai de raha tha. Armaan ki nazar zeher ke asar se tezi se dhundhli pad gayi aur uski aankhon ke saamne andhera chha gaya.


************


Pankhudi ki baahon mein Armaan kaanp raha tha is dadnaak yaad ko yaad karke. Usne Pankhudi ko gale lagaya aur apni aankhon se aansuon ko behne diya.


“I loved her, Pankhudi,” Armaan ne rote hue kaha, “I trusted her...and she poisoned me...”


Armaan ki kahani sunkar Pankhudi ki aankhon mein bhi aansu aa gaye. Ab Pankhudi ko yakeen ho gaya ki Priya ki jaan bhi Shalini ne hi li thi. Lekin Armsan us pal itni tooti hui halat mein tha ki is waqt us se Priya ki maut ki baat karna Pankhudi ko theek nahi laga.


“I have a strange resistance to poisons,” Armaan ne apne aap ko sambhalte hue kaha, “Pata nahi kyu lekin mere shareer par zeher ka asar kam hota hai. Lekin Shalini ke dhokhe ne mujhe is kadar tod diya ki dobara kisi par bharosa nahi kar paaya.”


Armaan ne Pankhudi ka chehra apni hatheliyon mein thama aur pyaar se uski aankhon mein dekh.


“Phir tum aayi meri zindagi mein,” Armaan ne muskurate hue kaha, “Aaj ka din sach mein khaas hai. Itni pyari Pari aayi meri zindagi mein. Priya ke baad sirf ek tum ho jiski aankhon mein mujhe apne liye pyaar nazar aata hai. Itne julm kiya maine tumpar phir bhi nafrat nahi karti tum mujhse. You are such a beautiful soul Pankhudi.”


Pankhudi ne muskurakar kaha, “You have always been a mystery to me. Aaj tumhe jaana hai. Lekin jabse maine tumhe pehli baar dekha, tab se dekh rahi hun yeh dard aur tadap tumhari aankhon mein. I don’t know why, I feel drawn towards you. Meri duniya bahot choti si hai, Armaan, lekin mere paas mere sapne hai, umangein hai, chhoti chhoti khushiyan hai, jo main tumhare saath baantna chahti hun.”


“Gunehgaar hun main tumhara, Pankhudi,” Armaan ne kaha, “Tumhare inhi sapnon aur khushiyon ko lootne ki koshish ki thi maine. Ab ehsaas ho raha hai kitna galat tha main. Meri gunahon ki zo saza dena chaho mujhe de sakti ho. You could punish me as you wish...”


Pankhudi ne Armaan ke hoothon par ungli rakh ke use chup karaya.


“I don’t believe in hurting,” Pankhudi ne kaha, “Pehle hi itna kuch seh chuke ho. I just want to...heal you...”


Armaan ne use paas kheench liya aur apne seene se laga liya. “Kuch nahi hone dunga main tumne,” Armaan ne kaha, “Meri sweet Pankhudi, tumhe duniya ki saari khushiyan dene ki koshish karunga.”


********************

Nishant kayi mahino se pagal khane mein qaid tha. Ilaj ke naam par uspar lagatar zulm kiya jaa rahe the. Anvit ka complete control tha uspar. Uske order ke bina khana bhi nahi diya jaata tha Nishant ko.


2 dino tak use bhookha rakhne ke baad ek nurse khana lekar aayi Nishant ke paas. Lekin Nishant bas chup chaap kamre ke ek kone mein baitha raha.


Nurse ne woh plate uske paas rakhi aur chali gayi. Kayi ghanton baad woh lauti lekin usne dekha ki Nishant ne khane ko chhua bhi nahi tha.


“Abhi tak nahi khaya?” nurse ne kaha, “Kha le chupchaap, warna aur do din tak khana nahi milega.”


Nishant ne uski taraf dekha bhi nahi. Woh bas chup chaap baitha zameen ko takta raha.


“Sunai nahi de raha hai kya behre?” woh nurse boli, “Kha le warna tere haath pair baandhkar nalli se thoosenge khana tere pet me.”


Nishant ne ab bhi koi jawab nahi diya. Nurse wahan se chali gayi.


Agle din jab woh lauti, usne dekha ki khana abhi tak nahi chua tha Nishant ne aur use position mein baitha zameen ko tak raha tha. Doctors ke orders the ki Nishant agar na khaye to use sedative injection lagakar use tube se khilaya jaye. Anvit ka order tha ki Nishant kisi bhi haal mein marna nahi chahiye.


Nurse ne sedative injection ready kiya aur Nishant ki taraf badhi. Nishant ke haath pair janjeeron mein jakde hue the. Nurse ne Nishant he haath ko pakda use injection lagane ke liye, lekin Nishant ne achanak jhapatkar uske pakada liya aur sui uski gardar mein ghused di. Nurse pagalon ki tarah cheekhne lagi.


Nishant ne plunger par ungli rakhte hue kaha, “Chilla, aur chilla,” Nishant ne kaha, “Chillakar guard ko bula aur usko bol meri janjeerein khole. Agar aisa nahi hua, to ye sui teri aankhon mein ghusedkar teri dono aankhein phod dunga.”


Nurse ke cheekhne se guards wahan aa gaye. Nishant ne gusse bhari aankhon se unhe ghoora aur nurse ne rote hue unhe Nishant ko kholne ke liye kaha. Guard ne kaanpte hue haathon se Nishant ki janjeerein kholi. Haath khulte hi Nishant ne guard ko ghusa maara aur uski gun chhen li. Woh gun usne us nurse ki kanpatti par lagai aur use ghaseeta hua apne saath le gaya. Us nurse ko jaan se maarne ki dhamki dete hue usne pagalkahne ke ek ke karke saare gate khulwaye.


Ek guard ne Nishant par sedative shot ka nishana saadha. Nishant ne uspar goli chala di. Woh guard cheekhta hua neeche gira.


“Koi aur hai jo marna chahta hai?” Nishant chillakar bola.


Nishant ne us nurse ko pakad rakha tha aur uski kanpatti par gun taan rakhi thi. Isiliye kisi ne use rokne ki koshish nahi kari.


Main gate par ambulance khadi thi. Nishant ne uski chabi chhen li aur us nurse ko jabardasti ambulance mein bithaya. Nishant ne ambulance start kari aur wahan se farar ho gaya.


**************


Armaan Pankhudi ki baahon mein soya hua tha. Subah ki sunehri kiranein khidki se andar aakar uski palein khatkhatane lagi. Usne aankhein kholi aur dekha ki Pankhudi abhi tak so rahi hai.


Usne pyaar se chumkar use jagaya. Pankhudi ne aankhein kholi aur Armaan ko dekh kar sharma gayi. Subah ki dhoop mein uske gaalon ki lali bahot sundar lag rahi thi.


Achanak Armaan ka phone baja. Raghav ka call tha. Armaan subah subah se se baat karne ke mood mein nahi tha. Woh bas Pankhudi ke saath kuch pal bitana chahta tha. Lekin Raghav baar baar call kar raha tha.


“Nishant has escaped the asylum,” Raghav ne kaha, “Wahan ki CCTV footage mili hai, aapko bhej raha hun.”


Armaan bistar par uth baitha. Usne bina kuch kahe phone kaata aur ghambhir bhav se woh footage dekhne laga. Pankhudi bhi uske bagal mein baithkar woh footage dekhne lagi thi.


“Kya hua?” Pankhudi ne poocha.


“We need to get you back to the safehouse,” Armaan ne kaha.


“Phir se?” Pankhudi ne poocha.


“Haan,” Armaan ne kaha, “Yeh jo beemari ka aadha ilaj hua hai, bada khatarank hai. Is baar to jad se ukhadna hai is bawasir ko.”


*********


Anvit ko bhi khabar lag gayi Nishant ke bhagne ki.


“Security ko alert kar do,” Anvit ne kaha, “Ghar mein ghusne ki kosish kare to acche se swagat hona chahiye unka.”


“Ji Sir,” Sumit ne kaha.


“Aur ek search team ready karo,” Anvit ne muskurakar kaha, “Bade bhai hai mere, bhatak gaye hain bechare. Akele kahan dar dar ki thokre khate phirenge. Unhe jald se jald khojkar sambhalkar wapas hospital pahunchaya jaye aur unka ilaj jaari rahe.”


Sumit ne haan mein sar hilaya aur wahan se chala gaya.


Anvit ke phone par Armaan ke text aaya. Ek loction pin aur time likha tha. Anvit muskuraya.


Nirdharit samay par Anvit us location par pahuncha. Iss baar Armaan pehle se uska intezaar kar raha tha.


“You summoned me, big brother,” Anvit ne muskurakar kaha, “Here I am.”


Armaan uski muskaan dekh kar hairaan reh gaya. Nishant khula ghum raha hai yeh jaankar bhi Anvit ke maathe par zara bhi shikan nahi tha.


“How the fuck did he escape?” Armaan ne gusse se poocha.


“CCTV footage to dekha hi hoga aapne,” Anvit ne kaha, “You know exactly how he escaped. I don’t think I can explain it any better.”


“Tumhe nahi lagta tumne laparwahi ki hai?” Armaan ne Anvit ko gusse se ghoorte hue poocha.


“Laparwahi staff se hui hai,” Anvit ne kaha, “But it’s ok. I’ll handle it. Nishant ke paas ab kuch nahi hai, na paisa na power. Akela kya hi ukhad lega woh?”


“He has loyal associates, Anvit,” Armaan ne kaha.


“Speaking of which,” Anvit ne muskurakar kaha, “Aapko pata hai jail men Shadab ke saath kitna bura hua? Baaki inmates ne usko itna torture kiya ki aaj raat woh apne zindagi se pareshan hokar suicide karne wala hai. Kal subah uski laash latki milegi uske cell mein police waalon ko. Aur Nishant, his head is all messed up, I’ve ensured that.”


“Nishant is a fucking snake,” Armaan ne kaha, “Usko underestimate karne ki galati mat karna. Aur dimag bikul salamat hai uska. Dekha nahi kitna sateek nishana tha uska jab guard par goli chalayi? Us nurse ko bhi hostage banakar le gaya hai woh. I don’t know about you, Anvit, lekin main bilkul risk nahi le sakta.”


“I understand your concerns,” Anvit ne kaha, “Baat jab ladkiyon ko hoti hai to mamla sensitive hota hai. Us nurse ki family ko bhi protection dilwaya hai maine. And trust me, jyada din tak khuli hawa mein saans nahi la payega.”


“You called me big brother a while ago. So here’s a piece of advice for you,” Armaan ne Anvit ki aankhon mein ghoorte hue kaha, “Don’t get overconfident.”


Armaan apni car mein baitha aur wahan se chala gaya. Anvit akela wahan khada Armaan ko jaate hue dekh raha tha. Uske dimag mein ek toofan tha. Woh apne chehre par dikhne nahi de raha tha, lekin woh jaanta tha ki Nishant uske liye kitna bada khatra tha.
Maza aa gaya ma sumja khani khtm pr abi to shru hoei hy
 

Vkag04

New Member
20
34
13
This story needs a better title. Kindly suggest a good title for this story and also for the sequel

Vkag04 Death Kiñg SANJU ( V. R. ) DARK WOLFKING TheBlackBlood
for the last story
- the lion, the wolf, and the wizard OR
- the predator, the prey, and the hunter/fox
- A sweet revenge
- Revenge: A dish best served cold
- Dance of lion and wolf
- song of shrouded vengeance
- Camouflage: The dark salvation
- Love, hate and revenge etc

If you can give me some sight of the sequel then I may think of some titles for it.
 

TheBlackBlood

αlѵíժα
Supreme
78,222
113,718
354
Wooooow ye kya tha dear IP :love:
Bole to awesome... amazing and wonderful :bow:

Woman's caste had a very bad interference in Armaan's life. First of all his stepmother and then his wife. Both the women were hungry for his wealth and both crossed every limit to get that wealth. A woman is an idol of love, but here both of them proved this thing to be false and tortured Armaan in every way. The story of the stepmother is well known, but what kind of mother was Shalini whose heart did not tremble even after killing her real daughter.??? Main jab bhi is kahani ke us sensitive scene ke bare me sochta hu to mujhe bahut hi zyada bura feel hota aur dukh bhi hota hai. Only one question comes in my mind that how can a mother do or think like this? :verysad: Well Itna sab kuch kahne se mera matlab ye tha ki armaan ka jo roop hamne starting me dekha tha uski vajah koi aur nahi balki aurat jaat hi thi jinki vajah se armaan ka character itna patthar dil aur itna cruel bana hua tha but....but ye bhi sach hai ki ek aurat jaat ki vajah se hi uske andar badlaav aaya aur usne jana ki duniya me soft feelings se beautiful kuch nahi hai....and all the credit for this goes to pankhudi who is the most beautiful girl in the world. :love:

Well, maine kahani ka sequel padha aur ab sequel ka epilogue bhi read kar liya...after reading this, only one thing will say wonderful. :bow:

Epilogue ke is update me chhote chhote chapter me kayi scene nazar aaye jo ki kafe amazing the. Armaan aur pankhudi wale scene hamesha se rocking hote aaye hain aur mujhe lagta hai ab ye usse bhi zyada rocking and beautiful hai. Armaan ke dwara aapne short me uski wife aur beti Priya ka bhi kissa bata diya but now ab ye janne ki curiosity ho gayi hai is sabke baad armaan ne apni wife aur uske bf ke sath kya kiya hoga or un dono ke sath kis had tak guzar gaya hoga?? I know ki memory card dwara sach ka pata chalne se armaan ko jhatka lagega aur use bahut dukh bhi hoga but ham sab jaante hain ki usne bachpan se itne dukh aur jhatke sahe hain ki ab wo bade se bade jhatke ko sahne ke kaabil ho chuka hai. Mera khayaal hai kisi waajib samay par pankhudi ko us memory card ke bare me armaan ko bata dena chahiye. Kabhi kabhi chhoti chhoti baate bhi insaan ke liye jeewan paryant dukh ka sabab bani rahti hain. Pankhudi aur armaan ke beech ka rishta pyar aur atoot viswaas par kaayam hai, agar future me armaan ko kisi aur madhyam se us memory card ke bare me pata chalega to maybe use is baat par takleef ho ki pankhudi ne uske beti ke bare me itni badi baat chhupa rakhi thi. Bhale hi use baad me ye samajh aaye ki pankh ne aisa sirf use dukh na dene ke uddesya se kiya tha. :dazed:

Nishaant us narak se nikal kar bhaag Jane me kamyab ho gaya. Is wakt wo ghayal Sher ki tarah hai aur mera khayaal hai ki uska sabse pahle target anvit hi hoga kyoki usi ki kartoot ki vajah se use mental karaar karwa ke pagal khane bheja gaya. Armaan to kisi tarah is aafat ko samhaal lega lekin anvit ko abhi is sabka tazurba nahi hai....mana ki wo laakh chatur chalaank sahi par nishaant is wakt jis mentality me hai usse kuch bhi ho sakta hai. Well let's see what happens... :smoking:

Ek baar fir se armaan aur pankhudi ki life me nishaant naam ka tufaan aa chuka hai. Ab dekhna yahi hai ki is tufaan ka mukaabla armaan kis tarah se karta hai aur pankhudi ko safe rakhne ke liye wo kya kya karta hai. :smoking:

First scene ne armaan aur pankhudi ke beech jo kuch bhi aapne dikhaya wo kaafi awesome tha. Wonderful dear....let's see what happens next :waiting: Btw main soch raha hu ki jab epilogue itna awesome hai to detailed me likhi gayi kahani kaisi hogi... :D
 
Top