• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Incest SAB KUCH JAYAZ HAI...

Bhai log ye story kaisi lag rahi hai....?

  • Best

    Votes: 118 81.4%
  • Good

    Votes: 27 18.6%

  • Total voters
    145

Mr. Perfect

"Perfect Man"
1,434
3,721
143
  • Like
Reactions: Mr. Pandit

Desi Man

Well-Known Member
2,195
3,034
158
अपडेट दोस्त
 
  • Like
Reactions: Mr. Pandit

Mr. Pandit

SAB KUCH JAYAZ HAI....
1,764
3,879
144
SAB KUCH JAYAZ HAI....
UPDATE = 08

FLASHBACK CONTINUE....
Kamre me kisi ke aane ki aahat se maine darwaze ki taraf dekha to kusum didi kamre ke andar aa rahi thi. Unke chehre par wahi gambheerta thi jo hamesha rahti thi. Kamre ke andar aa kar unhone kamre ka darwaza band kar andar se kundi lagayi to main ye dekh kar chaunka par bola kuch nahi.

Kundi laga kar didi mere paas aayi aur bed ke kinare par baith gayi. Main chup chaap sir jhukaye baith gaya tha bed par. Didi ne kuch der meri taraf dekha fir mere aur paas aa kar unhone mere chehre ko apni dono hatheliyo me lekar apni taraf kiya.

Mera chehra unke chehre ki taraf zarur ho gaya magar maine nazar utha kar unki taraf dekha nahi. Pata nahi kyo par main unse nazre nahi mila pa raha tha. Tabhi mujhe unke siskne ki awaaz aayi to maine jaldi se nazar utha kar unki taraf dekha. Unki khubsurat aankho se aanshu bahte nazar aaye mujhe.

"Kya hua didi aap ro kyo rahi hain.?" Maine puchha to didi ne mere dono gaalo ko sahlate huye kaha.
"Bahut zor se mara tha na maine tujhe.? Tabhi to tere dono gaalo par nishaan pad gaye hain. Mujhe maaf kar de vicky...maine tujh par hath uthaya. Apne vicky par hath uthaya maine...apne bhai ko mara maine. Kitni buri hu main." Didi ne rote huye aisa kaha to main ekdam se tadap utha.

"Nahi didi aisi koi baat nahi hai. Aapne mujhe mara to kya hua wo bhi to apka mere liye pyar hi tha. Aapne mujhe mere achhe ke liye hi mara tha. Mujhe iska koi dukh nahi hai...aur aap plz mat roiye...aapka pura hak hai mujh par hath uthane ka." Maine aisa kaha to didi ke anshu aur bhi tezi se bahne lage. Unka gora chehra laal surkh padta ja raha tha.

"Mat roiye na didi...aap janti hain na ki main aapko is tarah rote huye nahi dekh sakta. Plz shaant ho jaiye." Maine didi se kaha to didi jhapat kar mujhse lipat gayi. Maine bhi unhe apne seene se laga liya.

Kuch der baad didi mujhse alag huyi. Ab wo ro nahi rahi thi. Maine apne hatho se unke aanshu ponchhe. Wo mujhe bade pyaar se dekhne lagi.

"Kya zarurat thi tujhe usse jhagda karne ki.? Agar tujhe kahi koi chot vot lag jaati to.? Tujhe pata hai main us wakt bahut zyada dar gayi thi." Didi ne badi masumiyat se kaha to main bas halke se muskura utha magar meri muskaan jald hi gayab ho gayi.

"Agar aap mujhe us wakt na rokti to main sach me us ghatiya insaan ko aaj jaan se maar deta." Maine aisa kaha to didi ke chehre par fir se dar ke bhaav aa gaye.
"Kya kah raha hai tu.?" Didi ne kaha to main kuch pal chup raha fir bola.

"Haan didi..usne aapse gande lahje me baat ki thi jo mere bardaast se baahar thi. Us wakt mujhe itna zyada gussa aa gaya tha ki agar aap mujhe na rokti to gusse me main use jaan se maar deta. Fir bhale hi baad me mujhe jail ho jati." Maine aisa kaha to didi ki siski nikal gayi.

"Nahi vicky...aisa mat kah...us surat me main kaise jee paati.?" Kusum didi ne mere chehre par sahlaya to maine unke us hath ko pakad liya.
"Fir jo hota dekha jata didi." Maine kaha to didi ne kaha.
"Chhod in baato ko...aur khabardaar jo fir kabhi aisi baat ki." Didi ne kaha to main chup ho gaya.

"Waise aaj jo kuch bhi hua hai usse tujhe kya lagta hai vicky.? Kya wo log sach me hamara sath denge.?" Didi ne kaha to maine fir se unki taraf dekha.

"Kaha to sabne yahi hai didi...ab ye to wakt batayega ki kya hota hai. Halaat bahut hi kharaab hain. Bas dua kijiye ki sab achha hi ho." Maine kaha to didi meri taraf dhyaan se dekhti rahi.

"Mujhe to bahut dar lag raha hai vicky. Pata nahi sarpanch kya karega.? Gaav ke baaki brahmin usi ka paksh lenge. Hamari to koi sunega bhi nahi." Didi ne dare huye lahje me kaha to mujhe samajh na aaya ki kya kahu.

"Zyada se zyada kya hoga didi...sarpanch apne bete ki maar ki vajah se mujhe police ke hatthe chadha dega aur kya.? Isse zyada kya karega wo.?" Maine aisa kaha to didi ek dam se ghabra gayi.

"Aisa na kah vicky....mujhe dar hai kahi wo isse zyada na kuch kare. Suna hai ki uski pahuch bade bade logo tak hai. Ye to pakki baat hai ki wo pita ji ko bhare gaav ke samne jaleel karega aur pita ji kuch nahi kar sakenge." Didi ne gambheerta se kaha to mujhe is baar samajh na aaya ki kya kahu.

Mere kuch na bolne par kusum didi bhi kuch na boli. Wo bas meri taraf bade dhyan se dekhti rahi. Main unki taraf nahi dekh raha. Meri nazre to kamre ke band darwaze par tiki huyi thi. Main waha kuch dekh nahi raha tha bas kahi khoya hua tha.

"Jane de vicky...jo ho gaya ab use fir se pahle jaisa banaya to nahi ja sakta. Maa ko bhi pata hai ki tune ye sab jaan bujh kar nahi kiya. Pita ji ko jab maa se sari baato ka pata chalega to wo bhi yahi sochenge." Didi ne mere chehre ko apni hatheli se apni taraf karte huye kaha to maine unki taraf dekha.

Didi ke chehre par is wakt gambheerta thi. Is gambheer chehre me is wakt sansaar bhar ki masumiyat bhi thi. Is masoom chehre ke liye main kuch bhi karne ko taiyar tha. Main hamesha sochta tha ki main aisa kya karu ki ye chehra hamesha khushi se khila hua rahe.

"Is haadse ke pahle ham sab kitna khush the na didi.? Socha nahi tha ki hasi khushi ke is maahaul me kisi din aisa bhi ho jayega aur ham sab is tarah ki musibat me fas jayenge." Maine udaas bhaav se kaha to didi ne mere chehre ko apne hatho me liya aur fir apne gale se laga liya mujhe.

"Yu niraash na ho vicky...sab theek ho jayega. Mujhe apne bhagwan ji par pura yakeen hai ki wo ham sabke sath kuch nahi hone denge. Bas tu udaas na ho aur na hi apne man me kisi baat ka bojh rakh. Tune koi galti nahi ki hai..tune wahi kiya hai jo ek bhai ko karna chahiye tha." Didi mujhe apne gale lagaye mere sir ke baalo par pyaar se hath ferte huye kaha.

Mujhe unke gale lagne se bahut sukoon sa mil raha tha. Kuch der baad main unse alag hua aur didi se chaay pine ki baat kahi to didi muskura uthi. Fir ye kah kar kamre se chali gayi ki abhi special chaay bana kar pilati hu tujhe. Unke jane ke baad main ek baar fir se inhi sab ke bare me sochne laga. Main chaah kar bhi apne dil aur dimaag se in baato ko nikaal nahi pa raha tha.

Kuch der baad didi chaay le kar aayi to ham dono ne sath hi baith kar chaay pi. Uske baad didi ke hi kahne par main bhi unke sath neeche chala aaya. Neeche seedhiyo se kuch hi doori par lakdi ki kursiya rakhi huyi thi. Jinme meri maa aur dono judwa bahne baithi huyi thi. Un sabke beech ajeeb si shaanti faili huyi thi.

Meri dono judwa bahne jo aam situation me chup baithne walo me se nahi thi wo bhi is wakt chup chaap hi baithi huyi thi. Ghar ke andar aur baahar har taraf aisa sannata faila hua tha jaise koi mar gaya ho. Main aur kusum didi bhi alag alag kursiyo me baith gaye. Hamare beech koi kuch bol nahi raha tha. Mujhe bhi samajh nahi aa raha tha ki is situation me kya baat karu.

Kareeb 20 minute baad ghar ka main darwaza khula aur usse pita ji andar aaye. Unhe dekh kar ham sabki jaan me jaan aayi. Main to pahle se hi kuch ghabraya hua tha ab unhe dekh kar aur bhi ghabrane laga.

Pita ji jab andar aaye to kusum didi apni kursi se uth gayi aur pita ji ke baithne ke liye us kursi ko khaali kar diya. Pita ji aa kar us kursi par baith gaye. Unka chehra kuch zyada hi gambheer dikhayi de raha tha.

Kuch der ki khamoshi ke baad pita ji ne meri taraf dekha to maine apna sir jhuka liya. Wo mujhe kuch der tak dekhte rahe. Jaise soch rahe ho ki mujhse kya kahna chahiye. Fir unhone meri taraf se apni nazre hata kar maa ki taraf dekha. Maa khud bhi unhi ko dekh rahi thi.

"Renuka...zara chaay naaste ka intzaam kar lo. Kuch log baahar se aane wale hain." Pita ji ne maa se aisa kaha to maa ne haan me sir hilaya aur kursi se uth kar andar ki taraf chali gayi. Unke peeche peeche kusum didi bhi chali gayi.

Maa aur kusum didi ke jane ke baad main aur meri chhoti bahne bahne ki bache the ab. Main man hi man dar raha tha ki ab jane pita ji kya kahenge mujhse. Meri dono judwa bahno ka bhi koi bharosa nahi tha. Wo is wakt kuch bhi aisa bol sakti thi jisse pita ji gusse me mujhe daatne lag jate. Waise main hairan tha ki jab se ye situation create huyi thi tab se meri wo dono shaitan bahne chup hi thi. Dono me se kisi ne bhi koi shararat nahi ki thi.

"Ab is tarah muh latka ke kyo baithe ho tum.?" Mere kaano me pita ji ki ye baat padi to main ek dam se dar gaya. Mere dil ki dhadkan jaise ruk hi gayi. Mujh me itni himmat na huyi ki main sir utha kar pita ji ki taraf dekhu...kuch bolne ki to baat hi door thi.

"Dekho main janta hu ki ye sab tumne jaan bujh kar nahi kiya hai. Aaj tak to aisa nahi kiya tha tumne. Is liye jo hua uske liye ab muh latkane ki koi zarurat nahi hai tumhe. Mujhe khushi hai ki tumne apni bahan ko apshabd bolne wale ko achha khasa sabak sikhaya hai." Pita ji ne aisa kaha to main hairaan rah gaya.

Kaha main ye soch soch kar mara ja raha tha ki pita ji mujh par gussa karenge aur daatenge magar yaha to aisa kuch tha hi nahi. Balke wo mere us kaam se khush the. Maine himmat kar ke ek baar pita ji ki taraf dekha to pita ji ne fir kaha.

"Haan bete...koi aur baat hoti to main zarur tum par gussa karta Magar is tarah ki baat par nahi. Koi hamari ijjat aur maan samman ko is tarah chot pahuchaye ye bardaast nahi kiya ja sakta. Hame in logo ne apni biradri se alag kar rakha hai to iska matlab ye nahi ki hamari koi ijjat hi nahi hai. Tum fikar mat karo bete....main dekh luga sarpanch ko aur un panchayat karne walo ko." Pita ji ne aisa kaha to mere man se sara dar nikal gaya aur maine pahli baar sukoon ki saans li.

"Ye to aapne bilkul sahi kaha pita ji...koi aira gaira natthu khaira kaise didi ko ulta seedha bol sakta hai.? Achha kiya bhai ne jo us kamine ka maar maar ke bhurta bana diya. Waise bhi in logo ke kuch zyada hi bhaav badh gaye the. Gali se nikalna mushkil kar diya tha hamara." Priya ne aisa kaha to pita ji aur maine uski taraf dekha.

"Kya kaha tumne.?" Pita ji ne hairani se kaha to priya se pahle pooja bol padi.
"Haan pita ji...wo rupesh aur uske kuch lafange dost aksar gali chalte hamara raasta rokt dete the." Pooja ne aisa kaha to pita ji ke chehre par bhi gusse ke bhaav aa gaye.

"Tumne mujhe pahle kyo nahi bataya.?" Pita ji ne kaha to pooja chup ho gayi magar is baar priya boli.
"Wo hamne is liye nahi bataya ki is vajah se kahi aap unke sath kuch aisa waisa na kare jisse unke ghar wale aur gaav ke log aap ko kuch kahe." Priya ne aisa kaha to pita ji dekhte rah gaye use.

"Aisa kuch nahi tha beta...tumhe is bare me mujhe na sahi lekin apni maa ko to batana chahiye tha. Ham apne raaste chalte hain aur kisi se koi matlab nahi rakhte hain to iska matlab ye nahi hota ki ham kaayar hain aur unse darte hain. Agar ham galat nahi hain to ham kisi galat karne wale ke samne jhukenge bhi nahi." Pita ji ne kaha to priya pooja kuch na boli.

"Ab se agar aisi koi baat hoti hai to tum sab bhai bahan us baat ko mujhse ya apni maa se zarur batana hai...theek hai na.?" Pita ji ne ham teeno ki taraf dekhte huye kaha to ham teeno ne haan me sir hila diya.

Tabhi kusum didi aur maa aa gayi aur maa kursi par baith gayi. Kusum didi andar ki taraf gayi aur ek aur kursi le aayi aur fir usme baith gayi.

"Aapne bataya nahi ki kaun log baahar se aa rahe hain.?" Maa ne pita ji se puchha to pita ji ne kaha.
"Sab mere jaan pahchaan ke hi hain. Shahar me hi rahte hain...bade log hain..aise logo se thoda bahut jaan pahchaan banana padta hai taaki zarurat me ye hamare kaam aa sake. Waise ab tak to kabhi zarurat hi na padi thi magar ab ke halaat ke hisaab se zarurat hai." Pita ji ne kaha to maa boli.

"Aapka matlab hai ki ye log is halaat me hamari madad karnge..magar kaise.?" Maa ne pucha to pita ji ne kaha.
"Wo aise ki agar mani shankar ne panchayat me khud ke bate ko sahi thahrane ki koshish ki ya usne koi gunda gardi karne ki koshish ki to us haalat me ye log unhe aisa nahi karne denge." Pita ji ne kaha to maa ko kuch samajh na aaya.

"Aise kaise rok sakenge bhala ye log.?" Maa ne kaha to pita ji ne kaha.
"Tum nahi janti renuka. Inme se ek akhbaar wala hai. Baaki sab bhi kuch na kuch hain. Agar sarpanch koi annyaay karta hai to ye akhbaar wala usko batayega ki agar un logo ne sahi nyaay nahi kiya to wo is sab ki news bana kar pure pradesh me failayega. Wo akhbaar wala bata raha tha ki uske paas sarpanch ke khilaaf kafi mashala hai. So sarpanch uske rahte kuch kar nahi payega." Pita ji ne kaha to maa hairan rah gayi.

"Aisa kaun sa masala hai unke paas.?" Maa ne hairaan hote huye kaha to pita ji ham sab ki taraf dekhne ke baad maa se bole.
"Hai kuch....kher wo aane hi wale honge. Waise mere paas Vikram singh ka phone aaya tha usne bataya ki gaav ke kafi log hamare sath hain. Jinme se wo apni biradri ke sath khud hai...yaani thakur aur neech jaati ke log." Pita ji ne kaha to maa ne haa me sir hilaya aur meri taraf dekha.

Kuch der tak aisi hi baate hoti rahi. Main khush tha ki pita ji ne mujhe kuch nahi kaha tha balke maine jo kiya tha use achha hi kaha tha. Ab to bas us khadi ka intzar tha jab is sabke liye gaav me sarpanch panchayat baithayega aur hamara bulawa hoga.

Jaisa ki pita ji ne kaha tha thodi hi der me hamare ghar ke baahar kuch jeepo ki awaaz aayi to pita ji jaldi se uth kar bahar ki taraf chale gaye. Idhar unke jane ke baad maa aur meri sabhi bahne andar ki taraf chali gayi.

Kuch der baad baahar se pita ji ke sath 5 log aaye to main kursi se utar kar khada ho gaya. Pita ji ne unhe wahi par baithaya aur mujhse kaha ki main andar maa se kahu ki wo chaay naasta bhejwaye. Pita ji ke kahne par main andar ki taraf chala gaya.

"Ham log late to nahi huye na mahesh ji.?" Unme se ek ne aisa kaha to pita ji ne muskurate huye na me sir hilaya.
"Aap log sahi time par hi aaye hain. Hamare gaav ka jo sarpanch hai usi ke bete ke sath maar peet huyi thi mere bete se. Pata chala hai ki sarpanch yaha tha hi nahi. Wo paas ke hi ek gaav me kal shaam ko gaya tha jo abhi tak aaya nahi tha. Waise use suchna to mil hi gayi hogi. Wo yaha jald se jald aayega aur fir is sab ke liye wo panchayat baithayega."

"Chaliye koi nahi...dekhte hain kya karta hai wo.?" Unme se ek dusre ne apna sir hila kar kaha to pita ji ne sirf ji kaha aur ek kursi par baith gaye.

Thodi hi der me maa aur kusum didi apne hatho me chaay naaste ki saamagri liye aayi aur un sabke beech rakhi table par rakh diya. Un sab ne meri maa ko dekh kar unse namaste kiya to maa ne bhi unse namaste kiya. Didi ne bhi sabse namaste kiya to wo log bhi didi ko dekh kar muskurate huye unke is abhiwadan ka jawab diya.

"Ye meri badi beti kusum hai Pratap ji..aur ye mera beta Vikash. Do betiya andar hain jo in dono se chhoti hain aur wo dono judwa hain." Pita ji ne un logo se ham bhai bahno ka tarruf karaya.

"Bahut khubsurat bachche hain mahesh ji aapke. Lekin ek baat hai ye sab ke sab bhabhi ji par hi gaye hain. Warna aap to itne sundar dikhte nahi...haan bete me kuch kuch aapki chhavi dikhti hai..magar iska roop rang bhabhi ji par hi gaya hai." Pratap ne muskurate huye kaha to pita ji muskura kar rah gaye aur udhar maa bhi muskura di.

"Chaliye koi baat nahi renuka par hi gaye hain to kya hua...kahlayenge to mere bachche hi. Kher aap log naasta kijiye na." Pita ji ne kaha to wo log naaste ki plate se namkeen aur biskit utha kar khane lage.

Kareeb ek ghante baad hamare ghar me kuch log aaye jo sarpanch ke hi aadmi the. Un logo ne pita ji ko panchayat me aane ko kaha aur chale gaye. Unke jane ke baad pita ji un logo se chalne ki baat ki to wo log kursiyo se uth kar khade ho gaye.

Pita ji ne mujhe aur kusum didi ko sath chalne ko kaha aur maa ko ghar par hi rahne ko kaha. Meri dono judwa bahne ghar par hi maa ke paas rahengi.

Pita ji ke kahe anusaar ham sab ghar se baahar aaye. Baahar aate hi unme se ek ne pita ji se puchha ki kitni door hai panchayat wali jagah to pita ji ne bataya ki gaav ke beech me hi hai ek bade se bargad ke pedh ke paas. Pita ji ki baat sun kar unme se ek ne kaha ki ham sab jeepo me baith kar hi chalenge. Pita ji bole ki paas hi me to hai par wo log bole ki mahesh ji aap chaliye to sahi.

Kher ham sab unke sath hi jeepo me baith gaye. Pita ji jis jeep me baithe the usi me main aur didi bhi baith gaye. Baithne ke baad ham sab panchayat wali jagah ki taraf chal diye.

Panchayat wali jagah jyada door nahi thi. Paidal chalne me 5 se 7 minute ka time lagta tha. Jeep me baith kar gaye to 2 minute me hi pahuch gaye us jagah. Pita ji ne phone par kisi se baat ki thi aur use jaldi se panchayat isthal me aane ko kaha tha.

Ham sab jab panchayat wali jagah par pahuche to waha kafi jamghat laga hua tha. Bargad ke pedh ke chaaro taraf kaafi bada maidaan tha. Jaha par kafi log jama ho sakte the. Bargad ke pedh ke neeche chaar kone wala kareeb 3 fit ucha chabutra bana hua tha jo ki patthar aur cement se bana hua tha. Usi chabutre me lakdi ki kursiyo par paanch log baithe huye the. Sarpanch un paancho me nahi tha kyo ke aaj ki panchayat ka masla uske hi ghar se tha is liye uska panch banne ka sawaal hi nahi tha.

Mani shankar panch bhale hi nahi bana hua tha magar panchayat me uska dakhal barabar ka hone wala tha ye sab jante the. Baaki ke panch naam ke liye hi hote the. Antim faisla hamesha hi mani shankar ka mana jata tha. Fir chahe wo faisla sahi ho ya galat. Koi uske faisle ke khilaf awaaz uthane ki himmat nahi kar sakta tha.

Panchayat wale maidaan me jab teen teen jeepe pahuchi to waha jama huye logo ki nazre hamari taraf mudi aur jab ek jeeb se pita ji ke sath sath main aur didi bhi neeche utre to sab ye dekh kar hairaan rah gaye. Kuch aisa hi haal gaav ke sarpanch yaani mani shankar ka bhi tha. Wo aankhe faade hamari taraf dekh raha tha. Teen jeepo se jab sab log baahar aa gaye to mani shankar pratap sharma ko dekh kar aur bhi zyada hairaan rah gaya. Use pata tha ki pratap sharma akhbaar wala tha aur uske sath aaye baaki log bhi kamzor log nahi the. Maine saaf saaf dekha tha ki in logo ko dekh kar mani shankar ke chehre par pareshani ke bhaav dikhne lage the.

Ham sab log jeep se utar kar panchayat ke paas pahuche to na chaahte huye bhi mani shankar ko muskura kar pratap sharma aur baaki logo se milna hi pada aur fir mazedaar baat ye huyi ki khud mani shankar ne hi unke baithne ke liye kursiyo ka inzaam karwaya. Ye bahut hi zyada hairaani ki baat thi. Waha par maujood log ye sab dekh kar hairaan rah gaye the. Wo soch bhi nahi sakte the ki gaav ka ye mathadhees aisa bhi kuch kar sakta hai.

Kuch der tak aise hi chalta raha. Mani shankar kafi pareshan dikh raha tha. Uske ghar se uska beta Rupesh tiwari aur uske teen chhote bhai bhi waha par aaye huye the. Ek beti bhi thi jiska naam Rachna tiwari tha. Rachna tiwari uski chhoti beti thi.

Kuch der baad pancho ke kahne par kaaryawaahi shuru huyi. Mani shankar ke bete ne bana chadha kar apni baat pancho ke samne rakhi. Jisme usne ye kaha ki wo apne kheto ki taraf se aa raha tha aur jab raaste me use main aur kusum didi dikhe to wo apni moter sycle rok kar unse haal chaal puchne laga tha. Magar haal chaal puchne par vicky ko pata nahi aisa kya laga ki usne use maarna shuru kar diya. Use usse iski koi ummeed nahi thi is liye achanak huye hamle se wo kuch kar nahi paya. Use samajh hi nahi aaya ki usne aisa kya kiya tha jis vajah se vicky ne achanak usko maarna shuru kar diya tha. Wo use rokne ki koshish karta raha magar vicky use maarta raha tha. Yaha tak ki uski maar se uski haalat bahut kharaab ho gayi thi aur uske naak se mukh se khoon bhi bahne laga tha. Uske baad use kuch yaad nahi raha ki kya hua. Wo behosh ho chuka tha.

Rupesh ki baat sun kar pancho ne meri taraf dekha aur mujhse is bare me sachchaai batane ko kaha to maine wahi bataya jo hakeekat me hua tha. Maine sab kuch sach sach bata diya. Main sachchaayi batane me bilkul bhi nahi jhijhka aur na hi maine waha par maujood logo ki parwaah ki. Jab maine ye sab bataya to rupesh beech me hi bol pada aur chillate huye kahne laga ki main ye sab jhooth kah raha hu aur use fasa raha hu.

Pancho ne mani shankar ki taraf dekha to mani shankar ne bade tareeke se yahi kaha ki uska beta kabhi kisi ki bahan beti se aisi koi baat kar hi nahi sakta. Gaav ke sab jante hain ki uska beta kitna shareef hai aur sabki kitni ijjat karta hai. Mani shankar ne abhi ye sab kaha hi tha ki tabhi waha par kafi shor sharaba sunaayi diya.

Shor sharabe ki awaaz se waha maujood sabka dhyaan us taraf gaya to dekha ki gaav ke kuch thakur aur neech jaati ke log bhaari hujoom sa bana kar aa rahe the. Thodi hi der me wo sab panchayat ke paas aa kar khade ho gaye. Maine dekha ki unme mangal kaka balli kaha jaggu kaka wagaira sab the. Wo mujhe aur pita ji ko dekh adam se salam kiya aur fir baaki sab ko bhi.

Mani shankar neech jaati ke in logo ko dekh kar naraz sa dikhne laga. Use bilkul pasand nahi aaya ki uske mashle ke beech neech jaati ke log yaha aaye. Usne is bare me kaha bhi magar tabhi pratap sharma ne mani shankar se muskurate huye kaha ki ye sab aapke gaav ke hi log hain aur ipc ke tahat ye sab bhi barabar ka adhikar rakhte hain. Inke yaha hone se bhala kya mashla hai aapko. Pratap sharma ki baat sun kar mani shankar ka khoon khaulne laga. Usne thoda gusse se kaha ki gaav aur panchayat ke mashlo par ipc ki baat kaha se aa gayi. Ye brahmino ka mashla hai isme neech jati ke logo ko aane ki koi zarurat nahi hai.

Maine dekha ki mani shankar aag babula hua ja raha tha. Pratap sharma aur uske sath aaye log mani shankar ki baato par man hi man muskura rahe the. Mani shankar ne yaha tak kah diya ki aap log is maamle me kuch na kahe to hi behtar hoga. Aap log hamare gaav me sirf ek mehmaan ki haisiyat se aaye hain is liye mehmaan hi rahe. Kisi maamle me koi dakhalandazi na kare.

Pratap sharma ko bhi gussa aa gaya aur usne saaf shabdo me kaha ki wo mehmaan ban kar nahi aaya hai balke news ke silsile me hi aaya hai. Wo yaha par jo kuch bhi sahi galat dekhega use kal ke akhbaar me chhapega. Uski ye baat sun kar mani shankar ke pairo ke neeche zameen sarak gayi. Use koi ummeed nahi thi itni si baat par itna bada karnama hoga. Wo to isi baat se chakit tha ki ye log mere pita ji ke sath kaise ho sakte hain. Inse bhala mere pita ji ki jaan pahchaan kaise ho sakti hai.

Pancho ne dono paksho ki baato ko suna. Ab baat thi ki jo kuch bhi hua uska koi saboot koi gawaah kya hai. Pancho ki is baat se mani shankar apne bete ko aur apni biradri ko jo kuch bhi sikhaya padhaya tha us adhaar par rupesh ne apni biradri ke logo me se do logo ko samne aane ko kaha. Jab wo do log samne aaye to usne pancho se kaha ki jab ye haadsa hua tha tab ye dono paas me hi apne kheto par kaam kar rahe the aur in dono ne saaf dekha tha ki vicky ne kitna mujhe mara tha.

Rupesh ki is baat se pancho ne un dono aadmiyo se puchha to un dono ne haan me hi sir hilaya to pancho ne puchha ki rupesh aur vicky ke beech aisi kya baat huyi thi jiski vajah se vicky ne rupesh par hath uthaya tha. Pancho ki is baat se wo dono hi aadmi daye baye dekhne lage. Mani shankar ne bas yahi samjhaya tha ki wo yahi kah denge ki unhone dekha tha bas uske baad wo sab samhaal lega. Magar yaha uski ummeed ke ulat hi ho raha tha. Pratap sharma logo ki maujoodgi me wo khul kar kuch karne ki position me hi nahi tha. Fir bhi usne haar nahi mani.

Jab wo dono aadmi daye baye dekhne lage to mani shankar bol pada aur kaha ki in logo ne dekha kya ye kafi nahi hai. Mera beta bata raha tha ki vicky iske pahle bhi bahuto baar ise maarne ki dhamkiya de chuka hai. Pata nahi iski mere bete se kya dushmani hai. Shayad ye aur iska baap jalta hai ham brahmin biradri se.

Uski is baat se mere pita ji pahli baar bole aur kahe ki biradri se jalne ka koi sawaal hi nahi hai. Biradri ne apni swaarth shiddhi ke liye unko aur unke pariwar ko alag kar rakha hai. Magar unhone kabhi iske liye kisi se koi shikayat nahi ki. Wo hamesha apne raaste par chale the. Wo chaahte zarur the ki baaki brahmino ki tarah biraadri me unko bhi jagah aur sammaan mile magar wo iske liye aisa koi kaam karne ke paksh me kabhi nahi the. Sara gaav janta hai ki unka kabhi kisi se koi vivaad nahi hua. Wo sabse achhe se milte the aur sabka uchit samman karte the.

Pita ji ki baat sun kar waha par aaye thakuro ne bhi unki is baat ka samarthan kiya. Thakuro ke samarthan ke baad hi neech jaati ke log jo aaye the unme se mangal kaka jaggu kaka balli kaka ye sab baahar aa gaye. In logo ne sab ko pahle hath jod kar pranam kiya aur pancho se kuch bolne ki anumati maagi. Mani shankar ye sab dekh kar gusse se aag babula ho gaya. Usne aav dekha na taav...jhapat kar mangal kaka ke paas aaya aur usse garajte huye bola ki teri himmat kaise huyi yaha par aa kar kuch bolne ki. Apni aukaat bhool gaya hai tu.?

Mani shankar ki is baat se mere pita ji ne pratap logo ki taraf dekha aur thakuro ki taraf bhi. Thakuro me se kayi log mani shankar ke paas pahuche aur bole ki sarpanch ji ye aap bahut galat kar rahe hain. Aaj tak yahi hota aaya tha ki aapne apni marzi ka kiya tha. Ham logo par aapne har sitam kiya jo nahi karna chahiye tha aur ham aapke har sitam sahte bhi rahe magar ab nahi. Kisi cheez ki seema hoti hai. Ab to ye samajh lijiye ki sabra ka ghada bhar chuka hai aur chhalak kar uska lawa baahar nikalne laga hai.

Thakuro ki is baat se mani shankar ne gusse se unki taraf dekha. Magar kuch kar nahi paya kyo ki usne saaf dekha ki thakuro ke upar uske gusse ka koi asar nahi dikh raha tha. Pratap ke sath aaye ek dusre aadmi ne mani shankar se kaha ki ye sab log aapke hi gaav ke log hain. Sabko bolne ka adhikaar hai. Ipc me ye nahi dekha jata ki kaun chhoti jaati ka hai aur kaun badi jaati ka. Balke sabko barabar adhikar hai kuch bhi safai me bolna ka. Is liye aapko ye sab shobha nahi deta. Aap is gaav ke sarpanch hain is vajah se to aapko khud ye sochna chahiye ki kisi ke sath annyaay na ho sake.

Us aadmi ki is baat se mani shankar gusse ka ghoot pi kar rah gaya. Uske baad pancho ne mangal se kaha ki jo bhi kahna hai kaho. Pancho ki anumati milte hi mangal kaka ne wahi kaha jo main pahle hi pancho ko bata chuka tha. Mangal kaka ki is baat se balli kaka jaggu kaka ne bhi wahi kaha aur ye bhi kaha ki ye sab un logo ne apni aankho se dekha bhi tha aur kaano se suna bhi tha.

In logo ke aise bayaan se har taraf khamoshi fail gayi. Aisa pahli baar hua tha ki other low cast ke logo ne brahmino ke khilaaf aisa kuch bolne ki himmat ki thi. Mani shankar ka chehra dekhne layak ho gaya tha. Use yakeen nahi ho raha tha ki neech jaati ke logo ne bhare gaav ke samne brahmino ke khilaaf is tarah bolne ki himmat ki thi.

Mani shankar aur uske bete rupesh ne kafi zor lagaya magar pratap sharma aur uske sath aaye logo ke samne annyaay ho hi nahi paya. Last me yahi sabit hua ki sari galti sarpanch ke ladke rupesh ki thi. Usne khud vicky aur uski bahan ka raasta roka aur unse gandi bhasha me baat ki thi.

Pancho ne apna faisla sunaya aur rupesh ko gunahgaar mana gaya. Raha sawaal maar peet ka to iska faisla yahi hua ki us wakt ki situation ke anusaar ek bhai ne apni bahan ke upar kahe gaye gande shabdo ke chalte us par hath uthaya. Us haalat me koi bhi aisa hi karta. Is liye vikash ko iske liye doshi nahi mana ja sakta.

Mani shankar aur uska dost narayan kuch nahi kar sake. Jab baat saza ki aayi to pita ji ne pancho se saaf kah diya ki ye rupesh ki pahli galti thi is liye wo use koi saza nahi dilwana chaahte magar ye zarur chaahte hain ki fir kabhi aisi galti rupesh ke dwara na ho.

Pita ji ne aisa shayad future ka soch kar kaha tha. Wo jante the ki ek to sarpanch waise bhi is sabse unko apna sabse bada dushman samajhne laga hoga dusre agar wo uske bete ko saza dilwayege to aage ke liye baat bahut bigad jayegi.

Pita ji ki is baat se pancho ne bhi sarpanch mani shankar se yahi kaha ki fir kabhi aisa na ho...warna agli baar koi riyayat nahi hogi. Mani shankar hairaan tha ki aaj ye panch bhi uske khilaaf zahar ugal rahe the. Bas iske sath hi panchayat barkhaast ho gayi aur sab apne apne gharo ko jane lage. Neech jati ke log is faisle se bahut khush the aur mujhe aur pita ji ko badhaayi de rahe the.

Hamare gaav me ye pahla aisa aitihasik kaam hua tha ki sarpanch ke khilaaf ja kar aisa faisla kiya gaya tha. Sabse badi baat ye ki pahli baar neech jaati ke logo ne badi jaati ke logo ke saamne aane ki aur kuch bolne ki himmat ki thi. Sochne wali baat thi is himakat ke liye un logo ke sath mani shankar kuch bhi kar sakta tha...aur ye baat wo sab jaante bhi the..magar iske baavjood un logo ne aisa karne ki himmat ki thi jo ki bahut badi baat thi.

Jate jate pratap sharma aur uske sath aaye un aadmiyo ne mani shankar ko indirectly is baat ki chetaawni bhi dete gaye ki aaj ke is faisle ke baad gaav me aur gaav ke logo ke beech shaanti rahegi aisi wo asha karte hain. Mani shankar achhi tarah samajh gaya tha ki ye un logo ki uske liye naseehat nahi balke saaf saaf dhamki thi ki wo neech jaati ke logo ke sath kuch ulta seedha karne ki soche bhi na...warna iska parinaam uske liye achha nahi hoga.

Mani shankar aur uske bhai aaj ke is aitihaasik faisle se bahut naraz aur gusse me the magar kuch kar nahi sakte the. Mani shankar ko is sabki koi ummeed hi nahi thi warna wo apni taraf se bhi us hisaab se taiyari karke aata. Magar ab kya ho sakta tha...ab to raat gayi baat gayi wali baat ho gayi thi.

Ham sab ghar pahuche. Hamare sath pita ji ke wo jaan pahchaan wale bhi aa gaye the jo shahar se aaye the. Ham sab bahut khush the. Ghar aane ke baad pita ji ne un logo se khana pina karne ki baat kahi to wo log kahne lage ki ab unko jana padega kyo ki wo sab apna apna important kaam chhod kar aaye the. Magar pita ji ne unki ek na suni...aur fir un sab ko khana pina khila kar hi jane diya.

Khana pina karte wakt bhi sab isi bare me baate karte rahe. Ye baat bhi huyi ke mani shankar is faisle ke baad chain se nahi baithega...yaani wo khundak kha gaya hai is liye mumkin hai ki wo hamare sath aur gaav ke un logo ke sath bhi kuch bura kar sakta hai jin neech jaati ke logo ne aaj uske khilaaf ja kar gawaahi dene ki himmat ki thi.

Pratap sharma aur baaki sabne pita ji se yahi kaha ki agar aisa kuch hota hai to uski khabar pita ji unhe zarur denge. Baaki wo dekh lenge. Kher khana pina karke wo sab log chale gaye. Un logo ke jane ke baad maa aur meri bahne sab pita ji ke paas aa kar kursiyo me baith gayi aur aaj ki ghatna ke bare me puchne lagi. Pita ji ne sab kuch bata diya. Pita ji ki sari baato ke baad sab khush ho gaye.

Maa ne bhi yahi kaha ki mani shankar aaj ke is faisle ke baad zarur kuch na kuch ulta seedha karega. Maa ki baat se pita ji ne kaha ki aate wakt unki is bare me pratap se baat huyi thi. Un logo ne yahi kaha ki agar hame aisa kuch hone ka andesha hai to wo chaahe to police me iske liye FIR darz karwa sakte hain. Unki is baat se pita ji ab yahi karne ka soch rahe the. Kal wo police thane ja kar FIR darz karwayege. Police thane me mani shankar ki khaasi jaan pahchaan hai is liye is FIR me pratap ki help se seedha upar se order dilwaya jayega.

Kuch der aur is bare me baate huyi uske baad pita ji kheto ki taraf nikal gaye. Unke jane ke baad ham sabne bhi khana pina kiya. Khana kha kar main apne kamre me chala gaya. Sach kahu to ab aisa lag raha tha jaise sir se bahut bada bojh utar gaya ho. Kamre me bed par main let gaya aur apni aankhe band karke aaj ki ghatna ke bare me sochne laga. Sochte sochte pata hi nahi chala ki kab meri aankh lag gayi.

Sote wakt hi mujhe aisa laga jaise koi mere hotho ko bade shaleeke se choom aur choos raha ho. Mujhe ye ahsaas bada hi aanandit kar raha tha...aur fir meri neend toot gayi. Aankhe khuli to dekha ki mere upar koi jhuka hua tha....

Bhai log....
Sorry for late....
Next update post kar diya hai maine....

Read & Enjoy....
Keep Supporting & Stay With....
 

Mr. Pandit

SAB KUCH JAYAZ HAI....
1,764
3,879
144
Bhai jaldi hii is flashback ko khatam kar do janne ki bahut ichha hai ki kaise hai ab oo log 5 sal se to gayab hai dekhte hai aage laut ke aate hai ki nahi
Thanks for your lovely comment...

Next update posted on page no. 34....
Read & Enjoy....
 
Top