SAAJAN
UPDATE*140
Sadhu—tum dhanya ho saajan aur dhanya hai divya ka saajan prem......tum dono ke is nishchal prem ko mera pranam hai....... koi kitna bhi shaktishali kyo na ho jaye..........parantu asli satya to yahi hai.....
‘’Mout Se Bhi Bhala Koi Bacha Hai Aaj Tak’’
End of 6th Janam Love Story
Ab aage………
Divya (jor se)—saajannnnnnnnnn...nahiiii.....
Aur iske sath hi divya jor se chillate huye uth kar baith gayi.....sab vahi paas me hi baithe huye the....divya ke aise chillane se unka dhyanuski taraf gaya
Divya ka poora chehra pasine se bhiga hua tha....ankho se anshuo ki aviral dhara bah rahi thi shayad abhi bhi uske ankho ke samne vahi apne saajan ko bachane ko bachane ki guhar lagane wala drishya drishti gochar ho raha tha
Uska ye sharir to vartaman me hi tha parantu uski atma, uska mann is samay bhi 6th janam ki yado me khoya hua tha
Divya ke hosh me aane se jaha ek taraf sab ko khushi huyi to dusri oor uske aise chillane se sabhi chintit bhi huye
Maa—gudiya...meri bachchi
Nani—tu theek to hai na mahak..beta..
Neha—ha…mahak..bol beta
Lekin vo abhi is samay kuch bolne jaisi avastha me nahi thi….bas chup chap roye ja rahi thi….uska mann to abhi bhi vahi saajan ke mrit sharir ke aas paas bhatak raha tha
Awadhesh—bol beta..kuch….doctor
Maa—neha…raj ko phone kar jaldi se…..ek vahi hai jo ise sahi kar sakta hai
Neha—abhi karti hu didi
Rupali—shukar hai bhagwan ka…..mahak ko hosh to aaya
Sarita—ha…nahi to itni upar se girne ke baad to kisi ka bachna namumkin hi hai…ye bhagwan ki leela hi hai jo unhone raj aur mahak ko sakushal louta diya
Maa—mitali..jaa ek nariyal chadha de kisi mandir me….mere dono bachcho ke vapis aane ki khushi me
Mitali—ji didi
Mitali bahar chali jati hai aur udhar Mai sab ko sath lekar shopping mall aa jata hu…vo apna hi mall tha..to sabhi ne jaise hi hame dekha to shocked rah gaye vajah saf thi ki abhi kuch din pahle hi to vo hamare ghar meri aur divya ki aakasmik mrityu par shok vyakta karne gaye the
Maine sabhi ko shant rahne ko kaha...poora staff chor nazaro se mujhe hi dekh raha tha..ye unke liye ek jhatka hi tha
Maine un sab ko ise ek accidental ghatna kah kar satisfied kiya….tabhi mere mobile me ring hone lagi…
Payal—kiska call hai…?
Mai—neha chachi ka…
Maine chachi se baat ki....unhone mujhe divya ke hosh me aane aur uski current condition ke bare me batakar mujhe jaldi aane ko kaha
Mai—aap sab shopping karo…mai abhi aaya
Ruchi—betu....hame chhod kar kaha ja raha hai.... ?
Mai—vo gudiya ko hosh aa gaya hai.....to chachi ne mujhe usko sambhalne ke liye bulaya hai.. tab tak aap sab shopping karo....ye to apna hi mall hai….mai abhi usko lekar aata hu
Payal—theek hai ja…..par jaldi aana
Mai—ok…
Maine unhe mall me chhod kar turant hospital aa gaya jaha divya abhi bhi kisi se kuch baat nahi kar rahi thi….bas ektak rone ki dhun sawar thi us par aur vahi kar bhi rahi thi
Maa—raj..dekh na ise..kuch bol hi nahi rahi hai…bas roye ja rahi hai…..theek kar na tu use.. mujhe apni bachchi se baat karni hai
Mai—mai aa gaya hu na maa....sab theek ho jayega
Maine divya ke paas jakar use apne sine se laga liya…..mere sine se lagte hi....uska dil joro se dhadakne laga....usne apne saajan ki dil ki dhadkano ko turant pahchan liya
Divya ke dhadakte dil ko apne saajan ki dhadkano ka ehsaas hote hi uska rom rom pulkit ho utha……uske soone pade mann ke aangan me ek baar phir se basant ritu (season) ki bahar aa gayi….divya ka tan mann prafullit ho gaya
Phir bhi usne apne saajan se apna haal-e-dil sunane aur shikayat karne aur usse ruthne ka ye sunahari mouka apne hatho se jane na diya..
Divya (rote huye)—kaha chale gaye the….mujhe is jalim duniya me akeli chhod kar…jane se pahle ye ek baar bhi nahi socha ki mere baad..meri divya ka kya hoga…?..vo kaise jiyegi tum bin…?
Mai—mai to tumhe chhod kar kabhi kahi gaya hi nahi….mai tujhe chhod kar kahi ja hi nahi sakta….jab bhi ankhe band karogi mujhe apne paas hi paogi
Divya—mujhe apni ankhe kholne par bhi apne paas hi chahiye…mujhe aise satane me tumhe na jane koun si khushi milti hai…?
Mai—mai to chaatak pakshi hu jo apni chakor ko bas ek taktaki lagaye dekhta hi rahta hai…is ummid me ki kabhi to uski chakor use ek nazar utha kar dekhegi….yahi uski har roj ki dincharya hai aur yahi uske jinda rahne ki vajah
Udhar raj aur divya deen duniya ko bhul kar apni dil ki duniya me gote lagate huye apas me apna apna haal-e-dil bayan karne me lage huye the to idhar sab log unki aisi premi yugal jaisi bate sun kar hatprabh aur mantra mugdh se hokar rah gaye the
Raj aur divya ki prem bhari goodh bate unke sar ke upar se ja rahi thi….vo yahi soch rahe the ki ye dono bhai bahan premiyo jaisi bate kyo kar rahe hain…?..mamta ko chhod kar..kyon ki vo divya ki oor ki sachchayi kafi had tak janti thi
Chandni (dhire se)—didi..ye dono bhai bahan hain ya laila majnu…..?
Mitali (mushkura ke)—tujhe kya samajh me aata hai…?
Chandni (dhire se)—mujhe to kisi bhi angal se ye bhai bahan lagte hi nahi….dekho na kaisi kaisi bate kar rahe hain dono…..raj ko to bilkul hi sharam naam ki cheez nahi hai….kitna besharam hai…apni bahan ke sath hi flirt….lagta hai poora khandan hi aisa hai…?
Chandni ki ye baat mitali ke dil me gad gayi….chandni ka raj ke liye aisi baat kahne par uske dil me gahri thes lagi
Mitali (dhire se gusse me)—chandni hosh aur apni had me rah kar baat karo…tum janti hi kya ho raj ke bare me…?
Chandni (dhire se - chid kar)—janne ki jarurat bhi nahi hai.....uday aur raj me khoon to ek hi hai na…..akhir khoon ka asar kaha jayega…..aap baar baar raj ka bahut favour karti ho…kahi usne apko bhi to nahi phasa liya na….?….jamin me jinda gaad dungi use kamine ko
Mitali (gusse me)—chandniiiiii…..chattttaaakkkkkk....mera khyal hai ab tumhe hostel chale hi jana chahiye
Jo sabhi abhi tak raj aur divya ki bato me khoye huye the….achanak sab ka dhyan mitali aur chandni ki oor ho gaya
Maa—mitali ….ye kya harkat hai…..?
Mitali—kuch nahi didi….ise hostel jane ki jaldi hai bas…..vahi mai jane ko kah rahi thi isko
Awadhesh—to isme itna gussa karne ki kya jarurat hai…?
Is thappad ki awaz se mera aur divya ka dhyan bhi bhang ho gaya….mai divya ko alag kar unke paas aa gaya….chandni rote huye bahar bhag gayi
Mai—chachi agar vo hamare sath nahi rahna chahti to koi baat nahi hai.....unhe jane dijiye… aap ghar jake unka saman pack kar dijiye aur chachu aap unhe station drop kar dena aur ye lijiye ye mera premium card unko de dena…jisse unko life me koi paiso ki kami na ho
Mitali (mann me)—tumhe uske future ki chinta hai raj jisne abhi abhi tumhare character par kichad uchhalne ki koshish ki….?..mujhe sharam aa rahi hai ki mai uski bahan hu
Awadhesh chachu mitali ke sath ghar nikal gaye aur mai maa se permission lekar divya ke sath mall chala gaya
Vahi ghar jakar chandni ne rote huye apna bag pack karne lagi jaldi jaldi….aur khud se bate bhi karti ja rahi thi…mitali bhi uske piche pahuch gayi
Chandni (rote huye..mann me)—aaj didi ne pahli baar mujhe mara…vo bhi uske liye jiska poora khandan hi ganda hai…..sab mard ek jaise hain….sirf hawas ke pujari….didi bahut tarif karti hain uski lekin vo apni hi sagi bahan ko jab nahi chhoda to mujhe kaha chhodega…kya pata didi ko bhi ab tak…..?..mai ab yaha nahi rahungi
Mitali—to packing ho gayi
Chandni—ha…ok bye..meri train ka time ho gaya hai…mai chalti hu
Mitali—ruk thodi der…awadhesh tujhe chhod denge….bas fresh hokar aa rahe hain…aur ye ATM card…unlimited hai
Chandni—mai mehnat kar ke kama lungi....aur kisi ko chhodne jane ki jarurat nahi hai mai khud chali jaungi ..taxi karke
Mitali—chal rakh ise....kya ab mera koi haq nahi hai tujh par... ?..ha bhai..ab tu badi jo ho gayi hai
Chandni—ok bye...mai chalti hu....apna khyal rakhna aur ho sake to is ghar ke mardo se dur hi rahna.....jiju ko sorry bol dena...bye
Chandni ne card lekar bina ruke bahar nikal gayi..mitali use rukne ka bolti rah gayi kintu usne ansuna kar diya…aur road me pahuch kar taxi me baith ke nikal gayi
Raste me………
Chandni—jaldi chalo……mujhe jaldi pahuchna hai
Driver—bilkul fikar na karab bitiya....tum aram se bayitha seat ma....hum bahutan ko pahuchaya hu....tumka bhi pahucha dunga....hum bahut sharif admi hu
Chandni—ye tum kidhar le ke ja rahe ho... ?..mujhe station jana hai..udhar chalo
Driver—lagta hai hamse balandar mistake huyi gawa….par tum koun hi fikar na kara…hum sab janta hu ..tumka kaha pahuchana hai…..hum bahut sharif admi hu…
Chandni (jor se)—roko…maine kaha roko taxi…mujhe nahi jana tumhari gadi me…pata nahi kaha lekar ja raha hai…suna nahi kya tumne….?
Driver (jor se gana gane lagta hai)—khayi ke pan banaras wala..khul jaye band akal ka tala…phir to aisan kare kamal ki sidhi kar de sabki chal…ki chhora ganga kinare wala..ho..khayi ke pan banaras walaaaa
Chandni (ghabrate huye jor se)—ye pagallllll…..gadi rok…mai kahti hu rokk
Driver (phir se gana….road me ladkiyo ko dekh)—aaja meri gadi me baith ja….aaja meri gadi me baith ja….wrong side jayenge kulfi khayenge kahi rukenge na hum…..khana pina gana bajana sab kuch meri gadi me hoga sanammmmm….
Chandni use rokne ko chillati rahi aur vo taxi driver uski baato ko ansuna karte huye gana gaate gaate taxi doudata raha
Chandni ab bahut ghabra gayi thi….ab usko mitali ki baat na maanne ka afsos ho raha tha.. vo samajh gayi ki vo ab phir se kisi musibat me phans chuki hai
Use apni bewakoofi aur nasamjhi par rona aa gaya....usne ek do phir se himmat karke gadi rokne ko kaha lekin us driver ne to jaise apne kaano me ruyi laga rakhi thi jo kuch bhi sunne ko taiyar hi nahi tha
Ek jagah traffic wale ne taxi rokne ka ishara kiya...chourahe par....to usne gana band karke use rokna pada...taxi rukte hi....
Hawaldar (kanch me danda thokte)—thak..thakkk...glass khol
Driver (gardan bahar nikal)—paay laagi..inspector sahab
Hawaldar (khush hokar)—ha..ha…theek hai..theek hai…tum taxi itni tez kyo bhaga rahe the..?
Chandni ne taxi rukte hi rahat ki saans lete huye jaldi se uska door khol kar bahar nikalne ki koshish ki lekin dono door lock the…to nahi khule
Chandni (hawaldar ko dekh jor se)—mujhe bahar nikalooooo
Hawaldar—ye ladki koun hai….?
Driver (mushkura kar ek 500 ka note uski jeb me daal ke)—hamri joru hai sarkar….chandni naam hai….hihihi
Chandni uske muh se apna naam sun ke chounk gayi….ab use pakka yakin ho gaya ki musibat uske sar par hai…ghar se aakar usne bahut badi galti kar di…..
Hawaldar (khush)—theek hai…chal nikal jaldi
Chandni (jor se)—open it...bastard...bahra hai kya...mai kab se chilla rahi hu
Driver (andar akar)—bas hum ab pahuchan wale hain...chinta na karo….hum barabar pahucha dunga tumko bhi..
Chandni hadbadi me apna phone nikal ke mitali ko call karne lagi ye dekh driver ne uska phone chhuda liya
Driver—hihihi….hamri gadi me phone karna allow nahi hai
Chandni uske samne gidgidati rahi lekin usne apni dhun me taxi chalata raha…
Vahi ek kamsin beintaha khubsurat ek ladki apne bistar me lete huye kisi ki tasveer ko hatho me liye usse bate kar thi….kabhi mushkurati to kabhi udas ho jati
Jab vo mushkurati to aisa lagta ki khubsurat phoolo ki jhadi lag gayi ho aur jab udas ho jati to lagne lagta jaise ki sari kaynat ki dukh dard uske daman me aakar simat gaye ho
Ladki—ab aur kitna intazar karna padega mujhe.....kitni hi sadiya beet gayi isi intazar me ki ab aaoge...ab aaoge....par ab lagta hai ki...kab aaoge...
‘’Tere Libas se Mohabbat ki hai,
Tere Ehsaas se Mohabbat ki hai,
Tu Mere Paas nahi phir bhi,
Maine Teri Yaad se Mohabbat ki hai,
Kabhi Tune bhi Mujhe Yaad kiya hoga,
Maine un Lamho se Mohabbat ki hai,
Jin me ho Sirf Teri aur Meri baate,
Maine un Alfaz se Mohabbat ki hai,
Jo Mahakte ho Teri Mohabbat se,
Maine un Jajbaat se Mohabbat ki hai,
Tujh se Milna to ab Ek khwab lagta hai,
Isliye Maine Tere Intazar se Mohabbat ki hai’’
( Current Update Size : 2205 Words )