If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
UPDATE*134 Love Story Continues..........
Log is hawa se bachne ke liye yaha vaha chhupne lage….Pooja sthal ke paas baithe huye log ud kar dur ja gire…pooja ki jagah par mere alawa kewal chhah (six) log hi rah gaye baki sab ko us andhi ne vaha se utha kar dur phek diya
Logo ke dilo me bhay aur ashcharya ka mahoul vyapt hone laga….Trikal aur uske sath aaye sabhi vaha se udte huye 5 km kshetra ke bahar ek keechad se bhare gaddhe me jakar gire
Aur phir vo hua jiski kisi ne kabhi kalpana tak nahi ki hogi…..
Ab aage……….
Us bhayanak aandhi ne sab ko pooja sthal se uda kar dur fek diya....chahe vo maharani ho ya maharaj ya rajkumar ya phir khud guru ji......shraddhalu gan to pahle se dare huye the vo khud hi ye dekh dur ho gaye vaha se
Vaha par mere alawa Divya, Ratna, Vaishali, Pratigya, aur uss anjan Ladki ne us aandhi se bachne ke liye mujhe kas ke pakad liye.....kewal ek ladka jo vaha se nahi uda vo bhar mujhse kuch duri par yathavat baitha raha
Sab ko vaha se dur fekne ke baad us bhayanak aandhi ka patan ho gaya yakayak….sabne pawan dev ki krodhagni ke shant ho jane se kuch rahat mahsus karne hi lage the ki sab ke dekhte hi dekhte aas maan me ek anant indra dhanush ne apni chhata bikher di
Sabhi graho ka rang satrangi hone laga
Us indra dhanush ki kirno ne sabse pahle samudra me phir hamare paas se bahne wali nadi me pravesh karke use ki saptrangi bana diya
Us ghatna ne Kinare par pani ki satrangi dhara bahne lagi
Samudra ki un bahti satrangi lahro ne Mandir ke samne bane jal kund me ek vishal bhanwar ka nirman kar diya jiska pani saat rango me vibhakt ho gaya
Us jal kund ka indra dhanushi satrangi bhawar dhire dhire vikral roop dharan kar liya aur phir us jal kund me uttpanna huye is bhawar ke madhya se pani ki ek satrangi dhara tezi se upar uth kar sidhe Maa Mahakali ke upar aakar girne lagi aur unka apne indra dhanush ke satrangi Jal se abhishek karne lagi
Mata Rani ka abhishek hone ke sath hi unki pratima me tez prakash prasfurit hone laga.. sab bas ankhe phade is aloukik ghatna ko dekhe ja rahe the
Unke upar se koi saamp bichchhoo bhi hokar gujar jaye to unhe iska bhi pata nahi chalne wala tha itna kho chuke the is ghatna me
Dhire dhire vo prakash jo ki swayam bhi saat rango se nirmit tha itna tivra aur vrihad roop me ho gaya ki logo ko ankhe khole rakh pana atyant dushkar hone laga….sabki ankhe swatah hi band ho gayi
Poori jagah us aloukik mata mahakali ki pratima ke prakash se dedipyaman ho gayi….charo oor sirf roshni hi roshni hi kintu use ankhe khol kar dekh sakne ki kshamta kisi me bhi na thi
Jab us jagah ko us roshni ne apne ghere me le liya tab mata mahakali ke ek hath se roshni nikal kar sidhe mere andar samane lagi…..aur dusre hath se ek roshni nikal ke pratigya me sama gayi
Mere alawa baki sabhi us tez roshni ke prabhav se murchhit ho chuke the ab tak…mata rani ke varad hasto se ashirwad milne ke sath hi aasmaan me bijli joro se chamakne lagi aur phir
Aas maan se hokar us indra dhanush ka satrangi prakash aasmaani bijli ke sath mere upar pad kar andar samane laga…divya ne behoshi ki avastha me bhi mera hath thaam rakha tha jisse bijli ki tarango ka kuch ansh uske sharir me bhi chala gaya
Jisse vo chhat patane lagi lekin mera hath thaame rahne ke karan neel mani ke prabhav se use koi nuksan nahi hua…is ghatna ne divya ko bhi neel mani se jod diya
Kuch der tak vo saat rango ka prakash aur tadit chalak mere andar samane ke baad shant ho gaye…kintu mera sharir un saat rango se chamakna shuru ho gaya
Dhire dhire ye satrangi prakash mere sharir se prakirnit hone laga aur saat rango me vibhakt hokar ek ek rang ka prakash baki ke six logo ke sharir me jakar sama gaya
Divya ke andar Green clour, Ratna-Yellow, Vaishali-Orange, New Ladki-Violet, Pratigya-Red, aur us ladke me indigo colour samahit ho gaya….blue colour mere hi andar raha
Saat rango ke prakash ka mere sharir se prakirnan hone ke baad aas maan me indra dhanush ke rango se susajjit ek dil jaisi aakruti dikhayi dene lagi…
Kuch der tak ye dil ki shakal wali aakruti dikhayi dene ke pashchat vo vilupt ho gayi aur yaha kan kan me phaila mahakali ki murti ka prakash shanaih shanaih vapis unki pratima me jakar vilupt hone laga
Aur tatpashchat sab kuch pahle ki hi bhanti yathavat ho gaya….maine apni ankhe kholi to vaha sab ko behosh avastha me paya siway us ladke ke jo ki mere ankhe kholte hi hosh me aa gaya tha
Mai use bade gaur se dekhne laga….vo mujhe dekh kar mushkuraya aur phir apni jagah se adrishya hokar unicorn ke roop me mere samne aa gaya
Mai—koun ho tum….?
Ladka (phir roop change kar ke)—mujhe apne achche karmo se tumne is janam me paya hai mai unicorn hu
Mai—unicornnn……..lekin tum rahoge kaha…?
Unicorn—mujhe jab bhi yaad karoge mai samne aa jaunga....
Phir vo adrishya hoke mere mere hath me tattoo ke roop me ban gaya…
Unicorn ke jate hi maine divya aur ratna ko hosh me laya aur baki ke upar pani ke chhinte dalne par vo bhi uth baithe
Divya—ye kya chamatkar tha….?..
Ratna—haa….ab dekho aisa lag raha hai jaise ki kuch hua hi na ho yaha…
Vaishali—mera to sir dard kar raha hai….pata nahi kya tha ye…?
Mai—sab theek ho na….?
Ratna—agyant tum behosh nahi huye the kya…?..ufff kitni tez roshni thi…thodi der aur rahti to mai mar hi jati…..phir mere hone wale bachcho ka khyal koun rakhta……?
Vaishali—pagal…jab tu hi mar jati to tere bachche kaha se paida hote baad me….?
Ratna (ghur kar)—mai mari to nahi hu na.. to phir
Pratigya—agyant mera sar bahut dard kar raha hai….mujhe ghar jana hai…
Mai—theek hai...thodi der me chalte hain
Ratna—agyant...ye ladki koun hai... ?...aur tumhare sath kya kar rahi hai.... ?..ise ghar chhodne tum kyo jaoge... ?.....ye ladki tum agyant ko kaise janti ho..... ?
Mai—iska naam pratigya hai....ye mere sath hi rahti hai
Divya—kyaaa..... ?
Ratna—kyaaaa... ?..sath me rahti hai….ye ladki kal se …nahi…nahi…aaj se hi apna boriya bistar samet ke kahi aur dusri jagah dekh apne liye
Pratigya meri oor dekhne lagi ratna ki baat sun kar....maine use shant rahne ka ishara kiya
Mai—ab to ye hamesha mere sath hi rahne wali hai
Ratna—kyooo…?..to mai kaha jaungi…?
Mai—tum bhi mere sath me rahna..
Ratna—kyo.... ?..kya mujhse aur divya bhar se tumhara gujara nahi hoga... ?
Mai—meri maa chup kar....(anjan ladki oor dekh)—aap koun hain... ?
Vo—ji mera naam Minakshi hai....yaha ke raj guru mere pita hain
Mai—ohhhh....tabhi to mai kahu ki itni sundar kanya ko maine pahle kabhi kyo nahi dekha
Ratna—agyannntttt....mai sundar nahi hu kya....jo tum idhar udhar dekh rahe ho
Mai—sharam karo...koi sun lega to kya kahega
Ratna—mai nahi darti kisi se….sab ke samne bolne ko taiyar hu..
Mai—chalo bahut vilamb ho gaya....mujhe maharaj ko uthane do
Maine jakar maharaj aur guru ji ko hosh me laya....dono hosh me aate hi apne aas paas sab ko achet halat me dekh chounk gaye
Maharaj ne maharani aur sushant ko uthaya....kuch hi der me sab achet avastha se bahar aane lage...logo ke dilo me bhay aur is mandir ke prati shraddha dono hi badh gaye the is ghatna se
Maharani—meri dono putri kaha hain.. ?
Mai—dono sakushal hain maharani..
Maharaj—gurudev ye sab kaisi ghatna thi... ?...aaj un mahan sadhu baba ki baat satya ho gayi nishchay hi ye mandir me mata rani ki jagrit pratima hai
Guruji—mai khud bhi nahi janta is ghatna ka mahatmya kya hai... ?..
Mai—maharaj mele ka shubharambh kare
Sushant—pita ji..aap kuch bhi kahe...lekin mujhe lagta hai ye sab us neel mani ke karan hai
Guruji—tumhe aisa kyo laga rajkumar... ?
Sushant—hum sab behosh ho gaye...ye kyo nahi hua... ?..hame us aandhi ne utha kar dur phek diya...yaha tak ki Trikal jaisa maha tantrik bhi us aandhi ke samne pal bhar bhi nahi tik paya kintu isko kuch nahi hua...kyo... ?..ye sab us neel mani ke karan...mujhe vo har haal me chahiye
Maharaj—tum apni seema langh rahe ho rajkumar..
Sushant—mai kuch nahi janta....us mani par mera adhikar hai....us mani ko prapt karke lane ka sujhav pratiyogita me maine hi diya tha….vo sirf meri hai
Maharaj—vo ab agyant ki amanat hai
"Tum sahi kah rahe ho Rajkumar"…….
Ye awaz ne hame piche palat ke dekhne par majbur kar diya….piche se Trikal chala aa raha tha…apni mandali ke sath
Trikal—tum bilkul sahi kah rahe ho rajkumar....ye sab is mani ke hi karan hua hai...is par tumhara hi adhikar hona chahiye
Maharaj—ye aap kya kah rahe hain... ?
Trikal—murkh raja…mujhse bahas karta hai…..mai chahu to ek pal me tere poore rajya ka vinash kar du…aur iske liye mujhe kisi ki sahayta ki jarurat bhi nahi padegi
Mantri 1(kaan me)—rajkumar…yahi sahi mouka hai…badla lene ka….Trikal ki sharan me chale jao..ek vahi hain jo har tarah se mahir hain sab vidhyao me…jao
Sushant—theek hai…mai abhi jata hu
Sushant—aap hi meri kuch madad kijiye baba..
Trikal—avashya mai tumhari madad karunga....
Krur—gurudev meri bhi madad kijiye..
Trikal—hunnnnnn……vo rahi ladki….jao ..utha lo usko….aur ye raha tumhare putra ki ye halat karne wala…agyant
Krur (gusse me)—ise main jinda nahi chhodunga aaj
Trikal—nahi...krur ye mere bade kaam ka admi hai....aur phir isse neel mani bhi to hasil karni hai....rajkumar ke liye
P’asur (dhire se)—ye aap kya kah rahe hain gurudev…?..aapne to mani mujhe dene ka vachan diya tha
Trikal (dhire se)—chup chap dekhta ja…murkh
Krur—aap kis ladki ki baat kar rahe hain gurudev.... ?..vaha to paanch ladkiya hain..
Trikal—vo rahi…jiske hatho me mehndi lagi hai…..agli amavas ko iske dwara hi tumhare putra ka ilaz hoga….jao pakad lo usko
Guruji—vo meri putri hai……..use kuch mat karna…trikal mai apke samne hath jodta hu
Trikal—mere kaam me jo bhi rukawat paida karta hai mai uski janam kundali palat deta hu
Krur singh aur uske admi us ladki ki oor badhne lage….ye dekh kar sabhi bhaybheet ho gayi pratigya bhag kar mere piche aa gayi….yahi kaam bakiyo ne bhi kiya
Krur—kaha bhag kar jayegi mujhse…jao pakad lao use mere paas
Sushant—trikal baba….mujhe mani chahiye…le jao us ladki ko…chahe to do char aur le jao..is agyant ko bhi maar do…mujhe vo mani chahiye
Maharaj—trikal…is bachchi se apki kya dushmani hai…?
Trikal—koi mera bigad bhi kya sakta hai….?..is ladki ki bali dene se durjan phir se theek ho jayega
Minakshi—hame bacha lo agyant ji
Jaise jaise krur singh ke admi minakshi ke paas aane lage ….minakshi darr se mujhse chipakti gayi…tab tak vo paas me aa gaye…unme se ek ne jaise hi apna hath aage badhya minakshi ko pakadne ke liye maine palat ke uski chhati me ek laat rakh di
Mai (jor se)—agar kisi ne ek kadam bhi aage badhaya…to mout uska muqaddar ban jayegi
Krur (chilla kar)—jao…pakad lo…usko
Is baar 15-20 sainik ek sath aage aaye lekin maine palak jhapakte hi talwar se unki gardan alag kar di….ye sab itna jaldi hua ki kisi ko kuch samajh me hi nahi aaya
Mai to unhe apni jagah par hi khade dikhayi de raha tha…lekin unke samne 20 sainiko ke kate sar pade the….jinka khoon meri talwar se tapak raha tha…
Krur (gusse se)—ye sab kaise ho gaya…asambhav…?
Sushant—ye sab us mani ke karan hai….
Trikal—ruk jao krur……ye tumhare bas ka nahi hai……ise to mai hi marunga
Trikal—murkh tu mujhe chunouti deta hai.....trikal ko....ye dekh ab
Trikal ne kuch mantra padh kar meri oor phoonk diya......jisse mere sharir ke charo taraf aag lag agyi…aag lagte hi sabhi mujhse dur ho gaye
Divya—saajannnnn
Ye dekh kar ratna ko gussa aa gaya usne gusse me niche jhuk kar ek bada sa patthar ka tukda utha ke Trikal ki oor apni poori taqat se fek kar maar diya
Patthar sidhe jakar trikal ki ek ankh me ja laga….trikal dard se tadap utha…khoon bahne laga uski ankhe se….
Ratna (gusse me jor se)—tu marega agyant ko...chal maar...lekin pahle mujhse nipat le kutte
P’asur—teri ye mazal....sainiko jakar pakad lo ise…..ise mai apni rakhail ba.....aaaaaaaaaaaa
P’asur ki baat poori hone se pahle hi vo niche jamin par dard se let gaya...hua ye ki jaise hi usne ratna ko apshabd kahna shuru kiya ...mai turant uske paas pahuch ke utha kar niche patak diya
P’asur—tujhe to.....aag lag gayi thi…..tu kaise........aaaaa..
Mai—kabhi suna hai ki aag se aag ko nuksan hote huye.....tera guru kayar hai..kayar..namard hai vo...
P’asur—jao...pakad lo ise….aur in sab ladkiyo ko bhi
Trikal—nahiii…p’asur …ye mera shikar hai……aur ye…ladki…iski to ab nayi janam kundali main banaunga
Trikal ko aise phir se samne dekh sab chounk gaye…kyo ki uski ankh ab bilkul theek ho gayi thi..
Trikal—hahahhaa….pagal ladki…..mai trikal hu …trikal…..ab tum sab ki janam kundali banegi..hahaha
Trikal ne is baar mantra se ek pishach ko uttpann karke meri taraf bhej diya…uski shakal dekhte hi sab darne lage
Usne jaise hi mujhe pakadne ke liye hath badhya…maine speed me uske anginat tukde karke trikal ke paas phek diya
Trikal ye dekh kar mushkurata raha…vo mere upar koi na koi vaar karta raha…aur mai uske har vaar ko nakam karta gaya…lekin uske chehre par shikan tak nahi aayi
Mai hairat karne laga ki mai iske har hamle ko vifal karta ja raha hu phir bhi ye has raha hai mai uski is maya ko samajh hi nahi paya….aur jab tak samjha …tab kafi der ho chuki thi
Vaha se ratna aur minakshi gayab thi…..kisi ko samajh me nahi aaya ki usne ye sab kab aur kaise kiya…?
Mujhe apni is nakami par behad gussa aa gaya aur mai trikal se sidhe do do hath karne ke liye uski taraf daud pada
Maine use marne ke liye jaise hi apna hath aage kiya..tabhi kisi adrishya shakti ne mujhe bandhak bana liya
Mai hil dul tak nahi pa raha tha….dhire dhire meri palake bojhil hone lagi aur main murchhit hokar vahi gir gaya
Trikal—hahaha….Trikal hu main…Trikal….krur jao…sab ko pakad lo…..hahaha…sab ki bali chadhaunga
Krur aur p’asur ke sainik sab aurato ladkiyo aur bachcho ko balo se pakad kar ghasitne lage vaha charo taraf logo ke aantarnad ki dhwani goonjne lagi
Sabhi rote bilakhte huye agyant ko madad ke liye pukarne lage…lekin agyant to khud hi is samay trikal ki maya ka shikar ho gaya tha
P’asur—jao..utha lao is agyant ko bhi
"Vahi rukkk..jaooooo….trikaaaallllllll"….
Sabne udhar dekha to divya poore gusse me hath me trishul liye agyant ke paas khadi thi
Trikal—ohhh…divyaaa……hahaha…..bewkoof ladki….trikal se takrayegi…mujhe maregi…aa..ja…maar mujhe….hahaha
Divya (gusse me)—kisi ne bhi agar mere saajan ko hath lagane ki koshish ki to uska anjam bahut bhayanak hoga
P’asur—jao..pakad lao ise..bhi….ye to vishwa sundari hai….ise apni rani banaunga
Divya (gurrate huye)—divya ko rani banane ke sapne dekhna bhul ja…..mujhe hath lagate hi jal kar rakh ho jayega
Trikal—jao…pakad lo isko….
Char sainik divya ko pakadne uski taraf badhne lage tabhi vaha ek parchhayi ko dekh sab vahi ruk gaye….
Dhire dhire vo parchhayi badi hone lagi…uski dahad se poora jungle, pashu pakshi aur sabhi log thar thara gaye…..sabhi sainik khauf se piche hatne lage…
P’asur—gurudev..ye kya hai…?..
Krur—ye to kisi sher ki parchhayi hai…?..lekin sher to kahi nahi dikh raha… Kintu itni badi parchhayi…ye to badhti hi ja rahi hai
Us sher ki aakruti wali parchhayi ne poori jagah ko gher liya…..aur uska muh niche ki oor aane laga
Trikal—bhago….yaha se…jitna jaldi ho sake…bhago……
Krur—gurudev aap apni shakti se use khatam kar dijiye
Trikal—murkh kise khatam kar du….vo ek parchhayi hai…use kaise khatam karu..
Trikal apni mantra shakti se vaha se gayab ho gaya….sath me p’asur bhi….krur singh aur uske sainik bhagne lage
Tabhi us parchhayi ne apna vishal vikral muh phailakar ek ek karke sab sainiko ko nigal nigal kar khana chalu kar diya…jinke khoon ke chhinte niche girne lage
Vaha bhagdad mach gayi…us aakruti ka muh itna vishal tha ki vo ek baar me 20-20 sainiko ko nigal ke kha rahi thi
Ek ek karke us aakruti ne krur aur p’asur ke sath aaye sabhi sainiko ko apna aahaar bana liya
Ye dekh krur singh bhagne laga apni poori jaan laga kar….lekin tabhi us parchhayi ne ek dahad mari jor se…jise sun kar krur singh vahi dahsat khakar dhadam se gir pada
Uski saanso ki raftar uski sharirik kshamta se kahi adhik tez chal rahi thi…vo bhagte bhagte thak gaya lekin us parchhayi ne uska picha nahi chhoda
Is bar usne ruk kar jaise hi palat ke piche dekha…vaise hi us sher ki parchhayi ne apna muh khol kar uski gardan daboch li
Krur singh ko chillane ka bhi samay nahi mil paya…dhire dhire uska poora sharir us parchhayi ne nigal liya
Dhire dhire vo parchhayi chhoti hoti gayi…..aur phir vo kahi vilupt ho gayi…uske vilupt hote hi sab kuch yathawat ho gaya
Us sher ki parchhayi ke muh se tapakne wale khoon se kuch shabd nirmit ho gaye the