UPDATE*77
Aasmaan me jordar bijli ka kadakna chalu ho gaya…. Log mousam me aaye achanak is badlav se hatprabh se ho gaye..aur apne apne gharo ke andar chale gaye….
Tabhi ek gadi ne Rajgarh ki seema me pravesh kiya……
Ab Aage..........
Ye hamari hi gadi thi.....mousam ka mizaz poora bigad chuka tha....
Ab ye to thahra village area…halanki ye bahut bada gaon hai….adha gaon bilkul city jaisa hai….
Rajgarh ek district hai lekin gaon aur city milakar poore area ko rajgarh ka hi naam diya gaya hai….
Program village area me tha kyon ki Padam Mishra yahi ke nivasi hain……
Abhi ham apni gadi se niche utre hi the ki barish chalu ho gayi aur usi samay pata nahi kaha se hawa ka ek bada sa bawandar udta hua aaya aur ham dono se takrakar shant ho gaya……
Barish bhi band ho gayi….poora mousam kuch seconds me hi saf ho gaya….jaise ki mousam me koi badlav hua hi na ho….sab kuch purva vat ho gaya…..
Sab ek baar phir hairat me pad gaye…..lekin sabse badi hairangi ki baat mousam nahi balki ye thi ki itne kharab mousam me jabki tez barish ho rahi ho tab hawa ka itna tez bawandar uthna tha….
Kyon ki hawa aur pani to ek sath ho sakte hain lekin in dono ke sath bawandar ka banna hairat ki baat hai…
Khair mousam ke yu khul jane se hame bhi khushi huyi… nahi to rukne ki dikkat hoti…..maine gadi apne Power Plant me bane Flat ki or ghuma di….shaam bhi ho gayi thi……
Company flat pahuch kar ham andar room me aa gaye…. Divya abhi bhi kuch soch rahi thi…..
Mai- kaha soch me gum ho gayi Divya…?
(dosto mahak aur divya me confuse mat hona jab mahak mere sath hogi to mai divya hi kahunga baki mahak)
Divya – aapne ek baat par gour kiya….?
Mai- koun si baat... ?
Divya- mousam ki baat...
Mai- bade bade desho me aisi chhoti moti baate hoti rahti hain yaar...just relax
Divya- ye chhoti baat nahi hai....kya ye chhoti baat hai ki hamare rajgarh ki seema me aate hi mousam me badlav aaya....kya ye chhoti baat hai ki hamare gadi se niche aate hi musaladhar barish hone lagi.....kya ye chhoti baat hai ki barish kewal hamare aaspass hi ho rahi thi.......kya itni tez barish me hawa ka itna vishal bawandar ka banna aur hamse takrate hi uska gayab ho jana chhoti baat hai.... jabki sab jante hain ki hawa ka bawandar dhul aur mitti ke kano se banta hai jo ki itni tez barish me possible nahi hai.....aur phir mousam ka theek ho jana...
Divya ki bato me dam to jarur tha...magar kaaran mere dimag se pare tha to maine ignore karna hi sahi jana...
Mai- chhodo ye sab…chalo dinner karte hain phir sote hain…..
Divya-huu....
Phir maine use khana khilaya jo maa ne pack kar diya tha banwa ke.....aaj first time divya ne mujhe apne hatho se khilaya...ghar me payal didi hi khilati thi....
Room me do bed the par vo mere hi sath soyi…..mai bhi aaj din bhar ki bhag doud se thak gaya tha to jaldi hi so gaya…
Aaj ki is raat ki subah kayi zindgiyo me badlav lane vali hai…lekin ye koun janta hai ki aane wale samay ke garbh me kya chhupa hai…?
Divya- saajan tum hamesha mujhe itna tang kyo karte ho
Saajan- tujhe tang nahi karu to kise karu..?chal koi baat nahi abse kisi aur ko dekhta hu…
Divya- dekh mujhe gussa mat dila…tune agar mere alawa kisi aur ki taraf dekha bhi na..to soch lena phir mai kya karungi…?
Saajan- kya meri jaan le logi…ki marogi mujhe….?
Divya- tujhe maar sakti to tu itna bigadta hi nahi....lekin ye hi to majburi hai ki mai tujhe maar nahi sakti.... pyar jo karti hu tujhse...
Saajan- itna pyar karti hai mujhse......
Divya- mai tujhse kitna pyar karti hu...kash tujhe dikha sakti.....bas tu itna samajh le....
"Teri Dhadkan hi Zindagi ka Kissa hai Mera,
Tu Zindagi ka Aham Hissa hai Mera,
Meri Mohabbat Tujhse Sirf Lafzo ki Nahi hai.
Teri Ruh se Ruh Tak ka Rishta hai Mera".....
Saajan- ohhh..Divya...mai sirf majak kar raha tha pagli... tu to sachmuch itni gahrayi me sochne lagi....
Divya- saajan kya ham ek ho payenge.....kya ye duniya hame ek hone degi......kya kabhi koi hamare sachche pyar ko samajh payega..... ?
Saajan- ham jarur ek honge Divya.....agar hamara prem sachcha hai aur usme bilkul lesh matra bhi hawas nahi hai to bhagwan hamari madad karenge....
Divya- agar aisa nahi hua saajan to mai apni jaan de dungi lekin tere alawa is sharir ko kisi aur ko chhune bhi nahi dungi.....phir vo chahe mujhe janam dene wale mere maa baap hi kyo na ho......
Saajan- aisa nahi kahte pagal....mai tujhe kuch nahi hone dunga....chahe hame janam par janam kyo na lena pade ye saajan har janam me sirf Divya ka hi rahega.......
Divya- sach saajan.....mai bhi har janam me sirf aur kewal sirf saajan ki hi rahungi...tan se bhi...mann se bhi aur karm se bhi....
" Bilkul sahi bol rahe ho dono…..lekin tum dono to mujhe bhul hi gaye…..mai bhi to pyar karti hu saajan se"......
Divya- Tummmmm........yaha kyo aayi ho......Pari
Pari- arey bhai abhi to bataya maine.....ki mai bhi saajan se pyar karti hu......hai na saajan
Saajan- dekho pari....jo hua sab bhul jao…..
Pari-hahaha…..bhul jau…..kya kya bhul jau saajan ji ye bhi bata do…..kya ye bhul jau ki meri barbadi ke jimmedar tum ho…..kya ye bhul jau ki mere maa baap ke tum katil ho…meri poori zindgi sareaam barbad karke bhulne ko kah rahe ho…..
Pari- Yaad rakhna saajan ji….tumhare sath sath poore rajgarh ko meri barbadi ka hisab dena hoga….tum dono agar janam pe janam loge to mai bhi lungi…Tumhara pichha to mai saat janam tak nahi chhodungi……
Saajan- Dekho Pari mai pahle bhi kah chuka hu ki mai kewal Divya se pyar karta hu…..
Pari- To phir tumhare saajan ka kya hoga Divya….?
Divya- dekho pari tumhare pita ne saajan ki galti ki saja pahle hi poore rajgarh ko de chuke hain…..
Pari- to kya mai usse phir se pahle jaisi ban jaungi..... mujhe saajan chahiye Divya...
Saajan- ye kabhi nahi hoga……
Pari- Agar ye nahi hoga to phir ye hoga…bacha le apne saajan ko……..ghatchh… ghatch….ghatch …ghatch
Saajan-aaaaaaaaaaaa…..Divyaaaaa….
Divya- aaaaaaaaaaaaaa…….saaaaajjjjjaaannn……….
Aur isi ke sath Raj aur Divya dono ek dusre ka naam chillate huye need se uth kar baith gaye….dono ki saanse tezi se chal rahi thi……
Maine jaise hi Divya ki taraf dekha vo jor se rote huye mujhse lipat gayi….
Divya (rote huye)- ab ham yaha nahi rahenge....subah hi chale jayenge yaha se.....mai is baar Pari ko kuch nahi karne dungi......
Mai to ye sunkar poora hairan ho gaya….iska matlab isne bhi vohi dekha jo maine….abhi tak hairan hi tha ki ek hi sapna dono ko kyo aaya…vo bhi ek sath …kya ye sach hai ya kewal ek bura sapna
Mai- lekin mujhe Pari ka chehra kyo bhul gaya sapna khatam hote hi….
Divya- mujhe bhi yaad nahi aa raha…..ham yaha bilkul nahi rukenge…..ye jagah theek nahi hai…..
Mai-kuch nahi hota bas tum apne program par dhyan do..
Divya- kya jo maine dekha vohi ......
Mai (jhooth)- maine aisa kuch bhi nahi dekha...chalo so jao...
Divya (man me)- jhooth bolna bhi nahi aata....agar vohi sapna nahi dekha jo maine dekha to mujhse pari ka chehra kyo puchha... ?
Next morning mai jaldi uth gaya aur Divya ko bhi uthaya fresh hokar ready ho gaye…
Tabhi peon Break fast le aaya….yaha har facility available thi….dono ne nasta kiya hamesha ki tarah maine hi use khilaya…..
Mai- Chalo aaj tumhe tumhari company walo se introduce kara deta hu....aur tum bhi apni company ghum lo..
Divya- meri company to aapko hi dekhni padegi....
Phir mai Divya lo lekar office aa gaya….MD cabin bahut hi khubsurat tareeke se design kiya hua tha….
Poore Cabin ko Saat Rango se paint kiya hua tha…Sab kuch Special tha cabin me…..
Poore cabin ko Saat Rang ke Behad Sugandhit Phoolo se sajaya gaya tha…Jinki khushbu har taraf phail gayi thi .. maine kal hi nikalne se pahle yaha ke Unit head ko apne aur Divya ke aane ke baare me bata diya tha…vo bhi kal ki party me moujud the…..
Poora Staff hamare swagat me hath me phoolo ke haar liye khade the…..
Head ne sabhi se hame milvaya…. Sabhi company employees se bhi ham mile.....
In sab me kafi waqt gujar gaya to ham sabhi ka dhanyavad kar aaj ke program ke liye nikal gaye……
Raste me mandir dekh kar Divya ne gadi rokne ke liye kaha to maine rok di….
Vo mandir ke andar chali gayi darshan karne…mai bahar hi uska wait karne laga….15 minutes baad vo bahar aayi aur mandir ki sidhi par baith gayi…..
Simple salwar suit me bhi vo sundar lag rahi thi to maine uski kuch photo click kar li……
Phir jane ke liye ham nikal pade…is douran maa ka call aaya to unse ham dono ne baat ki….unse malum hua ki paridhi didi bhi 2-3 din ke liye kahi gayi hain apni company ka kaam dekhne…..
Karyakram sthal company se lagbhag 5 km par tha to jyada time nahi laga hame vaha pahuchne me……
Ham jaise hi vaha pahuchkar car se niche utre to sabhi ki nigahe hamari taraf hi chipak gayi…..
Mai Divya ko lekar program hall ki taraf jane laga..tabhi kisi ne piche se apni besuri taan chhed di…..
‘’Arey guru kya mall hai...ye...aisa piece to poore rajgarh me nahi hai’’…..
‘’ sach me yaar awesome hai…kya figure hai..salwar suit me bhi kayamat hai kayamat…..iske aage to sab fail hain’’
‘’ abe tum log chup raho vo tum logo ki bhabhi hai ab’’
‘’Lekin ye chikna kaanta koun hai is hasin kali ke sath’’
‘’jo bhi ho ham is kaante ko tod kar kali ka ras nichod lenge’’
Mai ruk gaya unki baate sunkar aur palat kar jane laga unki taraf...Divya ne mujhe rokna chaha lekin mai unke pass aa gaya...
Vo 6 ladke the awara kism ke….aksar aise program ki jagah par aa hi jate hain apni ankhe sekne…..
Mai- Ha ji Bhai log aapne mujhe kyo bulaya yaha….
L 1- tujhe kisne bulaya…ham to uss chikni….Tadaaak
Abhi vo itna hi bol paya tha ki maine usse jor se thappad jad diya…vo vahi dher ho gaya…
L2- saale ye tune kya kiya..ab dekh ham tera kya karte hain…
Vo sabji katne wala chaku nikal ke mujhe dhamkane laga …mujhe to hasi aane lagi thi uski harkat par….mujhe hasta dekh vo gussa ho gaya….
L2- saale bahut hasi aa rahi hai tujhe…abhi batata hu..
Vo mujhe maarne ke liye apna chaku wala hath jor se piche khicha aur phir mere pet me maar diya….
Par ye kya mai to vaise ka vaisa hi khada mushkura raha tha…vo kabhi mujhe dekhta kabhi apne chaku ko..jo ki toot gaya tha mere pet se lagte hi….
Usne is baar pet me mukka maara lekin khud hi apna hath thame dard se bilbilata niche baith gaya….
L3 – ajeeb admi hai chaku se bhi majboot....ise to hamara guru hi theek kar sakta hai.....chalo re...aur tujhe to hum dekh lenge….ye ladki to ab hamare hi sath jayegi…
Mai- ruk teri to….
Vo sabhi bhag liye turant….mai unke jate hi Divya ke pass aa gaya…
Divya- kya jarurat thi unse bhidne ki apko…? Agar kuch ho jata to….?
Mai- kutto ke bhonkne se jitna daroge vo utna hi piche aate hain…agar maarne ke liye hath me ek patthar bhi utha lo to vo dur bhag jate hain….aur tumhara bhai bujdil nahi hai….
Mai Divya ke sath andar hall me aa gaya jaha program chalu hi hone ja raha tha jiski announcement ho rahi thi..
Ham dono bhi ek jagah khali chair par jake baith gaye… aur samne stage par dhyan dene lage jaha ek mota admi hath me mike liye kuch bol raha tha….jo shayad program ka prabandhak hoga……
Mota admi- Jaisa ki aap sabhi jante hain ye program ham apne state ke honhar vidhyarthiyo ke samman me maan niya sansad shri Padam Mishra ji ne ayojit kiya hai…. Iske ayojan me state govt. ki bhi purn sahmati mil chuki hai…to mai apka sabka jyada waqt jaya na karte huye is program ko chalu karne ja raha hu….isme sabhi merrit me aaye students ka mai naam leke stage par bulaunga aur unhe apni pratibha ki ek jhalak yaha prastut karna hai…chahe wo geet ho, bhasan ho, dance ho etc…ok lets starts….
Vo mota sabke naam leke pukarta raha merrit wise decending order me…sabhi students apni apni prastuti dete gaye….
Shandar pratibha dikhayi sabhi ne…ant me…
Mota admi- ab mai is karyakram ke akhiri pratibhagi jinhone 99.5% record marks ke sath poore state me top kiya hai…..pls keep big hands to Miss Mahak Thakur… dosto ye ek student ke sath hi Divya Power Ltd. Ki MD bhi hain….
Mahak mujhe gale mil ke stage par jane ke liye uthi maine thumbs up kiya……
Hall me moujud sabhi logo ne khade hokar Taaliyo ke sath Mahak ka swagat kiya…..
Mahak- meri is kamyabi ka credit kewal ek hi admi ko jata hai, jo meri prerana hain…jinhone mujhe kabhi haar maanna nahi sikhaya…aur vo hain mere bhaiya Thakur Raj Kunwar Singh……
Sabhi ne ek baar phir Divya ki baat par taaliya bajayi…
Mahak- mai yaha ek geet ki prastuti dena chahti hu....
Mote admi ne mahak ko mike de diya.....
Mahak- “saajan saajan pukaru galiyo me
saajan saajan pukaru galiyo me
kabhi phulo me dhundu kabhi kaliyo me
saajan saajan pukaru galiyo me
saajan saajan aaha ke, saajan saajan pukaru galiyo me
aise rutha hai bedardi kaha na mane
aise rutha hai bedardi kaha na mane
mere ji ke meri jaan ki kadar na jane
mai usi julmi ke naina mastane
kabhi phulo me dhundu kabhi kaliyo me
saajan saajan pukaru galiyo me
saajan saajan aaha ke, saajan saajan pukaru galiyo me
bulbul samjhe phulo ka hai ye dil mastana
bulbul samjhe phulo ka hai ye dil mastana
bhawre samjhe kaliyo se hai mera yarana
mai to apna rutha saajan diwana
kabhi phulo me dhundu, phulo me dhundu kabhi kaliyo me
saajan saajan pukaru galiyo me
saajan saajan aaha ke, saajan saajan pukaru galiyo me
mujhse kahti hai parwat pe ghata chha chha ke
mujhse kahti hai parwat pe ghata chha chha ke
ho rama hansti hai purab se hawa aa aa ke
wo chhupa hai dil me aur na ja ja ke
kabhi phulo me dhundu, phulo me dhundu kabhi kaliyo me
saajan saajan pukaru galiyo me
saajan saajan aaha ke, saajan saajan pukaru galiyo me”…
mahak ki jadui awaz ne sabko mantra mugdh kar diya mai khud mai nahi rah gaya tha…poori tarah se uski awaz me kho gaya tha…kuch der tak bilkul pindrop silence ke baad jab sab ko geet khatam hone ka abhas hua
To poora hall ek baar phir se jordar taaliyo ki gadgadahat se goonj gaya…..
Saansad Padam Mishra ne stage par aake mahak ko prize dene lage to mahak nahi liya..
Mahak- Sir, is inam ke asli hakdar mere bhaiya hain to pls aap ye prize agar unhe denge to mujhe behad khushi hogi……
Sabhi ne taali bajakar mahak ke soch ki vaahvahi ki…
Mujhe stage par bulaya gaya to mishra ji ne vo prize mujhe diya…..
Mishra ji ne mahak ki bahut tarif ki aur apna ashirwad dene ke liye jaise hi mahak ke sar pe hath rakha vaise hi use itna tez jhatka laga ki vo hall me baithe logo ke upar jake gira……
Sabhi is apratyashit ghatna se ashcharya chakit rah gaye kisi ko kuch samajh nahi aaya ki abhi kya hua aur kaise hua…?
Khair kisi tarah is program ka samapan hua…. Lekin mahak ka naam poore rajgarh me chha gaya kuch hi minutes me…
Abhi mai Divya ko lekar bahar nikla hi tha ki koi aakar mere gale se lipat gaya…….