- 28,992
- 64,235
- 173
SAAJAN
UPDATE- 298
UPDATE- 298
Sab priyadarshini ko abhi bhi hairani se dekh rahe the ki tabhi jaisa usne kaha tha, mamta ko hosh aane laga..ye dekh kar sab ke chehro par chhaye udasi aur dukh ke baadal kuch had tak kam hone lage.
Jabki divya bhairav nath ke sir aur dhad ko bahut samay se apne pairo ke niche dabaye khadi thi…lagatar itni der se uske jism me vidyut pravah hone se uska badan aag ki bhanti tapne laga tha.
Andar hi andar vo kamjor hoti ja rahi thi..aur phir tabhi…
Ab Aage…….
Phir tabhi divya ladkhada kar niche gir padi..uske girte hi bhairav nath uske changul se azad ho gaya….agle hi pal uska sir hawa me uchhala aur jism se jud gaya… judte hi vo ek bar phir se jivit ho kar uth khada hua….uth kar khada gote hi vo jor jor se hasne laga…jisse sab ka dhyan uski taraf gaya aur phir usko aise samne khade aur divya ko niche padi dekh kar unke chehro par hawaiya udne lagi…divya ki halat dekh kar mamta jo bechari abhi hosh me aayi thi uske dil ki dhadkane ghabrahat se tez chalne lagi.
Bhairav nath—hahahahaha…main phir se azad ho gaya….ab dekhta hu tum sab kaise bachte ho…? Bahut pareshan kiya tum sabne…lekin pahle iss divya ka kuch karna padega…
Mamta (ghabrate huye)—nahi meri beti ko kuch nahi karna….koi meri gudiya ko bachao…main payal ko pahle hi kho chuki hu, ab agar gudiya ko kuch hua to main apne bete ko kya muh dikhaungi…? Koi to meri beti ko bacha lo…
Bhairav nath abhi divya ko uthane ke liye juka hi tha ki hath lagate hi use jhatka laga jisse vo door ja gira…lekin usne khade hone ke baad apna hath aage kiya aur agle hi pal divya ke charo taraf hawa ka bawandar banne laga…ye dekh kar veer ka gussa satve aas maan par pahuch gaya….
Veer (gusse me)—bhairav nathhhhhhh….
Veer ne gusse me hosh kho kar daudte huye bhairav nath ko utha kar patak diya…lekin agle hi pal bhairav nath ne kuch aisa kiya ki jiske prabhav se veer ka jism patthar me badalne laga aur dekhte hi dekhte kuch hi samay me vo poora patthar ka ban gaya… ab tak divya ke charo taraf ghumta hua hawa ka vo chakra kafi tez ho chuka tha aur dhire dhire divya ko apni giraft me leta ja raha tha….divya uss chakra se bahar nikalne ke liye chhatpata rahi thi lekin nikal nahi pa rahi thi…ye dekh sab bahut ghabra gaye…
Sab darr aur khauf se jor jor se cheekhne chillane lage…priyadarshini ka gussa ek bar phir se uske upar havi hone laga…aur phir vaha ek divya prakash prakashit hone laga…priyadarshini apne devatva roop me aa chuki thi…uske jism se nikal rahi tez roshni ki vajah se sabhi ki ankhe band ho gayi.
Jabki udhar vo bawandar behad vikral roop dharan karte huye divya ko apne shikanje me le chuka tha….ye dekh priyadarshini ki ankho se kroadh ki jwala nikalne lagi…usne uss bawandar ko shant karne ke liye apne hatho se pani ki tez bouchhar chhodni shuru kar di… lekin ye kya….?
Vo bouchhar bawandar ko shant karne ki jagah ulta usse takarate hi usme hi vileen ho gayi aur bawandar pahle se bhi adhik bhayanak roop me aa gaya….ye dekh usne bhairav nath par prahar karna shuru kar diya magar iss bar bhairav nath adrishya ho gaya…
Mrinal (mann me)—ye to phir se gayab ho gaya…jaldi se divya ko uss bawandar se bahar nikalo nahi to anarth ho jayega..
Priyadarshini (mann me)—lagta hai ki usne bawandar ke aas paas koi atyant taqatwar adrishya suraksha kawach bana rakha hai jiski vajah se meri shaktiya uss bawandar ko shant nahi kar pa rahi hain..
Mrinal (mann me)—to ab kya kare…?
Priyadarshini (mann me)—samajh me nahi aa raha ki kya karu…?
Priyadarshini ne kayi bar koshish ki lekin koi fayda nahi hua to vah nirash ho kar apne poorv roop me aa gayi…roshni band hote hi sab rote huye divya aur veer ki halat dekh dekh kar chillane lage…unki ankho se anshuo ki aviral jal dhara pravahit ho chali thi…jabki sandhya, divya ko iss haal me dekh dekh andar hi andar khush ho rahi thi…halanki ab tak sabhi ko iss roshni ko le kar priyadarshini ke upar sandeh ho gaya tha.
Bhairav nath ek bar phir samne aa gaya…uske samne aate hi bawandar divya ko le kar upar jane laga…ye dekh sab bhairav nath ki taraf tezi se bhage kintu usse pahle hi kisi agyat shakti ne unke pairo ko jakad liya aur vo sab dhadam se vahi gir gaye.
Bhairav nath—hahahahahaha…..sab ke sab maroge….hahahahahaha
Ruchi (rote huye)—meri bahan ko chhod do…chaho to mujhe le jao..par use chhod do….
Mamta (roti huyi)—meri phool jaisi beti ne tumhara kya bigada hai…? Use chhod do…meri jaan le lo…
Kintu kisi ke anshuo ka bhairav nath par koi asar nahi hua…priyadarshini bahut koshish kar rahi thi apne aap ko iss adrishya shakti ke bandhan se chhudane ki lekin nakamyabi hi hath lag rahi thi…bawandar jaise hi kuch aur upar gaya to vaha hawa me hi ek hole ban gaya aur phir vo bawandar divya ko le kar uss hole ke andar samane laga…
Divya uss bawandar ke thapedo ke sath uss hole me samane hi wali thi ki tabhi vo bawandar vapis piche ki taraf palatne laga jaise ki uss hole ka mukh band ho gaya ho aur vo usse takra kar piche fisal gaya ho..ye dekh kar bhairav nath hairan ho gaya..
Bhairav nath (shocked)—ye bawandar hole me poora samane se pahle hi kaise vapis palat gaya…?
Bhairav nath abhi kuch samajh pata ki usse pahle hi vo hawa me udta hua bahut door ja gira…asal me uss hole se vapis aate samay bawandar bhairav nath se takra gaya tha jisse vo door ja gira…usne apne charo taraf ghum kar dekha lekin kuch dikhayi nahi diya…bawandar ko piche hote aur bhairav nath ko aise patakni khate dekh sabhi ashcharya chakit ho gaye…
Bhairav nath (cheekhte huye)—nahi..ye nahi ho sakta….itne shaktishali kawach ko koi nahi tod sakta….kkkk…koun hai yaha…? Main kahta hu ki samne aa jao warna isse bhi buri halat karunga tumhari…main kahta hu…koun hai yahaaaa…?
Bhairav nath ke kahne par bhi koi samne nahi aaya…lekin vo bawandar jarur phir se uss hole ki taraf badhne laga pahle se bhi jyada khatarnak roop ikhtiyar karte huye..kintu anzam phir se vahi hua..uss loop hole ke andar bawandar ka kuch hissa gaya aur phir jaise hi divya ke usme samane ka number aaya to vah phir se band ho gaya…aur takra kar vapis palat gaya.
Vapis palatte hi vo bhairav nath se takraya jisse vo uchhal kar door ja gira….yahi kram tab tak chalta raha jab tak ki dhire dhire vo bawandar uss loop hole me sama sama kar kamjor nahi ho gaya…uss hole me har bar bawandar ka kuch hissa jata aur phir divya ki bari aate hi hole band ho jata…aur phir vapis bhairav nath se takra kar use door phenk deta..aise hi karte karte vo bawandar poori tarah se beasar ho gaya.
Bawandar ke kamjor hote hi vo loop hole bhi gayab ho gaya…ye dekh kar bhairav nath behad hairan tha…uski kuch samajh me hi nahi aaya ki ye sab achanak ho kaise gaya…? Vo ek bar phir se divya ki taraf kuch karne ja raha tha jo ki itni der se bawandar me rahne ke karan behosh ho chuki thi…Aur tabhi kisi adrishya shakti ne bhairav nath ko utha kar niche patak diya…halanki isse usko koi khas nuksan nahi hua..vo phir khada ho gaya..
Bhairav nath (chillate huye)—kkkkk….koun hai yaha…jo bhairav nath se takrane ki jurrat kar raha hai…? Himmat hai to samne aao…..
Bhairav nath ke itna kahte hi vaha ki jamin hilne lagi aur phir dhire dhire ek akriti akaar lene lagi..aur jaise hi vo akriti poori huyi to bhairav nath to kya priyadarshini, mrinal aur sandhya ke bhi rongte khade ho gaye…bakiyo ka to kuch kahna hi kya…sabhi ke dilo me darr aur khauf ki tez lahar daud gayi..uski shakal itni bhayanak thi ki uski taraf kisi se dekha tak nahi ja raha tha.
Mrinal (shocked)—sakhi, ye kya bhayanak aafat hai….?
Piyadarshini—mujhe bhi pata nahi…lekin jo bhi hai bahut bhayanak hai…
Bhairav nath (ghabrate huye)—kkkkk…kkk…koun ho tummm….?
"Y…..A…..M…..R…..A…..J"
Aur phir rahi sahi kasar kisi achche bhale insan ke dil ko bhi dahla dene wali uski bhayanak awaz ne poori kar di…jaise hi uska naam sabke kaano me goonja to sab ke sab buri tarah se dahshat gardi ke andhere me doob gaye….halanki uska chehra to kisi ko dikhayi nahi de raha tha kyon ki uske sir ke baal itne bade bade aur ghane kaale the ki vo sir se le kar jamin tak jhul rahe the unn baalo ne uske chehre ko charo taraf se dhank rakha tha.
Bhairav nath (khauf)—kkk…koun yamraj….? Mere samne se hat ja..shayad tu meri shakti ko nahi janta..? main bhairav nath hu mujhe koi nahi maar sakta…khud yamraj bhi nahi….
Yamraj (bhari awaz)—hahahahaha…aisa koun hai jo yamraj ko nahi janta….? Achcha to tujhe bachne ka ek mouka deta hu.. bacha sakta hai to bacha le khud ko…
Bhairav nath ne apna bada sa muh khol diya aur usme se aag nikalne lagi lekin vo yamraj se takra kar vapis bhairav nath ke muh ke bhitar hi ghus gayi…bhairav nath adrishya hone ki koshish karne laga lekin uski shakti ne kaam karna hi jaise band kar diya tha…ye dekh bhairav nath bahut ghabra gaya aur vaha se bhagne laga…
Yamraj—hahahahaha….bhagggg…aur..tez bhaggg….mujhse bach kar kaha tak bhagega…..hahahahahaha
Aur phir Tabhi yamraj ka hath badhne laga aur usne hath badha kar use pakad kar ghasit liya…bhairav nath jor jor se cheekhne laga…vo yamraj ki pakad se chhutne ke liye hath pair maarne laga…lekin khud ko uski pakad se nahi chhuda pa raha tha…magar tabhi yamraj ne uske ek pair ko apne pair se daba kar dusra pair pakad kar usko beech se cheer diya.
Bhairav nath (cheekhte huye)—aaaaaaaaaaaaaaaaa…….aaaaaaaaaaaaaaa
Bhairav nath ka sharir do tukdo me ho gaya…uske dono tukde ek dusre se phir judne ke liye karib aane lage to ye dekh kar yamraj ne uske aadhe hisse ki gardan pakad kar tod di aur phir apne muh me bhar kar chabane laga…yahi kaam usne dusre sir ke tukde ke sath bhi kiya.
Itne me bhi jab uska dil nahi bhara to usne bhairav nath ka seena apne tez nakhuno se phad diya aur uska dil nikal kar khane laga…jaise hi usne bhairav nath ke dil ko chabana shuru kiya to bhairav nath ke do tukde sharir se khoon ki dhara bahne lagi.. jise yamraj khade khade hi apni lambi jeebh nikal kar jamin se chat chat kar pine laga..
Ye vibhats scene apni ankho ke samne nazar aate hi sab ke dil ki dhadkan band si hone lagi..unke andar itni dahshat aur khauf bhar sama gaya ki vah sab behosh ho kar gir padi…sirf mrinal aur priyadarshini hi behosh nahi huyi kintu unhone bhi apni ankhe band kar li.
Yamraj itne me hi nahi ruka, usne bhairav nath ke poore jism ke chote chote tukde kar ke idhar udhar phenk diya…ab bhairav nath ke jism ke tukde aapas me nahi jud rahe the…ye dekh kar vo jor jor se bhayanak hasi hasne laga..
Yamraj—hahahahahahaha….kitna samjhata hu..par koi samajhta hi nahi…
"Mout Se Bhi Bhala Koi Bacha Hai Aaj Tak."
Bhairav nath ke khatam hote hi yamraj vaha se gayab ho gaya…idhar main jaise hi tilismi kamal hasil karne ke baad uss bargad ke ped ke paas vapis louta to vaha meri mulaqat phir se ussi garud pakshi se ho gayi...unhone mujhe mera swarna pankh vapis de diya.
"Ye tumhara hi hai saajan.....inko tumne apni mehnat aur parakram se hasil kiya tha...isliye inn par sirf tumhara hi adhikar hai.. inn paancho tilismi cheezo ko diye bina ye tilismi dwar nahi khulte aur tum aage nahi badh pate..ab yahi cheeze vapis milte hi tum vapis pichle dwar me pahuch jaoge." uss garud pakshi ne swarna pankh mujhe vapis dete huye kaha.
Aise hi main apni paancho cheeze hasil karte huye janhavi ke paas pahuch gaya aur phir usko lekar vapis uss gufa me aa gaya.. kintu ab uska dwar khula hua tha...vaha moujud sabhi prati roop mujhme vileen ho gaye...jaise hi main uss gufa se bahar aaya to samne ka drishya dekh kar chounk gaya...
Next :- Paridhi Ki Suhag Raat.
amazing update anand bhai,