- 28,992
- 64,235
- 173
SAAJAN
UPDATE- 223
5th Janam Ki Love Story Continues....
UPDATE- 223
5th Janam Ki Love Story Continues....
Kafi der chakkar katne ke baad akhirkar hame uss surang me ek bada sa kamra mila…jisme darwaja laga hua tha…uss darwaje ko kisi suraksha kawach se rakshit kiya gaya tha.
Jaise hi hum uss darwaje ke paas pahuche to uss darwaje me lagi ghanti jor jor se bajne lagi….aur ghanti bajte hi kamre ke charo taraf lal roshni jagmagane lagi…jo ki kuch galat hone ka sanket kar rahi thi…lal rang vaise bhi khatre ka pratik mana jata hai.
Mere kuch samajh me nahi aaya ki ye sab kya chakkar hai…? Abhi main ye sab soch hi raha tha ki tabhi chitra ne jaise hi uss darwaje par hath rakha to vaise hi..
Ab aage.....
Chitra ke uss darwaje par hath rakhte hi vo password mangne laga..jo ki hum dono me se kisi ko bhi pata nahi tha...maine bahut se shabd daal kar prayas kiye kintu koi bhi shabd sateek nahi nikla...hum dono kafi uljhan me aa chuke the.
Chitra—ye to khul hi nahi raha hai...ab kya kare...apni kulhadi se tod du kya ye darwaja.... ?
Jitu—chup kar...tu aur teri kulhadi, apne paas hi rakh...ye tilismi surang hai...teri kulhadi se kuch nahi hone wala, ulta kisi nayi musibat me phansa degi..
Chitra—main aap ko musibat lagti hu... ? apni biwi ko musibat kahte huye aap ko sharam nahi aati... ?
Jitu—huuhh...jabardasti ki biwi kahne se tu meri biwi thodi hi na ban jayegi...tera ye sapna, bas sapna hi rahega..main kisi aur ko chahta hu...
Chitra—haan to kya hua...pahli biwi main aur vo dusri ban jayegi...lekin ab hum dono biwiyo ke alawa kisi teesri ke baare me sochna bhi mat...warna main uski gardan kaat dungi...haaaan...main jhuth kabhi nahi bolti..bataye deti hu..
Jitu—sir se le kar pair tak jhuth hi jhuth ki bani hai...aur kahti hai ki main kabhi jhuth nahi bolti..
Chitra—ab yaha se nikalne ke baad main sidhe mahal me maharani aur maharaj se milne jaungi..
Jitu (chounk kar)—vo kyo... ?
Chitra—kyo ka kya matlab…mahal me ja kar maharaj aur maharani ko apna phoola hua pet dikha kar aap ki kartoot bataungi aur kya.... ?
Jitu (sakpaka kar)—kkk....kyaaaa.... ? magar ye to sarasar jhuth hai..
Chitra—haan to kya hua...jab sidhi ungli se ghee na nikle to ungli tedhi karni hi padti hai...aur vaise bhi ishq aur jung me sab jayaz hai...rahi baat jhuth ki to sab jante hain ki chitra kabhi jhuth nahi bolti...main maharani ko sach sabit kar ke dikhaungi apni baat...aur phir poore gaon wale bhi to mere paksh me gawahi denge jinhone ek akeli jawan ladki ko band kamre ke andar aap ki god me dekha hai...
Jitu (sir me hath rakh)—(mann me)—ye to badi chalu ladki hai….iska kya bharosa, mujhe sahi me hi maa ke samne phansa na de ye…?
Chitra (chipakte huye)—kis soch me doob gaye mere patidev…? Kahi meri chummi lene ka mann to nahi kar raha…? (sharmane ka natak karte huye)…Agar kar raha hai to le lo..main rokungi thodi hi aap ko…aap ki biwi jo thahri…
Jitu (hadbada kar)—ye kya kar rahi hai…? Chal door hat…door hat…(mann me) maine bahut badi galti kar di uss din barish me iske ghar ja kar…na iske ghar jata aur na ye musibat mere gale padti..
Chitra—ye sab gandi baate sochna chhodo…aur iss darwaje ko kholne ke baare me kuch socho…main kahi bhagi nahi ja rahi hu.. baad me jitni chummi chahiye le lena…
Jitu—jab tum kuch sochne dogi tab na sochunga…itni der se dimag ka dahi jamaye padi hai…
Chitra (gale lag kar)—itna pyar karte ho mujhse....
Jitu—arey chup...chhod mujhe..aur kuch sochne de...
Chitra—haa..haan, to socho na..main to kab se bole ja rahi hu...magar aap hi ho ki itni der se meri chummi lene ke piche pade huye ho...jaldi se socho kuch...
Maine ek bar ghur kar chitra ki taraf dekha to usne mushkura kar ankh maar di..maine jaldi se uski taraf se dhyan hata kar paasword ke baare me sochne laga...kuch aur shabd bhi maine try kiye lekin koi bhi paasword sahi nahi nikla..tabhi mujhe marte marte mukhiya ke dwara kahe gaye antim shabd ‘saajan’ yaad aaya to main darwaje par lage screen par ye shabd type kar diya...
Saajan shabd likhte hi agle hi pal hi darwaja khul gaya….ye dekh kar chitra khushi se uchhalte huye phir se mere gale me jhul gayi aur jaldi jaldi usne teen chaar chumban le liye mere gaal aur hoth ke..ye sab itna akasmat hua ki mujhe kuch samajhne ka mouka hi nahi mila....jaise ki vo bas kisi aise hi mouke ki talash me thi.
Maine chitra ko apne se thoda alag kar ke darwaje ke andar dekha to vaha sirf andhera hi andhera dikhayi diya...main darwaje ke andar jane laga to chitra phir se jaldi se kood kar meri god me chadh gayi...shayad vo darr rahi thi.
Jitu—ye kya hai...chalo utro niche... ? mujhe ghoda samajh rakha hai kya ..jab dekho uchhal kar mere upar chadh jati ho... ?
Chitra—apni biwi ko aise me akeli chhod kar jane se paap lagta hai...aur vaise bhi main aap ki ardhangani hu...abhi main aap ke upar chadh rahi hu..baad me aap bhi to uchhal uchhal kar mere upar chadhoge na...to hisab barabar ho jayega..samajh gaye aap.. ?
Jitu—tumse baat karna to deewar me apna sir patakne jaisa hai..
Main phir se chitra se baato me ulajhna nahi chahta tha isliye vaisi hi avastha me darwaje ke andar pravesh kar gaya..andar ghuste hi jaise chamatkar hi ho gaya…darwaje ke bhitar jo ghanghor andhera chhaya hua tha achanak hi vaha charo taraf tez roshni jagmagane lagi…poora kamra roshni se bhar gaya.
Darwaje ke bhitar ghuste hi hum kisi alag hi duniya me pahuch chuke the…maine kamre me har taraf nazre daudayi to vaha mujhe kamre ke andar ek chota kamra aur dikhayi diya.
Main chitra ko apni kamar ke latkaye huye hi uss chote kamre me ghusa to vaha kaanch ke chote chote bartano me kuch taral padarth rakhe huye dikhayi diye…aur uske sath janwaro ki laash aur ek kone me manav ka sharir pada tha jiska sir nahi tha aur dusri taraf janwar ki laash jiska ki dhad nahi tha..ye sab dekh kar chitra cheekhne hi wali thi ki maine uska muh band kar ke shant rahne ka ishara kiya…jabki hairan to khud main bhi tha.
Maine ek kaanch ke bartan ko dhakka diya to vah gir kar toot gaya jisse usme bhara hua taral padharth vaha bahne laga… aur tabhi uss kamre me kisi ki bhari bharkam awaz goonj uthi.
Uss kamre me kisi ki awaz sunte hi hum chounk gaye..main har taraf ghum kar dekhne laga ki ye kis ki awaz hai magar koi nazar nahi aaya…maine turant talwar apne hath me majbooti se pakad kar kisi akasmik khatre se nipatne ke liye savdhan ho gaya.
Jitu (hairan)—koun hai yaha….samne aao….?
‘’Hahahahahaaha......hahahahahaha......hahahahahaha’’ mere sawal ke jawab me kisi ke jor jor se hasne ki awaz aayi.
Bhayanak hasi ki awaz sunte hi chitra ghabra gayi aur meri god se utar kar bahar bhagne lagi magar uske piche mudte hi darwaja dhadam se band ho gaya...aur vaha par rakhe kaanch ek ek kar ke tootne lage..aur phir ekdam se andhera chha gaya....hum ab uss kamre me phans chuke the...vo vapis aa kar meri god me chadh gayi jaldi se.
Jitu—tum jo bhi ho...samne aao.
Andhere me ab kuch bhi nazar nahi aa raha tha..ki tabhi phir se ek chamatkar hua...hamare samne na jane kaha se ek darwaja aa gaya jisme se ki bahut tez roshni aa rahi thi...uss roshni ke karan hamari ankhe chakachoundh hone lagi..tabhi ek bar phir se vahi awaz goonjne lagi.
‘’Main iss tilismi darwaje ka rakshak hu...agar tum iss darwaje ke andar pravesh karna chahte ho to tumhe meri teen paheliyo ke jawab sahi sahi dene padenge.’’ Iss baar jor jor se hasne ki bajaay usne apna parichay dete huye kaha.
Chitra—hame koi jawab nahi dena aur na hi uss kamre me jana hai…bas hum yaha se bahar jana chahte hain..samjhe..
‘’Iss tilismi kamre me pravesh karne ke baad sirf aage badha ja sakta hai..piche jane ka rasta band ho chuka hai.’’ Usne chitra ki baat ka jawab diya.
Chitra—aise kaise nahi khulega bahar jane ka rasta…tu ek bar samne aa to main teri gardan kaat dungi apni kulhadi se..
‘’Hahahahahaha…..haahahahahahaha…..jaldi bolo…tumhe meri shart manzur hai ya nahi…? ya phir yahi marne ka irada hai..?’’ usne aage kaha.
Jitu—theek hai..mujhe manzur hai...tum sawal pucho..
‘’Ek baat aur bata du tumhe ki agar tum logo ne paheli ka jawab galat diya to tum dono me se kisi ek ko apni jaan gawani padegi….jawab dene ka sirf ek hi mouka milega’’ usne chetavani dete huye kaha.
Chitra (ghabra kar)—ye kaisi ajib shart hai…? Yuvraj, mujhe abhi marna nahi hai…mujhe to abhi tumhare bahut saare bachcho ki maa banna hai ..bahut soch samajh kar hi jawab dena..
Jitu—ab tum mera dimag mat chato yaar…bhai tum paheli pucho…
‘’Theek hai..ye raha pahla sawal…’’ usne sawal puchte huye kaha.
‘’Baap Bhi Kahe Mama, Maa Bhi Kahe Mama, Mama Bhi Kahe Mama Aur Mami Bhi Kahe Mama.’’
awesome update anand bhai,