- 28,992
- 64,235
- 173
SAAJAN
UPDATE- 278
UPDATE- 278
Usne darte huye apni nazar ko kamre ke charo taraf ghuma kar dekha magar kahi koi bhi nazar nahi aaya…uske hath pair darr aur khauf ke karan thar tharane lage the…uska dil kar raha tha ki vo jor jor se chilla kar bahar khade sainiko ko madad ke liye andar bula le kintu uski juban hi sath nahi de rahi thi..shabd gale se bahar nikal hi nahi pa rahe the..
Senapati (kampte huye, awaz gale ke andar hi)—kkkkkk….koun…haiiiiii…..?
Senapati abhi aage kuch aur soch ya kah pata ki usse pahle hi kisi ne usko pakad kar upar khich liya aur jaise hi uski nazar upar ko huyi to dekhte hi uski ruh kaamp uthi….
Ab Aage……
Senapati ke kuch aage kah pane se pahle hi kisi ne usko gardan se pakad kar upar ki taraf achanak khich liya…ye sab itna jaldi hua ki usko kuch dekhne ya samajhne ka samay hi nahi mila…gardan buri tarah se daboche jane ke karan usko saans lene me dikkat pesh aane lagi to usne jaise hi apni nazar upar ki taraf ghumayi to dekhte hi uski ruh kaamp gayi.
Upar jhumar par chipke huye bhayanak shakhs ko dekh kar senapati ki haalat kharab ho gayi….uss shakhs ka poora chehra baalo se dhanka hua tha….use apni mout samne nazar aane lagi…uska poora jism darr ki vajah se thar thar kaampne laga.
Senapati (kaampte huye)—kkkkk….koun hoooo….tummmm…..? maine…. tumhara…..kya….bigada…hai….? mujhe….chhod..do..
Lekin uss shakhs ne senapati ki baat ka jawab dene ki jagah apne bade bade nukile nakhun uski gardan ke aar paar kar diye aur phir ek jhatke me hi uski gardan uske jism se ukhad liya jisse baki ka hissa dhadam se niche gir gaya…ek jor dar cheekh se poora bhavan goonj utha…kintu uski ye cheekh bhavan ke andar hi dafan ho kar rah gayi…uska jism kuch der tadapta raha aur phir shant ho gaya…..usne senapati ke sir ko jhumar me hi taang diya….kamre me khoon hi khoon phail chuka tha.
Shakhs (bhayanak bhari awaz me)—hahahahahaahaha…..
“Mout Se Bhi Bhala Koi Bacha Hai Aaj Tak.”
Vo bhayanak shakhs vaha se gayab ho kar mahal me aa gaya...aur phir dhire dhire uska roop badalne laga...lekin ye kya,.. ? ye to sandhya hai....mahal me pahuch kar vo sidhe apne kaksh me chali gayi aur bistar me let gayi.
Sandhya (mann me)—saajan, sirf mera shikar hai...use mout kewal main hi dungi....mere alawa jo bhi saajan ko maarne ki koshish karega, uska yahi anzaam hoga...maregi vo rajkumari janhavi bhi maregi....saajan sirf mera hai...phir chahe uski zindagi ho ya chahe mout...saajan kizindagi aur mout par sirf mera adhikar hai.
Phir ye sab sochte huye vo so gayi...agle din jab meri neend khuli to mahal me kafi dahshat ka mahoul tha….hum sabhi apni apni dincharya se nivratt ho kar naste ki table par aa gaye jaha sabhi hamara intazar kar rahe the...unke chehro par ghor nirasha ke baadal chhaye huye the.
Maharaj—aaiye saajan, hum aap ka hi intazar kar rahe the..
Raj—dhanyawad maharaj, kintu aap ke mukh mandal par ye nirasha ke bhaav kyo dikh rahe hain…? Agar aap uchit samjhe to bina jhijhak bata sakte hain..
Maharaj—kya batau saajan…? Hamare senapati ki badi hi nirmam hatya kar di gayi hai…
Sab (shocked)—kyaaaaaaa….?
Raj (hairan)—lekin kab…? Kal to vah bilkul swasth dikh rahe the…
Maharaj—abhi kuch samay pahle hi sainiko ne suchna di hai ki raat me vo apne bhavan me vishram kar rahe the…aaj subah jab senapati apne bhavan se bahar nahi nikla to sainiko ne unhe uthane ke uddeshya se andar gaye jaha unko mrit paya gaya..kisi ne badi hi nirdayta se senapati ka sir kaat kar usko jhumar par latka diya.
Raj—koun kar sakta hai aisa…?
Maharaj—rajya me sabhi senapati se darte the...kisi me bhi itni himmat nahi ki vah uski hatya karne ki soch bhi sake..
Maine ek nazar veer ki taraf dekha to usne mera aashay samajhte huye na me gardan hila di.. phir maine mrinal aur payal didi ki taraf dekha..lekin unhone bhi na me gardan hila di.
Raj—kahi apka shaq hamare upar to nahi hai, maharaj.... ?
Maharaj—nahi saajan, aapke upar mera koi sandeh nahi hai..kyon ki jaha tak saajan ko jitna main janta hu, vo senapati ko khule aam maarta, na ki raat ke andhere me chori chhupe...
Hum nasta karne ke pashchat apne room me aa gaya...mere piche sabhi aa gaye...senapati ki hatya se vo sab bhi hairan thi.. sab ke mann me payal didi ke prati hi doubt tha.
Payal—hihihi…chalo achcha hi hua ki sala harami marr gaya…nahi to main khud hi maar deti usko..
Veer—lekin ek baat samajh me nahi aayi yaar ki senapati ko na maine mara, na payal didi ne to phir mara kisne..? kahi yamraj to…?
Raj—jo bhi hua theek hi hua..khair chhodo uss baat ko…mujhe aaj nikalna bhi hai vrihadpur ke liye..
Payal (ghur kar)—‘mujhe nikalna hai’ se kya matlab hai tera…?
Raj—mera matlab ye hai ki main vaha akela hi jaunga…baki sab yaha mahal me rukoge..
Divya—nahi…aisa hargij nahi ho sakta…main to jaungi hi jaungi…
Payal—main bhi chalungi tere sath…tujhe akele to chhod hi nahi sakti main.. tera kya bharosa, rajkumari ko dekhte hi kahi uss kalmuhi se vahi shadi na kar le tu…agar tune socha bhi na aisa vaisa kuch to …main uski gardan hi kaat dungi..
Sandhya—didi, main bhi apki baat se sahmat hu..
Mamta—dekh beta, hum bhi tere sath hi jayenge…ye mera akhiri faisla hai..
Raj—maa, vaha bahut khatra hai..
Paridhi—lekin qile ka tilism to toot gaya hai na, phir ab kaisa khatra... ?
Raj—asli khatra to ab hi hai…maine kaha bhi to tha ki sirf tilism ka kuch hissa hi toota hai isliye hi maine uss murti ko ussi khandit avastha me chhod kar aaya tha vaha jisse ki koi shakti vaha se bahar na nikal sake aur na hi koi andar ja sake.
Veer—dekh raj, tune mujhse pahle hi bahut kuch chhupaya hai..ab aur nahi…main teri koi baat nahi sunne wala ab ki baar…
Ruchi—veer theek bol raha hai…
Raj—lekin yaar, main aap sab ki jaan ko khatre me nahi daal sakta…
Mamta—to kya mere faisle ki koi value nahi rahi teri nazar me ab beta... ?
Raj—maa, aisa mat bolo...apka faisla sir ankho par...theek hai jaisi aap sab ki marzi...
Avni—lekin mummy aur nani ka kya karenge... ? kya inhe le jana theek rahega... ?
Payal—karna kya hai...ye kulhadi hai na... ? dono ka raam naam satya hai aaj kar hi deti hu....jab dekho ye dono budhiya beech me taang ghusane chali aati hain..
Payal didi ne gusse me dono ko maarne ke liye kulhadi upar ki hi thi ki maine unko pakad liya aur aisa karne se mana kiya..payal didi ki harkat se sabhi darr hi gaye the..khas kar vidya aur nani to dahshat me hi aa gayi thi.
Raj—hum inhe yahi mahal me maharaj aur maharani ki dekh rekh me chhod jayenge...inka vaha jana bilkul bhi uchit nahi hoga.
Madhu—haan, ye theek rahega..
Raj—chalo pahle maharaj aur maharani se jane ki permission to le le.
Sab chalne ke liye ready hone lagi...maharani ne sabhi ko pahanne ke liye sundar sundar aabhusan aur kapde diye the.
Priyadarshini--divya, tum taiyar nahi ho rahi ho...? tumne to koi shringar hi nahi kiya, kyo...?
Divya--mera asli shringar to mera saajan hai...ye nakli shringar kar ke main kya karungi...meri iss kratrim shringar me koi ruchi nahi hai.
Sab saj bhaj kar mere paas aa gayi...sirf divya bhar ne koi shringar nahi kiya tha...lekin iske bavjud bhi vo sab par bhari thi...Uske baad hum sab maharaj aur maharani se milne unke kaksh me aa gaye aur unse jane ki ijajat mangi.. sath me unhe vidya aur nani ki suraksha ka dayitva bhi sounp diya.
Maharaj—agar aap kuch din aur rukte to achcha rahta...main aaj hi apka rajyabhishek karne ki soch raha tha..
Raj—maharaj, mujhe rajkumari aur iss rajya se ab tak gayab huye logo ko mukt karana hai...main to iss samay ye bhi nahi janta ki unme se koun koun jivit hoga... ? phir vrihadpur ko bhi to punah abaad karna hai..isliye mujhe jane ki anumati dijiye..
Maharani (bhavuk)—meri putri zinda to hogi na saajan... ?
Raj—maharani, main abhi iss vishay me kuch bhi kahne me asmarth hu…kintu agar rajkumari janhavi jivit huyi to main unhe avashya hi aapke paas le kar loutunga.
Maharaj—theek hai saajan…main apke vrihadpur jane ka intazam kiye deta hu jisse aap sab ko vaha tak pahuchne me kisi bhi asuvidha ka samna na karna pade…
Maharani—aap inn dono ki tanik bhi chinta na kare, aaj se ye iss raj pariwar ka hissa ban kar yaha rahengi..
Raj—aap dono ka koti koti dhanyawad.
Uske baad maharaj ne hamare vrihadpur jane ke liye rath aadi ki vyavastha kar di…hum pahle ki bhanti hi unn par sawar ho kar mahal se apne agle lakshya ki taraf prasthan kar chale….vrihadpur ki seema tak pahuchte pahuchte shaam ho chali thi…maine sab ko vahi utar kar unn ratho ko vapis bhej diya.
Kajal—inhe yahi se kyo vapis bhej diya…kya hum vrihadpur pahuch gaye…?
Divya—ye vrihadpur ki seema hai…thoda aage chalne par vrihadpur rajya ki seema shuru ho jayegi..
Chandni—lekin yaha to door door tak koi gaon ya ghar ya city nahi dikh rahi hai..
Chanchal—city ya gaon to bahut door, koi admi yaha tak ki pashu pakshi bhi nazar nahi aa rahe hain…bas aag me jale huye pedo ke alawa kuch dikh hi nahi raha hai..
Roopaly—mujhe to abhi se hi darr lagne laga hai..
Raj—chalo aage chalte hain…samay barbad mat karo…yaha kabhi bhi kuch bhi ho sakta hai..isliye apne charo taraf dhyan rakhna..
Hum aage badhte huye vrihadpur ki seema me pravesh kar gaye…hamare seema ke andar aate hi mousam ne bhi apna rang badalna shuru kar diya…chalte huye hum uss gaon ke karib pahuch gaye jaha pahle bhi aa chuke the….
Shaam dhal rahi thi…aas maan poora kala pad chuka tha…jaise kisi ne kaale rang ki shishi udel di ho…shayad barish bhi aane ko bekarar thi…Dekhte hi dekhte ghane aur kaale baadlo ne gaon ko apni agosh me le liya tha...shaam ke samay hi aisa prateet ho raha tha ki maano raat ke kaale saaye ne dastak de di ho…barsat bhi prarambh ho chuki thi.
Sab ke mann me darr ne ghar banana shuru kar diya tha…har pal unhe aisa lagta jaise ki koi unke piche piche chal raha ho..par palat kar dekhne par siway andhere ke kuch nahi dikhyi deta tha.
Mamta—ye barish kaha se aa gayi achanak…?
Mitaly—ha raj, pahle iss barish se bachne ka intazam kar...nahi to hum sab vaise hi thand me marr jayengi
Divya—yaha kahi bhi rukna khatre se khali nahi hai..
Geeta—badi hi manhoos jagah hai ye..
Main unki baato ko ignore karte huye aage badhta raha…tabhi thodi door chalne par kahi door se roshni aati dikhi to hum jaldi jaldi kadam badhane lage….
Thoda nazdik ja kar dekha to ek khule makan me lalten jal rahi thi aur ussi se ye roshni aa rahi thi…andar se kuch ajib si gandh aa rahi thi aur ajib si chap chap ki awaz bhi.
Soniya—yaha kaha chhupenge…ye to poora makan hi open hai…?
Ruchi—itni barish aur hawa me bhi lalten jal rahi hai…kitni hairani ki baat hai…?
Avdhesh—chahe jo bhi ho, par barish se bachne ke liye kahi chhupna to padega hi…to yahi sahi..
Mrinal—yaha badbu kitni aa rahi hai…? (veer ki taraf dekh kar)…ye chota balatkari, kahi ye gandi hawa tu to nahi phaila raha hai…?
Veer—chup kar pagal…kuch bhi bina soche bol deti hai..
Abhi ye sab baate kar hi rahe the ki tabhi andar se kuch khatpat ki awaz aayi aur phir achanak…..
(2185 Words)
Last edited:
