- 17,679
- 60,240
- 244
Fantasy Pyaar Ya Nafrat ( Completed)
- Thread starterJaguaar
- Start date
- 1,834,572
mashish
BHARAT
- 8,032
- 25,905
- 203
- 17,679
- 60,240
- 244
Update 28
Idher Ritika jab ghar pahonchti hai toh uski aankhe nam thi. Yeh dekh kar uski maa ghabra jaati hai.
Ritika ki Maa: Ritika kya baat hai tum ro kyo rahi ho. Kisine kuch kaha kya.
Ritika: Nhi maa. Kisine kuch nhi kaha bas aankh mein khachra chala gaya hai.
Ritika ki Maa: Teri maa hu main tujhe dekh kar hi samaj aaraha hai tu ro rahi hai chal bata kyaa baat hai main toh teri friend hu naa bata.
Ritika se aur sabra nhi hota woh apni maa ke gale lag ke rone lagti hai. Aur bolti hai Maa woh kisi aur se pyaar karta hai pahle baar kisi ko dekh kar pyaar wali feeling aayi kal saari raat woh hi sapno mein aaya aur aaj pata chala woh pahle se hi kisi se pyaar karta hai. Yeh bol woh aur rone lagti hai.
Ritika ki Maa: Chup hojaa beta aur mujhe puri baat bata aakhir kaun hai woh aur tujhe kaha mila aur kaise pyaar kar baithi usse.
Phir Ritika apni maa ko sab kuch batati hai jo bhi uske saath kal aur aaj hua.
Ritika Ki Maa: Tere saath kal itna kuch hua aur tune humhe bataya bhi nhi.
Ritika: Sorry maa par main yeh baat bolke aapko aur dad ko tension nhi dena chahti thi.
Ritika ki Maa: Aree agar tere saath agar kal kuch hojaata toh agar woh Aryan kal time pe waha nhi aata toh.
Ritika: Sorry maa. Par kal uske saath woh 1 ghanta spend karke mujhe usse pyaar wali feeling aayi aur aaj mera pyaar adhoora reh gaya.
Ritika ki Maa: Dekh beta isme galti teri bhi hai tune usko ek nazar mein hi apna dil de diya bina uske baare mein kuch jaane. Aur jaisa tune bataya woh uss ladki se pichle 1 saal se pyaar karta hai toh isme tu kya kar sakti hai. Main toh kahungi tu usse bhul jaa. Abhi puri life hai koi aur usse achha mil jayega.
Ritika: Par main usse pyaar kargayi maa. Aur mujhe bahot takleef horahi hai. Par main koshish karungi usko bhulne ki. Aur woh toh roj mere saamne bhi aayega. Par phir bhi main koshish karungi.
Ritika ki Maa: Chal ab rona nhi aur jaake fresh hoke aaram kar.
Ritika apne room mein aajati hai. Aur akele mein bolne lagti hai.
Ritika: Aakhir kyo mujhe tumse pahli nazar mein hi pyaar hua. Kyo. Aur hua toh hua tumne kyo kisi aur se pyaar kiya. Kyo Aryan kyo. Yeh bol woh phir Rone lagi. Nhi main tumhe bhul jaungi. Nhi karungi tumse pyaar aur kabhi yeh nhi pata chalne dungi ke main tumse pyaar karti hu. Phir apna rona band kar woh fresh hone chali jaati hai.
Idher Aryan aur Meera ghar aate hai. Meera ka mood aaj thoda off tha. Aryan ne usse bahot puchha but usne kuch naa kaha. Woh chup hi rahi. Aryan ghar aake thoda rest karta hai tab usko Harish ka call aata hai woh usse milne ke liye bulate hai usi ghar mein.
Toh Aryan waha unse milne chala jaata hai. Idher Meera ko bahot bura lagta hai usne bewajah Aryan pe gussa kiya woh usko call karti hai toh uska phone switch off aaraha hota hai jisse usse lagta hai Aryan usse naraz hogya. Jisse ek pal ke liye uski aankho mein aansu aajate hai.
Raat ko Aryan jab ghar aata hai aur apna mobile on karta hai toh waha pe Meera ke bahot saare sorry ke msg aur calls the.
Woh jhatt se usse call karta hai Meera phone ke paas hi thi usne 1st ring mein hi utha liya.
Meera: Sorry Aryan please tum naraz mat hona. Galti meri hai maine bewajah gussa kiya aur tumko kuch bola bhi nhi. Please mujhe maaf kardo.
Aryan: Aree Meera kya huaa aise kyo bol rahi ho aur main kyo tumse naraz hounga. Aur tum gussa kyo thi yeh toh mujhe batao.
Meera: Toh tumhara phone kyo off thaa mujhe laga mere aisa karne se tum naraz hogye aur apna phone switch off kardiya.
Aryan: Aree pagal main Harish Uncle ke paas tha isiliye off thaa. Chalo ab batao aakhir baat kya hai tum college se hi aise kyo kar rahi ho.
Meera: Woh woh Ritika ki wajah se. Mujhe usse darr hai kahi woh mujhe tumse alag naa karde. Aaj woh jis tarah tumse canteen mein chipak rahi thi usse mujhe yeh darr lag raha tha aur woh jiss tarah tumhe pyaar se ghurr rahi thi.
Aryan: Aree meri pagal Meera yeh sab bas tumhara veham hai. Maine uski izaat bachayi isiliye woh thoda jyaada close hogyi aur koi mujhe tumse alag nhi kar payega. Tum Meri Rooh mein basi ho. Tum chinta mat karo.
Meera: Pata nhi Aryan mujhe usse ek alag hi vibes aarahi hai. Aisa lag raha hai jaise yehi woh hai jisse humare saath hona hai.
Aryan: Dekho Meera isme main kuch nhi keh sakta. Agar isko hi woh hona hai toh yeh tumhara faisla hoga. Aur ek hi din mein aisa sochna yeh galat hai.
Meera: Hosakta hai main kuch jyaada hi soch rahi hu.
Aryan: Haa. Tum sochna choro aur so jao. Kal college mein milte hai.
Meera: Okk good night.
Aryan: Good night.
Phir yehlog so jaate hai. Udher Ritika abhi bhi Aryan ko leke hi soch rahi thi. Woh chah kar bhi apna dhyaan kahi aur nhi laga paa rahi thi. Tabhi uske dad uske room mein aate hai.
Ritika ke dad: Kya baat hai meri bachhi itni udaas kyo hai.
Ritika: Kuch nhi dad bas aise hi aap kaise hai.
Ritika ke dad: Ab jab meri bachhi aise udaas hai toh main kaisa hosakta hu. Mujhe tumhari mom ne sab bataya hai kya hua hai. Dekho beta main bhi yehi kahunga usse bhul jao. Hosakta hai yeh sirf ek attraction ho.
Ritika: Pata nhi dad yeh attraction hai ya pyaar par main usse bhul nhi paa rahi hu. Maine apna dhyaan usse hatane ki bahot koshish ki but hata hi nhi paa rahi hu.
Ritika ke dad: Mujhe apni bachhi ko aise udaas dekhna achha nhi lagta. Tum agar aise dukhi rahogi toh kaise chalega.
Ritika: Sorry dad. Par main jald hi thik hojaungi. Aap tension naa le main Raghav Singh ki beti hu koi mujhe jyaada dukhi nhi kar sakta.
Raghav: Thats my girl. Chalo ab jyaada mat socho aur so jao kal college jaana hai naa.
Ritika college ka naam sunke wapas sad hojaati hai. Kyoki kal usko wapas waha pe Aryan dikhega.
Ritika: Okk Dad.
Phir yeh sone ki koshish karti hai.
Raghav Singh- Yeh Mumbai ke ek jaane maane businessman hai. Bahot hi nek dil insaan hai. Humesha sabki madad karne mein vishwaas rakhte hai. Inki jaan inki beti mein hi basti hai.
Sangeeta Singh- Yeh Raghav ki biwi hai. Ek simple housewife. Inka pura din apne parivaar ka dhyaan rakhne mein hi jaata hai. Apni beti se hadd se jyaada pyaar karti hai ek pal bhi isko apne se durr hone nhi deti hai.
Inka ek bahot bada secret hai jo baad mein pata chalega.
Ritika Singh-(Heroine) Yeh Raghav aur Sangeeta ki beti hai. Apne maa baap ki jaan isme hi basti hai. Isko woh kabhi bhi dukhi nhi dekh sakte. Yeh bahot hi chulbuli type ki ladki hai humesha hasi mazaak karna hi pasand hai. Par isme ghamand bilkul bhi nhi hai apne pita ke naam aur shaurat ka. Ekdum Simple rehti hai.
Subah yeh log apne time se college aate hai. Ritika jaake canteen mein baith jaati hai jaha pahle se hi Aryan aur Meera ko chorke sab baithe the.
Ritika: Good Morning guys.
Sab: Good Morning Ritika. Aao baitho.
Sonal: Kya baat hai Ritika tumhara chehra itna murjhaya hua kyo hai.
Ritika: Nhi sonal aisi koi baat nhi hai. Bas raat ko neend thik se nhi hui shayad isiliye.
Yash: Aur Ritika tum kya yehi se ho. Matlab mumbai se hi ho.
Ritika: Haa main mumbai se hi hu.
Yash: Achha hai.
Sonal: Guys chalo na kahi ghumne chalte hai bahot din hogya humlog kahi ghumne nhi gaye. Aur ab toh humare saath ek naya member bhi hai.
Preeti: Nice idea. Kaha chalenge.
Karan: Ritika tumhe out of town jaane ki permission mil jayegi naa.
Ritika: Haa karan mujhe permission mil jayegi.
Karan: Great tab humlog Mahabaleshwar chalte hai waha pe mere dad ka hotel bhi hai toh rehne mein koi problem nhi hogi.
Sonal: Tumhara dad ka hotel hai isiliye Mahabaleshwar chale Karan.
Karan: Kya Sonal tum bhi.
Sab hasne lagte hai.
Ritika: Idea toh bahot achha hai. Kab chalna hai.
Yash: Aree ruko pahle iss group ki jaan ko toh aajane do.
Ritika: Matlab.
Yash: Matlab Aryan aur Meera ko.
Aryan ka naam sunte hi uska chehra phir utar jaata hai. Woh toh yeh bhul hi gayi thi ke Aryan bhi isi group mein hai aur usne jaane ke liye haa bhi bol diya hai yaani usko Aryan ke saath ghumne jaana hoga. Usko issbaat ki khushi bhi bahot hai par usse jyaada takleef bhi hai.
Tabhi Meera waha aati hai.
Meera: Good Morning guys kya chal raha hai.
Sonal: Yahi ki kab teri shaadi hogi Aryan se yehi discuss kar rahe hai.
Meera yeh sunn sharma jaati hai aur Ritika ko ek pal ke aansu aajate hai.
Meera: Kya Sonal tum bhi. Pahle padhai toh puri hone do.
Preeti: Ooo. Yaani isko toh bas padhai ke complete hone ki deri hai warna yeh toh abhi shaadi karle.
Meera isse aur sharma jaati hai.
Meera: Kya tumlog bhi.
Yash: Waise aaj laila akeli kaise Majnu kaha hai.
Meera: Woh aaraha hai usko ek call aagaya tha toh wahi rukh gaya.
Aur batao kya baate horahi thi.
Karan: Aree hum sab ghumne jaane ka soch rahe hai.
Meera: Wow greatt. Kaha ka decide kiya aur kab ka.
Preeti: Aree kaha ka toh hogya aur kab ka yeh tumhare bina kaise karte.
Meera: Achha toh kaha ka kiya.
Preeti: Humne toh Mahabaleshwar socha hai.
Meera: Waah bahot achha hai.
Aryan: Kya achha hai Meera.
Meera: Yahi ke tumse shaadi naa karke main kisi aur se karlu.
Aryan: Chalo achha hua mera pichha chutta tumse.
Meera: Jyaada naa udoo mat warna pankh kaat dungi chup chap baitho. Pichha chutta tumse. Tumhara pichha toh marne ke baad mein naa choru aatma banke tumhare sir pe rahungi.
Aryan: Yaani tumko moksh ki jarurat nhi.
Meera: Tum phir bole. Apna muh band karo.
Yash: Shaadi ke pahle hi yeh haal hai shaadi ke baad pata nhi tera kya hoga mere bhai.
Preeti: Wahi hoga jo tumhara hoga.
Yash: Yaani shaadi naam ki jail mein kaidd.
Preeti: Kuch bola tumne.
Yash: Nhi nhi. Maine kuch nhi kaha. Haa toh Aryan humlog naa Mahabaleshwar ghumne ka plan bana rahe hai toh batao kab chalna hai.
Aryan: Ab main kya bolu. Jab marzi chalo.
Sonal: Lo jinke liye wait kar rahe the woh humlogo ka hi sunna chahta hai. Tum choro Ritika tum batao.
Ritika: Friday chalte hai. Aur Monday tak return. Monday chutti bhi hai.
Preeti: Bahot khub. Toh yeh decide raha hum Friday ko sab Mahabaleshawar ghumne chalenge.
Aryan: Ritika kya tum thik ho. Itni sad kyo ho. Kya unhone phir kuch kiya.
Ritika: Nhi Aryan aisi koi baat nhi hai. Bas raat ko neend puri nahi hui isilliye aisa lag raha hai.
Aryan: Okkk. Chalo class mein chalte hai.
Ritika jab bol rahi hoti hai tab Meera sirf Ritika ko hi dekhti hai woh samaj jaati hai Ritika jhoot bol rahi hai. Uski aankhe kuch aur hi bata rahi hai aur woh Aryan ki taraf dekh bhi nhi rahi hai. Aur uski aankhe bhi nam hai.
Meera bas yeh notice karti hai woh kuch bolti nhi hai. Phir sab classes karte hai aur ghar chale jaate hai.
- 17,679
- 60,240
- 244
Raja thakur
King
- 11,472
- 23,199
- 228
- 17,679
- 60,240
- 244
Nice update bhai
- 17,679
- 60,240
- 244