Update 182 (A)
Antakshari
"Aao huzoor tumko... sitaaron me le chalu..
Dil jhoom jaye aisi baharon me le chalu..."
Har lafz itna khanakta sa goonj raha tha ki jaise kaan se seedha dil me utar raha ho. Kal ka din vyast hone wala tha jis wajah se adhiktar ladkiyan apne apne bister par ja chuki thi lekin is ghar ki chhatt par bhi kuch bister lage the jaha se ye madhur awaaj khamosh vatavaran me shehad si mithaas bharti lagi. Arjun hall laangh kar apne sone ki jagah pahucha toh uske bister ke itar 4 aur gadde lage the. Ye sureeli awaaj thi Zubeidaa Hussain ki aur uske gird utni he mustaidi se baithi Alka, Ritu, Vinni aur Gurdeep ke sath Rajesh mama ki beti Swati shrota bani hui.
"Waah.. Aap toh gana bhi chitrakaari ki tarah behad kamaal ka gaati hai Zubeidaa baaji. Ek pal ko toh laga ki kahi galti se aaj Alka didi ka he mood toh nahi bann gaya par inki awaaj bhi itna vistaar nahi rakhti.", Paani ka jug ek taraf rakhta hua Arjun chaukdi maare baithi Ritu ki bagal me he gadde par ja leta. Uski tareef ne toh Zubeidaa ke haseen chehre par alag he noor khila diya tha, halki si laali ke sath. Ritu ne bhi sneh se Arjun ke baal bikher kar hanste hue apni bhai ki baat ko aage badhaya.
"Sach kaha Aaru ne didi. Alka aksar gungunati hai aur awaaj bhi bahot atchi hai iski lekin aap toh jaise gaate hue yaha thi he nahi. Aur mujhe toh lagta tha ke is gaane par Aasha ji (Bhonsle) ke siwa koyi awaaj kabhi khari utar he nahi sakti. Lekin behad he umda gaya hai aapne.", Ritu ki baat sunn kar Zubeidaa ne majaak me hath jodd kar sar jhukate hue abhivaadan kiya toh baaki sabhi muskura uthe.
"Tareef ke liye shukriya lekin nacheej itni bhi kuch khaas nahi hai. Khair ab toh Alka begam aapki awaaj sune bina ye raat nahi gujarne wali. Kya kehti ho Vinita?", Zubeidaa ki baat par Vinni ne bhi Alka ko gaane ka ishara kiya jo bagle jhaankti dikhi.
"Jarur gaayegi ye bhi aur niyam ke hisaab se baari bhi toh iski he thi lekin ab iske baad Swati aur fir Arjun aa gaya hai toh aaj ye bhi bachega nahi. Koyi bahana nahi chalega kisi ka.", Vinni ne jaise he Arjun ka jikar kiya wo toh takiye me mooh dabane laga.
"Ae Aalu (Alka), jara wo Kishor Kumar ka tere style me female version suna na. Ajnabi tum jaane pehchane se lagte ho...", Ritu se behtar bhala Alka ko kaun jaanta tha aur uski baat toh jaise Alka ke liye pathar ki lakeer thi.
"Nahi nahi.. Alka didi itna purana gana nahi. Mujhe ye dard bhare gaane atche nahi lagte.", Swati ne chehra latkate hue jaise he ye kaha Ritu aur Alka ke sath baaki sabhi hans diye.
"Atcha baba tu bata tujhe kaun sa gana sunn na hai? Phir toh teri he baari hai.", Ritu ne bhi Swati ko sneh se poocha. Arjun jaanta tha ki uski behno me sabse khaas baat thi unka suljha hua charitra aur dusro ko pehal dena.
"Wo ek film hai 'Sapnay' aur uska song Chanda re Chanda re . Mujhe wo song bahot pasand hai.", Swati ne jyada soche bina he aise gaane ki farmaaish rakh di thi jis se yaha baithe adhiktar parichit the siwaye Arjun ke.
"Haan ye maine bhi nahi suna kabhi. Jara sunao toh Alka didi agar aapko iski lines yaad ho toh.", Arjun ne takiya sahi se daba kar apna sar thoda uchkate hue kaha. Ritu ab uske seene se peeth sataye araam se baithi thi.
"Haan kyon nahi. Jab sabhi ne gana hai toh mujhe kya pareshani. Waise gana atcha select kiya hai tumne Swati.", Aur iske baad Alka ne chehra rumaal se saaf karke paani se gala tarr kiya aur ek gehri saans bhar ke jo sur se sur milaaye Arjun ki bhi gardan unchi uth gayi.
'Gulshan Gulshan.. vaadi vaadi behti hai resham jaisi hawa...
Jungle Jungle, parvat parvat.. hai neend me sab ek, ek mere siwa...
Chandaaa.. chanda..
Aaja sapno ki neeli nadiyan me nahaye
Aaja ye taare chunke hum, ghar banaye
In dhundli dhundli raahon me, aa dono he kho jaaye..
Chanda re chanda re..'
Alka ne koyi kasar na chhodi thi is geet ko gaane me aur uske dhime-tej badalte suro ke sath awaaj ko badalne ki kala ne jaise sabhi ko baandh sa diya tha. Wo sirf hontho se he sangeet pradarshan na karke, hath aur chehre ki bhaav bhangimaye bhi har lafz se badalti kisi ruhani se pal me sama gayi thi. Bol khatam hote hote jaise waha koyi aur baaki he na raha ho.
"Oh bhai.. kya ho yaar tum? Ek pal ke liye toh laga he nahi ke ye kisi gharelu si ladki ki awaaj hogi. Haan tum gharelu toh bilkul nahi lagti lekin kasam khuda ki Alka, tum khud nahi jaanti ki tumhara ye hunar kitna qayamat khej hai. Subhanallah.", Zubeidaa ki tareef aur hairaani par jahan Alka sharma rahi thi wahi Ritu jaise fakar kar rahi thi ki Alka uski humdum hai.
"Bilkul sahi kaha didi aur main na Walkman pe ye song bahot sunti hu lekin Alka didi ne toh bina he music ke kamaal kar diya."
"Thank you thank you.. Waise har ladki bathroom singer hoti he hai aur ye Ritu ne he mujhe bathroom se room singer banaya hai. Ab mujhe gana atcha lagta hai aur isko sunn na... Hahaha.. Chalo ab meri bahot tareef ho chuki, Swati tumhari baari hai. Aur na gaane par saja yaad hai na?", Arjun saja shabd sunte he apni jagah se uth kar Ritu ke barabar aa baitha.
"Ye saja waja ka kya scene hai? Main toh sone laga hu iske baad."
"Bachu, yaha nahi so sakte agar nahi gaa sakte toh. Saja tumhe bata denge pehle jara Swati ki awaaj bhi sunn le.", Vinni ne saaf saaf Arjun ko dhamka he diya tha meethe lafzo me. Mooh par hath rakh kar wo khamoshi se baitha toh Ritu ne ek baar fir uske sar pe hath firaya lekin is baar ye sparsh tha haunsla aur tasalli wala. Ritu ki chhaya tale toh Arjun khud Arjun bann raha tha. Swati ne bhi thik-thak awaaj aur suro me apni pasand ka gana sunaya toh ab baari Arjun ki thi.
"Dekho maine kabhi bhi gana nahi gaya hai bas sune hai."
"Dekh Aaru, sach mujhe bhi pata hai ke tu kitna gaata hai aur kaun gawaah hai jisko tune Firoz Khan ki film ke gaane sunaye hai. Chal chahe 2 he line suna de lekin bas gaa. Saja pata hai kya hai? Jo nahi gaayega wo kal raat sangeet me shamil nahi hoga.", Alka ne bade he pyaar se Arjun ko samjhaya aur Vinni ke sath sath Zubeidaa aur Gurdeep ne bhi najro se usko utsahit kiya gaane ke liye.
"Kuch bhi gaa sakta hu na? Dekho main sangeet party miss nahi karna chahta agar yahi saja hai toh.", Arjun ne apne lambe kundal se baal dono hatho se samet kar peeche karte hue ek najar sabhi ko dekha.
"Haan lekin bas koyi deshbhakti wala ya school ki poem na ho. Baaki jo dil kare wo gaa dena. Mujhe nahi lagta ke tum is se behtar kuch suna paaoge.", Vinni ne Arjun ki khinchaai karte hue kaha jis par wo thoda jhempta sa apni behan Ritu ki taraf lachari se dekhne laga jaise keh raha ho ke ye kaha fans gaya.
"Haan toh aapne Aaru ko itna fizool samjha hai kya didi. Ye listner hai lekin knowledge atchi hai iski bhi music me. Dada ji bhi aksar radio pe iske sath he gaane sunte dekhe hai humne.", Alka ne Arjun ka paksh lete hue kaha toh Ritu ne bhi uski hatheli par taali maarte hue kaha.
"Haan nahi toh.", Aur Ritu ki baat ke baad Arjun ne dabi hui awaaj me badi saral awaaj me ye panktiyan shuru ki.
'Hum tere shehar me aaye hai... musafir ki tarah..
Hum tere shehar me aaye hai musafir ki tarah..
Sirf ek baar mulaqaat ka mauka de de..
Hum tere shehar me..
Meri manzil hai kahan
Mera thikana hai kahan..(2)
Subah tak tujhse bichad kar,
Mujhe jana hai kahan..
Sochne ke liye ek raat ka mauka de de..
Hum tere shehar me aaye hai musafi ki tarah."
"Oho, janaab beshak sur me dheele hai lekin pasand ki daad deni padegi. Gulaam Ali Khan sahab ko sunn na batata hai ki sachmuch gehraai wale insaan ho. Khair ab gana suna hai aur kal naach bhi dekhenge.", Zubeidaa ke eksaar safed damakte daant aur muskaan bahot kuch keh rahi thi jo gaane se kuch alag tha. Arjun bhi ek baar fir bister par pasar chuka tha apni baari khatam karke.
"Waha koyi majboori ya saja thodi na hogi. Aur main sabkuch sunta hu jo suna de. Ye dada ji ko pasand hai aur Alka didi ne unka jikar kiya tha isliye ye suna diya. Baaki kal sangeet nahi Ladies Sangeet hai jisme main nahi naachne wala.", Arjun baat khatam karke thoda peeche hua jo saaf ishara tha Ritu ke liye jagah banane ka.
"Oye tum dono eksath so rahe ho?", Vinni ne jis tarah se ye kaha tha wo koyi kataaksh na tha, bas chahat thi jaise wo us jagah sona chahti ho.
"Haan toh aapko aur koyi jagah khali dikh rahi hai? Waise bhi ye har jagah so jata hai toh aaj main iski jagah kyun nahi?", Ritu ne apne baalo se wo kapde ka rubber nikaal kar sirhane rakhne ke baad tshirt ko durust karte hue chaadar sahi se failaai aur sabki taraf chehra karti Arjun ke saamne leit gayi. Alka bas muskura rahi thi, jisne thik waise he apne kamar tak lambe baalo ko rubber se ajaad karne ke baad bichhawan sahi karke sone ka upkram kiya.
"Mera matlab tha ke is taraf jagah khaali hai aur mujhe yaha darr lagega.", Vinni ne aakhiri koshish ki lekin yaha Gurdeep ne anjaane he Ritu ka sath de diya.
"Didi, main bhi akele nahi sona chahti. Aapke he sath jodd leti hu apna bister kyonki Zubeidaa baaji toh Alka aur Swati ke beech hai.", Ritu mooh dabaye is baat par hansne lagi thi jis par Arjun ne bhi mand mand hanste hue peeche se Ritu ke upar apni baah rakh di. Thoda sikudti hui Ritu ab poori tarah Arjun se judd chuki thi. Dono sharir par chaadar lete hue usne Swati se cooler chalu karne ka keh diya.
"Waise ye toh sachmuch majedar hai Ritu. Aise khule me sona aur wo bhi sabke sath kitna atcha lagta hai na?", Swati ne cooler chalu karne ke baad apna pajama sahi kiya aur paani pee kar Alka ke kareeb he aa gayi.
"Haan.. Ab lagta hai kyonki aise hansi khushi ke mauke baar baar toh nahi aate.", Chaadar ke bheetar Ritu ne apne upar aaya Arjun ka hath sahi karte hue apne ubhaar par atche se rakh liya tha. Jaise ye bhi ek chahat thi Ritu ki jisme wo itne logo ki maujdgi me bhi Arjun ke sath aatmiyata se judd sake. Arjun ne bhi vaasna pare karke aahista se uske seene ko sehla kar hath patli kamar par tika diya, tshirt ke bheetar nirvastra kamar pe.
"Waise aap logo me se kisi ke paas kal thoda samay ho toh meri dress ka kuch kaam karwana hai.", Zubeidaa ki baat ka jawaab Alka ne he diya.
"Haan aap le jana Aaru ko dopehar me Sanjiv bhaiya ki haldi ke baad. Aur filhaal toh mujhe neend aa rahi hai, sabhi ko goodnight.", Alka ne chehre tak chaadar karke shubratri bola toh kayi swar me wahi jawaab mila. Raat ke gehrane par kuch he samay baad yaha mahol shaant ho chuka tha. Ritu aur Arjun bhi ek dusre ke aagosh me meethi neend me ja chuke the, agle bade din se pehle araam karne ke liye.
.
.
"Main kya keh raha tha Bhole, wo Vishnu ka pata lagwaya jaaye?", Ghar ki chhat par aadhi raat me bhi in logo ki aankhon se neend jaise koso dur thi. Sara din bhaag-daud ke baad ye mitra mandali bottle khol kar jaam ke sath wahi purane kisse kahani shuru kiye the jo Sanjiv ki party me adhura reh gaya tha. Umed ke jism par ek lungi thi aur wahi Inder ghutno tak ka dheela kachha sa pehne hue sabke gilaas bharne me laga tha. Rajkumar ji bhi aaj inme shamil the aur hairaani ki baat thi ki unhone Sanjiv ko bhi raat ka khana na khaane dete hue apne sath yaha baithaya hua tha.
"Agar ye vyakti khaas hai toh aap mujhe details dijiye Umed chacha ji, mere paas bahot se laayak khoji hai jo sarkari na hote hue bhi bade mustaid hai.", Sanjiv ne jaise taise apni ciggratte ki talab rok rakhi thi Shankar ji ko peete hue dekh. Ajeeb he dastur hai samaaj me jaha sharaab baap beta sath pee sakte hai lekin dhumrapaan jaise adhed-awastha tak ek parde me rehta hai.
"Isliye toh Gajju ne jikar kiya hai Sanjiv lalla. Baat aisi hai ki hamare college me 2 log the aur dono he bahot khaas. Zindagi ki bhaag-daud me hum unse dur ho gaye aur shayad unki jarurat ke samay unka sath bhi na de paaye. Balwan aur Vishnu the wo 2 log lekin Vishnu ka ehsaan hai hum sab par. Shankar ne koshish ki lekin kaafi deri se aur main toh kabhi bhi samaaj me tha he nahi. Ab ye Gajju ki sooi atak gayi hai toh jaise taise Vishnu ko dhoondna he hoga. Lekin Gajju yar tujhe Vishnu ki chahat kaise ho gayi itne samay baad? Ab toh ghar-pariwar ke sath sath kaam-dhande ke liye bhi poora waqt nahi hai fir Vishnu mil bhi gaya toh kya karega?", Narinder ka tark apni jagah sahi tha aur Shankar gehri soch me lagatar kash pe kash lagaye ja raha tha. Cigrattee khatam karke Umed ki jagah jawaab Shankar ne diya.
"Baat aisi hai Inder ki aksar dushman usko he hathiyaar bana lete hai hamare khilaaf jo hamare kareeb raha ho aur humse taqatvar bhi. Vishnu ke pariwar ke sath bahot bura hua lekin us se pehle wo badi ghatna me hamara sathi tha. Kya lagta hai tumhe ki agar wo kisi galat vyakti ki sharan me gaya toh kitna nuksaan kar sakta hai? Tum bhali bhanti parichit ho is baat se ki kayi dushman aise hai jo 15-20 baras se khamosh hai. Wo dushman lagt he nahi ab lekin kuch bhi sambhav hai. Vishnu ke baad Balwan bhi gayab hua aur dono ke he pariwar nahi rahe.", Shankar ki baat sunn kar ek pal ko toh Narinder ke sath sath Rajkumar ji aur Sanjiv tak ke hosh udd chuke the lekin Umed sehmat tha.
"Matlab aap logo se bhi taqatvar the wo 2 log? Maine bahot kuch jana hai Shankar chacha aapke aur Inder chacha ke baare me. Wo kahaniyan lagti hai lekin hain sach. Un sabhi me Umed chacha aapka bhi poora jikar raha hai jis se saaf pata chalta hai ki aap logo ke kaarname katai sadharan nahi the. Fir ye Vishnu aur Balwan ke liye aap logo ka itna satark hona toh bahot kuch chetawani jaisa he lagta hai.", Sanjiv ne sabse aakhir me apne gilas se chuski lete hue baat kehne se pehle Rajkumar ji ki taraf dekh kar he kaha.
"Har insaan se behtar insaan hume mil he jata hai Sanjiv. Tum bahot chhote ho aur jaise tumne inke kisse sune hai, hum sabhi bhaiyon ne tumhare dono dada (Rameshwar/Raghuvir) ke. Jo inse kahi behtar aur behad he suniyojit tarike se anjaam diye gaye hote the. Vishnu naam se toh main bhi vaakif hu lekin kabhi raabta na hua siwaye ek choti si mulakaat ke jab uske sath Ajju tha. Arjun Singh, tumhara chacha.", Rajkumar ji bhi jaise ab bhaag lene lage the in paraspar guftgu me. Shankar ne bhi apne bade bhai ki baat ko sahi thehraya.
"Agar tumne kisse sune hai toh fir hamara anubhav bhi sunn he lo Sanjiv. Vishnu ke samkaksh khud Ajju aur Inder, eksath bhi nahi the. Us samay Ajju aur Vishnu ko waise he sambodhit kiya jata tha jaise Nar-Narayan ko. Vishnu ke khaas bhi Ajju aur Inder he the. Balwan hamara tha. Shankar ki jo chinta hai wahi meri bhi hai. Agar wo unka dur hona ek time-bomb nikla toh fir samajh lo ki ye Mishra, Tarachand, Lokdal Lund kuch bhi nahi unke saamne. Jisme sannyam ho aur taqat bhi khamoshi ke sath sath, usko kabhi halke me nahi aankna chahiye.", Umed ne jaam khaali karne ke baad turant he sabhi gilas bottle se fir se bana diye. Ab wo Rajkumar ji se le kar kash laga raha tha. In sabke beech Narinder ab behad khamosh tha jaise wo kuch soch raha ho aur in sabse alag he manosthiti ho.
"Phir toh main har haal me pata laga ke rahunga chacha ji. Shaadi ke baad mera sabse pehla case yahi hoga. Ek gumshuda vidhyarthi ka jo barso se gayab hai. Kanooni taur par na sahi lekin case yahi hoga. Joining August me hai aur vada karta hu us se pehle main ye dono vyakti aapse milwa ke rahunga, har keemat par agar wo zinda hue toh.", Sanjiv jajbaati nahi hota tha lekin aaj jaise wo bhi sehan nahi kar pa raha tha ke uske majboot stambh bhi kisi insaan ke saamne khud ko kamtar bata rahe ho.
"Pandit ji ke style me he rehna bhatije shri. Nahi toh tum milwao ya na milwao, Vishnu tumhe jarur dusri duniya se milwa dega. Agar wo galat raah pe hua toh.", Hanste hue Narinder ne ye kaha toh baaki sabhi ne Sanjiv ki bhavukta aur bachkana baat par hans diya. Wo bhi jhempta hua anjaane me Umed chacha se cigrattee leta kash laga baitha jis par fir se thahaka laga lekin Rajkumar ji ne apne bete ki peeth sehla kar aashvast kiya ki ab wo uske pita se behtar dost hai.
"Waise tumhe kuch karne ki jarurat nahi agar meri salaah maano toh.", Ab kahi Narinder ji ne ek rehsyamayi baat se shuruaat ki thi aur baaki sabhi nigahe un par he ja tiki.
"Ye bilkul mat kehna Inder ki Arjun ko ishara karna hai?", Umed turant lapka iske virodh me aur Rajkumar ji toh hairaan ho gaye jab is mehfil me ghar ke sabse chhote sadasya ka jikar hua.
"Arjun? Kya matlab iska Umed?", Unka sawaal wajib tha aur ab is parasparik guftgu me unhe ye batana jaruri ho gaya tha ke jaane anjaane in sabke liye Arjun bhi kaam kar he raha tha. Beshak Arjun ki sabko parwah thi par wo ladka aadat se majboor tha, khoon ki khaasiyat ki wajah se.
"Wo bacha nahi hai Raju bhai. Matlab wo bacha hai lekin nahi hai..", Umed se toh kuch kehte he nahi bana aur Shankar ko toh ab bechaini hone lagi thi kyonki aise kisi bhi jokhim bhare kaam pe unke eklaute bete ko lagana katai manjoor na tha.
"Kya laga rakha hai ye ki wo bacha hai, bacha nahi hai? Arre saaf saaf bolo ki baat kya hai aur ye Arjun kahi Sanjiv ke sath toh milibhagat nahi kar raha?", Rajkumar ji jhunjla gaye the kyonki unhe bhi apna wo bhatija utna he pyara tha jitna har wo shaksh jiske liye wo kuch bhi kar gujre. Arjun unka ajeej tha chahe wo darshate nahi the.
"Wo mere sath nahi papa, dada ji ke sath kaam karta hai. Matlab wo khoji hai aur is se jyada kuch nahi. Jaise dada ji lower level se le kar higher tak sabhi jagah apne vishwaspatra bana kar rakhte the thik wahi hisaab Arjun ka hai. Network. Toh Inder chacha ji ka matlab tha ke usko anjaane me he hint di jaaye jis se wo in logo ke baare me kuch pata kare lekin uske poora hone se pehle kamaan apne hath me main le lu.", Sanjiv ne baat sambhalne ki bharpoor koshish ki thi. Is beech sabhi ke gilaas fir se khatam ho chuke the par Rajkumar ji jaise santusht na the is daleel se.
"Wo masoom hai aur agar samajhdar bhi hai toh usko is sabse dur rakho Shankar. Aisa insaan jo dil se masoom ho aur ek pariwarik daayre me ho agar usne kuch galat bhog liya toh wo tumhare is Vishnu, Balwan ya yu kaho ki apne pita ji se bhi jyada khunkhaar bann gaya toh roke na rukega. Uski masoomiyat matt khatam karna mere bhai kisi aisi chahat me jis se uska dil he palat jaaye. Jiske pas sannyam aur taqat ho khamoshi ke sath sath uska durpayog bhi nahi karte.", Aaj toh Rajkumar ji ne jaise in sabhi ke chakshu he khol diye the itni badi baat keh kar. Unhone Narinder aur Shankar ka bhi kathan unke upar he de mara tha. Ab kuch pal khamoshi rehne ke baad uhone he baat shuru ki.
"Wo pehle bhi kuch kaand kar chuka hai?"
"Haan. Bahot saare aur unme hamra dosh nahi hai Raju bhai. Bheem se le kar Choti aur uske baad toh jaane kis kis ki manji wo ladka akela he thok chuka hai main bata nahi sakta. Aapki baat ka he darr mujhe bhi hai aur Shankar ko bhi. Agar Arjun madmast hathi bana toh wo bahot kuch tabaah kar sakta hai lekin aapko ye bhi bata du ki usme adhiktar gunn chacha ji wale hai ya us se bhi purane. Wo Bhole jaisa nahi hai aur shayad Bhole jaisa bhi hai.", Umed ne jis tarah se ye kaha tha Rajkumar ji samajh chuke the ki wo Shankar jaisa kaise hai.
"Fir toh main tum sabke beech me bas ek anaadi aadmi hu Umed. Mujhe duniya ki sirf itni samajh hai jitni ek ghrihasth insaan ko honi chahiye. Sanjiv beta, wo tumhari jimmewari hai aur main jaanta hu ke tum tyaag ka paryaye ho agar baat Arjun ki hai toh. Nirash matt karna.", Kitni badi baat keh di thi aaj Rajkumar ji ne aur jaam khaali karte he wo niche chal diye, apni biwi ke pas.
"Aapko Arjun ki kaabilyat par shak hai chacha ji?", Sanjiv ne apne pita ke jaate he alag cigrattee sulga li thi. Ab uska sawaal tha Umed Singh se.
"He is precious to me because he reminds me of my father. His potential is still untouched but you never know what happens next. Beta ek baat kahunga dhyaan se sunn na.", Aaj Umed ne angrezi me kuch kaha tha aur baaki sabhi bade dhyaan se usko sunn rahe the.
"Ji."
"Arjun ne bahot kam umar me ekakipan ke sath sath badlaav jhele hai. Wo paripakva hone ke baad masoom hua hai. Aise vyakti ko kaam pe lagana bhi jaruri hai aur niyantran me rakhna bhi. Kal ko agar yahi kutte khol kar dushmano ke peeche chhodne laga toh tum nahi jaante ki ye kya kya karega. Wo Raghu-Ram mil kar karte the jisne hume shiksha di lekin iska khoon toh jaise sabkuch seekh kar he is duniya me aaya hai. Jis din isne taras khana band kiya toh samajh lo Shankar-Umed-Inder itihaas honge. Tum ek atche saarthi ho Sanjiv, thik us krishan ki tarah jo Arjun ki taqat se parichit tha fir bhi usko simit taqat ke sath kurukshetra me leke utra. Wahi Arjun bina Krishan ki pehle bhi ek yudh me utra tha Subhadra ko sarthi banaye. Anginat senapati, aadha darjan Karan-bhrata, har shoorveer samet Karan, Duryodhan, Sukumar, Dronacharya tabhi haar chuka tha jab wo Subhadra ko liye nikal gaya tha. Matlab saaf hai ki koyi aisa bhi hona jaruri hai jo taqat ko simit kare. Vishnu se hamara yahi abhipraye hai lekin tumhe is Arjun ko simit istemal me rakhna hai.", Umed ne ek lambi chaudi daleel de daali itihaas sunate hue aur Sanjiv sirf muskurata raha.
"Chalo ek baat aaj kar he leta hu aap sabhi ke saamne. Ye matt kehna ki sharaab ke nashe me bol raha hu kyonki main adhha peene wala pavve se pehle set nahi hota. Arjun, jisko Umed chacha aapne sharirik shiksha di. Jiwan ke lakshya Shankar chacha aapne darshaye aur sabse khaas bete ka ehsaas Inder chacha aapne diya. Wo aakhir hai kaun? Wo hamesha se he in sabse alag ek shikari hai jo aap log na bhi sikhate toh paarangat he hota. Yaha ek vigyaan ki baat karunga aur us par aap dhyaan dijiyega. Shankar chachar aur Inder chacha me dada ji khoon hai toh ye nirbhik hai thik waise he jaise Umed chacha aap Raghuvir dada ji ki wajah se. Lekin Arjun.. Usme iske sath he kuch vishishth hai. Wo apne pad-dada ke sath sath apne nana se mel khata hai. Kundanlal ji ki sachhai koyi nahi jaanta lekin dada ji jaante hai. Thodi bahot main bhi aur wo ishara karti hai ki samaan dimaag wale vyakti bahot pehle se eksath rahe hai. Wo kuch kshetra me aap logo se kahi behtar hai aur iska pramaan aapko Rekha chachi ki dimag se mil he jayega. Wo kitaab ek baar padhte he yaad kar leti hai. Mere imtihaan se pehle unhe wo sabkuch yaad ho chuka tha jo wo mujhe padha rahi thi. 2 kaafi khaas khoon milne par sabse behtareen sanskaran Arjun ke roop me hamare saamne hai jisko jhuthlaya nahi ja sakta. Taqat pita se aur dimag maa se. Iske sath sath us par har kisi ne dhyaan diya lekin dhyaan rokne par. Usko ajaadi do thodi tabhi wo thehar paayega nahi toh be-lakshya wo apni he dhuri me ghoomta reh jayega. Mera gair-sarkari khaas vyakti wahi hai aur uska pramaan main aap sabhi ko agar dunga toh paanv ke niche se jameen na khisak gayi toh naam Sanjiv Rajkumar Sharma nahi.", Itne lambe chaude vishleshan ke baad Sanjive ne ek he ghoont me jaam khali karke namkeen pehli baar mooh me li. Baaki teeno jaise abhi tak uske kahe shabdo ko tol rahe the.
"Tum atche se jaante ho na apne is chhote bhai ko?", Ye tanj tha khud Shankar ji ka.
"Ho sakta hai kuch jyada he dekh liya ho tumne.", Iske sath he Inder ji ne prahar kiya shabdo ka.
"Wo bahot bhavuk aur samjhauta karne wala insaan hai Sanjiv. Haan majboot hai agar kisi ghere me mallyudh ho ya fir ladaai jaise Bheem ke waqt hui. Wo ladna jaanta hai lekin kya wo Abhimanyu se aage Arjun bann chuka hai?", Umed ne bhi dono ka tiraskaar na karte hue yaha Arjun ke khilaf pehli baar baat kahi jo shayad chaal he thi lekin ek bhari chaal.
"Aap log he agar bawandar chahte ho toh main kya kahu.", Sanjiv ne sirf apna he jaam banate hue kaha
"Matlab?", Narinder ji ne sawal kiya
"jo bhi baat yaha hogi chacha ji wo yahi rahegi toh main aage kahunga. Kasam lijiye us khaas ki aap sabhi jiske jaane ka dukh aapko sehan na ho tabhi main aage baat karunga.", Sanjiv ne bina paani milaaye he wo jaam gale se niche utaar liya. Wo aaj apne bhai ke liye jaise samaaj se baaghi ho chuka tha aur agar baat kisi ek ko chunn ne ki aati toh toh nischit kar chuka tha ki inki kasam tootne ko wo yaad rakhega.
"Maa kasam.", Shankar
"Papa hamesha saamne hai.", Umed
"Pariwar se upar kuch nahi.", Narinder
Aur teeno he turant kasam uthane ke baad waise he neat peg laga kar taktaki se Sanjiv ko dekhne lage.
"Jiwan katai waisa nahi hai chacha ji jaisa hum sabhi dekhte ya chahte hai. Indradhanush ke drishya me rehne wala aksar kaale safed ka mohtaj rehta hai.", Sanjiv ab jaise vichar bana chuka tha kuch bada kehne ka.
"Matlab.?", yaha Peg banate hue is baar Shankar ji ne khud he soda paani dala kyonki neat peena khatarnaak tha aise jajbaati mahol me.
"Pyaar.... Chota sa lafz lekin maayne bahot bade hai iske chacha ji aur maine jana ye jab khud mehsoos kiya. Main us indradhanush se bahar tha sab ran hote hue bhi lekin jo kaale ghere me raha uske pas saptrang the. Arjun.. Arjun ke pas sabkuch tha jabki koyi chahat bhi nahi."
"Mujhe iska koyi bhaan nahi.", Narinder ji ne thoda kareeb hote hue gilaas me baraf ke tukde daal kar Sanjiv ko dekha. Unhe alag he jhurjhuri ho rahi thi jaise wo kuch naya jaan ne wale the.
"Arjun ke aadarsh hai swayam Shankar chacha. Majboot nirnaya bhi waisa he vyakti le sakta hai. Wo sabse jyada kisi ko maanta hai toh Krishna chachi ko aur agar baat aaye kurbaan hone ki toh fir Umed chacha. Aapne kahi dekhi hai aisi vividhta?", Sanjiv ne sabhi ko lapet liya tha aur khud Shankar ji jaante the ki unka beta kabhi unke virudh nahi ho sakta.
"Tum sahi ho is maamle me aur main samarthan karta hu ki wo aisa he hai. Lekin hum Vishnu ko bhool rahe hai.", Narinder ji ne baat kaatni chahi.
"Vishnu aapke pas hoga meri joining se pehle lekin baat poori nahi hui chacha ji. Meri shaadi ka gift he samajh lo.", Aaj Sanjiv ne in teeno ko jaise lapet he liya tha aur uphaar ke jikar par wo khamosh he ho gaye.
"Bolo bhi aap log. Khamosh kyu ho? Sawal toh bahot honge."
"Tum Arjun ki harek jirah nahi jaante Sanjiv. Samay bahot kuch bigaad dega.", Shankar ke antarman se nikli is baat par Sanjiv thoda gambhir ho gaya.
"Wahi darr hai hai chacha ji ki tab main aapke khilag rahunga ya aap mera sath denge.?", Ye alag he visphot tha jo Sanjiv ne kiya tha un par.
"Kya matlab ki main tumhare khilaf?"
"Jaane dijiye is baat ko chacha ji. Jisne doodh nahi peeya wo khaas aur jisne peeya wo andekha.", Sanjiv ne aisa karara prahaar kiya tha apne Shankar chacha par ki wo kuch pal tak bas sochte he reh gaye.
"Ritu ke liye bol rahe ho?", Jaldbaaji me mooh se nikal he gaye Shankar lekin yaha Narinder ki bohen tann gayi.
"Matlab ki aapko thik se pata hai? Wo asli Krishan hai chacha ji aur sach kahu toh pehle mujhe bhi asehniya sa laga fir jab gyaan chakshu khule toh us se behtar kuch tha he nahi. Kyun Umed chacha ji? Subhadhra aur Arjun se behtar koyi rann-neeti me raha hai kya?", Ye ajeeb sanvaad tha jisme Sanjiv ne saaf jaahir kar diya tha ke Ritu-Arjun ka rishta usko swikaar bhi hai lekin wo asliyat me kuch aur bhi hai.
"Haan beta. sab sahi hai. Main ab bas sone he laga hu.", Umed toh waha se uth kar ek taraf he chal diya lekin Narinder abhi bhi Shankar ko ghoor raha tha ke ye kaunsi antakshri hai jiska usko nahi pata. Gehri raat ke sath he Sanjiv bhi khamoshi se nikal chala apne bister ki taraf, Shankar Narinder ko chhod kar.
.
.
kramash
.. ye proposed front page hai bhai. Filhal bahot kaam baaki hai kitaab pe lekin jab bhi launch hogi toh Enigma ke sath sath poora naam bhi likhunga. Total 5 volumes ya kaho 5 bhaag honge kahani ke jinhe har 4-5 mahine ke antraal se jaari karne ki koshish rahegi.
bar ki kitaab banane ke baad he kuch aur sochunga zindagi me. Ye kahani dedh saal me 5 kitaab ka roop legi lekin utna he credit xforum ka rahega or aap sabhi ka
