Iron Man
Try and fail. But never give up trying
- 37,640
- 94,866
- 304
- Status
Billi420
Well-Known Member
- 2,503
- 13,135
- 158
Bhai update page 2020 py hi dy I hy guru ji qasam kha rakhi hy aaj too baki apki himat
Kalyansurya
Well-Known Member
- 8,889
- 56,353
- 173
Enigma bhai sab kheriyat to hai aaj parshad milego ki koni mil
XLNC
Banned
- 1,817
- 8,912
- 143
Aa rele@Enigma dhire dhire.Abbi poch rele.
Anil23265
SADASYA PYAR 100 BAR KA
- 573
- 2,395
- 123
Kalyansurya
Well-Known Member
- 8,889
- 56,353
- 173
Lag hai aaj bhai class koni lag man lag hai aaj enigma bhai ki class kathe our he lag re hai
Bhatha sah bachega to ath aawaga
Bhatha sah bachega to ath aawaga
Last edited:
Harpreetsingh1989
Member
- 221
- 636
- 93
d
digdog 10 pm Hoge hai
Enigma bhaiya kahan reh ab toh professor sahab bhi agye
- 4,125
- 57,654
- 173
Update 172
Hangover (3)
"Ye maharani toh idhar aangan me maje se so rahi hai!", Sadhe 4 baj chuke the Alka aur Ritu ko behtar hone ke baad ghar ke bagiche aur gaaye wale kamre ki chhaan-bin karke idhar saamne aangan tak aane me. Jasleen aur Vinni toh nahi dikhi thi par Aarti jarur farsh par sikudi hui soyi mili. Wo sahi haalat me thi aur sone ke tarike se saaf tha ki wo khud he idhar aayi hogi.
"Gadda pe so rahi hai madam aur yaha paani ke sath sath khaane ki plate bhi hai. Matlab shayad hamare sone ke baad andar shor ki wajah se ye idhar aayi hogi. Chal isko sone de Ritu aur ab Vinni didi aur Jasleen par dhyaan de. Niche toh wo kahi dikhi nahi.", Alka ko abhi bhi aalas aa raha tha lekin subah ki prakritik thandak ne sar ka dard jarur dur kiya.
"Haan.. Ab toh bas chhatt he baaki hai aur iska matlab hai ki jo main nahi chahti thi waisa he kuch hua hoga. Gate dekh atche se band hai.", Ritu ab pareshan thi aur Alka ko bhi maloom tha uska ishara kis taraf hai.
"Dekh, jo bhi ho tu gussa kaabu rakhna. Arjun toh ek baar bhi niche nahi aaya tha isliye uski galti toh hone se rahi. Baaki kya pata jaisa tu soch rahi hai waisa kuch bhi na ho.", Alka ne Ritu ki kalaai thaam kar usko seedhiyon ki taraf le jaate hue kaha.
"Vinni didi ka poora haq hai lekin jo bhi ho unhe idhar control karna chahiye tha. Jaane ab kya haalat ho upar. Lekin main pehle he keh deti hu ki agar Arjun ne kuch bhi aisa waisa kiya hoga na unke sath toh main taange todd dungi uski. Nashe me Vinni didi hogi lekin usko control jaruri hai.",Dono aisi he dheemi awaaj me baat karti hui upar aayi toh kuch samay laga unhe sthiti samajhne me. Arjun gadde se niche soya hua tha jiske sath Jasleen buri tarah si karwat ke bal chipki hui gadde par thi. Un dono se aage usi gadde par cooler ke saamne Vinni didi khud ko chaadar me mooh tak dhake gehri neend me thi.
"Waah mere sher, tu kuch na bhi kare tab bhi kuch toh ho he jata hai. Le Ritu dekh le is Kanhaiya ke haal. Jasleen bhi iski diwani hogi, ye toh khabar tak na lagi. Raat kahi in dono ne he Arjun ka kaam toh nahi kar diya.?", Alka hans rahi thi jabki Ritu gambhirta se kabhi Arjun toh kabhi baaki dono par gor karti rahi. Thoda sameep jaa kar Ritu ne ujli chaadar par aakhir wo nishaan dekh he liya jo gehra tha. Alka ki najar ab tak Vinni didi ki upar audhi chaadar ke us daag par ja chuki thi.
"Control kar Ritu.. Tamasha ho jayega agar abhi tune kuch kiya toh.", Alka ab hansne ki jagah gambhir ho chuki thi wahi Ritu ki aankhon me anjaane he aansu ubhar aaye. In dono ki phusphusahat ki wajah se ya kisi aur kaaran, Arjun kasmasata hua Jasleen ko apne aap se alag karta hua uth khada hua. Abhi bhi uska dhyaan nahi gaya tha Ritu aur Alka par. Farsh par sone se uska sharir halka dukh raha tha aur angdaai lete hue anyaas he uske mooh se nikal gaya.
"Aahh maa. Is Jasleen ke chakkar me poori peeth dukh rahi hai. Aur ye Vinni didi.. uff.. daaru peene ka pata hai lekin uske baad.. aahhh.", Abhi wo dhang se aankhe khol he raha tha ki ye 'Chattaaak' ki tej awaaj vatavaran me goonjh uthi. Ritu se sehan he nahi hua tha Arjun ka wo sab kehna aur bhare dil, geeli aankhon ke bawjood usne poori jaan se Arjun ka gaal sek diya tha. Thappadd itna tej tha ki Ritu ka hath buri tarah jhanjhana gaya tha aur udhar Arjun ke toh andruni gaal ki taraf se khoon mooh me risne laga. Jab tak wo kuch samajhta Ritu roti hui niche daud gayi aur uske peeche he Alka bhi.
'Ab ye kya tha? Aahhh.. sharir pehle he toot raha tha aur ab toh aahh.. Ritu ne mujhe kyun thappad mara? Maine toh pee bhi nahi thi.. Kahi Marina?', Arjun ki gaand fatt chuki thi itna sochte he. Uska dhyaan is taraf bilkul na tha jaha Jasleen aur Vinni abhi tak bekhabar soyi padi thi. Wahi Ritu apne kamre me jaate he mooh par hath rakhe khul kar rone lagi thi.
"Shhhh. Arre yar tu chup bhi ho ja Ritu. Kalesh ho jaayega agar baat fail gayi toh. Tujhe mana bhi kiya tha ki abhi kaabu rakhiyo aur baad me sabkuch Arjun se pooch lete.", Alka ne Ritu ko baahon me bhar kar dularte hue kaha lekin jaane kyun Ritu ka mann itna vyathit hua tha aaj. Usko Arjun ke lagbhag sabhi sambandho ki jaankari thi par aaj jaise Ritu ka dil uske sath na tha.
"Yaar Alka, Vinni didi akele uske sath hoti toh main control bhi karti. Par tune dhyaan se nahi dekha Jasleen ke shorts bhi waha se dark the. Aaru se itna bhi control nahi hua aur ek he time pe wo apni badi behan ke sath sath us Jasleen ke sath bhi? Chhiiii.. Ab un dono ki haalat sabke saamne hogi aur Aaru akela ladka tha yaha sabki najro me.", Ritu abhi ye sab bol he rahi thi, rote hue aur Arjun ghar ke andar jama party ka sara samaan, bottle ityaadi bori me bhar kar pichli taraf se he nikal kar ghar se bahar chala gaya. Usne kisi se baat tak na ki thi aur na kisi kamre me jhaank kar dekha.
"Chal khud ko sahi kar Ritu is se pehal ki baaki sab uth jaaye. Shayad Arjun baramde se ho kar gaya hai abhi. Aur subah bhi hone lagi hai toh bahar ka kooda-karkat bhi thikaane lagana hai. Vinni didi aur Jasleen se abhi kuch nahi kehna.", Alka samajhdari se kaam le rahi thi aur itni der me Ritu ko shaant karwa diya tha.
Main fresh ho ke aayi, tu didi ko jaga aur udhar Afsana bhi uthne wali hogi namaaj ke liye us se pehle waha bhi jara haalat thik kar de.", Ritu toliya utha kar bathroom me ghuss gayi. Usko khud ab bura lag raha tha Arjun par hath utha kar lekin Arjun par khaasi narajgi bhi thi. Alka ke bas hilane bhar se Komal didi jaag gayi. Kapde durust karne ke baad ek bar bathroom ki taraf dekha toh Alka ne bata diya ke waha Ritu hai.
"Main saamne wale kamre ka bathroom use kar leti hu. Arjun ko bhi jaga de Alka, safaai toh raat me he kar di thi aur thodi bahot bottle idhar farsh pe he hongi jinhe wo thoda dur fenk aayega.", Komal didi ne sabse pehle toh apna saaf salwar-kameej uthaya jo bag me wo yaha le kar aayi thi. Aur fir Alka ke sath he bahar nikli toh hall me koyi bottle ya bacha hua khana na dikha. Gadde bhi sabhi utha kar Arjun Gurdeep wale kamre me he diwar se khade kar gaya tha.
"Matlab wo pehle he sabkuch samet gaya? Madhuri didi ko jaga de ya pehle unke bathroom me khud fresh ho ja. Mehmaan jabtak chahe sone dena inhe.", Komal didi ne fir ekaek Alka ke gaal ko aise sehlaya jaise badi behan choti ko sneh jata rahi ho.
"Aap naha lo, tab tak main chai rakh deti hu. Main us ghar he nahaungi didi, Komal didi ko abhi utha rahi hu.", Is ghar me bhi rasoi ka poora samaan tha aur doodh pehle he fridge me rakha tha pichle din chai ityaadi ke liye. Alka apni badi behan ko jagane kamre me dakhil hui toh wo pehle he bathroom ja chuki thi. Andar se paani girne ki awaaj bata rahi thi ki Madhuri didi naha kar he aayengi.
"Ae Preeti, thoda sahi se so.", Ab Alka ne chumbak-jodi ko alag kiya tha jo ek dusre se kass ke lipti so rahi thi. Preeti ka hath Afsana ki tshirt se bahar nikaal kar savdhani se Preeti ko he hilaya. Preeti ki aankhon me abhi bhi aalas tha lekin wo ab dusri taraf karwat ke bal ho gayi.
"Strong si coffee he pila do didi.. aahhh.. sar dukh raha hai joro ka.", Preeti kuch chetan hui toh aakhen band kiye he apne baalo ko dono hatho se ekattha karti hui rubber bandh kar kamre me gor se dekhne lagi. Bagal me Afsana kisi masoom se bache ki tarah sikudi hui so rahi thi. Tara Priyanka ne toh uthne se he inkaar kar diya tha.
"Yaha chai hai sirf. Tum 5 minute araam karo, main bana kar laati hu.", Alka ko bhi ab ek jordar chai ki talab mehsoos ho rahi thi aur is sab khatpat ke beech Rupali aur Gurdeep bhi jaag chuki thi. Alka bahar se hamesha ki tarah shaant thi lekin utni he dukhi bhi thi Ritu ke rone aur Arjun ke sath wo sab hone par. Chulhe par chai ka paani rakh kar wo bas soch rahi thi ki aakhir galti kiski hogi.
.
.
"Ab kandha kaisa hai tumhara? Aur exercise toh nahi kar rahe na aaj?", Arjun us ghar ka sara kooda thikane laga kar ghar me ghuste he bahar nalke par hath mooh dho raha tha ki idhar wale snaanghar se apne pita ko tayaar ho kar apne pas khade dekh thoda seham sa gaya. Aaj pehli baar uska din itne bure tarike se shura hua tha aur jaise wo khudko he doshi maan kar apradhbodh se grasit tha. Pita ki awaaj se tandra bhang hui toh chehra taar par latke toliye se saaf karte hue jawaab diya.
"Good morning papa. Abhi ek week tak koyi pyhisical exercise nahi karunga. Kandha ab thik hai kaafi hadd tak. Aap kahi jaa rahe hai kya itni subah?", 5 baje apne pita ko patloon kameej me hamesha ki tarah tayaar dekh usne he baat aage badha di. Shankar ji ab bade gor se uske chehre ko dekh rahe the aur ekdum se unhone uski thuddi ke niche hath rakh kar uske baaye gaal par aayi laalima aur honth ke halke se ubhaar ko parakh liya.
"Ab ye naksha kisne chhapa tere chehre par aur kis wajah se?", Arjun ki toh sittipitti he gum ho gayi thi. Uske pita jitne hansmukh the utne he gambhir doctor bhi, jo har cheej badi paini nigaah se dekhte the.
"Wo yaha aane se pehle.. Maine socha ki niche didi logo ko utha du.. Darwaja kholne ke badle ye mila. Maine sorry bol diya tha papa.", Arjun aaj pehli baar apne pita se ek jhooth bol raha tha aur Shankar ji ke chehre par lambi muskaan aa gayi.
"Hahaha.. Matlab Ritu abhi bhi tumhe kabhi kabhi path padha he deti hai? Chalo aage se dhyaan rakhna ki har insaan ka personal space hota hai aur kabhi kabhi gatel kholne ki jagah knock karke bahar se bhi bataya ja sakta hai. Uski neend jabardasti se kharaab karoge toh aisa fir se ho sakta hai.", Shankar ji ka anumaan ekdum sateek tha ki ye kaarnama sirf Ritu he kar sakti hai lekin unhe jara bhi andaja nahi tha ke Arjun ke sath jo bhi hua hai uski sahi wajah aakhir kya thi.
"Ji papa and I'm really sorry if this is embarassing for you too. It happend by mistake.", Ritu ke saamne jo Arjun sirf uljhan me tha abhi wo na jaane kyun ekaek bhavuk hone laga tha. Uski aankhon ke koro se aansu bante hue Shankar ji ne bhaanp liye the aur wo apne bete ke is gumnaam dard ko sehan na kar sake.
"Koyi baat nahi beta. Kabhi kabhi aap galat nahi hote lekin saja dene wala shayad khud pareshan hota hai aur aksar wo kisi aur ki galti par apne he kareebi ko chott pahucha deta hai. Tum apni haalat thik karo aur fir tayaar ho kar apni Richa didi ko khud le kar aao unke ghar se. Main Banne (Hansmukh) mama ko lene station ja raha hu. Chaho toh apne sath kisi ko bhi le jana.", Shankar ji ne bade he pyaar se apne bete ko aise gale lagaya tha jaise wo atche se uske dard ko samajh chuke ho. Bahot kam hota hai ki ek baap apne bete ko maansik saantvana de, khul kar. Arjun bhi 'ji papa' bol kar unke aagosh se nikal andar ki taraf chala gaya. Narinder ke sath sath is drishya ko khus Kaushalya ji ne dekha tha, jo waha Shankar aur uske pita ke liye nashta liye khadi thi. Pandit ji bas abhi abhi mehmaan kamre se tayar ho kar nikle the.
"Haan toh tu kabse Arjun ko itna pyaar karne laga? Matlab pyaar toh tu karta hai lekin aise khul kar dikhana toh pehli baar he ho raha mere saamne. Aur Chandro taai ke toh tu ja raha tha na?", Narinder apne bhai ke kareeb aa kar dhimi awaaj me guftgu kar raha tha. Shankar ke chehre par ek feeki si muskaan teir gayi.
"Wo jab paida hua tha na toh maine he peet-peet kar kaanse ki thaali faad di thi. Sikha tere londe ko jara dil majboot rakhna kitna jaruri hai. Kisi din agar ye jiwan ki koyi bhi jung hara na toh uski wajah yahi hogi Inder. Jajbaati hai lekin sabkuch andar he bharr ke rakhne wala. Yaha behanchod hum apni galti saabit hone ke baad nahi maante aur ye ladka har waqt dil se he chalta hai. Aaja nashta karte hai fir main bhi tere sath station he chalta hu.", Shankar ne baat aadhi adhuri bataai aur apne pita ki bagal me he dari par virajmaan ho gaya, nashte ke liye. Pandit ji apne mitra Chandrakant ke niwaas jaane wale the aur iske sath he kuch khaas logo se vyaktigat mulakaat bhi thi.
"Iska result bhi aane wala hoga Shankar. Yahi rakhna hai baharvi (12th) tak ya kisi bade school me bhejna hai?", Apne pita ki aisi baat sunn kar ab Shankar jhemp raha tha. Usko laga ki aaj fir Arjun ko boarding bhejne wali baat par tana diya ja raha hai.
"Ghar he thik hai aur iska school utna bura bhi nahi hai yaha wala. Ritu-Komal aur baaki sabhi bache wahi padhe hai papa. Boarding bhejna kuch galat tha lekin iske vyaktitva ko nikhara bhi hai waha ki shiksha ne. Ab ye ghar hai toh aap sabhi sunishchit bhi rehte hai. Arjun ko ab kahi nahi bhejna maine, baaki uski marji jo wo karna chahe.", Shankar aateen modd kar parathe plate me rakhte hue shayad kuch aur bhi soch raha tha. Kaushalya ji bade dhyaan se dekh rahi thi ki unke pati aakhir kehna kya chaah rahe hai.
"Boarding wali baat nahi kar raha hu main Shankar. Arjun engineering ki degree Delhi se karna chahta hai aur agar wo 11-12 kaksha bhi wahi se karega toh admission me utni samasya nahi aayegi. Ye mera vyaktigat vichaar hai aur tum log isko anyatha nahi lena. Baaki result aane do uske baad vichaar kar lena aur Arjun se bhi charcha kar lena. 5 din waha school me padhega aur 2 din idhar pariwar me.", Shankar toh pita ki baat par khamosh he raha lekin Kaushalya ji ke bohen chadh chuki thi.
"Dekho ji, jo jaise chal raha hai na usko waise he chalne do. Nahi mila agar badhia college me dakhila toh yahi ke college se BA kar lega. Meri taraf se toh na bhi padhe toh kaam-dhanda kar lega kuch lekin abhi 2 saal wo yahi rahega, main bol deti hu. Bade aaye samasya hal karne wale. Inder, dekh kya raha hai plate ko? Nashta kar aur apne mama ko lene nikal.", Kaushalya ji bhadakte hue sabse chote bete par gussa nikaal bhitar chal di. Wahi Shankar he akela muskura raha tha.
"Waise aapki baat galat nahi hai papa. Usko Delhi me hostel ki jagah alag se rihayash di jaaye toh wo bhi duniya samjhega. Iske dost he kitne hai jara dekho aap.? Dharampal bhai sahab ka beta bas aur uske siwa maine toh isko kisi bahar ke ladke se dosti karte nahi dekha. Baaki mujhe nahi lagta ki maa is baare me ab kuch bhi sunegi. Main toh jikar bhi nahi karunga apne mooh se lekin Inder samjha sakta hai.", Jug se apne gilas me lassi daalte hue Shankar ne yaha Inder ki taang khinchai karte hue usko bhi mudde me shamil karne ki koshish ki.
"Dekh lo papa isko aap. Main toh chain se roti kha raha hu lekin isko jaise ye bhi pasand nahi aa raha. Aapko aur mujhe ghar se nikalwayega ye agar aisi koyi bhi baat abhi ki toh. Shaadi tak toh araam rehne do.", Narinder ne jhootha nakhra dikhate hue Shankar ki he plate aur lassi ka gilaas apni taraf sarka liya.
"Pata nahi tum log bade kab hoge? Ab Arjun tak main ye baat apne tarike se he pahuchaunga. Wo samjhega toh baaki sabko khud he mana lega. Waise bhi ab uska waqt hai duniya aur mahol ko samajhne ka. Uski daadi ka bas chale toh bagal wale school na jaane de usko. Shankar, aaj rishteydar aayenge toh bahu aur bacho ko samjha dena kamre tayaar karne ke liye. Udhar Gupta wali kothi bhi tayaar hai jaha 15-20 log reh sakte hai. Arjun ne gadde, cooler ityadi lagwa diye the. Baaki Inder ek baar Satish ke sath uske hotel bhi ja aayega. Ab mehmaan jutne lagenge aur ghar me dhero riwaaj bhi hone hai. Rajkumar mandi se aane ke baad baaki kaam dekh lega idhar.", Rameshwar ji ne dono ka dhyaan ab ghar ke jaruri karyo par karwaya toh wo bhi pichli baat bhool kar bade dhyaan se sab sunn ne lage. Kuch aur charcha karne ke baad wo dono ek he car se station ki taraf nikal chale aur ab Arjun bhi naha dho kar bahar aa gaya tha Haveli jaane ke liye.
"Barkhurdar, tumhari savari thoda ghoom kar ja sakti hai?", Rameshwar ji joote pehan kar ab poori tarah tyaar the aur Arjun bhi unke saamne he tha.
"Ji dada ji jaisa aap kaho. Kaha chalna hai?"
"Mujhe tum bas Chandarkant ki kothi par utaar dena aur wahi se aage nikal jana.", Rameshwar ji ghar ke bahar he khadi Arjun ki car me baithne se pehle ek nigaah pichli seat par maar chuke the. Filhal unhone usko kuch na kaha kyonki unhe pata tha jo bhi ho is sabse Arjun ka sarokaar nahi hoga. Unke bete he the jo aisa kuch kar sakte the. Yaha se 6 baje car nikal kar sector ki khamosh si sadak par chalne lagi thi. Din aage vyast hone wala tha kyonki aaj ladki ki haldi thi, kal mehandi ka karyakram rakha tha aur fir sangeet.
.
.
"Yaar kitchen me agar kuch nimbu hai toh dekh na Madhuri. Sar bhaari ho raha hai mera aur ye Himani-Marina uthi ya nahi?", Takriban 6 bajne se kuch pehle he Vinni ujala hone par yaha pichle ghar me bheetar aayi toh Madhuri-Priyanka ko sab vyavasthit karte paya. Jo jaruri safaai thi wo dono mil kar kar rahi thi is hall ki. Ritu is awaaj se kamre se bahar aayi toh apne saamne Vinni didi ko araam se dusre kamro ko jhaankte paya.
"Abhi bana deti hu nimbu paani aur tab tak chaho toh bathroom ho aao. Himani udhar wale kamre ke bathroom me naha rahi hai aur Marina ne shayad thodi jyada pee li thi isliye wo nimbu paani ke sath painkiller khaa kar thoda araam kar rahi hai. Jasleen thik hai na?", Madhuri ne fridge se 2 nimbu nikaal kar raosi me jaate hue kaha.
"Haan yar kuch jyada he ho gayi thi raat. Aur Marina ka liver shayad sabse jyada majboot hai. Wo toh wine ki bottle bhi khaali kar gayi vodka ke baad. Jasleen bhi aa gayi.", Vinni andar dakhil hoti Jasleen ko muskura kar dekha jiski chust nikkar abhi bhi jaangho ke beech fansi thi. Chehra bata raha tha ke uski bhi haalat utni thik nahi hai.
"Mere liye bhi bana dena didi bas paani thoda kam aur ek poora nimbu daal dena. Saridon ya koyi disprin bhi ho toh dena. Mujhe toh ye bhi yaad nahi ki main upar kab chali gayi. Shayad Himani yahi hall me mere sath so rahi thi aur uske uthne ke baad main neend me upar chali gayi. Yaad nahi.. uff.", Ritu bade gor se ye sab dekh rahi thi aur idhar Aarti ke sath Afsana bhi tayaar ho kar bahar aa chuki thi.
"Aapke shorts par nishaan kis cheej ke hai ye? Matlab chot toh nahi lagi koyi?", Aarti is waqt poori tarah se thik najar aa rahi thi.
"Yaar ye na wine hai jo pata nahi kis kambakht ne gadde par gira di thi. Vinni didi aap bottle le kar gayi thi kya upar?", Ab toh Ritu ke totte udd chuke the ye sunn kar aur baaki sabhi hans rahe the jaise unhe Jasleen ki haalat par maja aaya ho. Ek baar fir Ritu ki aankhen geeli hone lagi thi jisko rokne ke liye wo turant kamre ke bathroom me ja ghusi.
"Oh nahi yar main ye wine shine drink nahi karti. Marina gayi thi chatt par jab usko garmi lag rahi thi. Usne he giraai hogi kyonki sabse jyada usne he pee thi. Fir khud toh aa kar niche so gayi aur Arjun ka mujhe kuch pata nahi. Main bhi kab waha gayi aur Jasleen kab aayi mujhe toh ye bhi pata nahi.", Vinni abhi tak bathroom nahi gayi thi aur Madhuri didi ne 2 gilaas nimbu-paani ke un dono ko pakda diye. Jasleen toh ek he saans me gilaas khali karke Marina wale kamre me daud gayi aur Vinni chote chote ghoont leti hui jaise raat ki kahani yaad karne lagi.
"Waise sach kahu toh ek baar toh lag raha tha hum log fans jaayenge. Par utna kuch hath se bahar nahi hua. Arjun toh sabke uthne se pehle he sara kachra-bottles le kar nikal gaya tha. Aap bhi fresh ho jao aur araam bhi karna hoga toh wahi kar lena thoda time. Tara naha ke aa rahi hai aur Jasleen ke aate he hum nikal chalenge.", Priyanka ne is beech ye sab bataya toh Vinni gilas liye he ek bathroom ki taraf badh gayi. Gurdeep bhi naha dho kar salwar kameej me aa chuki thi. Uske chehre ke bhaav toh thik the lekin dil me kasak thi ki kal raat agar wo nahi peeti toh Arjun ke sath kuch na kuch mauka jarur bann jata.
"Sorry Afsana ji. Mujhe Ritu didi ne bataya ke maine raat aapke sath kuch galat kiya aur shayad neend me bhi", Preeti aur Afsana ghar ke bahar ujale me tehal rahi thi. Kuch samay baad jab dono he khamosh dikhe toh baat Preeti ne he shuru ki.
"Sorry ki koyi baat nahi Preeti. Aur aap hume naam se he bulaye, ji lagana jaruri nahi. Aap hamari dost hai aur aap nashe me thi. Dost aisi baaton ka bura nahi maante. Khair, hume aapka khana khilana atcha laga.", Afsana ne is waqt jo pyaari muskaan dikhai thi Preeti ne utne he pyaar se usko gale laga liya.
"Thank you so much. Guilty feel ho raha tha pichle ek ghante se aur Alka didi toh jaise abhi aur bhi kuch batayengi. Mujhe yaad nahi lekin aapne poora khayal rakha mera.", Abhi wo dono gale lagi he hui thi ki Aarti apne sath Ritu ko liye idhar aa gayi.
"Oh bas karo yaar tum dono ab. Matlab Preeti ka toh samajh aata hai ki Ritu ke sath reh kar dimag hil gaya lekin tum toh Afsana darling aise khayal tak apne dil me nahi laati thi.", Aarti hanste hue taang khinch rahi thi lekin Afsana ki jagah jawab Preeti ne he diya.
"Aisa hai na Aarti didi, ye ab hamari bhi dost hai. Aur main inhe wahi pyaar de rahi thi jo inhone mujhe diya. Raat khana bhi khilaya aur sone ke waqt bhi dhyaan rakha. Haan aap kamaal ho jo Ritu-Alka didi se pehle he bina kisi ki najar me aaye yaha aangan me apna khana akele he kha pee kar mast so gayi.",Is beech Ritu ne bada gate khol diya tha.
"Baatein baad me kar lena tum log. Hum ghar chalte hai pehle.", Ritu ke aise rukhe jawaab se Preeti turant sahi ho gayi. Baaki dono chupchap bahar aayi aur Aarti ne gate wapis laga diya.
"Wo car Arjun le gaya na aur baaki sab 2 gaadi me aa jayenge. Afsana tumhe paidal chalne me pareshani toh nahi?", Ritu ne ab thode naram swar me baat kahi thi jis par Afsana ne apna dupatta sahi karke bas naa me sar hila diya.
"Wo gaya kab yaha se? Na he raat me Arjun ki koyi awaaj sunai di aur na subah. 5 sava 5 toh main bhi uth gayi thi.", Preeti ne sadak par chalte hue ek baar he Ritu ko dekha tha lekin fir najre saamne kar li. Ritu ka chehra he bata raha tha ke wo pareshan hai chahe jitna marji chhipa le.
"Bas us se kuch pehle he chala gaya tha wo hamara kooda samet kar. Aainda naam nahi lena beer-vodka ka. Jisne peeni ho wo band kamre me kare ye sab.", Ritu ko khudko he nahi samajh aa raha tha ke wo kehna kya chahti hai aur gussa kis par nikal rahi hai.
"Dekh Ritu, tu kyon pareshan hai ye mujhe nahi pata aur main puchungi bhi nahi kyonki baat batane wali hoti toh ab tak bata chuki hoti. Sab chahte the ki waisa ho aur raat gayi toh baat bhi gayi. Apni pareshani ka hal kar jaisa tu hamesha thande dimaag se karti hai. Tu he ek hai jisne sabko aapas is kadar jodd diya hai ki kabhi lagta he nahi hum behne hai aur alag alag. Is sabki wajah hai tu aur agar tu he pareshan rahegi toh asar sabhi par hoga. Jiske liye pareshan hai us se baat kar, wo tujhse upar kisi ko nahi maanta.", Aarti ne raah me chalte chalte Ritu ki hatheli apne hath me lete hue bade dhime swar me kaha tha. Ritu ne ek baar Aarti ko bade he apnepan se dekha jo Ritu ki haalat bina kahe kuch samajh chuki thi. Ek baar fir Ritu ke dil me dard sa ubharne laga tha par abhi usko Arjun se maafi maangne tak ye aansu aise he roke rakhne the.
"Haan.. Sorry Preeti, raat ke baad se kuch atcha nahi lag raha tha isliye wo sab bol diya. Afsana tum bhi maaf karna please.", Ritu ne dono se maafi maang kar najre jhuka li thi.
"Ritu aapi, apno pe he toh gussa hona jaayaj hai. Kahi bahar wale dil thodi samajhte hai. Preeti ne kaha hai hume ki aap pareshan hai aur hum bhi samajhte hai. Waise aap sachmuch khaas hai.", Afsana ab kahi jyada urdu ke lafz pryog nahi kar rahi thi. Uske khush chehre ko dekh ek baar toh khud Ritu uske gale lagna chahti thi lekin ghar se bahar hone ki wajah se bas pratiuttar me abhaar bhari najro se pehle Afsana ko dekha aur fir Preeti ko jo khud jaise Ritu ke dard ko pehchan kar khamosh thi.
"Chalo ab sabse pehle main sabko coffee pilati hu phir haldi ke shagun ki tayaari karte hai.", Ritu ne bagiche se andar aate hue teeno ko jhoothi muskaan se kaha. Jhoothi isliye kyonki yaha bhi Arjun ki car nadarad thi.
"Aapi ab toh coffee tabhi piyenge jab aapke shikwe khatam honge. Hum kuch waqt chachi ke pas rehte hai, aapko thik lage toh.", Afsana ne ghar me dakhil hote hue Kaushalya ji aur Devaki ko pranaam kiya jinhone uske sar pe hath fer kar aashirwad se nawaja. Afsana aur Aarti andar chali gayi thi aur Preeti apne ghar.
"Tu khabar bhi rakha kar thodi bahot. Aur soyi ni kya raat thik se?", Kaushalya ji Ritu ko liye bahar aangan me bichi charpayi par he baith gayi. Anamika chachi apni dono saas ke liye chai le aayi thi aur unke peeche he Renuka bua aur Manju bhi idhar aa gayi. Wo dono kursi par he baithi apne apne doodh ke gilas ke le kar. Manju se Ritu muskura kar he mili thi jaisa inka pyaar gehra tha waise inhe ab aupcharikta ki jarurat nahi thi.
"Aisa kya hua jiski mujhe khabar nahi daadi? Aur aapko mera chehra isliye alag lag raha hai kyonki main kuch jyada he soyi hu. Ab batao kya baat hai.?", Ritu khud ko atche se sambhal chuki thi. Sabse kam hangover wali Ritu ne aaj pehle he sabse badi galti kar di thi.
"Tere dada ji naya raag alaap rahe hai aur mujhe lagta hai wo apne paute ko bhi isliye sath le gaye hai subah-savere.", Kaushalya ji paheliya si bujha rahi thi aur Ritu ke sath sath ab Anamika, Manju aur Renuka ka bhi dhyaan unki baaton par tha. Devaki ji ko meethe biscuit aur chai ke siwa waha kuch aur nahi dikh raha tha.
"Saaf bolo na daadi ki wo aisa kya kar rahe hai? Aur kaha gaya hai Aaru?", Ab Kaushalya ji ko toh kisi ne bataya nahi tha ke Arjun toh sirf Pandit ji ko unki manzil par chhoda aage haveli se Richa ko lene gaya hai.
"Wo tere baap se keh rahe the ki Arjun ko badi kaksha ke liye 2 saal Delhi bhej de fir wahi wo aage college kar lega.", Abhi wo itna he boli thi ki Ritu ne thoda jor se apni daadi ka hath pakad liya. Ye asehniya tha aur Kaushalya ji samajh gayi thi apni laadli ka dard. Manju ki bhi aankhen badi ho gayi thi.
"Arjun ne kya kaha daadi ji?", Manju ne he Ritu ki jagah sawaal kiya tha. Ritu toh bolne se he gayi thi.
"Nahi usko nahi kaha tha tumhare dada ji ne. Maine khabardaar kar diya tha ke aisa wo bhool jaaye ki Arjun ko ab kahi bhej denge. Shankar ne bhi mana kar diya tha lekin jaise ye keh rahe the aur fir apne sath Arjun ko lekar gaye hai toh mujhe lagta hai wo Arjun ko apne jhaanse me le lenge aur wo unki baat taal nahi sakta.", Kaushalya ji abhi ye Manju ki taraf dekh kar keh rahi thi aur Ritu ke honth thode kasne lage. Sharir me kampkami hone lagi thi aur aisa lag raha tha jaise sharir sath he na de raha ho. Jeebh taalu me chipak gayi thi jis wajah se wo bol bhi nahi paayi lekin aankhon se lambi dhaar behti hui gaal se niche utar kar chehre se niche girne lagi. Ab kahi uska sabar aur himmat jawaab de chuki thi. Arjun par anjaane me he hath uthane ki itni badi saja ki kalpana tak na thi Ritu ko. Kismat aisa nahi kar sakti.
"Meri bachi.. Ritu beta.. Ritu..", Ab Kaushalya ji ka chehra safed padd gaya tha jab kaampti hui Ritu ka sharir buri tarah se ainthne laga. Unhone turant he usko apne kaleje se laga liya. Peeth ko tej tej sehlaati hui wo jaise uske sharir ko garmi de kar shaant karne lagi. Renuka bhi turant bagal me aa baithi. Paani ka gilaas Ritu ke kase hue jabdo se lagati hui Renuka ke bhi hath kaamp rahe the. Ek sard jhatka sa laga Ritu ke dil me jis se uski jakdan kam hui. Honth halke se khule aur paani ne jaise sookhe mooh me taravat bhar di. Ab wo dheeli padd chuki thi lekin rulaai nirnantar chalne lagi. Ritu ke sharir me fir se harkat mehsoos karke Kaushalya ji ko bhi kuch araam aaya. Jo kuch kshann pehle unhone dekha tha us chehre ne toh unka dil he baitha diya tha.
"Meri bachi.. main Arjun ko aise kahi ni jaane dungi. Chahe tere dada bole ya tera baap. Tu aainda aisa matt karna beti, kabhi bhi aise haar nahi maan na. Meri pyaari beti itni kamjor nahi hai.", Kaushalya ji abhi bhi usko baahon me liye thapak rahi thi. Devaki toh ab kuch jyada he hairat se apni jethani aur pauti ko dekhe ja rahi thi. Ritu ki haalat dekh Manju bhi afsos me thi lekin us se toh kuch kehte he na bana.
"Badi maa, ne keh diya na Ritu ki Arjun yahi rahega. Aur tum toh itni kamjor nahi ho jo rone lago? Uske liye ladne wali aaj rone kaise lagi?", Renuka bua ko bas itna pata tha ki Arjun ke liye Ritu kuch bhi kar sakti hai par unhe bhi nahi pata tha ki wajah kuch aur bhi hai.
"Sorry daadi.. sorry bua. Main chehra dho ke aayi.", Ritu aaj apne sharir ko he sambhal nahi pa rahi thi. Kuch alag he chal raha tha uske mann me jo wo bahar wali seedhiyan chadhti hui seedha Arjun ke kamre me chali aayi. Dono taraf se darwaje laga kar wo aundhe mooh bister par girti ab fafak kar rone lagi thi. Alka sahi thi ki usko Arjun se baat karni chahiye thi lekin fir bhi itna gussa aur wo bhi apne pyaar pe hath uthana kahi se bhi sahi na tha jiska ehsaas karke usnke aansu nahi ruk rahe the.
"Aise kya haar jade hai jiji Arjun me jo ladki safed padd gai? Ghar ke ladke toh bahar jaate he hai lekin ye toh aise ro rahi jaise uski behan na ho..", Devaki aage kuch kehti us se pehle he Kaushalya ji ne ungli 'na' me hilate hue aage bolne se rok diya.
"Duniya hai uski Arjun aur aaj wo ro rahi hai kyonki shayad wajah kuch hogi. Bhai se pehle he 8-9 baras dur rahi hai jiska dard aaj tak hai. Ye ladki Shankar ke sath tere jeth ke bhi ghutne tikwa sakti hai uske liye. Ab wo tu jo bhi samajh Devaki lekin khayaal apne tak he simit rakh. Main jaanti hu Ritu ne aajtak kabhi khilona tak ni manga jabse usko Arjun mila. Baaki tere jeth ji ka raashan main band karti hu, jara ghar aane de inhe.", Kaushalya ji aahat toh hui thi lekin bhavnaye prakat karna jaise unhe shobha nahi deta tha.
"Ye sab bhi aa gayi hai badi maa. Hum tayaari dekhte hai aur fir thodi der tak nashte ke liye mehmaan aane lagenge.", Renuka bua ne Tara aur Jasleen ki car ghar ke bahar rukte he Kaushalya ji ka dhyaan mahol se hatate hue kaha. Wo bhi thodi sehaj hoti hui chai ka cup utha kar peene lagi, beshak ab wo peene layak toh nahi rahi thi. Sabhi ladkiyan laut aayi thi aur ab aage kaafi vyast din rehne wala tha.
.
.
"Aao aao Arjun beta. Jug jug jiyo, bhagwan tumhe lambi umar de.", Chandro devi ab poori tarah swasth thi. Arjun apne khayalo me khoya hua aaj jis raftaar se idhar aaya tha usko khud pata nahi chala. Haveli ke bahar car rokte he gate ke saamne Chandro Devi Sultan ko ghumati dikhi. Unka aashirwad le kar wo unke sath he andar daakhil hua. Sultan uske he sath uchalta koodta chal raha tha jisko beech beech me Arjun sehla deta toh wo gol gol ghoom kar khushi jaahir karta.
"Sab thik hai na badi daadi? Aap ab pehle se atchi lag rahi ho. Namastey chachi ji.", Arjun ne Chandro daadi se baat karte hue he Guddi kaaki ke paanv chhuye aur uske baad apni khaas bua Sushila se gale lag kar mila. Wo bhi jaise gujarte waqt ke sath kahi jyada he nikhar rahi thi. Guddi kaaki ne bhi Arjun ko aashirwad diya aur uske baad aangan me ek taraf Bijender bhaiya najar aaye jo naha kar nikle the aur dusri taraf Madhulata, jo audhni-ghaghre ki jagah aaj ek safed saree me thi. Arjun ne bina deri kiye sabse pehle Madhulata ke saamne hath jodd kar charan-sparsh kiya.
"Kaisi ho kaaki? Aap pehle se kamjor lag rahi ho.", Ab Arjun ne kamjor kis lehje me kaha tha ye toh bas wahi jaanta tha lekin Madhulata bas itne me he khush ho gai ki Arjun ne uska aise sammaan kiya aur haal bhi poocha.
"Main toh pehle se atchi hu Arjun. Shayad tum kuch samay baad aaye ho isliye aisa lag raha hai. Richa ko lene aaye ho?", Ab Madhulata ka dhyaan gaya Shankar ki anupasthiti par. Arjun bhi haan kehta hua apni taraf muskura kar dekh rahe Bijender ke pas chala aaya. Jiske khaane ki thaali Sushila bua laga rahi thi. Dono gale lag kar mile, poore apnepan se.
"Tu toh aur badhta ja raha hai chaand. Waise phone bhi kar liya kar kabhi kabhi, saanjh ko ghar he rehta hu main.", Bijender Arjun ko liye wahi khule aangan me khaat pe baith gaya. Chandro Devi bhi saamne he kursi daal kar Arjun ka haalchaal lene lagi.
"Phone toh tab karu jab mujhe yaha ka number pata ho bhaiya. Na kabhi aapne diya na kisi chachi ne.", Arjun jaanboojh kar aisa keh raha tha aur Madhulata ke chehre par alag he muskaan teir gayi. Wo chulhe ke saamne Guddi ke sath kaam karwane lagi thi aur Sushila ne Bijender ko thaali dene ke sath he Arjun ko bhi doodh ka bada gilaas thama diya.
"Ye tera bhai hai, bhabhi nahi jo dillagi kar raha. Babita aur Richa ke sath batlane ke time number kaha se aaya karta tere pas? Bijender, iske bhi hawa lag gayi thode din me. Maa, aapki roti bhi ghaal du?", Sushila ka dil tha thodi der Arjun se baat karne ka lekin abhi subah ka waqt tha aur Chandro Devi ki dincharya atal thi isliye poochna he behtar samjha. Arjun mand mand hans raha tha Bijender ke sath.
"Roti toh ruk ke kha lungi main. Pehle Richa ko bata de wo tayaar ho jaaye. Dono bhabhi nanad abhi tak jaane kya kisse gadh rahi hai. Arjun, beta tu parathe khayega ya choorma?", Sushila waha se Anupama aur Richa ko bulane chal di.
"Daadi ji main nashta karke aaya hu aur waise toh doodh bhi pee ke chala tha. Isliye aadha main Sultan ko de raha hu agar aapko bura na lage toh.", Arjun ne jab Bijender ko Sultan ki taraf roti ka tukda uchalte dekha toh uska bhi dil kiya wo ye doodh use pila di. Nashte ke liye wo jhooth bol he chuka tha.
"Atchi baat hai beta. Waise ab toh rishteydar bhi aane shuru ho gaye honge?"
"Koyi khaas toh nahi pahuche daadi ji lekin Punjab wale dada ji aa gaye the. Madhu bua aur fufa ji bhi aaye hai aur jo log aayenge wo mere khayal se aaj ya kal me aane wale honge. Bauji (Pandit ji), bol rahe the ke aap log bhi 11 baje tak tayaar rehna Umed chacha aayenge.", Arjun Sultan ko wo sara doodh pila chuka tha baaton baaton me. Idhar Richa khushi khushi Sushila ke sath aa rahi thi. Anupama ne jaane kyun Arjun ko dekh ghoongat nikaal liya tha.
"Kaisi ho didi?", Arjun bejhijhak Richa se gale lag kar mila jo Madhulata bhi gor se dekhne lagi. Uski beti ekdum itni khush ho rahi thi Arjun ke sath.
"Main toh perfect lekin dekh le ek din ka bol kar fir meri yaad nahi aayi?"
"Yaad nahi aati toh fir main aata he kyun? Haan wo thode ghar me kaam jyada the aur ab aap chalogi toh time milega hansne bolne ka.", Arjun Richa ke sath he wapis Bijender ke barabar baith gaya tha.
"Jab Umed ne aana he tha toh teri jaruri pared karwani thi Rameshwar ne? Babita ka bhi phone aaya tha thodi der pehle. Kaushalya ne usko bhi bulaya hai damaad ke pariwar ke sath. Jab se uska byaah hoya hai paanv uske bhi na tik rahe.", Arjun kaise kehta ke uske toh paanv wo bhaari bhi kar chuka hai lekin Babita ka naam sunn kar uske chehre par aayi khushi Richa ke sath sath Sushila bhi taad chuki thi.
"Ab didi ke liye toh mujhe papa ne kaha tha aur aapke liye yaha aate hue dada ji ne. Atcha hai Babita didi aa rahi hai toh sabse ghul-mil lengi. Unke jaise baatein bhi karne wale hai udhar ghar me 3-4 log. Waise bhaiya aap aaj bhi khet jaa rahe ho? Aur ye bhabhi ka toh main devar lagta hu lekin jara dekho inhe.", Arjun ne Anupama ki taraf sabka dhyaan karwaya toh wo apne paanv se jameen kuredne lagg padi.
"Hahaha.. Dekh le daadi chhore ne. Seedha na kehta ke meri lugaai se nain-mattakka karna hai.", Bijender ne Arjun ki taraf se ye chuhal ki thi aur Anupama toh sharam ke maare apne kamre me he daud gayi.
"Bhaga he diya aapne toh unhe. Waise jawaab nahi diya aapne ki aap kyun nahi aa rahe?"
"Dekh bhai main jaunga raat me Sanjiv ki party pe. Ye mahilao wale maamle me wahi thik. Baaki Sangeet wale din bhi aaunga teri bhabhi ko leke aur byaah wale din toh hounga he wahi. Naanke se bhi Golu hoga he mere sath aur Vikas saanjh me aayega he lene. Tujhse ab roj he milunga. Khet me thoda kaam chal raha hai toh nigaah rakhni jaruri hai. Chal tujhse shaam ko milta hu. Daadi, bhatte ka hisaab leta aaunga.", Bijender ne Arjun ka sar sehlane ke baad apne kamre ka rukh kiya jaha mooh meetha karke wo kaam pe jaane wala tha.
"Richa, khaali jaayegi beti?", Sushila bua ne jab Richa ko chetaya toh wo alag he andaaj me muskura di.
"Taai, mera toh sara samaan pehle he wahi hai. Main kaunsa bag leke wapis aayi thi. Bas Arjun uthe toh main car me baithu.", Ab Madhulata thodi naraaj dikhi jisko Chandro Devi ne bhi dekh liya.
"Maa se mil le apni ek baar. Ja Munni jo dena hai samjhana hai, kar le.", Chandro Devi ke kehne par Richa beman se apne kamre ki taraf chal di aur uske baad Madhulata bhi.
"Daadi, Sarpanch ki biwi Reshma ka kuch pata chala kya?", Arjun ne anjaane he ye sawaal kar diya tha jispar Sushila ne uski jaangh daba kar rokna bhi chaha.
"Kya pata chalna tha uska beta? Sarpanch toh maine bhatte me foonk diya aur jo Reshma hath chadh jaati toh uska bhi wahi haal karti. Tu bhi apne dada aur bhai ki tarah police ki tayari me laga hai?", Arjun toh hairaan tha ki jo Sarpanch gayab tha usko Chandro Devi ne maar ke foonk bhi diya tha.
"Nahi nahi. Aisi baat nahi hai daadi. Wo toh bhaiya ko bauji se baat karte suna tha ke Reshma abhi tak gayab hai.", Arjun ke jawaab par Sushila ne tagda khulasa kiya.
"Gayab toh Munni ki maa bhi hai us din se he. Maa, main roti ghaal rahi.", Sushila ne saaf keh diya tha ke is kaand me Resham ki sathi kaun hai. Chandro devi toh chaah ke bhi kuch bol he na saki Sushila ke saamne.
"Mere kamre me he le aa Sushila. Bister pe baith ke he kha lungi yaha ab garmi lag rahi. Arjun beta tu bhi andar he aaja cooler chala deti hu.", Sushila ne Chandro devi ke peeth peeche Arjun ko ishara se mana kar diya.
"Nahi daadi ji, main bas nikal raha hu aur khaane ke waqt baat karna bhi sahi nahi. Aap aa toh rahi ho thodi der baad. Wahi baat karunga aapse.", Sushila andar chali gayi thi apni saas ke peeche uska khana le kar aur Arjun soch raha tha ke bua ne mana kyun kiya.
"Beta, wo Ajmer se aage XXXX gaanv me milengi dono. Jaan 3 tarfa sankat me hai un dushto ki lekin maa ji ko halke me na liyo. Main jaanti hu ki tum bhi bahot kuch dhoond rahe ho. Byaah wale din baat karungi tumse.", Ye Guddi kaaki thi jo dabi awaaj me jaise bahot kuch he bata gayi thi Arjun ko lekin najar chulhe par rakhe hue. Arjun lajwaab tha kyonki usne kabhi Guddi kaaki ko jyada bolte nahi suna tha.
"Aap jaanti hai kuch.?", Arjun ne bhi Sultaan ko sehlate hue dhyaan dusri taraf rakha jis se kisi ki najar na pade.
"Mere pati ne kabhi koyi galat kaam nahi kiya tha lekin jinhone kiya tha unki saja bhi mere pati ko mili. Sudarshan bhi inhone he badla hai jo aaj bhi kaale dil ke ho kar apnapan dikhane ka dhong karte hai. Byaah wale din he baat kar sakungi kyonki mujhe najro me rehne ke aadesh hai.", Arjun ne bhi majburi ko bhali bhaanti samjha. Wo kuch waqt pehle he parichit hua tha Chandro Devi ke dusre pehlu se jisme unhone sabke saamne bayaan kiya tha ke Sarpanch ko unhone mara hai.
"Aap apna dhyaan rakhiye chachi. Ek galti toh maine aapke sath pehle he anjaane me kar chuka hu. Ab dusri nahi karunga. Mumkin hua tabi baat karenge nahi toh fir kuch aur tarika.", Arjun ab idhar se uth kar car ki taraf badhne laga tha. Richa aa chuki thi aur Anupama se mil kar wo bhi Arjun ke barabar he chalne lagi.
"Dhyaan se chalana car.", Sushila bua ne Arjun ko hidyat di aur wo palat kar muskura diya. Jaali wale darwaje ke peeche se Madhulata bade gor se dono ko dekh rahi thi. Arjun ka uski beti ke liye darwaja kholna, itna hans hans kar bolna kahi kuch aur toh nahi. Dimag bhi waisa he tha jaisi karam. Arjun waha se ja chuka tha aur idhar Madhulata seedha Chandor Devi ke kaksh me aa khadi hui.
"Aap kayi baari kuch jyada he bol jaati ho maa ji.", Chandro Devi ne is baat par bas feeki hansi dikha di. Wo bister par baith kar itminaan se roti sabji khaa rahi thi.
"Baat aisi hai Munni ke wo hai abhi kam-umar aur tu hai us se bade bache ki maa. Kayi baar tu bhi kaand kuch jyada he bade kar jaati hai. Main toh na bolti tujhe kuch.", Madhulata ke chehre par sakht bhaav ubhar aaye the apni saas ki baat sunn kar.
"Reshma koyi raah chalti lugaai toh na hai maa ji? Mausi hai wo meri.", Ab jaise Chandro Devi ko apni galti ka ehsaas hua.
"Chhod us baat ko aur manne kaunsa goli utaar di teri mausi ke? Wo apni hadd me rahi aur main meri me. Aur tu bhi reh jitna tujhe samjhaya hai. Na ab tere pas fauj hai aur na teri mausi ke pas. Mere pas jo hai wo main daanv pe lagati na kisi haal me. Galti se bhi ulajh na jaaiyo is wale Arjun se. Us Ajju se muthbhed me raja-maharaja, chor-daikait, pehalwan-jamindaar katthe ho ke bhi jameen chaat gaye the aur ye us se bhi 10 kadam aage hai. Ladke ki taraf teri najar kharaab hui na Munni toh dehleej se bahar kar ke chaati se Gulabo ka barood utaar dungi.", Apni he row me beh kar Chandro Devi ne apna iraada saaf kar diya tha ke ab haveli me koyi unch nich nahi honi chahiye. Munni ke pas bhi abhi jyada kuch bacha nahi tha.
"Waqt batayega maa ji ke fauj kiske paas hai. Rahi baat Ajju ki toh mera us se na tab koyi lena dena tha aur na main uski baat aaj karti. Aap apne karaar par raho aur main mere pe. Meri maa tak ye pahucha ya iska dada toh wo kisi ke liye thik na hoga. Aur roti laa ke du?", Madhulata aur Chandro ke beech jaane kaunsa karaar-nama tha jis se ye bandhi thi. Lekin itna saaf tha ke dono ki taraf se ek bhi galti hone ki surat me is haveli me bhi bahot kuch ghatt sakta tha.
"Naa.. teri baat sunn ke he peit bhar gaya. Le ja thaali aur ja ke nashta kar le. Byaah me haveli ki bahu ke hisaab se he rahiyo, Shankar ki pehli ban ne ki galti na ho.", Jaate hue bhi Madhulata ka chehra tamtama gaya tha.
'Budhiya, tu kisi din aisi tangegi ki apni haalat pe khud taras aayega. Shankar ki pehli toh main hu he aur is Arjun ka bhi khel main he khatam karungi.', Mann me he sabko kosti hui wo bahar aangan me bartan dhone wali jagah tak pahuchte pahuchte wahi vidhwa aur masoom wala mukhota audh chuki thi. Sushila bade gor se sab kuch dekh rahi thi aur usne poori baat suni thi bagal wale kamre se. Ek wahi thi jis se Madhulta ulajhne ki galti nahi kar sakti thi lekin Sushila dil se Arjun ko apna maanti thi aur ab usne thaan liya tha ke is Munni ko kaise uski aukaat dikhani hai.
.
.
Kumar Saarang ke mehal me kal chulha nahi jala tha aur aaj savere bhi kuch haalat waisi he thi lekin apni beti dwara chai dene par wo mana na kar saka. Is bade shayan-kaksh ke bahar he ye baithak thi jaha Saarang poori raat jaagta hua baitha raha tha. Latika ke aane par he uski tandra bhang hui
"Aap bhi nahi soyi na bitiya?"
"Mujhe mehal me ab neend nahi aati papa.", Latika ke lehje me is waqt koyi shaahi vyavahaar na tha aur ek wahi thi jiske saamne Saarang bhi kuch hadd tak aam vyakti ki tarah rehta tha.
"Aapko aadat daal leni chahiye mehal ki. Kitna samay aur avivahit rahengi? Pushpak ne hume pehle he pareshan kiya hua aur aap unki ke pad-chinho par chal rahi hai. Aapki bua ke sanskaar ke baad aap chahe toh humse vichaar kar sakti is baare me."
"Bhai aadhi raat ke baad aaye the aur abhi bhi wo mehal ke bahar udhyaan me baithe hai. Unhe chai de sakte hai?", Latika dwara yaad karwane par Saarang ne apna cup bhi tray me rakh diya.
"Aapke sath hum bhi chalte hai.", Latika ne khud he wo tray utha li jabki 2 daasi darwaje se bahar khadi jaise intjaar me thi ki kab unhe pukara jaaye.
"Aap koyi aisi waisi baat matt karna papa. Bhai batate nahi lekin wo andar se bahot jyada he dukhi hai. Bindia didi agle 2 ghante me yaha pahuch jaayengi aur unhe lene bhai khud airport ja rahe hai.", Saarang ki chaal me wahi aakarshan tha jo uske vyaktitva me tha. Aur uske barabar chalti ye khoobsurat gulaab si Latika kuch aisi thi jaise upvan me vichran karti swarn-mrigya. Dhero gharane ke rishtey thukra kar ab wo Delhi ke kisi college Ast. Professor niyukt thi.
"Pranaam Raja sahab.", Pushpak itni subah bhi kal wale kapdo me tha nange paanv lekin aankhon par kaale rang ka chasma lagaaye. Saarang aaj pehli baar jaise niyam se alag apne bete ke he bagal me baitha tha.
"Ye aapko shobha nahi deta Raja sahab. Hum sewak hai aapke aur samkaksh nahi baith sakte.", Pushpak turant uthne laga tha lekin Saarang ne apne bete ko kalaai se pakad kar bagal me wapis baithne ko vivash kar diya. Dono ko chai ka ek ek cup de kar Latika bhi unke saamne he kursi par baith gayi.
"Hum is lamhe me is ladki ke pita hai jo aapki behan hai Kunwar sa. Jo pehle se nalayak ho us se koyi dukh nahi hota. Lekin jo shresth ho aur fir bhi wo jiwan ko gambhir na le, us se jarur narajgi hoti hai. Aap hamare vansh ko aage badha sakte the poore maan-sammaan ke sath lekin aisa nahi kiya.", Saarang abhi kuch aur bhi bolta lekin Latika ne turatn bagawat dikha di.
"Papa, maine pehle he aapse kaha tha ke aap bhai ke sath koyi gambhir baat nahi karenge. Aap agar yahi sab kehne aaye hai toh fir mujhe khed hoga lekin aap hume baat karne de.", Pushpak jaise is pal me yaha tha he nahi jo bas muskura diya vyathith hone par bhi.
"Kshama devi kshama kare hume. Dil ki baat aksar hontho par aa jaati hai jab rehbar bagal me baitha ho. Waise aapke poojniya Tau ji kaise hai? Aur hum dekh rahe hai ke ab aapne apni maujri bhi utaar di baaki shahi nishaan ke sath."
"Wo waise he jaise aaj se 32 saal pehle the Raja sahab. Waqt ke sath jaise aur jyada behtar Raja ban chuke hai. Taai ji ne bhi apne Pintu ka swagat gale se laga kar kiya tha aur utna he sneh hume Inder bhaiya ne diya. Haan aapse anuati liye bina humne wo maujri apne bhatije ko saunp di.", Pushpak ne chai ka ek ghoont le kar najre apni behan ki taraf rakhi jisko chasme ke upar se dikh nahi raha tha ke uska bhai usko dekh raha hai ya kahi aur.
"Raja.. Hmmm. Chalo tum unhe itna maan toh dete ho. Atchi baat hai aur apne un raja sahab ke saamne guhaar lagane ke baad sachmuch sunvaai ho he gayi.", Saarang kya chahta tha ye toh kisi ko kya khabar thi lekin Pushpak dukh me bhi muskuraye ja raha tha.
"Aaj bhi hum unke sath wahi mehsoos karte hai jo balyawastha me karte the. Unhe aadesh diya aur pal bhar me unhone karya anjaam de diya. Waise raja sahab, aapse humne kal kaha tha ke hum hamara audha chhod rahe hai. 3 baras baad wo sthaan hamare bhatije ko hum swayam de denge, aapki anumati se. Vasiyat toh sab aapki he hai bas wo naam hum agli peedhi me dena chahte hai.", Latika bade gor se sunn rahi thi aur Saarang muskura utha apne bete ki aisi pagalpan wali baat sunn kar.
"Jaante ho agar wo yaha aayega toh kya hashar hoga? Hum hamari baat nahi kar rahe lekin Raj aur Indraneel se tum waakif ho.", Ye ek saaf dhamki thi Saarng ki aur Pushpak shaant he raha. Wo apne pita se kabhi anuchit baat karta bhi nai tha.
"Humko toh nahi lagta ke wo yuvak sadharan manushyo se ruk paayega, Raja sahab. Aapko munshi dada ji toh yaad he honge? Unse kuch behtar hai wo aur Tauji ke ekmatra neeji. Aapko jara bhi nirasha nahi hogi hamare bhatije se milne par. Hum khud unhe leke aayenge aur wapis chhod kar bhi aayenge.", Aur Saarang ye bhi jaanta tha ki Pushpak ke mooh koyi nahi lagega agar wo thaan chuka ho.
"Aapka jo dil kare wo kijiye Kunwar. Aapko waha koyi pareshani nahi hui toh iske badle hum bhi sirf is vyakti ko aane ki ijajat dete hai. Iske alawa har niyam wahi hai aur barkaraar rahega. Pandit ji ke koyi bhi suptra idhar jor ajmaaish pe aaye toh unko shamshaan naseeb hoga poore sammaan ke sath. Aur hum ye bhi jaante hai ki unke suputra bhi Kuwanr Indraneel aur Raj ke liye yahi soch rakhte hai. Aap thehre sant mahatma jinki rago me samay ke sath paani bhar chuka hai.", Saarang ab vyagra ho kar yaha se uth kar chal diya.
"Aap chalengi hamari sath didi ko liva laane?", Pushpak ne bina he laag-lapet Latika se poocha toh wo muskura uthi. Ek yahi bhai tha jisko wo pasand karti thi lekin gussa bhi ho jaati thi jab jab kaarname pata chalte the.
"Aap kisi ko kasht nahi denge, maar-peet nahi karenge toh hum abhi kapde badal kar aa rahe hai. Aap car udhar he le kar aaye, drive hum karenge.", Latika uth kar jaane lagi thi.
"Jo aagaya devi. Sewak wahi maujood rahega. Haan raja sahab se kehti aayega ke dhwaj jhuka dena chahiye is avsar par. Hum kahenge toh gustakhi kahi jaayegi aur aap kahengi toh aadesh.", Gambhirta me bhi sirf bhai behan he majaak kar sakte hai aur aisa he kuch in dono ke beech tha.
"aate hai.", Latika ek adaa se aage badh gayi aur Pushpak fir se gambhir-bhavuk. Ab wo Bindiya aur Shabnam ko lene ja raha tha. Is avsar par bhi Indraneel ka na aana jaise uski peeda me ijafa kar gaya. Abhi bhi wo nange paanv chalta hua dusri taraf badha tha aur kuch aage apne chacha Rajyavardhan se saamna ho gaya jo sanskaar ki tyaariyan karwa kar wapis aa raha tha.
"Suna hai hamare bhatije shri siyaaro ke ghar mulakaat karke aaye hai.", Wo aadatan galat jubaan se he mukhatib hua lekin ye bhool gaya tha ke jo saamne hai wo Kunwar Pushpak hai.
"Ji chacha ji aur hum aapko ek kabile gor baat bataye? Wo siyaar bhi sharir aur himmat me itne bade hai ki akele he registan ke 5-10 sher nibta de. Hume toh yakeen he nahi tha lekin ab jaan gaye hai ki unka vansh ek Narsingh ka hai bas naam chahe siyaar lo ya phir sevak. Bhagwan Narayan apni kripa rakhe aur aapka unse saamna na he ho. Khamma ghani.", Rajyavardhan toh mann he mann jal kar raakh ho gaya tha aise apmaan se lekin Pushpak ke thoda aur mooh lagta toh wo atche se uski ijjatt utaar deta. Jyada kuch kahe bina wo apne bade bhai ki taraf chal diya.
"Ghani khamma chote Kunwar sa."
'Jis din haath lage na mere wo, tere saamne he unki arthi uthegi. Aaja Pandit ka hiteshi bada.'
.
.
"Tum aise kyun chal rahi ho Marina? Raat kuch aisa waisa toh nahi ho gaya?", Marina upar wale kamre me aa rahi thi aur uske peeche he gor se dekhti hui Alka. Ritu abhi tak khud ko band kiye jaane kab Arjun ke bister par wo takiya baahon me liye so chuki thi. Pichle hisse me yaha kamre me pehle se he Aarti, Jasleen, Vinni didi aur Komal didi maujood thi. Himani ko uske ghar abhi Tara he chhodne gayi thi.
"Ye raat kuch jyada he talli thi Alka aur mujhe lagta hai ki seedhiyon se gir hongi tabhi chaal me ladkhadahat hai.", Aarti ki baat par Marina hale se muskuraye. Wo kaise kehti ki kal josh josh me wo us hathiyar se takra gayi jisne aadhe me he uski durgati kar di thi.
"Oh.. Jasleen tum toh thik lag rahi ho lekin kapde pe tumhare bhi khoon tha shayad. Marina tum thoda araam kar lo agar jyada dard hai toh.", Alka ka dimaag toh tabhi se ghooma hua tha jabse usne Ritu ko dard me dekha tha.
"Ye bhi is Marina ki wine ka kiya dhara hai yar. Gadde ko bhigo aayi thi ye jab chhatt par gayi thi bottle liye. Aap toh niche aa kar so gayi aur jab main waha sone gayi toh bina parwah kiye usi gadde par pasar gayi. Naye short the wo mere lekin koyi baat nahi. Waise sach kahu toh yaad mujhe bhi kuch nahi ke main kaise upar pahuchi par thanks toh Arjun jo khud gadde se uth kar farsh pe soya aur mujhe waha sone diya.", Jasleen ke bayaan se Alka ki haalat he kharaab ho gayi. Vinni didi toh alag he chusti furti se bhari dekhi thi khud Alka ne. Matlab saaf tha ke teeno ne he kuch bhi nahi kiya tha.
"Wo chaadar pe Arjun ka blood tha jisko liye Vinni didi so rahi thi.", Ab Marina andar he andar thoda hili lekin aankhen moond kar wo karwat ke bal leti rahi.
"Bataya toh tha kal Preeti ne ki Arjun ke chot lagi hai. Raat me patti khul gayi hogi bechare ki.", Komal didi ne bhi ab ye sahi anumaan diya toh Alka niruttar ho gayi.
"haan. Aur wo pagal abhi bhi araam karne ki jagah kaam aur bhaag-daud me laga hai. Waise sabne nashta kiya lekin Ritu ne nahi. Kaha hai wo shehjadi?", Bhojan toh kya Alka ne toh abhi tak chai bhi na pee thi Ritu ke chakkar me. Uske poochne par jawaab fir se Komal didi ne diya.
"Wo keh rahi thi ki uska sar thoda bhaari hai lekin hain wo Arjun ke kamre me he. Shayad alcohol ka effect abhi tak uspe hai.", Vinni ne kehne ko toh ye keh diya lekin Alka he jaanti thi ki sach kya hai.
"Wo aisa hai na ke subah Arjun ne kasam di thi usko ki aaj nashta eksath he karna hai. Ritu ab tabhi kamre se niklegi jab wo aayega. Aap sab usko mana he leti khaane ke liye isliye wo band hai. Hangover toh jinko hua hai unhe toh khabar tak bhi nahi. Jisne thodi se pee wo sharabi ho gaya.", Alka aankh maar kar hansti hui kamre se nikal kar Arjun wali taraf badh chali. Niche aangan me Richa ko apni daadi se milte dekh wo thoda tej bhaagi. Lekin ek gehri muskaan se wo bas halke se khule darwaje ke andar ka drishya dekhne lagi.
Arjun aur Ritu ki aankhon me aansu the lekin Ritu ko apni goad me kisi phool ki tarah uthaye wo sabkuch bhool kar bas hontho ko choome ja raha tha. Shayad ye sab Ritu kar rahi thi aur aise he wo Arjun ko bister par giraye roti hui poore chehre ko apne hontho se sajane lagi.
'Sala inka toh meri bhi samajh se bahar hai. Wo bhi ro rahi aur ye bhi. Upar se dono hain kaha ye bhi bhool ke bas lage hue hai. Watchman Alka jo hai inki suraksha me. Love you both.. umaahhh..', Alka ne dekha ki ab Ritu Arjun ke seene par sar rakhe leti hai aur Arjun bas uske sar ko sehla raha hai toh halke se khankhaar di.
"Alka, darwaja udhar se band kar de. Ek ghante tak koyi idhar dikhna nahi chahiye.", Ritu ne chilla kar kaha tha aankhon me abhi aansu the lekin halki si muskurahat ke sath.
"ji memsaab. Sahi tarika hai hangover utarne ka ye bhi. Waise thodi meri bhi chadi hui hai.."
"Band kar de darwaja Alka.. Ummmm",Ritu ke cheekhne ke baad Alka ne bas yahi drishya dekha tha jisme wo Arjun ke hontho ko daanto ke beech band kar chuki thi.
Hangover (3)
"Ye maharani toh idhar aangan me maje se so rahi hai!", Sadhe 4 baj chuke the Alka aur Ritu ko behtar hone ke baad ghar ke bagiche aur gaaye wale kamre ki chhaan-bin karke idhar saamne aangan tak aane me. Jasleen aur Vinni toh nahi dikhi thi par Aarti jarur farsh par sikudi hui soyi mili. Wo sahi haalat me thi aur sone ke tarike se saaf tha ki wo khud he idhar aayi hogi.
"Gadda pe so rahi hai madam aur yaha paani ke sath sath khaane ki plate bhi hai. Matlab shayad hamare sone ke baad andar shor ki wajah se ye idhar aayi hogi. Chal isko sone de Ritu aur ab Vinni didi aur Jasleen par dhyaan de. Niche toh wo kahi dikhi nahi.", Alka ko abhi bhi aalas aa raha tha lekin subah ki prakritik thandak ne sar ka dard jarur dur kiya.
"Haan.. Ab toh bas chhatt he baaki hai aur iska matlab hai ki jo main nahi chahti thi waisa he kuch hua hoga. Gate dekh atche se band hai.", Ritu ab pareshan thi aur Alka ko bhi maloom tha uska ishara kis taraf hai.
"Dekh, jo bhi ho tu gussa kaabu rakhna. Arjun toh ek baar bhi niche nahi aaya tha isliye uski galti toh hone se rahi. Baaki kya pata jaisa tu soch rahi hai waisa kuch bhi na ho.", Alka ne Ritu ki kalaai thaam kar usko seedhiyon ki taraf le jaate hue kaha.
"Vinni didi ka poora haq hai lekin jo bhi ho unhe idhar control karna chahiye tha. Jaane ab kya haalat ho upar. Lekin main pehle he keh deti hu ki agar Arjun ne kuch bhi aisa waisa kiya hoga na unke sath toh main taange todd dungi uski. Nashe me Vinni didi hogi lekin usko control jaruri hai.",Dono aisi he dheemi awaaj me baat karti hui upar aayi toh kuch samay laga unhe sthiti samajhne me. Arjun gadde se niche soya hua tha jiske sath Jasleen buri tarah si karwat ke bal chipki hui gadde par thi. Un dono se aage usi gadde par cooler ke saamne Vinni didi khud ko chaadar me mooh tak dhake gehri neend me thi.
"Waah mere sher, tu kuch na bhi kare tab bhi kuch toh ho he jata hai. Le Ritu dekh le is Kanhaiya ke haal. Jasleen bhi iski diwani hogi, ye toh khabar tak na lagi. Raat kahi in dono ne he Arjun ka kaam toh nahi kar diya.?", Alka hans rahi thi jabki Ritu gambhirta se kabhi Arjun toh kabhi baaki dono par gor karti rahi. Thoda sameep jaa kar Ritu ne ujli chaadar par aakhir wo nishaan dekh he liya jo gehra tha. Alka ki najar ab tak Vinni didi ki upar audhi chaadar ke us daag par ja chuki thi.
"Control kar Ritu.. Tamasha ho jayega agar abhi tune kuch kiya toh.", Alka ab hansne ki jagah gambhir ho chuki thi wahi Ritu ki aankhon me anjaane he aansu ubhar aaye. In dono ki phusphusahat ki wajah se ya kisi aur kaaran, Arjun kasmasata hua Jasleen ko apne aap se alag karta hua uth khada hua. Abhi bhi uska dhyaan nahi gaya tha Ritu aur Alka par. Farsh par sone se uska sharir halka dukh raha tha aur angdaai lete hue anyaas he uske mooh se nikal gaya.
"Aahh maa. Is Jasleen ke chakkar me poori peeth dukh rahi hai. Aur ye Vinni didi.. uff.. daaru peene ka pata hai lekin uske baad.. aahhh.", Abhi wo dhang se aankhe khol he raha tha ki ye 'Chattaaak' ki tej awaaj vatavaran me goonjh uthi. Ritu se sehan he nahi hua tha Arjun ka wo sab kehna aur bhare dil, geeli aankhon ke bawjood usne poori jaan se Arjun ka gaal sek diya tha. Thappadd itna tej tha ki Ritu ka hath buri tarah jhanjhana gaya tha aur udhar Arjun ke toh andruni gaal ki taraf se khoon mooh me risne laga. Jab tak wo kuch samajhta Ritu roti hui niche daud gayi aur uske peeche he Alka bhi.
'Ab ye kya tha? Aahhh.. sharir pehle he toot raha tha aur ab toh aahh.. Ritu ne mujhe kyun thappad mara? Maine toh pee bhi nahi thi.. Kahi Marina?', Arjun ki gaand fatt chuki thi itna sochte he. Uska dhyaan is taraf bilkul na tha jaha Jasleen aur Vinni abhi tak bekhabar soyi padi thi. Wahi Ritu apne kamre me jaate he mooh par hath rakhe khul kar rone lagi thi.
"Shhhh. Arre yar tu chup bhi ho ja Ritu. Kalesh ho jaayega agar baat fail gayi toh. Tujhe mana bhi kiya tha ki abhi kaabu rakhiyo aur baad me sabkuch Arjun se pooch lete.", Alka ne Ritu ko baahon me bhar kar dularte hue kaha lekin jaane kyun Ritu ka mann itna vyathit hua tha aaj. Usko Arjun ke lagbhag sabhi sambandho ki jaankari thi par aaj jaise Ritu ka dil uske sath na tha.
"Yaar Alka, Vinni didi akele uske sath hoti toh main control bhi karti. Par tune dhyaan se nahi dekha Jasleen ke shorts bhi waha se dark the. Aaru se itna bhi control nahi hua aur ek he time pe wo apni badi behan ke sath sath us Jasleen ke sath bhi? Chhiiii.. Ab un dono ki haalat sabke saamne hogi aur Aaru akela ladka tha yaha sabki najro me.", Ritu abhi ye sab bol he rahi thi, rote hue aur Arjun ghar ke andar jama party ka sara samaan, bottle ityaadi bori me bhar kar pichli taraf se he nikal kar ghar se bahar chala gaya. Usne kisi se baat tak na ki thi aur na kisi kamre me jhaank kar dekha.
"Chal khud ko sahi kar Ritu is se pehal ki baaki sab uth jaaye. Shayad Arjun baramde se ho kar gaya hai abhi. Aur subah bhi hone lagi hai toh bahar ka kooda-karkat bhi thikaane lagana hai. Vinni didi aur Jasleen se abhi kuch nahi kehna.", Alka samajhdari se kaam le rahi thi aur itni der me Ritu ko shaant karwa diya tha.
Main fresh ho ke aayi, tu didi ko jaga aur udhar Afsana bhi uthne wali hogi namaaj ke liye us se pehle waha bhi jara haalat thik kar de.", Ritu toliya utha kar bathroom me ghuss gayi. Usko khud ab bura lag raha tha Arjun par hath utha kar lekin Arjun par khaasi narajgi bhi thi. Alka ke bas hilane bhar se Komal didi jaag gayi. Kapde durust karne ke baad ek bar bathroom ki taraf dekha toh Alka ne bata diya ke waha Ritu hai.
"Main saamne wale kamre ka bathroom use kar leti hu. Arjun ko bhi jaga de Alka, safaai toh raat me he kar di thi aur thodi bahot bottle idhar farsh pe he hongi jinhe wo thoda dur fenk aayega.", Komal didi ne sabse pehle toh apna saaf salwar-kameej uthaya jo bag me wo yaha le kar aayi thi. Aur fir Alka ke sath he bahar nikli toh hall me koyi bottle ya bacha hua khana na dikha. Gadde bhi sabhi utha kar Arjun Gurdeep wale kamre me he diwar se khade kar gaya tha.
"Matlab wo pehle he sabkuch samet gaya? Madhuri didi ko jaga de ya pehle unke bathroom me khud fresh ho ja. Mehmaan jabtak chahe sone dena inhe.", Komal didi ne fir ekaek Alka ke gaal ko aise sehlaya jaise badi behan choti ko sneh jata rahi ho.
"Aap naha lo, tab tak main chai rakh deti hu. Main us ghar he nahaungi didi, Komal didi ko abhi utha rahi hu.", Is ghar me bhi rasoi ka poora samaan tha aur doodh pehle he fridge me rakha tha pichle din chai ityaadi ke liye. Alka apni badi behan ko jagane kamre me dakhil hui toh wo pehle he bathroom ja chuki thi. Andar se paani girne ki awaaj bata rahi thi ki Madhuri didi naha kar he aayengi.
"Ae Preeti, thoda sahi se so.", Ab Alka ne chumbak-jodi ko alag kiya tha jo ek dusre se kass ke lipti so rahi thi. Preeti ka hath Afsana ki tshirt se bahar nikaal kar savdhani se Preeti ko he hilaya. Preeti ki aankhon me abhi bhi aalas tha lekin wo ab dusri taraf karwat ke bal ho gayi.
"Strong si coffee he pila do didi.. aahhh.. sar dukh raha hai joro ka.", Preeti kuch chetan hui toh aakhen band kiye he apne baalo ko dono hatho se ekattha karti hui rubber bandh kar kamre me gor se dekhne lagi. Bagal me Afsana kisi masoom se bache ki tarah sikudi hui so rahi thi. Tara Priyanka ne toh uthne se he inkaar kar diya tha.
"Yaha chai hai sirf. Tum 5 minute araam karo, main bana kar laati hu.", Alka ko bhi ab ek jordar chai ki talab mehsoos ho rahi thi aur is sab khatpat ke beech Rupali aur Gurdeep bhi jaag chuki thi. Alka bahar se hamesha ki tarah shaant thi lekin utni he dukhi bhi thi Ritu ke rone aur Arjun ke sath wo sab hone par. Chulhe par chai ka paani rakh kar wo bas soch rahi thi ki aakhir galti kiski hogi.
.
.
"Ab kandha kaisa hai tumhara? Aur exercise toh nahi kar rahe na aaj?", Arjun us ghar ka sara kooda thikane laga kar ghar me ghuste he bahar nalke par hath mooh dho raha tha ki idhar wale snaanghar se apne pita ko tayaar ho kar apne pas khade dekh thoda seham sa gaya. Aaj pehli baar uska din itne bure tarike se shura hua tha aur jaise wo khudko he doshi maan kar apradhbodh se grasit tha. Pita ki awaaj se tandra bhang hui toh chehra taar par latke toliye se saaf karte hue jawaab diya.
"Good morning papa. Abhi ek week tak koyi pyhisical exercise nahi karunga. Kandha ab thik hai kaafi hadd tak. Aap kahi jaa rahe hai kya itni subah?", 5 baje apne pita ko patloon kameej me hamesha ki tarah tayaar dekh usne he baat aage badha di. Shankar ji ab bade gor se uske chehre ko dekh rahe the aur ekdum se unhone uski thuddi ke niche hath rakh kar uske baaye gaal par aayi laalima aur honth ke halke se ubhaar ko parakh liya.
"Ab ye naksha kisne chhapa tere chehre par aur kis wajah se?", Arjun ki toh sittipitti he gum ho gayi thi. Uske pita jitne hansmukh the utne he gambhir doctor bhi, jo har cheej badi paini nigaah se dekhte the.
"Wo yaha aane se pehle.. Maine socha ki niche didi logo ko utha du.. Darwaja kholne ke badle ye mila. Maine sorry bol diya tha papa.", Arjun aaj pehli baar apne pita se ek jhooth bol raha tha aur Shankar ji ke chehre par lambi muskaan aa gayi.
"Hahaha.. Matlab Ritu abhi bhi tumhe kabhi kabhi path padha he deti hai? Chalo aage se dhyaan rakhna ki har insaan ka personal space hota hai aur kabhi kabhi gatel kholne ki jagah knock karke bahar se bhi bataya ja sakta hai. Uski neend jabardasti se kharaab karoge toh aisa fir se ho sakta hai.", Shankar ji ka anumaan ekdum sateek tha ki ye kaarnama sirf Ritu he kar sakti hai lekin unhe jara bhi andaja nahi tha ke Arjun ke sath jo bhi hua hai uski sahi wajah aakhir kya thi.
"Ji papa and I'm really sorry if this is embarassing for you too. It happend by mistake.", Ritu ke saamne jo Arjun sirf uljhan me tha abhi wo na jaane kyun ekaek bhavuk hone laga tha. Uski aankhon ke koro se aansu bante hue Shankar ji ne bhaanp liye the aur wo apne bete ke is gumnaam dard ko sehan na kar sake.
"Koyi baat nahi beta. Kabhi kabhi aap galat nahi hote lekin saja dene wala shayad khud pareshan hota hai aur aksar wo kisi aur ki galti par apne he kareebi ko chott pahucha deta hai. Tum apni haalat thik karo aur fir tayaar ho kar apni Richa didi ko khud le kar aao unke ghar se. Main Banne (Hansmukh) mama ko lene station ja raha hu. Chaho toh apne sath kisi ko bhi le jana.", Shankar ji ne bade he pyaar se apne bete ko aise gale lagaya tha jaise wo atche se uske dard ko samajh chuke ho. Bahot kam hota hai ki ek baap apne bete ko maansik saantvana de, khul kar. Arjun bhi 'ji papa' bol kar unke aagosh se nikal andar ki taraf chala gaya. Narinder ke sath sath is drishya ko khus Kaushalya ji ne dekha tha, jo waha Shankar aur uske pita ke liye nashta liye khadi thi. Pandit ji bas abhi abhi mehmaan kamre se tayar ho kar nikle the.
"Haan toh tu kabse Arjun ko itna pyaar karne laga? Matlab pyaar toh tu karta hai lekin aise khul kar dikhana toh pehli baar he ho raha mere saamne. Aur Chandro taai ke toh tu ja raha tha na?", Narinder apne bhai ke kareeb aa kar dhimi awaaj me guftgu kar raha tha. Shankar ke chehre par ek feeki si muskaan teir gayi.
"Wo jab paida hua tha na toh maine he peet-peet kar kaanse ki thaali faad di thi. Sikha tere londe ko jara dil majboot rakhna kitna jaruri hai. Kisi din agar ye jiwan ki koyi bhi jung hara na toh uski wajah yahi hogi Inder. Jajbaati hai lekin sabkuch andar he bharr ke rakhne wala. Yaha behanchod hum apni galti saabit hone ke baad nahi maante aur ye ladka har waqt dil se he chalta hai. Aaja nashta karte hai fir main bhi tere sath station he chalta hu.", Shankar ne baat aadhi adhuri bataai aur apne pita ki bagal me he dari par virajmaan ho gaya, nashte ke liye. Pandit ji apne mitra Chandrakant ke niwaas jaane wale the aur iske sath he kuch khaas logo se vyaktigat mulakaat bhi thi.
"Iska result bhi aane wala hoga Shankar. Yahi rakhna hai baharvi (12th) tak ya kisi bade school me bhejna hai?", Apne pita ki aisi baat sunn kar ab Shankar jhemp raha tha. Usko laga ki aaj fir Arjun ko boarding bhejne wali baat par tana diya ja raha hai.
"Ghar he thik hai aur iska school utna bura bhi nahi hai yaha wala. Ritu-Komal aur baaki sabhi bache wahi padhe hai papa. Boarding bhejna kuch galat tha lekin iske vyaktitva ko nikhara bhi hai waha ki shiksha ne. Ab ye ghar hai toh aap sabhi sunishchit bhi rehte hai. Arjun ko ab kahi nahi bhejna maine, baaki uski marji jo wo karna chahe.", Shankar aateen modd kar parathe plate me rakhte hue shayad kuch aur bhi soch raha tha. Kaushalya ji bade dhyaan se dekh rahi thi ki unke pati aakhir kehna kya chaah rahe hai.
"Boarding wali baat nahi kar raha hu main Shankar. Arjun engineering ki degree Delhi se karna chahta hai aur agar wo 11-12 kaksha bhi wahi se karega toh admission me utni samasya nahi aayegi. Ye mera vyaktigat vichaar hai aur tum log isko anyatha nahi lena. Baaki result aane do uske baad vichaar kar lena aur Arjun se bhi charcha kar lena. 5 din waha school me padhega aur 2 din idhar pariwar me.", Shankar toh pita ki baat par khamosh he raha lekin Kaushalya ji ke bohen chadh chuki thi.
"Dekho ji, jo jaise chal raha hai na usko waise he chalne do. Nahi mila agar badhia college me dakhila toh yahi ke college se BA kar lega. Meri taraf se toh na bhi padhe toh kaam-dhanda kar lega kuch lekin abhi 2 saal wo yahi rahega, main bol deti hu. Bade aaye samasya hal karne wale. Inder, dekh kya raha hai plate ko? Nashta kar aur apne mama ko lene nikal.", Kaushalya ji bhadakte hue sabse chote bete par gussa nikaal bhitar chal di. Wahi Shankar he akela muskura raha tha.
"Waise aapki baat galat nahi hai papa. Usko Delhi me hostel ki jagah alag se rihayash di jaaye toh wo bhi duniya samjhega. Iske dost he kitne hai jara dekho aap.? Dharampal bhai sahab ka beta bas aur uske siwa maine toh isko kisi bahar ke ladke se dosti karte nahi dekha. Baaki mujhe nahi lagta ki maa is baare me ab kuch bhi sunegi. Main toh jikar bhi nahi karunga apne mooh se lekin Inder samjha sakta hai.", Jug se apne gilas me lassi daalte hue Shankar ne yaha Inder ki taang khinchai karte hue usko bhi mudde me shamil karne ki koshish ki.
"Dekh lo papa isko aap. Main toh chain se roti kha raha hu lekin isko jaise ye bhi pasand nahi aa raha. Aapko aur mujhe ghar se nikalwayega ye agar aisi koyi bhi baat abhi ki toh. Shaadi tak toh araam rehne do.", Narinder ne jhootha nakhra dikhate hue Shankar ki he plate aur lassi ka gilaas apni taraf sarka liya.
"Pata nahi tum log bade kab hoge? Ab Arjun tak main ye baat apne tarike se he pahuchaunga. Wo samjhega toh baaki sabko khud he mana lega. Waise bhi ab uska waqt hai duniya aur mahol ko samajhne ka. Uski daadi ka bas chale toh bagal wale school na jaane de usko. Shankar, aaj rishteydar aayenge toh bahu aur bacho ko samjha dena kamre tayaar karne ke liye. Udhar Gupta wali kothi bhi tayaar hai jaha 15-20 log reh sakte hai. Arjun ne gadde, cooler ityadi lagwa diye the. Baaki Inder ek baar Satish ke sath uske hotel bhi ja aayega. Ab mehmaan jutne lagenge aur ghar me dhero riwaaj bhi hone hai. Rajkumar mandi se aane ke baad baaki kaam dekh lega idhar.", Rameshwar ji ne dono ka dhyaan ab ghar ke jaruri karyo par karwaya toh wo bhi pichli baat bhool kar bade dhyaan se sab sunn ne lage. Kuch aur charcha karne ke baad wo dono ek he car se station ki taraf nikal chale aur ab Arjun bhi naha dho kar bahar aa gaya tha Haveli jaane ke liye.
"Barkhurdar, tumhari savari thoda ghoom kar ja sakti hai?", Rameshwar ji joote pehan kar ab poori tarah tyaar the aur Arjun bhi unke saamne he tha.
"Ji dada ji jaisa aap kaho. Kaha chalna hai?"
"Mujhe tum bas Chandarkant ki kothi par utaar dena aur wahi se aage nikal jana.", Rameshwar ji ghar ke bahar he khadi Arjun ki car me baithne se pehle ek nigaah pichli seat par maar chuke the. Filhal unhone usko kuch na kaha kyonki unhe pata tha jo bhi ho is sabse Arjun ka sarokaar nahi hoga. Unke bete he the jo aisa kuch kar sakte the. Yaha se 6 baje car nikal kar sector ki khamosh si sadak par chalne lagi thi. Din aage vyast hone wala tha kyonki aaj ladki ki haldi thi, kal mehandi ka karyakram rakha tha aur fir sangeet.
.
.
"Yaar kitchen me agar kuch nimbu hai toh dekh na Madhuri. Sar bhaari ho raha hai mera aur ye Himani-Marina uthi ya nahi?", Takriban 6 bajne se kuch pehle he Vinni ujala hone par yaha pichle ghar me bheetar aayi toh Madhuri-Priyanka ko sab vyavasthit karte paya. Jo jaruri safaai thi wo dono mil kar kar rahi thi is hall ki. Ritu is awaaj se kamre se bahar aayi toh apne saamne Vinni didi ko araam se dusre kamro ko jhaankte paya.
"Abhi bana deti hu nimbu paani aur tab tak chaho toh bathroom ho aao. Himani udhar wale kamre ke bathroom me naha rahi hai aur Marina ne shayad thodi jyada pee li thi isliye wo nimbu paani ke sath painkiller khaa kar thoda araam kar rahi hai. Jasleen thik hai na?", Madhuri ne fridge se 2 nimbu nikaal kar raosi me jaate hue kaha.
"Haan yar kuch jyada he ho gayi thi raat. Aur Marina ka liver shayad sabse jyada majboot hai. Wo toh wine ki bottle bhi khaali kar gayi vodka ke baad. Jasleen bhi aa gayi.", Vinni andar dakhil hoti Jasleen ko muskura kar dekha jiski chust nikkar abhi bhi jaangho ke beech fansi thi. Chehra bata raha tha ke uski bhi haalat utni thik nahi hai.
"Mere liye bhi bana dena didi bas paani thoda kam aur ek poora nimbu daal dena. Saridon ya koyi disprin bhi ho toh dena. Mujhe toh ye bhi yaad nahi ki main upar kab chali gayi. Shayad Himani yahi hall me mere sath so rahi thi aur uske uthne ke baad main neend me upar chali gayi. Yaad nahi.. uff.", Ritu bade gor se ye sab dekh rahi thi aur idhar Aarti ke sath Afsana bhi tayaar ho kar bahar aa chuki thi.
"Aapke shorts par nishaan kis cheej ke hai ye? Matlab chot toh nahi lagi koyi?", Aarti is waqt poori tarah se thik najar aa rahi thi.
"Yaar ye na wine hai jo pata nahi kis kambakht ne gadde par gira di thi. Vinni didi aap bottle le kar gayi thi kya upar?", Ab toh Ritu ke totte udd chuke the ye sunn kar aur baaki sabhi hans rahe the jaise unhe Jasleen ki haalat par maja aaya ho. Ek baar fir Ritu ki aankhen geeli hone lagi thi jisko rokne ke liye wo turant kamre ke bathroom me ja ghusi.
"Oh nahi yar main ye wine shine drink nahi karti. Marina gayi thi chatt par jab usko garmi lag rahi thi. Usne he giraai hogi kyonki sabse jyada usne he pee thi. Fir khud toh aa kar niche so gayi aur Arjun ka mujhe kuch pata nahi. Main bhi kab waha gayi aur Jasleen kab aayi mujhe toh ye bhi pata nahi.", Vinni abhi tak bathroom nahi gayi thi aur Madhuri didi ne 2 gilaas nimbu-paani ke un dono ko pakda diye. Jasleen toh ek he saans me gilaas khali karke Marina wale kamre me daud gayi aur Vinni chote chote ghoont leti hui jaise raat ki kahani yaad karne lagi.
"Waise sach kahu toh ek baar toh lag raha tha hum log fans jaayenge. Par utna kuch hath se bahar nahi hua. Arjun toh sabke uthne se pehle he sara kachra-bottles le kar nikal gaya tha. Aap bhi fresh ho jao aur araam bhi karna hoga toh wahi kar lena thoda time. Tara naha ke aa rahi hai aur Jasleen ke aate he hum nikal chalenge.", Priyanka ne is beech ye sab bataya toh Vinni gilas liye he ek bathroom ki taraf badh gayi. Gurdeep bhi naha dho kar salwar kameej me aa chuki thi. Uske chehre ke bhaav toh thik the lekin dil me kasak thi ki kal raat agar wo nahi peeti toh Arjun ke sath kuch na kuch mauka jarur bann jata.
"Sorry Afsana ji. Mujhe Ritu didi ne bataya ke maine raat aapke sath kuch galat kiya aur shayad neend me bhi", Preeti aur Afsana ghar ke bahar ujale me tehal rahi thi. Kuch samay baad jab dono he khamosh dikhe toh baat Preeti ne he shuru ki.
"Sorry ki koyi baat nahi Preeti. Aur aap hume naam se he bulaye, ji lagana jaruri nahi. Aap hamari dost hai aur aap nashe me thi. Dost aisi baaton ka bura nahi maante. Khair, hume aapka khana khilana atcha laga.", Afsana ne is waqt jo pyaari muskaan dikhai thi Preeti ne utne he pyaar se usko gale laga liya.
"Thank you so much. Guilty feel ho raha tha pichle ek ghante se aur Alka didi toh jaise abhi aur bhi kuch batayengi. Mujhe yaad nahi lekin aapne poora khayal rakha mera.", Abhi wo dono gale lagi he hui thi ki Aarti apne sath Ritu ko liye idhar aa gayi.
"Oh bas karo yaar tum dono ab. Matlab Preeti ka toh samajh aata hai ki Ritu ke sath reh kar dimag hil gaya lekin tum toh Afsana darling aise khayal tak apne dil me nahi laati thi.", Aarti hanste hue taang khinch rahi thi lekin Afsana ki jagah jawab Preeti ne he diya.
"Aisa hai na Aarti didi, ye ab hamari bhi dost hai. Aur main inhe wahi pyaar de rahi thi jo inhone mujhe diya. Raat khana bhi khilaya aur sone ke waqt bhi dhyaan rakha. Haan aap kamaal ho jo Ritu-Alka didi se pehle he bina kisi ki najar me aaye yaha aangan me apna khana akele he kha pee kar mast so gayi.",Is beech Ritu ne bada gate khol diya tha.
"Baatein baad me kar lena tum log. Hum ghar chalte hai pehle.", Ritu ke aise rukhe jawaab se Preeti turant sahi ho gayi. Baaki dono chupchap bahar aayi aur Aarti ne gate wapis laga diya.
"Wo car Arjun le gaya na aur baaki sab 2 gaadi me aa jayenge. Afsana tumhe paidal chalne me pareshani toh nahi?", Ritu ne ab thode naram swar me baat kahi thi jis par Afsana ne apna dupatta sahi karke bas naa me sar hila diya.
"Wo gaya kab yaha se? Na he raat me Arjun ki koyi awaaj sunai di aur na subah. 5 sava 5 toh main bhi uth gayi thi.", Preeti ne sadak par chalte hue ek baar he Ritu ko dekha tha lekin fir najre saamne kar li. Ritu ka chehra he bata raha tha ke wo pareshan hai chahe jitna marji chhipa le.
"Bas us se kuch pehle he chala gaya tha wo hamara kooda samet kar. Aainda naam nahi lena beer-vodka ka. Jisne peeni ho wo band kamre me kare ye sab.", Ritu ko khudko he nahi samajh aa raha tha ke wo kehna kya chahti hai aur gussa kis par nikal rahi hai.
"Dekh Ritu, tu kyon pareshan hai ye mujhe nahi pata aur main puchungi bhi nahi kyonki baat batane wali hoti toh ab tak bata chuki hoti. Sab chahte the ki waisa ho aur raat gayi toh baat bhi gayi. Apni pareshani ka hal kar jaisa tu hamesha thande dimaag se karti hai. Tu he ek hai jisne sabko aapas is kadar jodd diya hai ki kabhi lagta he nahi hum behne hai aur alag alag. Is sabki wajah hai tu aur agar tu he pareshan rahegi toh asar sabhi par hoga. Jiske liye pareshan hai us se baat kar, wo tujhse upar kisi ko nahi maanta.", Aarti ne raah me chalte chalte Ritu ki hatheli apne hath me lete hue bade dhime swar me kaha tha. Ritu ne ek baar Aarti ko bade he apnepan se dekha jo Ritu ki haalat bina kahe kuch samajh chuki thi. Ek baar fir Ritu ke dil me dard sa ubharne laga tha par abhi usko Arjun se maafi maangne tak ye aansu aise he roke rakhne the.
"Haan.. Sorry Preeti, raat ke baad se kuch atcha nahi lag raha tha isliye wo sab bol diya. Afsana tum bhi maaf karna please.", Ritu ne dono se maafi maang kar najre jhuka li thi.
"Ritu aapi, apno pe he toh gussa hona jaayaj hai. Kahi bahar wale dil thodi samajhte hai. Preeti ne kaha hai hume ki aap pareshan hai aur hum bhi samajhte hai. Waise aap sachmuch khaas hai.", Afsana ab kahi jyada urdu ke lafz pryog nahi kar rahi thi. Uske khush chehre ko dekh ek baar toh khud Ritu uske gale lagna chahti thi lekin ghar se bahar hone ki wajah se bas pratiuttar me abhaar bhari najro se pehle Afsana ko dekha aur fir Preeti ko jo khud jaise Ritu ke dard ko pehchan kar khamosh thi.
"Chalo ab sabse pehle main sabko coffee pilati hu phir haldi ke shagun ki tayaari karte hai.", Ritu ne bagiche se andar aate hue teeno ko jhoothi muskaan se kaha. Jhoothi isliye kyonki yaha bhi Arjun ki car nadarad thi.
"Aapi ab toh coffee tabhi piyenge jab aapke shikwe khatam honge. Hum kuch waqt chachi ke pas rehte hai, aapko thik lage toh.", Afsana ne ghar me dakhil hote hue Kaushalya ji aur Devaki ko pranaam kiya jinhone uske sar pe hath fer kar aashirwad se nawaja. Afsana aur Aarti andar chali gayi thi aur Preeti apne ghar.
"Tu khabar bhi rakha kar thodi bahot. Aur soyi ni kya raat thik se?", Kaushalya ji Ritu ko liye bahar aangan me bichi charpayi par he baith gayi. Anamika chachi apni dono saas ke liye chai le aayi thi aur unke peeche he Renuka bua aur Manju bhi idhar aa gayi. Wo dono kursi par he baithi apne apne doodh ke gilas ke le kar. Manju se Ritu muskura kar he mili thi jaisa inka pyaar gehra tha waise inhe ab aupcharikta ki jarurat nahi thi.
"Aisa kya hua jiski mujhe khabar nahi daadi? Aur aapko mera chehra isliye alag lag raha hai kyonki main kuch jyada he soyi hu. Ab batao kya baat hai.?", Ritu khud ko atche se sambhal chuki thi. Sabse kam hangover wali Ritu ne aaj pehle he sabse badi galti kar di thi.
"Tere dada ji naya raag alaap rahe hai aur mujhe lagta hai wo apne paute ko bhi isliye sath le gaye hai subah-savere.", Kaushalya ji paheliya si bujha rahi thi aur Ritu ke sath sath ab Anamika, Manju aur Renuka ka bhi dhyaan unki baaton par tha. Devaki ji ko meethe biscuit aur chai ke siwa waha kuch aur nahi dikh raha tha.
"Saaf bolo na daadi ki wo aisa kya kar rahe hai? Aur kaha gaya hai Aaru?", Ab Kaushalya ji ko toh kisi ne bataya nahi tha ke Arjun toh sirf Pandit ji ko unki manzil par chhoda aage haveli se Richa ko lene gaya hai.
"Wo tere baap se keh rahe the ki Arjun ko badi kaksha ke liye 2 saal Delhi bhej de fir wahi wo aage college kar lega.", Abhi wo itna he boli thi ki Ritu ne thoda jor se apni daadi ka hath pakad liya. Ye asehniya tha aur Kaushalya ji samajh gayi thi apni laadli ka dard. Manju ki bhi aankhen badi ho gayi thi.
"Arjun ne kya kaha daadi ji?", Manju ne he Ritu ki jagah sawaal kiya tha. Ritu toh bolne se he gayi thi.
"Nahi usko nahi kaha tha tumhare dada ji ne. Maine khabardaar kar diya tha ke aisa wo bhool jaaye ki Arjun ko ab kahi bhej denge. Shankar ne bhi mana kar diya tha lekin jaise ye keh rahe the aur fir apne sath Arjun ko lekar gaye hai toh mujhe lagta hai wo Arjun ko apne jhaanse me le lenge aur wo unki baat taal nahi sakta.", Kaushalya ji abhi ye Manju ki taraf dekh kar keh rahi thi aur Ritu ke honth thode kasne lage. Sharir me kampkami hone lagi thi aur aisa lag raha tha jaise sharir sath he na de raha ho. Jeebh taalu me chipak gayi thi jis wajah se wo bol bhi nahi paayi lekin aankhon se lambi dhaar behti hui gaal se niche utar kar chehre se niche girne lagi. Ab kahi uska sabar aur himmat jawaab de chuki thi. Arjun par anjaane me he hath uthane ki itni badi saja ki kalpana tak na thi Ritu ko. Kismat aisa nahi kar sakti.
"Meri bachi.. Ritu beta.. Ritu..", Ab Kaushalya ji ka chehra safed padd gaya tha jab kaampti hui Ritu ka sharir buri tarah se ainthne laga. Unhone turant he usko apne kaleje se laga liya. Peeth ko tej tej sehlaati hui wo jaise uske sharir ko garmi de kar shaant karne lagi. Renuka bhi turant bagal me aa baithi. Paani ka gilaas Ritu ke kase hue jabdo se lagati hui Renuka ke bhi hath kaamp rahe the. Ek sard jhatka sa laga Ritu ke dil me jis se uski jakdan kam hui. Honth halke se khule aur paani ne jaise sookhe mooh me taravat bhar di. Ab wo dheeli padd chuki thi lekin rulaai nirnantar chalne lagi. Ritu ke sharir me fir se harkat mehsoos karke Kaushalya ji ko bhi kuch araam aaya. Jo kuch kshann pehle unhone dekha tha us chehre ne toh unka dil he baitha diya tha.
"Meri bachi.. main Arjun ko aise kahi ni jaane dungi. Chahe tere dada bole ya tera baap. Tu aainda aisa matt karna beti, kabhi bhi aise haar nahi maan na. Meri pyaari beti itni kamjor nahi hai.", Kaushalya ji abhi bhi usko baahon me liye thapak rahi thi. Devaki toh ab kuch jyada he hairat se apni jethani aur pauti ko dekhe ja rahi thi. Ritu ki haalat dekh Manju bhi afsos me thi lekin us se toh kuch kehte he na bana.
"Badi maa, ne keh diya na Ritu ki Arjun yahi rahega. Aur tum toh itni kamjor nahi ho jo rone lago? Uske liye ladne wali aaj rone kaise lagi?", Renuka bua ko bas itna pata tha ki Arjun ke liye Ritu kuch bhi kar sakti hai par unhe bhi nahi pata tha ki wajah kuch aur bhi hai.
"Sorry daadi.. sorry bua. Main chehra dho ke aayi.", Ritu aaj apne sharir ko he sambhal nahi pa rahi thi. Kuch alag he chal raha tha uske mann me jo wo bahar wali seedhiyan chadhti hui seedha Arjun ke kamre me chali aayi. Dono taraf se darwaje laga kar wo aundhe mooh bister par girti ab fafak kar rone lagi thi. Alka sahi thi ki usko Arjun se baat karni chahiye thi lekin fir bhi itna gussa aur wo bhi apne pyaar pe hath uthana kahi se bhi sahi na tha jiska ehsaas karke usnke aansu nahi ruk rahe the.
"Aise kya haar jade hai jiji Arjun me jo ladki safed padd gai? Ghar ke ladke toh bahar jaate he hai lekin ye toh aise ro rahi jaise uski behan na ho..", Devaki aage kuch kehti us se pehle he Kaushalya ji ne ungli 'na' me hilate hue aage bolne se rok diya.
"Duniya hai uski Arjun aur aaj wo ro rahi hai kyonki shayad wajah kuch hogi. Bhai se pehle he 8-9 baras dur rahi hai jiska dard aaj tak hai. Ye ladki Shankar ke sath tere jeth ke bhi ghutne tikwa sakti hai uske liye. Ab wo tu jo bhi samajh Devaki lekin khayaal apne tak he simit rakh. Main jaanti hu Ritu ne aajtak kabhi khilona tak ni manga jabse usko Arjun mila. Baaki tere jeth ji ka raashan main band karti hu, jara ghar aane de inhe.", Kaushalya ji aahat toh hui thi lekin bhavnaye prakat karna jaise unhe shobha nahi deta tha.
"Ye sab bhi aa gayi hai badi maa. Hum tayaari dekhte hai aur fir thodi der tak nashte ke liye mehmaan aane lagenge.", Renuka bua ne Tara aur Jasleen ki car ghar ke bahar rukte he Kaushalya ji ka dhyaan mahol se hatate hue kaha. Wo bhi thodi sehaj hoti hui chai ka cup utha kar peene lagi, beshak ab wo peene layak toh nahi rahi thi. Sabhi ladkiyan laut aayi thi aur ab aage kaafi vyast din rehne wala tha.
.
.
"Aao aao Arjun beta. Jug jug jiyo, bhagwan tumhe lambi umar de.", Chandro devi ab poori tarah swasth thi. Arjun apne khayalo me khoya hua aaj jis raftaar se idhar aaya tha usko khud pata nahi chala. Haveli ke bahar car rokte he gate ke saamne Chandro Devi Sultan ko ghumati dikhi. Unka aashirwad le kar wo unke sath he andar daakhil hua. Sultan uske he sath uchalta koodta chal raha tha jisko beech beech me Arjun sehla deta toh wo gol gol ghoom kar khushi jaahir karta.
"Sab thik hai na badi daadi? Aap ab pehle se atchi lag rahi ho. Namastey chachi ji.", Arjun ne Chandro daadi se baat karte hue he Guddi kaaki ke paanv chhuye aur uske baad apni khaas bua Sushila se gale lag kar mila. Wo bhi jaise gujarte waqt ke sath kahi jyada he nikhar rahi thi. Guddi kaaki ne bhi Arjun ko aashirwad diya aur uske baad aangan me ek taraf Bijender bhaiya najar aaye jo naha kar nikle the aur dusri taraf Madhulata, jo audhni-ghaghre ki jagah aaj ek safed saree me thi. Arjun ne bina deri kiye sabse pehle Madhulata ke saamne hath jodd kar charan-sparsh kiya.
"Kaisi ho kaaki? Aap pehle se kamjor lag rahi ho.", Ab Arjun ne kamjor kis lehje me kaha tha ye toh bas wahi jaanta tha lekin Madhulata bas itne me he khush ho gai ki Arjun ne uska aise sammaan kiya aur haal bhi poocha.
"Main toh pehle se atchi hu Arjun. Shayad tum kuch samay baad aaye ho isliye aisa lag raha hai. Richa ko lene aaye ho?", Ab Madhulata ka dhyaan gaya Shankar ki anupasthiti par. Arjun bhi haan kehta hua apni taraf muskura kar dekh rahe Bijender ke pas chala aaya. Jiske khaane ki thaali Sushila bua laga rahi thi. Dono gale lag kar mile, poore apnepan se.
"Tu toh aur badhta ja raha hai chaand. Waise phone bhi kar liya kar kabhi kabhi, saanjh ko ghar he rehta hu main.", Bijender Arjun ko liye wahi khule aangan me khaat pe baith gaya. Chandro Devi bhi saamne he kursi daal kar Arjun ka haalchaal lene lagi.
"Phone toh tab karu jab mujhe yaha ka number pata ho bhaiya. Na kabhi aapne diya na kisi chachi ne.", Arjun jaanboojh kar aisa keh raha tha aur Madhulata ke chehre par alag he muskaan teir gayi. Wo chulhe ke saamne Guddi ke sath kaam karwane lagi thi aur Sushila ne Bijender ko thaali dene ke sath he Arjun ko bhi doodh ka bada gilaas thama diya.
"Ye tera bhai hai, bhabhi nahi jo dillagi kar raha. Babita aur Richa ke sath batlane ke time number kaha se aaya karta tere pas? Bijender, iske bhi hawa lag gayi thode din me. Maa, aapki roti bhi ghaal du?", Sushila ka dil tha thodi der Arjun se baat karne ka lekin abhi subah ka waqt tha aur Chandro Devi ki dincharya atal thi isliye poochna he behtar samjha. Arjun mand mand hans raha tha Bijender ke sath.
"Roti toh ruk ke kha lungi main. Pehle Richa ko bata de wo tayaar ho jaaye. Dono bhabhi nanad abhi tak jaane kya kisse gadh rahi hai. Arjun, beta tu parathe khayega ya choorma?", Sushila waha se Anupama aur Richa ko bulane chal di.
"Daadi ji main nashta karke aaya hu aur waise toh doodh bhi pee ke chala tha. Isliye aadha main Sultan ko de raha hu agar aapko bura na lage toh.", Arjun ne jab Bijender ko Sultan ki taraf roti ka tukda uchalte dekha toh uska bhi dil kiya wo ye doodh use pila di. Nashte ke liye wo jhooth bol he chuka tha.
"Atchi baat hai beta. Waise ab toh rishteydar bhi aane shuru ho gaye honge?"
"Koyi khaas toh nahi pahuche daadi ji lekin Punjab wale dada ji aa gaye the. Madhu bua aur fufa ji bhi aaye hai aur jo log aayenge wo mere khayal se aaj ya kal me aane wale honge. Bauji (Pandit ji), bol rahe the ke aap log bhi 11 baje tak tayaar rehna Umed chacha aayenge.", Arjun Sultan ko wo sara doodh pila chuka tha baaton baaton me. Idhar Richa khushi khushi Sushila ke sath aa rahi thi. Anupama ne jaane kyun Arjun ko dekh ghoongat nikaal liya tha.
"Kaisi ho didi?", Arjun bejhijhak Richa se gale lag kar mila jo Madhulata bhi gor se dekhne lagi. Uski beti ekdum itni khush ho rahi thi Arjun ke sath.
"Main toh perfect lekin dekh le ek din ka bol kar fir meri yaad nahi aayi?"
"Yaad nahi aati toh fir main aata he kyun? Haan wo thode ghar me kaam jyada the aur ab aap chalogi toh time milega hansne bolne ka.", Arjun Richa ke sath he wapis Bijender ke barabar baith gaya tha.
"Jab Umed ne aana he tha toh teri jaruri pared karwani thi Rameshwar ne? Babita ka bhi phone aaya tha thodi der pehle. Kaushalya ne usko bhi bulaya hai damaad ke pariwar ke sath. Jab se uska byaah hoya hai paanv uske bhi na tik rahe.", Arjun kaise kehta ke uske toh paanv wo bhaari bhi kar chuka hai lekin Babita ka naam sunn kar uske chehre par aayi khushi Richa ke sath sath Sushila bhi taad chuki thi.
"Ab didi ke liye toh mujhe papa ne kaha tha aur aapke liye yaha aate hue dada ji ne. Atcha hai Babita didi aa rahi hai toh sabse ghul-mil lengi. Unke jaise baatein bhi karne wale hai udhar ghar me 3-4 log. Waise bhaiya aap aaj bhi khet jaa rahe ho? Aur ye bhabhi ka toh main devar lagta hu lekin jara dekho inhe.", Arjun ne Anupama ki taraf sabka dhyaan karwaya toh wo apne paanv se jameen kuredne lagg padi.
"Hahaha.. Dekh le daadi chhore ne. Seedha na kehta ke meri lugaai se nain-mattakka karna hai.", Bijender ne Arjun ki taraf se ye chuhal ki thi aur Anupama toh sharam ke maare apne kamre me he daud gayi.
"Bhaga he diya aapne toh unhe. Waise jawaab nahi diya aapne ki aap kyun nahi aa rahe?"
"Dekh bhai main jaunga raat me Sanjiv ki party pe. Ye mahilao wale maamle me wahi thik. Baaki Sangeet wale din bhi aaunga teri bhabhi ko leke aur byaah wale din toh hounga he wahi. Naanke se bhi Golu hoga he mere sath aur Vikas saanjh me aayega he lene. Tujhse ab roj he milunga. Khet me thoda kaam chal raha hai toh nigaah rakhni jaruri hai. Chal tujhse shaam ko milta hu. Daadi, bhatte ka hisaab leta aaunga.", Bijender ne Arjun ka sar sehlane ke baad apne kamre ka rukh kiya jaha mooh meetha karke wo kaam pe jaane wala tha.
"Richa, khaali jaayegi beti?", Sushila bua ne jab Richa ko chetaya toh wo alag he andaaj me muskura di.
"Taai, mera toh sara samaan pehle he wahi hai. Main kaunsa bag leke wapis aayi thi. Bas Arjun uthe toh main car me baithu.", Ab Madhulata thodi naraaj dikhi jisko Chandro Devi ne bhi dekh liya.
"Maa se mil le apni ek baar. Ja Munni jo dena hai samjhana hai, kar le.", Chandro Devi ke kehne par Richa beman se apne kamre ki taraf chal di aur uske baad Madhulata bhi.
"Daadi, Sarpanch ki biwi Reshma ka kuch pata chala kya?", Arjun ne anjaane he ye sawaal kar diya tha jispar Sushila ne uski jaangh daba kar rokna bhi chaha.
"Kya pata chalna tha uska beta? Sarpanch toh maine bhatte me foonk diya aur jo Reshma hath chadh jaati toh uska bhi wahi haal karti. Tu bhi apne dada aur bhai ki tarah police ki tayari me laga hai?", Arjun toh hairaan tha ki jo Sarpanch gayab tha usko Chandro Devi ne maar ke foonk bhi diya tha.
"Nahi nahi. Aisi baat nahi hai daadi. Wo toh bhaiya ko bauji se baat karte suna tha ke Reshma abhi tak gayab hai.", Arjun ke jawaab par Sushila ne tagda khulasa kiya.
"Gayab toh Munni ki maa bhi hai us din se he. Maa, main roti ghaal rahi.", Sushila ne saaf keh diya tha ke is kaand me Resham ki sathi kaun hai. Chandro devi toh chaah ke bhi kuch bol he na saki Sushila ke saamne.
"Mere kamre me he le aa Sushila. Bister pe baith ke he kha lungi yaha ab garmi lag rahi. Arjun beta tu bhi andar he aaja cooler chala deti hu.", Sushila ne Chandro devi ke peeth peeche Arjun ko ishara se mana kar diya.
"Nahi daadi ji, main bas nikal raha hu aur khaane ke waqt baat karna bhi sahi nahi. Aap aa toh rahi ho thodi der baad. Wahi baat karunga aapse.", Sushila andar chali gayi thi apni saas ke peeche uska khana le kar aur Arjun soch raha tha ke bua ne mana kyun kiya.
"Beta, wo Ajmer se aage XXXX gaanv me milengi dono. Jaan 3 tarfa sankat me hai un dushto ki lekin maa ji ko halke me na liyo. Main jaanti hu ki tum bhi bahot kuch dhoond rahe ho. Byaah wale din baat karungi tumse.", Ye Guddi kaaki thi jo dabi awaaj me jaise bahot kuch he bata gayi thi Arjun ko lekin najar chulhe par rakhe hue. Arjun lajwaab tha kyonki usne kabhi Guddi kaaki ko jyada bolte nahi suna tha.
"Aap jaanti hai kuch.?", Arjun ne bhi Sultaan ko sehlate hue dhyaan dusri taraf rakha jis se kisi ki najar na pade.
"Mere pati ne kabhi koyi galat kaam nahi kiya tha lekin jinhone kiya tha unki saja bhi mere pati ko mili. Sudarshan bhi inhone he badla hai jo aaj bhi kaale dil ke ho kar apnapan dikhane ka dhong karte hai. Byaah wale din he baat kar sakungi kyonki mujhe najro me rehne ke aadesh hai.", Arjun ne bhi majburi ko bhali bhaanti samjha. Wo kuch waqt pehle he parichit hua tha Chandro Devi ke dusre pehlu se jisme unhone sabke saamne bayaan kiya tha ke Sarpanch ko unhone mara hai.
"Aap apna dhyaan rakhiye chachi. Ek galti toh maine aapke sath pehle he anjaane me kar chuka hu. Ab dusri nahi karunga. Mumkin hua tabi baat karenge nahi toh fir kuch aur tarika.", Arjun ab idhar se uth kar car ki taraf badhne laga tha. Richa aa chuki thi aur Anupama se mil kar wo bhi Arjun ke barabar he chalne lagi.
"Dhyaan se chalana car.", Sushila bua ne Arjun ko hidyat di aur wo palat kar muskura diya. Jaali wale darwaje ke peeche se Madhulata bade gor se dono ko dekh rahi thi. Arjun ka uski beti ke liye darwaja kholna, itna hans hans kar bolna kahi kuch aur toh nahi. Dimag bhi waisa he tha jaisi karam. Arjun waha se ja chuka tha aur idhar Madhulata seedha Chandor Devi ke kaksh me aa khadi hui.
"Aap kayi baari kuch jyada he bol jaati ho maa ji.", Chandro Devi ne is baat par bas feeki hansi dikha di. Wo bister par baith kar itminaan se roti sabji khaa rahi thi.
"Baat aisi hai Munni ke wo hai abhi kam-umar aur tu hai us se bade bache ki maa. Kayi baar tu bhi kaand kuch jyada he bade kar jaati hai. Main toh na bolti tujhe kuch.", Madhulata ke chehre par sakht bhaav ubhar aaye the apni saas ki baat sunn kar.
"Reshma koyi raah chalti lugaai toh na hai maa ji? Mausi hai wo meri.", Ab jaise Chandro Devi ko apni galti ka ehsaas hua.
"Chhod us baat ko aur manne kaunsa goli utaar di teri mausi ke? Wo apni hadd me rahi aur main meri me. Aur tu bhi reh jitna tujhe samjhaya hai. Na ab tere pas fauj hai aur na teri mausi ke pas. Mere pas jo hai wo main daanv pe lagati na kisi haal me. Galti se bhi ulajh na jaaiyo is wale Arjun se. Us Ajju se muthbhed me raja-maharaja, chor-daikait, pehalwan-jamindaar katthe ho ke bhi jameen chaat gaye the aur ye us se bhi 10 kadam aage hai. Ladke ki taraf teri najar kharaab hui na Munni toh dehleej se bahar kar ke chaati se Gulabo ka barood utaar dungi.", Apni he row me beh kar Chandro Devi ne apna iraada saaf kar diya tha ke ab haveli me koyi unch nich nahi honi chahiye. Munni ke pas bhi abhi jyada kuch bacha nahi tha.
"Waqt batayega maa ji ke fauj kiske paas hai. Rahi baat Ajju ki toh mera us se na tab koyi lena dena tha aur na main uski baat aaj karti. Aap apne karaar par raho aur main mere pe. Meri maa tak ye pahucha ya iska dada toh wo kisi ke liye thik na hoga. Aur roti laa ke du?", Madhulata aur Chandro ke beech jaane kaunsa karaar-nama tha jis se ye bandhi thi. Lekin itna saaf tha ke dono ki taraf se ek bhi galti hone ki surat me is haveli me bhi bahot kuch ghatt sakta tha.
"Naa.. teri baat sunn ke he peit bhar gaya. Le ja thaali aur ja ke nashta kar le. Byaah me haveli ki bahu ke hisaab se he rahiyo, Shankar ki pehli ban ne ki galti na ho.", Jaate hue bhi Madhulata ka chehra tamtama gaya tha.
'Budhiya, tu kisi din aisi tangegi ki apni haalat pe khud taras aayega. Shankar ki pehli toh main hu he aur is Arjun ka bhi khel main he khatam karungi.', Mann me he sabko kosti hui wo bahar aangan me bartan dhone wali jagah tak pahuchte pahuchte wahi vidhwa aur masoom wala mukhota audh chuki thi. Sushila bade gor se sab kuch dekh rahi thi aur usne poori baat suni thi bagal wale kamre se. Ek wahi thi jis se Madhulta ulajhne ki galti nahi kar sakti thi lekin Sushila dil se Arjun ko apna maanti thi aur ab usne thaan liya tha ke is Munni ko kaise uski aukaat dikhani hai.
.
.
Kumar Saarang ke mehal me kal chulha nahi jala tha aur aaj savere bhi kuch haalat waisi he thi lekin apni beti dwara chai dene par wo mana na kar saka. Is bade shayan-kaksh ke bahar he ye baithak thi jaha Saarang poori raat jaagta hua baitha raha tha. Latika ke aane par he uski tandra bhang hui
"Aap bhi nahi soyi na bitiya?"
"Mujhe mehal me ab neend nahi aati papa.", Latika ke lehje me is waqt koyi shaahi vyavahaar na tha aur ek wahi thi jiske saamne Saarang bhi kuch hadd tak aam vyakti ki tarah rehta tha.
"Aapko aadat daal leni chahiye mehal ki. Kitna samay aur avivahit rahengi? Pushpak ne hume pehle he pareshan kiya hua aur aap unki ke pad-chinho par chal rahi hai. Aapki bua ke sanskaar ke baad aap chahe toh humse vichaar kar sakti is baare me."
"Bhai aadhi raat ke baad aaye the aur abhi bhi wo mehal ke bahar udhyaan me baithe hai. Unhe chai de sakte hai?", Latika dwara yaad karwane par Saarang ne apna cup bhi tray me rakh diya.
"Aapke sath hum bhi chalte hai.", Latika ne khud he wo tray utha li jabki 2 daasi darwaje se bahar khadi jaise intjaar me thi ki kab unhe pukara jaaye.
"Aap koyi aisi waisi baat matt karna papa. Bhai batate nahi lekin wo andar se bahot jyada he dukhi hai. Bindia didi agle 2 ghante me yaha pahuch jaayengi aur unhe lene bhai khud airport ja rahe hai.", Saarang ki chaal me wahi aakarshan tha jo uske vyaktitva me tha. Aur uske barabar chalti ye khoobsurat gulaab si Latika kuch aisi thi jaise upvan me vichran karti swarn-mrigya. Dhero gharane ke rishtey thukra kar ab wo Delhi ke kisi college Ast. Professor niyukt thi.
"Pranaam Raja sahab.", Pushpak itni subah bhi kal wale kapdo me tha nange paanv lekin aankhon par kaale rang ka chasma lagaaye. Saarang aaj pehli baar jaise niyam se alag apne bete ke he bagal me baitha tha.
"Ye aapko shobha nahi deta Raja sahab. Hum sewak hai aapke aur samkaksh nahi baith sakte.", Pushpak turant uthne laga tha lekin Saarang ne apne bete ko kalaai se pakad kar bagal me wapis baithne ko vivash kar diya. Dono ko chai ka ek ek cup de kar Latika bhi unke saamne he kursi par baith gayi.
"Hum is lamhe me is ladki ke pita hai jo aapki behan hai Kunwar sa. Jo pehle se nalayak ho us se koyi dukh nahi hota. Lekin jo shresth ho aur fir bhi wo jiwan ko gambhir na le, us se jarur narajgi hoti hai. Aap hamare vansh ko aage badha sakte the poore maan-sammaan ke sath lekin aisa nahi kiya.", Saarang abhi kuch aur bhi bolta lekin Latika ne turatn bagawat dikha di.
"Papa, maine pehle he aapse kaha tha ke aap bhai ke sath koyi gambhir baat nahi karenge. Aap agar yahi sab kehne aaye hai toh fir mujhe khed hoga lekin aap hume baat karne de.", Pushpak jaise is pal me yaha tha he nahi jo bas muskura diya vyathith hone par bhi.
"Kshama devi kshama kare hume. Dil ki baat aksar hontho par aa jaati hai jab rehbar bagal me baitha ho. Waise aapke poojniya Tau ji kaise hai? Aur hum dekh rahe hai ke ab aapne apni maujri bhi utaar di baaki shahi nishaan ke sath."
"Wo waise he jaise aaj se 32 saal pehle the Raja sahab. Waqt ke sath jaise aur jyada behtar Raja ban chuke hai. Taai ji ne bhi apne Pintu ka swagat gale se laga kar kiya tha aur utna he sneh hume Inder bhaiya ne diya. Haan aapse anuati liye bina humne wo maujri apne bhatije ko saunp di.", Pushpak ne chai ka ek ghoont le kar najre apni behan ki taraf rakhi jisko chasme ke upar se dikh nahi raha tha ke uska bhai usko dekh raha hai ya kahi aur.
"Raja.. Hmmm. Chalo tum unhe itna maan toh dete ho. Atchi baat hai aur apne un raja sahab ke saamne guhaar lagane ke baad sachmuch sunvaai ho he gayi.", Saarang kya chahta tha ye toh kisi ko kya khabar thi lekin Pushpak dukh me bhi muskuraye ja raha tha.
"Aaj bhi hum unke sath wahi mehsoos karte hai jo balyawastha me karte the. Unhe aadesh diya aur pal bhar me unhone karya anjaam de diya. Waise raja sahab, aapse humne kal kaha tha ke hum hamara audha chhod rahe hai. 3 baras baad wo sthaan hamare bhatije ko hum swayam de denge, aapki anumati se. Vasiyat toh sab aapki he hai bas wo naam hum agli peedhi me dena chahte hai.", Latika bade gor se sunn rahi thi aur Saarang muskura utha apne bete ki aisi pagalpan wali baat sunn kar.
"Jaante ho agar wo yaha aayega toh kya hashar hoga? Hum hamari baat nahi kar rahe lekin Raj aur Indraneel se tum waakif ho.", Ye ek saaf dhamki thi Saarng ki aur Pushpak shaant he raha. Wo apne pita se kabhi anuchit baat karta bhi nai tha.
"Humko toh nahi lagta ke wo yuvak sadharan manushyo se ruk paayega, Raja sahab. Aapko munshi dada ji toh yaad he honge? Unse kuch behtar hai wo aur Tauji ke ekmatra neeji. Aapko jara bhi nirasha nahi hogi hamare bhatije se milne par. Hum khud unhe leke aayenge aur wapis chhod kar bhi aayenge.", Aur Saarang ye bhi jaanta tha ki Pushpak ke mooh koyi nahi lagega agar wo thaan chuka ho.
"Aapka jo dil kare wo kijiye Kunwar. Aapko waha koyi pareshani nahi hui toh iske badle hum bhi sirf is vyakti ko aane ki ijajat dete hai. Iske alawa har niyam wahi hai aur barkaraar rahega. Pandit ji ke koyi bhi suptra idhar jor ajmaaish pe aaye toh unko shamshaan naseeb hoga poore sammaan ke sath. Aur hum ye bhi jaante hai ki unke suputra bhi Kuwanr Indraneel aur Raj ke liye yahi soch rakhte hai. Aap thehre sant mahatma jinki rago me samay ke sath paani bhar chuka hai.", Saarang ab vyagra ho kar yaha se uth kar chal diya.
"Aap chalengi hamari sath didi ko liva laane?", Pushpak ne bina he laag-lapet Latika se poocha toh wo muskura uthi. Ek yahi bhai tha jisko wo pasand karti thi lekin gussa bhi ho jaati thi jab jab kaarname pata chalte the.
"Aap kisi ko kasht nahi denge, maar-peet nahi karenge toh hum abhi kapde badal kar aa rahe hai. Aap car udhar he le kar aaye, drive hum karenge.", Latika uth kar jaane lagi thi.
"Jo aagaya devi. Sewak wahi maujood rahega. Haan raja sahab se kehti aayega ke dhwaj jhuka dena chahiye is avsar par. Hum kahenge toh gustakhi kahi jaayegi aur aap kahengi toh aadesh.", Gambhirta me bhi sirf bhai behan he majaak kar sakte hai aur aisa he kuch in dono ke beech tha.
"aate hai.", Latika ek adaa se aage badh gayi aur Pushpak fir se gambhir-bhavuk. Ab wo Bindiya aur Shabnam ko lene ja raha tha. Is avsar par bhi Indraneel ka na aana jaise uski peeda me ijafa kar gaya. Abhi bhi wo nange paanv chalta hua dusri taraf badha tha aur kuch aage apne chacha Rajyavardhan se saamna ho gaya jo sanskaar ki tyaariyan karwa kar wapis aa raha tha.
"Suna hai hamare bhatije shri siyaaro ke ghar mulakaat karke aaye hai.", Wo aadatan galat jubaan se he mukhatib hua lekin ye bhool gaya tha ke jo saamne hai wo Kunwar Pushpak hai.
"Ji chacha ji aur hum aapko ek kabile gor baat bataye? Wo siyaar bhi sharir aur himmat me itne bade hai ki akele he registan ke 5-10 sher nibta de. Hume toh yakeen he nahi tha lekin ab jaan gaye hai ki unka vansh ek Narsingh ka hai bas naam chahe siyaar lo ya phir sevak. Bhagwan Narayan apni kripa rakhe aur aapka unse saamna na he ho. Khamma ghani.", Rajyavardhan toh mann he mann jal kar raakh ho gaya tha aise apmaan se lekin Pushpak ke thoda aur mooh lagta toh wo atche se uski ijjatt utaar deta. Jyada kuch kahe bina wo apne bade bhai ki taraf chal diya.
"Ghani khamma chote Kunwar sa."
'Jis din haath lage na mere wo, tere saamne he unki arthi uthegi. Aaja Pandit ka hiteshi bada.'
.
.
"Tum aise kyun chal rahi ho Marina? Raat kuch aisa waisa toh nahi ho gaya?", Marina upar wale kamre me aa rahi thi aur uske peeche he gor se dekhti hui Alka. Ritu abhi tak khud ko band kiye jaane kab Arjun ke bister par wo takiya baahon me liye so chuki thi. Pichle hisse me yaha kamre me pehle se he Aarti, Jasleen, Vinni didi aur Komal didi maujood thi. Himani ko uske ghar abhi Tara he chhodne gayi thi.
"Ye raat kuch jyada he talli thi Alka aur mujhe lagta hai ki seedhiyon se gir hongi tabhi chaal me ladkhadahat hai.", Aarti ki baat par Marina hale se muskuraye. Wo kaise kehti ki kal josh josh me wo us hathiyar se takra gayi jisne aadhe me he uski durgati kar di thi.
"Oh.. Jasleen tum toh thik lag rahi ho lekin kapde pe tumhare bhi khoon tha shayad. Marina tum thoda araam kar lo agar jyada dard hai toh.", Alka ka dimaag toh tabhi se ghooma hua tha jabse usne Ritu ko dard me dekha tha.
"Ye bhi is Marina ki wine ka kiya dhara hai yar. Gadde ko bhigo aayi thi ye jab chhatt par gayi thi bottle liye. Aap toh niche aa kar so gayi aur jab main waha sone gayi toh bina parwah kiye usi gadde par pasar gayi. Naye short the wo mere lekin koyi baat nahi. Waise sach kahu toh yaad mujhe bhi kuch nahi ke main kaise upar pahuchi par thanks toh Arjun jo khud gadde se uth kar farsh pe soya aur mujhe waha sone diya.", Jasleen ke bayaan se Alka ki haalat he kharaab ho gayi. Vinni didi toh alag he chusti furti se bhari dekhi thi khud Alka ne. Matlab saaf tha ke teeno ne he kuch bhi nahi kiya tha.
"Wo chaadar pe Arjun ka blood tha jisko liye Vinni didi so rahi thi.", Ab Marina andar he andar thoda hili lekin aankhen moond kar wo karwat ke bal leti rahi.
"Bataya toh tha kal Preeti ne ki Arjun ke chot lagi hai. Raat me patti khul gayi hogi bechare ki.", Komal didi ne bhi ab ye sahi anumaan diya toh Alka niruttar ho gayi.
"haan. Aur wo pagal abhi bhi araam karne ki jagah kaam aur bhaag-daud me laga hai. Waise sabne nashta kiya lekin Ritu ne nahi. Kaha hai wo shehjadi?", Bhojan toh kya Alka ne toh abhi tak chai bhi na pee thi Ritu ke chakkar me. Uske poochne par jawaab fir se Komal didi ne diya.
"Wo keh rahi thi ki uska sar thoda bhaari hai lekin hain wo Arjun ke kamre me he. Shayad alcohol ka effect abhi tak uspe hai.", Vinni ne kehne ko toh ye keh diya lekin Alka he jaanti thi ki sach kya hai.
"Wo aisa hai na ke subah Arjun ne kasam di thi usko ki aaj nashta eksath he karna hai. Ritu ab tabhi kamre se niklegi jab wo aayega. Aap sab usko mana he leti khaane ke liye isliye wo band hai. Hangover toh jinko hua hai unhe toh khabar tak bhi nahi. Jisne thodi se pee wo sharabi ho gaya.", Alka aankh maar kar hansti hui kamre se nikal kar Arjun wali taraf badh chali. Niche aangan me Richa ko apni daadi se milte dekh wo thoda tej bhaagi. Lekin ek gehri muskaan se wo bas halke se khule darwaje ke andar ka drishya dekhne lagi.
Arjun aur Ritu ki aankhon me aansu the lekin Ritu ko apni goad me kisi phool ki tarah uthaye wo sabkuch bhool kar bas hontho ko choome ja raha tha. Shayad ye sab Ritu kar rahi thi aur aise he wo Arjun ko bister par giraye roti hui poore chehre ko apne hontho se sajane lagi.
'Sala inka toh meri bhi samajh se bahar hai. Wo bhi ro rahi aur ye bhi. Upar se dono hain kaha ye bhi bhool ke bas lage hue hai. Watchman Alka jo hai inki suraksha me. Love you both.. umaahhh..', Alka ne dekha ki ab Ritu Arjun ke seene par sar rakhe leti hai aur Arjun bas uske sar ko sehla raha hai toh halke se khankhaar di.
"Alka, darwaja udhar se band kar de. Ek ghante tak koyi idhar dikhna nahi chahiye.", Ritu ne chilla kar kaha tha aankhon me abhi aansu the lekin halki si muskurahat ke sath.
"ji memsaab. Sahi tarika hai hangover utarne ka ye bhi. Waise thodi meri bhi chadi hui hai.."
"Band kar de darwaja Alka.. Ummmm",Ritu ke cheekhne ke baad Alka ne bas yahi drishya dekha tha jisme wo Arjun ke hontho ko daanto ke beech band kar chuki thi.
- Status