Ash Mishra
Active Member
- 532
- 1,433
- 138
- Status
Kingsingh
Enigma's fan
- 886
- 3,723
- 123
Iron Man
Try and fail. But never give up trying
- 37,616
- 94,826
- 304
- 4,125
- 57,642
- 173
Update 152
Vachan (2)
Kucha apno ke toote sapno par
Bhoole bhatke rasto par
Viraano me pasre sannatto par
Aksar main afsos karta hu
Unhe dikhta kathor hu
Unhe lagta kamjor hu
Narajgi par kuch kehta nahi
Bas khud par afsos karta hu
"Bhabhi, aap log hamare he sath ghar chaliye, Umed ko kaam dekhne dijiye aaj.", Dopehar ko he Rameshwar ji Chandro devi ke yaha se ab Raghubir Singh ki haveli chale aaye the. Kuch waqt Shalini bitiya aur Purnima ji se idhar udhar ki baatein karne ke baad unhone apne vichar prakat kiye. Umed bhi kuch dino se kaam par utna dhyaan nahi de paya tha aur abhi wo factory dekhne gaya tha.
"Haan bhai sahab, main aur Shalini aapke he sath chalte hai. Rajeshwari shaam ko aa jayegi Umed ke sath. Waise ek baat pooch sakti hu?", Ye kehte hue Purnima ji ke chehre par alag se he bhaav aa gaye the jinme thodi prashansha aur sawaal saaf najar aa rahe the.
"Aap kabse ijajat lene lagi maa? Chacha ji ko dekh nahi rahi kaise jhemp rahe hai.", Shalini jaise in devar bhabhi ke beech maje le rahi thi.
"Tum sachmuch kab badi hogi mujhe toh pata nahi Shalu bitiya. Sach he kehta hai Umed ki tum aajtak wahi natkhat gudiya ho.", Rameshwar ji is laadli bitiya ka sar sehlate hue muskura uthe.
"Aaj aap waise he lag rahe hai jaise hamesha apne bhai ke sath rehte waqt dikhte the.", Achanak Raghubir Singh ka jikar hote he Rameshwar ji ek pal ke liye kuch shaant ho gaye. Purnima ji ko laga ki ye jikar nahi karna tha aur kursi se khade hote Rameshwar ji ko wo kshama swaroop dekhne lagi. Shalini ki bhi halat kuch apni maa ke he jaisi ho gayi lekin jab apne chacha ko us badi tasvir ke pas khade paya toh wo dono bhi khamosh ho gayi.
"Bhabhi, aaj savere aapki behan ne humko sab kasmo aur vachan se mukt kar diya hai. Ab bas aap bhi mere bhai ki bagal me mere bete ki tasvir laga de toh mujhe andhero me usko yaad nahi karna padega.", Ramehswar ji baat karte hue apne ajeej dost-bhai Raghubir ki tasvir ko aise sehla rahe the jaise wo sachmuch jivit ho. Unki baat sunn kar jaha Shalini ka chehra safed pada wahi Purnima ji ke aankhon me khushi ki 2 boond challak aayi.
"Main bhi chahti hu bhai sahab ki apne bete ko is haveli ki har diwar par dekhu. Ye dil he jaanta hai meri halat jo uske dur jaane ke baad uski tasvir se bhi mujhe merhoom kar diya gaya. Kaushalya ne bilkul thik kiya aisa karke aur main bhi jaanti hu aap kitna akela mehsoos karte rahe honge itne saal.", Saree ke pallu se apni aankhen saaf karti hui Purnima ji ke liye toh jaise aaj diwali ho gayi thi.
"Chacha ji, aap kya karne wale hai ab? Ye kaunsa vachan tha maa jis se chacha ji bandhe the aur aaj Ajju ka jikar kaise? Mere bhai ka naam pichle kitne he saalo tak nahi liya gaya toh phir aaj kya jarurat hai wo sab dard wapis laane ki? Aaj tak meri bhai ki hatya ka poora khulasa nahi hua phir kyu uski aatma ko tadpa rahe ho aap log? Shillu bhi ek masoom sa ladka tha lekin uski bhi yaadon ko jism ke sath jala diya gaya. Chacha ji, main aaj bhi is ghar me aati hu toh mere kaano me un dono ki awaaj goonjti hai lekin jaise yaha sabhi behre hai.", Shalini ko jaise daura he padd gaya tha aur barso se dard me dooba uska dil fatt pada. Rameshwar ji ne kareeb aate he apni is pyaar beti ko seene se laga liya.
"Humne bahot koshish ki thi beti un gunehgaro ko unke anjaam tak pahuchane ki. Shankar, Umed aur Inder ne itni laashe bichha di thi ki agar hum unko saaf na karwate toh jo bacha tha wo bhi na rehta. Madhu aur tumhe koyi kalaai na milti rakshabandhan par agar hum waisa na karte toh. Tumhe toh is haveli me unki awaaj sunai deti hai lekin meri badkismati dekho jo wo mujhe pukarta bhi nahi. Jaanta hu ki ek tumhi thi jisme Ajju ke praan baste the lekin mujh par vishwas karo Shalu, ab tumhara ye chacha Ajju ke sath sath Raghubir Singh ke us vanvaas ka bhi hisaab lega un sabse jinhone mere bhai ko itne dukh aur taklife di.", Rameshwar ji ke sparsh me wahi baap wala prem tha jo har beti ko shaant kar sakta tha lekin chehre par aayi kathorta kuch aur bhi keh rahi thi.
"Nahi bhai sahab, Ajju tak thik hai. Us se pehle ki raakh hata kar us dabi hui aag ko nikalne ki jarurat nahi hai. Aapne bhi toh apna sarvasva tyaag diya tha unke sath sath, phir kyu aaj usi raaste wapis jana chahte hai jaha sirf dukh he milna hai?", Purnima ji bhi ab chintit thi lekin Rameshwar ji bas Shalini ko santvana dete rahe. Kuch pal baad jo unhone kaha wo sunn kar Purnima dhamm se bister par baith gayi.
"Hum kabhi wapis nahi gaye the bhabhi aur na he us daulat-rutbe ki koyi chahat thi kabhi. Lekin jo kadam hamare bete ki taraf aaye the, unka sambandh wahi se hai jaha aap humko jaane se mana kar rahi hai. Humne toh tyaag diya tha na, phir kyu un logo ko chain nahi mila sabkuch unke hisab se hone ke baad bhi? Kyu wo hamare bacho ki jaan lene par aaj tak utaru hai? Ab aisa aur nahi hoga lekin nishchint rahiye, is baar aapke aur Kaushalya ke kisi bhi bete par aanch nahi aane dunga.", Rameshwar ji ke itne sawalo ka ab Purnima ke pas toh koyi jawaab na tha aur aisa kehna ki wo kisi bete ko shamil nahi karenge wo jarur dukhdayi laga.
"Aap ye sab is umar me aur akele karne ja rahe hai bhaisahab? Kaushalya itni bewkoof hai?"
"Nahi bhabhi. Hum akele nahi hai aur jo hamare sath hai wo bhi hume kuch hone nahi denge. Ek apne naam ka karz utarne me laga hai aur dusra toh itna pagal hai ki wo har us najar ko khatam karna chahta hai jo hamare pariwar ki taraf galat vichar se uthi ho.", Apne dono he pauto ke naam liye bagair Rameshwar ji ne unka bakhaan kar diya tha.
"Mujhe bhi kuch waqt pehle he pata chala hai bhai sahab ki Arjun 3 saal tak inke kareeb raha. Us bache ko har bala se dur rakhna, aap chahe jo jee aaye wo kijiye.", Purnima ji ko bhi pariwar me Arjun ki ehamiyat pata thi.
"Wahi ladka us ateet ke raste chal nikla hai bhabhi. Shayad hum khuli aankhon se bhi andhkar me rahe lekin ye ladka Ajju ki he tarah idhar udhar bhatakta hua uske kareeb aa pahucha. Aaj savere he Umed dwara Kaushalya ko maa kehne par wo vichlit ho gayi. Arjun aur Ajju he toh sabkuch hai uske liye. Chaliye aap sevak ko bol kar samaan hamari car me rakhwaiye, hum jara peeche ki taraf chakkar laga kar aate hai.", Rameshwar ji ne itna keh kar bahar ka rukh kiya toh Shalini kuch soch kar he unke sath chal di.
"Chacha ji, main kuch kehna chahti hu.", Shalini is galiyare me unke sath chalti hui apna chehra saaf karte hue boli toh unke chacha ne haami bhari.
"Yaha haveli par bhaiya ne jo log rakhe hai unme se koyi ek shayad bahar ka hai.", Itna sunn kar Rameshwar ji ke badhte kadam wahi ruk gaye. Ye baat kehne ko bas kisi ke bahar wala hone ki thi lekin wo samajh chuke the Shalini ke aisa kehne ka matlab.
"Tumne ye Umed ko bataya tha Shalu?", Wo fir se kuch soch kar aage chalne lage jaha King ka baada tha. Shalini bhi waise he sath rahi.
"Pehle toh mera us taraf dhyaan nahi gaya tha chacha ji lekin aaj kuch aisa hua jis se kuch dino me hui kayi ghatnaye yaad aa gayi."
"Aisa kya dekha tumne aur ye kaunsi ghatnaye hui hai jinhe tumne batana jaruri nahi samjha? Kam se kam apni maa ya mujhe toh bata sakti thi."
"Wo haadse jaise thi sabhi chacha ji. Ek bar King baade se nikal kar Ritu ke saamne aa gaya tha, mujhe wo apni galti lagi thi ya fir baade par lagi kamjor chitakni ki. Uske baad waha upar se wo gulabi patthar thik idhar aa gira tha 4 din pehle. Yaha Vinita aur Aaisha baithi thi aur main waha saamne Romeo ke sath thi. Mujhe laga ki baarish ke paani ki wajah se pathar nikal gaya hoga aur dono ladkiyan kismat se bachi. Parso phir se King din me khula ghoom raha tha aur wo Aaisha ko nuksaan pahucha sakta hai kyonki Aaisa ka uske sath meljol nahi hai. Lekin aaj savere swimming pool me kuch gadbad ki gayi thi.", Rameshwar ji sabkuch badi shaanti se sunn rahe the. Unke dimaag me jaane kya chal raha tha aur iske sath he unhone wo bhediya (king) ajaad kar dia.
"Kaisi gadbad lagi thi tumhe waha? Aur yaha haveli ke andar surakshakarmi kabse aane lage?", Wo daityakar bada sa bhediya kutta khushi se kabhi Rameshar ji ke seene par apne paanv rakhta toh kabhi uchal kood kar unka dhyaan apni taraf karne ki koshish karta. Rameshwar ji bhi muskurate hue usko thapakne lage lekin ek ishare se usko sath chalne ka bol kar wo is taraf se he haveli ke pravesh-dwar ki taraf badh chale.
"Waha tejaab ka kanastar khaali kiya gaya tha chacha ji lekin jisne bhi aisa kiya tha usko ye nahi maloom tha ke har somwar pool khaali kiya jata hai. Aur jab bhi bhaiya yaha maujud nahi hote toh 2-3 log haveli ke bahar wale aangan, pichle baade ki taraf aur chhatt par nigrani karte hai. In sabhi ghatnao ke waqt bhaiya ghar nahi the."
"Koyi nayi kaamwali bhi rakhi hai kya ghar ke andar ke kaam-kaaj ke liye?"
"Nahi chacha ji, maa aisa kabhi nahi karengi. Wo sirf apni 3 bharose wali sevikaye he andar ke kaam par rakhe hue hai. Lekin hum yaha bahar kyu jaa rahe hai",Gate ke paas he 4 bandukdhari neeji surakshakarmi the jo Umed ke khaas the.
"Duty par kitne log hai Sunil?", Rameshwar ji ne is 6 feet lambe tagde vyakti se seedha sawaal kiya. Ghumi hui badi badi mooch aur sharir ekdum tana hua tha Sunila ka, kisi fauji ki tarah.
"Raat ke pehredar mila kar 9 log hai sir. Aadesh ho toh sabko hajir karu?", Awaaj bhi sharir ki tarah jordar thi Sunil ki.
"Abhi tatkaal bulao sabhi ko. Hum milna chahte hai.", Baaki teen log toh King ko aise khamoshi se ghaat laga kar baithe dekh thoda hairaan the. Sunil turant bahar ki taraf bane 3 quarters ki taraf badh gaya. Inke rehne ki uchit vyavastha thi waha aur 3 waqt ka bhojan bhi haveli se ban kar aata tha.2-3 minute me he Sunil ke sath 5 log aur chale aaye jo is waqt sadharan se kapdo me the, alsaaye hue.
"Sunil, tum 12 saal se ho yaha aur ye baaki chehre bhi hum atche se jaante hai. Ashok ke sath jo khada hai iska kya naam hai?", Itna sunte he ye vyakti thoda hairaan hua lekin khud ko shaant rakhne ki koshish ke sath. Ashok naam ke us vyakti ne bataye gaye aadmi ko baah se pakad kar saamne late hue parichaya diya.
"Guljaar Singh naam hai iska sahab, Shekhawati se hai ye. Fauj me subedar tha lekin 2 saal pehle gharelu paristhityo ki wajah se purn-avkaash le liya tha isne. Hamari jaankari maukhik hai.", Ashok ne bade adab se har baat Rameshwar ji ke saamne prastut ki toh wo upar se niche tak is Guljaar Singh ko dekhne lage. Kaan me rajasthani topas, hare-laal bindi wale. Kalam gaal ke kataav tak aati hui aur gale me kaale dhaage ke beech bandha hare kapde ka tabeej.
"Guljaar Singh, kis regiment me seva di hai tumne? Aur aakhiri samay kaha par tainaat the.?"
"Rajputana rifles sahab. Baadmer (Barmer) border par aakhiri samay tainaat tha.", Guljaar Singh ne bhi sateek uttar diya tha lekin shayad wo ye nahi jaanta tha jiske saamne wo khada hai wo vyakti baal ki khaal nikaal leta hai.
"1996 me tum Baadmer me border par tainaat the? Kis batallian pramukh ke niche the tum waha border par? Colonel Haneef ya Dhillon? Kalai par Allaah ko Om se dhakne wala vyakti khud ko fauji bata raha hai? King..", Itne tagde khulase se Guljaar Singh ki reedh me baraf ki lehar si daud gayi aur apne maalik ki garjdaar awaaj sunte he ye khoonkhar bhediya agle he pal Gulajaar ko daboche hue uske seene par savaar tha. Ek aur aadesh milne par King ke 2 inch lambe wo paine daant uski gardan me pevast hone wale the.
"Galti ho gayi hujoor, mahare ko paisa ki ghanni load thi. Aathe (yaha) poori imaandari se 20 mahina kaam kiyo, bina shikayat diya. Pann thoda tame pehla..."
"Khamosh. Jooth aur majburi me din raat ka farak hota hai lekin tum jaise vyakti sirf chhall kar sakte hai. Sunil, haveli me pravesh kabse milne lga hai?", Ab toh Sunil ki fatt gayi thi kyonki ye koyi mamooli chook nahi thi jis tarah Pandit ji ne is ghuspethiye ko dabocha tha.
"Ji pichle mahine se Sir, wo bhi sirf din ke waqt. Is mahine se iski raat ki duty shuru hui hai toh mujhe nahi pata ki ye raat ko bhi andar jata hai."
"Ye din me bhi jata hai aur raat me bhi. Apni galti par parda daal kar tum isko he sahi saabit karoge bete. Hum har roj ki duty se akta kar kabhi kabhi chhoti moti baat ya ghatna ko najarandaaj kar dete hai. Surakshakarmi se he chook ho jana, chhoti baat nahi hai. Baandh do isko aur zinda rakhna abhi. Yaha se jaane ke baad hum Shankar ko bhejte hai, wo sach ugalwa lega apne tarike se. Chalo King.", Kehne ki he deri thi ki Sunil ne King ke hat-te he bandook ka butt bharpoor gusse ke sath Guljaar ke peit me mara. Rameshwar ji araam se dono ko sath liye andar chal diye.
"Shankar sahab jab aayenge tab aayenge, is saale ke mooh pe kapda baandh ke tabiyat se dhulaai karo. Behanchod ne barso ki vafadari par aaj sahab ke saamne sharminda karwaya hai. Gaand todd do iski andar le ja kar, bas zinda rakhna namak haraam ko.", Sunil bhayankar gusse me tha aur waisi he halat me gusse se fufkarte hue 4 log is namak-haraam ko thokte bajate hue unhi quarters ki taraf le chale.
.
.
Aaj kitne he dino baad Arjun ki rani ke peeche Preeti baithi thi, kandhe par ek bag latkaye jo khali tha shayad. 4 baje bhi tej dhoop thi jis wajah se Preeti ke gore gulabi chehre par aakarshak kaala chasma tha. Gali se bahar nikalte he wo motorcycle rukwa kar ab dono taraf paanv karke Arjun se satt kar baith gayi.
"Dil dhakk dhakk kar raha hai mera aur tumhe pata bhi hai aaj pehli baar main bina bataye ghar se nikli hu. Waise hum ja kaha rahe hai?", Preeti se jyada jaldi toh Arjun ko thi jaise kahi pahuchne ki.
"Tum bina bata kar aayi ho aur yaha aaj pehli baar main stadium ke liye nikal raha hu lekin jaa nahi raha. Waise kal savere 4 baje tak dono ghar khaali ho jaane hai. Abhi suna tha maine Inder chacha ko kehte hue ki 4 baje ghar se niklenge toh 6 baje tak mandir pahuchenge. Wapsi me bhi shaam ke 4-5 toh bajne he waale hai.", Arjun ke aisa kehne par na chahte hue bhi Preeti ke chehre par sharam ki laali chha chuki thi. Uske nakhoon Arjun ke seene par thoda thoda dabne lage toh Arjun bhi jaise halat jaan kar muskurane lage.
"Tum sachmuch bahot gande ho. Sab log itne nek kaam ke liye jaa rahe hai aur tum kya kya plan banaye baithe ho.", Preeti ki bas ek he toh chahat thi, Arjun. Jiske pas hone bhar se wo khud ko sampoorn paati thi. Dono he is lagbhag khaali sadak par badi market ki taraf badh rahe the, ek dusre ke sparsh me doobe. Kareeb se gujarati esteem car me baithe Shankar ji ke chehre par alag he khushi aa gayi thi is premi jode ko dekh kar. Wo wapis apne ghar ja rahe the aur aaj pehli baar tha ki unke bete ne koyi dhyaan tak na diya sadak par chalte kisi vaahan par.
"Wo sabhi nek kaam par jaa rahe hai lekin main bhi toh apni zindagi ke us khaas pal ko jeene wala hu, apni jaan ke sath. Waise agar tum bhi jana chahti ho toh main rokunga nahi.", Arjun ne thoda sa sar ghumate hue Preeti ko chidate hue kaha tha lekin usne toh sareaam uska gaal he choom liya.
"Tum kitni bhi koshish kar lo Sharma ji, kal shikaar toh karke rahungi tumhara. 4 baje se 4 baje tak agar tumhari halat buri na kar di toh mera naam Preeti Arjun Sharma nahi.", Arjun ki halat abhi se buri ho gayi thi, Preeti ki himmat dekh kar. Aur aaj pehli baar Preeti ne apna jo poora naam liya tha wo sirf ek patni he le sakti thi.
"Sambhal ke raha karo meri billi, yaha har taraf bahot se log humko jaante hai. Waise jo tum ye 4 se 4 ka plan bana rahi ho toh itna bata deta hu ki agar tum vachan toddne wali ho toh ye galat hoga.",Arjun abhi bhi duvidha me tha kuch.
"Tum sachmuch bailbuddhi he ho, jaisa daadi kehti hai. Tumne kya kaha tha ke hum first time kab karenge?"
"Jab main tumhari ungli me angoothi pehnaunga aur usme abhi waqt hai jaan. Kal hamari pehli official full day date hai."
"Ye rahi anguthi aur wo guruji khud mujhe tumhari bahu bol kar gaye hai isko dene ke sath. Jaante ho aisi he unhone Ritu didi ko bhi di thi.", Ab Arjun ki dhadkan badh chuki thi ye sunn kar.
"Kab..kab di unhone ye anguthiya tum dono ko? Aur us waqt waha kaun kaun tha.?"
"Unhone ye daadi ko di thi, hum dono ko pehnane ke liye. Aur aisa jab hua toh waha the toh bahot se log lekin jab Ritu didi ne apni anguthi Alka didi ko pehnani chahi toh Alka didi ne he unko pehna di ye kehte hue ki wo dono toh ek he hain. Jaante ho aisa unhone daadi aur uncle ke saamne kaha tha. Daadi ne bhi Alka didi ko pyaar dia tha is baat par. Tum samajh rahe ho na main kya ishara kar rahi hu? Aur ab koyi vachan nahi toot raha, sunn rahe ho?", Ab Arjun jawaab dene layak he kaha bacha tha. Un maharaj ne toh khud Arjun ko nirvastra kar diya tha bina kisi ko bataye.
"Bas yahi sunn na baaki tha ab. Daadi aur papa ke saamne he mere naam ki anguthi Ritu didi aur tumhari ungli me. Abhi toh school khatam nahi hua mera, college tak toh tum dono mujhe zinda he nahi rehne dogi. Par daadi ne agar aisa sawaal kiya papa ke saamne toh main kya kahunga? Maar he daalenge wo toh jab unhe pata lagega ki bete ke biwi unki he beti banegi. Us se bhi buri halat toh maa.. Preeti maa kaha thi us waqt?", Arjun ki ab sachmuch halat buri ho rahi thi sab samajhte hue. Preeti joro ki hansti us se kass ke lipat gayi.
"Oh mere buddhu balam. Daadi ko kam na samajhna tum. Unhone Ritu didi aur tumhari jodi sada bani rahe aisa aashirwad diya tha Ritu didi ko. Aur kayi baar toh wo aisa bhi bol chuki hai ke main aur Ritu didi hamesha he ek dusre ke sath rahe, yahi unki itcha hai. Waha uncle (shankar ji) bhi maujud the. Atcha chhodo ye sab, jo hoga dekha jayega. Is sabme bahot time pada hai abhi aur main college jaane se pehle har tuesday bas tumhare sath rehne wali hu.", Preeti ki baat bhi sahi thi ki ab bekar soch kar dimaag ki halat kyu kharaab karni. Ghar me waise he raho jaise hamesha se ho, jab time aayega toh dekha jayega.
"Sirf tuesday he mere sath rahogi? Main toh zindagibhar ka soche baitha hu lekin tumhe toh hafte ka ek he din chahiye. Atcha ab tum jaisa kahogi waisa he karunga, ek tarah se vachan poora ho he gaya hai.", Arjun ne pull ke upar motorcycle badhate hue raftar aur bhi dheemi kar di. Ab dono ko atchi khaasi hawa bhi lag rahi thi aur Preeti jyada he khulkar Arjun se chipak gayi. Peeche se aati 2 motorcycle inke kareeb aate he dheemi ho kar barabar chalne lagi. Dono par he 2-2 awara kism ke 22-23 saal umar wale ladke the jo gehraai se Preeti ka avlokan kar rahe the.
"Bhai totta (maal) toh tagda le raha hai apne sath lekin lage hai ke saari mehnat dehi (body) pe laga di. Itna garam maal tere se thanda na hota toh bata de, 4-4 mil ke aisa thanda karange ke chaal badal jegi. Hahaha.", Ek he baar me wo bhaddi si shakal ka yuvak apni seema laangh gaya tha aur uske sath wale bhi jor jor se hansne lage. Arjun ne apne seene par rakha Preeti ka hath ulte hath me pakad kar choom liya.
"Ye body aale londe khassi hove hai Kaale, nira tashan marwa le inse lekin aisi londiya inse na thandi hoti.",Ab ye dusri motorcycle chalata yuvak bola toh Preeti ne thoda sa kamar uchkate hue Arjun ka gaal choom liya. Sadak par abhi bhi yatayaat naam-matra tha aur Arjun-Preeti in ladko ki baat par dhyaan na dete hue ek dusre se maje le rahe the jis par wo chaaro ladke kahi jyada he bhadakne lage.
"Arre behanchod ya toh niri raand hai be Bansi. Saali.... aahhh..", Bas yahi usne Preeti ke baare me galat keh kar apni shaamat bulwa li. Baat poori bhi nahi hui thi ki 20 ki raftar par chalti wo CD-100 motorcycle ek taraf ja giri. Dono he ladko ki cheekh jordaar thi. Motorcycle 8-10 meter ghisadne par jaha ruki waha Arjun pehle he apni Rani ko rok kar jaise unka intjaar kar raha tha. Dusri motorcycle se wo baaki dono ladke furti se Arjun ki taraf lapke lekin us se pehle he Arjun ne aage badh kar ek ki jaang par laat ka bharpoor vaar kar diya. Dusra, jo in charo me sabse tagda tha uski baah pakad kar marodte hue Arjun bade shaant swar me bola.
"Majaak aur halki chuhalbaji se koyi aitraaj nahi hai dost lekin jaha juban hadd se bahar gayi, chehra is pull se niche latka dunga. Kuch jyada he garmi hai na toh chalo nikalo.", Aisa kehte hue Arjun ne uska hath chhod kar aage dhakel diya. Jinki motorcycle giri thi unki halat kuch buri thi aur dono ke he ghutne-kohniya buri tarah jakhmi ho chuke the. Jiski jaangh par laat ka prahaar hua tha wo bhi dard se tadapta hua footpath par baitha tha.
"Ghana (Jyada) josh hai na tere me toh le pher.. Stadium me danka baaje hai Rupesh urf Kaale ka.", Abhi wo 6 feet ka ladka poori furti se Arjun ki taraf lapka he the ki uski kamar ko baaju lete hue Arjun ne poora sharir hawa me utha diya. Preeti araam se khadi dekh rahi thi Arjun ki nautanki. Wo jaanti thi ki ye abhi sirf maje le raha hai. Kaala poori koshish kar raha tha khud ko chhudane ki aur koshish safal hone se pehle he wo pakki sadak par pada tha.
"Stadium aaj-kal me he jaane lage ho shayad. Pooch lena kisi se bhi waha Vikas pehalwan ke baare me, unka chhota bhai hu aur naam hain Arjun.", Arjun ne aankh maarte hue kareeb jaa kar uska gaal thapthapaya toh Kaala dard me bhi hairat se usko dekhne laga.
"Tu jaanbojh ke mahari kutaai nahi kar raha na?", Jor ka toh pata chal he chuka tha Kaale ko aur Arjun ne jaise usko uthane ke baad araam se patka tha is se saaf pata chalta tha ke wo ladna he nahi chahta tha.
"Pitaji ya bhai fauj me honge tumhare aur unme se koyi bhi tumhe toota-foota dekhega toh eham ko thes bhi pahuchegi. Maar-pitaai unke sath he thik lagti hai dost jo insaan karam he galat karta ho. tumhare dost ne meri hone wali biwi ko apshabd kaha toh natija saamne hai. Chalo chalta hu, jaruri kaam hai mujhe.", Arjun abhi aage he badha tha ke pichli light par khadi wo police ki gypsy idhar aa ruki.
"Ae kya tamasha laga rakha hai yaha?", Ab Kaale ki bhi fatt rahi thi kyonki baat ladki ki thi aur Preeti ke kuch bhi bolte he un chaaro ki danda pared hone wali thi.
"Kuch nahi uncle ji, wo wali motorcycle slip ho gayi thi aur inki motorcycle se takra gayi. Uthane me madad he kar raha tha main toh.", Arjun ke aise jawaab par Preeti jahan hans rahi thi baaki sabhi hairaan the us policewale ke sath sath.
"Chutiya samjha hai kya ladke? Tu isko utha kar patak raha tha behanchod. Aankh hai button nahi, maine khud dekha tha idhar aate hue. Motorcycle ek he giri thi aur isliye main udhar se aaya hu."
"Ek toh tameej se baat karo uncle ji. Waha ladki khadi hai aur aap gaali de rahe ho. Dusri baat na maine koyi report kari hai aur na ye log aapse kuch keh rahe hai.", Arjun ki baat par wo ek sitara police wala kahi jyada he aag baboola ho gaya. Driver ke saamne he ladke ne usko garmi dikhai thi aur aisa apmaan duty ke waqt koyi bardasht nahi karta.
"Chal thaane, teri hekdi main nikaalta hu behan.."
"Bhishbhar Singh, jubaan ko lagaam do. Vardi me ho isliye ijjat kar raha hu lekin ek baar aur gaali di toh yaha se seedha niche fenk dunga.", Arjun ka chehra he badalne laga tha aur usne is policewale ki kalaai kass ke daba di thi. Bishambhar Singh bhi halke dard se panjo ke bhar apni aedi upar karta khada ho gaya tha.
"Chhod do Arjun, ye sahi tarika nahi hai. Mama ji ka he thana hai na ye wala.", Preeti ne pas aate he Arjun ka hath thaam liya. Ladke ke 'mama ka he thana' bolne par driver bhi is taraf aa khada hua aur Bhishambhar kalaai masalta hua jabde pees raha tha.
"Tejpal ji tumahre mama hai bitiya?", Driver ke aisa kehte he Arjun ne jawaab diya.
"Pehchaan nahi ho toh harek ke sath aisa he salook karte ho kya uncle? Agar aisi he baat hai toh mere dada ji ka naam Pandit Rameshwar Sharma hai aur bhai ka Sanjiv Sharma. Chalo Preeti.", Ye 2 naam dono he policewalo ke dimaag par bomb ki tarah gire. Unhe ab yaha se jata hua Arjun apni vardi utarne ka farmaan najar aa raha tha. Bhishambhar bhi turant unke peeche lapka.
"Aye beta, bhool ho jaati hai re. Dhoop me duty karte hue dimaag ki halat kya rehti hai tumhe nahi pata hogi lekin jo hua us par mitti daal do."
"Jaanta hu isliye toh jaa raha hu yaha se. Bas apni bhasha aam logo par sannyamit rakhiyega. Mera papa toh vardi ka bhi lihaaj nahi karte agar unki bahu-beti ke liye koyi galat kahe. Baitho Preeti.", Ab ye vyakti aage kuch kehta us se pehle he Arjun nikal chala yaha se. Wo Preeti ke sath apna ye keemti samay aise fijool ke lafdo me barbaad nahi karna chahta tha.
"Bhaari galti ho gayi be Maangelal aaj. Tejpal ji tak baat gayi toh wo meri duty kisi ki security me he lagwa denge. Aur Dr Jallad ko kuch pata laga toh wo toh sachme bawla aadmi hai.", Bhishambhar ki haalat dhobi ke kutte jaisi ho gayi thi.
"Janaab, ye ladka kuch nahi kehne wala. Kehna hota toh pehle kuch karta aur phir aap bhi hospital me hote. Yahi hai wo jisne stadium me Chotti pehalwan aur uske saathiyon ki khaal utaari thi. Aaj tak bister par hai wo saare badmaash. Main he gaya tha SHO sahab ke sath dusri gaadi le kar us din, tabhi pehchan-ne ki koshish kar raha tha. Aap nischint raho bas.", Maangeram ke aisa kehte he thodi narajgi se Bhishambhar ne usko dekha.
"Behnn.. pehle nahi bata sakta tha ke lafda kiske sath kar rahe hai? Aur tum log yahi bister chahte ho kya? Dafa ho jao saalo yaha se.", Jaise he Bhishambhar ne unki baatein sunte chaaro ladko ko fatkaar lagaayi wo turant motrocyclo par ja chadhe. Ye Gypsy chalu thi aur aage badh gayi.
"Chokhe bache re Kaale aaj toh hum dono. Wo pehalwan shayad bhabhi je ke gail tha is khatir thanda tha. Nahi toh Chotti ki durgati karan wala mahari toh patang bana deve arr. Kaal balaji ke chaal padiye bhai, mangalwar hai toh bhool-chook karke parsaad chadha devange. Ya musibat kisi tarah tali hai.", Ye wahi tha jiski jaangh par Arjun ne chott ki thi. Dusri motorcyle walo ki halat buri thi lekin chupchap wo bhi sath he chal rahe the.
"Wa sab chhod yo soch ki pariwar kitna tagda hoga is pehalwan ka? Mama SHO, dada koyi badi top, baapu ghana tagda badhmash aur ek bhai bhi jo aatchi pahoch rakhta hovega. Is tarah ke chhore he kaamyab hai Meghe bhai, mahara toh system he gaandu hai. Baap fauji toh beta mauji. Is baar kis tariya bhi degree poori karke aagli saal bank ke farm he bhar diyunga. Byaah bhi ho he jega naukri laage baad.", Kaale ki toh soch he badal gayi thi.
"Dimag pe asar ho gaya tere bhi lekin aatchi baat hai ke sahi asar hoya."
"Wo chahta toh rail bana sake tha bhai apni saarya ki. Usne toh is baat ka bhi bura na maanya tha jadd haam garmi likadan ki baat kehva the. Wo desi majaak samjhe the lekin aitraaj hoya jadd baat bhabhi ke baare me is bawligaand ne galat kahi. Khud soch yar mere is khatir koni maare ke mere baap ne dukh hovega jo fauj me hai. Nigaah kasuti hai jo numberplate bhi dekh gaya wo maaran se pehle. Chaal hansi majaak apni jagah hai lekin aainda yu gaal bakna band kisi teesre aadmi ne.", Kaala bina kutaai ke he sudhar chuka tha aur uska dost is se khus tha. Wahi dono premi yugal Sudhir ki dukaan par upasthit the aur Arjun baat karke he idhar aaya tha jis se uske pita se bhent na hone paaye.
"Sudhir bhai, sab tayaar hai na?", Arjun ne hath milane ke baad gale lagte hue apne dost se sirf itna he kaha toh wo bhi muskura diya. Preeti ko aaj usne bhabhi keh kar bulaya tha sofe par baithne ka kehte hue.
"Haan jaisa kaha tha waise he tayaar karwaye hai sabhi kapde. Saree toh tumne pehle he pasand kar di thi, interlock karwa di hai aur bhabhi ki baaki dress bhi ready hai. Kuch aur bhi kharidna hai toh batao, main yahi mangwa dunga.", Sudhir ne baat karte hue he juice ke liye chhotu ko bol diya tha. Preeti apni ungliyon ko aapas me fansati hui sharam se najre jhukaye thi aur Arjun muskura raha tha apni dilruba ki haalat par.
"Wo ladies section me jo didi hain unke sath bhej do jara inhe.", Arjun ne yaha Preeti ka naam nahi liya tha aur Sudhir ko bhi ehsaas tha ki Arjun ke liye kitni khaas hai Preeti. Turant he ek ladki idhar hajir ho gayi aur aate ke sath he Preeti ko liye wapis ek taraf chali gayi.
"Yaar, kuch khaas samaan chahiye tha.", Ab Arjun dost ke saamne he jhijhak raha tha aur Sudhir ne is baar muskurane ki galti nahi ki.
"Bharosa rakho bhai, tum mere liye ajeej ho aur nissankoch baat keh sakte ho."
"Scented candles, tulips aur bade white towels chahiye. Mujhe nahi pata ke ye kaha milenge.", Arjun itna keh kar thoda chup hua toh Sudhir ne counter ke bheetar se 2-3 magzine nikaal kar sofe ke saamne wale table par rakh diye. Dono agal bagal baith chuke the aur Arjun apne is dost ko panne palat te hue dekh raha tha aur fir ek jagah wo ruk gaya. Is english magzaine me ghar ki andruni saaj sajja shaandar tarike se darshayi gayi thi. Abhi grahako ka samay nahi tha aur dukaan par kaam karne walo ki sankhya uchit bhi thi agar 4-5 grahak sambhalne ho toh Sudhir tabiyat se Arjun ko samay de raha tha.
"Ye bathroom aur bedroom ki sajawat dekh bhai. Dim ligth me scented agarbatti, ye bathroom me sirf candles aur alag alag tarah ke oils. Tu idea le raha hai na apne khaas kamre ka toh ye cheeje dekh le. Main abhi chhotu ko parchi de kar mangwa deta hu jo bhi chahiye."
"Yar ye bed kaha se milega?", Arjun toh sabkuch bhool kar wo shaahi bed dekh raha tha jo sadharan wale se khasa bada tha aur lakdi ka nakkashidar kaam jordar tha us par. Dono he taraf jaalinuma sirhano ke beech lamp lage the.
"Ye toh furniture market se tayaar ho jayega aur iske sath ke 12 inch wale gadde Uppal se mangwa dunga main lekin filhal tu jo chahta hai wo bata."
"Haan. Scented candles, herbs wale alag alag oil, full lenth ke 2 pure white towels bhaari wale, aur jo bhi behtareen flowers mile wo. Lekin flowers le jaane me dikkat hogi. Main car bhi nahi laya hu aur kal tak kharaab na ho jaye.", Arjun ki chinta dekh ab Sudhir muskuraya.
"Intjaam karwa deta hu bhai iska bhi. Nahi hone dete kuch bhi kharaab aur gaadi ki bhi jarurat nahi. Bhai mana hai toh behichak bola kar jo bhi chahiye ho. Waise agar tu bhabhi ka birthday plan kar raha hai toh cake ke sath kuch aisa bhi de jisko wo zindagibhar apne sath rakh sake.", Sudhir ko jaise poori baat pata nahi thi aur aisa karna bhi jaruri tha. Yaha bedroom aur bathroom wala chakkar is maamle se alag rakha gaya tha.
"Bata bhai kya du aisa jo wo zindagibhar sath rakh sake apne.? Mujhe toh khushi hogi aisa uphaar dene me.", Arjun ki baat par Sudhir ek pad utha kar uspe Arjun dawara bataya samaan likhne laga. Yaha juice rakh kar chhotu ek gilas Preeti ki taraf le jaane laga toh Sudhir ne usko wapis unke he pas aane ka kaha.
"Dekh bhai ab iska sahi jawaab toh main bhi kya he du. Lala ki aulaad hu na toh byaah par he lugaai milegi mujhe toh aur pita ji mere hai chaukas kyonki main unki ek crore ki chaabi hu toh ishq-vishq apne naseeb me toh hain nahi lekin itna jarur kehta hu ki bhabhi ke liye kuch bhi aisa le jo unke pas hamesha rahe. Aage tu soch bhai kya dena hai. Kuch mehnga dena hai toh paise mujhse udhaar le le, saal ka sabse khaas din hai unke liye.", Sudhir ki baat Arjun samajh raha tha aur haan me gardan hilata wo ek baar Preeti ki taraf dekhne laga jo sirf mahilao wale hisse me thi, inse dur.
"Paise toh dher saare leke nikla hu bhai ghar se. Aur baat mehnge saste ki toh bilkul nahi hai, khaas uphaar ki hai.", Arjun ekaek kehte kehte ruk sa gaya. Jaise usko samajh aa chuka tha ke usne Preeti ko kya uphaar dena hai aur wo uske paas pehle se he maujud bhi hai.
"Thanks bhai, ab aisa he uphaar dunga jisko ye hamesha khud ke pas rakh sakti hai.", Arjun ke is jawaab par Sudhir ne sawaal toh na kiya lekin peeth thapthapa di.
"Matlab pehle se he kuch khaas hai tumhare pas?"
"Haan bilkul hai aur wo shayad is din ke liye he sambhaal kar rakha tha maine. Ab bas jaldi se sab taam-jhaam nibatwao kyonki main stadium ka he bol kar nikla hu.", Arjun ke aisa kehte he Sudhir ne ek ladke ko masterni ji se wo kapde le kar aane ka kaha jo Arjun ne tayaar karwaye the. Yaha se sabkuch lene ke baad jyadatar samaan to us khaali pitthu bag me he aa gaya tha aur kuch Preeti ne hatho me pakad liya. Agle aadhe ghante thodi bahot aur kharidi bhi ki gayi thi pyaar bhar masti ke sath sath. Dono sava 6 baje tak apne apne ghar aa chuke the. Aaj Sudhir ne sachmuch Arjun ke liye bahot kaam kiye the aur bahar se mangwaye samaan ke paise na lete hue usne sirf itna he kaha tha 'ek bhai ka dusre bhai ko uphar'
.
.
"Tumhe ye sab itna asaan lag raha tha? Jis ghar ne tumhe namak diya, ijjatt ke sath rehne ki jagah aur jarurat se adhik paise bhi tumne badle me namak harami bhi aisi kari jiski saja nahi hai mere pas.", Haveli ke aakhiri kamre me Guljaar Singh ke dono hath kursi ki hatthi se bandhe the aur paanv paaye se. Shankar thik saamne kursi rakhe baitha bas usko ghoor he raha tha, jaise jameen par baitha King. Ek taraf Sunil bhi nafrat se bhara is aadmi ko dekh raha tha, haath me Shankar ke aujaaro se bhari tray liye.
"Maaf kardo sahab.", Guljaar ki gaand fatt chuki thi kyonki ye shaksh bas dekh kar uski aatma ko dard de raha tha. Kuch karega toh pata nahi aage kya ho. Tabhi Shankar ne daant ukhadne wala steel ka jamoora aur ek operation blade uthate hue Guljaar ki hatheli thaam li.
"Jisko nuksaan pahuchane ke liye tumne King ka baada khola tha wo meri jaan hai kameene. Meri beti ko tu mere he wafadar se marwana chahta tha. Aaj upar baitha yamraj bhi dekhega ki Shankar ka jigra us se bhi sakht hai.", Iske saath he Guljaar ki gaganbhedi cheekh is bade band kamre me goonj uthi. Wo tabtak cheekhta raha jab tak jamoore se pakdi uski 2 ungliya hath se juda na ho gayi. Chehre baraf sa thanda ho chuka tha lekin wo lagatar cheekhta raha. Jameen par giri dono ungliya King ne panje se ek taraf khiska di. Sunil bhi khaufjada tha lekin himmat karke usne ek hath se paani ka dabba balti se bharte hue Guljaar ke chehre par udel diya.
"Phir tu meri dusri betiyon ko bhi maarne ki koshish karne laga. Kaise soch liya ki tu ye sab kar jayega aur pakad me bhi nahi aayega?", Khoon bahati us jagah par rooi ka ek bada tukda daba kar Shankar ne us blade se Guljaar ki jaangh ko 3 inch kaat diya. Guljaar ke cheekhne se pehle he King ne gurrate hue uske seene par panja rakh diya.
"Aahhh..... maalik reham karo reham.. Aaahh.. sawaal karne ki jagah aap mujhe tadpa tadpa kar kyu maar rahe ho? Allaah ke liye baksh dijiye. Meri majboori thi ye sab karne ki. Unke kabje me meri biwi aur beti hai, jinke sath wo mere saamne he napaak harkate karte hai. Mujhe yaha bhejne wale bhi wahi log hai aur iske badle unhone mere pariwar ka dhyaan rakhne ke sath sath beti ke nikaah ka bhi vaada kiya tha. 10 lakh dene ke sath sath.", Guljaar bina pooche he sab bakne laga tha aur Shankar ne ab dusra hath apne kabje me le liya. Pehle wale se abhi bhi ek dhaar khoon farsh par ris raha tha.
"Kisne lagwaya tha tumhe kaam par aur kaha rehta hai wo.?", Jaangh se girta khoon patloon ke sath sath us kursi ko bhi bhigo raha tha. Guljaar is haalat me aadha ghanta bhi rehta toh uska bachna mushkil tha. Jaan bachane ke liye uski jubaan par wo naam aa he gaya.
"Bade tehsildar sahab hai wo Ramakaant naam hai unka. Bahot taqatwar aur rasookh wala pariwar hai unka.. aahh.. mujhe baksh do sahab, aap jaisa kahoge main wahi karunga."
"Poora byora de mujhe is Ramakaant ka nahi toh agli baar jo nass kategi usko joddne wala doctor duniya me nahi hai."
"Ramakaant he naam hai uska sahab lekin sab usko bade tehsildar kehte hai. Unka sambandh bhi Jaiselmer ke raajgharane se hai. Unhone kaha tha ki is pariwar ki har ladki ko maarne par he wo meri biwi aur beti ko ajaad karenge. 20 mahine baad he mujhe andar kadam rakhne ko mile lekin sach kehta hu main peshewar kaatil nai hu."
"Mujhe tumse poori humdardi hai aur main tumhari majboori samajh raha hai. Tabhi toh kaha tha ke mere pas koyi saja nahi hai jis se tumhare karmo ka fainsla ho sake. Ye tehsildar ko main tumhare pas jald he bhejunga, vaada karta hu. Biwi beti ki suraksha bhi main apne jimme leta hu. Kuch din intjaar karna bas, Tehsildar ki aatma khud tumse milne aayegi. Ab tumhari saja ka fainsla bhagwan khud he karenge, main toh khud ek pita hu isliye sahi marg par bhejunga tumhe.", Itne tagde pravachan ko Guljaar jabtak samajhta uski gardaan se golakaar tej favvarra nikal pada. Majaal thi Shankar ka haath jara bhi kampa ho ya najar hati ho. Gardan alag karke Guljaar ki goad me rakhta wo is fadfadate sharir ko 1 minute tak niharta raha. King bhi ab ek taraf ho gaya tha is behte khoon se bachne ke liye.
Shankar ka dhyaan toota aujaar jameen par bikharne ki tej awaaj se jo Sunil ke behosh hone ki wajah se hua tha. Wo bechara ye drishya dekh kar khada na reh saka.
"Ye ghanta karenge suraksha. Inhe samajhna chahiye ki mera kaam kitna mushkil hai aur dukh mujhe bhi hota hai. King, beta tu aise he saaf suthra raha kar. Apni behan (Ritu) ke kharoch bhi maari toh teri gaand ka bhi yahi haal karunga jo iska kara hai.", Shankar aise pal me bhi maskhari karte hue King ko liye bahar nikal aaya.
"Oye, andar se gandagi saaf karo aur jo behosh hua hai usko kuch din araam he karne dena bas. Jiska dil kamjor ho wo apni maa na chudaye andar jaa kar.", Shankar ne thodi he dur khade 4 surakshakarmiyo ko tej awaaj me nirdesh dete hue galiyare me lagi tooti par hath dhote hue kaha toh wo log furti se kamre tak aaye aur andar ka haal dekh uchit samaan lene wapis ek taraf nikal gaye. Unhe maloom tha ki is laash ko kaha thikane lagana hai. Umed ki kaali mercedes bhi idhar khule aangan me chali aayi thi ab.
"Doctor ye kapdo pe khoon kaisa laga hai?", Umed ki baat sunn kar Shankar ne apni safeed kameej ko wahi khol diya.
"Tere ek security wale ka operation kiya hai abhi. Dekh le wo aakhiri kamre me hai aur baaki isko pakda papa ne tha Shalini ke sandeh karne par. Waise isko yaha bhejne wala Shaksh Sarang ka koyi tehsildar rishteydar tha."
"Ramakaant?", Umed baat sunte he gusse se laal ho utha. Aise waqt par ek yahi insaan tha jo hosh nahi khota tha lekin tehsildar sunte he jaise sharir ka sara khoon uski aankhon me utar aaya.
"Shaant reh bhai shaant reh. Main dekh lunga ye jo bhi hai tehsildar hai, fir banata hu main iski jameen ke kaagaj."
"Bhole, jaanta hai ye kaun tehsildar hai? Agle shehar wala wo tehsildar jiski beti Shalini ke sath padhti thi aur uski ajeej saheli thi. Yaha bhi Sarang shamil ho he gaya hai. Ye maamla jald nibtana hoga Bhole."
"Thand rakh be Gajju Chajju. Baap ke paas hai ye maamla aur unhone he order diya tha mujhe iska hisab karne ka. Chal bhabhi ko leke mere sath chal fir unse he baat karte hai is baare me. Unke case ko wahi lead karte hai aur baat ab Sarang se judi hai toh abhi hum kuch nahi bolenge.", Shankar ne apne bhai ka sar sehlate hue usko thanda kiya toh Umed ne aankhen band karte hue gehri saans li.
"Haan bhai, soch samajh kar he karna padega. Ye sala tehsildar kyu maa chudwa raha hai apni wo bhi itne saalo ke baad? Koyi baat nahi agar uski yahi itcha hai toh humko bhi wo shikaar karne ka tarika dekhne ko jald he milega jo papa aur chacha karte the. Tu mere burshat pehan le andar chal kar, fir chai pee kar nikalte hai, 7 se upar time ho raha.", Umed aise he Shankar ko sath liye apne kaksh ki taraf badha toh King bhi unke peeche ho liya. Baaki wo chaaro log mooh pe kapda rakhe poori lagan se sab saaf safaai kar rahe the. Ye laash bhi khet ki jameen me urea daal kar dafan karni thi.
Vachan (2)
Kucha apno ke toote sapno par
Bhoole bhatke rasto par
Viraano me pasre sannatto par
Aksar main afsos karta hu
Unhe dikhta kathor hu
Unhe lagta kamjor hu
Narajgi par kuch kehta nahi
Bas khud par afsos karta hu
"Bhabhi, aap log hamare he sath ghar chaliye, Umed ko kaam dekhne dijiye aaj.", Dopehar ko he Rameshwar ji Chandro devi ke yaha se ab Raghubir Singh ki haveli chale aaye the. Kuch waqt Shalini bitiya aur Purnima ji se idhar udhar ki baatein karne ke baad unhone apne vichar prakat kiye. Umed bhi kuch dino se kaam par utna dhyaan nahi de paya tha aur abhi wo factory dekhne gaya tha.
"Haan bhai sahab, main aur Shalini aapke he sath chalte hai. Rajeshwari shaam ko aa jayegi Umed ke sath. Waise ek baat pooch sakti hu?", Ye kehte hue Purnima ji ke chehre par alag se he bhaav aa gaye the jinme thodi prashansha aur sawaal saaf najar aa rahe the.
"Aap kabse ijajat lene lagi maa? Chacha ji ko dekh nahi rahi kaise jhemp rahe hai.", Shalini jaise in devar bhabhi ke beech maje le rahi thi.
"Tum sachmuch kab badi hogi mujhe toh pata nahi Shalu bitiya. Sach he kehta hai Umed ki tum aajtak wahi natkhat gudiya ho.", Rameshwar ji is laadli bitiya ka sar sehlate hue muskura uthe.
"Aaj aap waise he lag rahe hai jaise hamesha apne bhai ke sath rehte waqt dikhte the.", Achanak Raghubir Singh ka jikar hote he Rameshwar ji ek pal ke liye kuch shaant ho gaye. Purnima ji ko laga ki ye jikar nahi karna tha aur kursi se khade hote Rameshwar ji ko wo kshama swaroop dekhne lagi. Shalini ki bhi halat kuch apni maa ke he jaisi ho gayi lekin jab apne chacha ko us badi tasvir ke pas khade paya toh wo dono bhi khamosh ho gayi.
"Bhabhi, aaj savere aapki behan ne humko sab kasmo aur vachan se mukt kar diya hai. Ab bas aap bhi mere bhai ki bagal me mere bete ki tasvir laga de toh mujhe andhero me usko yaad nahi karna padega.", Ramehswar ji baat karte hue apne ajeej dost-bhai Raghubir ki tasvir ko aise sehla rahe the jaise wo sachmuch jivit ho. Unki baat sunn kar jaha Shalini ka chehra safed pada wahi Purnima ji ke aankhon me khushi ki 2 boond challak aayi.
"Main bhi chahti hu bhai sahab ki apne bete ko is haveli ki har diwar par dekhu. Ye dil he jaanta hai meri halat jo uske dur jaane ke baad uski tasvir se bhi mujhe merhoom kar diya gaya. Kaushalya ne bilkul thik kiya aisa karke aur main bhi jaanti hu aap kitna akela mehsoos karte rahe honge itne saal.", Saree ke pallu se apni aankhen saaf karti hui Purnima ji ke liye toh jaise aaj diwali ho gayi thi.
"Chacha ji, aap kya karne wale hai ab? Ye kaunsa vachan tha maa jis se chacha ji bandhe the aur aaj Ajju ka jikar kaise? Mere bhai ka naam pichle kitne he saalo tak nahi liya gaya toh phir aaj kya jarurat hai wo sab dard wapis laane ki? Aaj tak meri bhai ki hatya ka poora khulasa nahi hua phir kyu uski aatma ko tadpa rahe ho aap log? Shillu bhi ek masoom sa ladka tha lekin uski bhi yaadon ko jism ke sath jala diya gaya. Chacha ji, main aaj bhi is ghar me aati hu toh mere kaano me un dono ki awaaj goonjti hai lekin jaise yaha sabhi behre hai.", Shalini ko jaise daura he padd gaya tha aur barso se dard me dooba uska dil fatt pada. Rameshwar ji ne kareeb aate he apni is pyaar beti ko seene se laga liya.
"Humne bahot koshish ki thi beti un gunehgaro ko unke anjaam tak pahuchane ki. Shankar, Umed aur Inder ne itni laashe bichha di thi ki agar hum unko saaf na karwate toh jo bacha tha wo bhi na rehta. Madhu aur tumhe koyi kalaai na milti rakshabandhan par agar hum waisa na karte toh. Tumhe toh is haveli me unki awaaj sunai deti hai lekin meri badkismati dekho jo wo mujhe pukarta bhi nahi. Jaanta hu ki ek tumhi thi jisme Ajju ke praan baste the lekin mujh par vishwas karo Shalu, ab tumhara ye chacha Ajju ke sath sath Raghubir Singh ke us vanvaas ka bhi hisaab lega un sabse jinhone mere bhai ko itne dukh aur taklife di.", Rameshwar ji ke sparsh me wahi baap wala prem tha jo har beti ko shaant kar sakta tha lekin chehre par aayi kathorta kuch aur bhi keh rahi thi.
"Nahi bhai sahab, Ajju tak thik hai. Us se pehle ki raakh hata kar us dabi hui aag ko nikalne ki jarurat nahi hai. Aapne bhi toh apna sarvasva tyaag diya tha unke sath sath, phir kyu aaj usi raaste wapis jana chahte hai jaha sirf dukh he milna hai?", Purnima ji bhi ab chintit thi lekin Rameshwar ji bas Shalini ko santvana dete rahe. Kuch pal baad jo unhone kaha wo sunn kar Purnima dhamm se bister par baith gayi.
"Hum kabhi wapis nahi gaye the bhabhi aur na he us daulat-rutbe ki koyi chahat thi kabhi. Lekin jo kadam hamare bete ki taraf aaye the, unka sambandh wahi se hai jaha aap humko jaane se mana kar rahi hai. Humne toh tyaag diya tha na, phir kyu un logo ko chain nahi mila sabkuch unke hisab se hone ke baad bhi? Kyu wo hamare bacho ki jaan lene par aaj tak utaru hai? Ab aisa aur nahi hoga lekin nishchint rahiye, is baar aapke aur Kaushalya ke kisi bhi bete par aanch nahi aane dunga.", Rameshwar ji ke itne sawalo ka ab Purnima ke pas toh koyi jawaab na tha aur aisa kehna ki wo kisi bete ko shamil nahi karenge wo jarur dukhdayi laga.
"Aap ye sab is umar me aur akele karne ja rahe hai bhaisahab? Kaushalya itni bewkoof hai?"
"Nahi bhabhi. Hum akele nahi hai aur jo hamare sath hai wo bhi hume kuch hone nahi denge. Ek apne naam ka karz utarne me laga hai aur dusra toh itna pagal hai ki wo har us najar ko khatam karna chahta hai jo hamare pariwar ki taraf galat vichar se uthi ho.", Apne dono he pauto ke naam liye bagair Rameshwar ji ne unka bakhaan kar diya tha.
"Mujhe bhi kuch waqt pehle he pata chala hai bhai sahab ki Arjun 3 saal tak inke kareeb raha. Us bache ko har bala se dur rakhna, aap chahe jo jee aaye wo kijiye.", Purnima ji ko bhi pariwar me Arjun ki ehamiyat pata thi.
"Wahi ladka us ateet ke raste chal nikla hai bhabhi. Shayad hum khuli aankhon se bhi andhkar me rahe lekin ye ladka Ajju ki he tarah idhar udhar bhatakta hua uske kareeb aa pahucha. Aaj savere he Umed dwara Kaushalya ko maa kehne par wo vichlit ho gayi. Arjun aur Ajju he toh sabkuch hai uske liye. Chaliye aap sevak ko bol kar samaan hamari car me rakhwaiye, hum jara peeche ki taraf chakkar laga kar aate hai.", Rameshwar ji ne itna keh kar bahar ka rukh kiya toh Shalini kuch soch kar he unke sath chal di.
"Chacha ji, main kuch kehna chahti hu.", Shalini is galiyare me unke sath chalti hui apna chehra saaf karte hue boli toh unke chacha ne haami bhari.
"Yaha haveli par bhaiya ne jo log rakhe hai unme se koyi ek shayad bahar ka hai.", Itna sunn kar Rameshwar ji ke badhte kadam wahi ruk gaye. Ye baat kehne ko bas kisi ke bahar wala hone ki thi lekin wo samajh chuke the Shalini ke aisa kehne ka matlab.
"Tumne ye Umed ko bataya tha Shalu?", Wo fir se kuch soch kar aage chalne lage jaha King ka baada tha. Shalini bhi waise he sath rahi.
"Pehle toh mera us taraf dhyaan nahi gaya tha chacha ji lekin aaj kuch aisa hua jis se kuch dino me hui kayi ghatnaye yaad aa gayi."
"Aisa kya dekha tumne aur ye kaunsi ghatnaye hui hai jinhe tumne batana jaruri nahi samjha? Kam se kam apni maa ya mujhe toh bata sakti thi."
"Wo haadse jaise thi sabhi chacha ji. Ek bar King baade se nikal kar Ritu ke saamne aa gaya tha, mujhe wo apni galti lagi thi ya fir baade par lagi kamjor chitakni ki. Uske baad waha upar se wo gulabi patthar thik idhar aa gira tha 4 din pehle. Yaha Vinita aur Aaisha baithi thi aur main waha saamne Romeo ke sath thi. Mujhe laga ki baarish ke paani ki wajah se pathar nikal gaya hoga aur dono ladkiyan kismat se bachi. Parso phir se King din me khula ghoom raha tha aur wo Aaisha ko nuksaan pahucha sakta hai kyonki Aaisa ka uske sath meljol nahi hai. Lekin aaj savere swimming pool me kuch gadbad ki gayi thi.", Rameshwar ji sabkuch badi shaanti se sunn rahe the. Unke dimaag me jaane kya chal raha tha aur iske sath he unhone wo bhediya (king) ajaad kar dia.
"Kaisi gadbad lagi thi tumhe waha? Aur yaha haveli ke andar surakshakarmi kabse aane lage?", Wo daityakar bada sa bhediya kutta khushi se kabhi Rameshar ji ke seene par apne paanv rakhta toh kabhi uchal kood kar unka dhyaan apni taraf karne ki koshish karta. Rameshwar ji bhi muskurate hue usko thapakne lage lekin ek ishare se usko sath chalne ka bol kar wo is taraf se he haveli ke pravesh-dwar ki taraf badh chale.
"Waha tejaab ka kanastar khaali kiya gaya tha chacha ji lekin jisne bhi aisa kiya tha usko ye nahi maloom tha ke har somwar pool khaali kiya jata hai. Aur jab bhi bhaiya yaha maujud nahi hote toh 2-3 log haveli ke bahar wale aangan, pichle baade ki taraf aur chhatt par nigrani karte hai. In sabhi ghatnao ke waqt bhaiya ghar nahi the."
"Koyi nayi kaamwali bhi rakhi hai kya ghar ke andar ke kaam-kaaj ke liye?"
"Nahi chacha ji, maa aisa kabhi nahi karengi. Wo sirf apni 3 bharose wali sevikaye he andar ke kaam par rakhe hue hai. Lekin hum yaha bahar kyu jaa rahe hai",Gate ke paas he 4 bandukdhari neeji surakshakarmi the jo Umed ke khaas the.
"Duty par kitne log hai Sunil?", Rameshwar ji ne is 6 feet lambe tagde vyakti se seedha sawaal kiya. Ghumi hui badi badi mooch aur sharir ekdum tana hua tha Sunila ka, kisi fauji ki tarah.
"Raat ke pehredar mila kar 9 log hai sir. Aadesh ho toh sabko hajir karu?", Awaaj bhi sharir ki tarah jordar thi Sunil ki.
"Abhi tatkaal bulao sabhi ko. Hum milna chahte hai.", Baaki teen log toh King ko aise khamoshi se ghaat laga kar baithe dekh thoda hairaan the. Sunil turant bahar ki taraf bane 3 quarters ki taraf badh gaya. Inke rehne ki uchit vyavastha thi waha aur 3 waqt ka bhojan bhi haveli se ban kar aata tha.2-3 minute me he Sunil ke sath 5 log aur chale aaye jo is waqt sadharan se kapdo me the, alsaaye hue.
"Sunil, tum 12 saal se ho yaha aur ye baaki chehre bhi hum atche se jaante hai. Ashok ke sath jo khada hai iska kya naam hai?", Itna sunte he ye vyakti thoda hairaan hua lekin khud ko shaant rakhne ki koshish ke sath. Ashok naam ke us vyakti ne bataye gaye aadmi ko baah se pakad kar saamne late hue parichaya diya.
"Guljaar Singh naam hai iska sahab, Shekhawati se hai ye. Fauj me subedar tha lekin 2 saal pehle gharelu paristhityo ki wajah se purn-avkaash le liya tha isne. Hamari jaankari maukhik hai.", Ashok ne bade adab se har baat Rameshwar ji ke saamne prastut ki toh wo upar se niche tak is Guljaar Singh ko dekhne lage. Kaan me rajasthani topas, hare-laal bindi wale. Kalam gaal ke kataav tak aati hui aur gale me kaale dhaage ke beech bandha hare kapde ka tabeej.
"Guljaar Singh, kis regiment me seva di hai tumne? Aur aakhiri samay kaha par tainaat the.?"
"Rajputana rifles sahab. Baadmer (Barmer) border par aakhiri samay tainaat tha.", Guljaar Singh ne bhi sateek uttar diya tha lekin shayad wo ye nahi jaanta tha jiske saamne wo khada hai wo vyakti baal ki khaal nikaal leta hai.
"1996 me tum Baadmer me border par tainaat the? Kis batallian pramukh ke niche the tum waha border par? Colonel Haneef ya Dhillon? Kalai par Allaah ko Om se dhakne wala vyakti khud ko fauji bata raha hai? King..", Itne tagde khulase se Guljaar Singh ki reedh me baraf ki lehar si daud gayi aur apne maalik ki garjdaar awaaj sunte he ye khoonkhar bhediya agle he pal Gulajaar ko daboche hue uske seene par savaar tha. Ek aur aadesh milne par King ke 2 inch lambe wo paine daant uski gardan me pevast hone wale the.
"Galti ho gayi hujoor, mahare ko paisa ki ghanni load thi. Aathe (yaha) poori imaandari se 20 mahina kaam kiyo, bina shikayat diya. Pann thoda tame pehla..."
"Khamosh. Jooth aur majburi me din raat ka farak hota hai lekin tum jaise vyakti sirf chhall kar sakte hai. Sunil, haveli me pravesh kabse milne lga hai?", Ab toh Sunil ki fatt gayi thi kyonki ye koyi mamooli chook nahi thi jis tarah Pandit ji ne is ghuspethiye ko dabocha tha.
"Ji pichle mahine se Sir, wo bhi sirf din ke waqt. Is mahine se iski raat ki duty shuru hui hai toh mujhe nahi pata ki ye raat ko bhi andar jata hai."
"Ye din me bhi jata hai aur raat me bhi. Apni galti par parda daal kar tum isko he sahi saabit karoge bete. Hum har roj ki duty se akta kar kabhi kabhi chhoti moti baat ya ghatna ko najarandaaj kar dete hai. Surakshakarmi se he chook ho jana, chhoti baat nahi hai. Baandh do isko aur zinda rakhna abhi. Yaha se jaane ke baad hum Shankar ko bhejte hai, wo sach ugalwa lega apne tarike se. Chalo King.", Kehne ki he deri thi ki Sunil ne King ke hat-te he bandook ka butt bharpoor gusse ke sath Guljaar ke peit me mara. Rameshwar ji araam se dono ko sath liye andar chal diye.
"Shankar sahab jab aayenge tab aayenge, is saale ke mooh pe kapda baandh ke tabiyat se dhulaai karo. Behanchod ne barso ki vafadari par aaj sahab ke saamne sharminda karwaya hai. Gaand todd do iski andar le ja kar, bas zinda rakhna namak haraam ko.", Sunil bhayankar gusse me tha aur waisi he halat me gusse se fufkarte hue 4 log is namak-haraam ko thokte bajate hue unhi quarters ki taraf le chale.
.
.
Aaj kitne he dino baad Arjun ki rani ke peeche Preeti baithi thi, kandhe par ek bag latkaye jo khali tha shayad. 4 baje bhi tej dhoop thi jis wajah se Preeti ke gore gulabi chehre par aakarshak kaala chasma tha. Gali se bahar nikalte he wo motorcycle rukwa kar ab dono taraf paanv karke Arjun se satt kar baith gayi.
"Dil dhakk dhakk kar raha hai mera aur tumhe pata bhi hai aaj pehli baar main bina bataye ghar se nikli hu. Waise hum ja kaha rahe hai?", Preeti se jyada jaldi toh Arjun ko thi jaise kahi pahuchne ki.
"Tum bina bata kar aayi ho aur yaha aaj pehli baar main stadium ke liye nikal raha hu lekin jaa nahi raha. Waise kal savere 4 baje tak dono ghar khaali ho jaane hai. Abhi suna tha maine Inder chacha ko kehte hue ki 4 baje ghar se niklenge toh 6 baje tak mandir pahuchenge. Wapsi me bhi shaam ke 4-5 toh bajne he waale hai.", Arjun ke aisa kehne par na chahte hue bhi Preeti ke chehre par sharam ki laali chha chuki thi. Uske nakhoon Arjun ke seene par thoda thoda dabne lage toh Arjun bhi jaise halat jaan kar muskurane lage.
"Tum sachmuch bahot gande ho. Sab log itne nek kaam ke liye jaa rahe hai aur tum kya kya plan banaye baithe ho.", Preeti ki bas ek he toh chahat thi, Arjun. Jiske pas hone bhar se wo khud ko sampoorn paati thi. Dono he is lagbhag khaali sadak par badi market ki taraf badh rahe the, ek dusre ke sparsh me doobe. Kareeb se gujarati esteem car me baithe Shankar ji ke chehre par alag he khushi aa gayi thi is premi jode ko dekh kar. Wo wapis apne ghar ja rahe the aur aaj pehli baar tha ki unke bete ne koyi dhyaan tak na diya sadak par chalte kisi vaahan par.
"Wo sabhi nek kaam par jaa rahe hai lekin main bhi toh apni zindagi ke us khaas pal ko jeene wala hu, apni jaan ke sath. Waise agar tum bhi jana chahti ho toh main rokunga nahi.", Arjun ne thoda sa sar ghumate hue Preeti ko chidate hue kaha tha lekin usne toh sareaam uska gaal he choom liya.
"Tum kitni bhi koshish kar lo Sharma ji, kal shikaar toh karke rahungi tumhara. 4 baje se 4 baje tak agar tumhari halat buri na kar di toh mera naam Preeti Arjun Sharma nahi.", Arjun ki halat abhi se buri ho gayi thi, Preeti ki himmat dekh kar. Aur aaj pehli baar Preeti ne apna jo poora naam liya tha wo sirf ek patni he le sakti thi.
"Sambhal ke raha karo meri billi, yaha har taraf bahot se log humko jaante hai. Waise jo tum ye 4 se 4 ka plan bana rahi ho toh itna bata deta hu ki agar tum vachan toddne wali ho toh ye galat hoga.",Arjun abhi bhi duvidha me tha kuch.
"Tum sachmuch bailbuddhi he ho, jaisa daadi kehti hai. Tumne kya kaha tha ke hum first time kab karenge?"
"Jab main tumhari ungli me angoothi pehnaunga aur usme abhi waqt hai jaan. Kal hamari pehli official full day date hai."
"Ye rahi anguthi aur wo guruji khud mujhe tumhari bahu bol kar gaye hai isko dene ke sath. Jaante ho aisi he unhone Ritu didi ko bhi di thi.", Ab Arjun ki dhadkan badh chuki thi ye sunn kar.
"Kab..kab di unhone ye anguthiya tum dono ko? Aur us waqt waha kaun kaun tha.?"
"Unhone ye daadi ko di thi, hum dono ko pehnane ke liye. Aur aisa jab hua toh waha the toh bahot se log lekin jab Ritu didi ne apni anguthi Alka didi ko pehnani chahi toh Alka didi ne he unko pehna di ye kehte hue ki wo dono toh ek he hain. Jaante ho aisa unhone daadi aur uncle ke saamne kaha tha. Daadi ne bhi Alka didi ko pyaar dia tha is baat par. Tum samajh rahe ho na main kya ishara kar rahi hu? Aur ab koyi vachan nahi toot raha, sunn rahe ho?", Ab Arjun jawaab dene layak he kaha bacha tha. Un maharaj ne toh khud Arjun ko nirvastra kar diya tha bina kisi ko bataye.
"Bas yahi sunn na baaki tha ab. Daadi aur papa ke saamne he mere naam ki anguthi Ritu didi aur tumhari ungli me. Abhi toh school khatam nahi hua mera, college tak toh tum dono mujhe zinda he nahi rehne dogi. Par daadi ne agar aisa sawaal kiya papa ke saamne toh main kya kahunga? Maar he daalenge wo toh jab unhe pata lagega ki bete ke biwi unki he beti banegi. Us se bhi buri halat toh maa.. Preeti maa kaha thi us waqt?", Arjun ki ab sachmuch halat buri ho rahi thi sab samajhte hue. Preeti joro ki hansti us se kass ke lipat gayi.
"Oh mere buddhu balam. Daadi ko kam na samajhna tum. Unhone Ritu didi aur tumhari jodi sada bani rahe aisa aashirwad diya tha Ritu didi ko. Aur kayi baar toh wo aisa bhi bol chuki hai ke main aur Ritu didi hamesha he ek dusre ke sath rahe, yahi unki itcha hai. Waha uncle (shankar ji) bhi maujud the. Atcha chhodo ye sab, jo hoga dekha jayega. Is sabme bahot time pada hai abhi aur main college jaane se pehle har tuesday bas tumhare sath rehne wali hu.", Preeti ki baat bhi sahi thi ki ab bekar soch kar dimaag ki halat kyu kharaab karni. Ghar me waise he raho jaise hamesha se ho, jab time aayega toh dekha jayega.
"Sirf tuesday he mere sath rahogi? Main toh zindagibhar ka soche baitha hu lekin tumhe toh hafte ka ek he din chahiye. Atcha ab tum jaisa kahogi waisa he karunga, ek tarah se vachan poora ho he gaya hai.", Arjun ne pull ke upar motorcycle badhate hue raftar aur bhi dheemi kar di. Ab dono ko atchi khaasi hawa bhi lag rahi thi aur Preeti jyada he khulkar Arjun se chipak gayi. Peeche se aati 2 motorcycle inke kareeb aate he dheemi ho kar barabar chalne lagi. Dono par he 2-2 awara kism ke 22-23 saal umar wale ladke the jo gehraai se Preeti ka avlokan kar rahe the.
"Bhai totta (maal) toh tagda le raha hai apne sath lekin lage hai ke saari mehnat dehi (body) pe laga di. Itna garam maal tere se thanda na hota toh bata de, 4-4 mil ke aisa thanda karange ke chaal badal jegi. Hahaha.", Ek he baar me wo bhaddi si shakal ka yuvak apni seema laangh gaya tha aur uske sath wale bhi jor jor se hansne lage. Arjun ne apne seene par rakha Preeti ka hath ulte hath me pakad kar choom liya.
"Ye body aale londe khassi hove hai Kaale, nira tashan marwa le inse lekin aisi londiya inse na thandi hoti.",Ab ye dusri motorcycle chalata yuvak bola toh Preeti ne thoda sa kamar uchkate hue Arjun ka gaal choom liya. Sadak par abhi bhi yatayaat naam-matra tha aur Arjun-Preeti in ladko ki baat par dhyaan na dete hue ek dusre se maje le rahe the jis par wo chaaro ladke kahi jyada he bhadakne lage.
"Arre behanchod ya toh niri raand hai be Bansi. Saali.... aahhh..", Bas yahi usne Preeti ke baare me galat keh kar apni shaamat bulwa li. Baat poori bhi nahi hui thi ki 20 ki raftar par chalti wo CD-100 motorcycle ek taraf ja giri. Dono he ladko ki cheekh jordaar thi. Motorcycle 8-10 meter ghisadne par jaha ruki waha Arjun pehle he apni Rani ko rok kar jaise unka intjaar kar raha tha. Dusri motorcycle se wo baaki dono ladke furti se Arjun ki taraf lapke lekin us se pehle he Arjun ne aage badh kar ek ki jaang par laat ka bharpoor vaar kar diya. Dusra, jo in charo me sabse tagda tha uski baah pakad kar marodte hue Arjun bade shaant swar me bola.
"Majaak aur halki chuhalbaji se koyi aitraaj nahi hai dost lekin jaha juban hadd se bahar gayi, chehra is pull se niche latka dunga. Kuch jyada he garmi hai na toh chalo nikalo.", Aisa kehte hue Arjun ne uska hath chhod kar aage dhakel diya. Jinki motorcycle giri thi unki halat kuch buri thi aur dono ke he ghutne-kohniya buri tarah jakhmi ho chuke the. Jiski jaangh par laat ka prahaar hua tha wo bhi dard se tadapta hua footpath par baitha tha.
"Ghana (Jyada) josh hai na tere me toh le pher.. Stadium me danka baaje hai Rupesh urf Kaale ka.", Abhi wo 6 feet ka ladka poori furti se Arjun ki taraf lapka he the ki uski kamar ko baaju lete hue Arjun ne poora sharir hawa me utha diya. Preeti araam se khadi dekh rahi thi Arjun ki nautanki. Wo jaanti thi ki ye abhi sirf maje le raha hai. Kaala poori koshish kar raha tha khud ko chhudane ki aur koshish safal hone se pehle he wo pakki sadak par pada tha.
"Stadium aaj-kal me he jaane lage ho shayad. Pooch lena kisi se bhi waha Vikas pehalwan ke baare me, unka chhota bhai hu aur naam hain Arjun.", Arjun ne aankh maarte hue kareeb jaa kar uska gaal thapthapaya toh Kaala dard me bhi hairat se usko dekhne laga.
"Tu jaanbojh ke mahari kutaai nahi kar raha na?", Jor ka toh pata chal he chuka tha Kaale ko aur Arjun ne jaise usko uthane ke baad araam se patka tha is se saaf pata chalta tha ke wo ladna he nahi chahta tha.
"Pitaji ya bhai fauj me honge tumhare aur unme se koyi bhi tumhe toota-foota dekhega toh eham ko thes bhi pahuchegi. Maar-pitaai unke sath he thik lagti hai dost jo insaan karam he galat karta ho. tumhare dost ne meri hone wali biwi ko apshabd kaha toh natija saamne hai. Chalo chalta hu, jaruri kaam hai mujhe.", Arjun abhi aage he badha tha ke pichli light par khadi wo police ki gypsy idhar aa ruki.
"Ae kya tamasha laga rakha hai yaha?", Ab Kaale ki bhi fatt rahi thi kyonki baat ladki ki thi aur Preeti ke kuch bhi bolte he un chaaro ki danda pared hone wali thi.
"Kuch nahi uncle ji, wo wali motorcycle slip ho gayi thi aur inki motorcycle se takra gayi. Uthane me madad he kar raha tha main toh.", Arjun ke aise jawaab par Preeti jahan hans rahi thi baaki sabhi hairaan the us policewale ke sath sath.
"Chutiya samjha hai kya ladke? Tu isko utha kar patak raha tha behanchod. Aankh hai button nahi, maine khud dekha tha idhar aate hue. Motorcycle ek he giri thi aur isliye main udhar se aaya hu."
"Ek toh tameej se baat karo uncle ji. Waha ladki khadi hai aur aap gaali de rahe ho. Dusri baat na maine koyi report kari hai aur na ye log aapse kuch keh rahe hai.", Arjun ki baat par wo ek sitara police wala kahi jyada he aag baboola ho gaya. Driver ke saamne he ladke ne usko garmi dikhai thi aur aisa apmaan duty ke waqt koyi bardasht nahi karta.
"Chal thaane, teri hekdi main nikaalta hu behan.."
"Bhishbhar Singh, jubaan ko lagaam do. Vardi me ho isliye ijjat kar raha hu lekin ek baar aur gaali di toh yaha se seedha niche fenk dunga.", Arjun ka chehra he badalne laga tha aur usne is policewale ki kalaai kass ke daba di thi. Bishambhar Singh bhi halke dard se panjo ke bhar apni aedi upar karta khada ho gaya tha.
"Chhod do Arjun, ye sahi tarika nahi hai. Mama ji ka he thana hai na ye wala.", Preeti ne pas aate he Arjun ka hath thaam liya. Ladke ke 'mama ka he thana' bolne par driver bhi is taraf aa khada hua aur Bhishambhar kalaai masalta hua jabde pees raha tha.
"Tejpal ji tumahre mama hai bitiya?", Driver ke aisa kehte he Arjun ne jawaab diya.
"Pehchaan nahi ho toh harek ke sath aisa he salook karte ho kya uncle? Agar aisi he baat hai toh mere dada ji ka naam Pandit Rameshwar Sharma hai aur bhai ka Sanjiv Sharma. Chalo Preeti.", Ye 2 naam dono he policewalo ke dimaag par bomb ki tarah gire. Unhe ab yaha se jata hua Arjun apni vardi utarne ka farmaan najar aa raha tha. Bhishambhar bhi turant unke peeche lapka.
"Aye beta, bhool ho jaati hai re. Dhoop me duty karte hue dimaag ki halat kya rehti hai tumhe nahi pata hogi lekin jo hua us par mitti daal do."
"Jaanta hu isliye toh jaa raha hu yaha se. Bas apni bhasha aam logo par sannyamit rakhiyega. Mera papa toh vardi ka bhi lihaaj nahi karte agar unki bahu-beti ke liye koyi galat kahe. Baitho Preeti.", Ab ye vyakti aage kuch kehta us se pehle he Arjun nikal chala yaha se. Wo Preeti ke sath apna ye keemti samay aise fijool ke lafdo me barbaad nahi karna chahta tha.
"Bhaari galti ho gayi be Maangelal aaj. Tejpal ji tak baat gayi toh wo meri duty kisi ki security me he lagwa denge. Aur Dr Jallad ko kuch pata laga toh wo toh sachme bawla aadmi hai.", Bhishambhar ki haalat dhobi ke kutte jaisi ho gayi thi.
"Janaab, ye ladka kuch nahi kehne wala. Kehna hota toh pehle kuch karta aur phir aap bhi hospital me hote. Yahi hai wo jisne stadium me Chotti pehalwan aur uske saathiyon ki khaal utaari thi. Aaj tak bister par hai wo saare badmaash. Main he gaya tha SHO sahab ke sath dusri gaadi le kar us din, tabhi pehchan-ne ki koshish kar raha tha. Aap nischint raho bas.", Maangeram ke aisa kehte he thodi narajgi se Bhishambhar ne usko dekha.
"Behnn.. pehle nahi bata sakta tha ke lafda kiske sath kar rahe hai? Aur tum log yahi bister chahte ho kya? Dafa ho jao saalo yaha se.", Jaise he Bhishambhar ne unki baatein sunte chaaro ladko ko fatkaar lagaayi wo turant motrocyclo par ja chadhe. Ye Gypsy chalu thi aur aage badh gayi.
"Chokhe bache re Kaale aaj toh hum dono. Wo pehalwan shayad bhabhi je ke gail tha is khatir thanda tha. Nahi toh Chotti ki durgati karan wala mahari toh patang bana deve arr. Kaal balaji ke chaal padiye bhai, mangalwar hai toh bhool-chook karke parsaad chadha devange. Ya musibat kisi tarah tali hai.", Ye wahi tha jiski jaangh par Arjun ne chott ki thi. Dusri motorcyle walo ki halat buri thi lekin chupchap wo bhi sath he chal rahe the.
"Wa sab chhod yo soch ki pariwar kitna tagda hoga is pehalwan ka? Mama SHO, dada koyi badi top, baapu ghana tagda badhmash aur ek bhai bhi jo aatchi pahoch rakhta hovega. Is tarah ke chhore he kaamyab hai Meghe bhai, mahara toh system he gaandu hai. Baap fauji toh beta mauji. Is baar kis tariya bhi degree poori karke aagli saal bank ke farm he bhar diyunga. Byaah bhi ho he jega naukri laage baad.", Kaale ki toh soch he badal gayi thi.
"Dimag pe asar ho gaya tere bhi lekin aatchi baat hai ke sahi asar hoya."
"Wo chahta toh rail bana sake tha bhai apni saarya ki. Usne toh is baat ka bhi bura na maanya tha jadd haam garmi likadan ki baat kehva the. Wo desi majaak samjhe the lekin aitraaj hoya jadd baat bhabhi ke baare me is bawligaand ne galat kahi. Khud soch yar mere is khatir koni maare ke mere baap ne dukh hovega jo fauj me hai. Nigaah kasuti hai jo numberplate bhi dekh gaya wo maaran se pehle. Chaal hansi majaak apni jagah hai lekin aainda yu gaal bakna band kisi teesre aadmi ne.", Kaala bina kutaai ke he sudhar chuka tha aur uska dost is se khus tha. Wahi dono premi yugal Sudhir ki dukaan par upasthit the aur Arjun baat karke he idhar aaya tha jis se uske pita se bhent na hone paaye.
"Sudhir bhai, sab tayaar hai na?", Arjun ne hath milane ke baad gale lagte hue apne dost se sirf itna he kaha toh wo bhi muskura diya. Preeti ko aaj usne bhabhi keh kar bulaya tha sofe par baithne ka kehte hue.
"Haan jaisa kaha tha waise he tayaar karwaye hai sabhi kapde. Saree toh tumne pehle he pasand kar di thi, interlock karwa di hai aur bhabhi ki baaki dress bhi ready hai. Kuch aur bhi kharidna hai toh batao, main yahi mangwa dunga.", Sudhir ne baat karte hue he juice ke liye chhotu ko bol diya tha. Preeti apni ungliyon ko aapas me fansati hui sharam se najre jhukaye thi aur Arjun muskura raha tha apni dilruba ki haalat par.
"Wo ladies section me jo didi hain unke sath bhej do jara inhe.", Arjun ne yaha Preeti ka naam nahi liya tha aur Sudhir ko bhi ehsaas tha ki Arjun ke liye kitni khaas hai Preeti. Turant he ek ladki idhar hajir ho gayi aur aate ke sath he Preeti ko liye wapis ek taraf chali gayi.
"Yaar, kuch khaas samaan chahiye tha.", Ab Arjun dost ke saamne he jhijhak raha tha aur Sudhir ne is baar muskurane ki galti nahi ki.
"Bharosa rakho bhai, tum mere liye ajeej ho aur nissankoch baat keh sakte ho."
"Scented candles, tulips aur bade white towels chahiye. Mujhe nahi pata ke ye kaha milenge.", Arjun itna keh kar thoda chup hua toh Sudhir ne counter ke bheetar se 2-3 magzine nikaal kar sofe ke saamne wale table par rakh diye. Dono agal bagal baith chuke the aur Arjun apne is dost ko panne palat te hue dekh raha tha aur fir ek jagah wo ruk gaya. Is english magzaine me ghar ki andruni saaj sajja shaandar tarike se darshayi gayi thi. Abhi grahako ka samay nahi tha aur dukaan par kaam karne walo ki sankhya uchit bhi thi agar 4-5 grahak sambhalne ho toh Sudhir tabiyat se Arjun ko samay de raha tha.
"Ye bathroom aur bedroom ki sajawat dekh bhai. Dim ligth me scented agarbatti, ye bathroom me sirf candles aur alag alag tarah ke oils. Tu idea le raha hai na apne khaas kamre ka toh ye cheeje dekh le. Main abhi chhotu ko parchi de kar mangwa deta hu jo bhi chahiye."
"Yar ye bed kaha se milega?", Arjun toh sabkuch bhool kar wo shaahi bed dekh raha tha jo sadharan wale se khasa bada tha aur lakdi ka nakkashidar kaam jordar tha us par. Dono he taraf jaalinuma sirhano ke beech lamp lage the.
"Ye toh furniture market se tayaar ho jayega aur iske sath ke 12 inch wale gadde Uppal se mangwa dunga main lekin filhal tu jo chahta hai wo bata."
"Haan. Scented candles, herbs wale alag alag oil, full lenth ke 2 pure white towels bhaari wale, aur jo bhi behtareen flowers mile wo. Lekin flowers le jaane me dikkat hogi. Main car bhi nahi laya hu aur kal tak kharaab na ho jaye.", Arjun ki chinta dekh ab Sudhir muskuraya.
"Intjaam karwa deta hu bhai iska bhi. Nahi hone dete kuch bhi kharaab aur gaadi ki bhi jarurat nahi. Bhai mana hai toh behichak bola kar jo bhi chahiye ho. Waise agar tu bhabhi ka birthday plan kar raha hai toh cake ke sath kuch aisa bhi de jisko wo zindagibhar apne sath rakh sake.", Sudhir ko jaise poori baat pata nahi thi aur aisa karna bhi jaruri tha. Yaha bedroom aur bathroom wala chakkar is maamle se alag rakha gaya tha.
"Bata bhai kya du aisa jo wo zindagibhar sath rakh sake apne.? Mujhe toh khushi hogi aisa uphaar dene me.", Arjun ki baat par Sudhir ek pad utha kar uspe Arjun dawara bataya samaan likhne laga. Yaha juice rakh kar chhotu ek gilas Preeti ki taraf le jaane laga toh Sudhir ne usko wapis unke he pas aane ka kaha.
"Dekh bhai ab iska sahi jawaab toh main bhi kya he du. Lala ki aulaad hu na toh byaah par he lugaai milegi mujhe toh aur pita ji mere hai chaukas kyonki main unki ek crore ki chaabi hu toh ishq-vishq apne naseeb me toh hain nahi lekin itna jarur kehta hu ki bhabhi ke liye kuch bhi aisa le jo unke pas hamesha rahe. Aage tu soch bhai kya dena hai. Kuch mehnga dena hai toh paise mujhse udhaar le le, saal ka sabse khaas din hai unke liye.", Sudhir ki baat Arjun samajh raha tha aur haan me gardan hilata wo ek baar Preeti ki taraf dekhne laga jo sirf mahilao wale hisse me thi, inse dur.
"Paise toh dher saare leke nikla hu bhai ghar se. Aur baat mehnge saste ki toh bilkul nahi hai, khaas uphaar ki hai.", Arjun ekaek kehte kehte ruk sa gaya. Jaise usko samajh aa chuka tha ke usne Preeti ko kya uphaar dena hai aur wo uske paas pehle se he maujud bhi hai.
"Thanks bhai, ab aisa he uphaar dunga jisko ye hamesha khud ke pas rakh sakti hai.", Arjun ke is jawaab par Sudhir ne sawaal toh na kiya lekin peeth thapthapa di.
"Matlab pehle se he kuch khaas hai tumhare pas?"
"Haan bilkul hai aur wo shayad is din ke liye he sambhaal kar rakha tha maine. Ab bas jaldi se sab taam-jhaam nibatwao kyonki main stadium ka he bol kar nikla hu.", Arjun ke aisa kehte he Sudhir ne ek ladke ko masterni ji se wo kapde le kar aane ka kaha jo Arjun ne tayaar karwaye the. Yaha se sabkuch lene ke baad jyadatar samaan to us khaali pitthu bag me he aa gaya tha aur kuch Preeti ne hatho me pakad liya. Agle aadhe ghante thodi bahot aur kharidi bhi ki gayi thi pyaar bhar masti ke sath sath. Dono sava 6 baje tak apne apne ghar aa chuke the. Aaj Sudhir ne sachmuch Arjun ke liye bahot kaam kiye the aur bahar se mangwaye samaan ke paise na lete hue usne sirf itna he kaha tha 'ek bhai ka dusre bhai ko uphar'
.
.
"Tumhe ye sab itna asaan lag raha tha? Jis ghar ne tumhe namak diya, ijjatt ke sath rehne ki jagah aur jarurat se adhik paise bhi tumne badle me namak harami bhi aisi kari jiski saja nahi hai mere pas.", Haveli ke aakhiri kamre me Guljaar Singh ke dono hath kursi ki hatthi se bandhe the aur paanv paaye se. Shankar thik saamne kursi rakhe baitha bas usko ghoor he raha tha, jaise jameen par baitha King. Ek taraf Sunil bhi nafrat se bhara is aadmi ko dekh raha tha, haath me Shankar ke aujaaro se bhari tray liye.
"Maaf kardo sahab.", Guljaar ki gaand fatt chuki thi kyonki ye shaksh bas dekh kar uski aatma ko dard de raha tha. Kuch karega toh pata nahi aage kya ho. Tabhi Shankar ne daant ukhadne wala steel ka jamoora aur ek operation blade uthate hue Guljaar ki hatheli thaam li.
"Jisko nuksaan pahuchane ke liye tumne King ka baada khola tha wo meri jaan hai kameene. Meri beti ko tu mere he wafadar se marwana chahta tha. Aaj upar baitha yamraj bhi dekhega ki Shankar ka jigra us se bhi sakht hai.", Iske saath he Guljaar ki gaganbhedi cheekh is bade band kamre me goonj uthi. Wo tabtak cheekhta raha jab tak jamoore se pakdi uski 2 ungliya hath se juda na ho gayi. Chehre baraf sa thanda ho chuka tha lekin wo lagatar cheekhta raha. Jameen par giri dono ungliya King ne panje se ek taraf khiska di. Sunil bhi khaufjada tha lekin himmat karke usne ek hath se paani ka dabba balti se bharte hue Guljaar ke chehre par udel diya.
"Phir tu meri dusri betiyon ko bhi maarne ki koshish karne laga. Kaise soch liya ki tu ye sab kar jayega aur pakad me bhi nahi aayega?", Khoon bahati us jagah par rooi ka ek bada tukda daba kar Shankar ne us blade se Guljaar ki jaangh ko 3 inch kaat diya. Guljaar ke cheekhne se pehle he King ne gurrate hue uske seene par panja rakh diya.
"Aahhh..... maalik reham karo reham.. Aaahh.. sawaal karne ki jagah aap mujhe tadpa tadpa kar kyu maar rahe ho? Allaah ke liye baksh dijiye. Meri majboori thi ye sab karne ki. Unke kabje me meri biwi aur beti hai, jinke sath wo mere saamne he napaak harkate karte hai. Mujhe yaha bhejne wale bhi wahi log hai aur iske badle unhone mere pariwar ka dhyaan rakhne ke sath sath beti ke nikaah ka bhi vaada kiya tha. 10 lakh dene ke sath sath.", Guljaar bina pooche he sab bakne laga tha aur Shankar ne ab dusra hath apne kabje me le liya. Pehle wale se abhi bhi ek dhaar khoon farsh par ris raha tha.
"Kisne lagwaya tha tumhe kaam par aur kaha rehta hai wo.?", Jaangh se girta khoon patloon ke sath sath us kursi ko bhi bhigo raha tha. Guljaar is haalat me aadha ghanta bhi rehta toh uska bachna mushkil tha. Jaan bachane ke liye uski jubaan par wo naam aa he gaya.
"Bade tehsildar sahab hai wo Ramakaant naam hai unka. Bahot taqatwar aur rasookh wala pariwar hai unka.. aahh.. mujhe baksh do sahab, aap jaisa kahoge main wahi karunga."
"Poora byora de mujhe is Ramakaant ka nahi toh agli baar jo nass kategi usko joddne wala doctor duniya me nahi hai."
"Ramakaant he naam hai uska sahab lekin sab usko bade tehsildar kehte hai. Unka sambandh bhi Jaiselmer ke raajgharane se hai. Unhone kaha tha ki is pariwar ki har ladki ko maarne par he wo meri biwi aur beti ko ajaad karenge. 20 mahine baad he mujhe andar kadam rakhne ko mile lekin sach kehta hu main peshewar kaatil nai hu."
"Mujhe tumse poori humdardi hai aur main tumhari majboori samajh raha hai. Tabhi toh kaha tha ke mere pas koyi saja nahi hai jis se tumhare karmo ka fainsla ho sake. Ye tehsildar ko main tumhare pas jald he bhejunga, vaada karta hu. Biwi beti ki suraksha bhi main apne jimme leta hu. Kuch din intjaar karna bas, Tehsildar ki aatma khud tumse milne aayegi. Ab tumhari saja ka fainsla bhagwan khud he karenge, main toh khud ek pita hu isliye sahi marg par bhejunga tumhe.", Itne tagde pravachan ko Guljaar jabtak samajhta uski gardaan se golakaar tej favvarra nikal pada. Majaal thi Shankar ka haath jara bhi kampa ho ya najar hati ho. Gardan alag karke Guljaar ki goad me rakhta wo is fadfadate sharir ko 1 minute tak niharta raha. King bhi ab ek taraf ho gaya tha is behte khoon se bachne ke liye.
Shankar ka dhyaan toota aujaar jameen par bikharne ki tej awaaj se jo Sunil ke behosh hone ki wajah se hua tha. Wo bechara ye drishya dekh kar khada na reh saka.
"Ye ghanta karenge suraksha. Inhe samajhna chahiye ki mera kaam kitna mushkil hai aur dukh mujhe bhi hota hai. King, beta tu aise he saaf suthra raha kar. Apni behan (Ritu) ke kharoch bhi maari toh teri gaand ka bhi yahi haal karunga jo iska kara hai.", Shankar aise pal me bhi maskhari karte hue King ko liye bahar nikal aaya.
"Oye, andar se gandagi saaf karo aur jo behosh hua hai usko kuch din araam he karne dena bas. Jiska dil kamjor ho wo apni maa na chudaye andar jaa kar.", Shankar ne thodi he dur khade 4 surakshakarmiyo ko tej awaaj me nirdesh dete hue galiyare me lagi tooti par hath dhote hue kaha toh wo log furti se kamre tak aaye aur andar ka haal dekh uchit samaan lene wapis ek taraf nikal gaye. Unhe maloom tha ki is laash ko kaha thikane lagana hai. Umed ki kaali mercedes bhi idhar khule aangan me chali aayi thi ab.
"Doctor ye kapdo pe khoon kaisa laga hai?", Umed ki baat sunn kar Shankar ne apni safeed kameej ko wahi khol diya.
"Tere ek security wale ka operation kiya hai abhi. Dekh le wo aakhiri kamre me hai aur baaki isko pakda papa ne tha Shalini ke sandeh karne par. Waise isko yaha bhejne wala Shaksh Sarang ka koyi tehsildar rishteydar tha."
"Ramakaant?", Umed baat sunte he gusse se laal ho utha. Aise waqt par ek yahi insaan tha jo hosh nahi khota tha lekin tehsildar sunte he jaise sharir ka sara khoon uski aankhon me utar aaya.
"Shaant reh bhai shaant reh. Main dekh lunga ye jo bhi hai tehsildar hai, fir banata hu main iski jameen ke kaagaj."
"Bhole, jaanta hai ye kaun tehsildar hai? Agle shehar wala wo tehsildar jiski beti Shalini ke sath padhti thi aur uski ajeej saheli thi. Yaha bhi Sarang shamil ho he gaya hai. Ye maamla jald nibtana hoga Bhole."
"Thand rakh be Gajju Chajju. Baap ke paas hai ye maamla aur unhone he order diya tha mujhe iska hisab karne ka. Chal bhabhi ko leke mere sath chal fir unse he baat karte hai is baare me. Unke case ko wahi lead karte hai aur baat ab Sarang se judi hai toh abhi hum kuch nahi bolenge.", Shankar ne apne bhai ka sar sehlate hue usko thanda kiya toh Umed ne aankhen band karte hue gehri saans li.
"Haan bhai, soch samajh kar he karna padega. Ye sala tehsildar kyu maa chudwa raha hai apni wo bhi itne saalo ke baad? Koyi baat nahi agar uski yahi itcha hai toh humko bhi wo shikaar karne ka tarika dekhne ko jald he milega jo papa aur chacha karte the. Tu mere burshat pehan le andar chal kar, fir chai pee kar nikalte hai, 7 se upar time ho raha.", Umed aise he Shankar ko sath liye apne kaksh ki taraf badha toh King bhi unke peeche ho liya. Baaki wo chaaro log mooh pe kapda rakhe poori lagan se sab saaf safaai kar rahe the. Ye laash bhi khet ki jameen me urea daal kar dafan karni thi.
- 4,125
- 57,642
- 173
Update posted at page number 1548
Last edited:
Iron Man
Try and fail. But never give up trying
- 37,616
- 94,826
- 304
- 4,125
- 57,642
- 173
Bhai Jo b h kmalllllllll Hain. Or k6 nae kha ja raha
amazing update
Update page number 1548 par post Kar Diya hai dosto. Jis update ka aapko besabri se intjaar hai wo parso post hoga. Khush raho aur apna khayaal rakho
- 4,125
- 57,642
- 173
Main bhi toh wahi Kar Raha hu bili Bhai ??
Harpreetsingh1989
Member
- 221
- 636
- 93
- Status