- 4,125
- 57,642
- 173
Update 117
Mukaam - Haansil/Pryaas (3)
Aacharya Pramod Shashtri ji ko vivah ka nimantran dene ke baad Arjun Himani ke sath university ke liye nikal chala tha. Subah ki ujli kiran si surkh Himani kuch alag he mehsoos kar rahi thi jaise he woh ghar se bahar Arjun ki motorcycle par baithi. Dupatta sar pe ghumate hue gale me lene ke sath he Himani ne apni aankho ko is kaale chasme se dhank lia tha. Arjun ko yu chup-chaap dekh usne he baat ki shuruaat ki thi.
"Sorry. Subah woh maine jaise kaha waise nahi kehna chahiye tha?", Dono hath apni goad me liye woh saare kagaj-file majbooti se pakde thi. Dil me ajeeb si bechaini ho rahi thi. Ek sach ye bhi tha ke Australia me akele rehne wali Himani ko yaha dhalne me thodi pareshani bhi aa rahi thi. Arjun se woh bhi baat karna chahti thi lekin shayad woh shabdo ka chayan karne me asmarth ho jati thi.
"Aapne toh kuch bhi galat nahi kaha tha. Main aur dada ji he toh duniya bhool kar apne me lage hue the. Aur main samajhta hu ke aapko kuch pareshani abhi bhi hai.", Arjun ne gali me se motorcycle mukhya sadak par apni disha me badhate hue jawaab diya aur peeche dekhne wale gol shishe ko sadak ke hisab se thik karne laga.
"Haan. Main irritate hone lagti hu aur jabse yaha aayi hu bas nana ji ko he toh jaanti hu. Tumhe bhi unke he sath dekha hai bas. Waise kal bhi tum bina jawaab diye nikal gaye the aur aaj bhi. Bura toh mujhe bhi laga tha.", Himani ne ab thoda sambhalne ke hisab se ek hath Arjun ke peeth par tika diya.
"Sorry. Kal toh mera dhyaan bas us car par he tha aur aaj subah main dada ji ke saamne ye toh nahi keh sakta tha ke aap badi atchi lag rahi hai. 3-4 baar dekha bhi hai toh bas wahi jogging wale dress me. Sorry mera matlab tha ke aap aise he raha kijiye.", Arjun ne kehne ko toh baat keh di lekin ab Himani ki jagah usko ghabrahat ho rahi thi. Peeche baithi Himani ke chehre par bhaav pata nahi kaise the kyonki aankhen toh dhanki thi aur aadha chehra dupatte ke peeche tha. Bas woh surkh honth ek taraf se thoda lambe ho gaye. Kuch pal shaanti rahi toh ab Arjun khud ko dosh de raha tha.
"Tum ye sab bhi sochte ho?", Himani ne he chuppi todi jab woh laal-batti par aa ruke. Savere ke is waqt he thodi bheed hoti thi aur Arjun ne gor na kiya lekin uske dusri taraf ye esteem bhi khadi thi.
"Isliye toh sorry kaha aapko. Main jaldi he khul jata hu agar kisi se thoda bahot mil leta hu.", Arjun ne batti par 5 second ka samay dekhte hue kick laga kar motorcycle chalu ki aur hari hote he aage badh liya. Ye car bhi thodi duri banaye uske kareeb he thi. Ab Himani ke chehre par vishesh bhaav na the.
"Mere ek baar sorry ke baad tum itni baar sorry bol chuke ho. Leave it aur ab mujhe bura nahi lag raha. Waise tum thoda khud ko badal he lo Arjun.", Arjun ko ye baar nahi samajh aayi thi ke woh kaise badal le. Lekin usne ek taraf nigah ki toh gol chakkar se uske papa ki esteem shehar ki taraf nikal chali jaha hospital tha aur woh stadium ke saamne se university wali sadak par ho liya.
"Badal lu? Jaise ki?"
"See. World is not this much transparent and a person like you are really vulnerable as you are opposite. Itna spashst ya saral bhi nahi hona chahiye. Mujhe lagta hai ke hum friends jaise toh hain he. Tum kya kehte ho?", Arjun ne motorcycle dheemi kar li thi ye sab sunn kar. Aur saamne juice ki dukaan par Balbir bhai Suman ke sath baatein kar raha tha jiska dhyaan Arjun ki taraf bilkul na tha. Arjun bhi apne raste par dhyaan dene laga.
"Haan toh hum dost hain."
"Actually tum mere pehle male friend ho. Let me clear this thing, jis se tumhe bura na lage. Mom ka sach mujhe pata laga toh mujhe apne aas-pas males (purusho) se ghutan hone lagi. Meri schooling bhi is wajah se nana ji ne sirf girls school-college me karwa di thi, waha Australia me.", Himani ki baat sunn kar Arjun ka antarman vichlit sa ho gaya tha.
"Mujhe lagta hai badlaav ki aapko jyada jarurat hai. Har vyakti alag hota hai aur jaruri nahi sabki wahi mansha ho jaisi ek ki thi. Agar aisi he baat hai ke aapko purusho se darr ya parhej hai toh mere sath bhi nahi aana chahiye tha.", Arjun university ke bade gate se andar aane laga toh hamesha ki tarah suraksha karmi ne muskurate hue hath hilaya toh Arjun ne motorcycle ek taraf rok li.
"Kaise ho bhaiya? Ye Himani didi hai aur agle 2 saal yahi MBA ki padhai karne wali hai.", Arjun ne register me aaj entry ki toh Suraksha karmi thoda hairat se dekhne laga.
"Arjun bhaiya, aapki didi ko yaha asuvidha nahi hone wali aur entry ki kya jarurat thi.?", Inhone poori ijjat se Himani ko namaskar kiya aur Arjun se baat ki. Ye vyakti he jaise suraksha pramukh tha yaha.
"Inki entry ki hai bhaiya. Waise Gullu aur Meenu kaise hai?"
"Bahut he atche hai Arjun bhaiya, pooch rahe the ke chacha nahi aaye aur kahani ki kitabe leke. Ab toh apni maa aur mujhe chitra dikha dikha kar khud he kahani sunate hai dono.", Suraksha karmi ke chehre par ye nischall muskaan aa gayi thi apne bacho ka jikar karte hue.
"Jaldi he milunga bhaiya. Meri 2 aur didi bhi yahi aane wali hai, unka bhi dakhila aaj karwa raha hu.", Arjun ne fir se motorcycle chalu karte hue hath hilaya aur aaj hostel se dusri taraf is seedhi sadak par chal diya. Himani ne dono taraf saaf sadak aur chhayadar vriksh dekhte hue dupatta sar se hata liya tha
"Tum yaha aate-jaate rehte ho? Aur wo security guard ke bacho ki baat ho rahi thi na?"
"Haan, woh bhaiya he incharge hai baaki security ke. Inke bache abhi chhote hai toh main unhe kahani ki kitabe dete rehta hu. Ye MBA college hai aapka.", Is gulabi pathar se bani badi imarat ko dikhate hue Arjun ne motorcycle stand par lagayi toh Himani dekhne lagi yaha bade golakar ghere me lage fuharo aur har taraf saleke se lage aakarshak lambe patto wale peido ko. Mahol atcha tha yaha aur kayi yuvtiya chhatri liye batiyati hui aa ja rahi thi. Kadam badhate he ab file Arjun ke hath me thi aur Himani dupatta thik karte hue uske barabar chalne lagi.
"Ye tumhe ghoor rahi hai, aise toh nahi karna chahiye.", Saamne se aati 2 ladkiya nirantar inhe he dekh rahi thi aur pas aate hue woh muskura bhi gayi.
"Aapko dekh rahi hai, mujhe bhala dekh kar kya hoga. Ye admission window is taraf hai.", Arjun ne imaarat ke ek taraf wale hisse me jaate hue kaha toh line dekh kar Himani bas hairaan ho rahi thi.
"Arjun, yaha itni bheed hai. Sabhi MBA me he admission lenge kya?", Pehli baar Himani ne uska hath pakad liya tha. Arjun bas muskurane laga Himani ka darr dekh kar.
"Yaha BBA, MBA aur 2-3 department hai. Waise bhi MBA me bhi alag alag streams hai toh itna mat sochiye ke bheed hai ya kya. Haan thodi pratiksha toh karni he padegi.", 2 kataar thi jinme harek me kareeb 30-35 ladkiyan aur kuch he ladke the. Shayad ladke engineering aur dusre course me jayda itchhuk ho. Abhi dono he ye soch rahe the ki konsi kataar me laga jaye aur Arjun ke pas Librarian Naveen aa khade hue.
"Kaise ho Arjun? Hello Miss. Yar tum sahi ho jo kitne he din dikhte bhi nahi. Ab yaha admission lene lage ho kya?", Naveen koi 30-32 saal ka patla lamba sa yuvak tha jisne aate he Arjun ka hath thaam liya. Aupcharik taur par Himani ko bhi hello kaha aur Arjun ke hath se file le li.
"Nahi Naveen bhaiya aisi koi baat nahi hai. Woh Punjab jana pada aur fir ab thode he din me didi ki shaadi hai toh kaam me ulajh gaya. 3 prospectus leke toh gaya tha aapke sath, teeno didi ka admission karwana hai. Bas thodi der me faarig ho jaunga is sab se. Waise aapse milne toh parso he aaunga lunch time par.", Arjun unke sath he baat karta line me lagne laga lekin Naveen file liye ek taraf chalta hua khidki ke pichli taraf ghuss gaya. Arjun is samay beech me khada tha jaha se thodi dur Naveen aur utni he duri par Himani akeli khadi thi.
"Idhar aa jao bhai. Aur didi ko bolo 5 minute baith jaye.", Naveen ke aisa kehne par Arjun jhijhakta hua us taraf chal diya, Himani ko ek taraf lagi kursiyo par baithne ka ishara karte hue.
"Ye thik toh nahi hai bhaiya. Waha log line me lage hai.", Arjun ne dekha ki yaha ek atirikt mahila bhi baithi thi 2 khidki par baithe logo se. Aur woh naam anusaar Himani, Komal aur Priyanka ka data teji computer me daalne ke baad print nikalne lagi. Naveen ne toh Arjun ko bas khade rakha kandhe par hath rakhe.
"Lo bhai ye aa gayi admission slip. Aur class ka kuch change karwana ho toh ye hamari Nagpal madam hai. Miss Khusbu Nagpal, Admission pramukh aur madam ji ye apne VC sahab ke chahete Arjun Sharma hai, mere chhote bhai jaise bhi.", Ab Arjun thoda jhemp raha tha aur idhar in madam ne muskurate hue Arjun ko dekha aur 2 register waha se utha kar bahar chal di.
"Bhaiya fees?", Arjun ne jeb se paise nikal kar aage badhaye toh Naveen ne bhi woh paise ek taraf baithe vyakti ko pakda diye.
"Mehta ji, 3 students ki fees hai MBA ki, Nagpal madam toh bas parchi kaat kar chali gayi. Jama kar do gin kar.", Mehta ji ne chasma thik karte hue paise liye aur parchi par najar daalte hue machine me paiso ki ginti karne lage. 2-3 minute se jyada na laga aur parchi par thappa laga kar unhone wahi mand si muskaan dono ko di.
"Thank you sir.", Arjun ne abhaar jataya toh Mehta ji ne sar par hath fer diya
"Naveen bhi apne bete jaisa hai aur tum bhi. Milte rehna, waise hafta fursat toh nahi lekin uske baad main bhi library me he dikhunga.", Mehta ji bade hansmukh the. Inse baat karte hue woh baaki students ki bhi file le rahe the. Naveen aur Arjun bahar nikal aaye toh Arjun ki najar fir se Miss Khushbu Nagpal par padi jo 2-3 abhibhavko se baat kar rahi thi.
"Ye admission wali he madam hai na bhaiya?"
"Hahaha.. Bhai woh waha record lene gayi thi aur maine majaak me kaha tha ke admission head hai woh. Miss Nagpal HR subject padhati hai aur sath he apne papa ki help karti hai jo admission head hai. Unki classes nahi hai toh woh yaha time-pas kar rahi hai. Sabhi yahi university campus me he rehte hai toh aapas me family jaisa hai hamara. Kabhi fursat lage toh quarter bhi dikha dunga tumhe.", Naveen ko kisi ne awaaj di toh woh hath hilate hue nikal liya. Miss Khushbu ne bhi ek najar Arjun ko dekha tha jis par Arjun ne bhi aadar-sahit dhanyawad jataya aur Himani ke pas aa khada hua.
"Yar tumhe toh bahot log jaante hai yaha. Line toh abhi bhi waisi he hai aur tum admission karwa kar aa bhi gaye.", Himani gor se parchiya dekh rahi thi. Woh ab thoda khush bhi thi aur usko atcha laga tha ye dekh kar ki Arjun ko yaha log jaante hai jis se usko pareshani nahi hone wali.
"Woh sab chhodiye aap, ab mere ghar chalna hai aapko. Books toh fir kabhi le lenge jab market jana hoga.", Arjun ke aisa kehte he Himani thoda pareshan hone lagi.
"Maine lens nahi lagaye aaj. Fir kabhi chal padungi?"
"Chasma lagaye rakhiyega agar itni he insecurity hai aapko. Waise aapke yaha bhi toh abhi koyi nahi hai. Dada ji bhi toh keh rahe the ke hamare baad woh bhi nikal rahe hai 3 din ke liye.", Arjun ne apni baat rakhi toh Himani kuch der sochne lagi.
"Nana ji nahi hai isliye toh ghar rehna jaruri hai Arjun. Waha sirf maid ke bharose nahi reh sakte lekin kal main pakka tumhare ghar chalungi. Waise Abhi sadhe 10 hue toh tum meri ek help aur kar do.", Ab Arjun ne bhi socha tha ke woh jyada zidd nahi karega. Kaam ki baat sunn kar usne sar hila diya.
"Yaha fish feed kaha mil sakti hai kuch idea hai?", Himani ke aisa kehte he Arjun hans diya.
"Mujhe laga pata nahi kitni he badi baat hogi jo aapki shakal itni gambhir ho rahi thi. Model town me hai pet shop aur waha aisa sab samaan mil jata hai. Chaliye mujhe bhi udhar he ek kaam hai. Wo bhi ho jayega.", Is baar Himani sehaj he baith gayi thi Arjun ke peeche aur yaha se nikalte hue bhi woh dekh rahi thi ki pehle wali dono he ladkiyan aage ek peid ke niche khadi thi aur Arjun ko dekh kar fir se muskurane lagi thi.
"Chiii.. Ye ladkiyan badhi deeth hai. Kaise dekh rahi thi abhi bhi.", Himani anjane he Arjun se satt kar baith gayi thi. Ek hath kamar me daal kar.
"Wo stadium ki wajah se jaanti hai thoda bahot. Main waha boxing ke liye jata hu na aur ye ladkiyan wahi basketball practice karti hai. Aisa kuch nahi hai ke woh deeth hai ya kuch aur.", Arjun ne ladkiyon ka paksh rakha aur idhar Himani ka hath kamar se wapis goad me aa gaya. Woh ajeeb he thi. Kabhi unmukt, kabhi sanjida aur kabhi niraash. Agle 2 kilometer dono me khaas baat na hui lekin Arjun jaruri raste aur chowk batata ja raha tha, jawaab me Himani bas haa-hu karti ek tarah se he baithi rahi.
"Ye lijiye hum pahuch gaye aapki jarurat ki jagah. Chaliye.", Ek taraf chhaya me motorcycle khadi karke Arjun ne is parking ke dusri taraf market dikhate hue Himani se kaha aur sath liye is badi dukaan par aa gaya. Kutte, billi, pakshiyo aur machli ke chitra lage bata rahe the ke yaha unse sambandhint sab samaan milta hai. Himani sakuchati hui andar aayi toh Arjun ne he counter par khade 17-18 saal ke ladke se machli ki khuraak ke baare me poocha.
"Bhaiya kaunsi nasal hai? Har machli ki khuraak alag hoti hai aur sath he paani saaf rakhne ki dawa bhi.", Andar ki taraf ek bujurg sardar ji baithe akhbar padh rahe the, wahi maalik the is jagah ke. Yaha Himani ne jawaab diya.
"Koi fish hai. Aur wo waali feed hai jo upar rakhi hai. Aapke pas dog collar aur leash bhi hogi."
"Ji haan, kuch toh yaha rakhe hai aur baaki neeche hai. Chaliye main dikha deta hu.", Ladka counter ke upar rakha fatta khol kar aage aaya toh Arjun ne Himani se apne kaam ki baat kahi.
"Aap yaha dekho main 5 minute tak aa jata hu. Yahi paas me he shop par ek order dena hai.", Himani ne bas Arjunko dekha lekin chasme ki wajah se Arjun aankhen na dekh paya. Wo sehmati samajhte hue Himani ke aage jaate he bahar nikal gaya. Arora electrical 10 dukaan chhod kar he thi jaha Arjun ne AC ke liye kehna tha. Woh tej kadmo se chalta idhar aaya toh aaj Lucky ki jagah uske pita ji aur Dimpi baithe the. Dimpi shayad kuch khel rahi thi pen aur kagaj se.
"Namastey uncle ji. Wo dada ji ne 3 AC aur fitting karne wale ko bhi ghar mangwaya hai. Lucky bhaiya ko phone kiya tha lekin shayad aapse he baat hui hogi unki."
"Kaise ho Arjun beta. Pehle baitho bhai tum toh khade gaanv se aaye ho. Dimpi, kabhi dekh bhi liya kar ke koi pehchan ka bhi aata hai.", Dimpi Arjun ko dekhte he muskurati hui uske pas aa gayi. Uncle ji ne ladke ko awaaj de kar kisi ko bulane bhej diya.
"Oh toh Arjun maharaj padhare hai aaj yaha. Kaise ho aur kya baat stadium aana jana band kar diya kya?", Dimpi ne hath milane ke baad seedha sawaal kiya aur Arora ji kisi se phone par baat karne lage.
"Kaha stadium. Dekh rahi ho na abhi bhi kaam se he aaya hu idhar. Sanjeev bhaiya aur Madhuri didi ki shaadi hai toh jitne bhaiya nahi aa jaate itne toh mera mushkil hai stadium aana jana. Waise tum batao, aaj dukaan par kaise?", Dimpi se paani le kar peete hue Arjun ne poocha toh woh kuch jyada he khush najar aa rahi thi.
"Jaati hu lekin maja nahi aata, Preeti bhi aajkal nahi aa rahi. Waise ghar pe kuch karne ko tha nahi toh idhar papa ke sath aa gayi. Ab tum mil gaye toh aana safal hua. Card dene toh aaoge na?"
"Dadaji aaye toh sath aaunga lekin bhaiya ya tauji aaye toh pata nahi. Waise tum bhi aa he sakti ho, ghar toh tumhe atche se pata hai.", Arjun ne gilas rakha toh bahar rehde par 2 majdoor AC ke bade dabbe laadne lage the.
"Tumne aaj pehli baar bulaya hai woh bhi itne din baad. Yahi dekh rahi thi main. Chalo ab tumne bulaya hai toh pakka aaungi, saturday ko.", Abhi woh baat kar rahe the ke uncle ji idhar chale aaye.
"Arjun beta Rehde wala toh 20 minute me tumhare ghar pahuch jayega aur fitting wale ladke bhi aa rahe hai, tumhare ghar pahuchte he woh bhi aa jayenge.", Woh apni gaddi par baithe toh Arjun ne batue se ye check nikal kar pakda diya.
"Uncle ji ye dada ji ne diya hai, baaki baat woh aapse kar he lenge phone par.", Check 2 laakh ka tha jisko dekh kar Arora ji samajh gaye the ke abhi aur samaan bhi jaane wala hai.
"Chai-nashta mangwata hu beta. Tum akele toh aaj he aaye ho.", Woh uthne he lage toh Arjun ne mana kar diya.
"Fir kabhi uncle ji, abhi aur bhi kaam hai. Aap bhi milne aa jana, ab toh papa ka bhi tabadla yahi ho gaya hai.", Arjun ne hath jodd kar vida lete hue kaha aur unhone bhi aane ka vaada kiya.
"Kitni jaldi me ho. Koi intjaar kar rahi hai kya?", Arjun ke sath gate tak aate hue Dimpi ne hanste hue kaha aur Arjun ko jaise kuch yaad aa gaya.
"Sorry. Sachmuch didi intjaar kar rahi hai pet shop par. Jaldi milta hu tumse.", Arjun ko jaise ab yaad aaya tha ke Himani ke chehre par woh kaise bhaav the. Tej kadmo se lagbhag daudta hua woh idhar aaya toh dukaan ke andar wahi ladka khada tha. Machli ki khurak wahi counter par rakhi thi.
"Wo didi kaha gayi?", Arjun ne hadbadate hue poocha.
"Woh toh aapke nikalne ke baad neeche se aadhi seedhiyo utarte he bahar nikal gayi. Samaan bhi nahi le gayi aur ye purse bhi idhar he bhool gayi.", Ab Arjun ko galti ka ehsaas ho raha tha. Himani pehle shayad naraaj thi jis wajah se thodi khamosh thi lekin usne Arjun ko bataya bhi tha ke anjaan purusho ke aas-pas usko ghutan mehsoos hoti hai. Dukaan se bahar nikal kar woh idhar udhar dekhne laga lekin khaali parking aur dukano ke saamne wo kahi na dikhi. Ab sachmuch maathe par paseena aa gaya tha uske.
'Kya jawaab dunga main dada ji ko..' vichlit mann se woh har taraf dekhne laga toh motorcycle se he thodi duri par vriksh ke niche sehmi khadi Himani dikh he gayi. Arjun daudta hua uske saamne aa khada hua. Kuch pal woh bas Arjun ko dekhti rahi aur chasme ke andar se ludhakte woh aansu bata gaye the ke Himani ki haalat kya hogi. Arjun ko apni bhool ka ehsaas toh ho he gaya tha lekin Himani ki aisi dasha dekh woh bhi khud ko kosne laga. Bina kuch baat kiye usne bas Himani ko gale se laga liya.
"Sorry. badi galti ho gayi mujhse. Please maaf kar dijiye, main bhool gaya tha ke main aapko akela chhod ke ja raha hu. Sorry aainda agar aap bahar aayengi toh ek pal bhi alag nahi jaunga.", Himani chhote bacho si subakne lagi thi.
"Arjun main mana bhi kiya tha jaane se tumhe. Pata hai kitna darr gayi thi main basement me utarte hue, waha niche aur bhi log the lekin mudd kar dekha toh tum mere sath nahi the.", Subkiyan seene ko bhigone he lagi toh Arjun ne mahol samajhte hue Himani ko thoda alag kiya aur chasma hata kar rumaal se uski aankhon se behte aansu saanf kiye.
"Bola tha na ke ye chasma mat pehno. Chalo samaan le kar yaha se chalte hai.", Arjun ne bade pyaar se jaise chehra saaf karne ke baad ek hath me chasma aur dusre me Himani ka hath thaam liya toh Himani ka bhi rona band ho gaya tha. Woh sakuchati hui sath chalne he lagi thi ki bol padi.
"Sorry. Bas mujhe darr lagta hai aise isliye nana ji yaha le aaye the aur main ghar se bahar bhi nahi aati. Tum help karoge toh ye darr khatam ho jayega. Wo dukaan wala bhi kya soch raha hoga na?", Himani kisi sehmi hui bachi ki tarah Arjun ka hath thaame chal rahi thi. Ab jaise uska dhyaan apni beparda aankhon par gaya.
"Woh bhala kya sochega lekin purse bhi wahi bhool aayi aap."
"Mera chasma."
"Iski koi jarurat nahi hai. Mere sath ho toh khud ko alag samajhna band karo ab."
"Please. Yaha pehan lene do, samay aane par apne aap iski aadat chali jayegi.", Dukaan se bahar he Arjun ne khud apne hatho se chasma laga diya.
"Darna band kijiye ab. Yaha koi aisi waisi harkat karne wala insaan nahi hai. Aap safe hai aur sab apne kaam se kaam rakhte hai idhar.", Andar aane par bhi Himani majbooti se uska hath pakde thi. Samaan lene ke baad Arjun ne he purse Himani ko thamaya aur fir usko chhodne ghar ki taraf chal diya.
"Akele kaise manage karti ho ghar me? Darr nahi lagta kya?"
"Akelepan se toh darr nahi lagta aur waha ghar par bahut kuch hai jis se main khush rehti hu. Sorry, bahot weird feel ho raha hai ab."
"Koi baat nahi. Har mukaam jaldi nahi milta aur jaha jakhm ho waha toh thoda jyada he samay lag jata hai. Aapko isliye keh raha tha ke mere ghar chaliye, aapko atcha lagega. Meri didi badi samajhdar aur caring hai. Agle 2 saal woh aapka poora khayaal rakhne wali hai toh aapko unse milna chahiye.", Arjun ne in jaani-pehchani sadko par araam se motorcycle chalate hue kaha aur fir gol shishe me ke najar Himani par daali toh ab woh jhijhakti hui chasma utare usko he dekh rahi thi. Ek neeli aur dusri bhoori aankh is din ke ujaale me kitni adhbhutt lag rahi thi ye Arjun saaf dekh pa raha tha. Fir jhempte hue najar saamne ki aur Himani ki tarif karne laga.
"Atchi bhali ho aap fir bhi jaane kyu khud ko he chhupaye rehti ho. Ritu didi ne aapki aankhen dekh li toh woh aapke peeche he padd jane wali hai.", Arjun ki baat par chhoti si muskaan Himani ke chehre par bhi aa gayi.
"Itna asaan nahi hai ye sab Arjun. Ek tarah ka dosh he toh hai ye aankhen jo mujhe jara bhi pasand nahi."
"Inhe vardaan kaho toh behtar hai. Lijiye aapki manjil aa gayi aur aasha karta hu maaf kar chuki hongi us galti ke liye."
"Tumhari koi galti nahi hai. Main badi ho kar bhi kamjor hu lekin tum atche ladke ho. Kal lene aaoge na?"
"Tayaar rehna aap, main 10 baje ke aaspas aaunga. Apna dhyaan rakhiyega.", Arjun jaane laga toh Himani ne hath milate hue kaha.
"Thank you very much Arjun. Atche dost ho tum, aise he thoda bahot jhelte rehna is pagal ko. Kal milte hai.", Himani ke jaane ke baad bhi Arjun kuch pal bas dekhta raha aur fir sar jhatakta hua apne raaste ho liya.
.
.
Ghar abhi bhi vyast dikh raha tha aur Arjun ne kaam karwana he behtar samajhte hue pehle mehmaan kamre me AC lagwaya aur fir baithak ko ab khaali dekh kar idhar kaam poora karwa diya. Kaushalya ji ke kamre me filhal chai-nashte ka daur chal raha tha jaha abhi sirf bujurg mahilaye he thi. Rajeshwari chachi ab Rekha ji ke kamre me thi jaha unke sath Romela ji aur Renuka bhi maujud thi. Rameshwar ji bhi Sangwan ji aur Col sahab ke sath Col ji ke he ghar chale gaye the aur Umed Singh bhi Sitara Devi ko le kar unke gaanv nikal gaye the jaha tayaariya jari thi Vikas ki nigrani me. Arjun dono vyaktiyo aur is aakhiri AC ke sath upar chala aaya tha, Sanjiv bhaiya ke kamre me.
"Bhaiya, power plug idhar hai aur khidki yaha se nikalni padegi. Stabliser laga kar aap taar ko atche se is patti ke sath he rakhna.", Arjun unhe samjha bhi raha tha ke koi bhi taar aadi-tedhi nahi lagana aur jitna kam se kam tod-fod ho utni he karni hai. Dono vyakti pehle he dekh chuke the ke ye ladka har cheej par dhyaan de raha hai. Wo bhi koyi jaldbaji kiye bina ab saleeke se kaam kar rahe the. Arjun ne chai-paani ka bhi khayaal rakha tha aur khud bhi unke sath barabar hath lagwa raha tha.
"Bahi tum kyu mitti me mitti hote ho? Apna roj ka hai ye sab karna, tumhe chot-vot aa gayi toh hamara bhi dil dukhega.", Ye vyakti koi shikayat nahi kar raha tha kyunki bahar wali seedhiyo se Arjun he AC uthwa kar yaha leke aaya tha. Lekin dihadi wala vyakti parwah toh karega he.
"Aisi baat nahi hai bhaiya. Ek toh aap itna jyada kaam kar rahe hai upar se halat bhi dekho jara. Main toh ye taar, khidki ke bahane aapko araam he de raha hu. Sharir itna bhi matt istemaal kijiye ke meri jagah aapko dikkat aaye. Koi jaldi nahi hai.", Ye vyakti ab hansne laga tha Arjun ki soojhboojh dekh kar.
"Ho he gaya chote ustaad. Maan bhi li tumhari baat aur ye taang di machine. Chalu kar ke dekho fir taar par gitti laga dete hai.", Sachmuch koi tod-fod na hui thi yaha. Khidki me AC atche se fit ho gaya tha aur ab chalu bhi ho gaya tha. Is beech ye teeno he log paseene se naha gaye the, yaad bhi nahi raha tha ke kamre me pankha he chala le. Kaam khatam hote he Arjun ne 500 rupaye apni taraf se deke dono ko vida kiya. Mana karne ke bawjood Arjun ne paise de diye the. Ab kameej ki halat dekhi toh bura haal tha. Hath bhi maile aur sharir bhi chipchip. Wapis upar chala aaya aur kameej utaar kar Tara wale kamre se bathroom me nahane ke liye idhar aa gaya.
"Sorry. Pata nahi tha ke yaha koyi hai.", Arjun ne bathroom se bahar aati Vinita ko saamne dekha toh thithak gaya. Paseene se chamakta Arjun ka tarasha hua jism Vinita ki najro ke saamne tha, jo abhi mooh dho kar bahar nikli thi. Usko toh yakeen he nahi ho raha tha ke Arjun ka jism itna tarasha hua aur maansal hoga. Awaaj kaise nikalti jab aankhe he Arjun par jamm gayi thi.
"Vinni didi, ye Arjun hai aur Arjun ye Vinni didi hai. Vinita Singh, Umed chacha ki beti. Kal he wapis aayi hai bahar se.", Komal didi ke aisa kehne se Vinni ki tandra bhang hui aur Arjun seene par toliya rakhe bas sar hila kar bathroom me ja ghusa. Vinni ke chehre par koi sharmindgi ya jhijhak na thi.
"Ye goonga ho gaya hai?", Vinni ne kamre se bahar jaate waqt bhi bathroom par najar daali thi lekin ab woh band tha.
"Kaha tha na ke bolta kam hai. Waise aap aise kya dekh rahi thi usko.?", Dono is taraf aa gayi thi jaha Ritu ka kamra tha aur baaki sabhi wahi the.
"Dekh rahi thi ke woh mujhe pehchanta bhi hai ya nahi. Waise ye jaldi he bada nahi ho gaya? Ritu se sawa saal chhota hai.", Kamre ke andar aate he woh bister par leit gayi thi. Yaha Richa, jo khud chehra saaf karke is bathroom se aayi thi ke sath Saroj bhabhi baithi thi. Ritu niche chali gayi thi Madhuri didi ke sath kaam karwane ke liye.
"Woh bahot chhota tha didi us waqt. Waise Umed chacha ki beti ho ye jarur jaanta hoga, unke sath Arjun ki atchi jamti hai. Aap baitho thodi der, bhabhi dil lagaye rakhegi aap dono ka main jara maa ko dekh aau. Ritu bhi aa jayegi thodi der me.", Komal didi unhe kamre me Saroj bhabhi ke pas chhod kar niche chali gayi.
"Toh bhabhi ji aap kab se hai yaha par? Lagta toh yahi hai ke jyada samay nahi hua shaadi ko.", Vinita bhi Richa ki tarah bister se tek lagate hue baith gayi. Saroj bhabhi saamne baithi thi paanv jameen par tikaye.
"Jyada samay nahi hua aur yaha saamne he rehti hu is ghar ke. Waise kya charcha kar rahi thi aap dono?", Saroj bhabhi ko bhi jaise jigyasa hui Arjun ka naam sunn kar.
"Kuch nahi bas waise he. Main yaha bahot pehle aati hoti thi tab sabhi chhote the. Ab Arjun ko dekha toh pehchana nahi gaya, baaki sab toh asaani se pata chal gaye the. Aap saamne he rehti hai toh thoda bahot jaanti he hongi ke woh ab itna chupchap kyo rehta hai.?"
"Haan, mujhe bhi ishare se he bata kar chala gaya tha.", Richa bhi is baatchit me shamil ho gayi.
"Arjun toh aisa bilkul nahi hai. Khoob hansi majaak karne wala ladka hai woh. Dil ka bhi saaf hai aur sabse atche se milta hai. Aap dono se aisa kyo kiya ye toh mujhe samajh nahi aaya."
"Woh mujhe dhyaan se jarur dekh raha tha. Aur tujhe Vinni?"
"usko main dhyaan se dekh rahi thi. Matlab main baat karne ki koshish kar rahi thi.", Vinni ne turant he baat palat di.
"Fir toh woh bas hairaan he hoga ke aap log yaha ho. Matlab toh yahi hua ke woh jaanta hai Richa didi ko aur aapse shayad jhijhak raha ho kisi baat par.", Richa ke toh samajh na aaya lekin Vinni muskura di.
"Aisa hai ke woh tha bahot ziddi toh ek baar maine uske gaal laal kar diye the. Koyi tha nahi aas-pas aur woh bas gusse me mujhe anaap-shanaap bol raha tha. Maine pitaai kar di thi aur fir shayad uske baad milna ab hua. Bachpan tha aur main chidhti thi aise bacho se.", Vinni ne ab thoda hanste hue kaha toh bhabhi ko andar andar bura jarur laga lekin jahir na kiya.
"Chhote bache kuch yaad rakhe ya na rakhe lekin apne khaas pal kabhi nahi bhoolte. Jisme sabse jyada khushi ho ya fir jisme unhe dukh hua ho. Baaki mera rishta uske sath bhabhi ka hai aur isliye kya pata woh jyada hansta-bolta ho mere sath.", Saroj bhabhi ki baat khatam hote hote Vinni ke hanste chehre par ab viprit bhaav the. Lekin baat yahi badalni padi inhe Ritu aur Preeti ke aate he. Richa ne bade dhyaan se dekha Preeti ko jo Vinni ko hello karne ke baad us se bhi hath milati hui Ritu ke bagal baith gayi. Saroj bhi bhi hans kar mili thi Preeti se jaise ab inki bhi atchi bol-chal ho.
"Ab ye mat kehna ke aap isko jaanti hai.", Ritu ke itna kehte he Vinni ne naa me gardan hila di.
"But she's beautiful. Aankhe sachmuch aisi hai ya lens lagaye hue hai?" Vinni ne hath pakad rakha tha Preeti ka. Lambi-sudol Preeti ka noor alag he tha apni sabse khoobsurat hone wali nanad se. Vinni ki baat par Preeti bas muskura bhar di.
"Haan ye gudiya jaisi he hai. Iska naam hai Preeti Puri, Col dada ji ki pauti hai. Preeti ye Vinni didi hai aur ye Richa didi.", Ab Ritu ne parichaya karwaya toh Preeti ne sar hila kar haami bhari.
"Preeti tum sachmuch alag he ho. Waise Ritu aur tum kad me ek barabar ho lekin dono he fair hone ke sath bilkul he opposite ho. Nahi Vinni?", Richa bhi dekh rahi thi is 5'7" ke neeli-hari aankhon wali ko. Agar koi Ritu aur Preeti ko sath dekhta toh tulna karna swabhavik he hota tha. Dono he viprit lekin lagbhag samaan unchai aur beshak haseen thi.
"Totally agree with you Richa. Dekho toh dono ladkiya matlab alag he hai. Ritu has long curly hair, brown eyes, fair complexion with really good vital stats and good height. Where's this girl has identical height but she's solid and pinkish. Preeti naam yar tumhari personality se match nahi karta. Oops tum woh foreigner aunty ki beti toh nahi ho? Richa jo thodi der pehle Rekha chachi ke pas aayi hai.?", Vinni ne toh gehrai se he naap lia tha Preeti ko.
"Ji main toh Indian hu but mom Greece se hai. So I inherited some of her features lekin Ritu didi se comparison nahi ho sakta.", Preeti ki baat par Ritu ne uske gale me hath daal kar apne sath laga liya.
"Toh Preeti kya karti ho tum?",Richa ne poocha aur jawaab Ritu ne diya.
"Ab Achitecture ke liye college jaane wali hai is session se. Lekin sports me bhi atchi hai Preeti. Swimming aur tennis."
"Matlab apni bahot jamne wali hai Preeti. College toh abhi 3 mahine ke aaspas shuru hoga. Main bhi architect hu aur tennis mujhe bhi khelna atcha lagta hai. Ab yaha wapis aayi hu Germany se toh is ghar ka pata hai aur Richa ka pata hai. Shaadi tak toh alternate days milna rahega he lekin I hope uske baad bhi milte rahenge.", Vinni ke aisa kehne par Preeti ne bhi muskurate hue sar hila diya.
"Yar ye bhi tere bhai jaisi hai kya Ritu. Khush bhi ho rahi hai, sar bhi hila rahi hai lekin bolti bahot kam hai.", ye baat waise he kahi thi Vinni ne lekin Ritu ne hanste hue pol khol di.
"Dono best friend hai na didi. Bachpan se abhi tak. Aadat ek jaisi he hai, bas Arjun thoda rota rehta hai aur Preeti hansti rehti hai.", Preeti jhooti narajgi dikhane ke baad bol he padi.
"Wo aap badi hai na toh aajkal meri aadat thodi kharaab ho gayi hai, flow flow me didi ki jagah yar nikal jata hai. Baatein jitni marji karwa lijiye fir yaad nahi rehta ke Ritu-Alka didi nahi hai, koi bada hai. Bua se bhi daant padd jaati hai is chakkar me.", Preeti ke aise bholepan par Vinni ne gaal he sehla diya.
"Oye ye toh badi pyaari hai yar. Tum jaise marji baat karo Preeti. Honth hilati ho toh aisa lagta hai jaise bas dekhti rahu. Richa bhi aisa he kar rahi hai aur bhabhi bas hans rahi hai."
"Didi bahar ja kar kahi kuch galat company toh nahi mil gayi thi? Suna hai european countries me aisa normal hai.", Ritu ne jo ye baat kahi Richa aur bhabhi ki hansi he na band hui. Preeti sharma gayi thi kyonki Ritu ka toh usko pata tha lekin Vinni ne kiya uske he sath tha.
"Thehar ja tu Shaitaan ki naani. Hain mujhe tu aisa waisa samajhti hai. Straight hu aur agar aisi mile toh bi hone se bhi gurej nahi.", Ab Ritu ka hansna tej ho gaya tha kyonki Preeti toh uth kar he jaane lagi thi.
"Hahaha.. Maje le rahe hai yar Preeti. Baith ja baith ja. Vinni didi majaak he toh kar rahi hai aur agar inka aisa he dil hai tab bhi tu he maje karegi. Didi ne kaha na tu solid hai.", Ritu ke aankh maarte he Preeti bhi hansti hui baith gayi lekin ek takiya Vinni ne Ritu ke maar diya.
"Kasam se yaar tum ho kya cheej? Tauba tauba, Komal thik kehti hai ke Ritu aafat he hai.", Vinni ki hansi abhi tak chehre par thi.
"Iski judwa yaha nahi hai, woh toh aapko abhi tak pakad he leti. Alka na jaane deti baaton me aur jo baal ki khaal wo nikalti hai us se toh baaki sab bhi katrate hai. Dono, sorry ab toh ye 5-6 hain lekin saari aisi hai ke gher le toh paani paani karke he saans le saamne wale ko.", Saroj bhabhi ki baat par Richa bhi bol he padi.
"5-6? Matlab yaha har roj he aisa mahol hota hai?"
"Aur kya didi. Aap thoda samay sath raho toh meri tarah aapki bhi jubaan chalne lage. Tara, Alka, Manju, Aarti, Priyanka didi aur ab toh Rupali bhi. Hum dono toh hai he. Ye sath wala kamra bhi joined hai aur ek idhar bhi hai. Teeno me bas yahi log rehte hai.", Preeti ne saare naam ginwaye toh Richa hairaan thi ki ye itne log woh bhi ek jaisi umar ke sath rehte hai.
"Tara, bua wali beti hai na? Wo yaha rehti hai?", Vinni ne soch kar poocha.
"Haan. Abhi toh training par hogi lekin paune 6 baje ghar aa jati hai. Weekend off hai uska aur training ke baad bhi yahi se MBA karegi. Milna aap us se.", Ritu ne bataya toh Vinni ek baar Preeti ki taraf dekh kar fir poochne lagi.
"Garmi ki chuttiyon me uski aur Arjun ki toh kutte-billi wali halat rehti thi. Ab kaise manage hota hai.?"
"Ab toh bilkul he ulta hai, dono sath sath he rehte. Dekh ke toh koi keh nahi sakta ke woh kabhi jhagadte bhi honge.", Ritu ne jaise itna kaha aage Preeti bol padi.
"Arjun bachpan jaisa toh raha nahi. Ab jidd nahi karta ulta sabka khayaal rakhta hai. Aap dekhna, abhi bhi kahi na kahi kisi kaam me laga hoga. Mili nahi kya aap Arjun se?", Preeti ke aisa poochte he Richa ne naa me gardan hila di aur Vinni bas khamosh baithi rahi.
"Tabhi daadi usko gale lagaye thi. Waise tum dono dost he ya ..?", Vinni ki aisi baat par sabhi ek dusre ko dekhne lage.
"Pariwar hai toh sab kareeb hai.", Ritu ne ye baat jaise kahi uski koi toh wajah jarur thi. Varna woh toh saamne se Preeti ko Arjun ki mangetar ya hone wali biwi keh deti thi. Is beech Richa bhi bade gor se dekh rahi thi Ritu ko. Aise he idhar mehfil lagi rahi dopahar tak aur baaki ladkiyan bhi shamil ho gayi thi. Bujurg mandli toh wahi batla rahi thi jo anivarya tha, shaadi-rasme, kab kaise aur kya kya hoga, karna padega...
.
.
Shankar ji dopahar me sirf apne pita ji aur bete ko car ke showroom tak chhodne ke liye hospital se aaye the lekin Arjun thoda duvidha me dikha jab car me Richa didi ko bhi baithe paya. Arjun pichli seat par Richa ke he sath baitha tha aur car chalate hue Shankar ji beech beech me inhe dekh bhi lete. Richa bhi samajh rahi thi ki Arjun thoda bahot jhijhak raha hai aur is se bachne ke liye woh khamoshi se bas bahar dekh raha tha.
"Shankar, kuch aur bhi kaam hai? Woh badi bhabhi ne bhi wapis jana hai toh unhe kaun chhod ke aayega? Umed toh apni maa aur biwi ko leke chala jayega kuch he samay me.", Pandit ji ne jaise is khamoshi ko bhang kiya aur ek baar Arjun ki taraf bhi najar ghumai. Wo jaise bahar ki duniya me he khoya tha.
"Main jara Richa ko market le ja raha hu. Inke udhar bhi shaadi hai toh bhabhi aur bacho ke kapde lene hai. Fir main he taai ko chhodne chala jaunga.", Shankar ji ne baat kehne ke sath he bahar wale shishe se Arjun ko dekha jo apalak unki taraf he dekh raha tha is shishe se.
"Huhh.. Richa beta, apne chacha ke sath hone wali bhabhi ke liye bhi uphaar le lena. Fir agle 3-4 din vyast hone wale hai toh sabkuch abhi le lena. Shankar, thoda samay adhik bhi lage toh aaj manage kar lena bhai.", Rameshwar ji bhi samajhte the ke shaadi-byaah wale ghar me bahut si jarurat hongi aur waha itne purush sadasya bhi nahi hai.
"Ji dada ji, maa aur daadi ne bhi bataya hai jo samaan yaha shehar se leke jana hai. Waise chacha ji ko agar hospital wapis jana ho toh itni der Arjun mere sath kharid-dari karne me madad kar sakta hai.", Richa ne baat khatam karte hue Arjun ki taraf dekha jo apna naam sunn kar ek baar Richa ko dekh kar ab aankhe dada ji par kiye tha.
"Nahi nahi beti. Shankar ne samay nikala hai toh woh tumhare he sath rahega. Arjun aaj apni car lene aaya hai toh is baar wo sath nahi ja sakega. Fir kabhi jarur tum apne bhai ko le jana.", Rameshwar ji ke 2 took mana karne se Richa ko toh jyada farak na pada lekin Shankar ji thoda sapaat sa chehra karte hue in 2 showroom tak khamoshi se gaadi le aaye. 'Jain Auto' naamak ye 2 showroom jaise ek he vyakti ke the lekin ek jagah 'Mitsubishi' coming soon aur dusre par Hindustan Motors likha tha.
"Lijiye papa, aa gaya showroom. Aisa toh nahi ke yaha se gaadi Arjun he leke jaane wala hai?", Shankar ji ne apne pita ko bag uthate dekh pooch he liya. Arjun ab saamne showroom ko ghoor raha tha jaise woh galat jagah aa gaye ho.
"Uski car koi driver ghar nahi dene aayega Shankar. Aur ye tohfa toh hai nahi, uski pehli car hai uske he naam. Arjun he leke jayega aur Arjun he chalayega.", Idhar Arjun aur Richa bhi car se bahar nikal aaye the. Showroom ke bahar he chamchamati ekmatra kaale rang ki 'Mitsubishi Lancer' khadi thi baaki sabhi dusri car jo sarkari gaadiyo jaisi thi.
"Iska hath saaf nahi hai abhi, isliye keh raha hu. Baaki aap behtar jaante hai.", Shankar ji ne apni samajh se he kaha lekin ab unke hairaan hone ki baari thi jo Arjun ne kaha usko sunn kar.
"Waisa dada ji aap toh Ford ki car bata rahe the aur haan Richa didi, aap he tilak kar dijiye.", Arjun ne pehli baar Richa ko sambodhit kiya tha, beshak usne ye baat sehaj bhaav se he ki thi lekin Richa ne ek baar Shankar ji ko dekha aur fir Arjun ko. Bahar khade Rameshwar ji bhi sar jhatak rahe the Arjun ki baat sunn kar.
"Main kaise tilak kar sakti hu? Waise bhi gaadi toh ghar jaane ke baad tilak karte hai."
"Ghar jaane ke baad bhi karenge lekin yaha se bhi car ne nikalna toh hai he. Baaki aapko jaisa thik lage.", Arjun ne ek baar unhe aur apne pita ko dekha aur fir dada ji ke sath andar chal diya.
"Wo aisa hai na bhai ke book toh Ford wali he karwai thi lekin tere Sangwan dada ji ne kaha ke Escort atchi gaadi nahi hai. Ye wali bhi idhar sabse pehli car he hai aur unhone he sujhaya ke naye jamane ke hisab se tere liye yahi atchi rahegi. Haan jeb par thodi jyada bhari padd gayi.", Rameshwar ji Arjun ke kandhe par hath rakhe andar le aaye sab samjhate hue. Car toh ek najar me he Arjun ko pasand aa gayi thi.
"Chalo, 2 he minute lagne wale hai. Jaha tak dikh raha hai yahi car li hai Arjun ke liye.", Shankar ji bhi bahar nikal aaye aur Richa ko sath liye andar aa gaye jaha ek aur jhatka tayaar tha unke liye.
"Aap bhi idhar hai chacha ji?", Shankar ji ne Col sahab ko kursi par baithe dekh kaha.
"Haan bhai ghanta pehle he aaya tha jab inka phone aaya ke gaadi aa gayi hai aur tayaar hai. Agar kuch atirikt kaam karwana hai toh dekh lijiye. Ab apne puttar ko gaadi bina CD player aur seat cover ke toh dene se raha. Aur bhi thoda badlaav karwaya hai baaki ek baat pata chal gayi ke uncha model bhi le lo toh palle se 30-35 hajar lag he jaate hai.", Col sahab ne hanste hue kaha aur showroom ka maalik unka hath pakadte hue sath muskurane laga. Rameshwar ji baithne ki jagah andar khadi contessa car dekhne lage.
"Jain bhai, hamari ek esteem bhi nikalwa do yar. Ghar me ab itni jagah nahi dikhti.", Rameshwar ji ghoom fir ke wapis aa baithe aur bag Jain sahab ke saamne kar diya.
"Pandit ji wo gaadi nayi toh hai abhi aur kharcha bhi jyada nahi karwati. Jagah kam padti hai toh ek-aadh plaat le lijiye. Hahaha. Waise sach kahu ke jabse aapki car aa ke khadi hui hai savere se 20 log iski booking ka poochne aa gaye hai. Mujhe nahi laga tha ke idhar iski demand hogi lekin gaadi majboot bhi hai aur aaj ke jamane ki bhi.", Paise sirf gaddi ke hisab se dekhne ke baad bag ek taraf rakhte hue unhone ek ladke ko thanda paani laane ko kaha.
"Dekhte hai bhai ke plaat ke paise kab tak judte hai. Is saal ki toh saari kamai tumne galle me rakh di hamari. Chalo ab ijajat do aur chabi bhi. Kagaj banwane ka kasht bhi kar dena yar. Ghar me filhal vivah ka samay hai toh mushkil hogi thodi."
"Sharminda toh mat kijiye Pandit ji. Bas Arjun ko bhej dena jab main phone karu, waise plaat se mera matlab tha ke naye sector me HUDA plaat nikal raha hai, bhar dijiye 2-3 farm bacho ke naam. Chaliye bete ko seat par baithaiye.", Paani peene ke baad sab khade hone lage toh Arjun ne bhi ladke ko tilak ka samaan laane bhej diya jo woh turant le aaya tha. Shankar ji toh Col sahab se alag baaton me lage hue the.
"Chaliye didi.", Arjun ne woh choti si plate Richa ko dete hue kaha aur ye dono sabse pehle is car tak aa gaye. Yahi lambi chamchamati 'Mitsubishi' car thi Arjun ki. Jain sahab bhi jaise dharmik aur manyatao me yakeen karne wale insan the jinhone gaadi ke saamne khud he ye nariyal food kar shubharambh kiya aur Richa ne bonatt ki jagah bumper ke madhya me tilak karte hue laal dhagha baandh diya. Arjun ne apna purse nikal kar khola toh ek pal Shankar ji usko rokne lage the lekin apne pita ke inkaar karne par bas woh dekhte rahe. Rekha aur Krishna ki woh 25 saal purani shyam-shwet stamp akaar ki photo Arjun ke batue me lagi thi. Arjun ne 1100 rupaye apni badi behan Richa ko shagun ke taur par diye toh woh bhi mana karne lagi thi.
"Rakh lo Richa beta, bhai neg de raha hai.", Ramehswar ji ne kaha toh Richa ne Arjun ko thank you kehte hue rakh liye. Shankar ji bhi dekh rahe the is car ko, unhe shauk jo tha. Arjun ke liye khud Rameshwar ji ne darwaja khola aur apne ladle ko baitha kar sar pe hath ferte hue khud pichli seat par jaane lage. Unka he anusaran karte hue Col sahab bhi dikhe toh Shankar ji ne pooch he liya.
"Aage aur koyi nahi baith raha?"
"Ritu iski jaan le legi beta. Keh ke bheja hai usne ki Arjun ki bagal me sabse pehle wahi baithne wali hai. Haan baaki ab Arjun bas sahi salamat ghar pahucha de.", Rameshwar ji ki taraf ka shisha khud he thoda niche ho gaya tha. Arjun dhyaan se andar har cheej ko samajh bhi raha tha aur hath fira kar dekh bhi raha tha. Sachmuch andar se behtareen thi ye gaadi. Swachalit niche hone wale shishe, dher saare button, steering bhi upar niche hone wala jaisa thodi he der pehle andar ladke ne bataya tha. Ye kitaab bhi usne rakh li thi jisme gaadi ke baare me sabkuch bataya gaya tha.
"Best of luck.", Shankar ji ne apne bete se kaha toh Arjun ne bhi apne pita ko hanste hue jawaab diya.
"Fir bhi aapse seekhna band nahi karunga papa.", Aur jis safaai se usne Shankar ji ki saamne khadi car ke barabar se apni car nikali thi woh bhi khade dekhte rahe. Petrol ka ye model kahi jyada jaandar aur tej tha.
"Seekh toh gaya hai beta lekin ab sachmuch pump he kharidna padega."
"Papa, tilak karne wale ko andar nahi baithate kya?", Richa ne dhimi awaaj me kaha toh unhe dhyaan aaya ke woh bhi sath he khadi hai. Dono car ki taraf chalne lage.
"Beta itni jaldi matt karo, Arjun ne tumhe sabse pehle hath lagane diya hai yahi bahot hai filhal. Tum Ritu ko bhi thoda samajhna, Arjun ko behtar jaan sakogi uske baad. Suna tha ne ke mere papa ne kya kaha, Arjun ke barabar wali seat Ritu ki hai. Waise ab tumne jo bhi kharidna hai araam se lena, dikki khali hai gaadi ki.", Hanste hue woh gaadi me baithe toh Richa bhi andar baith gayi.
"Ritu ke he sath thi main subah se. Woh intelligent hai, observe karti hai aur sabse badi baat hai ke woh bilkul ghamandi nahi hai. Matlab aaj mujhe realise hua ke woh mujhse kahi behtar hai papa. Sach kahu toh guilt feel hone lagi thi ek baar."
"Aisa nahi hai. Beshak Ritu ghar ki ladkiyon me sabse jyada intelligent hai lekin woh bhi ziddi hai. Haan pariwar me rehne se wo flexible hai aur sabse pyaar se baat karti hai lekin uska bhi ek apna dayra hai jisme woh shayad kuch he logo ko rakhti hai. Alka aur Preeti ke sath shayad Tara he hai jin logo ke sath Ritu kareeb hai. Milne lagogi toh aur atche se samjhogi.", Shankar ji bhi kisi hadd tak Ritu ko logo se jyada he jaante the. Woh unki jaan jo thi. Car ka rukh mukhya sadak par karte hue woh Richa ko bhi dekhne lage.
"Mujhe sachmuch atcha laga yaha aa kar. Family toh aisi he honi chahiye papa. Sab ek dusre ke sath itna ghul-mil ke rehte hai ki life me friends ki jarurat he nahi lage. Komal ke sath sath Madhuri ne bhi atche se khayal rakha mera, main badi hu lekin ek baar bhi kisi kaam ko hath tak nahi lagane diya. Waise Vinni itne saalo baad bhi kahi jyada jaanti hai sabko. Aur ye Preeti kaun hai?", 2 bade sawaal itni tareef ke baad.
"Aur bhi log hai ghar me jinke dil bilkul Komal-Madhuri jaise he hai. Alka, Priyanka, Tara aur Aarti bhi bahot pyari aur milansar hai. Waise Rekha se mili thi tum?", Apni biwi ka jikar karte hue Shankar ji saamne dekh rahe the.
"Wo toh main batana he bhool gayi aapko papa. Rekha maa toh sabse jyada pyaari lagi mujhe. Unhone toh gale bhi lagaya aur fir khaane ke waqt main unke he kamre me thi, Rupali ke sath. Unhone thoda bahot apne hatho se khilaya mujhe aur ye dekho, chain bhi di ek aur.", Shankar ji ko ab thoda paseena aane laga tha ye sunn kar. Hairat hona lajmi tha ke itna mehnga tohfa kaise Rekha ne is ladki ko de diya aur apne kamre me bhi pyaar diya.
"Farrattedar english jaise woh bolti hai aise toh professor bhi nahi bolte the mere college me. Pados wali ek videshi aunty ke sath woh baat kar rahi thi, ek word hindi ka nahi use kiya. Wo itni padhi likhi hai aur fir bhi ghar me he rehti hai? Sundar bhi kitni hai wo, Ritu se bhi jyada. Unse meri bahot jamne wali hai papa.", Richa ab bilkul mayus na thi jaise woh car me baithte samay lag rahi thi. Ritu-Komal ka jikar karne ke baad ab Rekha ka varnan karte hue woh bas chehakti hui bole ja rahi thi.
"Bas kar bas kar meri laado. Ek he bar toh mili hai tu abhi. Waise kuch poocha kya Rekha ne tujhse aur tu maa kyo keh rahi hai?", Shankar ji ke aisa kehne par bura sa mooh banate hue woh apne papa ko dekhne lagi fir dono hath jholi me rakhti hui kehne lagi.
"Unse mil kar mujhe toh nahi laga ke main ek he baar mili hu. Aur unhone aisa waisa toh kuch bhi nahi poocha mujhse bas jab maine mera birthday ka bataya toh unhone bhi kaha ke Ritu ka same day hota hai. Fir ye chain de di ye kehte hue ke tab sahyad hum mile na mile. Aur boli ki gold dene se maa-beti ka rishta majboot hota hai. Toh jab unhone maa-beti kaha toh maine bhi aapke saamne unhe maa keh diya. Saamne toh maine unhe aunty he bola tha."
"Apni maa se itna jikar matt kar dena gudiya."
"Hahaha.. aapki jaan kyo nikalti hai maa ke saamne.? Itna darte ho aap unse. Waise main bewkoof nahi hu jo ye sab kahungi, woh mujhe bhi nahi aane dengi aise toh. Papa, har insaan alag kyu hota hai? Paida toh ek jaise he hote hai.", Richa ki baat par jaha pehle Shankar ji Madhulata ke jikar par muskura rahe the wahi ab is sawaal ko sunn kar thoda shaant ho gaye.
"Aas-pas ka mahol, shiksha, halaat aur bahot si baatein har insaan ko dusre se alag bana deti hai. Tumhe toh aisa sawaal nahi karna chahiye tha itni padhai ke baad."
"Values and Eduction are two different things papa. Yaha wali family me sab ek jaise hai, I also observe and understand humans. Ek bhi aisa nahi mila jo haq jatata ho, galat shabd bolta ho ya kuch chupata ho. Bade bhi chhoto ko samman dete hai. Ek videshi ladki bhi bilkul aapki family jaisi thi waha. Bonding, love, values, trust sabkuch hai waha aur aap thode alag hai unse. Sorry, mera matlab aap bhi mujhe pyaar karte hai, kabhi galat nahi bolte lekin kuch alag jarur hai.", Richa ne thoda khul kar kaha toh Shankar ji ne haami bhari. Wo jaante the apne pariwar me sanskaar, ijjaat aur sabhi ka ek dusre ke liye pyaar.
"Wo ladki Preeti, jaanti ho woh kaun hai?", Shankar ji ne sirf yahi baat karna munasib samjha.
"Haan pados me rehti hai. Ritu ke sath bahot close hai woh aur uski he mom bahar se hai. Atchi ladki lagi lekin shayad uski jagah Ritu he jyada jawaab deti hai."
"Arjun ki hone wali biwi hai Preeti. Woh shuru se he family ka part hai jaise Col chacha ji mere papa ke bhai hai.", Ye baat Ritu ne toh taal he di thi Richa ke saamne. Aur usko ab badi hairani ho rahi thi ye jaan kar ki Preeti ek tarah se apni he sasural me kitna khul kar ghoomti firti hai.
"Gaune ke bina he woh aise aati rehti hai? Aur kya ye Arjun ki marji ke bina he hua hai? Kyonki usko toh maine dekha he nahi ghar me itna."
"Tumne kya dekha kya nahi woh alag baat hai. Preeti aur Arjun shuru se he sath hai aur idhar samaaj khaap-panchayat jaisa nahi hai. Preeti ghar ki beti hai aur wo hamesha waise he rehne wali hai. Us ladki ki duniya in 2 ghar me he hai jis wajah se woh apne maa-baap se alag yaha dada ji ke sath rehti hai. Arjun ko ghar me nahi dekha kyonki woh kaam karwa raha hoga. AC toh maine bhi lage hue dekh liye the aur fir dusra ghar bhi tayaar ho raha hai toh woh wahi hoga baaki samay.", Idhar dono market aa gaye aur car ek taraf lagate hue Shankar ji apni is ladli ko liye kapdo ke showroom ki taraf paidal chal diye.
"Yahi toh keh rahi hu main. Waha gaanv wala ghar aisa kyu nahi hai? Kyu maa kisi se seedhe mooh baat tak nahi karti aur kyu waha mahol hamesha janjir sa bandhan lagta hai.? Aap aate ho na tabhi 3 log ek sath baithe dikhte hai, daadi ke sath. Aisa nahi ho sakta ke waha bhi sab aisa he lage.?"
"Ab Bijender aa raha hai na ghar toh tumhe dikkat nahi hogi. Woh taai ko araam dene ke baad ghar ka mahol sahi karega. Baaki kuch toh farak rehne wala hai haveli aur ghar me. Haveli ki shaan bahar se dikhti hai aur ghar ki uske andar ke logo se. Chalo yaha tumhare aur Lata ki pasand ka sabkuch mil jayega. Jo bhi lena hai ya tayaar karwana ho kar lo.", Shankar ji ne bhi ek tarah se farak bata he diya tha. Is bade showroom me aate he apne dost se hath milate hue Shankar ji ne Richa ka parichaya diya aur Sudheer ke sath ek ladki bhi Richa ki sewa me lag gayi.
.
.
"Dekh Arjun car ghar ke andar nahi aayegi.", Pravesh dwar par he Ritu hath kamar par rakhe khadi thi. Komal didi bhi tilak karne ke liye thaali le aayi toh Rameshwar ji hanste hue ek taraf se ghar ke andar chale aaye apne bhai samaan param mitra ke sath. Kaushalya ji toh andar he thi Chandro devi ke sath jaha Rekha aur Rajeshwari bhi thi lekin Purnima ji apni pauti Vinni ke sath khadi ye drama dekh rahi thi.
"Ye bade nahi hone wale kabhi?", Hanste hue unhone Rameshwar ji se poocha toh woh bhi inke pas ruk gaye.
"Bhabhi ye bade ho gaye toh fir ghar ghar nahi lagega. In sabki wajah se toh ghar abaad lagta hai."
"Dekh le Satish, bahana mila nahi ki meri behan ke pas aa khade hue. Chalo aapke liye 2 bar phone aa chuka hai aur Purnima tu bhi chai pee le nahi toh ye aise he dore dalte rahenge.", Kaushalya ji ki baat sunn kar Pandit ji toh teji se baithak me ho liye aur Col sahab hanste hue apni bhabhi ko dekhne.
"Bhabhi ji kuch bhi kaho, aap ho khatarnaak.", Hans toh Purnima ji bhi rahi thi unki baat par.
"Aadat hai Kaushalya ki, rishta barabar hai na toh hansi majaak chalta rehta hai bhai sahab. Unhone bhi bura nahi mana aur maine bhi. Chalo chai pee ke fir nikalna bhi hai.", Teeno andar aaye toh Vinni gate ki taraf badh gayi jaha Komal ne tilak kar diya tha aur Ritu abhi tak waise he khadi thi.
"Aane de isko andar. Kya zidd lagaye baithi hai?"
"Didi, aap beech me na aao. Pehle ye mujhe steering wali jagah baithayega aur main gaadi andar karungi.", Ritu ko wajah batai toh Vinni hansne lagi wahi Komal didi thoda gusse se Ritu ko dekhne lagi.
"Toh isme kya badi baat hui. Ja baith ja seat par aur kar de car andar. Waise atchi car li hai Arjun ne."
"Vinni di, isko car chalani nahi aati. Arjun toh isko apne sath baitha kar har baat maan ne ko tayaar hai lekin madam ne thaan liya hai ke khud he car andar karengi."
"Chalo toh fir aisa karo ki Arjun ke sath us seat par he baith jao. Steering tum pakad lena aur baaki woh kar lega. Itna toh aata he hoga.", Vinni didi ke aisa kehte he Ritu aankhe chamkati hui Arjun ki taraf wale darwaje par ja khadi hui.
"Dekh best solution hai ab. Goad me baithti ho aur tu bas steering sambhalne diyo.", Arjun ab aur kya kehta, lekin wahi jhijhak thi mann me ki Ritu didi uski premika hain aur saamne Vinni Komal aur maa bhi khadi thi. Fir bhi seat peeche karke Ritu didi ko apne aage baitha liya. Unke jism ki mehak pehle he uska bura haal kar deti thi.
"Didi, khatra le rahe hai hum. Please, aap bas baithi he rehna araam se. Bahar sab log hai aur maa bhi.", Arjun ne kaan me dheemi awaaj me bataya toh Ritu thoda sa aur peeche sarak gayi.
"Pati patni aise he toh ghar me kadam rakhte hai. Chal tu mere hatho ko pakad le main jyada tang nahi karti.", Ritu ne bhi waise he kaha aur Arjun ne savdhani se car andar badha di. Ritu toh aakhir Ritu he thi. Thoda sa apne kulho ko ragadte he Arjun ko uttejit kar he diya. Ek pal ke liye car ghumne ki jagah seedhi hui lekin Ritu ne he sahi taraf steering kar diya. Gaadi ko rokte he Arjun ne narajgi se didi ko dekha jo hansti hui bahar nikal gayi.
"Marwa diya na. Ab bahar kaise niklu?", Arjun bata raha tha aur Ritu ja ke maa ki bagal me khadi ho gayi.
"Ab car le li toh iska ye matlab toh nahi sara din wahi baithega. Chal maa ko bhi chabhi de jara.", Ritu didi ki kartoot se pehle he Arjun ka bura haal tha aur bahar nikalte he sab uski halat dekh lete.
"Aa raha hu didi bas 2 minute. Ye file rakh du bas.", Arjun bahane se dashboard me kuch bhi dekhne laga aur fir apni kameej bahar nikalne ke baad lambi saans bharta hua bahar aa gaya. Ubhar ek taraf se abhi bhi thoda numaya tha lekin kuch jyada nahi.
"Shaitaan ho tum poori.", Vinni ne sneh se Ritu ka hath pakadte hue kaha aur idhar Arjun ne Komal didi ko shagun dene ke baad maa ko gaadi ka darwaja kholte hue apni seat par baitha diya. Baaki teeno bhi dekh rahi thi.
"Ab kahi car poori hui meri.", Arjun ne chabi bhi maa ke hath me rakh di.
"Aisa kuch nahi hai Arjun. Ritu baith gayi toh waise he ye poori ho gayi thi lekin sachmuch ye car bahot atchi hai. Iski chabi hamesha apne pas he rakhna, ye teri hai beta sirf teri.", Unhone bhi Arjun ke gaal ko sehlate hue sneh jatate hue chabi bete ke hath par rakh di.
"Aap mere sath chalengina market jab shopping karni hogi? Na mat karna please.", Arjun ne unhe manate hue kaha toh Rekha ji ki wahi muskaan chehre par aa gayi jiske liye Arjun ye sab kar raha tha.
"Jab bhi tu kahega main chal padungi. Ab ja ke apni daadi aur chachi se mil le, unhe nikalna hai.", Car se bahar aate hue Rekha ji ne kaha toh woh bina kisi ko dekhe andar daud gaya. Ghar ke bheetar sabhi car ke darwaje tala lage ho ya na is se koi farak nahi padta tha.
"Ye toh subah se he mujhe ignore kar raha hai. Chachi main isliye he nahi aana chahta thi haveli se idhar. Koi mujhe ignore kare ye mujhe bahot bura lagta hai.", Vinni ne saaf saaf Rekha ji se kaha aur naraaj hone lagi.
"Didi, woh andar gaya hai na toh aap bhi chali jao. Kaan kheench lena uska aur Umed chacha ke saamne woh chuskega bhi nahi.", Ritu ke is sujhaav par Rekha ji ne bhi hanste hue haan laga di thi.
"Dekh lo chachi, waha usne meri insult ki toh main fir aaj rukne wali nahi yaha aur seedha shaadi ki jagah he aaungi. Keh deti hu.", Vinni ko itna naraaj dekh Rekha ji bhi bol padi.
"Koi baat toh hogi jis wajah se Arjun aisa kar raha hai. Ye tum dono jaante ho aur fir tumhe he baat karni chahiye. Dikhta nahi lekin thoda ziddi woh bhi hai jab baat apno ki ho. Naraaj hone ka haq usko bhi toh hoga.", Rekha ji apne sath Komal ko le jaate hue Vinni ko pyaar se samjha gayi.
"Aapne mara tha na bhai ko? Mujhe bataya tha usne, lekin ab manao aur woh daadi ke saamne pakka maan jayega nahi toh dada ji bhi toh udhar he hain.", Ritu ne aankh maarte hue kaha aur Preeti ki taraf chali gayi. Dono ko kuch kaam tha jiske liye Preeti ne he bulaya tha Ritu ko apne ghar.
"Thik hai. Mujhe nahi pata tha ke woh itni purani baat ko dil pe liye hoga. Aur tujhe kaise pata ye sab.", Vinni poochti reh gayi lekin Ritu ja chuki thi. Fir dhime kadmo se woh bhi idhar he chal di jaha baaki sab the. Kursi par Col sahab aur Pandit ji baithe the aur bed par Purnima ji, Chandro devi, Kaushalya ji aur ab Arjun bhi. Umed Singh bhi ab tayaar ho kar ek taraf kursi par baithe the. Vinni ne aate he dekha ki Arjun uski daadi ke sath chipka baitha tha aur Purnima ji bhi uske baal sehlati baat kar rahi thi.
"Sorry. Lekin itni purani baat par tum abhi tak mooh banaye baithe ho?", Vinni abhi bhi thoda akad ke khadi thi unke saamne. Arjun ne chehra Purnima ji ki taraf he kar liya.
"Kya baat kar rahi ho tum aur sorry kis liye?", Umed Singh ne apni beti ko dekhte hue sawaal kiya toh sabhi bas Vinni ko he dekh rahe the siway Arjun ke jo mooh chhupaye bas muskura raha tha.
"Ye itna bada ho gaya hai aur dekhiye na papa 13 saal purani baat pe mooh fulaye baitha hai. Aaj isne ek baar bhi mujhse baat nahi ki hai. Sab itna gunn-gaan kar rahe hai iska aur mujhe lagta hai bas drama he hai."
"Daadi, ye kaisi sorry bol rahi hai.?", Arjun ne dhimi awaaj me Purnima ji se kaha jisko is kamre me lagbhag sabne suna tha.
"Haan, bata tu ye kaisi sorry bol rahi hai jisme itna gussa dikha rahi hai mere bache par?", Purnima ji ne bhi narajgi se Vinni se poocha.
"Wo ye hamesha ulta seedha bolta rehta tha na isliye maine iski pitaai kar di thi ek baar. Fir toh milna he nahi hua aur ye us baat ko he dil pe liye baitha hai ab tak. Gussa toh mujhe bhi aayega na jo ye itna ignore karega. Badi hu main is se aur agar ab bhi ye nahi mana toh fir se gaal laal kar dungi main iska.", Vinni ne kamar par hath rakhte hue kaha. Gusse me sachmuch woh laal ho rahi thi.
"Atcha, samjhane ki jagah tu iski pitaai kare aur fir sorry maangne ki jagah sorry chheen rahi hai. Hath laga ke dikha jara mere bete. Main bhi yahi baithi hu aur tere baap me bhi himmat nahi jo beech me bol sake.", Purnima ji ne Arjun ke dono gaal hath me liye kaha. Rameshwar ji aadat anusaar beech me bolne lage.
"Bhabhi, bacho ki baat hai."
"Aap toh chup he karo ji.", Kaushalya ji ne unhe chup karwa diya. Vinni idhar udhar dekhne lagi aur koyi apne sath na dikha toh dhamm se Arjun ki he bagal me baith gayi.
"Chal sorry. Gussa mujhe bhi tere jaisa he toh aata hai. Lekin tu bata itni purani baat ke liye koyi aise naraaj rehta hai kya? Dekh ab khatam kar ye baat, saare he teri taraf hai. Mujhe na hurt hota jab koyi ignore kare toh, aadat hai meri.", Vinni ki aankhon me sachmuch he thoda paani aa gaya tha. Lekin is se pehle ki woh rone he lagti Arjun ne palat kar unhe gale laga liya.
"Badi ho toh iska matlab ye nahi ke chhote he saamne se aa kar mile. Subah daadi se main mil raha tha tab toh dekh ke bhi najre hata li thi. Maine bhi fir wahi kiya, aaya maja Vinni Tinni.", Jaise Arjun chidata tha bachpan me waise he bolne laga.
"Dekho lo daadi isko. Main 6 saal badi hu is se aur abhi tak mera naam bigadta hai. Tu chal mere sath main tere kaan atche se marodti hu."
"Ab na 6 saal toh beech me rehne he wale hai lekin 6 inch lamba hu aapse. Marodo mera kaan aur dekh utha kar andhere wale kamre me band na kiya toh kehna. Mummy bhoot karke shor machane lagogi.", Vinni andhere se abhi tak darti thi lekin Arjun ke aise kehne par woh khud jor se uske gale lag gayi.
"Atcha sorry, ab pareshan nahi karungi. Subah jaanboojh kar ignore nahi kiya tha maine.", Vinni kehne ko ye keh rahi thi lekin Arjun ke seene se lagi woh aur bhi bahot kuch mehsoos kar rahi thi.
"Ho gaya tumhara samjhota, dekh liya mere bete ka bada dil. Teri toh saari baatein yaad rakhe hue hai aur fir iski baad sahi hai. Isne toh teri maa se bhi pyaar se mulakaat ki thi lekin tu he ignore karegi toh ye bhi waisa he karega. Chal ab chhod mere bete ko aur jaa ke apni behno ka sar kha.", Purnima ji ne itna kaha toh Vinni alag hote hue khadi hui aur jaate hue fir se Arjun ke sar par chapat lagati bhaag gayi.
"Dekh lo aap log."
"Tere sath he karegi ab. Ek he chhota bhai hai uska aur teri baat bhi galat thi jo badi behan ko aise sata raha tha. Itne saal baad ladki ghar aayi aur janaab ko maafi mangwani thi. Jaa ke dusre ghar chakkar laga aa, mistri 5 baje chale jaate hai aur 10 minute baaki hai. Tala laga aayio.", Kaushalya ji ne ab Arjun ko fatkaar lagai toh Chandro devi bol he padi.
"Teri na umar hoti Kaushalya jo baalko ke beech rali rahe hai? Rameshwar, bol de teri lugai ne ke chhore sath ult-sult na bolegi. Ja beta Arjun, iski aadat hai toh jaave koni.", Arjun bhi hansta hua Chandro devi ke paanv chhune ke baad Kaushalya ji ka gaal choom kar bahar bhaag gaya.
"Lo aur dekh lo aap. Meri fatkaar ka koi asar na hai is bailbuddhi par. Aur ye sab aapke devar ka kiya dhara hai.", Chandro devi ke sath Purnima ji bhi hansne lagi aur Rameshwar ji Umed Col sahab ki taraf dekh rahe ho.
"Taai ji, chachi ji ki na yahi khasiyat hai ke har baat ke liye chacha ji ko hathkadi lagwa do bas. Haan Bhole ne meri maa ke gaal choome hote toh badi khush hoti. Mera laal toh sirf tera hai Purnima.. tab na phool jhadte hai sirf."
"Chup kar tu bhi. Aaya chacha ka lagta bada, tu aajtak meri goad me soya rehta hai. Inki bhabhi aa gayi toh bas janaab sharif."
"Bas karo thaanedarni ji. Meri bhabhi toh aapke bagal me bhi hai. Ab ijajat ho toh kal ki baat bhi kar le? Market jana hai aapne, samaan lena hai aur fir badi bhabhi ke ghar aur Rammehar ke waha bhi jana hai. Dono taraf shaadi hai aur aapko bas main najar aa raha hu. Umed beta, Shankar na hoga kal aur main teri chachi ko leke nahi jaane wala bahar. Tu teri maa aur chachi ko bajar le jana, Arjun ko is sab ki samajh nahi hai.", Rameshwar ji ne kehne ko keh diya lekin Umed ke sath sath Col sahab ne bhi apne mooh par hath rakh liya tha. Purnima ji ke sath sath ab Chandro devi bhi hansne lagi thi.
"Dhanya ho ji aap. Jiji, Purnima aur bache ek phone karte the na ke chhuttiyan padd gayi hai toh thaane se seedha inhe lene chale jaate the aapke devar, bina ghar bataye. Ek baar toh film bhi le gaye the aur mere sath market jana bhi bhaari hai. Akele chali jayio tu Purnima, dekh fer 2 ghante ka kaam 5 me karke na aaye."
"Kaushalya bas bhi kiya kar kabhi toh. Teri aadat hai na ye chuhal karne ki woh jayegi nahi. Film wali baat bhi main bata deti hu jiji ko. Jiji, Kaushalya ne mujhe bulaya tha film ke liye jab aapke dusre devar bhi the. Unhone kaha ke ticket mushkil hai Rameshwar ko keh kar karte hai kuch hal. Aap toh madam wahi ruk gayi aur idhar hum log wapis aaye toh ye kaam se chale gaye aur main bhai sahab ke sath andar aayi ticket le ke toh picture shuru ho chuki thi. Inke barabar koi baith chuka tha toh sath wali par hum log baith gaye. Ye toh aayi nahi is taraf. Aur aaj tak maje leti hai. Mere devar ke sath film dekhi maine tujhe jo sochna woh soch.", Ab Purnima ke tunakne par Kaushalya ji bhi hansne lagi thi. Yaha inka halka-fulka majaak kuch aur der hua fir Umed Singh ke sath Purnima ji aur Rajeshwar ji ne vida li.Vinni ne bol diya tha ke woh aaj yahi rehne wali hai.
.
.
kramash
Mukaam - Haansil/Pryaas (3)
Aacharya Pramod Shashtri ji ko vivah ka nimantran dene ke baad Arjun Himani ke sath university ke liye nikal chala tha. Subah ki ujli kiran si surkh Himani kuch alag he mehsoos kar rahi thi jaise he woh ghar se bahar Arjun ki motorcycle par baithi. Dupatta sar pe ghumate hue gale me lene ke sath he Himani ne apni aankho ko is kaale chasme se dhank lia tha. Arjun ko yu chup-chaap dekh usne he baat ki shuruaat ki thi.
"Sorry. Subah woh maine jaise kaha waise nahi kehna chahiye tha?", Dono hath apni goad me liye woh saare kagaj-file majbooti se pakde thi. Dil me ajeeb si bechaini ho rahi thi. Ek sach ye bhi tha ke Australia me akele rehne wali Himani ko yaha dhalne me thodi pareshani bhi aa rahi thi. Arjun se woh bhi baat karna chahti thi lekin shayad woh shabdo ka chayan karne me asmarth ho jati thi.
"Aapne toh kuch bhi galat nahi kaha tha. Main aur dada ji he toh duniya bhool kar apne me lage hue the. Aur main samajhta hu ke aapko kuch pareshani abhi bhi hai.", Arjun ne gali me se motorcycle mukhya sadak par apni disha me badhate hue jawaab diya aur peeche dekhne wale gol shishe ko sadak ke hisab se thik karne laga.
"Haan. Main irritate hone lagti hu aur jabse yaha aayi hu bas nana ji ko he toh jaanti hu. Tumhe bhi unke he sath dekha hai bas. Waise kal bhi tum bina jawaab diye nikal gaye the aur aaj bhi. Bura toh mujhe bhi laga tha.", Himani ne ab thoda sambhalne ke hisab se ek hath Arjun ke peeth par tika diya.
"Sorry. Kal toh mera dhyaan bas us car par he tha aur aaj subah main dada ji ke saamne ye toh nahi keh sakta tha ke aap badi atchi lag rahi hai. 3-4 baar dekha bhi hai toh bas wahi jogging wale dress me. Sorry mera matlab tha ke aap aise he raha kijiye.", Arjun ne kehne ko toh baat keh di lekin ab Himani ki jagah usko ghabrahat ho rahi thi. Peeche baithi Himani ke chehre par bhaav pata nahi kaise the kyonki aankhen toh dhanki thi aur aadha chehra dupatte ke peeche tha. Bas woh surkh honth ek taraf se thoda lambe ho gaye. Kuch pal shaanti rahi toh ab Arjun khud ko dosh de raha tha.
"Tum ye sab bhi sochte ho?", Himani ne he chuppi todi jab woh laal-batti par aa ruke. Savere ke is waqt he thodi bheed hoti thi aur Arjun ne gor na kiya lekin uske dusri taraf ye esteem bhi khadi thi.
"Isliye toh sorry kaha aapko. Main jaldi he khul jata hu agar kisi se thoda bahot mil leta hu.", Arjun ne batti par 5 second ka samay dekhte hue kick laga kar motorcycle chalu ki aur hari hote he aage badh liya. Ye car bhi thodi duri banaye uske kareeb he thi. Ab Himani ke chehre par vishesh bhaav na the.
"Mere ek baar sorry ke baad tum itni baar sorry bol chuke ho. Leave it aur ab mujhe bura nahi lag raha. Waise tum thoda khud ko badal he lo Arjun.", Arjun ko ye baar nahi samajh aayi thi ke woh kaise badal le. Lekin usne ek taraf nigah ki toh gol chakkar se uske papa ki esteem shehar ki taraf nikal chali jaha hospital tha aur woh stadium ke saamne se university wali sadak par ho liya.
"Badal lu? Jaise ki?"
"See. World is not this much transparent and a person like you are really vulnerable as you are opposite. Itna spashst ya saral bhi nahi hona chahiye. Mujhe lagta hai ke hum friends jaise toh hain he. Tum kya kehte ho?", Arjun ne motorcycle dheemi kar li thi ye sab sunn kar. Aur saamne juice ki dukaan par Balbir bhai Suman ke sath baatein kar raha tha jiska dhyaan Arjun ki taraf bilkul na tha. Arjun bhi apne raste par dhyaan dene laga.
"Haan toh hum dost hain."
"Actually tum mere pehle male friend ho. Let me clear this thing, jis se tumhe bura na lage. Mom ka sach mujhe pata laga toh mujhe apne aas-pas males (purusho) se ghutan hone lagi. Meri schooling bhi is wajah se nana ji ne sirf girls school-college me karwa di thi, waha Australia me.", Himani ki baat sunn kar Arjun ka antarman vichlit sa ho gaya tha.
"Mujhe lagta hai badlaav ki aapko jyada jarurat hai. Har vyakti alag hota hai aur jaruri nahi sabki wahi mansha ho jaisi ek ki thi. Agar aisi he baat hai ke aapko purusho se darr ya parhej hai toh mere sath bhi nahi aana chahiye tha.", Arjun university ke bade gate se andar aane laga toh hamesha ki tarah suraksha karmi ne muskurate hue hath hilaya toh Arjun ne motorcycle ek taraf rok li.
"Kaise ho bhaiya? Ye Himani didi hai aur agle 2 saal yahi MBA ki padhai karne wali hai.", Arjun ne register me aaj entry ki toh Suraksha karmi thoda hairat se dekhne laga.
"Arjun bhaiya, aapki didi ko yaha asuvidha nahi hone wali aur entry ki kya jarurat thi.?", Inhone poori ijjat se Himani ko namaskar kiya aur Arjun se baat ki. Ye vyakti he jaise suraksha pramukh tha yaha.
"Inki entry ki hai bhaiya. Waise Gullu aur Meenu kaise hai?"
"Bahut he atche hai Arjun bhaiya, pooch rahe the ke chacha nahi aaye aur kahani ki kitabe leke. Ab toh apni maa aur mujhe chitra dikha dikha kar khud he kahani sunate hai dono.", Suraksha karmi ke chehre par ye nischall muskaan aa gayi thi apne bacho ka jikar karte hue.
"Jaldi he milunga bhaiya. Meri 2 aur didi bhi yahi aane wali hai, unka bhi dakhila aaj karwa raha hu.", Arjun ne fir se motorcycle chalu karte hue hath hilaya aur aaj hostel se dusri taraf is seedhi sadak par chal diya. Himani ne dono taraf saaf sadak aur chhayadar vriksh dekhte hue dupatta sar se hata liya tha
"Tum yaha aate-jaate rehte ho? Aur wo security guard ke bacho ki baat ho rahi thi na?"
"Haan, woh bhaiya he incharge hai baaki security ke. Inke bache abhi chhote hai toh main unhe kahani ki kitabe dete rehta hu. Ye MBA college hai aapka.", Is gulabi pathar se bani badi imarat ko dikhate hue Arjun ne motorcycle stand par lagayi toh Himani dekhne lagi yaha bade golakar ghere me lage fuharo aur har taraf saleke se lage aakarshak lambe patto wale peido ko. Mahol atcha tha yaha aur kayi yuvtiya chhatri liye batiyati hui aa ja rahi thi. Kadam badhate he ab file Arjun ke hath me thi aur Himani dupatta thik karte hue uske barabar chalne lagi.
"Ye tumhe ghoor rahi hai, aise toh nahi karna chahiye.", Saamne se aati 2 ladkiya nirantar inhe he dekh rahi thi aur pas aate hue woh muskura bhi gayi.
"Aapko dekh rahi hai, mujhe bhala dekh kar kya hoga. Ye admission window is taraf hai.", Arjun ne imaarat ke ek taraf wale hisse me jaate hue kaha toh line dekh kar Himani bas hairaan ho rahi thi.
"Arjun, yaha itni bheed hai. Sabhi MBA me he admission lenge kya?", Pehli baar Himani ne uska hath pakad liya tha. Arjun bas muskurane laga Himani ka darr dekh kar.
"Yaha BBA, MBA aur 2-3 department hai. Waise bhi MBA me bhi alag alag streams hai toh itna mat sochiye ke bheed hai ya kya. Haan thodi pratiksha toh karni he padegi.", 2 kataar thi jinme harek me kareeb 30-35 ladkiyan aur kuch he ladke the. Shayad ladke engineering aur dusre course me jayda itchhuk ho. Abhi dono he ye soch rahe the ki konsi kataar me laga jaye aur Arjun ke pas Librarian Naveen aa khade hue.
"Kaise ho Arjun? Hello Miss. Yar tum sahi ho jo kitne he din dikhte bhi nahi. Ab yaha admission lene lage ho kya?", Naveen koi 30-32 saal ka patla lamba sa yuvak tha jisne aate he Arjun ka hath thaam liya. Aupcharik taur par Himani ko bhi hello kaha aur Arjun ke hath se file le li.
"Nahi Naveen bhaiya aisi koi baat nahi hai. Woh Punjab jana pada aur fir ab thode he din me didi ki shaadi hai toh kaam me ulajh gaya. 3 prospectus leke toh gaya tha aapke sath, teeno didi ka admission karwana hai. Bas thodi der me faarig ho jaunga is sab se. Waise aapse milne toh parso he aaunga lunch time par.", Arjun unke sath he baat karta line me lagne laga lekin Naveen file liye ek taraf chalta hua khidki ke pichli taraf ghuss gaya. Arjun is samay beech me khada tha jaha se thodi dur Naveen aur utni he duri par Himani akeli khadi thi.
"Idhar aa jao bhai. Aur didi ko bolo 5 minute baith jaye.", Naveen ke aisa kehne par Arjun jhijhakta hua us taraf chal diya, Himani ko ek taraf lagi kursiyo par baithne ka ishara karte hue.
"Ye thik toh nahi hai bhaiya. Waha log line me lage hai.", Arjun ne dekha ki yaha ek atirikt mahila bhi baithi thi 2 khidki par baithe logo se. Aur woh naam anusaar Himani, Komal aur Priyanka ka data teji computer me daalne ke baad print nikalne lagi. Naveen ne toh Arjun ko bas khade rakha kandhe par hath rakhe.
"Lo bhai ye aa gayi admission slip. Aur class ka kuch change karwana ho toh ye hamari Nagpal madam hai. Miss Khusbu Nagpal, Admission pramukh aur madam ji ye apne VC sahab ke chahete Arjun Sharma hai, mere chhote bhai jaise bhi.", Ab Arjun thoda jhemp raha tha aur idhar in madam ne muskurate hue Arjun ko dekha aur 2 register waha se utha kar bahar chal di.
"Bhaiya fees?", Arjun ne jeb se paise nikal kar aage badhaye toh Naveen ne bhi woh paise ek taraf baithe vyakti ko pakda diye.
"Mehta ji, 3 students ki fees hai MBA ki, Nagpal madam toh bas parchi kaat kar chali gayi. Jama kar do gin kar.", Mehta ji ne chasma thik karte hue paise liye aur parchi par najar daalte hue machine me paiso ki ginti karne lage. 2-3 minute se jyada na laga aur parchi par thappa laga kar unhone wahi mand si muskaan dono ko di.
"Thank you sir.", Arjun ne abhaar jataya toh Mehta ji ne sar par hath fer diya
"Naveen bhi apne bete jaisa hai aur tum bhi. Milte rehna, waise hafta fursat toh nahi lekin uske baad main bhi library me he dikhunga.", Mehta ji bade hansmukh the. Inse baat karte hue woh baaki students ki bhi file le rahe the. Naveen aur Arjun bahar nikal aaye toh Arjun ki najar fir se Miss Khushbu Nagpal par padi jo 2-3 abhibhavko se baat kar rahi thi.
"Ye admission wali he madam hai na bhaiya?"
"Hahaha.. Bhai woh waha record lene gayi thi aur maine majaak me kaha tha ke admission head hai woh. Miss Nagpal HR subject padhati hai aur sath he apne papa ki help karti hai jo admission head hai. Unki classes nahi hai toh woh yaha time-pas kar rahi hai. Sabhi yahi university campus me he rehte hai toh aapas me family jaisa hai hamara. Kabhi fursat lage toh quarter bhi dikha dunga tumhe.", Naveen ko kisi ne awaaj di toh woh hath hilate hue nikal liya. Miss Khushbu ne bhi ek najar Arjun ko dekha tha jis par Arjun ne bhi aadar-sahit dhanyawad jataya aur Himani ke pas aa khada hua.
"Yar tumhe toh bahot log jaante hai yaha. Line toh abhi bhi waisi he hai aur tum admission karwa kar aa bhi gaye.", Himani gor se parchiya dekh rahi thi. Woh ab thoda khush bhi thi aur usko atcha laga tha ye dekh kar ki Arjun ko yaha log jaante hai jis se usko pareshani nahi hone wali.
"Woh sab chhodiye aap, ab mere ghar chalna hai aapko. Books toh fir kabhi le lenge jab market jana hoga.", Arjun ke aisa kehte he Himani thoda pareshan hone lagi.
"Maine lens nahi lagaye aaj. Fir kabhi chal padungi?"
"Chasma lagaye rakhiyega agar itni he insecurity hai aapko. Waise aapke yaha bhi toh abhi koyi nahi hai. Dada ji bhi toh keh rahe the ke hamare baad woh bhi nikal rahe hai 3 din ke liye.", Arjun ne apni baat rakhi toh Himani kuch der sochne lagi.
"Nana ji nahi hai isliye toh ghar rehna jaruri hai Arjun. Waha sirf maid ke bharose nahi reh sakte lekin kal main pakka tumhare ghar chalungi. Waise Abhi sadhe 10 hue toh tum meri ek help aur kar do.", Ab Arjun ne bhi socha tha ke woh jyada zidd nahi karega. Kaam ki baat sunn kar usne sar hila diya.
"Yaha fish feed kaha mil sakti hai kuch idea hai?", Himani ke aisa kehte he Arjun hans diya.
"Mujhe laga pata nahi kitni he badi baat hogi jo aapki shakal itni gambhir ho rahi thi. Model town me hai pet shop aur waha aisa sab samaan mil jata hai. Chaliye mujhe bhi udhar he ek kaam hai. Wo bhi ho jayega.", Is baar Himani sehaj he baith gayi thi Arjun ke peeche aur yaha se nikalte hue bhi woh dekh rahi thi ki pehle wali dono he ladkiyan aage ek peid ke niche khadi thi aur Arjun ko dekh kar fir se muskurane lagi thi.
"Chiii.. Ye ladkiyan badhi deeth hai. Kaise dekh rahi thi abhi bhi.", Himani anjane he Arjun se satt kar baith gayi thi. Ek hath kamar me daal kar.
"Wo stadium ki wajah se jaanti hai thoda bahot. Main waha boxing ke liye jata hu na aur ye ladkiyan wahi basketball practice karti hai. Aisa kuch nahi hai ke woh deeth hai ya kuch aur.", Arjun ne ladkiyon ka paksh rakha aur idhar Himani ka hath kamar se wapis goad me aa gaya. Woh ajeeb he thi. Kabhi unmukt, kabhi sanjida aur kabhi niraash. Agle 2 kilometer dono me khaas baat na hui lekin Arjun jaruri raste aur chowk batata ja raha tha, jawaab me Himani bas haa-hu karti ek tarah se he baithi rahi.
"Ye lijiye hum pahuch gaye aapki jarurat ki jagah. Chaliye.", Ek taraf chhaya me motorcycle khadi karke Arjun ne is parking ke dusri taraf market dikhate hue Himani se kaha aur sath liye is badi dukaan par aa gaya. Kutte, billi, pakshiyo aur machli ke chitra lage bata rahe the ke yaha unse sambandhint sab samaan milta hai. Himani sakuchati hui andar aayi toh Arjun ne he counter par khade 17-18 saal ke ladke se machli ki khuraak ke baare me poocha.
"Bhaiya kaunsi nasal hai? Har machli ki khuraak alag hoti hai aur sath he paani saaf rakhne ki dawa bhi.", Andar ki taraf ek bujurg sardar ji baithe akhbar padh rahe the, wahi maalik the is jagah ke. Yaha Himani ne jawaab diya.
"Koi fish hai. Aur wo waali feed hai jo upar rakhi hai. Aapke pas dog collar aur leash bhi hogi."
"Ji haan, kuch toh yaha rakhe hai aur baaki neeche hai. Chaliye main dikha deta hu.", Ladka counter ke upar rakha fatta khol kar aage aaya toh Arjun ne Himani se apne kaam ki baat kahi.
"Aap yaha dekho main 5 minute tak aa jata hu. Yahi paas me he shop par ek order dena hai.", Himani ne bas Arjunko dekha lekin chasme ki wajah se Arjun aankhen na dekh paya. Wo sehmati samajhte hue Himani ke aage jaate he bahar nikal gaya. Arora electrical 10 dukaan chhod kar he thi jaha Arjun ne AC ke liye kehna tha. Woh tej kadmo se chalta idhar aaya toh aaj Lucky ki jagah uske pita ji aur Dimpi baithe the. Dimpi shayad kuch khel rahi thi pen aur kagaj se.
"Namastey uncle ji. Wo dada ji ne 3 AC aur fitting karne wale ko bhi ghar mangwaya hai. Lucky bhaiya ko phone kiya tha lekin shayad aapse he baat hui hogi unki."
"Kaise ho Arjun beta. Pehle baitho bhai tum toh khade gaanv se aaye ho. Dimpi, kabhi dekh bhi liya kar ke koi pehchan ka bhi aata hai.", Dimpi Arjun ko dekhte he muskurati hui uske pas aa gayi. Uncle ji ne ladke ko awaaj de kar kisi ko bulane bhej diya.
"Oh toh Arjun maharaj padhare hai aaj yaha. Kaise ho aur kya baat stadium aana jana band kar diya kya?", Dimpi ne hath milane ke baad seedha sawaal kiya aur Arora ji kisi se phone par baat karne lage.
"Kaha stadium. Dekh rahi ho na abhi bhi kaam se he aaya hu idhar. Sanjeev bhaiya aur Madhuri didi ki shaadi hai toh jitne bhaiya nahi aa jaate itne toh mera mushkil hai stadium aana jana. Waise tum batao, aaj dukaan par kaise?", Dimpi se paani le kar peete hue Arjun ne poocha toh woh kuch jyada he khush najar aa rahi thi.
"Jaati hu lekin maja nahi aata, Preeti bhi aajkal nahi aa rahi. Waise ghar pe kuch karne ko tha nahi toh idhar papa ke sath aa gayi. Ab tum mil gaye toh aana safal hua. Card dene toh aaoge na?"
"Dadaji aaye toh sath aaunga lekin bhaiya ya tauji aaye toh pata nahi. Waise tum bhi aa he sakti ho, ghar toh tumhe atche se pata hai.", Arjun ne gilas rakha toh bahar rehde par 2 majdoor AC ke bade dabbe laadne lage the.
"Tumne aaj pehli baar bulaya hai woh bhi itne din baad. Yahi dekh rahi thi main. Chalo ab tumne bulaya hai toh pakka aaungi, saturday ko.", Abhi woh baat kar rahe the ke uncle ji idhar chale aaye.
"Arjun beta Rehde wala toh 20 minute me tumhare ghar pahuch jayega aur fitting wale ladke bhi aa rahe hai, tumhare ghar pahuchte he woh bhi aa jayenge.", Woh apni gaddi par baithe toh Arjun ne batue se ye check nikal kar pakda diya.
"Uncle ji ye dada ji ne diya hai, baaki baat woh aapse kar he lenge phone par.", Check 2 laakh ka tha jisko dekh kar Arora ji samajh gaye the ke abhi aur samaan bhi jaane wala hai.
"Chai-nashta mangwata hu beta. Tum akele toh aaj he aaye ho.", Woh uthne he lage toh Arjun ne mana kar diya.
"Fir kabhi uncle ji, abhi aur bhi kaam hai. Aap bhi milne aa jana, ab toh papa ka bhi tabadla yahi ho gaya hai.", Arjun ne hath jodd kar vida lete hue kaha aur unhone bhi aane ka vaada kiya.
"Kitni jaldi me ho. Koi intjaar kar rahi hai kya?", Arjun ke sath gate tak aate hue Dimpi ne hanste hue kaha aur Arjun ko jaise kuch yaad aa gaya.
"Sorry. Sachmuch didi intjaar kar rahi hai pet shop par. Jaldi milta hu tumse.", Arjun ko jaise ab yaad aaya tha ke Himani ke chehre par woh kaise bhaav the. Tej kadmo se lagbhag daudta hua woh idhar aaya toh dukaan ke andar wahi ladka khada tha. Machli ki khurak wahi counter par rakhi thi.
"Wo didi kaha gayi?", Arjun ne hadbadate hue poocha.
"Woh toh aapke nikalne ke baad neeche se aadhi seedhiyo utarte he bahar nikal gayi. Samaan bhi nahi le gayi aur ye purse bhi idhar he bhool gayi.", Ab Arjun ko galti ka ehsaas ho raha tha. Himani pehle shayad naraaj thi jis wajah se thodi khamosh thi lekin usne Arjun ko bataya bhi tha ke anjaan purusho ke aas-pas usko ghutan mehsoos hoti hai. Dukaan se bahar nikal kar woh idhar udhar dekhne laga lekin khaali parking aur dukano ke saamne wo kahi na dikhi. Ab sachmuch maathe par paseena aa gaya tha uske.
'Kya jawaab dunga main dada ji ko..' vichlit mann se woh har taraf dekhne laga toh motorcycle se he thodi duri par vriksh ke niche sehmi khadi Himani dikh he gayi. Arjun daudta hua uske saamne aa khada hua. Kuch pal woh bas Arjun ko dekhti rahi aur chasme ke andar se ludhakte woh aansu bata gaye the ke Himani ki haalat kya hogi. Arjun ko apni bhool ka ehsaas toh ho he gaya tha lekin Himani ki aisi dasha dekh woh bhi khud ko kosne laga. Bina kuch baat kiye usne bas Himani ko gale se laga liya.
"Sorry. badi galti ho gayi mujhse. Please maaf kar dijiye, main bhool gaya tha ke main aapko akela chhod ke ja raha hu. Sorry aainda agar aap bahar aayengi toh ek pal bhi alag nahi jaunga.", Himani chhote bacho si subakne lagi thi.
"Arjun main mana bhi kiya tha jaane se tumhe. Pata hai kitna darr gayi thi main basement me utarte hue, waha niche aur bhi log the lekin mudd kar dekha toh tum mere sath nahi the.", Subkiyan seene ko bhigone he lagi toh Arjun ne mahol samajhte hue Himani ko thoda alag kiya aur chasma hata kar rumaal se uski aankhon se behte aansu saanf kiye.
"Bola tha na ke ye chasma mat pehno. Chalo samaan le kar yaha se chalte hai.", Arjun ne bade pyaar se jaise chehra saaf karne ke baad ek hath me chasma aur dusre me Himani ka hath thaam liya toh Himani ka bhi rona band ho gaya tha. Woh sakuchati hui sath chalne he lagi thi ki bol padi.
"Sorry. Bas mujhe darr lagta hai aise isliye nana ji yaha le aaye the aur main ghar se bahar bhi nahi aati. Tum help karoge toh ye darr khatam ho jayega. Wo dukaan wala bhi kya soch raha hoga na?", Himani kisi sehmi hui bachi ki tarah Arjun ka hath thaame chal rahi thi. Ab jaise uska dhyaan apni beparda aankhon par gaya.
"Woh bhala kya sochega lekin purse bhi wahi bhool aayi aap."
"Mera chasma."
"Iski koi jarurat nahi hai. Mere sath ho toh khud ko alag samajhna band karo ab."
"Please. Yaha pehan lene do, samay aane par apne aap iski aadat chali jayegi.", Dukaan se bahar he Arjun ne khud apne hatho se chasma laga diya.
"Darna band kijiye ab. Yaha koi aisi waisi harkat karne wala insaan nahi hai. Aap safe hai aur sab apne kaam se kaam rakhte hai idhar.", Andar aane par bhi Himani majbooti se uska hath pakde thi. Samaan lene ke baad Arjun ne he purse Himani ko thamaya aur fir usko chhodne ghar ki taraf chal diya.
"Akele kaise manage karti ho ghar me? Darr nahi lagta kya?"
"Akelepan se toh darr nahi lagta aur waha ghar par bahut kuch hai jis se main khush rehti hu. Sorry, bahot weird feel ho raha hai ab."
"Koi baat nahi. Har mukaam jaldi nahi milta aur jaha jakhm ho waha toh thoda jyada he samay lag jata hai. Aapko isliye keh raha tha ke mere ghar chaliye, aapko atcha lagega. Meri didi badi samajhdar aur caring hai. Agle 2 saal woh aapka poora khayaal rakhne wali hai toh aapko unse milna chahiye.", Arjun ne in jaani-pehchani sadko par araam se motorcycle chalate hue kaha aur fir gol shishe me ke najar Himani par daali toh ab woh jhijhakti hui chasma utare usko he dekh rahi thi. Ek neeli aur dusri bhoori aankh is din ke ujaale me kitni adhbhutt lag rahi thi ye Arjun saaf dekh pa raha tha. Fir jhempte hue najar saamne ki aur Himani ki tarif karne laga.
"Atchi bhali ho aap fir bhi jaane kyu khud ko he chhupaye rehti ho. Ritu didi ne aapki aankhen dekh li toh woh aapke peeche he padd jane wali hai.", Arjun ki baat par chhoti si muskaan Himani ke chehre par bhi aa gayi.
"Itna asaan nahi hai ye sab Arjun. Ek tarah ka dosh he toh hai ye aankhen jo mujhe jara bhi pasand nahi."
"Inhe vardaan kaho toh behtar hai. Lijiye aapki manjil aa gayi aur aasha karta hu maaf kar chuki hongi us galti ke liye."
"Tumhari koi galti nahi hai. Main badi ho kar bhi kamjor hu lekin tum atche ladke ho. Kal lene aaoge na?"
"Tayaar rehna aap, main 10 baje ke aaspas aaunga. Apna dhyaan rakhiyega.", Arjun jaane laga toh Himani ne hath milate hue kaha.
"Thank you very much Arjun. Atche dost ho tum, aise he thoda bahot jhelte rehna is pagal ko. Kal milte hai.", Himani ke jaane ke baad bhi Arjun kuch pal bas dekhta raha aur fir sar jhatakta hua apne raaste ho liya.
.
.
Ghar abhi bhi vyast dikh raha tha aur Arjun ne kaam karwana he behtar samajhte hue pehle mehmaan kamre me AC lagwaya aur fir baithak ko ab khaali dekh kar idhar kaam poora karwa diya. Kaushalya ji ke kamre me filhal chai-nashte ka daur chal raha tha jaha abhi sirf bujurg mahilaye he thi. Rajeshwari chachi ab Rekha ji ke kamre me thi jaha unke sath Romela ji aur Renuka bhi maujud thi. Rameshwar ji bhi Sangwan ji aur Col sahab ke sath Col ji ke he ghar chale gaye the aur Umed Singh bhi Sitara Devi ko le kar unke gaanv nikal gaye the jaha tayaariya jari thi Vikas ki nigrani me. Arjun dono vyaktiyo aur is aakhiri AC ke sath upar chala aaya tha, Sanjiv bhaiya ke kamre me.
"Bhaiya, power plug idhar hai aur khidki yaha se nikalni padegi. Stabliser laga kar aap taar ko atche se is patti ke sath he rakhna.", Arjun unhe samjha bhi raha tha ke koi bhi taar aadi-tedhi nahi lagana aur jitna kam se kam tod-fod ho utni he karni hai. Dono vyakti pehle he dekh chuke the ke ye ladka har cheej par dhyaan de raha hai. Wo bhi koyi jaldbaji kiye bina ab saleeke se kaam kar rahe the. Arjun ne chai-paani ka bhi khayaal rakha tha aur khud bhi unke sath barabar hath lagwa raha tha.
"Bahi tum kyu mitti me mitti hote ho? Apna roj ka hai ye sab karna, tumhe chot-vot aa gayi toh hamara bhi dil dukhega.", Ye vyakti koi shikayat nahi kar raha tha kyunki bahar wali seedhiyo se Arjun he AC uthwa kar yaha leke aaya tha. Lekin dihadi wala vyakti parwah toh karega he.
"Aisi baat nahi hai bhaiya. Ek toh aap itna jyada kaam kar rahe hai upar se halat bhi dekho jara. Main toh ye taar, khidki ke bahane aapko araam he de raha hu. Sharir itna bhi matt istemaal kijiye ke meri jagah aapko dikkat aaye. Koi jaldi nahi hai.", Ye vyakti ab hansne laga tha Arjun ki soojhboojh dekh kar.
"Ho he gaya chote ustaad. Maan bhi li tumhari baat aur ye taang di machine. Chalu kar ke dekho fir taar par gitti laga dete hai.", Sachmuch koi tod-fod na hui thi yaha. Khidki me AC atche se fit ho gaya tha aur ab chalu bhi ho gaya tha. Is beech ye teeno he log paseene se naha gaye the, yaad bhi nahi raha tha ke kamre me pankha he chala le. Kaam khatam hote he Arjun ne 500 rupaye apni taraf se deke dono ko vida kiya. Mana karne ke bawjood Arjun ne paise de diye the. Ab kameej ki halat dekhi toh bura haal tha. Hath bhi maile aur sharir bhi chipchip. Wapis upar chala aaya aur kameej utaar kar Tara wale kamre se bathroom me nahane ke liye idhar aa gaya.
"Sorry. Pata nahi tha ke yaha koyi hai.", Arjun ne bathroom se bahar aati Vinita ko saamne dekha toh thithak gaya. Paseene se chamakta Arjun ka tarasha hua jism Vinita ki najro ke saamne tha, jo abhi mooh dho kar bahar nikli thi. Usko toh yakeen he nahi ho raha tha ke Arjun ka jism itna tarasha hua aur maansal hoga. Awaaj kaise nikalti jab aankhe he Arjun par jamm gayi thi.
"Vinni didi, ye Arjun hai aur Arjun ye Vinni didi hai. Vinita Singh, Umed chacha ki beti. Kal he wapis aayi hai bahar se.", Komal didi ke aisa kehne se Vinni ki tandra bhang hui aur Arjun seene par toliya rakhe bas sar hila kar bathroom me ja ghusa. Vinni ke chehre par koi sharmindgi ya jhijhak na thi.
"Ye goonga ho gaya hai?", Vinni ne kamre se bahar jaate waqt bhi bathroom par najar daali thi lekin ab woh band tha.
"Kaha tha na ke bolta kam hai. Waise aap aise kya dekh rahi thi usko.?", Dono is taraf aa gayi thi jaha Ritu ka kamra tha aur baaki sabhi wahi the.
"Dekh rahi thi ke woh mujhe pehchanta bhi hai ya nahi. Waise ye jaldi he bada nahi ho gaya? Ritu se sawa saal chhota hai.", Kamre ke andar aate he woh bister par leit gayi thi. Yaha Richa, jo khud chehra saaf karke is bathroom se aayi thi ke sath Saroj bhabhi baithi thi. Ritu niche chali gayi thi Madhuri didi ke sath kaam karwane ke liye.
"Woh bahot chhota tha didi us waqt. Waise Umed chacha ki beti ho ye jarur jaanta hoga, unke sath Arjun ki atchi jamti hai. Aap baitho thodi der, bhabhi dil lagaye rakhegi aap dono ka main jara maa ko dekh aau. Ritu bhi aa jayegi thodi der me.", Komal didi unhe kamre me Saroj bhabhi ke pas chhod kar niche chali gayi.
"Toh bhabhi ji aap kab se hai yaha par? Lagta toh yahi hai ke jyada samay nahi hua shaadi ko.", Vinita bhi Richa ki tarah bister se tek lagate hue baith gayi. Saroj bhabhi saamne baithi thi paanv jameen par tikaye.
"Jyada samay nahi hua aur yaha saamne he rehti hu is ghar ke. Waise kya charcha kar rahi thi aap dono?", Saroj bhabhi ko bhi jaise jigyasa hui Arjun ka naam sunn kar.
"Kuch nahi bas waise he. Main yaha bahot pehle aati hoti thi tab sabhi chhote the. Ab Arjun ko dekha toh pehchana nahi gaya, baaki sab toh asaani se pata chal gaye the. Aap saamne he rehti hai toh thoda bahot jaanti he hongi ke woh ab itna chupchap kyo rehta hai.?"
"Haan, mujhe bhi ishare se he bata kar chala gaya tha.", Richa bhi is baatchit me shamil ho gayi.
"Arjun toh aisa bilkul nahi hai. Khoob hansi majaak karne wala ladka hai woh. Dil ka bhi saaf hai aur sabse atche se milta hai. Aap dono se aisa kyo kiya ye toh mujhe samajh nahi aaya."
"Woh mujhe dhyaan se jarur dekh raha tha. Aur tujhe Vinni?"
"usko main dhyaan se dekh rahi thi. Matlab main baat karne ki koshish kar rahi thi.", Vinni ne turant he baat palat di.
"Fir toh woh bas hairaan he hoga ke aap log yaha ho. Matlab toh yahi hua ke woh jaanta hai Richa didi ko aur aapse shayad jhijhak raha ho kisi baat par.", Richa ke toh samajh na aaya lekin Vinni muskura di.
"Aisa hai ke woh tha bahot ziddi toh ek baar maine uske gaal laal kar diye the. Koyi tha nahi aas-pas aur woh bas gusse me mujhe anaap-shanaap bol raha tha. Maine pitaai kar di thi aur fir shayad uske baad milna ab hua. Bachpan tha aur main chidhti thi aise bacho se.", Vinni ne ab thoda hanste hue kaha toh bhabhi ko andar andar bura jarur laga lekin jahir na kiya.
"Chhote bache kuch yaad rakhe ya na rakhe lekin apne khaas pal kabhi nahi bhoolte. Jisme sabse jyada khushi ho ya fir jisme unhe dukh hua ho. Baaki mera rishta uske sath bhabhi ka hai aur isliye kya pata woh jyada hansta-bolta ho mere sath.", Saroj bhabhi ki baat khatam hote hote Vinni ke hanste chehre par ab viprit bhaav the. Lekin baat yahi badalni padi inhe Ritu aur Preeti ke aate he. Richa ne bade dhyaan se dekha Preeti ko jo Vinni ko hello karne ke baad us se bhi hath milati hui Ritu ke bagal baith gayi. Saroj bhi bhi hans kar mili thi Preeti se jaise ab inki bhi atchi bol-chal ho.
"Ab ye mat kehna ke aap isko jaanti hai.", Ritu ke itna kehte he Vinni ne naa me gardan hila di.
"But she's beautiful. Aankhe sachmuch aisi hai ya lens lagaye hue hai?" Vinni ne hath pakad rakha tha Preeti ka. Lambi-sudol Preeti ka noor alag he tha apni sabse khoobsurat hone wali nanad se. Vinni ki baat par Preeti bas muskura bhar di.
"Haan ye gudiya jaisi he hai. Iska naam hai Preeti Puri, Col dada ji ki pauti hai. Preeti ye Vinni didi hai aur ye Richa didi.", Ab Ritu ne parichaya karwaya toh Preeti ne sar hila kar haami bhari.
"Preeti tum sachmuch alag he ho. Waise Ritu aur tum kad me ek barabar ho lekin dono he fair hone ke sath bilkul he opposite ho. Nahi Vinni?", Richa bhi dekh rahi thi is 5'7" ke neeli-hari aankhon wali ko. Agar koi Ritu aur Preeti ko sath dekhta toh tulna karna swabhavik he hota tha. Dono he viprit lekin lagbhag samaan unchai aur beshak haseen thi.
"Totally agree with you Richa. Dekho toh dono ladkiya matlab alag he hai. Ritu has long curly hair, brown eyes, fair complexion with really good vital stats and good height. Where's this girl has identical height but she's solid and pinkish. Preeti naam yar tumhari personality se match nahi karta. Oops tum woh foreigner aunty ki beti toh nahi ho? Richa jo thodi der pehle Rekha chachi ke pas aayi hai.?", Vinni ne toh gehrai se he naap lia tha Preeti ko.
"Ji main toh Indian hu but mom Greece se hai. So I inherited some of her features lekin Ritu didi se comparison nahi ho sakta.", Preeti ki baat par Ritu ne uske gale me hath daal kar apne sath laga liya.
"Toh Preeti kya karti ho tum?",Richa ne poocha aur jawaab Ritu ne diya.
"Ab Achitecture ke liye college jaane wali hai is session se. Lekin sports me bhi atchi hai Preeti. Swimming aur tennis."
"Matlab apni bahot jamne wali hai Preeti. College toh abhi 3 mahine ke aaspas shuru hoga. Main bhi architect hu aur tennis mujhe bhi khelna atcha lagta hai. Ab yaha wapis aayi hu Germany se toh is ghar ka pata hai aur Richa ka pata hai. Shaadi tak toh alternate days milna rahega he lekin I hope uske baad bhi milte rahenge.", Vinni ke aisa kehne par Preeti ne bhi muskurate hue sar hila diya.
"Yar ye bhi tere bhai jaisi hai kya Ritu. Khush bhi ho rahi hai, sar bhi hila rahi hai lekin bolti bahot kam hai.", ye baat waise he kahi thi Vinni ne lekin Ritu ne hanste hue pol khol di.
"Dono best friend hai na didi. Bachpan se abhi tak. Aadat ek jaisi he hai, bas Arjun thoda rota rehta hai aur Preeti hansti rehti hai.", Preeti jhooti narajgi dikhane ke baad bol he padi.
"Wo aap badi hai na toh aajkal meri aadat thodi kharaab ho gayi hai, flow flow me didi ki jagah yar nikal jata hai. Baatein jitni marji karwa lijiye fir yaad nahi rehta ke Ritu-Alka didi nahi hai, koi bada hai. Bua se bhi daant padd jaati hai is chakkar me.", Preeti ke aise bholepan par Vinni ne gaal he sehla diya.
"Oye ye toh badi pyaari hai yar. Tum jaise marji baat karo Preeti. Honth hilati ho toh aisa lagta hai jaise bas dekhti rahu. Richa bhi aisa he kar rahi hai aur bhabhi bas hans rahi hai."
"Didi bahar ja kar kahi kuch galat company toh nahi mil gayi thi? Suna hai european countries me aisa normal hai.", Ritu ne jo ye baat kahi Richa aur bhabhi ki hansi he na band hui. Preeti sharma gayi thi kyonki Ritu ka toh usko pata tha lekin Vinni ne kiya uske he sath tha.
"Thehar ja tu Shaitaan ki naani. Hain mujhe tu aisa waisa samajhti hai. Straight hu aur agar aisi mile toh bi hone se bhi gurej nahi.", Ab Ritu ka hansna tej ho gaya tha kyonki Preeti toh uth kar he jaane lagi thi.
"Hahaha.. Maje le rahe hai yar Preeti. Baith ja baith ja. Vinni didi majaak he toh kar rahi hai aur agar inka aisa he dil hai tab bhi tu he maje karegi. Didi ne kaha na tu solid hai.", Ritu ke aankh maarte he Preeti bhi hansti hui baith gayi lekin ek takiya Vinni ne Ritu ke maar diya.
"Kasam se yaar tum ho kya cheej? Tauba tauba, Komal thik kehti hai ke Ritu aafat he hai.", Vinni ki hansi abhi tak chehre par thi.
"Iski judwa yaha nahi hai, woh toh aapko abhi tak pakad he leti. Alka na jaane deti baaton me aur jo baal ki khaal wo nikalti hai us se toh baaki sab bhi katrate hai. Dono, sorry ab toh ye 5-6 hain lekin saari aisi hai ke gher le toh paani paani karke he saans le saamne wale ko.", Saroj bhabhi ki baat par Richa bhi bol he padi.
"5-6? Matlab yaha har roj he aisa mahol hota hai?"
"Aur kya didi. Aap thoda samay sath raho toh meri tarah aapki bhi jubaan chalne lage. Tara, Alka, Manju, Aarti, Priyanka didi aur ab toh Rupali bhi. Hum dono toh hai he. Ye sath wala kamra bhi joined hai aur ek idhar bhi hai. Teeno me bas yahi log rehte hai.", Preeti ne saare naam ginwaye toh Richa hairaan thi ki ye itne log woh bhi ek jaisi umar ke sath rehte hai.
"Tara, bua wali beti hai na? Wo yaha rehti hai?", Vinni ne soch kar poocha.
"Haan. Abhi toh training par hogi lekin paune 6 baje ghar aa jati hai. Weekend off hai uska aur training ke baad bhi yahi se MBA karegi. Milna aap us se.", Ritu ne bataya toh Vinni ek baar Preeti ki taraf dekh kar fir poochne lagi.
"Garmi ki chuttiyon me uski aur Arjun ki toh kutte-billi wali halat rehti thi. Ab kaise manage hota hai.?"
"Ab toh bilkul he ulta hai, dono sath sath he rehte. Dekh ke toh koi keh nahi sakta ke woh kabhi jhagadte bhi honge.", Ritu ne jaise itna kaha aage Preeti bol padi.
"Arjun bachpan jaisa toh raha nahi. Ab jidd nahi karta ulta sabka khayaal rakhta hai. Aap dekhna, abhi bhi kahi na kahi kisi kaam me laga hoga. Mili nahi kya aap Arjun se?", Preeti ke aisa poochte he Richa ne naa me gardan hila di aur Vinni bas khamosh baithi rahi.
"Tabhi daadi usko gale lagaye thi. Waise tum dono dost he ya ..?", Vinni ki aisi baat par sabhi ek dusre ko dekhne lage.
"Pariwar hai toh sab kareeb hai.", Ritu ne ye baat jaise kahi uski koi toh wajah jarur thi. Varna woh toh saamne se Preeti ko Arjun ki mangetar ya hone wali biwi keh deti thi. Is beech Richa bhi bade gor se dekh rahi thi Ritu ko. Aise he idhar mehfil lagi rahi dopahar tak aur baaki ladkiyan bhi shamil ho gayi thi. Bujurg mandli toh wahi batla rahi thi jo anivarya tha, shaadi-rasme, kab kaise aur kya kya hoga, karna padega...
.
.
Shankar ji dopahar me sirf apne pita ji aur bete ko car ke showroom tak chhodne ke liye hospital se aaye the lekin Arjun thoda duvidha me dikha jab car me Richa didi ko bhi baithe paya. Arjun pichli seat par Richa ke he sath baitha tha aur car chalate hue Shankar ji beech beech me inhe dekh bhi lete. Richa bhi samajh rahi thi ki Arjun thoda bahot jhijhak raha hai aur is se bachne ke liye woh khamoshi se bas bahar dekh raha tha.
"Shankar, kuch aur bhi kaam hai? Woh badi bhabhi ne bhi wapis jana hai toh unhe kaun chhod ke aayega? Umed toh apni maa aur biwi ko leke chala jayega kuch he samay me.", Pandit ji ne jaise is khamoshi ko bhang kiya aur ek baar Arjun ki taraf bhi najar ghumai. Wo jaise bahar ki duniya me he khoya tha.
"Main jara Richa ko market le ja raha hu. Inke udhar bhi shaadi hai toh bhabhi aur bacho ke kapde lene hai. Fir main he taai ko chhodne chala jaunga.", Shankar ji ne baat kehne ke sath he bahar wale shishe se Arjun ko dekha jo apalak unki taraf he dekh raha tha is shishe se.
"Huhh.. Richa beta, apne chacha ke sath hone wali bhabhi ke liye bhi uphaar le lena. Fir agle 3-4 din vyast hone wale hai toh sabkuch abhi le lena. Shankar, thoda samay adhik bhi lage toh aaj manage kar lena bhai.", Rameshwar ji bhi samajhte the ke shaadi-byaah wale ghar me bahut si jarurat hongi aur waha itne purush sadasya bhi nahi hai.
"Ji dada ji, maa aur daadi ne bhi bataya hai jo samaan yaha shehar se leke jana hai. Waise chacha ji ko agar hospital wapis jana ho toh itni der Arjun mere sath kharid-dari karne me madad kar sakta hai.", Richa ne baat khatam karte hue Arjun ki taraf dekha jo apna naam sunn kar ek baar Richa ko dekh kar ab aankhe dada ji par kiye tha.
"Nahi nahi beti. Shankar ne samay nikala hai toh woh tumhare he sath rahega. Arjun aaj apni car lene aaya hai toh is baar wo sath nahi ja sakega. Fir kabhi jarur tum apne bhai ko le jana.", Rameshwar ji ke 2 took mana karne se Richa ko toh jyada farak na pada lekin Shankar ji thoda sapaat sa chehra karte hue in 2 showroom tak khamoshi se gaadi le aaye. 'Jain Auto' naamak ye 2 showroom jaise ek he vyakti ke the lekin ek jagah 'Mitsubishi' coming soon aur dusre par Hindustan Motors likha tha.
"Lijiye papa, aa gaya showroom. Aisa toh nahi ke yaha se gaadi Arjun he leke jaane wala hai?", Shankar ji ne apne pita ko bag uthate dekh pooch he liya. Arjun ab saamne showroom ko ghoor raha tha jaise woh galat jagah aa gaye ho.
"Uski car koi driver ghar nahi dene aayega Shankar. Aur ye tohfa toh hai nahi, uski pehli car hai uske he naam. Arjun he leke jayega aur Arjun he chalayega.", Idhar Arjun aur Richa bhi car se bahar nikal aaye the. Showroom ke bahar he chamchamati ekmatra kaale rang ki 'Mitsubishi Lancer' khadi thi baaki sabhi dusri car jo sarkari gaadiyo jaisi thi.
"Iska hath saaf nahi hai abhi, isliye keh raha hu. Baaki aap behtar jaante hai.", Shankar ji ne apni samajh se he kaha lekin ab unke hairaan hone ki baari thi jo Arjun ne kaha usko sunn kar.
"Waisa dada ji aap toh Ford ki car bata rahe the aur haan Richa didi, aap he tilak kar dijiye.", Arjun ne pehli baar Richa ko sambodhit kiya tha, beshak usne ye baat sehaj bhaav se he ki thi lekin Richa ne ek baar Shankar ji ko dekha aur fir Arjun ko. Bahar khade Rameshwar ji bhi sar jhatak rahe the Arjun ki baat sunn kar.
"Main kaise tilak kar sakti hu? Waise bhi gaadi toh ghar jaane ke baad tilak karte hai."
"Ghar jaane ke baad bhi karenge lekin yaha se bhi car ne nikalna toh hai he. Baaki aapko jaisa thik lage.", Arjun ne ek baar unhe aur apne pita ko dekha aur fir dada ji ke sath andar chal diya.
"Wo aisa hai na bhai ke book toh Ford wali he karwai thi lekin tere Sangwan dada ji ne kaha ke Escort atchi gaadi nahi hai. Ye wali bhi idhar sabse pehli car he hai aur unhone he sujhaya ke naye jamane ke hisab se tere liye yahi atchi rahegi. Haan jeb par thodi jyada bhari padd gayi.", Rameshwar ji Arjun ke kandhe par hath rakhe andar le aaye sab samjhate hue. Car toh ek najar me he Arjun ko pasand aa gayi thi.
"Chalo, 2 he minute lagne wale hai. Jaha tak dikh raha hai yahi car li hai Arjun ke liye.", Shankar ji bhi bahar nikal aaye aur Richa ko sath liye andar aa gaye jaha ek aur jhatka tayaar tha unke liye.
"Aap bhi idhar hai chacha ji?", Shankar ji ne Col sahab ko kursi par baithe dekh kaha.
"Haan bhai ghanta pehle he aaya tha jab inka phone aaya ke gaadi aa gayi hai aur tayaar hai. Agar kuch atirikt kaam karwana hai toh dekh lijiye. Ab apne puttar ko gaadi bina CD player aur seat cover ke toh dene se raha. Aur bhi thoda badlaav karwaya hai baaki ek baat pata chal gayi ke uncha model bhi le lo toh palle se 30-35 hajar lag he jaate hai.", Col sahab ne hanste hue kaha aur showroom ka maalik unka hath pakadte hue sath muskurane laga. Rameshwar ji baithne ki jagah andar khadi contessa car dekhne lage.
"Jain bhai, hamari ek esteem bhi nikalwa do yar. Ghar me ab itni jagah nahi dikhti.", Rameshwar ji ghoom fir ke wapis aa baithe aur bag Jain sahab ke saamne kar diya.
"Pandit ji wo gaadi nayi toh hai abhi aur kharcha bhi jyada nahi karwati. Jagah kam padti hai toh ek-aadh plaat le lijiye. Hahaha. Waise sach kahu ke jabse aapki car aa ke khadi hui hai savere se 20 log iski booking ka poochne aa gaye hai. Mujhe nahi laga tha ke idhar iski demand hogi lekin gaadi majboot bhi hai aur aaj ke jamane ki bhi.", Paise sirf gaddi ke hisab se dekhne ke baad bag ek taraf rakhte hue unhone ek ladke ko thanda paani laane ko kaha.
"Dekhte hai bhai ke plaat ke paise kab tak judte hai. Is saal ki toh saari kamai tumne galle me rakh di hamari. Chalo ab ijajat do aur chabi bhi. Kagaj banwane ka kasht bhi kar dena yar. Ghar me filhal vivah ka samay hai toh mushkil hogi thodi."
"Sharminda toh mat kijiye Pandit ji. Bas Arjun ko bhej dena jab main phone karu, waise plaat se mera matlab tha ke naye sector me HUDA plaat nikal raha hai, bhar dijiye 2-3 farm bacho ke naam. Chaliye bete ko seat par baithaiye.", Paani peene ke baad sab khade hone lage toh Arjun ne bhi ladke ko tilak ka samaan laane bhej diya jo woh turant le aaya tha. Shankar ji toh Col sahab se alag baaton me lage hue the.
"Chaliye didi.", Arjun ne woh choti si plate Richa ko dete hue kaha aur ye dono sabse pehle is car tak aa gaye. Yahi lambi chamchamati 'Mitsubishi' car thi Arjun ki. Jain sahab bhi jaise dharmik aur manyatao me yakeen karne wale insan the jinhone gaadi ke saamne khud he ye nariyal food kar shubharambh kiya aur Richa ne bonatt ki jagah bumper ke madhya me tilak karte hue laal dhagha baandh diya. Arjun ne apna purse nikal kar khola toh ek pal Shankar ji usko rokne lage the lekin apne pita ke inkaar karne par bas woh dekhte rahe. Rekha aur Krishna ki woh 25 saal purani shyam-shwet stamp akaar ki photo Arjun ke batue me lagi thi. Arjun ne 1100 rupaye apni badi behan Richa ko shagun ke taur par diye toh woh bhi mana karne lagi thi.
"Rakh lo Richa beta, bhai neg de raha hai.", Ramehswar ji ne kaha toh Richa ne Arjun ko thank you kehte hue rakh liye. Shankar ji bhi dekh rahe the is car ko, unhe shauk jo tha. Arjun ke liye khud Rameshwar ji ne darwaja khola aur apne ladle ko baitha kar sar pe hath ferte hue khud pichli seat par jaane lage. Unka he anusaran karte hue Col sahab bhi dikhe toh Shankar ji ne pooch he liya.
"Aage aur koyi nahi baith raha?"
"Ritu iski jaan le legi beta. Keh ke bheja hai usne ki Arjun ki bagal me sabse pehle wahi baithne wali hai. Haan baaki ab Arjun bas sahi salamat ghar pahucha de.", Rameshwar ji ki taraf ka shisha khud he thoda niche ho gaya tha. Arjun dhyaan se andar har cheej ko samajh bhi raha tha aur hath fira kar dekh bhi raha tha. Sachmuch andar se behtareen thi ye gaadi. Swachalit niche hone wale shishe, dher saare button, steering bhi upar niche hone wala jaisa thodi he der pehle andar ladke ne bataya tha. Ye kitaab bhi usne rakh li thi jisme gaadi ke baare me sabkuch bataya gaya tha.
"Best of luck.", Shankar ji ne apne bete se kaha toh Arjun ne bhi apne pita ko hanste hue jawaab diya.
"Fir bhi aapse seekhna band nahi karunga papa.", Aur jis safaai se usne Shankar ji ki saamne khadi car ke barabar se apni car nikali thi woh bhi khade dekhte rahe. Petrol ka ye model kahi jyada jaandar aur tej tha.
"Seekh toh gaya hai beta lekin ab sachmuch pump he kharidna padega."
"Papa, tilak karne wale ko andar nahi baithate kya?", Richa ne dhimi awaaj me kaha toh unhe dhyaan aaya ke woh bhi sath he khadi hai. Dono car ki taraf chalne lage.
"Beta itni jaldi matt karo, Arjun ne tumhe sabse pehle hath lagane diya hai yahi bahot hai filhal. Tum Ritu ko bhi thoda samajhna, Arjun ko behtar jaan sakogi uske baad. Suna tha ne ke mere papa ne kya kaha, Arjun ke barabar wali seat Ritu ki hai. Waise ab tumne jo bhi kharidna hai araam se lena, dikki khali hai gaadi ki.", Hanste hue woh gaadi me baithe toh Richa bhi andar baith gayi.
"Ritu ke he sath thi main subah se. Woh intelligent hai, observe karti hai aur sabse badi baat hai ke woh bilkul ghamandi nahi hai. Matlab aaj mujhe realise hua ke woh mujhse kahi behtar hai papa. Sach kahu toh guilt feel hone lagi thi ek baar."
"Aisa nahi hai. Beshak Ritu ghar ki ladkiyon me sabse jyada intelligent hai lekin woh bhi ziddi hai. Haan pariwar me rehne se wo flexible hai aur sabse pyaar se baat karti hai lekin uska bhi ek apna dayra hai jisme woh shayad kuch he logo ko rakhti hai. Alka aur Preeti ke sath shayad Tara he hai jin logo ke sath Ritu kareeb hai. Milne lagogi toh aur atche se samjhogi.", Shankar ji bhi kisi hadd tak Ritu ko logo se jyada he jaante the. Woh unki jaan jo thi. Car ka rukh mukhya sadak par karte hue woh Richa ko bhi dekhne lage.
"Mujhe sachmuch atcha laga yaha aa kar. Family toh aisi he honi chahiye papa. Sab ek dusre ke sath itna ghul-mil ke rehte hai ki life me friends ki jarurat he nahi lage. Komal ke sath sath Madhuri ne bhi atche se khayal rakha mera, main badi hu lekin ek baar bhi kisi kaam ko hath tak nahi lagane diya. Waise Vinni itne saalo baad bhi kahi jyada jaanti hai sabko. Aur ye Preeti kaun hai?", 2 bade sawaal itni tareef ke baad.
"Aur bhi log hai ghar me jinke dil bilkul Komal-Madhuri jaise he hai. Alka, Priyanka, Tara aur Aarti bhi bahot pyari aur milansar hai. Waise Rekha se mili thi tum?", Apni biwi ka jikar karte hue Shankar ji saamne dekh rahe the.
"Wo toh main batana he bhool gayi aapko papa. Rekha maa toh sabse jyada pyaari lagi mujhe. Unhone toh gale bhi lagaya aur fir khaane ke waqt main unke he kamre me thi, Rupali ke sath. Unhone thoda bahot apne hatho se khilaya mujhe aur ye dekho, chain bhi di ek aur.", Shankar ji ko ab thoda paseena aane laga tha ye sunn kar. Hairat hona lajmi tha ke itna mehnga tohfa kaise Rekha ne is ladki ko de diya aur apne kamre me bhi pyaar diya.
"Farrattedar english jaise woh bolti hai aise toh professor bhi nahi bolte the mere college me. Pados wali ek videshi aunty ke sath woh baat kar rahi thi, ek word hindi ka nahi use kiya. Wo itni padhi likhi hai aur fir bhi ghar me he rehti hai? Sundar bhi kitni hai wo, Ritu se bhi jyada. Unse meri bahot jamne wali hai papa.", Richa ab bilkul mayus na thi jaise woh car me baithte samay lag rahi thi. Ritu-Komal ka jikar karne ke baad ab Rekha ka varnan karte hue woh bas chehakti hui bole ja rahi thi.
"Bas kar bas kar meri laado. Ek he bar toh mili hai tu abhi. Waise kuch poocha kya Rekha ne tujhse aur tu maa kyo keh rahi hai?", Shankar ji ke aisa kehne par bura sa mooh banate hue woh apne papa ko dekhne lagi fir dono hath jholi me rakhti hui kehne lagi.
"Unse mil kar mujhe toh nahi laga ke main ek he baar mili hu. Aur unhone aisa waisa toh kuch bhi nahi poocha mujhse bas jab maine mera birthday ka bataya toh unhone bhi kaha ke Ritu ka same day hota hai. Fir ye chain de di ye kehte hue ke tab sahyad hum mile na mile. Aur boli ki gold dene se maa-beti ka rishta majboot hota hai. Toh jab unhone maa-beti kaha toh maine bhi aapke saamne unhe maa keh diya. Saamne toh maine unhe aunty he bola tha."
"Apni maa se itna jikar matt kar dena gudiya."
"Hahaha.. aapki jaan kyo nikalti hai maa ke saamne.? Itna darte ho aap unse. Waise main bewkoof nahi hu jo ye sab kahungi, woh mujhe bhi nahi aane dengi aise toh. Papa, har insaan alag kyu hota hai? Paida toh ek jaise he hote hai.", Richa ki baat par jaha pehle Shankar ji Madhulata ke jikar par muskura rahe the wahi ab is sawaal ko sunn kar thoda shaant ho gaye.
"Aas-pas ka mahol, shiksha, halaat aur bahot si baatein har insaan ko dusre se alag bana deti hai. Tumhe toh aisa sawaal nahi karna chahiye tha itni padhai ke baad."
"Values and Eduction are two different things papa. Yaha wali family me sab ek jaise hai, I also observe and understand humans. Ek bhi aisa nahi mila jo haq jatata ho, galat shabd bolta ho ya kuch chupata ho. Bade bhi chhoto ko samman dete hai. Ek videshi ladki bhi bilkul aapki family jaisi thi waha. Bonding, love, values, trust sabkuch hai waha aur aap thode alag hai unse. Sorry, mera matlab aap bhi mujhe pyaar karte hai, kabhi galat nahi bolte lekin kuch alag jarur hai.", Richa ne thoda khul kar kaha toh Shankar ji ne haami bhari. Wo jaante the apne pariwar me sanskaar, ijjaat aur sabhi ka ek dusre ke liye pyaar.
"Wo ladki Preeti, jaanti ho woh kaun hai?", Shankar ji ne sirf yahi baat karna munasib samjha.
"Haan pados me rehti hai. Ritu ke sath bahot close hai woh aur uski he mom bahar se hai. Atchi ladki lagi lekin shayad uski jagah Ritu he jyada jawaab deti hai."
"Arjun ki hone wali biwi hai Preeti. Woh shuru se he family ka part hai jaise Col chacha ji mere papa ke bhai hai.", Ye baat Ritu ne toh taal he di thi Richa ke saamne. Aur usko ab badi hairani ho rahi thi ye jaan kar ki Preeti ek tarah se apni he sasural me kitna khul kar ghoomti firti hai.
"Gaune ke bina he woh aise aati rehti hai? Aur kya ye Arjun ki marji ke bina he hua hai? Kyonki usko toh maine dekha he nahi ghar me itna."
"Tumne kya dekha kya nahi woh alag baat hai. Preeti aur Arjun shuru se he sath hai aur idhar samaaj khaap-panchayat jaisa nahi hai. Preeti ghar ki beti hai aur wo hamesha waise he rehne wali hai. Us ladki ki duniya in 2 ghar me he hai jis wajah se woh apne maa-baap se alag yaha dada ji ke sath rehti hai. Arjun ko ghar me nahi dekha kyonki woh kaam karwa raha hoga. AC toh maine bhi lage hue dekh liye the aur fir dusra ghar bhi tayaar ho raha hai toh woh wahi hoga baaki samay.", Idhar dono market aa gaye aur car ek taraf lagate hue Shankar ji apni is ladli ko liye kapdo ke showroom ki taraf paidal chal diye.
"Yahi toh keh rahi hu main. Waha gaanv wala ghar aisa kyu nahi hai? Kyu maa kisi se seedhe mooh baat tak nahi karti aur kyu waha mahol hamesha janjir sa bandhan lagta hai.? Aap aate ho na tabhi 3 log ek sath baithe dikhte hai, daadi ke sath. Aisa nahi ho sakta ke waha bhi sab aisa he lage.?"
"Ab Bijender aa raha hai na ghar toh tumhe dikkat nahi hogi. Woh taai ko araam dene ke baad ghar ka mahol sahi karega. Baaki kuch toh farak rehne wala hai haveli aur ghar me. Haveli ki shaan bahar se dikhti hai aur ghar ki uske andar ke logo se. Chalo yaha tumhare aur Lata ki pasand ka sabkuch mil jayega. Jo bhi lena hai ya tayaar karwana ho kar lo.", Shankar ji ne bhi ek tarah se farak bata he diya tha. Is bade showroom me aate he apne dost se hath milate hue Shankar ji ne Richa ka parichaya diya aur Sudheer ke sath ek ladki bhi Richa ki sewa me lag gayi.
.
.
"Dekh Arjun car ghar ke andar nahi aayegi.", Pravesh dwar par he Ritu hath kamar par rakhe khadi thi. Komal didi bhi tilak karne ke liye thaali le aayi toh Rameshwar ji hanste hue ek taraf se ghar ke andar chale aaye apne bhai samaan param mitra ke sath. Kaushalya ji toh andar he thi Chandro devi ke sath jaha Rekha aur Rajeshwari bhi thi lekin Purnima ji apni pauti Vinni ke sath khadi ye drama dekh rahi thi.
"Ye bade nahi hone wale kabhi?", Hanste hue unhone Rameshwar ji se poocha toh woh bhi inke pas ruk gaye.
"Bhabhi ye bade ho gaye toh fir ghar ghar nahi lagega. In sabki wajah se toh ghar abaad lagta hai."
"Dekh le Satish, bahana mila nahi ki meri behan ke pas aa khade hue. Chalo aapke liye 2 bar phone aa chuka hai aur Purnima tu bhi chai pee le nahi toh ye aise he dore dalte rahenge.", Kaushalya ji ki baat sunn kar Pandit ji toh teji se baithak me ho liye aur Col sahab hanste hue apni bhabhi ko dekhne.
"Bhabhi ji kuch bhi kaho, aap ho khatarnaak.", Hans toh Purnima ji bhi rahi thi unki baat par.
"Aadat hai Kaushalya ki, rishta barabar hai na toh hansi majaak chalta rehta hai bhai sahab. Unhone bhi bura nahi mana aur maine bhi. Chalo chai pee ke fir nikalna bhi hai.", Teeno andar aaye toh Vinni gate ki taraf badh gayi jaha Komal ne tilak kar diya tha aur Ritu abhi tak waise he khadi thi.
"Aane de isko andar. Kya zidd lagaye baithi hai?"
"Didi, aap beech me na aao. Pehle ye mujhe steering wali jagah baithayega aur main gaadi andar karungi.", Ritu ko wajah batai toh Vinni hansne lagi wahi Komal didi thoda gusse se Ritu ko dekhne lagi.
"Toh isme kya badi baat hui. Ja baith ja seat par aur kar de car andar. Waise atchi car li hai Arjun ne."
"Vinni di, isko car chalani nahi aati. Arjun toh isko apne sath baitha kar har baat maan ne ko tayaar hai lekin madam ne thaan liya hai ke khud he car andar karengi."
"Chalo toh fir aisa karo ki Arjun ke sath us seat par he baith jao. Steering tum pakad lena aur baaki woh kar lega. Itna toh aata he hoga.", Vinni didi ke aisa kehte he Ritu aankhe chamkati hui Arjun ki taraf wale darwaje par ja khadi hui.
"Dekh best solution hai ab. Goad me baithti ho aur tu bas steering sambhalne diyo.", Arjun ab aur kya kehta, lekin wahi jhijhak thi mann me ki Ritu didi uski premika hain aur saamne Vinni Komal aur maa bhi khadi thi. Fir bhi seat peeche karke Ritu didi ko apne aage baitha liya. Unke jism ki mehak pehle he uska bura haal kar deti thi.
"Didi, khatra le rahe hai hum. Please, aap bas baithi he rehna araam se. Bahar sab log hai aur maa bhi.", Arjun ne kaan me dheemi awaaj me bataya toh Ritu thoda sa aur peeche sarak gayi.
"Pati patni aise he toh ghar me kadam rakhte hai. Chal tu mere hatho ko pakad le main jyada tang nahi karti.", Ritu ne bhi waise he kaha aur Arjun ne savdhani se car andar badha di. Ritu toh aakhir Ritu he thi. Thoda sa apne kulho ko ragadte he Arjun ko uttejit kar he diya. Ek pal ke liye car ghumne ki jagah seedhi hui lekin Ritu ne he sahi taraf steering kar diya. Gaadi ko rokte he Arjun ne narajgi se didi ko dekha jo hansti hui bahar nikal gayi.
"Marwa diya na. Ab bahar kaise niklu?", Arjun bata raha tha aur Ritu ja ke maa ki bagal me khadi ho gayi.
"Ab car le li toh iska ye matlab toh nahi sara din wahi baithega. Chal maa ko bhi chabhi de jara.", Ritu didi ki kartoot se pehle he Arjun ka bura haal tha aur bahar nikalte he sab uski halat dekh lete.
"Aa raha hu didi bas 2 minute. Ye file rakh du bas.", Arjun bahane se dashboard me kuch bhi dekhne laga aur fir apni kameej bahar nikalne ke baad lambi saans bharta hua bahar aa gaya. Ubhar ek taraf se abhi bhi thoda numaya tha lekin kuch jyada nahi.
"Shaitaan ho tum poori.", Vinni ne sneh se Ritu ka hath pakadte hue kaha aur idhar Arjun ne Komal didi ko shagun dene ke baad maa ko gaadi ka darwaja kholte hue apni seat par baitha diya. Baaki teeno bhi dekh rahi thi.
"Ab kahi car poori hui meri.", Arjun ne chabi bhi maa ke hath me rakh di.
"Aisa kuch nahi hai Arjun. Ritu baith gayi toh waise he ye poori ho gayi thi lekin sachmuch ye car bahot atchi hai. Iski chabi hamesha apne pas he rakhna, ye teri hai beta sirf teri.", Unhone bhi Arjun ke gaal ko sehlate hue sneh jatate hue chabi bete ke hath par rakh di.
"Aap mere sath chalengina market jab shopping karni hogi? Na mat karna please.", Arjun ne unhe manate hue kaha toh Rekha ji ki wahi muskaan chehre par aa gayi jiske liye Arjun ye sab kar raha tha.
"Jab bhi tu kahega main chal padungi. Ab ja ke apni daadi aur chachi se mil le, unhe nikalna hai.", Car se bahar aate hue Rekha ji ne kaha toh woh bina kisi ko dekhe andar daud gaya. Ghar ke bheetar sabhi car ke darwaje tala lage ho ya na is se koi farak nahi padta tha.
"Ye toh subah se he mujhe ignore kar raha hai. Chachi main isliye he nahi aana chahta thi haveli se idhar. Koi mujhe ignore kare ye mujhe bahot bura lagta hai.", Vinni ne saaf saaf Rekha ji se kaha aur naraaj hone lagi.
"Didi, woh andar gaya hai na toh aap bhi chali jao. Kaan kheench lena uska aur Umed chacha ke saamne woh chuskega bhi nahi.", Ritu ke is sujhaav par Rekha ji ne bhi hanste hue haan laga di thi.
"Dekh lo chachi, waha usne meri insult ki toh main fir aaj rukne wali nahi yaha aur seedha shaadi ki jagah he aaungi. Keh deti hu.", Vinni ko itna naraaj dekh Rekha ji bhi bol padi.
"Koi baat toh hogi jis wajah se Arjun aisa kar raha hai. Ye tum dono jaante ho aur fir tumhe he baat karni chahiye. Dikhta nahi lekin thoda ziddi woh bhi hai jab baat apno ki ho. Naraaj hone ka haq usko bhi toh hoga.", Rekha ji apne sath Komal ko le jaate hue Vinni ko pyaar se samjha gayi.
"Aapne mara tha na bhai ko? Mujhe bataya tha usne, lekin ab manao aur woh daadi ke saamne pakka maan jayega nahi toh dada ji bhi toh udhar he hain.", Ritu ne aankh maarte hue kaha aur Preeti ki taraf chali gayi. Dono ko kuch kaam tha jiske liye Preeti ne he bulaya tha Ritu ko apne ghar.
"Thik hai. Mujhe nahi pata tha ke woh itni purani baat ko dil pe liye hoga. Aur tujhe kaise pata ye sab.", Vinni poochti reh gayi lekin Ritu ja chuki thi. Fir dhime kadmo se woh bhi idhar he chal di jaha baaki sab the. Kursi par Col sahab aur Pandit ji baithe the aur bed par Purnima ji, Chandro devi, Kaushalya ji aur ab Arjun bhi. Umed Singh bhi ab tayaar ho kar ek taraf kursi par baithe the. Vinni ne aate he dekha ki Arjun uski daadi ke sath chipka baitha tha aur Purnima ji bhi uske baal sehlati baat kar rahi thi.
"Sorry. Lekin itni purani baat par tum abhi tak mooh banaye baithe ho?", Vinni abhi bhi thoda akad ke khadi thi unke saamne. Arjun ne chehra Purnima ji ki taraf he kar liya.
"Kya baat kar rahi ho tum aur sorry kis liye?", Umed Singh ne apni beti ko dekhte hue sawaal kiya toh sabhi bas Vinni ko he dekh rahe the siway Arjun ke jo mooh chhupaye bas muskura raha tha.
"Ye itna bada ho gaya hai aur dekhiye na papa 13 saal purani baat pe mooh fulaye baitha hai. Aaj isne ek baar bhi mujhse baat nahi ki hai. Sab itna gunn-gaan kar rahe hai iska aur mujhe lagta hai bas drama he hai."
"Daadi, ye kaisi sorry bol rahi hai.?", Arjun ne dhimi awaaj me Purnima ji se kaha jisko is kamre me lagbhag sabne suna tha.
"Haan, bata tu ye kaisi sorry bol rahi hai jisme itna gussa dikha rahi hai mere bache par?", Purnima ji ne bhi narajgi se Vinni se poocha.
"Wo ye hamesha ulta seedha bolta rehta tha na isliye maine iski pitaai kar di thi ek baar. Fir toh milna he nahi hua aur ye us baat ko he dil pe liye baitha hai ab tak. Gussa toh mujhe bhi aayega na jo ye itna ignore karega. Badi hu main is se aur agar ab bhi ye nahi mana toh fir se gaal laal kar dungi main iska.", Vinni ne kamar par hath rakhte hue kaha. Gusse me sachmuch woh laal ho rahi thi.
"Atcha, samjhane ki jagah tu iski pitaai kare aur fir sorry maangne ki jagah sorry chheen rahi hai. Hath laga ke dikha jara mere bete. Main bhi yahi baithi hu aur tere baap me bhi himmat nahi jo beech me bol sake.", Purnima ji ne Arjun ke dono gaal hath me liye kaha. Rameshwar ji aadat anusaar beech me bolne lage.
"Bhabhi, bacho ki baat hai."
"Aap toh chup he karo ji.", Kaushalya ji ne unhe chup karwa diya. Vinni idhar udhar dekhne lagi aur koyi apne sath na dikha toh dhamm se Arjun ki he bagal me baith gayi.
"Chal sorry. Gussa mujhe bhi tere jaisa he toh aata hai. Lekin tu bata itni purani baat ke liye koyi aise naraaj rehta hai kya? Dekh ab khatam kar ye baat, saare he teri taraf hai. Mujhe na hurt hota jab koyi ignore kare toh, aadat hai meri.", Vinni ki aankhon me sachmuch he thoda paani aa gaya tha. Lekin is se pehle ki woh rone he lagti Arjun ne palat kar unhe gale laga liya.
"Badi ho toh iska matlab ye nahi ke chhote he saamne se aa kar mile. Subah daadi se main mil raha tha tab toh dekh ke bhi najre hata li thi. Maine bhi fir wahi kiya, aaya maja Vinni Tinni.", Jaise Arjun chidata tha bachpan me waise he bolne laga.
"Dekho lo daadi isko. Main 6 saal badi hu is se aur abhi tak mera naam bigadta hai. Tu chal mere sath main tere kaan atche se marodti hu."
"Ab na 6 saal toh beech me rehne he wale hai lekin 6 inch lamba hu aapse. Marodo mera kaan aur dekh utha kar andhere wale kamre me band na kiya toh kehna. Mummy bhoot karke shor machane lagogi.", Vinni andhere se abhi tak darti thi lekin Arjun ke aise kehne par woh khud jor se uske gale lag gayi.
"Atcha sorry, ab pareshan nahi karungi. Subah jaanboojh kar ignore nahi kiya tha maine.", Vinni kehne ko ye keh rahi thi lekin Arjun ke seene se lagi woh aur bhi bahot kuch mehsoos kar rahi thi.
"Ho gaya tumhara samjhota, dekh liya mere bete ka bada dil. Teri toh saari baatein yaad rakhe hue hai aur fir iski baad sahi hai. Isne toh teri maa se bhi pyaar se mulakaat ki thi lekin tu he ignore karegi toh ye bhi waisa he karega. Chal ab chhod mere bete ko aur jaa ke apni behno ka sar kha.", Purnima ji ne itna kaha toh Vinni alag hote hue khadi hui aur jaate hue fir se Arjun ke sar par chapat lagati bhaag gayi.
"Dekh lo aap log."
"Tere sath he karegi ab. Ek he chhota bhai hai uska aur teri baat bhi galat thi jo badi behan ko aise sata raha tha. Itne saal baad ladki ghar aayi aur janaab ko maafi mangwani thi. Jaa ke dusre ghar chakkar laga aa, mistri 5 baje chale jaate hai aur 10 minute baaki hai. Tala laga aayio.", Kaushalya ji ne ab Arjun ko fatkaar lagai toh Chandro devi bol he padi.
"Teri na umar hoti Kaushalya jo baalko ke beech rali rahe hai? Rameshwar, bol de teri lugai ne ke chhore sath ult-sult na bolegi. Ja beta Arjun, iski aadat hai toh jaave koni.", Arjun bhi hansta hua Chandro devi ke paanv chhune ke baad Kaushalya ji ka gaal choom kar bahar bhaag gaya.
"Lo aur dekh lo aap. Meri fatkaar ka koi asar na hai is bailbuddhi par. Aur ye sab aapke devar ka kiya dhara hai.", Chandro devi ke sath Purnima ji bhi hansne lagi aur Rameshwar ji Umed Col sahab ki taraf dekh rahe ho.
"Taai ji, chachi ji ki na yahi khasiyat hai ke har baat ke liye chacha ji ko hathkadi lagwa do bas. Haan Bhole ne meri maa ke gaal choome hote toh badi khush hoti. Mera laal toh sirf tera hai Purnima.. tab na phool jhadte hai sirf."
"Chup kar tu bhi. Aaya chacha ka lagta bada, tu aajtak meri goad me soya rehta hai. Inki bhabhi aa gayi toh bas janaab sharif."
"Bas karo thaanedarni ji. Meri bhabhi toh aapke bagal me bhi hai. Ab ijajat ho toh kal ki baat bhi kar le? Market jana hai aapne, samaan lena hai aur fir badi bhabhi ke ghar aur Rammehar ke waha bhi jana hai. Dono taraf shaadi hai aur aapko bas main najar aa raha hu. Umed beta, Shankar na hoga kal aur main teri chachi ko leke nahi jaane wala bahar. Tu teri maa aur chachi ko bajar le jana, Arjun ko is sab ki samajh nahi hai.", Rameshwar ji ne kehne ko keh diya lekin Umed ke sath sath Col sahab ne bhi apne mooh par hath rakh liya tha. Purnima ji ke sath sath ab Chandro devi bhi hansne lagi thi.
"Dhanya ho ji aap. Jiji, Purnima aur bache ek phone karte the na ke chhuttiyan padd gayi hai toh thaane se seedha inhe lene chale jaate the aapke devar, bina ghar bataye. Ek baar toh film bhi le gaye the aur mere sath market jana bhi bhaari hai. Akele chali jayio tu Purnima, dekh fer 2 ghante ka kaam 5 me karke na aaye."
"Kaushalya bas bhi kiya kar kabhi toh. Teri aadat hai na ye chuhal karne ki woh jayegi nahi. Film wali baat bhi main bata deti hu jiji ko. Jiji, Kaushalya ne mujhe bulaya tha film ke liye jab aapke dusre devar bhi the. Unhone kaha ke ticket mushkil hai Rameshwar ko keh kar karte hai kuch hal. Aap toh madam wahi ruk gayi aur idhar hum log wapis aaye toh ye kaam se chale gaye aur main bhai sahab ke sath andar aayi ticket le ke toh picture shuru ho chuki thi. Inke barabar koi baith chuka tha toh sath wali par hum log baith gaye. Ye toh aayi nahi is taraf. Aur aaj tak maje leti hai. Mere devar ke sath film dekhi maine tujhe jo sochna woh soch.", Ab Purnima ke tunakne par Kaushalya ji bhi hansne lagi thi. Yaha inka halka-fulka majaak kuch aur der hua fir Umed Singh ke sath Purnima ji aur Rajeshwar ji ne vida li.Vinni ne bol diya tha ke woh aaj yahi rehne wali hai.
.
.
kramash
??
