Update 11
Dopahar ko jab testing ki report aati hai toh ACP ko koi hairaani nhi hoti kyoki usse pata tha report mein kyaa aane wala hai.
Woh report dekhne ke baad sang sang media ko call karke inform karta hai.
Idher woh ladka subah subah hi Ranjeet ko call karta hai.
Ladka – Ranjeet Singh maine kaha tha naa dusra dhamaka jaldi karunga par tune shayad meri baat ko seriously bilkul nhi liya. Apne dock mein tune jo rakha tha naa usse kal police apni giraft mein rakh liya hai aur agar mera andaza sahi hai toh kuch hi der mein yeh news media mein hogi.
Ranjeet jab yeh sunta hai toh uske pairon tale zameen khisak jaati hai. Usse apne kaano mein yakeen nhi horaha tha.
Ranjeet – Nhii yeh nhi hosakta. Tum jhoot bol rahe ho.
Ladka – Ab yeh jhoot hai yaa sach yeh toh kuch hi der mein pata chal jaayega. Aur yeh news saamne aate hi jin jin company ne tere saath deal ki hai woh bhi cancel hojayegi. Tujhe itni aasani se barbaad kardunga mujhe yeh laga nhi tha. Chal koi naa hosakta hai tere baaki ke saathi thode samaj daar nikle. Yeh bol woh phone kaat deta hai.
Ranjeet jaldi se apne baaki ke saathiyon ko call karke sab batata hai aur woh maal kaha hai usse churwaane ki puri koshish karta hai. Par woh kuch nhi kar paata.
Kuch hi der mein media ke saamne ACP khada hojaata hai.
ACP – Kal raat mujhe ek tip mili thi ke sehar mein cocaine ka bahot bada consignment aaya hua hai. Main uss tip ko follow karte hue uss jagah pe raid karta hu aur waha se mujhe yeh boxes milte hai jisme cocaine bhara hua hai.
Yeh bol ACP ek ishara karta hai toh inspector unn boxes ko gura deta hai aur usme se kapdo ke raw materials bahar nikal jaate hai.
Media – Yeh sab kyaa hai sir. Cocaine kaha hai. Yaha toh sirf yeh kapdo ke raw materials hai.
ACP – Cocaine aap sabke saamne hi hai. Iss baar drug smugglers ne badi hi chalaki se drug ki smuggling karne ki sochi thi. Aap log jo yeh raw materials dekh rahe hai. Yeh koi mamuli kapda nhi hai. Iss kapde mein chupa hai karodo ka cocaine. Aur yeh rahi iski forensic report. Yeh bo ACP uss report ko media ke saamne kar deta hai.
ACP – Drug smugglers ne bade hi scientific tareeke se inn kapdo mein drug chupaya hai. Unhone cocaine ke paani mein inn kapdo achhe bhigoya hai. Phir inhe sukha ke achhe se press karke ekdum normal kapda bana diya jisse kisi ko pata nhi chale.
Phir inn kapdo se cocaine nikalne ke liye yeh log woh hi tarika istemaal karte hai jo samundar ke paani se nimak nikalne ke liye karte hai.
Media – Yeh saare boxes aapko kaha se mile. Kyaa aapko pata hai yeh sab kiske hai.
ACP – Haaa. Yeh sab yaha ke jaane maane businessman Ranjeet Singh ke hai. Yeh boxes humhe unhi ke dock se mile hai. Aur iska saboot hai uss dock ka unke naam pe registered hona.
Media – Toh Ranjeet Singh abhi kaha hai.
ACP – Humari ek team gayi hai unhe arrest karne. Jald hi woh jail mein honge. Aur kuch din pehle jo unke godown mein short circuit hua tha usme bhi aise hi kuch boxes rakhe hue the jiski raakh ki testing se humhe yeh pata chala ke usme bhi cocaine hi thaa.
Idher Ranjeet jab yeh news dekhta hai toh uske pairon tale zameen khisak jaati hai. Abhi woh kuch karta yaa sochta tabhi uske ghar mein police aajati hai aur usse arrest karleti hai.
Ranjeet apne lawyer ko call karne ki koshish bhi karta hai par police usse woh bhi nhi karne deti.
Kuch der mein Police ne Ranjeet ko jail mein daal diya aur uske jitne bhi godown the sab mein raid karke unnsab ko seize kardiya.
Thodi der mein saari formalities complete karne ke baad ACP Ranjeet ke cell mein jaata hai usse puchtach karne ke liye.
ACP – Haa toh Mr. Ranjeet Singh tumne kosish toh badiya ki thi ki kisi ko bhi tumhare iss Cocaine ke raaz ke baare mein pata nhi chale. Par woh kehte hai naa har sher ke upar ek sawa sher hota hai. Tumhare saathe mein bhi bilkul yahi hua hai. Koi hai jo tumse kisi baat ka badla lena chahta hai aur usi ne yeh sab karwaya hai.
Ranjeet – Kaun hai woh.
ACP – Woh kaun hai yeh toh abhi tak pata nhi chala. Par jo bhi hai tumse behad nafrat karta hai. Tumhe barbaad karna chahta tha jo usne kardiya hai. Ab apna muh tum khud khologe yaa main apne tarike se khulwau.
Ranjeet ko pata tha ab kuch nhi hosakta hai woh hartaraf se fhas chuka hai isiliye usse jo jo pata tha woh bol deta hai par apne saathiyon ke naam woh nhi bolta.
Idher Ranjeet ki company ke saath jinlogo ne deal ki thi unlogo ne uss deal ko cancel kardiya aur jinlogo ka partnership tha unlogo ne woh bhi cancel kardiya jiske chalte Ranjeet ki company raato raat bankrupt hojaati hai.
Udher woh ladka phir se ACP ko call karta hai.
Ladka – Kaise ho partner. Jyaada dard toh nhi horaha hai naa.
ACP – Partner. Hum kabhi bhi partner nhi hosakte. Tum ek mujrim ho.
Ladka – Kyaa baat karte ho partner. Humne saath milke itna bada racket pakdwa diya aur tum bolte ho hum partner nhi. Aur main kaise mujrim hogya. Maine kaunsa kisi ka murder kiya hai yaa chori ki hai. Ulta maine toh police ki madad ki hai.
Yeh baat sunn ACP ki bolti band hojaati hai. Kyoki ladke ne baat ekdum sahi kahi thi. Naa usne koi chori ki thi aur naahi koi khoon kiya tha jabki usne toh police ki madad hi ki thi.
Ladka – Kyaa soch rahe ho partner. Itna mat socho dimaag fatt jayega.
ACP – Ranjeet ko toh barbaad kardiya hai tumne ab aage kyaa chahte ho.
Ladka – Yeh galat kaha ACP sahab. Usse maine nhi uske karmo ne tabah kiya hai. Main toh bas ek zariya hu. Usne jaise karm kiya uska usse waisa fal mila.
ACP – Itna toh main jaan gaya hu yeh Ranjeet akela nhi hai. Tumhari list mein aur bhi bahot se naam hai.
Ladka – Yeh hui naa kuch baat ACP sahab. Aur umeed hai bahot jald aapko list mil jaayegi. Aur agar aapka dimaag aise hi chala toh bahot jald humari mulakat bhi hojaayegi.
Yeh bol woh call cut kardeta hai.
Idher Suraj aur baaki ke saathiyon ko jab Ranjeet ke baare mein pata chalta hai toh woh chaukanne hojaate hai. Unhone apna samaan dusri jagah chipaane ka bandobast kardiya tha.
Suraj – Kaun hai yeh jisne Ranjeet ko barbaad kardiya.
Harish – Kuch pata nhi hai. Woh toh bol raha tha koi ladka hai jisne yeh sab kiya hai.
Aadmi – Agar aisa hai toh pata lagao. Kyoki yeh ladka sirf Ranjeet hi nhi hum tak bhi pahonchega.
Suraj – Par pata kaise lagaye. Kaun hai woh. Call bhi toh STD se hi karta hai woh.
Aadmi – Toh pata lagao kaunsa STD hai. Uss STD ke waha pe apne aadmi bhejo. Uss ladke ka pakda jaana bahot jaruri hai.
Harish – Kyaa usne tumne bhi call kiya hai.
Aadmi – Haaa. Humare mumbai mein jitne bhi losses hue hai woh isine kiye hai. Kal raat hi call karke isne mujhe bataya thaa. Isiliye jald se jald iss ladke ka pata lagao. Yeh humare liye bahot bada khatra hosakta hai.
Suraj – Hmmmm.
Idher ghar mein sablog baithe baate kar rahe the tabhi Mahira bolti hai.
Mahira – Mummy kyaa hum bhaiya ke ghar wapas aane ki khushi mein ek choti si party rakhe. Jisse hum bhaiya ko sabse introduce bhi karwa denge.
Shekhar – Abhi yeh sahi samay nhi hai kisi party ka. Bhaiya ko gaye hue abhi kuch hi din hue hai aur party kabhi nhi.
Pratap – Mahira tumhara idea achha hai. Aur Shekhar maanta hu Vikram ko gaye abhi jyaada din nhi hue hai par iska matlab yeh tih nhi hum aage badhna hi chorr de. Hum ek get together jarur karenge.
Shalini – Kuch sochte hue. Hum jarur party karenge. Par kuch din aur rukh jaao. Kuch dino ke baad hum ek grand party ka organize karenge.
Shekhar aage kuch nhi bolta bas chup karke baitha rehta hai.
Udher Suraj ne apne aadmiyon ko kaam pe laga diya tha aur uss ladke ke baare mein saari jaankaari nikalne ko boldiya tha.
Uske aadmi uss STD call ka address nikalte hai aur uss jagah pahonch jaate hai aur puchtach karne lagte hai. Par unke haath kuch nhi lagta.
Tabhi unki nazar uss STD ke pass lage CCTV camera pe jaati hai aur woh uska footage dekhne ki sochte hai. Jiski dukaan pe woh CCTV laga hua tha usse dara dhamka ke woh CCTV ki recording le le lete hai aur Suraj ke paas chale jaate hai.
Suraj Harish aur woh Aadmi teeno baith ke uss CCTV recording ko dekhne lagte hai. Yeh teeno dekhte hai ek ladka din mein 3 – 4 baar uss STD mein aata hai.
Suraj – Lagta hai yehi woh ladka hai. Kyoki yehi din mein itne baar call karne aaya hai.
Harish – Par abhi hum confirm nhi hosakte. Humhe thoda aur khojna chahiye. Ek kaam karte hai uss courier office se pata karte hai jaha se Ranjeet ke paas parcel aaya tha.
Harish ki yeh baat sabko achhi lagti hai aur iske upar action bhi turant liya jaata hai.
Unke aadmi sang sang uss Courier company ke paas chale jaate hai aur puchtach karne lagte hai. Jab thodi der ke puchtach ke baad bhi courier company wale kuch nhi bolte toh wohlog Gun nikal lete hai aur jaankaari haasil karne lagte hai.
Uss ladke ki saari planning sahi hone ke baad bhi usse ek galti yaha hojaati hai aur ussi galti ka faiyda unnlogo ko mil jaata hai. Unnlogo ne CCTV ki madad se uss ladke ki picture mil jaati hai.
Woh saare log uss ladke ki photo leke unnlogo ke paas chale jaate hai. Woh log jab uss ladke ki photo dekhte hai toh woh unke pehchan ka nhi nikalta.
Harish – Kaun hai yeh. Isse toh main nhi jaanta. Isse toh aaj pehli baar dekh raha hu.
Suraj – Main bhi isse nhi jaanta. Kaun hai yeh.
Aadmi – Jo bhi hai. Par iss ladke ne humara bahot nuksaan kiya hai. Aur uss nuksaan ki bharpaayi isse karni hi hogi. Apne aadmiyon ko bolo sehar ka kona kona chaan maare aur iss ladke ko dhund ke mere saamne laaye.
Idher inki apni planning chal rahi thi udher uss ladke ki alag planning chal rahi thi.
Aise hi kuch din guzar jaate hai. Inn kuch dino mein uss ladke ne kuch nhi kiya tha. Ranjeet ki company bankrupt hone ki wajah se uski jitni bhi property thi sabki nilaami hogyi thi. Uss Nilami mein bahot se log aaye the boli lagane ne par Aryan ek saath chalaki se nilaami jeet li.
Idher Mahira ko Aryan ke upar thoda shakk hojaata hai. Usne kai baar usse phone pe kisi se chup chup ke baate karte hue sunn liya tha. Isiliye woh uspe nazare bana ke rakhne lagi thi.
Udher jab se Aryan ne chalaki se Ranjeet ki company ki nilaami jeeti thi woh ACP ke nazaro mein bhi aagaya thaa.
Idher woh ladki uss din ke baad se ekdum silent hogyi thi. Woh saara din apne room mein band hoke rehti. Kisi se naa koi baat karti aur naahi jyada bahar jaati thi. Uske maa baap jab puchte hai toh koi bhi ek bahana bana deti thi.
Ekdin Shalini apne kaam se ghar ke bahar jaa rahi thi. Usne apni gaadi nikali aur nikal padhi apni manzil ki taraf. Kuch durr jaane ke baad Shalini ko aihsaas hota hai koi hai jo uska pichha kar raha hai. Woh rear mirror se uss gaadi ko dekhti hai aur thoda speed badha deti hai. Shalini ki gaadi ki speed badhte dekh pichhe waali gaadi ki speed bhi badh jaati hai.
Shalini uss gaadi se pichha churane ke liye gaadi full speed se chala rahi thi par woh gaadi uska pichha nhi chorr rahi thi. Shalini baar baar pichhe dekhte hue gaadi chala rahi thi tabhi main road mein dusre raaste se ek gaadi aati hai aur Shalini ki gaadi ko thokk ke nikal jaati hai.
Jaise hi Shalini ki gaadi ko dusri gaadi thokti hai Shalini ka balance bigad jaata hai aur gaadi jaake ek lamppost se takra jaati hai aur Shalini ka sir steering wheel se takra jaata hai.
Udher jaise hi accident hota hai aas paas jitne bhi log the woh jaldi se Shalini ke paas aate hai aur dekhte hai Shalini gaadi mein hi hai aur uske sir se khoon bhi beh raha hai aur woh behosh bhi hai.
Kuch log madad karne ke liye aage badh rahe hote hai toh unhe kuchlog rokh dete hai.
Aadmi 1 – Aree bhaiii kyaa kar rahe ho. Yeh police ka mamla hai aage mat badho warna tum bhi fhas jaoge.
Aadmi 2 – Haa yeh sahi keh raha hai. Bekaar mein police ke lafde mein nhi padhna. Police ko bula dete hai wohi dekh lenge.
Par woh log inki baat ansuna karke jaldi se Shalini ko bahar nikalte hai.
Idher yeh accident dekh kar bheed mein se hi kisine Ambulance ko call kardiya tha.
Thodi der mein Ambulance waha aajati hai aur Shalini ko waha se leke chali jaati hai.
Badhiya update.
Anjaan ladka itna bhi smart nahi. Mujhe laga tha wo koi clue nahi chhorega par usne kaafi jaldi clue chhor diya. Hope ki usne kuch soch rakha ho. Lagta hai Aryan aur woh anjaan ladka hi aapas me mile hai aur madad kar rahe hai ek dusre ki.
Kahani ka ye update kaafi zyada 3rd person perspective pe based tha. Narration me hi kaafi kuch batla diya gaya aur time skip bhi thoda bohut dekhne ko mila. Jaise suraj aur gang ka ladke ko dhundhna, kuch dino ka guzarna, ranjeet ki company ka bankrupt hona, aryan ka use khareedna, woh anjaan ladki ka gumsum sa hona, etc.
Kaafi kuch badi hi speed se bata diya gaya. Mein chaah raha tha ki writer sahab likhne ki jagah kaash inhe dikhaate. Jaise mahira ka aryan ki jasoosi karna. Kya vichaar the uske mann me Aryan ko iss tarah dekh? Chaah raha tha ki ye sab choti choti cheezein miss out na hoye.
Par shayad ye behad hi plot centred kahani hai? Zyada lambi bhi nahi hogi? Kya meri farmaish kuch zyada hai?
Yaha pe aaj Shekhar ki baat se mein agree karunga. Mahira aisa soch bhi kaise sakti hai. Baap marr gaya bhai. Tumhe party ki padi hai? Baap ke jaane ka kuch gam hai ya nahi?
Shekhar ne ekdum sahi kaha tha. Jis ghar me gami ho aur abhi kuch din pehle hi ghar ka aham sadasya marr gaya ho, party ke baare me soch bhi kaise sakte hai?
Aage badhna acchi baat hai par Shalini kaisi baatein kar rahi hai? Pati marr gaya par party karni hai? Ye mujhe jacha nahi. Iss maamle me shekhar ke saath hi jaunga mein. Woh isliye kyuki haal hi me mene bhi ek sadasya ko khoya hai. Mein jaanta hu ghar ka mahaul kaisa rehta hai. Shalini aur mahira...!
Shekhar
Anyways, to Shalini ka accident hui gawa. Mujhe laga hi tha ye bhidegi.
Follow karne wali gadi ka uddeshya hi yahi lag raha tha. Hmm! Kahani me suspense bana hi hua hai. Dekhte hai aage kya hota hai.