Update # 9
Karoon - Chandrika tum taiyaari karo Halaaku ko bulwana hai aaj hi aur Raftaar tum sare ladaakon ko taiyaar karo aur sabhi kabeele waalon ko bol do taiyaari kar le chhipne ki .
Chandrika aur Raftaar teji se apne kaam ke liye nikal jaate hain jabki Raja karoon ek lakdi ka baksa nikalta hai . Uske andar ek bada sa patthar tha jo doodh jaise safed sangmarmar ka bana tha . Karoon us chhote lakdi ke bakse ko lekar bahar ki ore chal deta hai .
Jungle ke beechon beech ek bahut badi laal patthar ki moorti bani thi jo pahaad ko kaat kar banai gayi thi jo Sindoor aur haldi se rangi - puti huyi thi . Moorti ko ek vishal kaay mala pahnaayi gayi thi . Mala haddi , khopdi , jungli phool pattiyon se bani hui thi . Devi ki moorti ke saamne Ek vishal hawan kund bana hua tha jisme agni dhadhak rahi thi aur uske charo ore char jungli baba ji log baithe the jo behad bhayanak the aur lagataar koi awaajein nikal rahe the .
Kabeele ke sare aurat , mard aur bachche wahan pahunch chuke the . Chandrika apne kisi vishesh poshaak me aur Raftaar apne kandhe par khatarnaak jungli baaz liye apne ladaakon ke sath aa chuke the .
Raja Karoon apne haathon me chhote se bakse ke saath sabse ant me aaye . Unhone devi ke pairo ke paas uss chhote bakse ko rakh diya . Hawan kafi teji se shuru ho gaya tha . Boodhe aur bachchon ko chhod kar sabhi haathon ko hawa me utha kar kisi vishesh prakar ke nritya me vyast the .
Chandrika ne bada hi vishesh prakar ka singar kiya tha aur wo jakar devi ke pairon ke paas dhyan laga kar bath gayi thi . Do ghante baad achanak hi chandrika uthi aur apne baalon ko hawa me lahra kar jhoomne lagi jaise uske sir par koi saaya aa gaya ho . Baki ke sare log chandrika ke charo ore ghera bana kar khade ho gaye the . Jhoomte jhoomte wo dono haath me bhar bhar kar sindoor bhi uda rahi thi .
Chandrika ne bakse me rakha wo doodh sa safed patthar uthaya aur devi ki moorti ke neeche ki chattan par bane ek chhote se chhend me rakh diya aur jane kya mantra padhne lagi . Koi 20 min baad devi ke pairon ke samne ki jameen kaampne lagi aur tez awaaj ke sath khisak gayi . Jameen ke khisakte samne ek vishaal kaay gufa najar aane lagi .
Karoon ki aagya se sare boodhe aur bachche us gufa me chale gaye . Chandrika abb tak apne hosh o hawaash me laut chuki thi aur thaki huyi drishti se dekh rahi thi .
Karoon - sare bache aur boodhe abb gufa me hi rahenge . Ladaake suraksha me tainaat rahenge . Kabeele wasi jitna ho sake phal sur kand mool ka intejaam gufa me karenge .
Karoon ki baat sun sabhi kabeele wasi ( young male and female ) phal aur kand ki vyawstha karne jungle ki ore chal diye .
Karoon - Raftaar tum apne baaz ke gale me khatre wala dhaga baandh kar haalaku ko bulaawa bhej do aur tab tak kisi bhi vipda se niptne ke liye satark rahna bhi tumhare jimme hai .
Raftaar - ji karoon jaisa aap kahe . Kya mai kuchh gujarish kar sakta hoon ?
Karoon - haan bolo ?
Raftaar - kya bali ke liye bhi pahle se taiyaari karni hai ?
Karoon - hmm kar lo lekin unn basti waalon ko shaq nahi hona chahiye waise bhi collector na jaane kis vaigyanik ke agawa hone ka iljaam de raha hai . Saawdhani poori rakhna .
Raftaar - ji .
######
Karan us chandi si chamkti akriti ke vash me hokar kab apne ghar ja pahuncha use khud pata nahi chala . Maa ki awaaj se uski tandra tooti .
Maa - Karan abb Rohan kaisa hai ?
Maa ki awaaj sun Karan sakpaka gaya .
Karan - hhhaaan mmaa wo Rohan ttheek hai .
Maa - tu itna ghabraya hua kyu hai ?
Karan - nnahi to ...
Karan hadbada kar maa ko dekh raha tha ki kahi maa na dekh le uss khoobsurat parchhai ko .
Maa - ye kya tareeka hua jawaab dene ka ?
Karan ko ghabraya dekh Kavya ne morcha samhala .
Kavya - maa Karan ne subah se kuchh khaya piya nahi hai aur aap sawaalon ki bauchhar kar rahi hain . Karan tum apne kamre me jao mai chai aur nashta laati hoon .
Kavya ne mahaul samhal liya tha . Karan apne room me chala gaya aur Kaya jhatpat 2 cup chai aur pyaaj ke pakaude bana kar le gayi .
Kavya - lo chai piyo .
Karan - thanks yaar meri help karne ke liye .
Kavya - tu normal kyu nahi hai ? Phir kuchh hua ?
Karan - yaar mere sath sab khchh ajeeb ho raha hai .
Karan ne subah se raste tak ki sari ghatna kah dali . Kavya ki hasi choot gayi aur pal bhar me dono bhai bahan cheekh kar bed se door khade ho gaye . Karan aur Kavya jab tak baat kar rahe the 1 cup chai aur aadhe pakode gayab ho gaye .
Kavya - yye kkaise hho sakta hai ? Kahan gayi meri chai aur aadhe ppakode ?
Karan - abb hua yyakeen meri haalat par .
Kavya - hhaaan ... bhago yahan se ... maa ko bataate hain sab .. bbhooot hai yyahan .. bbhooot .
Karan aur Kavya darwaaje ki taraf bhage par darwaaja band ho gaya aur kamre me kuchh aisa najaara dikha ki Karan to Karan Kavya bhi palkein jhapkana bhool gayi .
