Update 19
[ A hero is born ]
Dusare din CR ko chunana tha, jo 3-4 log CR ka election ladna chahte they, jinmein hamari or se dhananjay bhi tha, un sabhi ne milke elaan kar diya ki hamare section se koi chunav nahi ladega aur na hi koi voting hogi.
Hum sab ki taraf se ARUN hamara CR hoga, mene kaha nahi bhai mujhe kisi pad ki laalsa nahi hai, meri taraf se dhannu CR hai, to wo bola nahi yaar, hamein ek aisa representative chahiye jo hamare hiton ke liye nidar hokar bina paksh-paat ke awaj utha sake, aur hum sab logon ne dekh bhi liya hai ki wo tujhse achha koi nahi kar sakta, kyon bhai logo, kya bolte ho..?
Sabhi ek swar mein- haan hamara CR arun hi hoga aur koi nahi…
Dhananjay – to fir sabhi log ek paper par likh ke signature karke de-dete hai, ki hamara CR arun nirvirodh chun liya gaya hai.
Aur fir jaisa tay hua tha, sabne likh ke sign karke section head ko pakda diya aur iss tarah se mein nirvirodh CR chun liya gaya.
Hamare pure section ki ek khas image pure campus mein khastaur se FY mein ban chuki thi, yahan tak ki election ke baad ki apni speech mein Principle ne kai baar hamein appreciate kiya.
Lekin jaisa hamein bahar se mahaul shanti purn lag raha tha, ander se aisa nahi tha….
Shrivastav aur uske jaise dusre seniors ko ye baat hazam nahi ho rahi thi, ki ek FY ka ladka na hi bazi mar le gaya apitu, pure campus mein hero ban gaya…
Wo mauke ki talash mein lag gaye ki kab wo mujhe lapeten, mujhe ye bhi pata lag gaya tha, ki shrivastav ke sath kuchh TY aur LY tak ke gunde type ke student bhi hain aur wo usko full support kar rahe hain.
Mene bas ek hi baat seekhi jindagi mein, ki maut sirf ek baar hi aati hai, koshish har safalta ki kunji hai.
Darr ke jeena na to mere khoon mein tha, aur na hi mere sanskaron mein. Isliye me har sambhav bindas rahne ki koshish karta rahta.
Samay apni raftar se gujar raha tha, finals ka samay najdik tha, hamara adhiktar samay workshop me hi vyatit hone laga project complete jo karne they..
Ek din hum charon dost worshop mein kaam kar rahey they, kafi time ho gaya tha sham ke lagbhag 7 baj rahey they.
Tabhi wahan shrivastav aur uske sathi aagaye, ye unka der sham ka adda tha roz ka, chunki sham 6 baje ke baad work shop band ho jata tha, isliye wo log isi samay yahaan aake drugs lete they, wahin par wo drugs ka apna stock rakhte they chhupa ke aur dusre students ko bhi supply karte they, ye hamein baad me pata chala.
Ye baat hamein pata nahi thi, wo log hamein ignore karke hamare pass se gujarte hue andar ki or jahan sabke drawars bane hue they udhar chhipke drugs lete rahe aur thoda sa stock liya aaj ki supply karne ke liye.
Me aur dhananjay thoda hatke dusri row wali machine pe kaam kar rahey they aur Jagesh & rishabh us side they jidhar se unka paasage tha.
Wo log 8 jane they, loutate me wo log jaise hi wahan se gujare, unmein se ek LY ka banda nashe ki pinnak me apni senior wali tone mein, Jagesh ko bola,
Kyon be salo ek hi saal mein engg karne aaye ho kya? behenchod raat me bhi lage ho, bhago yahan se ab…
Jagesh – sir thoda project baaki hai, to complete kar lete hain..
Wo- Abbey to bhosadi ke kal nahi kar sakta kya? aaj hi maa chudana jaruri hai tum logon ko.
Jagesh- sir tameez se baat kariye, gaali galauj karne ki kya jarurat hain, unki vartalap sunke rishabh bhi wahan aagya.
Wo- bhosadi ke hamein tameez sikhayega… teri maa ko chodu, hamse panga loge tum log,
salo tumhari aukat hi kya hai, hamse juban chalata bhosdi ke, aur wo uski taraf maarne ko badha, uske sathi bhi uske peechhe hi they.
Mujhe kuchh awajein sunai di, machine ki awaj mein clear nahi tha, mene dhananjay ko bola - dhannu, dekhna kya ho raha hai udhar..?
Dhananjay ne jab jhaank ke dekha, aur bola arey yaar, ye to saale Jagesh aur rishabh ke sath mar-peet kar rahey hain bhai, jaldi aa..
Mene machine band ki aur udhar dauda, dekha ki ek LY ka ladka Jagesh ka coller pakad ke use mar raha tha aur do ne rishabh ko pakad rakha tha.
Jaise hi hum wahan pahuche, do ladke dhananajay ki or lapke aur shrivastav aur do bande meri or..
Dhannu action, aur kehte hi mene aage badhte-2 ek sedhe pair ki kick ek ke muh pe rasid kardi, wo wahi peechhe ki taraf machine ke upar gira, ek to safety shoes ki kick itni tej lagi, upar se uski kamar lathe ke bed par lagi, dhadam se wo wahin dher ho gaya.
baaki ke dono jab tak mere pass tak pahunchte mene lapak ke apna pasandida pentra use kiya aur dono ke gale ek-ek se pakad liye.
Ek majdur kisan ke sakht hathon ki pakad itni majboot hoti hai, lakh koshishon ke bawjud wo chhuda nahi paaye dekhte-2 unki aankhein bahar ko ubalne lagi, nashe ki halat mein aur jyda ghabrahat jaisi mehsoos hui unko, upar se mene unke sar aapas me takra diye. Kadak.. aur dher ho gaye.
Mene un dono ko dhakka deke peechhe ki or fenka, wo dono peechhe rakhi tools table joki lohe ki thi uske upar jaake gire.
Dhananjay bhi majbut kasarati sharir wala ladka tha, usne bhi un dono ko sambhal liya, aur wo unhen achhi khashi takkar de raha tha, un par puri tarah hawi tha wo.
Mein lapak ke rishabh ke pass pahucha, aur un dono laundon ko peechhe se baju gale me lapet ke kas diya, turant unki pakad rishabh se dheeli pad gyi aur wo hath pair maarne lage apne ko meri girft se chhudane ke liye.
Mene rishabh ko kaha, tu jaldi se dhannu ki help kar.
Udhar Jagesh ne bhi apne shikar ko chitt kar diya tha aur wo uski chhati par baith kar tabad-tod uspar thappad barsa raha tha chillate hue, bhosadi ke ab gaali deke dikha madarchod kyon nahi deta ab gaali.. dena...!!
Maar-maar ke usne uske thobde ka faluda bana diya aur wo behosh ho gaya,
Shabaas mere sher, mene chillake use encourage kiya aur apne shikaar ke gallon ko aur jore se kas diya,
Itne me wo pehle wala jo meri kick se gir gaya tha uth chukka tha aur meri taraf aane laga, to use beech mein hi rishbh ne lapak liya, aur aisi pilaai ki us bhosdi wale ki, naani yaad aa gayi.
Jagesh use behosh chhod meri or aaya to uski nazar un dono mere shikar ke cheharon par padi to cheekh pada…
Arun jaldi chhod inhen nahi to mar jaayenge saale.
Mene jaise hi un dono ko chhoda, wo dono cement ke bori ki tarah dhadam se jamin par gir pade, wo behosh ho chuke they.
Nazara ye tha ki wo aathon jamin par pade they, kuchh achet, to kuchh karah rahe they….
Hamne un sab ko rassi se hath pair bandh ke wahi dala aur unki talasi li to unke pass se dher sare drugs nikale.
Turant office jakar hamne principle ko phone kiya, aur sari baat batai, wo turant apne sath do-char teachers aur workshop incharge ko lekar aadhe ghante mein hi workshop mein pahunch gaye,
Hamne unhen sari baat detail me batayi, unke pass se mile drugs dikhaye, mene kaha sar inke drawers bhi check keejiye, wahan aur stock ho sakta hai, kyunki mujhe lagta hai ye campus mein drug dealing ka dhandha karte hain.
Jab unke drawers khole to principle ki aankhen fati ki fati rah gayi, unke drawers drugs se bhare pade they.
Principle ne workshop incharge ko latada, ye kaisa administration hai aapka? aapki naak ke neeche drugs ka dhandha ho raha hai campus mein, aur aapko pata hi nahi chala ? ye kaise sambhav hai?
Workshop incharge mimiyane laga…. Wo..wo.. s.ss saab, ab kaise pata chalega hum logon ko ki ye log kya-kya rakhte honge apne drawers mein? Hum to ek baar drawer allot kar dete hain uske baad thodi dekhte hain.
Turant police ko phone lagaya aur unsabko uthwaya, tab tak unlogon ko hosh aa chukka tha.
Un aathon ladkon ko rusticate kar diya gaya, unpar drug dealing ka charge lagake hawalat mein daal diya gaya.
Iss tarah se ek bade gunah ka bhandafode hua hum logon ki vajah se.
Principle ne hum logon ki peeth thapthapai, aur vishesh admin committee gathan karne ka faisla hua, jiska hum charon ko member bana diya jayega, jo seedhe principle ki adhyakshta mein kaam karegi,
Ye ek vishuddh “student admin sewa samite” hogi isliye iska naam (SASS) rakh diya gaya, jismein hamein vishesh adhikaar diye jayege, ki agar kuchh bhi campus me galat hota dikhe, hum apni taraf se decision leke uchit karywahi kar sakte hai, chahe wo kisi teacher ke khilaf hi kyon na ho.
Aur nikat bhavishya me agar aur koi yogya student judta hai to us committee ka aakaar bhi bdhaya ja sakta hai, jiska adhikaar bhi hamein hi hoga. is sabka prayojan sirf ye tha ki nikat bhavishya me is taraf ki aur koi ghatna na ghatit ho jisase hamare college ki reputation kharab ho.
Ye sab faisla principle ke office mein baith kar liya gaya tha, jiska vastwik roop kal subah hi taiyar kar lena tha.