Thriller Murder......

[Naik]

UPDATE - 06​

Lucky ne sandhya ko call par pravin ke ghar ka lock tod kar ghar ki talashi lene ko kaha or phir call cut karke wapis se nita se puchtash karne laga..


Lucky :- haan to ab batao ki Roshni or Pravin pehli baar kaise mile ?


Nita :- sir Roshni or Pravin first time meri didi ki shadi me mile the. Pravin mere Jijaji ka friend tha. Roshni meri best friend hai is liye shadi ke sabhi kamo me mere sath meri help karti thi.mere papa ne meri didi ki shadi ka bhavy aayojan kiya tha. Mere papa ki hum dono behne bahot ladli thi i is liye mere papa ne dulhe paksh ke logo ko kuch bhi kehne ka moka nahi diya tha..Hum logo ne shadi me aaye hue mehmano ke Manoranjan ke liye dance ka program rakha tha.
jisme Me or Roshni ek sath dance performance karne wali thi.. Roshni hamare college ki number 1 dancer thi. Roshni ko dance karne ka bahot hi shokh tha.. kisi bhi dance song ke video ko dekh kar vaisa dance khud hi bina kisi ki madad ke sikh jati thi..


us din bhi dance ki sab taiyari usne khud ki thi.
dance ke liye stage ka decoration bhi apni pasand se Roshni ne karvaya tha.
mere papa bhi roshni ko apni beti hi mante the is liye Roshni hamare ghar ke sab utsav me ghar ke member ki taraf samil rehti thi..


Us din mene or Roshni ne mil kar bajirao mastani ke song par performance kiya.
Hume dono ne us song ki actress ne kapde pehne hue the same vaise hi mene or Roshni ne navsari saadi pahen kar mast taiyar hoke stage par dance karne aayi thi.


Roshni navsari saadi me bahot Khubhsurat lag rahi thi. Roshni dikhne me thodi shyam thi but vo bahot akarshit lag rahi thi... uska figer saadi me bahot hi mast lag raha tha.. stage par hum dono hi dance kar rahi thi par phir bhi sab log Roshni ko hi dekh rahe the..


Ek taraf meri didi ki shadi ki vidhi chal rahi thi or dusri taraf sab mehmano ke Manoranjan ke liye hum dono dance performance kar rahi thi.. mujhe dance ka shokh nahi tha par roshni ne mujhe achi tarah se dance sikha diya tha.
bahot hi Khubsurati ke sath hume ne dance performance kiya..
dance performance khatam hote hi sab log taali or sitti bajake tarif karne lage..


Me or Roshni dance kar ke stage par se jane lagi thi ki tabhi dulhe paksh se jijaji ke dosto ke group ne jor jor se taaliya bajate hue
one more...one more kehne lage.. but time ki kami ki vajah se hume ne dubara dance karne se mana kar diya kyuki hamare dusre bhai bahen ( chacha,mama ke beta-beti ) the unhe bhi Roshni ne dance sikhaya tha.


hamare baad vo bhi dance performance karna wale the. But tabhi stage ke pas Pravin aa gaya or usne Roshni ke sath dance karne ki mang karte hue kaha ki
Vo khud udaipur me dance class chalata hai. Or use Roshni ka dance bahot hi pasand aaya is liye vo Roshni ke sath ek song par dance karna chahta hai. Us time hi Roshni or Pravin ki pehli baar nazar mili thi.


Pravin roshni se age me kaafi bada tha but dikhne me Khubhsurat or bahot hi handsome tha. Uski bolne ki style itni mast thi ki koi bhi uski taraf attract ho jaye.
Roshni ne bhi Pravin ko pehli nazar me dekha to uska dil dhadak ne laga tha.. Roshni ka man to tha uske sath dance karne ka par baki sab ke bare me soch kar usne mana kar diya..


par jijaji ke dosto ke group mese ek ladka majak akar me bola.. " are hum log dulhe paksh se hai to tumhe humari baat manani chahiye..dukhe paksh ko naraz karogi to kaise chalega..".


dusri taraf didi ki shadi ke fere chalu ho gaye the..


Dusre ladke ne fir se majak me kaha :- agar hamari demand puri nahi hue to hum shadi ke fere aage nahi badhne denge..


Jijaji ke dost ki baat sun kar shadi ka mahol kharab hone laga but dulhe paksh ke ek uncul ne kaha ki ye bache to bas majak kar rahe hai shadi jaise chal rahi hai vaise hi chalegi.. par hum sab ki ichha hai ye ladki (Roshni) dubara dance kare. Sabki ichha ka man rakhte hua Roshni Or Pravin ka bhavy dance performance hua.. dono ne itna achha dance kiya ki shadi me aaye hue sab mehman khush-khush ho gaye the.


Roshni ko bhi Pravin ke sath dance karne me bahot maja aaya. Roshni Pravin ka dance dekh kar hi fidda ho gay thi.. baaratiyo ki biday na ho gay tab tak roshni or pravin ki ek dusre par se nazare hat hi nahi rahi thi..
dono ek dusre se attract ho gaye the. Dono ke hoth to band the par ankhe bahot kuch baya kar rahi thi. Ek dusre ko dekh kar dono ke dil me ek kuch-kuch ho raha tha.. baraat ki chali gay or didi ki biday bhi ho gay phir bhi Roshni Pravin ke khyalo me hi khoyi hue rehti .


Shadi keliye baad mama,chacha,bua, sab ki family ruki hue thi jisase ghar me chahel pahel thi.
Roshni bhi mujhe kam me help karne ke liye mere ghar hi ruk gay thi.


Dusre din ki raat ko hum dono didi ki shadi me kitna maja aaya vo sab bate kar rahi thi ki tabhi Roshni ke mobile par ek notification aaya.


Pravin ne social media par roshni ki id par request bheji thi or sath me "hii" ka msg bhi aaya tha. Roshni Pravin ka msg dekh kar ek dum khush ho gay thi .
uske chehre ke haav bhav dekh kar mene kaha
" kya baat hai roshni..tera chehra dekh kar to aisa lag raha hai ki jaldi hi teri shadi ki taiyari karni padegi. ".


Roshni ne return me javab diya ki :- nahi re .. meri shadi me to abhi bahot der hai .. tujhe to pata hai ki me apne maa papa ki ek louti beti hu. Abhi to MBA complete karke ek achhi job karni hai..mujhe apne maa papa ko unka beta ban kar dikhana hai. Yuh itni jaldi shadi ke lafde me nahi padne wali.


Nita :- achha..!! Par ye tere chehre ki muskan to kuch or hi raaz khol rahi hai..
kya baat hai kahi kisi se pyaar to nahi ho gaya?


Roshni :- kya yaar Tu bhi..aisa kuch nahi hai. ( sharma ke) kaha to hai ki abhi der hai..


Nita :- mene kaha shadi ka kaha shadi me der hai but pyaar ki sahi age to yahi hai na..to pyaar to kar hi sakti hai. Tu mujhe nahi batayegi vaise me dekh rahi hu didi ki biday ke baad se Tu bahot chup chap Rehne lagi hai. Kuch to hai tere man me jo tu mujhse chupa rahi hai.


Roshni koi bhi baat mujhse chupati nahi thi is liye phir usne mujhe pravin ki aayi hue request or msg ke bare me bataya.. kehne lagi uske dil me Pravin ke liye feeling hai. pehli nazar me hi Pravin pasand aa gaya tha is liye usne request bhi accpet kar li or uske msg ka reply bhi "hii" likh kar send kar diya.


Nita :- aree! itni jaldbaji kyu kar rahi hai pehle Pravin ke bare me sab jan to le ki Pravin kaisa insaan hai.


Roshni :- haan pan wahi janane ke liye to request accpet ki hai.. pyaar ki sharuaat hi ek achhi Dosti se hoti hai. Ek dost ban kar pehle use pehchan na chahti hu ki vo kaisa insaan hai .. sahi hoga tabhi pyaar me aage badhungi..
.
.

To Be Continued..

Badhiya shaandaar update bhai
Pehle dosti ki fir pyar kia or fir maut sahi h
Yehi tow hota h zindagi m

 

[Naik]

UPDATE - 07​

Nita Roshni or Pravin ke pehle milan ki baat bata hi rahi thi ki tabhi vaha ek police constable hath me postmortem report leke cabin me enter hota hai..


or lucky ko selute kar ke Kehta hai :- sir ye roshni ke murder case ka postmortem report hai.
postmortem karne se pata chala hai ki pehle sar me kisi tej dhar chiz lagne se behosh ho gay hogi. Uske baad use takiye se uska muh dabane se uski sans band ho jane se uski mout hue hai. Sir room me mile finger print tin alag-alag vyakti ke hai. Jisme ek finger print to roshni ke hai. Or dusre finger print me shayad Pravin ke ho sakte hai.


" or tisra finger print Nilesh choudhri ka hi hoga ". Lucky constable ki baat ko bich me katate hue hi Kehta hai..


Constable :- haan sir abhi to shak Nilesh choudhri par hi hai.


Lucky :- shak nahi mujhe pura yakin hai ki tisre finger print nilesh ke hi hoge. Shayad Roshni ka murder Pravin or Nilesh dono ne mil kar hi kiya hoga. But Nilesh ne Pravin ka sath kyu diya hoga Roshni ka khun karne me? Usme uska kya swarth ho sakta hai?.. or terrace jane wali sidi par jo finger print mile the or kitchen ki taraf ke raste par jo finger print mile the vo finger print is finger print se match hua kya?


Constable :- haan sir vaha se to jyada finger print mile the us mese do vyaakti ke finger print room ke finger print se match hue hai.


Lucky :- to to pakka pravin or nilesh ke hi hoge..suresh ab to is nilesh choudhri ke ghar ka bhi tala todna padega..
tu apne sath ek constable ko leke ja or pure ghar me ek ek jagah ki talashi lo kuch to aisa milega jise hume is case ko solve karne me help karega.


lucky thodi der kisi soch me duba rehta hai phir nita se puchtash karte hue Kehta hai.


Lucky :- haan to nita ab ye batao ki us Milan ke baad pyaar me kaise badla?


nita thoda soch kar fir apni baat aage badhati hai..


Nita :- sir Pravin ka msg dekhte hi maine kaha ki "achha to tu tumhari love story chala tab tak me thoda kam nipta ke aati hu.


Roshni :- aree abhi to "hii " ka msg hi aaya hai usme love story kaha se aa gay.
( muh bhiskate hue nita ko jawab diya )


Nita :- woh to tera chehra dekh kar hi pata chal jata hai ki tujhe me uske liye kaisi feeling hai.. tu aage badhe usme koi problem nahi hai but dhyan rakhna. Me aati hu thoda kam nipta kar..
( nita ne bed par se niche utarte hue kaha )


Roshni :- okk kam khatam kar aa.


Tabhi Roshni ke mobile me Pravin ka msg aata hai..


Pravin :- aapka dance bahot hi adhbhut tha or...
( jan bhuj kar Pravin ne aadha msg bheja)


Roshni :- or kya?..
( adhure msg ka jawab janne ke liye sawal kiya)


Pravin :- or aap bhi.


Jawab dekhte hi Roshni ka chehra khul utha.


Roshni :- aisa kya hai mere me jo me apko adhbhut lagi?

( Roshni ko apni tarif or sun ne ka man tha is usne ye sawal kiya )


Pravin :- aapki Khubsurati sach me adhbhut hai or usme apka thirkta hua jism jo dance karte hue or bhi Khubhsurat lag raha tha. Pariyo ko bhi dance me piche chhod diya apne to.


Roshni :- bas ab , aisi juthi tarif to mat karo.. aapka dance bhi bahot achha tha.


Pravin :- na na juthi tarif nahi kar raha.. jo sach hai wahi keh raha hu... or dance to mujhe aata hi hoga na mera khud ka dance classes hai.


Roshni :- ohho..tab to mujhe aana padega dance sikhne.. aapko meri ye id kaise mili ?


Pravin :- dhudhne se to bhagwan bhi mil jate hai.to phir aapki I'd dhudhna mere liye ek khel jaisi baat hai..


Roshni :- ohhh aisa hai..but meri id dhudhne ki koi vajah?


Pravin :- haan! Aapka adhbhut dance.. kya hum dost ban sakte hai?


ye log msg me baat kar rahe the ki Nita room me aa jati hai..or majak me roshni ko kehti hai..


Nita :- kaha tak pahochi tumhari love story ?


" are yaar tu na... le khud hi mobile me dekh le ki kya baat hue hai. " Roshni ne juth gussa karte hue kaha.


" Ohhho...isme to bahot jyada tarif ki hai Pravin ne teri..love story tarif se hi start hoti hai. " Nita ne ek ek msg padh kar.. Nita roshni ke baju me let te hue boli .


" aisa kuch nahi hai nita " is topic ko band karne ke liye itna javab diya Roshni me.


" acha tu Pravin ke sath apni bate chalu rakh rang me to so rahi hu..bahot thak gay hu " itna keh kar nita ankhe band karke so jati hai or Roshni Pravin ke sath bate karne lagti hai.


nita lucky ko Roshni ke bare me bata rahi thi Roshni ke bare me..


Nita :- sir Roshni ne start ki hue Dosti dheere-dheere pyaar me badal gay. Or Roshni to meri didi ki shadi me hi Pravin ko dil de bethi thi .. Pravin bhi Roshni ko social media par time diya karta tha baat karne ke liye..roshni pravin ke pyaar me itni doob gay thi ki mujhe milne ki to dur ek msg k call bhi nahi karti thi. Roshni ke pyaar ne uski study bhi kharab hone lagi thi.


Nita :- ek baar meri didi kuch din rehne ke liye hamari ghar aay thi tab didi ne jo baat Pravin ke bare me batay use Sun kar mujhe bahot sock laga.
Me vo baat roshni ko batane ke liye uske ghar pahoch gay. Or mene bahot achi tarah se use samjaya ki Pravin shadi suda hai or ek bete ka hai..tumhe uske sath ab aage sambhandh nahi rakhna chahiye.


Roshni ne mujhe bahot aaram se jawab diya ki :- nita tu jyada tension mat le mujhe pravin ne pehle se hi bata diya hai ki voh married hai or ek bete ka baap hai. Pravin ne abhi tak apni ek baat bhi mujhse nahi chapay hai.. vo sach me bahot acha insaan hai..shayad isi liye me apna dil de bethi...or vo bhi mujhe bahot chahta hai.


Nita :- sab kuch janate hue bhi Tu itni aage kyu badh gay? ( nita ke shabdo me chinta thi )


Roshni :- pyaar aisa hi hota hai Nita ek baar ho jaye to phir uske siwa or kuch bhi nazar nahi aata.
mere sath bhi aisa hi hua hai ..mujhe kisi kam me ya study me dil hi nahi lagta jab se me Pravin se mil ke aay hu.


Nita :- matlab tum log phir se mile the?
( gambhir or socking chehra ho gaya tha )


Roshni :- haan..hum ek month pehle hi hotel me mile the.. tabhi mene apni sab maryada tod di. Aaj bhi mujhe uska ek ek mulayam touch.. uski yaado me kho jati hu..
uske sath ka alingan, uski pyaari kiss or uski mithi madhur boli meri raato ki nind udda deti hai nita.. me uske bina ab nahi reh sakti. ( apni sab bhawnaye nita ke samne rakh di. )


Nita :- ye baat to sach hai ki Tu Pravin ko bahot pyaar karti hai but Pravin married hai vo kaise tere pyaar ko zindagi bhar nibhayega? Mujhe isi baat ka sabse jyada chinta hai. ( nita ke shabdo me roshni ke feature ki tension thi )


Roshni :- mujhe Pravin ke upar pura visvas hai .. vo zindagi bhar ka sathi hai vo mere sath hamesh khada rahega..shayad ye visvas hi mujhe uske sath pura sambhandh banane se rok nahi paya ..but Tu tension mat le sach kuch thik ho jayega.


nita lucky ko bata rahi thi ki tabhi..


Lucky ke mobile par sandhya ka call aata hai..

.
.
TO BE CONTINUED......

Ise pyar nahi kehte use bachpana kehte h
Pyar m itni andhi ho gayi ki apni maryada tak laangh gayi
Baate bahot badi badi kerti thi ki m apne maa baap ka beta banke dikhongi tow jab parveen k saath maze ker rahi tab kaha gaye maa pita ji
Baherhal dekhna sabse zaroori sawal yeh h ki parveen n maara kyon Roshni ko ?

 

[Kajal...]

UPDATE - 01​

Rajasthan ki Khubhsurat Parvatmala par bacha ek nagar...matlab ke mount aabu ka pahaadi ilaaka..or uske uper lucky talaab ke baju me hi bani hue "Hotel Hillok" me morning ke 10 baj rahe the.


Hotel ka manager Rajkunvar Sinh.. hotel ke bahar ke vatavaran ka anand le rahe the..shardi ke mausam ki Subhah thi or Sun bhi badlo ke piche chup kar thoda sa prakas nikal raha tha.


is saal varsha ritu me bahot baarish hue thi..is liye pure parvat par Green chadar chada rakhi ho aisa lag raha tha..Rajkunvar Sinh to is kudarat ke rache hue Khubhsurat or adhbhut nazare ko dekh kar usme hi kho gaya tha..par tabhi vaha par achanak hotel ka waiter Raju aa gaya or usne rajkunvar sinh ka dhyan toda.


Raju :- saab! Room number 108 me se bahot hi gandh aa rahi hai, kuch ajib hi gandh hai.


Manager :- gandh! Kaisi gandh! ?


Raju :- pata nahi saab!.. kuch ajib hi gandh aa rahi hai.


Raju ki baat sun kar manager reception counter par jata hai..


Manager :- Kiske name par register hai room number 108?


( reception par khadi Kavita Sharma ko register me dekhne ko kaha. )


Kavita Sharma :- Sir koi new married couple hai.. Pravin sinh and uski wife. Abhi do din pehle hi unhone hamari hotel me room book kiya hai..
But ek baat bahot ajib hai ..jab se ye couple aaye hai tab se ek baar bhi room se bahar nahi aaye. Nahi yahaa ki kisi bhi ghumne ki jagah par gaye hai ..or nahi is couple ne hamari hotel maise kuch khana order kiya hai..bahar se bhi kuch khana us room maise order nahi hua hai.


Raju :- new married couple hai na maddem is liye ekdusre me aise kho gaye hoge ki ..khane-pine ka bhi bhul gaye hoge


( Raju haste hue bola )


kavita raju ko chup rehne ka bol kar use ankhe dikha kar aage boli


Kavita :- Sir mujhe to pehle se hi ye couple kuch ajib lag raha tha. Dono ki age me bhi bahot different lag raha tha. Ladki ladke se age me bahot chhoti ho aisa lag raha tha.. jab room book karne ke liye maine mr.pravin ke pas advance me hajar rs mange to usne uski wife ke pas se paise leke diye. Jab mene pucha ki aap logo ka kitne din ke liye room chahiye to dono hi ek side jake kuch dheere se kuch der bate karne lage or phir aake kaha ki 3 din ke liye room chahiye. Mene jab pucha ki yaha ke ghumne ki jagah par jane ne liye kisi guide ki ya car ki jaroorat ho to hum arrange kar denge...par unhone kaha ki unhe kahi ghumne nahi jana unhe sirf yaha aaram hi karna hai .


Manager rajkunvar sinh Kavita ki baat sun kar kuch der sochne lage fir raju no room number 108 ki extra key leke apne piche aane ko kaha. Manager jyare first floor ki lobhi me pahocha jaha room no 108 tha. Lobhi me pahochte hi vaha par bhayankar gandh aane lagi. Manager or Raju ne gandh se bachne ke liye apne muh par rumal bandh diya.


Manager rajkunvar a raju ke paas se extra key li or darvaja khola. Darvaja khulte hi under ka nazara dekh kar manager or raju dono ke dil ki dhadkane badh gay..


room ke farsh par ek ardhnang halat me ek ladki ki laas padi thi. Uske sar par se bahot sara khun nikal kar farsh gira hua tha.. room ki halat bhi kharab thi sab chize idhar udhar padi hue thi..ye sab nazara dekh kar raju to ghabra ke behosh hone laga tha..manager bhi laas ko dekh kar ghabra gaya tha ..uske hath per bhi thande pad gaye the.. thodi der baad normal hoke manager rajkunvar a mount aabu ki police station thi uske under duty kar rahe inspector or uske khas friend Lucky Rajput ko call lagaya..


Lucky :- ( call utha ke) hello!..haa bol kunvar aaj subhah-subhah mujhe kyu yaad kiya? Or tu itna ghabraya hua kyu lag raha hai?


Manager :- lucky tu jaldi hi hotel aaja ..yaha hotel ke room no 108 me ek ladki ki lash mili hai.


Lucky :- kyaa...lash? ( ekdum sock ho ke).


Lucky :- sun kunvar me jab tak na aau tab tak kisi ko bhi us dead body ko ya room ki kisi bhi chiz ko hath mat lagane dena..me apni team leke yaha se nikalta hu okk..


call rakhte hi manager ne side me pade raju jo lash ko dekh kar behosh ho gaya tha uske chehre par pani dal kar uthaya... or use room ke bahar le jake kaha ..


Manager :- dekh raju mene abhi hi mere khas dost hai jo yaha ki police station me job karta hai..use call karke is lash ke bare me bata diya hai..vo thodi der me hi apni team leke yaha aa jayega..usne is room ki kisi bhi chiz ya lash ko touch karne se mana kiya hai..and is lash vali baat kahi se bhi hotel ke bahar nahi jani chahiye..or yaha dusre room me jo geust reh rahe hai unhe bhi khabar nahi padne deni hai.


( manager bahot hi tension me ye sab raju ko keh raha tha).


thodi der me police ki jeep ka siren ka avaj aane laga.. Lucky apne sath duty kar rahe police constable Suresh Chouhan or ledy police constable Sandhya Maheshvari ke sath puri team ko leke aa gaya .


receptionist Kavita to abhi bhi is baat anjan thi..or vo police ko puri team ke sath dekh kar ek dum soch ho gay thi..


Kavita :- good morning sir..


Lucky :- good morning medam..kaha hai apke manager saheb?


Kavita :- sir manager saheb to first floor par ke room no108 me gaye hue hai.. but aap yaha! Yu achanak..kuch kam tha kya sir ??..


lucky kavita ki baat is javab diye bina hi first floor ki taraf room no 108 ki taraf apni team ko order dete hue aage chal diye..kavita to ye dekh kar or jyada sock ho gay..kavita ko dout hone laga ki room no 108 me kuch ajib ghatna ghati hai.


kavita bhi police ki team ke piche jane ke liye nikalti hai ki tabhi lucky ko pata nahi kuch yaad aata hai or vo piche mud ke reception par aake kavita ko kehta hai ki tum abhi yahi par raho or kisi ko bhi hotel ke under enter na hone de..


or ek constable ko bhi hotel ke main dor par khada rehne ko kehta hai or order deta hai ki.. " koi bhi anjan vyakti hotel ke under aani nahi chahiye or hotel ke under se koi bahar bhi nahi jana chahiye. "


Itna keh kar lucky room no 108 ki taraf nikal jata hai..

.
.

To Be Continued

Awesome update

 

[Kajal...]

UPDATE - 02​

Inspector lucky apni team ke sath room number 108 me samne ki lodhi me pahoch gaya..jaha par manager or raju dono bahar hi khade the.


Lucky ne manager ko pucha ki lash kidhar hai to manager ne room ka darvaja khol diya.
Lucky or uski team under room me aa gay...


lash bahot hi bhayankar halat me padi hue thi..lash par ek chadar dali hue thi..jo manager ne hi dali thi lash ardhnangi thi is liye..lash ke sar ki taraf se bahot sara khun nikal kar farsh par pada hua tha..


Lash maise bahot hi durgadh aa rahi thi.. Lash ko dekh kar inspector Lucky a ledy constable Sandhya ko ichara kar ke lash ko check karne ko kaha..or uske sath dusre constable suresh ko room ko check karne ko or room ke har hise ka photo lene ko kaha..


or lucky manager or raju ke pas jake us ladki ke bare me puchtach karta hai..


Lucky :- kunvar kon hai ye ladki.tum log iske bare me kuch janate ho..ye kaha se aay hai or uska name kya hai ? Vo yaha par aay tab usne kuch apna I'd proof diya tha ya nahi ?.


Manager :- ye couple hamari hotel me aaye tab me yaha hajir nahi tha par yaha ki receptionist kavita sharma us vakt yaha hajir thi. Vo is couple ke bare me sab bata sakti hai apko.


Lucky :- ohhh! To yaha par koi couple rehne ko aaya tha.
To kidhar hai is ladki ka pati?
Or kavita sharma ko jara yaha bulao mujhe uske sath baat karni hai.


Manager :- Uske pati ke bare me to pata nahi ki vo kaha hai..mujhe aaj mere waiter raju ne aake kaha ki room nombre 108 main se kuch gandh aa rahi hai.. tab mene or raju ne mil ke extra key se room khola..under dekha to is ladki ki lash padi hue thi.


itna keh kar manager ne raju ko ichare se kavita ko bulane ko kaha or raju ji saab! Keh kar kavita ko bulane ke liye niche chala jata hai..


Manager subhah ko jo bhi us couple ke bare me kavita ne kaha tha vo sab lucky ko bata deta hai..


Thodi der me kavita bhi vaha aa jati hai.. lucky use puchtach karte hue puchta hai..


Lucky :- Ye couple kab or kitne baje aaya tha or ye couple kaha se aaya hai..? Sab kuch detail me batao mujhe..


Kavita :- Ji sir!.. Ye couple do din pehle sanjh ke time par aaya tha..ladki ke hath me ek chhoti si bag thi or dono hi simple kapdo me the..aisa lag hi nahi raha tha ki dono new married couple ho. Dono ki age me bhi bahot different lag raha tha . Ladki ladke se bahot chhoti lag rahi thi . Dono ke bich kuch 8-9 saal ka different ho aisa lag raha tha.


Lucky :- un logo ka name to register me likha hoga na ?


Kavita :- haan sir!.. ladke ne apna name Pravin sinh kaha tha or uski patni ka Roshni sinh bataya tha. Vo udaipur se yaha aaye the. Sir dono ke bich ki chemistry kuch jam nahi rahi thi.. Ladki ke hath na to Mahdi thi or nahi mang me sindur or nahi gale me mangalsutra . Or Sir ladki thodi darri darri si lag rahi thi .
shayad dono bhag kar aaye hue ho aisa lag raha tha.


Lucky :- To tumhe kaise pata chala ki vo new married couple hai?


Kavita :- Sir mene Pravin sinh ke paas uski wife ki id mangi tab usne hi kaha ki uski abhi hi shadi hue hai to uski wife ke pas id nahi hai.


Lucky :- to ladki ki bina id ke room kyu diya?


Kavita :- Sir meri duty subhah ke 8 baje se raat ke 8 baje tak
Hoti hai uske baad Raat ki duty par Nilesh choudhri hota hai. Jab ye couple yaha aaya tha tab Nilesh yaha par hajar tha or usne hi mujhe ladki ke bina id ko room dene ko kaha is liye mene room diya..


Lucky :- achha...to Nilesh choudhri ko yaha bulao or pravinsinh ki id proof ki copy to tumhare pas hogi hi na.. vo mere pas jama karva do or register me address likha hai vo,mobile number sab kuch mere police constable ko de do.. or ladki ke pati ko bahar jate hue deta hai?


Kavita :- no sir !..


Lucky nilesh choudhri ko yaha bulane ko kehta hai or phir ek constable ko hotel ke CCTV camera check karne ko kaha..


Sandhya or Suresh bhi room or lash ko check kar ke lucky ko report dete hai ..


Sandhya :- Sir..lash ko check karne se aisa lag raha ki ladki ki age 20 saal ke aaspas hogi. Ladki ke sath pehle sharirik sambandh banaya or phir takiye se uska muh daba kar uski sans rok kar khun kiya gaya hai. Or sir ladke sath marpit bhi ki gay hai ..shayad dhaka diya hoga jise uska sar dhar dar chiz se laga hai or uska bahot sara khun bhi nikala hai..ladki ki body par cigrate se jalane ke nishan bhi mile hai or shayad use kisi rasi se bandh bhi rakha hue tha..rasi ke nishan bhi hai uske hath or per par .


Suresh :- haan sir..ladki ke pati ko cigrate ka bahot shokh tha aisa lag raha hai..room ke dustbin me do cigrate ke khaki package mila hai or aadha package table par pada hua mila hai. Or ye rasi bhi mili hai jisase ladki ko bandha hoga. Or a loko thoda bahot sukha nasta or theple beg me leke aaye hue the jisase bahar se khana order na karna pade. Or ladke ka saman room mese gayab hai or ladki ke bag maise 3 jodi kapde or ye parch mila hai jisme ladki ke makeup ka saman or uska aadhar card mila hai jisme address Gujarat Ahmedabad ka likha hua hai. Or name Roshni Patel hai.. iska matlab ki ladki Gujarat ki thi.


Lucky :- achha to ladki Gujarat se Ahmedabad ki hai.or ladka udaipur ka tab to ye love marriage ka matter lagta hai!.. but agar ladki ki I'd uske pas thi to unhone reception par mana Kyu kiya?.
Suresh abhi ke abhi Ahmedabad me Gujarat police ko is bare me bata ke address do or ladki ki family ke bare me jankari lene ko kaho..or ladki ki lash or room sab chiz ko forensic leb me check karne ke liye bheja do. Room maise mile hue finger print ko bhi check karne ke liye bhej do. Or is room ko seal kar do jise koi room ke under na aa paye..or sandhya tu ek constable ko leke pravinsinh ne jo address register me likhaya hai udaipur ka vaha jake pravinsinh ke bare me pure puri jankari nikalo.


Itne me ek police constable vaha aa jata hai..jo CCTV camera check karne Gaya tha..


Constable :- Sir do din pehle ek couple hotel me enter hue tha par un dono maise koi bhi bahar nahi gaya hai.


Lucky :- to to Suresh pakka ye yahi kahi hotel me chupa hua hoga.. puri hotel ko check karo ek bhi jagah baki nahi rehni chahiye..

.
.

To Be Continued.............

Nice update

 

[Lucky..]

UPDATE - 08​

hath ke ichare se nita ko bolne se rokta hai lucky or sandhya ke call ko receive karta hai.


Lucky :- haan bol sandhya kya khabar hai? ( kuch janakri milne ki khushi me puchta hai)


Sandhya :- Sir.. humne Pravin ke ghar ka tala tod ke pure ghar ki chanbhin ki par ek pen drive ke alawa or kuch nahi mila..


Lucky :- kyaa baat kar rahi hai ? Or kuch nahi mila ...agar pravin pehle se murder karne ki planing se yaha nahi aaya ho to kuch to milna hi chahiye tha . ( thodi nirasa se bola)


Sandhya :- are sir .. aap sink to sahi .. case ke lagti dusri koi chiz nahi mili to kya Hua hume jo pend drive mili hai uske dum par hi Pravin ko jel me daal sakte hai..( thoda khush hote hue kaha )


Lucky :- kyu! Aisa kya hai us pend drive me ? ( khush hote hue pucha)


Sandhya :- Sir, Pravin ne jitni premlila ki hai sab is pend drive me hai. Sab video hai is pend drive me jisme Pravin ke ashlil video hai. But sir dekhne ki baat ye hai ki isme har video me alag-alag ladkiya hai.. but sir isme ek bhi Roshni ka video nah hai.


Lucky :- well done sandhya!..koi baat nahi us pend drive me roshni ka video na ho but hamare pas Pravin ke khilaf ek proof to hath laga. Ho sakta hai usme se hi is case ko solve karne ki kadi mil jaye. Ek kaam kar sandhya us pend drive ko leke tu yaha abu me aaja.


Sandhya :- yes sir! But uske pehle ek kam khatam karna hai.. Pravin ke dance class ka tala tod kar talashi leni hai vaha ki .. ho sakta hai dance class mese bhi kuch saboot mil jaye.


Lucky :- ohh yes sandhya! You are right! Or ho sakta hai Pravin dance class me hi chup ke betha ho.. Suresh bhi nilesh ke ghar ki talashi lene nikal gaya hai shayad vaha se bhi kuch proof mil jaye. Acha to sandhya dance class ki talashi lene ke baad mujhe call karna .


Sandhya :- yes sir !


Sandhya se pend drive wali baat sun kar lucky nita ki taraf shak se dekhta or sochne lagta hai ki..


" sandhya ke kahe anusaar pend drive me Pravin ke ashlil video mile hai. But usme se ek bhi video Roshni ke sath ka nahi hai. Or Nita ka kehna hai ki Pravin or Roshni ne sab sima par kar di thi to phir pravin ne Roshni ke sath bhi ashlil video banaya hi hoga. Shayad roshni ke murder ke piche ki vajah bhi yahi hi sakti hai. Aise kaie khyalo ne lucky ke dimang ko gher liya tha. Or achanak hi lucky ko kuch yaad aata hai or Nita ko puchta hai..


Lucky :- nita tujhe to pata hi tha ki Pravin married tha. Right !.. chalo man kiya ki Roshni uske pyaar me andhi ho gay thi but jab tumhe pata chala ki Pravin married hai it tune Roshni ko samjaya but vo nahi samji to tune ye baat roshni ke maa baap ko kehna jaroori nahi samja ? Tune kyu aise rishtey me roshni ka sath diya?


Nita :- sir mene roshni ko bahot samjaya or dhamki bhi di ki vo Pravin ko nahi chhodegi to me uske maa baap ko bata dungi ..but Roshni ke papa Heart patient the to mujhe phir chup rehna hi thik laga. Me aisa soch rahi thi ki is age me har kisiko kisi ke taraf attraction hota hai or vakt ke sath attraction or pyaar ke bich ka antar samaj aa jata hai. But Roshni ke sath aisi ghanta ho jayegi aisa to mene socha bhi nahi tha. Or me to hamesha us rishtey ke khilaf hi thi.


Lucky :- to phir Roshni tere sath tracking camp me ja rahi hai aisa juth bol kar kyu aay ye to tere support ke bina ho hi nahi sakta tha.


Nita :- haan sir mene hi Roshni ko Abu me aane me sath diya tha..kyuki usne mujhe kaha tha ki vo or Pravin dono jaldi hi shadi karne wale hai or Pravin uski patni se divorce le raha hai. Roshni ne kaha ki Pravin usko bahot pyaar karta hai or ab dono hi ek dusre ke bina reh nahi sakte. But me Pravin ke aise iraade se bilkul anjan thi. Me to sirf ek love Bird's ko unki manjil paar karne me help kar rahi thi.. mene sapne me bhi nahi socha tha ki Roshni ke sath aisa ho jayega. ( itna kehte hi nita rone lagti hai)


thodi der me hi suresh bhi nilesh ke ghar ki talashi leke aa jata hai or lucky ko report deta hai .


Suresh :- sir humne nilesh ke pure ghar me chanbhin ki par kuch khas saboot nahi mila. Nilesh ghar me akela rehta tha is liye ghar me uske akele ka hi saman tha. But uske kapde or ghar me mili sharab ki khali bottle se pata chalta hai ki babot shokhin mijaj ka aadmi tha . Or haan aaju-baju ke gharo par puchne se pata chala hai ki nilesh bahot baar alag-alag ladkiyo ke sath dikhay diya hai.


Lucky :- ohhh! Sandhya ko bhi Pravin ke ghar me ek pend drive mili hai jisme Pravin ke ashlil video hai alag-alag ladkiyo ke sath.. ho sakta hai Pravin or Nilesh dono mil kar hi aisi planing karte hoge.


Suresh :- ho sakta hai sir ! Or dono ek sath gayab hai to ho sakta hai dono ne mil kar hi Roshni ka murder kiya hoga.


Lucky :- kiya hoga nahi Suresh mujhe pura andaja hai ki un dono ne hi roshni ka murder kiya hai. But itni safaay se murder karna or bhag jana ye to kisi serial killer ka hi kam ho sakta hai. But dekhne ki baat ye hai ki dono maise kisi ki bhi history me kaisa bhi crime likha nahi hai. Chota sa chori ka bhi case nahi hai dono par.


Suresh :- haan sir! Murder itni savdhani se kiya hai ki room ke aas-pas ke roomo me rehte kisi bhi tourists ko roshni ke chillane ki avaj tak nahi sunay. But sir agar dono serial killer hai to kahi pe to case hua hi hoga .. or dono yuhu lash ko hotel me na chhod ke bhag jate.. lash ko kahi thikane laga ke bhagte..
sir apke order anusaar bus or railway station par puchtach ki hai par kisi ne bhi dono maise ek ko bhi nahi dekha .. matlab ke dono ko bus ya train me safar karte hue kisi ne bhi nahi dekha..


Lucky :- kya? to kya woh dono abu me hi kahi chupe hue hai. Ya phir vo dono dharti me sama gaye? Suresh ye dono mujhe kisi bhi halat me chahiye.


Suresh :- haan sir aisa lagta hai yahi abu me hi koi unhe chupane me help kar raha hai .. ho sakta hai hotel ka koi aadmi ho jo nilesh or pravin chupane me help karta ho.


Lucky :- hmmm... aisa ho sakta hai. Ek kam kar Suresh tu dubara puri hotel ki talashi karke aa.. kuch to aisa hoga no hamari nazro se bach gaya hoga ..kuch to clue to milga hi.


Suresh :- ok sir me abhi hi do tin police constable leke hotel pe jata hu.. and sir Parvin or Nilesh ka wanted photo news pepper or news channel per de diya hai jisase in dono maise kisi ko bhi kisine kahi dekha hoga to hume jan kar shake.


Lucky :- ohk! good ..


itne me hi lucky ke mobile me ek unknown number se call aata hai . Lucky call dekh ke uthata hai..


Lucky :- " hello sub inspector lucky rajput speaking " who are you?
.
.
.
To Be Continued....

lucky ko unknown number se kiska call aaya hoga? Ye dekhte hai next update me..

 

[Lucky..]

Case to uljhata hi jaa raha hai, lagta hai kuch bada hi kaand hua hai. Nice update.

Thank you bhai

 

[Lucky..]

Lagta hai nita ko kuch to pata hai jiski wajah se wu gabhra rahi hai. Kahin koi Roshni ko blackmail to nahi kar raha tha.

Thank you bhai

 

[Lucky..]

Saala kya paagalpan hai married aur apne se bade aadmi pyar aur phir usi wajah se mout. Galti karoge to saza bhi bhugatni padegi.

Sahi kaha bina soche samje pyaar kar bethte hai phir anjam bhi vaisa hi hoga na..

Thank you bhai

 

[Lucky..]

Saala ye infatuation ko pyar samajh ke hi ye generation paagal ho jaati hai. Phir jab dhokha milta hai to rote hai ya rone ke liye zinda hi nahi bachte.

Aaj kal hawas,akrashan, lalash sab ko pyaar ka name de dete hai sab...

Pyaar ka matlab bhi pata nahi hota or pyaar karne chal padte hai..

Thank you bhai

 

[Lucky..]

Bewkoofi jab had se jayada ho jaaye to uska anjaam yahi hota hai. Kudh mar gayi aur maa baap ko jeete jee maar daala.

Thank you bhai and next update posted