• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Mohabbatein... (Completed)

Adirshi

Royal कारभार 👑
Staff member
Sr. Moderator
35,703
47,494
304
Update 61

"we are getting married" radha ne ek baar fir jor se chillakar kaha par ashish aur rima shock lage jaise unhe dekh rahe the

"are you not happy"radha ne chidh kar ashish se pucha

"yes...yes..I am par ye sab kab hua?" ashish

"abhi...just kuch minto pehle" omkar

"par radha tum to shadi ke liye tayar nahi thi..tumhara career.....freedom..tumrahi terms aur conditions.." ashish

"we will work it out..thoda compromise karna hi padega thodamujhe aur thoda om ko...par hum dono uske liye tayar hai" omkar ka hath pakadte huye radha boli

"par pehle to tum is baat ke bilkul oppose main thi?" rima

"ha par ab nahi..time change priority change.." radha ne kaha

"tumne maa babuji se baat ki hai om??" ashish

"nahi..filhal nahi..par main baat kar lunga jald hi" omkar

"aur agar wo tayar nahi huye to.." rima

"hang on!! hame hamari shadi main koi problem nahi dikh raha hai to tum dono kyu itne hyper ho rahe ho" radha ne chidh kar kaha

rima ne kuch bolne ke liye apna muh khola to ashish ne uska hath daba kar use chup kar diya..

"ha ye bhi sahi hai ...good..we are happy for you: ashish ne uthte huye kaha.."anyways carry on hum nikalte hai"

"arre par tum itni gadbad main aaye kyu the" omkar ne pucha

"hum movie ke liye puchne aaye the par chhodo ab kafi late ho gaya hai jab tak pahuchenge show suru ho chuka hoga" ashish ne rima ko chalne ka ishara kiya

dono jane ke liye uthe to omkar ne ashish ko gale laga liya

"I hope you know what you are doing" ashish ne halke se omkar ne kaan main kaha aur wo waha se chale gaye..

*********

"so??" ashish aur rima ke jane ke baad radha omkar ki baho main samate huye boli " tumhe tumhari book ka ant mil hi gaya akhir"

"finally.." omkar ne haste huye kaha

"hamari life kitni dynamic hoti hai na matlab subah uthte samay socha bhi nahi tha ke aaj ka din aise khatam hoga" omkar

"exactaly..mujhe aisi hi life pasand hai om..unplanned..jindagi ke har mod par lage ke aage kya hoga..aur life hame aise alag alag surprise de..aise planning karke nahi jina hai mujhe...I hope you understand me.." radha

"ab jab decide kar hi liya hai to iska bhi maja lenge" omkar

"omkar..."achanak kuch yaad aane par radha boli.."tumhari dost hai na..ragini..mujhe usse milna hai"

"ragini?? kyu?"

"om wo tumhe pasand karti hai..I just want to make sure that our decision is not hurting her"

"matlab kuch bhi....hum dono bas ache dost hai"

"hoge..tumhari najro main hoge par uske nahi...ek stri dusri stri ki aankhon main dekh ke bata sakti hai ke uske man main kya chal raha hai..wo jab tumhari taraf dekhti hai na tab uski najre sab bayan karti hai..she loves you."

"ha yaar kya aankhen hai uski.."

"oye mister...mere samne dusri ladki ki tarif kar rahe ho sharam karo sharam" radha ne kaha

omkar ke dimag ne radha ki baat ko najarandaj kar kiya tha par dil main kuch suna suna lag raha tha

"acha wo sab chhodo..main maa babuji ko hamare bare main bata du?" omkar

"nahi..abhi nahi.."

"kyu?kya hua..arre kal kare so aaj kar lenge..wo khush honge"

"nahi omkar..mujhe kafi dar lag raha hai"

"darr kis baat ka?"

"unhe hamara decision pasand nahi aaya to.."

"paagal ho kya...aisa kuch nahi hoga aur babuji ne to meri book puri padhi hai..wo hamare bare main jante hai.."omkar ne itna bol ke babuji ko phone lagaya

*********

"ashish ab hum kya kare?" bahar gadi main baithte huye rima boli

"ha yaar kuch na kuch karna padega kyuki agar ye shadi ho gayi to na omkar khush rahega na radha aur na ragini" ahish

"par hum kya kar sakte hai?"

"mujhe lagta hai hame ragini se milna chahiye...uske liye dus din raah dekhna paagalpan hoga"

"par waha se kisi ko session complete kare bagair aane nahi dete hai wo log pata hai na" rima

"pata hai par koshish to karni padegi..tum ek kaam karo ragini ke ghar se us vipassana kendra ka address pata karo kal hum dono waha chalte hai ok?" ashish

"theek hai par abhi kuch kha le..mujhe solid tension ho rahi hai aur bhukh bhi lagi hai" rima ne kaha aur ashish ne gadi restaurant ki taraf badha di.....
 

Adirshi

Royal कारभार 👑
Staff member
Sr. Moderator
35,703
47,494
304
Update 62

"sir...sir...please listen..its urgent...isiliye hum yaha aaye hai hamara ragini se milna jaruri hai..hum jante hai ke 10 din wo kisi se nahi nil sakti par hamara usse milna kafi jaruri hai" ashish reception par ek takle aadmi se baat kar raha tha..

"I am sorry par ye possible nahi hai...humne ye bate pehle batayi thi..abhi do din hi huye hai aur diksharthi ab kahi dhayan lagane laga hai..aapke milne se unka.."

"sir..main ye sari bate janta hu par urgency ke bagair main yaha kyu aaunga.family emergency hai wo mana karti hai to hum chale jayenge" ashish

"aap uske kaun lagte hai aur family emergency hai to uske maa baap kyu nahi aaye?"

"wo nahi aa sakte the wahi to emergency hai..please.."

akhir kuch aniccha se wo aadmi ander gaya aur kuch 15 minbute ke baad ragini bahar aayi.ashish aur rima ne use pehle pehchana hi nahi.....safe rang ka pairo tak aaya gown..khule baal..mathe par chandan ka tika...aur sabse jyada uske chehre par ka shant bhav..ashish aur rima ko dekh ke wo thoda hasi aur bagair kuch bole unhe bahar garden main chalne ka ishara kiya..bahar aate hi ashish ne sidhe mudde ki baat ki..

"ragini..omkar aur radha shadi kar rahe hai.."

par ragini ke chenre par koi bhav nahi aaya mano wo ye baat janti ho....wo kuch nahi boli

"tumhe shock nahi laga?" rima ne ashcharya se pucha

ragini ne garden se na ka ishara kar diya

"tumhe kuch nahi puchna hai ye kab hua kaise hua wagaire?"

"ye emergency thi tum logo ki?" thoda haste hue baat badalte huye ragini ne halke awaj main kaha

"ha aur tumhe abhi ye sab chhod kar kahare sath chalna hoga"ashish

"kyu?"

"kyu? we have to stop them married..don't you love omkar?"

"I do.." do pal shanti ke baad ragini boli

"fir yaha baithe ke kuch nahi hoga" rima

"mujhe jana hoga..8 dino baad mere wapis aane ke baad baat karenge..tumlog jao abhi yaha se" ragini waha se chali gayi aur ashish ne nirasha se apne hath jhatak diya

"ragini please aane ke baad mujhe phone karna" ashish ne kaha jispar ragini ne thumbsup ka ishara kiya aur ander chali gayi

**********

"I am so happy ashish..main radha ko ghar lekar gaya tha maa babuji se milwane" omkar ne kaha

"hmm.."

"maa jyada kuch boli nahi par babuji ache se bole maa bhi bolegi aur choti ko bhi radha achi lagi par wo bhi jyada kuch nahi boli..ragini chahiye thi abhi" omkar ne kaha

"kyu..?"

"kyu kya radha se milwata na use...."

"kyu..?"

"kya baat hai ashish main pichle kuch dino se dekh raha u tum aise ukhde ukhde baat kar rahe ho" omkar ne pucha

"chhod na yaar maine decide kar kiya hai tumhari personal bato ki wajah se apne relation kyu kharab karne..I decided lets be professional"

"par baat kya hai bolega?" omkar

"omkar..tumhe kuch nahi lagta...itne irresponsible kaise ho sakte ho yaar tum..pehle rima.."

"ek minute maine pehle bhi kaha hai maine rima ko nahi chhoda tha aur tum aage kuch bolo usse pehle bata du ke maine radha ko bhi nahi chhoda tha infact humdono ne kabhi ekdusre ko accept hi nahi kiya tha.."

"aur ragini?? aren't you dating with her? aur ab to radha wapis aa gayi hai.."

"hmm manya...I accept ki main ragini ke sath dating kar raha tha..but it was just a plane friendly simple dating...maine kabhi use misuse nahi kiya hum dono kabhi physical nahi huye"

"aur by mind? tum kabhi usme nahi uljhe?acha tumhari baat chhodo wo..wo agar tumse attach hogi to?"

"look ashish maine kabhi use hint nahi di thi....I liked her..anybody will like her..but wo ek attaraction tha pyaar nahi" omkar

"fir ab tumhe ragini kyu chahiye?? kyu use radha se milwana chahte ho?? kya prove karna chahte ho?"

"theek hai tumhe lagta hai main usse nan milu to yahi sahi main nahi milunga usse khush?" aur omkar waha se gusse main chala gaya
 

Adirshi

Royal कारभार 👑
Staff member
Sr. Moderator
35,703
47,494
304
Update 63

omkar radha ashish aur rima ek shaam cafe main baithe the

"bolo omkar hame kyu bulaya hai yaha?" coffee ka sip lete huye ashish ne pucha

"agli 26 taarikh ho hum shaadi kar rahe hai" omkar ko rokte huy radha ne kaha

"26? wow..matlab almost ek mahina hi baki hai" ashish

"comgrats! marriage hall wagaire mil gaya?" rima

"a..nahi..hum simple shadi karne wale hai...registered..malab omkar ko to pure dhoom se shadi karni thi.."radha

"uski icha hogi hi pehli shadi hai na uski"radha ki baat beech main todte huye rima boli aur jab radha ko us baat ke piche ka taunt samajh aaya to wo chup ho gayi

"sorry..really sorry I didn't meant it..maine aise hi keh diya" rima ne kaha

"no..its ok...fact hai..meri shadi ho chuki hai..so no hard feelings..anyways..to agle saturday ko hum ek party throw kar rahe hai sab friends ke liye..you both are invited..sham 8.30 baje area-51 main...booze food dance sab rahega" radha ne normal hote huye kaha

"badhiya hai..hum jaroor aayenge" rima

"omkar tumne ragini ko bataya?" radha

"arre ha yaar ashish..ragini aa gayi kya? kab aane wali thi wo?" omkar

"shayad aa gayi hogi do din pehle hi aane wali thi wo..maine call kiya tha par uska phone band aa raha tha" ashish

"ruko main marriot main phone lagata hu shayad desk par hogi wo" omkar ne kaha aur phone lagaya

do ring ke baad usri taraf se wahi jana pehchana madhur awaj omkar ke kano main pada

"good evening...marriot..may I help you?"ragini

omkar kuch nahi bola

"hello...may I help you?" ragini ne dobara pucha

"yes..yes. you can help me.." radha apni taraf dekh rahi hai ye jaan kar omkar bola..ragini shayad omkar ka awaj pehchan gayi thi wo kuch nahi boli

"ragini..kaha ho tum? main kabse tumhe milne ki koshish kar raha hu...omkar here.." omkar

"Oh hi omkar...omkar hum work line par baat nahi karte hai main baad main call karti hu" ragini

"ok ok no problem ashish tumhe phone karke sab bata dega..milte hai jald aur [lease apna phone suru karo yaar"itna bol ke omkar ne phone rakh diya

"kya hua?" radha ne pucha

"arre wo busy hai abhi baad main baat karegi" omkar

"fir ashish ke bare main kya kaha?" radha

"maine kaha ke ashish use party ka venue wagaire bata dega...ashish use bata dena bhai aur aane ka bolna" omkar

"par tum kyu phone nahi kar rahe ho..ashish kyu?" radha

"arre aisa kuch nahi hai..somehow mujhe aisa laga ki use mujhse baat nahi karni hai isiliye...chhodo na ashish tum bata dena use" aur omkar ne ye baat yahi khatam ki

*************

party main radha ke office ke aur kuch omkar ke pehchan ke kuch log maujood the..omkar ne navy blue color ka party wear shirt trouser pehna tha aur radha ne kale rang ka strapless one piece pehna tha...kuch log drinks lene main vyast the to kuch DJ ke taal par naach rahe the...omkar scotch ka glass lekar garden main khada tha

"om..ander chalo sab hame dance ke liye bula rahe hai" radha ne bahar aakar omkar ko kaha

"abhi aaya bas ashish aa jaye usi ki raah dekh raha hu"omkar

"aa jayega wo..aur tumhare bahar khade rehne se jaldi thodehi aa jayega...phone karke puch lo na"

"adhe ghante pehle call kiya tha to ragini ne ghar ke pass pahuch raha tha"

"matlab on the way hai..aa jayega wo chalo tum" aur radha omkar ka hath pakad ke use ander le aayi

dono ke ander aate hi taliyo ki awaz waha goong uthi

"here comes the love couple"

"DJ badhiya romantic song baja de koi"

"come on radha we want both of you on the floor"

waha logo ka awaz gonj raha tha DJ ne badhiya romantic song lagaya..omkar ne radha ke kamar par hath rakh kar use apne kareeb kiya aur dono hi us madhosh karne wale sangeet ki dhun par dance karne man mashgul ho gaye..dheere dheere baki log bhi apne partners ke sath dance floor par aa gaye

in sab main radha ka dhayan vichlit hua jab omkar ki uski kamar par ki pakar dheeli ho gayi..usne omkar ki taraf dekha..omkar ka uski taraf dhayan nahi tha..wo darwaje ki taraf dekh raha tha..radha ne mud kar dekha to waha ashish rima aur ragini khade the....
 

Adirshi

Royal कारभार 👑
Staff member
Sr. Moderator
35,703
47,494
304
Update 64

omkar ne un teeno ko dekh ke hath hilaya aur wo aur radha unke paas pahuche

"many many congratulations to both of you"ragini ne apni jani pehchani smile ke sath kaha

'thanks ragini for coming"omkar

"my pleasure..you guys carry on hum baithte hai yaha" kone main sofe ki or ishara karte huye ragini boli

"what baithoge..chalo lets dance"radha ragini ko kheechte huye boli

"a..no..waha sare couples hai...main akeli kya karu"ragini dance floor ki taraf dekhte huye boli

"ohh..fir rima ashish tum log to chalo"radha

"nahi hum rukte hai ragini ke sath you guys carry on" ashish

"arre..Its ok I am fime tum jao "rima aur ashish ko dhakalte huye ragini boli

ragini ko akeli waha chhod ke jane ke bare main omkar bhi thoda unutsahi tha par woradha ke samne kuch bol nahi paya aur akhir main ashish aur rima radha aur omkar ke sath dance ke liye chale gaye aur ragini jakar sofe par baith gayi

panch minute hi bite honge ki radha ki boss avantika aa gayi..radha ne uski pehchan omkar se karwayi aur use drinks wagaire serve karne ke liye apne sath bar counter par le gayi

omkar ne ragini ki taraf dekha to uske paas ek ladka baitha hua tha..usne radha ke taraf dekha to wo avantika ke sath busy thi to omkar ragini ki taraf chala gaya

"maine disturb to nahi kiya na?" omkar ne waha pahuch kar kaha

"oh not at all" omkar ki taraf dekh kar wo ladka bola aur fir ragini ne bola."this is my card call me sometime" aur waha se nikal gaya

"kaun tha wo?us ladke ke jane ke bad omkar ne pucha

"pata nahi..mujhe akeli baithi dekh kar dance ke liye puchne aaya tha"ragini ne sahajta se kaha

omkar ne aaj pehli baar ragini ko kareeb se dekha...gehre laal rang ka slim-fit onepiece usne pehna tha smne table par uski bag rakhi thi baal ekside pin se bandh kar dusri taraf khule chhod rakhe the

"tum bahut alag dikh rahi ho" ragini ka chehra nirakhte huye omkar ne kaha

"alag matlab?" ragini

"matlab batana mukhkil hai par tumhare chehre par ek alag hi glow hai...maybe tumhare vipassana ka asar ho"

"hoga shayad"

"kaisi ho tum?" omkar

"main to ekdum badhiya hu..aate hi kaam suru ho gaya...10 dino ka kaam baki hai"

"I hope we are still friends" kuch pal shanti main bitne ke baad omkar ne kaha aur apna hath aage badha diya

"offcourse..."ragini ne hath milate huye kaha tabhi wohi pehle waha current omkar ne mehsoos kiya

ragini na hath chhode hi na aisa omkar ko lag raha tha par use tabhi radha aate huye dikhi aur usne hath chhod diya

"mujhe bahut baat karni hai tumse..kyu aur kya ye to pata nahi par tum aise 10 din bagair bataye gayab thi tab maine tumhe kafi miss kiya"omkar ne jaldi jaldi kaha..thodi der main radha bhi waha aa gayi

"tum yaha ho aur main tumhe waha dhundh rahi thi"aate hi radha ne kaha aur ek waiter ko ishara kiya jo taquila shot ka tray lekar ghum raha tha

radha ne wo tray table ke beech main rakha aur ek shot gatak liya

"hmm..chalu karu kiski raah dekh rahe ho" radha ne dusra glass uthate huye kaha

"no..its ok I don't want"ragini ne kaha

"kyu..you don't drink" radha

"nahi aisa nahi hai par aaj nahi"

"arre yaar natak mat karo lo" radha ne ek glass ragini ki taraf aage badhaya

"arre jano do use nahi chahiye to lao mujhe do" aur omkar ne wo glass le liya

thodi der main ashish aur rima bhi unke paas aa gaye tab tak radha ne 5-6 shots gatak liye the

"kya plan hai fir shadi ka" ragini ne pucha

"kuch khas nahi mera kehna hai ke simple karenge registered aur fir switzerland main honeymoon..meri taraf se om ko gift" radha

"wow! thats great!" ragini ne kaha

ab radha ko daru chadhne lagi thi

"ragini waise om ko pucha hai maine.nut just want to check with you also..main aur omkar shadi kar rahe hai..are you ok with it?"

ragini ne omkar ki taraf dekha.."nahi..hamare bech aisa kuch kabhi tha hi nahi..hai na omkar?..auyr waise bhi jab usne tumse shadike liye ha kar di hai to its clear he loves you not me"

yess..omkar loves me..I love him" radha ne kaha

un charo ki bate ghanta bhar chalti rahi,,is beech ragini ne kayi baar omkar ko apni taraf dekhte huye pakda dono ki najre milte hi omkar dusri taraf dekhne lagta fir thode samay baad ragini wapis uski najar pakad leti....

ab tak kafi log waha se nikal chuke the..avantika jab radha ko bye karne aayi tab radha theek se khade bhi nahi ho pa rahi thi..omkar ka hath pakad kar wo jaise taise khadi rahi

"thanks avi for coming" radha ne avantika ko kaha

"omkar I think you should drop her home..use jyada ho gayi hai..she will passout" avantika ne halke se omkar ko kaha aur sabko bye bol ke waha se chali gayi

"om..please washroom tak chalo mujhe ulti jaisa lag raha hai" gale par hath ghumate huye radha ne kaha..omkar ne uska hath pakad ke use khada kiya aur use washroom tak le gaya

"mujhe samajh nahi aata yaar omkar ne kya dekha isme..god bless them" ashish ne nirasha main sar hilate huye kaha

"anyways hum khana kha kar chale?" ragini ne sofe par se uthte huye kaha

uske kahe anusar ashish aur rima bhi khane ki taraf chal pade tabhi thodi der main waha omkar aaya

"guys main radha ko ghar chod kar aata hu" omkar

"kyu ? kya hua?" ashish

"arre use chakker aa rahe hai..main use abhi chhod kar aaya wait for me" omkar

"aur khana? tumne khaya kuch?" ragini

"a..nahi....but anyways..tumlog ho na?" omkar

"omkar..its already 11 tum 12 tak aaye to theek nahi to baad main milte hai kafi late ho jayega" rima ne kaha

"ok no worries bye theN" aisa bolke omkar waha se nikal gaya

"ye pagal hai kya radha? pite to hum bhi hai par itna?" rima ne kaha

"kismat se omkar ne maa babuji nahi the yaha.." ashish ne kaha

teeno ne thoda khaya aur bahar aaye

"kya kare? ruke om ke liye 11.45 ho gaye hai" ashish ne pucha

"I think lets go..mujhe nahi lagta wo jaldi aayega..tum kaise jaogi ragini" rima

"I will take cab" ragini ne kahaaur apne phone par app open kiya

"rima tum ruko ragini ke paas main parking se car lekar aata hu" ashish

"cab hai?" rima

"20 minutes..but its ok...main ander ruk jaungi" ragini ne kaha itne main samne se omkar ki car aakar ruki

"sorry sorry..mujhe der ho gayi" gadi se jaldi jaldi utarte huye omkar bola.."chalo ander aaram se baithte hai"

tabhi ashish bhi apni car lekar aaya

"hum nikal rahe hai actually" rima ne kaha

"kyu??ruko yaar thodi der?" omkar

"nahi yaar kaam ka bhi thoda backlog hai raat main jagna padega aur" rima ne kaha

"what about you?" omkar ne ragini se pucha

"maine cab book ki hai aa jayegi 5-10 minute main.." ragini

"chalo bye then" gadi main baithte huye rima boli ashish ne bhi gadi main se bye kiya aur wo dono waha se nikal gaye

baat kya kare ye dono ko bhi nahi sujh raha tha omkar aur ragini chup chap idhar udhar dekhte huye waha khade rahe

"cab aane tak ek ek drinks round" omkar ne pucha

"nahi yaar sar chakra raha hai un gano aur thande AC se" ragini ne kaha

"ok fir coffee lo theek lagega tumhe" omkar

"coffee?? yaha bar main" ragini ne haste huye kaha

"ha ye bhi sahi hai..starbucks chalte hai chalo" omkar ne kafi asha se pucha

"maine cab book ki hai baad main chalte hai kabhi" ragini

"arre yaar cab ki kya baat hai cancel it I will drop you agar jyada late hua to" omkar ne kaha

"nahi late ka issue nahi hai mom dad indore gaye hai"

"fir kya baat hai "

"theek hai chalo par ek shart par..hum starbucks car main nahi chal kar jayenge" ragini ne kaha

"kya arre 5 km hoga wo kamse kam pagal ho kya?" omkar

omkar ki baat par ragini se use do pal dekha

"theek hai chalo done" omkar ne apni gadi side main lagayi aur wo chalte huye starbucks ki taraf nikle.......
 

Adirshi

Royal कारभार 👑
Staff member
Sr. Moderator
35,703
47,494
304
Update 65

Omkar aur ragini paidal hi nikal pade Starbucks ki taraf

“Raat ka rasta kitna alag dikhta hai na...dinbhar gardi gaadiya pollution log raat main sab kaisa ekdum shant nirjan"ragini ne kaha

"Ha sach hai"omkar

"Yaad hai peter mujhe aise hi raste main chhod kar chala gaya tha fir tum aaye the aur hum long drive par gaye the tab bhi aisa hi mast lag raha tha na " ragini ne kaha par fir use dhayan main aa gaya ki tab ka omkar aur ab ka omkar dono alag hai ab wo kisi aur ka ho chuka hai to usne topic change kar diya ...

"so end mil gaya book ka to ab agla part likhna suru karo mister mere jaise kai reader raah dekh rahe hai uski"

Omkar achanak hasne laga

"Kya hua aise achanak hasne kyu lage"ragini ne pucha

"You won't believe par radha ne bhi yahi kaha tha end mil gaya na book ka" omkar

"Ha to usme kya hai sahi baat hai"

"Ha sahi hai par mujhe ye perfect ending nahi lagta hai"omkar

"Kyu? perfect ending to hai...tumne jise chaha....jiske liye paglo jaise dar dar bhatke wo tumhe mil gayi hai isse jyada aur kya perfect ending chahiye"ragini

"Ha na dekho aisa nahi ke ke mira ko hero pasand nahi tha par fir bhi wo use akele ko chhod kar chali jati hai..kyu??Kyuki uski apni life se kuch aur asha hoti hai uske apne sapne hote hai...isiliye to wo ghar chhod kar aayi hoti hai jab wo pehli baar milte hai tab bhi wo confess karti hai ke wo hero ko pasand karti hai par unte hi samay ke liye use relationship main aage nahi jana hai...par achanak use koi chahiye uske sath aur wo adjustment karne ko bhi tayar hai par kyu aur is baat ki kya guarantee hai ke aage uska decision nahi badlega?? Kya guarantee hai ke wo wapis chali nahi jayegi?? Dono ke hisse ki adjustments agar hero ke hi hisse main aa gayi to?? " Omkar ek ke baad ek sawal kar raha tha

"Omkar..." Chalte chalte ragini ruk gayi

"ye sawaal tumhare book ke hero ke hai ya tumhare??"

"Shayad dono ke..." Omkar ne kaha

"Om life main koi perfect nahi hota ye to mante ho na..."

"Hmm..."

"Relationship main adjustments hoti hi hai... Aur honi bhi chahiye fir mudda hai ke wo ladka kare ya ladki....aur agar sirf ladki ke hisse main adjustment aaye to wo ladke ka ego hai aur ego kisi bhi relationship ke liye ghatak hai" ragini

"Agreed par fir ek banda adjustment karta raha aur dusra uska galat fayda leta raha to??"omkar

"Fir ye sab tum shadi ke pehle kyu nahi clear kar lete?? Ye bate clear ho gayi to jyada acha hoga aur ye tumhare sawal tum radha se kyu nahi puchte?" Ragini

"Mujhe...mujhe darr lagta hai.." omkar

"Kya???? Ragini fir chalte chalte ruki

"Mujhe darr lagta hai" omkar ne saaf saaf kaha

"Darr kaisa kis chiz ka" ragini

"Radha ka "

"Come on om usme darne jaisa kya hai ?"ragini ne pucha

"Matlab is baat se hamare beech jhagda hua aur wo mujhe chhod kar chali gayi to?"omkar

"Arre..." Ragini ko kya bole sujh hi nahi raha tha.."arre itni choti choti baat pe koi kisi ko chhod kar jata hai kya...sahjivan main ekdusre ki galat fehmi pehle hi door kar leni chahiye naki aise man main daba ke rakhni chahiye " ragini ne kaha

"Barobar hai aise koi kisi ko chhod ke nahi jata hai par radha ka koi bharosa nahi hai...wo na kaanch ke showpiece jaisi hai jo door se achi lagti hai hath main lene par tut jane ka darr hota hai" omkar ne kaha

"Tumhara kuch nahi ho sakta" ragini ne garden hilate huye kaha jisse uske baal idhar udhar jhulne lage aur unko sambhalte huye uska chandi ka bracelet in kale balo ke sath uth kar dikh raha tha....uske perfume ka sugandh omkar ko madhosh kar raha tha...

Starbucks ka darwaja khulte hi dono ko strong coffee ka sugandh aaya aur dono ne ekhi saas ke sath use ander liya aur order dekar jaha se rasta dikhe aise bade se kaanch ke samne jakar baith gaye

"Ragini ek baat puchu??" Kuch pal ki shanti ke baad omkar ne kaha

"Ha pucho na.."ragini

"Don't get me wrong ok.."

"Baap re aisa kya puchne wale ho.."

"Usdin.... tumhare ghar.... tumhare room main wo ek moment tha tumhe aisa laga tha ke hum dono..."

"Hmm...."omkar ki taraf bagair dekhe ragini ne kaha

"Fir kuch bola kyu nahi tumne..." Omkar

"Tumne kyu mujhe paas nahi liya" omkar ki aankhon main dekhte huye ragini boli

"Main....main confused tha....mujhe hi samajh nahi aa raha tha ke mujhe kaun chahiye tum? Ya radha?? Aur fir mujhe aisa laga ke usdin agar hum physical ho jate aur fir radha wapis aa jati aur hum sath hote to tumhare sath dhoke jaisa hota....so..."

Ragini ne apna coffee ka cup niche rakha aur jor jor se hasne lagi...

"Shut up ragini...isme hasne wali kaunsi baat thi " omkar ne chidhte huye kaha

"Dhoke jaisa kya hoga isme...."ragini aur jor se hasne lagi

"Ha to fir main tumhe baho main bhar leta fir...."

Fissss ragini apni hasi rokne ki koshish kar rahi thi par omkar ki baat sun kar fir se hasne lagi..

"Sach baat hai tumhari om...faltu me main tumpar police case kar deti....mujhe gale lagane ke liye dhara so and so ke tahat tumhe kadi se kadi saja ho jaye aisa karti....yaar impossible ho tum" ragini ke haste huye kaha...

haste haste uski aankhon main pani aa gaya to wo uth kar khadi ho gayi....

"Judge saab dhayan se dekhiye is darinde ko...samajh main dehshat failane wala ye masoom chehra ek darinda chupaye huye hai" ragini khud se bolne lagi

Omkar apni khurchi par se utha aur ragini jaha khadi thi waha gaya uska hath pakad kar use apni taraf ghumaya aur apne hoth uske hotho par tika diye...

Ragini ne omkar ko hatane ki koshish ki par uski majboot padak se khud ko chhuda nahi payi....kuch seconds baad omkar ne use door kiya

"Jab saja bhogni hi hai bagair aparadh ke bhugatne se acha hai aparadh karke bhugto " omkar ne kaha aur fir apni jagah jakar baith gaya

Ragini bhi wapis aakar baith gayi....coffee khatam hone tak dono main se koi kuch nahi bola

"Chale..."coffee khatam hone ke baad omkar bola

"Hmm...."

Omkar ne bill pay kiya aur wo dono car ke paas aaye dono main se koi kuch nahi bola car main bhi aur ghar tak pahuchne tak bhi koi kuch nahi bola

"Chalo then bye" car ka gate kholte huye ragini boli

"Ragini...."omkar ne kaha...

"mujhe tumse firse milna hai"

"Kyu???"

"There is something between two of us I don't know what is it...but I can feel it I want to know what it is I want to see it....milogi?" Omkar

"Omkar it's not right...tum aur radha...both are committed..tumne jagjahir kiya hai tumhe aise mere sath kisi ne ghumte dekha to wo theek nahi lagega" radha ne kaha

"Weekday par milte hai...yaha se 100 km dur hamare farmhouse ka kaam chalu hai babuji ke pasand ka location hai waha milte hai restaurant bar sab hai waha ok??"omkar

"Par omkar..?"

"Aisa socho main site seeing karne ja raha hu ashish radha rima koi nahi hai to as a friend chal lo it's just a day with me ok..?"

"Ok...?"thoda sochte huye ragini boli

"Cool fir main budhwaar ko subah saat baje tumhe pick karne aata hu"

"Nahi ghar ke paas mat aana shayad mom dad ko pasand na aaye main message kar dungi kaha aana hai "ragini ne kaha aur waha se nikal gayi

Omkar ne bhi gadi chalu ki aur nikal gaya....ragini se aise chip kar milna hai is khayal se hi uska dil joro se dhadak raha tha aur shayad ragini ka bhi.........
 
Top