• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Mohabbatein... (Completed)

Adirshi

Royal कारभार 👑
Staff member
Sr. Moderator
36,010
47,817
304
Update 69

okar kafi samaytak sun hokar baitha raha..kya hua hai abhi ispar uska vishwas hi nahi ho raha tha par jo bhi hua hai wo teeno ke bhale ka hai ye baat wo janta tha...use apekshit chaukoni ayushya ke bandhan main radha naam ka toofan kafi shant nahi rehta ye wo janta tha....ye toofan alag alag jagah par ghumta rahe tabhi uski khoobsurti ka anubhav le sakte the....

omkar ne muh par pani mara..kapde change kiye aur phone chalu kiya

whatsapp par ragini ka last seen 10 minute pehle ka tha..

radha ne jo kaha wo sach hi tha

omkar niche aake gadi main baitha aur khud se kaha."stay awake ragini..I am coming to take you away"

omkar ke man ki stithi bayan karna mushkil tha..ek taraf radha ke jane ka dukh wahi dusri taraf sari jindagi ragini ke sath bitane ki khushi..

omkar ko ye pal ajraamar karna tha..uske aise vichitra decision ki jitni takleef use huye thi utni hi ragini ko bhi ye wo janta tha

par kaise??

kya kiya jaye??

omkar ko kuch nahi sujh raha tha

wo aankhen band karke steering par sar tika ke baitha tha itne main khidki ke kaanch par tak tak huyi to omkar ne chaukke dekha to use ashcharya ka dhakka laga...

samne radha khadi thi

"radha...tum??" omkar ne car se bahar aate huye kaha

"ha..main aa gayi wapis"

"wapis?? matlab??" omkar ne confusion main kaha

"ghabrao main waise nahi bas poonam ki gadi main se utar ke wapis aayi hu....kuch sujh nahi raha hoga na....ragini ko kaise propose kare??" radha

radha ki baat par omkar has diya

"mujhe pata tha...don't worry..main help karti hu.."

"tum? tum kaise help karogi"

"dekho maine tourism industry main ek baat seekhi hai ke logo ko apne mul jagah jana jyada pasand hai..ya koi aisi jagah jo uski pasandida ho....jaha unki yade ho..tumhare mamle tumhai aur ragini ki pehli mulakat..mujhe batao tumhari aur ragini ki pehli mulakat kaha aur kaise huye?" radha

"a..marriot main...top floor 'pasha' restaurent waha.."

"aise adhura nahi..sab batao..usne kya pehna tha..tum kaha baithe the..sab sari details"

"ok batata hu.." aur omkar ne sara kissa radha ko bata diya

"yellow lily ke phool..manage ho jayenge...camp main ek flowerist hai raat bhar suru rehta hai wo...usne kya pehna tha?? maroon color ki sadi? mujhe lagta hai ye uska dress code hoga..marriot ka.."

"mujhe kya pata main thodi waha kaam karta hu..mujhe samajh nahi aa raha hai tumhare dimag main chal kya raha hai" omkar

"chup raho aur disturb mat karo"

radha apne hi khayalo main khoyi huyi thi aur omkar idhar udhar ghoom kara tha

"got it chalo marriot chalte hai" gadi main baithte huye radha ne kaha

"mujhe pata chal jata to..." par radha se chidh kar omkar ki taraf dekha to wo bagair kuch bole gadi main baith gaya

"theek hai nahi puchta hu par tum ye kyu kar rahi ho? itna acha nahi hota hai koi! abhi abhi hamara breakup hua hai aur tum mere liye ragini ke liye ye sab plan kar rahi ho" omkar

"usme kya hai? dekho jab main italy se wapis aayi..wapis kyu waha jo tum mujhe photos bhej rahe the uspar se mujhe samajh aaya ke tumhare aur ragini ke beech kuch hai...fir maine kya kiya? pagal jaisi ghus gayi tumhare beech aur tum bhi pagalo jaise use chhod kar mere piche aa gaye..sach batau? agar ragini na hoti na to main tumhe shadi ke liye kabhi puchti hi nahi par tum dono ko sath dekh kar bahut jealous feel hua laga aajtak jo apne piche tha wo kisi aur ke sath..."

radha kuch samay shant huyi fir lambi saas lekar boli.."hamara man hamara dil ek alag hi chemical se bana hai yaar...ye kab kya karega kuch nahi keh sakte...tumne jab mujhe gokarn main police se bachaya tha tab maine kaha tha I owe you a big thing shayad ye wahi hai"

"radha..shayad main tumhe samajh hi nahi paya..kabhi kabhi lagta hai tum selfish ho..dusro ke bare main na sochte huye sirf apne bare main sochne wali par aaj tumne mujhe jhutha sabit kar diya..itna tyag koi dusre ke liye nahi karta" omkar

"selfish?? wo to main hu par jab hum pyaar karte hai na to sirf khud ke bare main nahi sochna chahiye...anurag aur mere relationship main hum dono se apne apne bare main socha aur usse kya hasil hua? kuch nahi..aaj tumhara chehra dekho..raat ke 1 baje ragini se milne ke naam par kitne khush ho tum.... tumhari ye khushi maine apne pyaar main hasil ki hai..I am selfish...hum dono agar sath hote to kitne din rehti ye khushi..ha?"

omkar bagair kuch bole radha ko dekhe ja raha tha..kuch pal shanti main beetne ke baad usne bolne ke liye muh khola to radha pehle hi boli."please kuch mat bolna mujhe pata hai tum kya kahoge aur mujhe rone ki aur icha nahi hai so lets go.."

omkar ne gadi marriot ki taraf ghuma di....
 

Adirshi

Royal कारभार 👑
Staff member
Sr. Moderator
36,010
47,817
304
Update 70

"ok so first thing first..hame ye dekha hai ke maroon sadi marriot ka dresscode hai ya nahi" radha phone par kuch dhundhte huye boli.."uske liye hame pehle marriot jana padega tab tak main yellow lily ka bandobast karti hu" radha

raat ka khali rasta usme omkar full khud josh se bhara hua 120 ki speed main 15 minute main wo marriot ke paas pahucha

"gadi bahar hi lagana hame jana padega" utarte huye radha ne kaha

"ok" bolke omkar ne car rode ke side park ki aur dono hotel main enter huye

reception desk par night duty ke liye do teen ladkiya khadi thi jinhone ragini jaisi hi maroon sdi pehni thi

"de taali" radha ne hath aage karte huye kaha

"ab bataogi please..soch soch ke dimag fat raha hai mera" omkar ne kaha

"batati hu..hame ragini ko yaha bulana hai abhi" radha reception ke paas jate huye boli

"abhi? pagal ho kya raat ka 1.30 baj raha hai" omkar ne apne hath ki ghadi ki taraf dekhte huye kaha par radha ne dhayan nahi diya aur reception par chali gayi

"excuse me.." table par apni ungliya bajate huye radha boli

"yes mam? may I help you?" samne ki ladki ne pucha

"a.aapka pasha restaurent kab tak chalu rehta hai?"

"sorry mam its closed now..."

"a..midnight bufet rehta hai na chalu"

"ha chalu rehta hai na par 12- 1 ka samay hai uska"

"sirf 1 ghante ke liye suru nahi kar sakte"

"sorry mam kitchen bhi band ho gaya hai"

"ok par coffee..cake to mil sakta hai na"

"sorry mam"

"a...aap ragini ko janti hai?"

"ragini wo day shift ko rehti hai wo na....ha matlab kareebi pehchan nahi hai par pata hai.."

"cool wo piche khada hai wo dikh raha hai?" omkar ki taraf ishara karte huye radha ne kaha

"hmm kaun hai wo?"

"he is a well known writer omkar..abi uske book ka first part release hua tha..mohabbatein.."

"really...yess.. maine padha nahi haipar suna hai " exice hokar us ladki ne kaha

"aapne agar pasha 1 gante ke liye open kiya to uske book ke agle part ka publication wo marriot main karega..kitni publicity hogi"

"par iska pasha se kya lena dena ? aur ragini ka kya?"

"he is going to propose ragini tonight..pasha main" radha

"abhi? itna late?...wow..how romantic and thrilling par pasha main kyu?"

"ab ye sab tumhe book ka pehla part aur dusra part release hone ke baad padh kar pata chalega...tumhara naam kya hai?" uske batch par naam padhne ki koshish karte huye radha boli

"rohini.."

"rohini..if you help him now..book main tumhara naam aayega..this momentis climax and you are going to play very important role in it"

radha ne sahi jagah teer mara tha rohini soch man pad gayi

"mam mujhe permission leni padegi..itni raat main sir ko phone karna.."

'arre kaisi permission? tumhe bas 4 lights lagane hai terrace par ke thodi candels thats it..coffee chocolate cake who cares.."

"ok done mam...who cares I will arrenge.."

"good ab dusra kaam ragini ko phone lagana hai yaha ke number se main batau waisa batana ok?"

"yes mam.."

rohini ko climax ka scene apna imp role sab pasand aaya tha..wo radha jo bole sab karne ko tayar thi..radha ne use sab samjhaya aur omkar ke paas aayi

"ragini aaye tab tak hum yellow lily lekar aate hai chalo"

radha aur omkar bahar gaye tab rohini ragini ko call laga rahi thi

ragini sone ki koshish kar rahi thi par use neend nahi aa rahi thi aur fir coffee banane ke liye wo uthi to uska phone bajne laga..marriot ka number dekh kar use ashcharya hua

"hello?"

"hello...ragini na? main rohini bol rahi hu..marriot desk"

"ha rohini kya hua? itni raat main call kiya.."

"sorry yaar tumhari neend kharab ki par kaam important hai" rohini

"hmm its ok..bolo"

"ragini yaar abhi sir ka phone aaya tha..yaha pasha main marathi movie ka scene shoot hone wala hai..10-12 logo ka crew hoga...to tumhe aana padega yaha..jyada samay nahi bas 1 ghante ke liye"

"abhi?? arre nahi possible hoga.....main adhi neend main hu"

"sorry yaar..but can't help sir bhi aa rahe hai..unhone kaha hai proper support ke liye..pasha bhi open kiya hai"rohini

"shit yaar kya pagalpan hai..main baat karti hu sir se "

"unke phone ki battery down hai...wo on the way hai..isiliye maine call kiya hai aur mary bhi off duty hai ....main cab book karti hu tumhare liye tum ready ho jao tab tak aa jayegi"

ragini ko waise bhi neend nahi aa rahi thi so shooting wagaire main timepaas ho jayega isiliye wo tayar ho gayi

"aur apna regular dress pehan kar aana maroon sadi bye for now and sorry" rohini

"no problem dear cab ka number sms kar dena

ragini ne room ka light on kiya chehre par pani maar kar halke makeup ke sath wo tayar ho gayi..is awaz se uski mom ki neend khul gayi to wo dekhne aayi ke kya hua hai...

"mom jo jao aap kuch nahi hua hai office jana hai main aa jaungi thodi der main" fir ragini ne unhe scene samjhaya tab tak cab aa gayi thi to ragini nikal gayi
***

"dada jara fresh phool do yaar" omkar us phool wale se lad raha tha

"arre sir fresh hi hai lo ye do aur ache phool laga diye khush"

itne main radha ka phone baja ki ragini nikal gayi hai to usne omkar ko samjhaya ke phool ache hai aur unhe ragini se pehle hotel main pahuchna hai to wo phool lekar waha se nikle marriot ke liye

omkar radha waha pahuche tab rohini unhe bahar hi mili

"how much time more?"radha ne pucha

"bas paanch minute main cab pahuch jayegi" rohini

"ok chalo uper chal kar dekhte hai kya kya hua hai" radha

omkar ko kuch samajh nahi aa raha tha wo to bas radha ke piche chal raha tha..teno lift se 11th floor ke terrace par pahuche

colorful lights ki roshni se pasha jagmaga raha tha rohini ne wahi table sajwaya tha jaha ragini aur om pehli baar mile the table par do candels the

"yahi table hai na" radha ne pucha

"omkar ne ha ka ishara kar diya itne main rohini ko message aaya ke ragini aa gayi hai usne radha se pucha to usne use uper bulane ka ishara kar diya jisse rohini ne ragini ko uper bula liya

"ok omkar tum yaha chip kar baitho...ragini ke aane ke baad hum use yaha baithayenge..hum chale gaye ki its all yours..tumhe jo karna hai karo" radha jaldi jaldi bol rahi thi

"radha please I want you here tum ruko na yaar chip kar" omkar

"pagal ho kya mujhe nahi dekhna hai tumhara milan..main chali..aur ragini ko pata mat chalne dena main yaha thi ok?" rohini aur omkar ki taraf dekhte huye radha boli

"par radha..."

"go.." omkar ko andhere kone main dhakelte huye radha boli" kal mujhe phone par batana kya hua and all the best"

itne main terrace par lift rukne ka awaj aaya aur radha service lift ki taraf chali gayi..

omnkar andhere main se dekh raha tha ragini ko terrace par aate huye...itne thand main bhi uske hath pair garam ho gaye the

"rohini batao kya scene hai?" ragini

"hmm 20 minute man crew yaha pahuchegi..yaha terrace par shoot karna hai unhe..unhone floor plan bheja hai....acha hua tum aa gayi mujhe solid tension aa gaya tha" rohini

"tension? tum to has rahi ho"

"tension ki wajah se ho raha hoga" idhar udhar dekhte huye rohini boli

"wierd..acha kaha hai floor plan"

"damn main desk par hi bhul gayi ek minute main lekar aayi"

"tum kyu ja rahi ho message kar do"

"nahi kisi ko pata nahi hai main lekar aati hu tum baitho"

"ok"

ragini omkar ki taraf peeth karke baith gayi aur rohini halke se omkar ko all the best ka ishara karke chali gayi

ab terrace par is samay omkar aur ragini hi the....raat ke waqt chalti hawa ka awaj aa raha tha..ragini apne baal theek kar rahi thi

omkar dabe pairo se bagari awaj kiye apne hath main phool lekar ragini ke paas aaya...uska dil kafi joro se dhadak raha tha..

omkar ragini ke ekdum paas aaya aur halke se bola "ragini.."

ragini ekdum jhatke se uthi...omkar ko waha dekh kar use kuch samajh hi nahi aa raha tha..."omkar?? tum yaha??"

omkar ne apne piche chupaya hua yellow lily ka bunch ragini ke samne kiya "ekbaar yahi tumhe mujhe yellow lily diye the yaad hai..yahi table tha na wo?"

ragini ki aankhen badi ho gayi

omkar apne ghutne par baithne laga

"no..om...please stop...sidhe khade raho kya kar rahe ho" do kadam piche hat te huye ragini boli

"wahi jo mujhe kafi pehle karna chahiye tha" omkar

"no omkar..you are out of your mind..ye sab tumne kiya?? yaha koi shgooting nahi hai na" ragini

"hmm"

"this is insane..omkar..please utho..ghar jao 5 dino main tumhari shadi main radha ke sath..bhul gaye kya?"

"shadi hai nahi thi" omkar ragini ke paas jate huye bola

"thi?? om tum shadi tod kar aaye ho?" ragini ne chidh kar kaha

"nahi..radha aur maine mil kar decision liya hai" omkar

"kyu? pagal ho kya tumlog? radha ka number do...abhi..koi shadi cancel nahi huyi hai" apne khule baal bandhte huye ragini boli

phone ke liye aage kiya hua hath omkar ne niche kiya fir dusre hath se ragini ne bandhe huye baal khol diye

"baal mat bandha karo please..aise hi achi dikhti ho.."

"arre ye chal kya raha hai..omkar shadi koi khel hai kya..aise kaise tod di"

"aaj na todte to kabhi na kabhi ye hona hi tha..trust me maine akele e nahi kiya hai...sach kahu to radha ne mujhse pucha"

"kab?"

"abhi ghanta bhar pehle.."fir omkar ne ragini ko sara kissa sunaya jise sun kar ragini table par apne sar ko hath laga kar baith gayi

"fir ab main?? radha ne mana kiya to main aur samjho maine mana kiya to..fir rima? ya koi aur.." ragini

omkar ragini ke samne baitha

"ragini...meri taraf dekho kya dikh raha hai tumhe.." omkar

"kuch nahi..kitna andhera hai yaha" haste huye ragini ne kaha

"ab koi aur nahi sirf aur sirf tum..mujhe nahi pata mujhe kya hua hai...mujhe radha pasand thi..pasand hai..par uske sath main jindagi nahi bita sakta..main kafi bhatka..man main aaye wo decision liye..bahut log karte hai aisa...par kabhi to sache pyaar ka ahsaas hota hai na" omkar

"ha? fir aise achanak kaise ahsaas ho gaya tumhe?" ragini

"tum wo tantra-mantra sikh kar aayi na vipassana se tab se mujh par jadu huyi hai..tum nahi thi tab kitna tadpa hu main hi janta hu"

"aur kya guarentee hai tumhara decision fir nahi badlega" ragini

"tumhara sawal sahi hai..maine aisa behave kiya hai you can take time..jo chahiye wo meri pariksha lo par please na mat kehna" omkat bhavna vivash ho gaya tha bolte bolte uska awaz kaapne laga tha usne garden jhuka li

ragini ne uska chehra uper kiya aur kaha.."tumne mujhe itna tadpaya aur main itni jaldi ha kar du"

omkar kuch nahi bola

"om..radha ko takleef nahi huyi hai na?" ragini

"believe me ragini..mutual nirnay hai..tum subah radha se baat kar lena fir faisla karna"

"uski jarurat nahi hai..mujhe vishwas hai tum pa..main ha kahungi par ek shart par" ragini

"ab to tumhari sari sharte manjoor hai " omkar ne bagair deri kiye kaha

"arre suno to pehle"

"hmm bolo"

"mujhe shadi ke baad naam badalna hai" ragini

"kyu?"

"mujhe badalna hai..ragini naam badal kar radha..chalega?"

omkar ki aankhen badi ho gayi

"radha omkar ki na huyi ye nahi chalega...radha omkar ki hi thi..main janti hu tum use kabhi nahi bhuloge....aur bhulna bhi mat..main bhi use nahi bhulungi...aaj usne mujhe meri jindagi de di hai....radha om yahi naam sahi hai badloge mera naam?" ragini

omkar ne ragini ko baho main bhar liya

"o mister pehle propose karo sahi se" omkar ko dhakalte huye ragini ne kaha

omkar ne bouquet hath main liya aur fir se ghutno par baitha

"arre abhi diye the tha flowers fir se wahi gift"

"shhhh.." omkar ne use shant baithne ka ishara kiya

"ragini..."

"yesss......I LOVE YOU...I LOVE YOU...I LOVE YOUUUUUU.." jor se chillate huye ragini boli

raat ke us shant vatavaran main ragini ka wo awaz gunj utha

omkar ne apne hath main ke phool hawa main udaye aur ragini ko baho main bhar liya

teno ki aankhon main khushi ke aansu the...ragini, omkar aur in dono se door anabhigya..andhere main service life ke paas kone main khadi radha ke................



[samapt..]
 

Adirshi

Royal कारभार 👑
Staff member
Sr. Moderator
36,010
47,817
304
Sabse pehle to thank you Naina and Champ_AK_81 jnhone mujhe kaha is kahani ko complete karne ke liye warna main shayad ise kabhi complete nahi karta
uske baad sabhi readers ka bhi shukriya Chinturocky Vikram Bhosle aur bhi mere sare readres jinhone ye kahani padhi hai ya padh rahe hai aapke reviews ki pratiksha rahegi

dhanyawaad milte hai kisi aur kahani ke sath...
 
Last edited:

Cyanide

Tasteless
3,272
2,172
144
Sabse pehle to thank you Naina and Champ_AK_81 jnhone mujhe kaha is kahani ko complete karne ke liye warna main shayad ise kabhi complete nahi karta
uske baad sabhi readers ka bhi shukriya Chinturocky Vikram Bhosle aur bhi mare sare readres jinhone ye kahani padhi hai ya padh rahe hai aapke reviews ki pratiksha rahegi

dhanyawaad milte hai kisi aur kahani ke sath...
Mare saare readers :afraid:
:esc:
 
  • Like
Reactions: Nevil singh
Top