• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Mohabbatein... (Completed)

Adirshi

Royal कारभार 👑
Staff member
Sr. Moderator
36,010
47,817
304
Awesome story hai bhai
Aaj mene ek famous writer ki love story par based novel padha Kasam se aapki yeh story usse kayi guna acchi lagi
Bus ek request hai ki update jaldi se do
bahut bahut shukriya bhai tareef ke liye waise main itna acha writer bhi nahi hu ke kisi novelist se mera comparision ho
aur aapkirequest ko dhayan main rakhte huye 5 updates post kar raha hu
 

Adirshi

Royal कारभार 👑
Staff member
Sr. Moderator
36,010
47,817
304
Update 56

subah subah ka samay tha omkar mast apne bed par achi neend main soya hua tha to uski neend bhang kari uske phone ki ring ne....pichli raat ko hi uske sare rishtedar shadi ke liye uske ghar pahuch gaye the..sabse baat karne main use sone main late ho gaya..omkar neghadi main samay dekha to abhi subah ke 8 baj rahe the..

kuch seconds main phone fir se bajne laga aur omkar ne phone utha liya

"omkar...o omkar..so rahe ho kya?" dusri taraf se radha phone par chilla rahi thi

"radha?? ye kaha ka number hai tumhara..?" radha ka awaz sunke omkar ekdum se uth gaya

"kya kar rahe the?" omkar ke sawal ko najarandaj karte huye radha ne kaha

"so raha tha aur shayad jyadatar log is samay neend main hi hote hai"

"aaj ka newspaper dekha?" radha

"main so raha tha neend main thodehi paper padhung..."

"theek theek hai ek kaam karo jaldi se MG road par aao tumhe kuch dikhana hai"

"radha main abhi so kar utha hu...thoda samay lagega..kya kaam hai bolo na" omkar

"wo tum yaha aaye bagair kaise bata du? jaldi aao..marzorin ke samne rukna" itna bol ke omkar ke kuch puchne se pehle hi radha ne phone kaat diya

"kya ladki hai yaar ye achanak gayab ho jati hai achanak prakat ho jati hai..kuch context nahi aur MG road par bula rahi hai" khud se hi bate karte huye omkar bathroom main ghusa...

Omkar ne MG road ke corner par pahuchte hi radha ko call kiya aur kuch hi samay main kahi se radha bhagte huye uske samne aakar ruki

"dekha??" raha

"kya..?" omkar ne pucha

"arre yaar wo dekho samne" samne ek advertisement board ki or ishara karte huye radha boli

samne strawberry travels ka ad board tha jiskar radha ka bada sa photo tha come visit europe bolte huye

"iski maa ka..tumne modelling wagaire chalu kar diya kya?" sar par hath rakhte huye omkar bola

"arre nahi pichle hafte main italy se wapis aayi to agency main modelko leke chinta suru thi aur pehle se kafi late ho gaya tha to maine unhe apne kuch photos dikhaye jo maine college ke time khiche the unhe pasand aa gaye aur baat ban gayi and here I am..." radha ne kaha

"tum danya ho devi..kab kaha kya karogi kuch nahi keh sakte" omkar

"arre aur bhi kayi jagah board lage hai aur aaj sare leading papers main bhi ad hai hamari" radha bol rahi thi aur omkar bas uska utsah dekh raha tha

"om." achanak gambhir hote huye radha boli.." agar us din tum gokarn main mujhe nahi bachate to aaj bhi shayad main court ke chakker laga rahi hoti..ye nayi jindagi tumhari wajah se hai thank you so much"

bolte bolte radhna ne omkar ke hath pe apna hath rakh diya

"aur isiliye maine tumhare liye kuch karne ka socha hai..." radha

"ab kya karne wali ho" omkar

"maine is ad ke paise nai liye"

"mere liye?"

"baat to suno puri...maine paise nahi liye..uske badle main..is mahine ke ant main hum switzerland jane wale hai 8 dino ke liye.aur tum hamare sath chal rahe ho.." radha

"matlab?"

"matlab paisoke badle main maine tumhare liye swiss tour book kiya hai."

"what..? aur tumhe itne paise mil rahe the ad ke liye"

"na par aisa hai ke..tuor ke cost ki jo humadvertise karte haiwo margin pakad ke hoti hai.. actual cost kam hoti hai aur main waha empoley hu to uska bhi discount mil gaya..maine sab adjust kar liya hai tumagle hafte mujhe tumhare documents de dena visa processing ko bhejna hai..ok"

"hmm theek hai"

"acha chalo tumne breakfast kiya hai.."

"nahi..mariage hall main karunga"

"marriage hall?"

achanak omkar ke dhayan main aaya ke aaj to shadi hai....usne ghadi par najar dali to 9 baj gaye the aur use 10.30 tak ragini koleke marriage hall main pahuchna tha

"oh damm, radha mujhe jana hoga.."

"kyu?? kya hua?"

"arre shadi hai shreya ki mere chacheri behan ki aur main abhi tayar bhi nahi hua hu..mpehle ready hona hai fir ragini ko pick karna hai...ho gaya kalyan..." omkar

"ragini? kaun ragini?" radha ne pucha

"ragini... a friend hai meri"

"acha wahi jiska photo tumne mujhe bheja tha.."

"ha wahi hai chalo main chalta hu.."

"arre...paagal tumhari behan ki shadi hai aur tumne mujhe invite bhi nahi kiya??"

"arre tum nahi thi na yaha ..isme main kya karunga.." omkar

"par ab to main hu na yaha"

"oh yes..theek hai aa jao fir.."

"aa jao fir?? ye kaisa invite hua..rehne do khud se bolte to sochti aane ka"

"oye ab nautanki mat karo gadbad main bhool gaya aur tumhe aana hoga main raah dekhunga aur address whatsapp kar raha hu" bol ke omkar waha se nikal gaya........
 

Adirshi

Royal कारभार 👑
Staff member
Sr. Moderator
36,010
47,817
304
Update 57

omkar ragini ke ghar pahucha tab tak 11 baj chuke the itne main 10 baar ragini ka phone aa chuka tha..aur omkar bas mil kar baat karte hai itna hi bol raha tha..jab omkar waha pahucha to ragini use bahar hi mil gayi

gulabi color kauspar soneri nakshi waha ghagra choli usne pehna tha...jisne uska roop khil gaya tha..hatho main chudiya aur apni odhni sambhalte huye wo gadi main baithi

"kaisi lag rahi hu?" ragini

"cinderella.." omakr ne achanak kaha

"h.."

"bahut badhiya dikh rahi ho"

"shii yaar writer ho na tum...kuch to acha compliment do...kya ye hamesha ka ek hi line" haste huye ragini boli

"acha to likh ke bhej dunga raat main whatsapp par abhi chale"

"ha ha chalo pehle hi late ho gaya hai pat tumhe late kyu hua?"

omkar ne gadi chalu ki aur switzerland trip ka bhag chhod ke radha se huyi puri mulakat bata di

"wo bhi aa rahi hai shadi main" omkar ne kaha

ragini kuch nahi boli par somehow radha ka shadi main aana use pasand nahi aaya tha ye omkar ne taad liya

omkar marriage hall main pahucha tab tak kafi late ho gaya tha parking kabka full ho gaya tha..omkar ne apni gadi raste ke baju main park ki aur ragini ke sath ander aaya

"o seth kita late kar diya"

"kya yaar bro tum nashte ke samay aane wale the na"

"om bhai sab raah dekh rahe the aapki"

aise kafi sawal omkar se kayi logo ne puche par om unhe najarandaj karte huye ragini ko leke sidha apne maa babuji ke paas pahucha

"ragini ye mere maa babuji haia ur m,aa babuji ye hai ragini" omkar ne unki pehchan karwayi

ragini ne dono ko pranam kiya

"bahut sunder ho tum" omkar ki maa ne kaha..omkar ne halke se apne babuji ko dekha to unhone bhi badhiya ka ishara kar diya

maa aur ragini ko thodi der baat karne ke liye chhod kar omkar bahar khurchi par aakar baith gaya thodi der main ragini bhi uske paas aa gayi

beech beech main omkar ke koi nakoi rishtedaar aate aur omkar unki aur ragini ki pehchan karwata par uska pura dhayan ghadi ki taraf tha aur najre darwaje par tiki huyi thi ek man keh raha tha ke radha ko ab tak aa jana chahiye tha aur dusra keh aha tha keradha na aaye to acha hoga

dulha aur dulhan aakhri rasm ke liye kapde badalne gaye the

"tum ladkiya bhi kamal hoti ho na..ab shreya ko hi dekh lo...ek-do mulakate huye ekdusre kopasand kiya aur ab shadi..aur to aur ab desh chhod ke uske ghar chali jayegi" omkar ke kaha

"muje nahi lagta isme dino se koi fark padta hai..kabhi kabhi ek mulakat main bhi koi apnasa lagne lagta hai aur kabhi kayi mahino main bhi baat nahi jamti"ragini

"sahi hai..ab mere aur rima ko hi dekh ko hu dono ek dusre ko kafi ache se jante the...pyaar main the..sath bhi rahe..par sab bigad gaya.." omkar

"omkar hum insaan hai....robots nahi ki ek baar programming hone ke baad life long waise hi kaam karenge..kuch bhi hua tab bhi paristithi ke anusar log badalte hai swabhavik hai ye" ragini

"matlab rima sahi thi aur main galat?"

"nahi mera wo matlab nahi tha..mera mudda ye haike shadi rishte judna ye naseeb ka ek bhag hai isme hu ek dusre ko kitne samay se jante hai ye mudda duyyam hai"

omkar ne baat karte huye darwaje ki taraf dekha to uske maa babuji un dono ki taraf dekh rahe the aur omkar ne jaise hi unhe dekha wo ander chale gaye

"matlab tum in shadi wagaira main manti ho.." omkar

"bilkul mujhe bhi shadi karni hai..apna ghar chhod ke dusre ghar jakar nayi surwat naye rishte jodna mujhe pasand aayega" ragini

omkar aage kuch bolta isse pehle hi uska phone baja...phone radha ka tha

"om bahar aao na main gate ke paas hu" radha

"abhi aaya" bolke omkar radha ko recieve karne bahar aaya

ragini ne apna dress theek kiya aur apne mobile main messages dekhne lagi thodi hi der main omkar radha ko leke ragini baithi thi waha aaya

"ragini meet radha....radha ye hai ragini" omkar ke dono kipehchan karwayi

"hi radha.." ragini ne kaha

"hi ragini...you are beautiful" baju ki khurchi par baith te huye rdha boli

"thank but you are georgeous" ragini

"so subah gadbad main baat nahi huyi...how was italy" omkar

"italy..wow..awsome jagah hai..hum bahut ghume...art fairs..meuseum..photography exibitions....restaurents..aur napleske beashes to amazing the...you should definately visit" radha bol rahi thi

"wao...badhiya hai yaar..badhiya life hai tumhari alag alag jagah ghumte raho.." ragini ne kaha

"hmm..par maine struggle karke ye life chuni hai..iske liye kayi bate chhodni padi..kayi logo ka man dukhana pada..om knows better...om.." radha om ki or dekhte huye boli

teeno baat kar hi rahe the ke waha ne omkr ki maa gujri..radha ko dekh kar unhone omkar ke pitaji ko bhi bahar bulaya

"suniye ji..wo om aur ragini ke sath baithi hai wo radha hai kya??'

omkar ke pitaji ne unki ur omkar ki phone par huyi baat uski maa ko batayi thi..unhone radha ko tv par dekha tha par tab wo kafi alag dikh rahi thi aur jab sadharan chehra pehchan ka dikha tab wo bole

"haa shayad wohi hai.."

"to wo yaha kyu aayi hai..om aur ragini kitne ache dikh rahe the sath main ye kyu beech main chali aayi"

"ab mujhe kya pata omkar ne hi bulaya hoga"

"is ladke ka kya hi kare" sar par hath markar wo waha se chali gayi

idhar in teeno ki bate chal hi rahi thi ke waha ek dadi radha ke paas aayi aur boli.." wo paper main ad aayi hai wo ladki tum hi ho na.."

"ha man hi hu" radha ne has kar kaha

"ekselfi le lu tumhare sath" itna bol kar wo lady radha ke sath ek do photo lekar waha se chali gayi aur thode hi samay main ek baat waha fail gayi aur radha waha celebrity ban gayi koi na koi aake uske sath photo khichwa raha tha akhir main radha ek groupke sath photo khichwane waha se nikal gayi...itne main omkar ke pitaji waha pahuche

"omkar tumhari gadi kaha hai?" om ke pitaji ne kaha

"bahar hi khadi hai ander parking nahi mila" omkar

"very good...ek kaam karo shreya aur uske dulhe ko leke mandir jana hai..paas hi main hai...par unki gadi ke piche kisi ne gadi park kar di hai chale jaoge?"

"ha ha theek hai usme kya hai."itna bol ke omkar 2 minute main aata hu aisa ragini ko bol ke waha se nikal gaya....
 

Adirshi

Royal कारभार 👑
Staff member
Sr. Moderator
36,010
47,817
304
Update 58

Omkar ke jane ke baad ragini waha akeli hi reh gayi thi rim aka ek important photoshoot tha to wo waha busy thi aura shish ko ek family emergencyke chalet apne gaon jana tha to wo bhi waha nahi tha..thode samay baad radha ragini ke paas aa gayi

“omkar kaha gaya..” radha

“wo dulha dulhan ko leke mandir gaya hai aa jayega 15 minute main” ragini

“oh..ok”

Ek vichitra sanvad ki gap dono ke beech bani huyi thi..kya bole dono ko nahi sujh raha tha aur bhi achanak dono ek sath boli

“tum aur om “

Fir dono hasi jisse dono ke beech nirman hua tension thoda kam hua

“nahi..hum dono ke beech aisa kuch nahi hai..main aur omkar ekdusre ke kafi ache dost hai” radha keh rahi thi..” omkar mere har mushkil ghadi main mere sath tha..agar won a hota to aaj main yaha nahi hoti..I owe him a big thing…par hum dono ke beech aisa kuch nahi hai infact mera kisi ke sath kuch nahi hai “ haste haste radha ne kaha

“kyu?” ragini

“matlab mujhe meri life ekdum freely jeeni hai…mujhe aisa koichahiye jo mujhe restrict na kare..meri life mujhe jaisi chahiye jeene de “ radha

“mera to is mamle main ekdum ulta kaam hai..mujhe to kai aisa chahiye jo hamesha mere aaju baju main rahe mujhe din main pachas baar call kare main kaha hu kya kar rahi hu puche…mujhe na aise sukhadbandhan main bandhana pasand aayega” ragini ne kaha

“fir to tumhara aur omkar ka kafi sahi jamega wo bilkul tumhare jaisa hai” radha

“sachem??” ragini ne khushi se kaha

Kuch pal wo dono ekusre ko dekhti rahi..shabd nahi the fir bhi wo muk samvad kafi kuch bol gaya ragini ki aankhon main omkar ke liye aaya hua pyaar radha spasht dekh sakti thi

“theek hai mujhe ab chalna chahiye” achanak radha ne kaha

“arre abhi to aayi ho tum abhi to shadi bhi nahi huyi” ragini

“ha par mujhe ek important kaam hai”

“omkar ke aane tak to ruk jao use mil kar chali jana” ragini

“nahi..use adat hai mere aise achanak chale jane ki..wo kuch nahi bolega chalo milte hai kabhi baad main” itna bol kar radha waha se chali gayi..

Paanch minute main omkar wapis aa gaya

“ye kya radha kaha hai” omkar ki najar radha ko dhundh rahi thi

“just abhi abhi gayi hai”ragini ne kaha

“matlab?”

“use kuch important kaam tha isiliye wo chali gayi” ragini

“tumne use roka kyu nahi” omkar ka awaz achanak badh gaya tha itna ke aaju baju ke log apna bolna chhod kar un dono ko dekh rahe the

“omkar maine use kaha tha ki tumse mil kar jaye usne nahi suna isme main kya karu” ragini ne kaha

“mujhe phone karna chaiye tha na “

“main tumhe kyo phone karu..wo tumhari dost hai usne tumhe phone karna chahiye tha usne waise nahi kiya tum mujhe kyu keh rahe ho” ragini

“kitna samay hua use jakar..”

“paanch minute” ragini ne dusri or dekhte huye kaha

Omkar bhagte huyeradha dikhti hai kya ye dekhne bahar aaya aur jab tak wo aankhon se ojhal nahi hua ragini uski taraf dekhti rahi fir usne apni purse uthayi aur rikshaw main baith kar waha se nikal gayi……
***

radha is waqt poonam ke alishan flat ke prashast terrace par sar par hath rakh kar baithi huyi thi

"kya logi??thandi beer lau?" poonam ne pucha

"nahi..muh kadwa ho jayega..vodka chalega and on the rocks please" radha

"Ok' fir poonam ander gayi aur jab bahar aayi to usne dono ke liye do large pegs bana kar laye the aur khane ke liye kuch chips

"so as I understand..tumhe omkar pasand hai..omkar ko tum pasand ho..par ragini ko bhi omkar pasand hai....fir...tum ragini ko pasand karti ho kya??" poonam

"o come on poonam main kyu use pasand karungi.." radha ne chidh kar kaha

"sorry sorry par jab tum dono ekdusre ko pasand karte ho to problem kya hai..tumhe omkar chahiye ya nai??" poonam

"I want him but on my terms..matlab jo mujhe jis tarah dekhna chahta hai main waisi nahi ban sakti..wo adjust karne tayar hoga to...matlab har baar ladkiya hi kyu adjust kare..apni life apna career kyu chhode omkar wo waise bhi writer hai agar wo ghar sambhalne ko tayar hoga to.." radha ne kaha

"baat sahi hai tumhari par bhartiya mentality badalne main samay lagega aur omkar tumhari baat maan bhi gaya tab bhi use gharwalo ki bhi to apni bahu se kuch ashaye hongi" poonam

"wahi to omkar ko ye decide karna hai ki use biwi chahiye ya maa baap ke liye bahu" radha

"tumne omkar se baat ki hai is bare main? I mean use kabhi bataya hai clearly ki tum bhi use pasand karti ho aur tum sath reh sakte ho par tumhari kuch sharte hai wagaire.." poonam

"nahi.."

"fir mujhe lagta hai tumhe is bare main usse baat karni chahiye...par direct apn sharte mat sunana..use pehle apne side karo..use apne aap main involve karo fir apni sharte rakho.."

"matlabv tum kehna kya chahti ho main kya karu?" radha

"emotions radha emotions..use emotional karo...uske samne gareeb bichari abla bano..tumhe uski jarurat hai aisa use indirectly batao fir dekho wo khud apna kandha tumhare aage karega" poonam

"poonam you bitch..kya kamini hai yaar tu" radha ne haste huye kaha

"arre sare purush same hote hai try it all the best"

radha ne glass bottoms up kiya aur waha se chali gayi.......
 

Adirshi

Royal कारभार 👑
Staff member
Sr. Moderator
36,010
47,817
304
Update 59

"ashish bhai main ragini ke ghar ja raha hu" table par se car ki kesy lete huye omkar bola

"ghar ?? kyu? kya hua?" ashish

"arre do din ho gaye yaar uska phone band aa raha hai..whatsapp par last seen bhi do din pehle ka hai" omkar

"omkar.." use rokte huye ashish bola "mujhe lagta hai wo upset hogi..shadi wale din tum use chhod kar radha ke piche nikal gaye the isse.."

"par jab main wapis aaya tab wo ja chuki thi ab main isme kya karu" omkar ne kaha

"hmm par mujhe kya lagta hai..."

ashish apni baat puri karta isse pehle hi omkar waha se nikal gaya......

ragini ke ghar ka darwaja uski mom ne khola

"aunty ragini hai ghar par??" omkar

"nahi...."

"a kaha gayi hai wo uska phone band aa raha hai do din se" omkar

"vipassana(type of buddhist medation at different centres mainly in nashik and igatpuri)...."

"vipassana....? kab aayegi?" achanbit ote huye omkar ne pucha...

"dus dino baad.."

"kya sanyas wagaire lene ka irada hai kya? haste huye omkar bola par ragini ke mom ke chehre ke gambhir bhav dekhte huye chup ho gaya

"fir phone??"

"phone band rahega 10 din..uske aane ke baad bata dungi use tum aaye the: darwaja band karte huye ragini ki mom boli

"theek hai chalta hu.." par omkar ka akhri vakya band darwaje par takrakar wapis aa gaya..usne apni car suru ki aur ashish ko phone lagaya

"ha bhai kya hua? mili ragini?" ashish

"na yaar wo to dus din ke liye vipassana gayi hai" omkar

"aise achanak? kuch bataya bhi nahi"

"ha aur uska phone bhi band rahega dus din..aur uski mom unhone to aise baat ki jaise main darwaje pe aaya koi salse man hu...ander bhi nahi bulaya..kya hua hoga?" omkar bol raha tha tab uske phone par dusra phone aa raha tha... "ashish ek minute dusra call aa raha hai" omkar ne dusra call dekha to wo radha ka tha.."ashish baad main baat karta hu radha ka phone aa raha hai" omkar ne ashish ka call cut kiya aur radha ka call recieve kiya

dusri or se radha ka awaz aaya

"hello omkar do minute ka samay hai?" radha ka awaz kafi halka aa raha tha

"radha? kya hua? awaz kyu aisa hai tumhara?"

"anurag ne divorce paper bheje hai" radha ne subakte huye kaha

"arre waah badhiya baat hai yahi to tum chahti thi na fir ro kyu rahi ho" omkar

"ha par usne divorce ke reason kafi ghinone diya hai kehraha tha maine gokarn main...." radha bolte bolte ruki

"dekho radha kuch mat socho...divorce hamesha blame game hota hai tum jo chahti thi mil gaya so take it and move on" omkar

"hmm..feling so lonely yaar..ghar aa sakte ho..just couple of drinks fir chale jana" radha

"sure why not..adhe ghante main pahuch raha hu" aur omkar ne phone rakkh diya....gadi abhi aage badhi hi thi ke ashish ka call aa gaya

"kya bol rahi thi radha??" ashish

"arre wo problem main hai main wahi ja raha hu" omkar

"kyu kya hua?"

"arre us anurag ne use divorce paper bheje hai aur karan kuch ulte sidhe bataye hai to ro rahi thi bichari"

"bichari??"

"ha fir wo akeli hai ghar par main mil aata hu"

"bhai agar meri manoge to mat jao abhi " ashish samjhane ke andaj main bola

"kyu??

"kyu kya..ek to wo akeli hai ..bichari...dukhi hai..uspar tum bhi ragini nahi mili isliye upset ho.." ashish

"kehna kya chahte ho"

"main kya kehna chahta hu tum jante ho om..bhavna ke aaveg main kuch ho jayega..use kaho tumbaad main aaoge" ashish

"abe main koi chota baccha hu kya..baad main baat karta hu tumse" omkar ne phone kat diya

ashish ne chidh kar phone ko dekha aur ragini ka number dial kiya par jaisa omkar ne bataya thya phone switchoff tha..jab use kuch samajh main nahi aaya to usne rima ko call lagaya

"bolo shona kya kar rahe ho" rima ne hamesha wale tone main kaha

'abe yaar ye babu shona chhodo us omkar ko phone laga ke roko" ashish

"kya hua??"

fir ashish ne jitna jaldi ho sake sab rima ko bataya aur bola" rima, omkar ko tum bhi ache se janti ho aur main bhi..wo ab bhi radha ko pasand karta hai aur shayad radha bhi....par abhi dono akele hai..upset haimujhe lagta hai unhe akele main nahi milna chahye.....mujhe to omkar aur ragini sath main jyada ache lagenge..isiliye.."

"hmm..samajh gayi tumhari baat sahi hai main omkar ko call karti hu"rima ne ashish ka call cut kiya ur omkar ko call lagaya

"omkar kaha ho?" rima

"a..bahar hu jara.."omkar

"bahar?? bahar matlab kaha?"

"drive kar raha hu bolo na?"

"kuch kaam main ho?"

"ha radha ke yaha ja raha hu baad main baat kare?" omkar

"nahi suno kuch important baat karni hai" rima

"...."

"omkar tum sun rahe ho na"

"listen rima hum thoda baad main baat karte hai ok.." itna bol ke omkar ne phone band kya aur switch off kar diya....

omkar ka phone band dekhke rima ne ashish ko call kiya

"ashish wokuch sun hi nahi raha hai phone bhi band hai uska"

"maa ki kirkiri...tum kaha ho abhi?"

"main studio main hi hu"

"shoot suru hai kya"

"na just pics editing"

"acha suno..maine yaha se nikal raha hu tumhe pick karta hu aur hum sidhe radha ke ghar jayenge ok??"

"ok main studio lock karke tumhari raah dekh rahi hu

"ok bye den"

"bye.."

ashish office band karke rima ko lene nikla tab tak omkar radha ke building parking main apni gadi laga raha tha....
 
Top