Update 142
Samne sofe par Manju m k sath Rima aur Rupali baithi thi. Sheena ka to mujhe pata tha or Rima aur uski ma aise yahan aa jaye hi ye main itni jaldi expect nahi kar raha tha . Mujhe dekhte hi Manju m meri taraf badi jabki Rupali mujhe dekh kar asmanjas me thi. Rima k chehre par to muskan tair gyi thi.
Manju m : are aa gye tum , bhabhi yahi hai jiske bare me main bata rahi thi. Isi ki vajah se meri zindagi me khushiyan wapis aayi hain. Ise main kahun main khud nahi janti par he is lucky for me. Amit , meet my bhabhi Rupali Rima ki mom.
Amit : namaste Aunty .
( maine aise hi zahir kiya k main pehli bar Rupali se mil raha hun aur usne bhi waise hi kiya )
Rupali : khush raho , bahut tareef suni thi tumhari aaj milna ho hi gya . Sheena ne bataya tha k kaise tumne use bachaya tha. Rima bhi bahut tareef karti hai tumhari.
‘ are kiski tareef ho rahi hai mom mujhe bhi batao ‘
Ye awaz andar se aa rahi kisi ladki ki thi jo shayad Rima ki sister thi. Mujhe ye awaz jani pehchani lagi aur jab wo samne aayi to hum dono hi ek dusre ko dekh kar hairan ho gye. Ye awaz Dr rina ki thi.
Dr rina : shocked ) Amit tum !!!!!
Amit : shocked ) aap !!!
Manju m : tum dono ek dusre ko jante ho?
Dr rina / Amit : han
Manju m : magar kaise ?
Dr rina : main batati hun . ma maine tumhe jis ladke ka bataya tha na wo yahi hai. Isi ne mujhe us din shadi me bachaya tha.
Ab bari thi Rima k shock hone ki. Wo hairani se kabhi mujhe kabhi apni behan ko dekh rahi thi.
Rupali : to wo tum the jisne meri bachi ko bachaya . Tum sach me bahut ache ho.
Itna keh kar Rupali teji se mere pass ayi aur mujhe gale se laga liya.
Rupali : thank you very much tumne bahut bada ehsan kiya hai hum par. Sach me wo devi hi hai jisne tum jaise bete ko janam diya hai. Tum ne meri dono bacchiyon ki madad ki aur meri is pyari se nanad ko bhi nyi zindagi di. Aur mujhe .... mujh par bhi tumne ehsan kiya . Thank you very much beta.
Amit : isme ehsan kaise Aunty , maine wahi kiya jo karna chahiye tha. Aap aisa keh kar mujhe sharminda kar rahi hain.
Sheena : aaj ek aur karanama saamne aa gya tumhara. Hum sab par tumne koi na koi ehsan kiya hai. You are such an amazing guy.
Dr rina : mujhe koi batayega aur kaun kaun si bat mujhe pta nahi hai ?? Hmmm
Sheena : didi apse to bat hoti nahi hai par Rima sab janti hai. Amit ne hi mujhe bachaya tha jab kuch gundon me mujhe aur Radha ko kidnap kar liya tha.
Dr rina : to wo dusri ladki tum thi?
Sheena : aap janti hain ?
Dr rina : han wo hamari bat hui tha na to baton baton me ye bat batayi thi isne.
Sheena : main to bahut sharminda hun didi , kabhi kabhi khud ko hi galiyan dene ka man hota hai k main monty ki behan hun. Usne iski behan k sath kya karna chaha aur isne fir bhi mujhe bachaya.
Dr rina : shocked ) kyaaaa ???? Wo monty tha jisne ??
Meri taraf dekhte hue ) to wo ladka monty tha ???
Ab is bat me dr rina Kya pooch rahi thi ye sirf main hi janta tha. Aur ab Dr rina kaise behave karengi mujhe ye samajh nahi aa raha tha kyunki unke diye hue injection se maine unke hi cousin ko namard bana diya. Maine sirf han me gardan hilayi aur Dr rina k chehre par gussa aa gya . Ab is bat ko koi aur nahi janta tha siwaye Rupali k jo bilkul bhi naraz nahi thi is bat se. Magar wo bhi nahi janti thi k uski apni beti ka hath bhi isme hai.
Manju m : kamal hai , tum hum sab se hi jude hue ho aur humen hi nahi pata . Ab aao yahan sab k sath baitho. Main kuch khane peene ko lati hun.
Main dr rina ki taraf abhi bhi dekh raha tha jahan par bhaw badal rahe the magar wo meri taraf nahi dekh rahi thi. Tabhi unka phone baja aur wo bat karne k bad hospital jane ka keh kar nikal gyi .
Rupali : beta tumhare mom dad se bhi milawao kabhi humein. Main unse milna chahungi jinhonne tum jaisa sanskari beta paida kiya hai.
Amit : janam dene wale ma bap to ab duniya me nahi hai par jinhonne apna beta bana kar pala hai unse kabhi aapko zarur milawaunga .
Rupali : oh I am sorry , palne wale bhi kuch kam to nahi honge jinhonne aise sanskar diye hain.
Manju m : ye lo coffee piyo . Amit ko mere hath ki coffee pasand hai . Ye roz padne ata hai to hum coffee zarur pite hain.
Manju m sabke liye coffee le aayi thi .
Manju m : bhabhi ab to aap aati rehna mujhe acha lagega . Ab aap sab milne aaye hain to lag raha hai k mera bhi pariwar hai.
Rupali : ab to aati hi rahungi . Aur isi bahane Amit se bhi mil liya karungi.
Manju m : sheena Rima tum dono kuch bol kyun nahi rahi ?
Sheena : main to ye soch rahi hun bua k kaisa ittifaq hai . Amit ne aap par mujh par didi par ehsan kiye aur hum sab ek hi pariwar se hain .
Rima : didi isne to aur bhi kaiyon par ehsan kiya hai . List bahut lambi hai iske karnamo ki.
Manju m : kiski bat kar rahi ho Rima ?
Sheena : wo college me kuch dost hain jin par isne ehsan kiye hain.
Amit : main sirf wahi karta hun jo mujhe sahi lagta hai. Aap ise ehsan mat kahiye . Madad karna insan ka farz hai so maine ki aur fir mujhe to madad mil jati hai badle me.
Rupali : ye tumhara badappan hai k tum bina kisi lalach k har kisi ki madad kar dete ho. Tumne jo kuch bhi kiya hai iske liye agar kabhi main kuch kar sakun tumhare liye to zarur karungi .
Amit : iski koi zarurat nahi hai. Sheena Rima aur rina meri dost hain. Dosto par ehsan nahi hote aur Manju m to mujhe bhai manti hain to kahin se bhi koi ehsan nahi.
Rupali : sab k sath rishta bana liya aur main ? Mere sath to rishta nahi hai na ? To mere upar jo ehsan kiya wo ? Kya uske liye bhi mujhe kuch nahi karna chahiye ?
Manju m : aap par kya ehsan kiya hai isne bhabhi ?
Rupali : wo wo meri 2-2 betiyon ki madad ko bachaya hai isne aur Sheena to kitna badal bhi gyi hai. Ye kya ehsan nahi mujh par?
Manju m : chhodo bhabhi aisa mat socho. Ye ab hamara apna hi hai. Isne bataya na ke maine ise bhai banaya hai to bhool jao sab. Aur tum log ab coffee pi lo warna thandi ho jayegi.
Coffee k bad main jyada der nahi ruka kyunki main unki apas ki baton me kendar nahi banna chahta tha. Sheena aur Rima mujhse bat karna chahti thi par sab k samne aise bat karna bhi shak paida kar deta. Main Manju m k ghar se nikla to mujhe Dr rina ka khyaal aaya . Wo thodi gusse me lagi thi, maine soch kyun na unse ek bar bat kar li jaye. Ye soch kar main sidha hospital chala gya. Dr rina shayad kisi patient ko dekhne gyi thi to main unke cabin me unka wait karne laga. Thodi der me wo jaise hi wapis aayi to mujhe dekhte hi ek jagah ruk gyi . Main bhi apni jagah pe khada ho gya .
Dr rina : to tumne wo injection monty ko laga diya?
Amit : hmmmm
Dr rina : tum jante ho tumne kya kiya ?
Amit : uski thi saza thi warna wo pata nahi kitno ki zindagi barbad karta . Maine use zinda chhod diya itna hi kafi hai.
Maine itna keh kar Dr rina ki taraf dekha to wo lagbhag uchalti hui mere gale lag gyi. Main to hairan ho gya k unhe to gussa hona chahiye tha aur wo khush ho rahi hai.
Dr rina : tum nahi jante tumne kya kiya hai. Main janti thi wo kitna galat hai par chah kar bhi kuch kar nahi sakti thi. Tumne use jo saza di hai wo main kabhi de nahi pati par tumne bilkul sahi kiya hai.
Amit : aap ye kya keh rahi hain ? Wo apka to apka bhai hai.
Dr rina : bhai nahi hai wo , bhai k nam par kalank hai. Uski gandi nazar har kisi par rehti thi aur usne ...... wo isi layak tha.
Amit : aap koi bat chhupa rahi hain? Aap chahen to bata sakti hain mujhe
Dr rina ( man me ) ab kaise bataun k Maine use meri hi ma k sath darindagi karte dekha hai. Main isi liye us ghar me rehna pasand nahi karti. Dono bap beton ki gidh si nazar maine kai bar dekhi hai meri ma meri behan aur mujh par bhi. Ek ko tumne saza de kar humen bacha to liya par dusra abhi bhi hai. Kash k bhagwan use bhi saza de uske karmo ki.
Amit : aap chup kyun ho gyi ? Chaliye chhodiye. Apni jagah par baith jaiye warna kisi ne aise dekh liya to kya sochega?
Dr rina : ho kisi ko sochna hai soch lene do. Aaj main bahut khush hun.
Amit : aap ne kabhi bataya nahi k Sheena aur Rima apki behne hain?
Dr rina : ab mujhe kya pata tha k tum unko jante hoge. Maine to aise hi bat nahi ki. Tumne jo kiya hai uske bad mere dil me tumhari izzat aur bhi bad gyi hai.
( man me ) ab to main tumhare sath hi apni zindagi bitana chahti hun. Ab is dil par tumhara nam likh gya hai . Kisi aur k bare me kabhi soch bhi nahi sakti main.
Amit : acha ab main chalta hun.
Dr rina : itni jaldi kya hai ? Ek cup coffee to pi sakte hain na sath me?
Amit : abhi abhi pi kar aya hun Manju m k hath ki.
Dr rina : ek cup mere sath bhi pi lo please.
Amit : ye please kehne ki zarurat kya hai? Dost manti hain to hak se kahiye. Chaliye mangaaiye jaldi se.
Dr rina : smile ) main abhi mangawati hun.
Uske bad ek ek cup coffee humne sath me pi aur kuch baton k bad maine vida li aur ghar aa gya. Ghar par divya mausi kitchen me kam kar rahi thi . Main apne room me ja kar naha kar fresh ho gya aur fir kuch der bad mausi ne khane ki awaz de di. Aaj khana Radha paros rahi thi to maine maze lete hue kaha.
Amit : to Radha bhi kitchen ka kam sikhne lagi hai.
Radha : khud hi to keh rahe the mujhe kam nahi ata. Ab kar rahi hun to tab bhi baten kar rahe ho.
Amit : acha hai sikh lo , kam se kam apne pati ko to khana khila hi logi .
Radha : tumhe khila rahi hun na , ye sab tumhare liye hi sukh rahi hun jyada baten mat banao.
Amit : mere liye ? Mujh par is meharabani ki vajah ? Kahin fir se shopping par to nahi jana tumhe?
Radha : wo to main waise bhi ja sakti hun . Mujhe pta hai tum mujhe inkar nahi kar sakte.
Amit : tumhe kaise pata main inkar nahi kar sakta ?
Radha : bas pata hai.
Amit : mausi kya kar rahi hain ab kitchen me?
‘ aa gyi main bhi , bas zara saman samet rahi thi’
Divya mausi apni sadi k pallu se apna chehra pochti hamare pas aa gyi .
Divya mausi : dekha kaise kam kar rahi hai meri beti. Zid kar rahi thi k mujhe bhi kam karna hai. Maine mana kiya to kehne lagi k tumne ise kaha hai. Ye salad isi ne kata hai aur sabhi banane me bhi hath baant rahi thi. Chal aaj ab tu bhi baith ja k sab k bad baithegi .
Radha : ma pehle aap dono khao main parosti hun .
Amit : o madam bass bhi karo , ek hi din me sab karogi kya? Aao betho sath me.
Radha : acha baithti hun par pehle tum shuru karo.
Maine khana shuru kiya tab kahin Radha hamare sath baithi. Khate waqt bhi Radha ka dhyan apne khane me kam aur meri taraf jyada tha. Roti sabji khatam hone se pehle hi Radha daal deti. Divya mausi Radha ko aise dekh kar khush bhi ho rahi thi aur khamosh bhi thi jaise kuch soch rahi ho. Khana khane k bad Radha divya mausi k sath kitchen me bartan sametne me lag gyi aur main apne room me aa gya . Maine phone dekha to rima k messages aaye hue the. Maine use phone karna hi behtar samjha. Waise to jab se main yahan aya tha Rima se phone par bat nahi karta tha k kahin mausi ya Radha sun na len.
Rima : ghar par nahi ho kya ?
Amit : main to ghar par hi hun , par tum aise kyun puch rahi ho?
Rima : khud hi to keh rahe the k jab tak yahan ho phone par bat nahi kar sakte .
Amit : wo mausi aur Radha kitchen me hain to thodi der k liye socha bat kar hi leta hun.
Rima : shukriya shukriya . To didi ko bhi jante ho tum , mujhe bataya bhi nahi. Badi tareef kar rahi thi didi aur mujhe pata bhi nahi tha k wo tum ho .
Amit : mujhe kahan pata tha k wo tumhari behan hai. Main to khud hairan ho gya tha unhe dekh kar.
Rima : any wya jo bhi hua acha hi hua. Pata hai ma kya keh rahi thi.
Amit : kya keh rahi thi ?
Rima : ma keh rahi thi k tum bahut ache ho aur tum jaise ladke ka sath jis ladki ko milega wo kitni kismat wali hogi.
Amit : to tumne kuch nahi kaha?
Rima : kya kehti ? K aapki beti ko uska sath mil chuka hai aur wo aapka hone wala damad hai ??
Amit : to bata deti na
Rima : itni himmat nahi hai mujhme. Tum me hai to khud bat kar lena unse . Waise mujhe nahi lagta wo mana karengi. Wo tumse bahut impress hain.
Amit : tum to khush ho na
Rima : bahut bahut bahut khush. Pata hai aaj sab kitne khush the. Bua k sath itne salon bad aaj hum sab mile . Ma to bahut khush thi aur didi bhi . Main to sab se chhoti thi jyada nahi janti par didi aur ma k sath bua ka bahut pyar tha shuru se. Aur ye sab tumhari vajah se hua . I am so happy
Amit : to fir mujhe mera inam kyun nahi diya abhi tak.
Rima : inam chahiye ?
Amit : hmmm
Rima: muaaaaaaaaaaaaaahhhhhhhh . Ye lo inam
Amit : phone par ? Mujhe to real me chahiye .
Rima : wo bhi mil jayega. Mabadolat tum par bahut khush hain. Is liye jo chahoge milega.
Amit : fir to main tumhari poori body par kiss karna chahunga .
Rima : you !!!!! Aur kuch nahi sujhta tumhe? Jao main bat nahi karti tumse.
Amit : abhi to keh rahi thi jo chaho milega aur ab mana kar rahi ho.
Rima : mujhe kya pata tha tum aisi cheez mang loge. Gande , cheater
Amit : ab cheating to tum kar rahi ho . Agar nahi karni to theek hai . Mujhe bhi kuch nahi chahiye .
Rima : main apne kapde nahi utarne wali . Kapdon k upar se karna ho to kar lena .
Amit : mujhe nahi karna kuch bhi.
Rima : naraz ho gye ??
Amit : nahi , koi aur bat karo.
Rima : acha theek hai main upar se apni T-shirt utar sakti hun.
Amit : koi aur bat karo .
Rima : to tum aise nahi manoge? Acha theek hai jab kahin akele me milenge to main tumhe tumara inam de dungi. Magar tum kuch nahi karoge .
Amit : kya sach me tum kapde utarogi.
Rima : gande , aise kyun bolte ho ? Mujhe sharam aa rahi hai.
Amit : sharam aa rahi hai to fir kaise karogi ?
Rima : mujhe nahi pata tum khud hi kar lena.
Amit : agar maine kuch aur bhi kar diya to
Rima : you !!!! Besharam gande jao main bat nahi karti bye.
Itna keh kar Rima ne phone kat diya . Wo kuch jyada hi Sharma rahi thi aur main bhi uske maze le raha tha. Rima ne phone katne k thodi der bad good night ka message kiya aur sath me I love you besharam bhi likha tha . Message pad kar mujhe hansi aa gyi aur maine bhi use I love you too ka message kar diya . Thodi der bad Radha aur mausi dono hi mere pas aa gyi . Radha k hath me mere liye doodh ka gilas tha aur uske piche hi mausi bhi thi.
Radha : ye li garma garam doodh pi lo.
Amit : yar tum to aaj se hi ek dam badal rahi ho. Kahin kal ko pen ki jagah belan hi na pakad lena , pata chale madam answer sheet par khane ki recipy hi likh kar aa gyi .
Radha : maze le rahe ho na mere , koi bat nahi bachu sab ka hisab lungi dekh lena .
Divya mausi : theek hi to keh raha hai. Tum dheere dheere sikh lena sab , itni jaldi kya hai ?
Radha : dekha tha na apne kya keh raha tha ye ? Ab to main sab kam sikh kar hi rahungi. Warna ye hi kal ko shikayat karega aapse .
Divya mausi : bas bas jyada bat nahi , use doodh pine de aur tu bhi apna doodh pi kar ab aram karo ja kar.
Radha : kya ma !! Thodi der baten karte hain na . Abhi mujhe neend nahi aa rahi .
Divya mausi : time se soyegi nahi to fir subah utha nahi jayega.
Radha : uski chinta nahi hai. Ye hai na subah mujhe uthane ki zimmedari iski hai .
Divya mausi : to usse kam le rahi hai. jab wo nahi hoga tab kya karegi ?
Radha : tab to aap ho hi na mother India . Waise bhi hum kahan der tak jagte hain .
Divya mausi : theek hai theek hai, chal ab doodh piyo aur baten karlo jab tak.
Doodh pine k bad mausi aur Radha dono chale gye aur main bhi late gya. Thodi der bad divya mausi fir se kamre me aayi aur mere pas hi baith kar mera sar sehlane lagi. Main abhi ankhen band kar k leta hi tha to fir se uth gya.
Amit : mausi aap?
Divya mausi : lete raho , main to bas dekhne hi aayi thi k tum so gye ya nahi.
Amit : aap bhi mere sath hi so jaiye na idhar.
Divya mausi : nahi tum aram se so jao main apne kamre me so jaungi.
Amit : kab tak akeli rahengi aap ?
Meri is bat par divya mausi k chehre k bhaw badal gye aur wo meri ankhon me dekhne lagi .
Amit : kab tak aap akele reh kar khud ko saza dogi ? Kya aapko nahi lagta k aapko bhi jeena chahiye. Aap ne to zindagi se aise muh fer rakha hai jaise aap jee nahi rahi bas saza kat rahi hain. Aap dikhawe k liye muskurati to ho par aapki ankhon me ye sunapan main achi tarah se janta hun. Aap ma se bahut pyar karti thi ye sab jante hain . Par kya ye sahi hai k aap ne unke jane k bad jeena hi chhod diya ? Kya ma aapko aisi halat me dekh kar khush hogi ? Wo aapki jan thi aur aap unki , kya wo apni jaan ko aise akele Rota dekh kar zindagi se hara hua dekh kar Shanti se reh pati hongi?
Meri baten sun kar divya mausi ki ankhen bhar aayi aur aansoo fir se apni Seema langh kar neeche girne lage.
Divya mausi : uske siwa aur tha hi kya meri zindagi me mere pas? Agar Radha meri god me na hoti to main bhi usi din mar jati.
Amit : aap aisa kaise soch sakti hain? Ma ko gye itne saal ho gye fir bhi aap aaj tak dukhi hain. To kya wo aapke aisa karane se khush hoti? Aapko to unki zindagi bhi jeeni thi , wo sab kuch dekhna tha jo kabhi unhone socha hoga. Magar aap sirf roti rahi.
Divya mausi : to kya karti ? kaun tha mere pas jiske liye main khush hoti ? Ek Pati mila usne bhi kabhi mujhe samjhane ki koshish tak nahi ki do pyar k bol tak nahi bole mere sath . Kaun tha mere aansoo pochne wala? Damini khud to chali gyi mujhe chhod gyi akela rone k liye.
Itna keh kar divya mausi roti hui uth kar jane lagi to maine unka hath pakad liya.
Divya mausi : chhodo mera hath
Amit : nahi , ab aur nahi , main apko us kamre me khud ko kaid karne nahi dunga. Aap ko un bejan cheezon me apni behan nazar aati hai aur aapke samne jo zinda nishani hai uski wo nazar nahi aati ? Kya wahin aapko ma ka ehsas hota hai mere sath nahi? Kal tak koi nahi tha aapke aansoo ponchne wala par main aapko rone nahi dunga.
Itna keh kar maine mausi ko kheench kar apne gale laga liya.
Amit : aapko fir se muskurana hoga fir se jeena hoga. Yahi meri ma bhi chahti hai aur main bhi.
Divya mausi pehle mujhse alag hone ki koshish karti rahi par fir ek dam se unka rina bahut jyada ho gya aur mujhe kas kar gale lagate hue wo zor zor se rone lagi.
Divya mausi k rone ki awaz sun kar Radha bhi bhagti hui aayi magar humen is tarah dekh kar wo bhi darwaze par hi khadi ho gyi . Is nazare ko dekh kar uski ankhon me bhi aansoo the aur meri bhi. Radha wahin se humen dekhti rahi aur mere sath nazar milte hi uski ankhon me ek khushi nazar ayi. Wo chupchap apni ankhen saf karti hui wapis laut gyi.
Amit : ro lijiye jitna chahe ro lijiye ma par aaj k bad main aapko sirf haste hue hi dekhna chahta hun. Kya aap apne bete k liye , apni behan k liye fir se nahi jiyengi ? Zara sochiye aapko rota dekh kar mujh par Radha par aur meri ma par kya bit ti hogi. Ab aap kabhi nahi royengi. Main apko wo har khushi dunga jiski aap hakdar thi magar aapko nahi mili. Mausa ji ne aapko chahe na samjha ho par hum apko samajhte hain aur aapko ab kabhi rone nahi denge . Aapko un bejan cheezon se bahar aa kar jeena hi hoga. Us kamre ki kaid se aapko aazad hona hi hoga.
Divya mausi : rote hue )main damini ko kabhi nahi chhod sakti , main uske bina nahi jee sakti .
Amit : kaun keh raha hai k aap unhe bhool jao? Main bhi to jee raha hun na apni ma ko khokar. Kya aap unki jagah nahi le sakti? Kya aap mujhme apni behan ko nahi dekh sakti? Kya main aapko pyara nahi hun ?
Divya mausi : aisa mat kaho ? Tum to meri damini ka ansh ho . Uska vajood tum me hai.
Amit : to fir aap mujhe Rita dekhna chahti hain ? Apni behan ko rota hua dekhna chahti hain ?
Divya mausi : rote hue ) nahi main damini ko rota hua nahi dekh sakti . Wo bhi kabhi mujhe rone nahi deti thi.
Amit : to fir aapko unki kasam k ab aap fir se khush rahengi fir se jiyengi. Main aapko wahi pyar dunga jo main unko deta . Apko apni zindagi bhi jeeni hai aur meri ma ki bhi. Boliye aap karengi na aisa ? Aap khush rahengi na ? Fir jiyengi na ?
Divya mausi: han mere bache main tujhe dono ka pyar dungi . Main tere liye aur Radha k liye jiungi. Main tum dono ko bahut pyar dungi. Main damini k liye jiyungi. Mujhe maaf karde beta itne saal main tujhse door rahi . Tere sath khud ko bhi dukh deti rahi.
Divya mausi piche hat kar meri ankhon me bhi ansoo dekhe to meri ankhen saaf karte hue kehne lagi.
Divya mausi : tu kyun rota hai ? Mere aansoo ponch raha tha aur khud ro raha hai.
Amit : main kahan ro raha hun ma ye to tumhari behan ki hi ankhen hain jo aansoo rok nahi pa rahi .
Divya mausi ne fir se mujhe kas k gale laga liya.
Divya mausi : han ye meri behan ki hi ankhen hain isi liye ro rahi hain. Aur tere andar jo dil hai na wo bhi meri behan ka hi hai. Isi liye tune mera wo dard mehsus kiya jo koi nahi kar paya. Ye sirf damini hi kar sakti thi. Main ab kabhi nahi roungi. Main apni behan ki atka ko dukhi nahi karungi. Tu sach me meri damini ka hi aks hai aur main tujhe kuch aur hi samajhti rahi. Main ab tere liye jiungi mere bete sirf tere liye. Tu jo kahega wahi karungi . Tu kabhi mujhe akela mat chhodna . Main teri har bat manungi.
Itna keh kar divya mausi ne mere chehre par apne pyar ki barish karte hue aneko chumban de diye jisme sirf unki mamta thi. Maine bhi unke aansoo saaf kiye aur hum ek dusre k gale lage kitni der tak aise hi baithe rahe aur jane kab main mausi ki god me so gya aur aaj wo bhi sab kuch bhula kar chain se soyi . Kamre k bahar Radha tab tak khadi rahi jab tak k hum baten kar rahe the. Aur fir wo bhi apne kamre me ja kar so gyi apne dil me ek khushi liye apni ankhon me kuchh sapne liye.
Subah meri ankh khuli to divya mausi mere sath hi so rahi thi. Unka ek hath mere sir par hi tha. Zamane bhar ki masumiyat unke chehre par jhalak rahi thi. Magar chehre par aansuon k daag bhi nazar aa rahe the shayad wo mere sone k bad bhi royi hongi . Divya mausi ko dekh kar main fir se unki zindagi k bare me sochne laga. Maine man me irada kar liya k unke chehre par hansi wapis la kar hi rahunga. Mujhe unhone apni aur meri ma ki sunehri yaden to batayi thi par ab waqt tha unki zindagi ki kitab k un kaale pannon ko kholne ka jo shayad unhone kisi ko bhi nahi bataye the. Maine jhuk kar unke mathe par ek kiss kiya aur khud fresh hone chala gya. Uske bad maine thodi der exercise ki . Itne me mausi bhi uth gyi aur mere piche piche doodh ka gilas liye upar aa gyi . Doodh pite hue bhi wo pyar se mere sir par hath fira rahi thi. Unke pyar aur sneh se main bhi khush tha andar se par ab unko khushi dene k liye unke andar se main har wo dard nikalna chahta tha jo unhe aage nahi badne de raha tha.
Divya mausi : jaldi uth gya tha to mujhe bhi jaga deta.
Amit : aap itne sukoon se so rahi thi k mera dil hi nahi kiya aapko uthane ka.
Divya mausi : sach kaha tumne , barson bad mujhe aisi sukoon ki neend aayi hai. Mujhe sote hue aisa hi lag raha tha jaise main damini k sath hun. Aur jante ho maine sapne me bhi use dekha.
Amit : achaaa !!!! Kya keh rahi thi ma?
Divya mausi : wohi jo tum keh rahe the kal rat. Wo bhi mujhe khush rehne aur zindagi jeene ko keh rahi thi. Aaj se pehle main hamesha jab bhi use sapne me dekhti thi to purani yaden hi aati thi ya fir uski bhari hui ankhen jaise wo bhi dukhi ho. Par kal rat maine uske chehre par khushi dekhi. Aur mujhe bhi usne aise hi khush rehne ko kaha.
Amit : aur kya kaha ma ne ?
Divya mausi : aur ye k mere bete ka khyal rakhna kahin main tumhe bhi apne sath rulati na rahun. Chal ab neeche aaja main bhi tab tak naha leti hun aur us maharani ko bhi jaga dun.
Amit : nahi mausi ji use main jagaunga . Usne meri duty jo lagayi hai.
Divya mausi : acha theek hai tum use jagao aur main taiyar ho kar nashta lagati hun.
Divya mausi muskurati hui neeche chali gyi aur main bhi unke peeche peeche niche aa gya. Mausi nahane chali gyi aur main aa gya Radha ko jagane. Radha hamesha ki tarah apni masumiyat k sath sapno me khoyi hui thi. Use ye masumiyat aur khubsurati divya mausi se hi mili thi. Maine kuch der use dekha aur fir uske komal galon par apna hath rakh kar use awaz di.
Amit : Radha uth jao , dekho subah ho gyi .
Ek bar awaz dene se wo na uthi to Maine fir se uske gal sehlate hue use awaz di.
Amit : Radha dekho subah ho gyi hai uth jao. College bhi jana hai.
Radha : unmmmmm sone do na ma
Itna keh kar Radha ne mera hath apne chehre k neeche daba liya. Ek bar to dil kiya k uske aise hi sone dun . Wo itni pyari lag rahi thi k uthane ka dil hi nahi kar raha tha par college bhi to jana tha.
Amit : Radha dekho hum college k liye let ho jayenge utho jaldi se warna main pani daal dunga fir tumare upar.
Radha ne itna sunte hi ankhen khol li aur mujhe dekhne lagi. Bina kuch bole wo bas meri ankhon me dekh rahi thi aur main bhi khamoshi se use dekh raha tha. Pata nahi kya uski nazron me tha par wo jaise kuch keh rahi thi. Fir wo ek dam se uthi aur mere gale lag gyi . Ye sab itni jaldi hua k mujhe samajh me hi nahi aya. Par ye ehsas bahut khas tha. Hum dono hi khamosh the aur main use mehsus kar raha tha. Uska wo komal ehsas mujhe jaise apne sath bandh raha tha aur meri ankhen apne aap band ho gyi aur pata nahi kab mere hath uski pith par chale gye . Uski khushbu meri sanso me ghul rahi thi. Pata nahi ye kya Kashish thi jisne mujhe pathar ki tarah jad kar diya tha . Na Radha kuch bol rahi thi na main par hamari dhadkane jaise tez hoti ja rahi thi. Zuban khamosh thi aur dil bat kar rahe the. Mujhe ek atoot nirmal prem ka ehsas hone laga tha. Aur main khota chala gya us pyar k athah sagar me .
Radha : thank you very very much . Tumne ma ko sahara diya . Use hamesha se iski zarurat thi . Mere sath to wo kabhi apna dukh bant ti hi nahi par tumne unke zakhmi dil ko chhu liya hai . Please meri ma ko hasna sikha do use fir se jeena sikha do. Ye sirf tu hi kar sakte ho. Wo tumhe dil se pyar karti hain. Mujhe pata hai tum mere liye ye zarur karoge . Karoge na?
Amit : han Radha , main tumhare liye kuch bhi kar sakta hun aur divya mausi to fir bhi mere ma jaisi hi hain. Main unhe ab kabhi dukhi nahi hone dunga aur na hi tumhe.
Radha : tumhare hote main kise dukhi ho sakti hun. Tum bas hamesha mere pas rehna.
Hum dono aise hi gale lage hue the k bahar se ati mausi k kadmo ki awaz se hum alag hue. Radha ka chehra tamatar ki tarah gulabi se lal ho raha tha aur ek khushi uski ankhon me thi par jaise hi hamari nazren mili usne Sharma kar nazren fer li.
Radha : lagta hai ma taiyar ho gyi hai ab tum bhi naha lo .
Amit : han wo main , main bas tumhe hi jagane aya tha . Tum bhi taiyar ho jao .
Itna keh kar main kamre se bahar aane laga to piche Radha ki awaz ayi
Radha : thank you for this lovely morning.
Maine ek bar piche mud kar use dekha to wo Sharma kar jaldi se bathroom me ghus gyi. Main bhi uski is muskurahat se muskurata hua apne kamre me aa gya . Uske bad hum dono hi taiyar ho gye . Radha ne aaj bhi nayi dress pehni thi . Ye ek white aur pink combination ka designer suit tha ho aksar high society ki ladkiyan pehenti thi. Radha jab is dress me mere samne aayi to Main use dekhta hi reh gya. Radha meri halat par fir se muskurane lagi .
Divya mausi : are wah !! Meri beti to kal se bhi jyada khubsurat lag rahi hai . Idhar aa pehle kala tika laga dun warna kisi ki nazar lag jayegi tujhe.
Divya mausi ne apni aankh k kajal se ek kala teeka Radha k kan k piche laga diy aur uski balayen lene lagi.
Divya mausi : aise aur kitne dress liye hain tune ? Dekh kar to lag raha hai bahut mehenge honge. Paise kam to nahi pade the?
Radha : wo paise to isne liye hi nahi jo apne diye the.
Divya mausi : to iska matlab tumne iski sari jeb khali kar di?
Amit : are kya mausi aap bhi , aisa kuch nahi hai . Waise bhi baba ne aur Ajay mama ji ne bahut sare paise dal rakhe hain mere khate me. College admission k paise to aise hi bach gye the aur apna jeb kahrach bhi to istemal nahi hota. To fir iska istemal main apno par to kar hi sakta hun na. Waise bhi Radha ka bhi hak hai un paison par.
Radha : dekha ma , iski jeb par mera hak hai , main jo chahe karun. Waise bhi ye sab dress pehen kar maine iske sath hi to jana hai.
Divya mausi : bas bas , wo to rokega nahi tujhe par tum ko khud sochna chahiye . Chalo ab dono baitho main nashta lagati hun.
mausi ne humen garma garam paronthe khilyae. Nashta karne k bad hum college k liye nikal gye . Hamesha ki tarah Radha mere sath lag kar baithi thi aur uska hath mere pet par hi tha. Hum dono baten karte hue college pahunch gye . Parking me hi Mohit aur minal mil gye aur hamare piche piche hi Kalpana aur Neha didi bhi aa gye. Aaj mujhe Megha se bhi milna tha aur ye sab mujhse naraz na ho iske liye inke sath bhi rehna tha. Megha ne mujhe 11 baje bulaya tha to maine socha k canteen ki class k bad hi jaunga. Thodi der wo mera intzar kar hi legi.
Dusari taraf subah jab Kalpana Neha ko lene uske ghar gyi to Neha ne car me Kalpana se kal ki ghatna k bare Me poocha.
Neha : Kalpana , kal tum bahar se kyun chali gyi thi ? Hum sab tumhara andar intazar kar rahe the aur tum andar aane ka keh kar bahar se hi chali gyi?
Kalpana : wo wo papa ki call aa gyi thi , unhe mujhse kam tha to mujhe wapis jana pada.
Neha : sach bol rahi ho ?
Kalpana : hh haan didi main jhooth kyun bolungi? Aapko aisa kyun lag raha hai ?
Neha : wo is liye k ek to tum achanak se chali gyi aur dusra karan ki halat bata rahi thi k kuch hua hai . Dekho Kalpana main tumhe apni behan manti hun aur mujhe pata hai k tum bhi mujhe behan hi manti ho. To fir mujhe sach batao. Agar Karan ne koi badtameezi ki hai to mujhe pata hona chahiye taki aisa dobara na ho .
Kalpana : jaane dijiye didi , waise bhi use jawab mil gya tha. Aise bat badane se kya fayda? Main bat nahi karna chahti jisse aapko bhi dukh pahunche aur baki sab ko bhi .
Neha : dekh Kalpana, mujhe tumhara samman bhi utna hi zaruri hai jitna k apna. Agar tum mujhe sach nahi bataogi to kal se main tumhare sath nahi aaungi car me.
Kalpana : agar aapki yahi marzi hai to suniye . Kal karan ne mujhe purpose kiya tha . Maine kai bar ye note kiya tha k wo mujhe dusri nazar se dekhte hain aur roz kisi na kisi bahane se aate hain. Kal aapke andar jate hi wo mujhe rok kar khada ho gya aur mujhse friendship karne k liye kehne laga. Maine unhe talne k liye keh diya k mera bf hai. Aur jab usne ladke ka nam poocha to maine amit ka nam le diya. Mujhe laga tha k Amit ka nam sunte wo piche hat jayenge par wo to Amit k bare me bhi galat bolne lage. Mujhe gussa aa gya upar se usne mera hath pakad liya tha to Maine gusse me ek dhar diya. I think he is psycho , jaise wo amit k bare me bol raha tha wo shayad nafrat karta hai Amit se. Kya aisa kuch hua hai dono k beech jis vajah se wo aise kar rha hai?
Neha : kyaaaaa ??? Itna kuch ho gya aur tune batana theek nahi samjha? Karan se mujhe aisi ummeed nahi thi. Main aaj hi bat karti hun ma se.
Kalpana : rehne do didi isi liye main nahi bata rahi thi. Chhoti si bat ka issue ban jayega didi. Aur jab Amit ko pata chalega to fir kya hoga ? Main nahi chahti k us tak bat pahunche.
Neha : tujhe is bat ki tension hai k Amit ko bura lagega , aur jo mujhe bura lag rha hai? Waise bhi kal ko koi aur bat ho gyi to ? Fir Amit ko pata laga to ? Kya wo tab naraz nahi hoga ?
Kalpana : kya didi aap bhi, kuch nahi hoga. Kuch hua to main hun na sab theek kar lungi. Waise kal k prasad se mujhe nahi lagta wo dobara galti karega. Aur Amit ko kaise pata chalega jab tak use koi batayega nahi ?
Neha : par mujhe ye theek nahi lag raha. Mujhe sharam aa rahi hai k usne aisa kiya. Ek bhai garv se sar uncha kar raha hai aur ek sharminda kar raha hai.
Kalpana : chhodiye didi aap kyun dil par leti hain? Amit hai na sar uncha karne k liye , aap bas uske bare me sochiye .
Neha : wo hi to mera saccha bhai hai. Wo mujhe bahut pyar karta hai. Kash wo real brother hota mera. Karan pata nahi kyun aisa kar raha hai ? Use to Amit k bare me kuch galat nahi kehna chahiye kam se kam . Tu theek kehti hai is bare me main Amit se bat nahi karungi par karan se main zarur puchungi k usne aisa kyun kiya aur Amit k bare me wo galat kyun bola. ...