Update 141
Divya mausi mujhe bachpan se lekar apni shadi tak k kisse bade chaw se sunati rahi aur main bhi unke chehre par aayi khushi ko dekh kar khush hota har kissa mantramugdh sa sunta raha. Divya mausi apne sunehre palon ko sunte waqt untni khush lag rahi thin jaise k wo abhi bhi unhi yadon me hi wo khushi mehsus karti hain jo hakikat me unhe bad me kabhi naseeb nahi hui . Apni ma k bare me sun kar mujhe bhi badi khushi mil rahi thi . Ek ek tasveer dikhati hui mujhe bhi un yadon ka safar karwa rahi thi jin par wo sirf ma k sath rahi thi hamesha . Divya mausi jaise kisi aur hi duniya me pahunch gyi thi. Ek ek yad ko unhone aise bayan kiya k jaise wo meri ankhon k samne hi ho raha ho. Aisi deewanagi to Maine na kabhi dekhi na suni thi. Aise lag raha tha k jaise in yadon ko sahejna hi unki zindagi ek matra kam tha. Divya mausi batati gyi aur main sunta gya hum dono ki hi ankhon me ek pal neend na aayi aur kab subha ka ujala ghar me failne laga humen bhi pata na chala. Mera mobile subah k alarm se jab bajne laga to humen waqt ka dhyan aya.
Divya mausi : ye kya subah ho gyi ? Dekh baton hi baton me pata bhi nahi chala k waqt kya ho gya hai. Maine apne sath teri bhi neend kharab kar di
Amit : sach kahun to mausi ji neend ka to ehsas bhi na hua mujhe . Aap ne to sab kuch aise bataya k mujhe sab apni ankhon k samne hota hua mehsus ho raha tha. Aap sach me dono ek dusre k sab se jyada kareeb thi. Isi liye aapne ma k jane k bad apne liye jeena hi chhod diya .
Divya mausi : sad ) jeena usi k sath to seekha tha. Hum do kahan thin , samajh lo k do jiska ek jan thi. Jab jan hi jisam se juda ho gyi to reh hi kya gya piche? Agar Radha ki zimmedari na hoti to main bhi usi k sath chali jati.
Amit : aur mausa ji ka kya ? Kya aap unhe pyar nahi karti?
Meri is bat par divya mausi k chehre par mano koi bhaw hi na aya jaise is bat ka koi matlab hi na tha.
Divya mausi : sab ki apni zindagi hoti hai beta , zaruri nahi k har kisi k man me pyar ho .
Ab tum kuch der so jao. Nahi to tabiyat kharab ho jayegi .
Itna keh kar mausi ne mujhe apne sath uthaya aur kamre se bahar aa kar fir se use band kar diya . Mausi mujhe sone ka keh kar khud bhi apne kamre me chali gyi. Magar main soch me pad gya. Mausa ji ki bat par mausi ne jo kaha wo kuch aur bayan kar raha tha. Dusri bat k sari rat unhone mujhe chhote chhote kisse sunaye magar apni aur ma ki shadi k pehle tak k. Kamre me kahin bhi mere papa ya unki family me se kisi ki koi tasveer nahi thi. Maine bhi is bare me sawal puch kar unhe dukhi karna theek nahi samjha. Abhi 5 baje the to kuch der maine bhi neend lena theek samjha aur bed par let te hi mujhe neend aa gyi .
Main bed par soya pada tha k mujh par kisi ne pani daal diya aur main hadbada kar uth gya.
‘ utho Kumbhakarn , college nahi jana kya ? Ya roz class se gayab hone ka theka le rakha hai ? Time dekho kitna ho gya hai. ‘
Ye awaz Kalpana ki thi jiske piche Neha didi aur Radha bhi aa gyi thi kamre me. Pani ki vajah se neend to meri bhi ud gyi thi par samne Kalpana ko dekh kar main hairan ho raha tha. Mujhe is bat ka khyal bhi nahi tha k main is waqt apne bister par hun aur babu Rao ji subah ki salami de rahe the . Magar Kalpana ki nazar jab wahan gyi to usne sharam se nazren jhuka li .
Kalpana : jaldi se ready ho kar aao hum bahar hi hain. Chalo didi chalo Radha.
Kalpana apne sath dono ko le gyi magar uski nazaron ka ishara main bhi samajh chuka tha is liye kuch kehne k bajaye khud ko hi chhupa raha tha. Agar Neha didi aur Radha me se koi dekh leti to kya samajhti? Kalpana kya soch rahi hogi mujhe aise is halat me dekh kar ? Khair main jaldi se utha aur bathroom me ghus gya. Jaldi se badan gila karke fresh ho kar main. Wapis aa gya magar time ho raha tha to teeno ladkiyan chali gyi thi college. Main jaldi se kapde pehnne laga aur taiyar ho kar hall me aa gya .
Divya mausi : are are kahan ja rahe ho ? Nashta to kar lo.
Amit : mausi ji late ho jaunga pehle hi der ho chuki hai.
Divya mausi : ab ek lecture to miss hoga hi to kam se kam nashta to karlo.
Maine mausi ki bat mante hue nashta kiya aur nikal gya . Second lecture shuru hone se pehle main college pahunch gya tha aur sidha class me chala gya jahan Manju m abhi aaye hi the. Neend to poori hui kahan thi is liye aankhen abhi bhi bojhil lag rahi thi . Sath wali row me hamesha ki tarah Kalpana baithi thi aur mujhe dekh kar smile kar rahi thi magar aaj kuch sharam bhi thi uske chehre par jo wo bar bar nazren chura rahi thi . Khair lecture khatam hua aur hum chal pade canteen ki taraf.
Mohit : abe kya hua rat ko soya nahi tha jo abhi bhi neend me hai ?
Amit : han yar subah hi soya tha 5 baje k bad aur fir 9 baje uth gya.
Kalpana : I am sorry mujhe pata nahi tha warna main aisa nahi karti .
Mohit : ab tumne kya kiya hai ?
Amit : kuch nahi isne bas mujhe neend se jagaya hai . Aur tumhe maafi mangne ki zarurat nahi hai . Doston ka itna hak to hota hi hai. Waise bhi agar nahi uthati to college se chhutti ho jati.
Minal ko ata hua dekh kar Mohit tez kadmo se uski taraf bad gya to Kalpana ahista se boli
Kalpana : sorry maine tumhare bedroom aa kar aise tumhe wo .... mujhe pta nahi tha aisa kuch hoga .
Amit : kya aisa kuch ?
Kalpana : sharmate hue ) kuch nahi
Pehle to main samjha nahi k wo kis bare me bat kar rahi hai lekin jab mujhe yad aya to mujhe hansi aa gyi. Hum canteen tak pahunch hi gye the aur jab meri nazar samne se aa rahi Rima par padi to use dekh kar meri dhadkan hi tez ho gyi. Kya lag rahi thi, long skirt k sath top pehne khule balon k sath wo kayamat lag rahi thi magar ye kyaaaa ?? Uske sath uske jaisi ek aur hoor bhi aa rahi thi same long skirt aur top me . Rima se ab mera dhyan hat kar us Haseena par chala gya . Ye to rima se bhi jyada katil lag rahi thi aur jab maine uska chehra dekha to muh khula ka khula reh gya. Ye koi aur nahi Radha thi . Radha ko pehli bar main aise kapdon me dekh raha tha. Sachmuch kayamat lag rahi thi. Rima aur Radha dono barabar chalti hui mere samne aa kar ruki to meri halat dekh kar sharmane lagi.
Radha : sharmate hue) aise kya dekh rahe ho?
Amit : ye tum hi ho na Radha ? Ya main sapne me hun ?
Neha didi : lag to aise hi raha hai k tum neend me ho abhi tak. Chalo ab andar ya yahi khade rehna hai .
Amit : sach me Radha tum is dress me bahut khubsurat lag rahi ho.
Radha k gaal tamatar ki tarah lal ho gye mere muh se aise apni tareef sun kar.
Minal : bilkul sahi kaha , main to khud hairan ho gyi thi ise dekh kar .
Hum baten karte hue apne adde par baith gye . Itne me sheena aur Shivani bhi aa gyi aur unke sath shalu bhi thi. Shalu aaj aayegi mujhe iski ummeed nahi thi. Teeno ne aate hi Radha ki tareef shuru kar di. Waise to rima bhi bahut khubsurat lag rahi Thi par Radha ne aisi dress pehli bar pehni thi to uska look aaj alag hi lag raha tha jis vajah se aisa ho raha tha.
Sheena : Radha you are looking gorgeous yar
Shivani : exactly Radha to aaj pehchan me hi nahi aa rahi . Waise Rima bhi kuch kam nahi lag rahi .
Shalu : dono hi kamal ki lag rahi hain jaise dono behne hi hon.
Kalpana : ye sab kamal in janab ka hai. Dono ko kal shopping karwa kar di hai aur humen kisi ne pucha tak nahi .
Minal : sach me ?? Yar ye to fayde me reh gyi aur ek main hun koi puchta bhi nahi
Mohit : aise kaise nahi puchta , tum kaho to abhi chalte hain na shopping par
Kalpana : tum dono to rehne hi do , this is not fare Amit , matlab ye to partiality hai na. Kam se kam mujhe to bula lete . Matlab ab jo bindas rehta hai uski value nahi aur jo naraz hota hai uski jhat se suni jati hai.
Amit : are tum to naraz ho gyi , acha tumhe bhi shopping karwa dunga kisi din bas . Iske liye naraz hone ki zarurat nahi hai tumhe. Waise bhi Neha didi bhi to rehti hain abhi.
Sheena : humne kaun se pap kar liye jo hamara nam nahi liya .
Shivani : bilkul , hum bhi to kuch hain ya nahi ?
Amit : lagta hai meri jeb tum sab mil ke khali karwane wali ho. Chalo ye hi sahi , kisi din tum sab ko lekar chalunga aur shalu tum bhi chalna . Tumhare bagair nahi jayega koi
Kalpana : aur nahi to kya , aapko bhi chalna hoga. Aur mujhe bhi aise dress chahiye . Dekho dono kitni khubsurat lag rahi hain in dress me.
Amit : ye to Rima ki choice hai
Rima : isme kaun si badi bat hai ye to bas aise hi . Radha par ye jyada ache lag rahe hain .
Radha : Amit theek keh raha hai tumari choice achi hai. Main to kabhi ye sab dhoondh bhi na pati .
Ab sab ladkiyan shopping k bare me hi bat karti rahi aur main bas Rima aur Radha ko dekhta raha. Rima mere samne baithi thi to maine table k neeche se apne paon se uske paon ko sehlana shuru kiya . Magar wo dekh hi nahi rahi thi . Jab maine uski skirt ko thoda upar uthate hue uski pindali tak apna paon lagaya to Rima k sath Radha bhi hil gyi . Rima se ab meri nazar mili to Mujhe dekh kar wo Sharma gyi jabki uske sath baithi Radha pehle hi sharama kar chehra jhukaye baithi thi. Thodi der bad bell ho gyi aur hum sab apni class me wapis chale gye . Coffee pine se ab kuch hosh aa gyi thi mujhe. Baki sab lecture khatam hone k bad hum sab science block me chale gye aur idhar udhar ki baton me lage rahe. Shalu jab mere pas aayi to Maine chupke se usse pucha
Amit : tumhe aaj rest karna chahiye tha tum kyun aa gyi ?
Shalu : itni bhi problem nahi thi mujhe . Waise bhi agar nahi aati to tumse kaise milti. Mujhe sabke sath acha lagta hai. Ghar par baith kar bore hone se acha hai tum sab k sath rahun.
Amit : tum khush to ho na mera matlab kal tumhe meri vajah se dard bhi hua aur main aise tumhe chhod kar chala aya .
Shalu : kal ka din meri zindagi ka sabse acha din tha. Main ye kabhi nahi bhulungi. Aur tumne mujhe koi dard nahi diya. Wo sab to pyar ki nishani tha.
Kalpana : yahan akele me kya baten kar rahe ho aap ? Ab batao mujhe shopping kab karwaoge?
Amit : o meri lady don jaldi hi tumhe aur baki sab ko shopping karwa dunga thoda sabar rakho. Shalu se bhi abhi isi bare me bat kar raha tha .
Kalpana : good , didi aap bhi mere sath hi chalna aur bilkul bhi resham nahi karna . Iski jeb to main khali karwa k rahungi.
Sheena : mujhe mat bhool jana , mere bagair gye to acha nahi hoga keh deti hun.
Amit : kya yar tum sab bar bar aise kyun keh rahi ho ? Maine kaha na k sab ko lekar Jaunga . Agar yakeen nahi hai to ye lo mere card aur khud hi chale jao.
Sheena / Shivani / shalu / Kalpana : nooooooo
Sheena : bat paison ki nahi hai sath chalne ki hai. Paise to yahan sabke pas hi hain. Humen bas tumhare sath jana hai.
Kalpana : correct . Lo wo sab bhi aa gye
Udhar se science team bhi aa gyi. Sab mil kar parking me pahunch gye. Radha mere pas aa gyi to maine kaha
Amit : Radha tum car me chali jao kahin tumhari dress kharab na ho jaye .
Radha : main to tumhare sath hi jaungi , subah bhi mujhe acha nahi laga tha aise tumare bagair ana. Ye dress maine specially tumhe dikhane k liye hi pehna tha aur tum sote rahe.
Amit : tum wakai me is dress me aur bhi khubsurat lag rahi ho. Dekha nahi sab ne kitni tareef ki tumhari.
Radha : ye sab tumhari hi vajah se hai. Aur isi liye main tumhare sath hi jana chahti hun. Tumhare li hui dress pehan kar tumhare sath na jaun ye koi achi bat hai ? Agar dress ko kuch hua bhi to tum nyi dila dena.
Amit : theek hai jaise tum kaho .
Radha muskurati hui mere piche baith gyi aur mere kandhe par hath rakh liya . Sab ek ek kar k nikal gye. College se thoda door jate hi Radha ne apna hath mere pet par rakh diya.
Amit : Radha aaj tum itni khubsurat lag rahi ho in kapdon me to college k ladke to aaj tumhe hi dekh rahe honge. Canteen me to maine bhi ye note kiya tha.
Radha : mujhe kisi se kya ? Koi dekhta hai to dekhe. Main kisi ko nahi dekhti.
Amit : matlab tumhe koi pasand nahi?
Radha : tum jo ho
Amit : matlab
Radha : tumhe acha lagega main kisi aur ko dekhun ?
Amit : maine ye kab kaha
Radha : to puch kyun rahe ho ? Aur koi bat karo
Tabhi ek lambi si car hamare barabar chalne lagi. Maine is car ko college se nikalte waqt bhi dekha tha magar sheeshe kale hone ki vajah se pata nahi tha k andar kaun hai . Barabar chalte chalte jab us car ka sheesha neeche hue to andar wale ko dekh kar main hil gya. Ye Megha thi Sheena monty ki ma. Wo mujhe hi dekh rahi thi. Usne mujhe dekhte hue ishara kiya to Maine na me gardan hilayi. Usne fir Radha ko dekha aur aage nikal gyi. Mujhe samajh me nahi aa raha tha ab kya karun. Ye to mere piche yahan tak pahunch gyi. Itne dino se main uska phone nahi utha raha tha is liye shayad wo yahan aa gyi. Kyunki use pata tha main yahin padta hun.
Radha : kaun thi ye Aunty ? Aur tumhe aise kyun dekh rahi thi.
Radha k sawal ka ab main kya jawab deta ?
Amit : mujhe kya pata kaun thi , main nahin janta?
Radha : to wo tumhe ishara kyun kar rahi thi?
Amit : kya pata ? Tum kyun tension le rahi ho? Agar puchna hai to chalun kya uske piche ?
Radha : nahi rehne do , hum sidha ghar chalte hain .
Radha ne to itna keh kar bat khatam kar di par mujhe ye sab theek nahi lag raha tha . Agar Megha aise hi mere piche aati rahegi to pata nahi kya ho. Mujhe iska hal karna hi hoga . Use ek bar milna hi hoga . Yahi sochta main bike chalata raha aur hum ghar aa gye .
Divya mausi : aa gye tum dono.
Radha : han ma ab jaldi se khana laga do
Divya mausi : ruk pehle mujhe teri nazar utarne de. Aaj itni pyari lag rahi ho kahin kisi ki nazar hi na lag gyi ho.
Itna keh kar mausi kitchen se mirchi le ayi aur Radha ki nazar utarne lagi .
Radha : kya ma aap bhi , mujhe kisi ki nazar nahi lagegi.
Divya mausi : tu chup reh , aaj tu kitni pyari lag rahi hai tujhe khud bhi nahi pata . Tu bhi idhar aa teri bhi nazar utar dun
Amit : ab mujhe koi kyun nazar lagayega ?
Divya mausi : chup kar k sidha khada ho ja. Tu jitna logon ki madad karta hai na tujhe to har koi nazar laga dega.
Radha : sahi kaha ma wo car wali aunty bhi ghoor ghoor k dekh rahi thi ise
Divya mausi : car wali Aunty ? Kaun car wali aunty ?
Amit : kuch nahi mausi aise hi koi sadak par chalte hue hamen dekh rahi thi aur ye pata nahi kya kya sochti hai.
Radha : tum nazar utaro ma , waise bhi har koi ladki ise hi dekhti rehti hai.
Divya mausi : dekhegi hi , heera hai mera beta.
Radha : aur main ?
Divya mausi : tum to meri zindagi ka Anmol khazana ho.
Radha : heera to khazane k sath hi rehta hai na ma. Matlab humen bhi sath me rehna chahiye .
Divya mausi ne ek pal Radha ko dekha aur fir kitchen me chali gyi . Radha apne room me chali gyi aur main apne room me. Maine darwaza band kar k fauran Megha ko phone lagaya jo usne dusri hi ring par utha liya.
Megha : to aa hi gyi yad. Dekh lo tumne kya jadu kar diya hai k tumhare piche piche ghoom rahi hun.
Amit : tum mere piche kyun aayi ? Kisi ko pata chal jata to ?
Megha : to kya karti tum to ab phone bhi nahi uthate mera. Ek to pehle mujhe apna deewana bana diya hai aur ab mujhse milte bhi nahi ho. Waise ab pata chala mujhe k tum phone kyun nahi utha rahe the. Itni achi gf jo mil gyi hai to ab mujhe kyun yad karoge .
Amit : bakwas band karo wo meri gf nahi hai
Megha : bachi nahi hun main, jaise wo baithi thi waise sirf gf hi baithti hai. Acha wo sab chhodo tum apni personal life me jo marzi karo mujhe parwah nahi, mujhe bas tum apna thoda sa time de diya karo. Kal mujhe mere flat par milne ana aur agar na aaye to fir main college hi aa jaungi bad me mat kehna.
Amit : theek hai main aa jaunga par ab dobara aise mere piche mat ana .
Itna keh kar maine bat khatam ki aur phone band kar diya. Ab to Megha se milne jana hi padega ye sochte hue main kamre se bahar aaya . Divya mausi lunch laga rahi thi aur hum sab ne mil kar lunch kiya .
Udhar Rita mausi k ghar jab Kalpana Neha ko chhodne gyi to karan pehle se hi unka wait kar raha tha. Kuch dino se ye roz ki adat ho gyi thi. Karan kisi na kisi bat ka bahana kar k is waqt ghar aa hi jata tha . Use pata tha k Kalpana is waqt aati hai Neha didi ko chhodne . Neha didi ne to is bat par gaur hi na kiya par Kalpana ise ignore nahi kar rahi thi. Wo bindas zarur thi par uske sath hi intelligent bhi thi. Wo har par gaur karti thi.
Neha : aaj to bade handsome lag rahe ho karan kya bat hai?
Karan : bas ye to aise hi main apne dost ko chhodne aya tha to idhar aa gya .
Kalpana : acha didi ab main chalti hun.
Karan : are aap bahar se hi chali jayengi kya ? Andar aaiye mausi to kab se aapka wait kar rahi hain.
Neha : ma kyun wait kar rahi hai? Chal aja Kalpana thodi der ma se bhi mil le.
Kalpana : acha didi main zara car side me laga kar aati hun.
Neha : aja karan bahar kyun khada hai?
Karan : didi aap chalo , main Kalpana ko lekar ata hun.
Neha andar chali gyi aur Karan Kalpana k pas chala gya ho car ko park kar k bahar nikal rahi thi. Wo darwaza band kar k jaise hi palti to karan uske behad kareeb khada tha jis vajah se wo takrate takrate bachi .
Kalpana : aap yahan ?
Karan : maine socha aapko akele chhodna acha nahi lagta aap hamari mehman hain.
Kalpana : aisi koi bat nahi , Rita aunty mujhe apni beti hi manti hain aur Neha didi karuna didi bhi behno ki tarah hi hain. Main aisa nahi sochti kuch bhi
Karan : tum bahut achi ho Kalpana , jitni khubsurat tum khud ho utna hi sundar tumhara dil bhi hai. Isi liye to main tumhe sab se jyada pasand karta hun
Kalpana : ye aap kya keh rahe hain ?
Karan : kya kaha maine ? Main to bas itna hi kaha k main tumhe pasand karta hun . Kya tumhe main acha nahi lagta?
Kalpana : dekhiye aap mere liye bhi bhai jaise hain . Main usi nazar se dekhti hun apko. Please aap aisi baten mat kijiye.
Karan : dekho Kalpana tum bahut achi ho aur khubsurat bhi aur har ladki ko ek pyar karne wala to chahiye hi hota hai na. Jahan tak mujhe pata chala hai tumhari life me koi ladka nahi hai. Hum dono ki jodi bahut achi rahegi . Main tumhe bahut khush rakhunga. Tum ek bar han kardo.
Kalpana : sakhti se ) dekhiye main aapse izzat se bat kar rahi hun kyunki aap mere dost k cousin hain warna aisi badtameezi karne wale ka main muh tod deti hun. Aur kisne kaha k meri zindagi me koi ladka nahi hai? Meri zindagi me already ek ladka hai . Aap apne liye koi aur dekhiye.
Karan : tum jhooth bol rahi ho main janta hun k koi ladka nahi hai. Dekho mujhme koi kami hai kya jo tum aisa keh rahi ho ? Kai ladkiyan mere aage piche mandarati hain magar mujhe sirf tum pasand ho. Ek bar han keh do to tumhe khush rakhunga .
Kalpana : jo apke aage piche mandarati hain
Unhi se kyun nahi karte aisi baten ? . Mujhe maaf karo aur mera picha chhodo. Meri life already ek ladka hai
Karan : aise nahi , pehle mujhe nam batao us ladke ka. Mujhe pata hai tum bas jhooth bol rahi ho.
Kalpana : nam janna hai ? Uske bad to dobara aisi harkat nahi karoge aap ?
Karan : tum nam batao uska
Kalapan : theek hai to suno , wo Amit hai jise main pasand karti hun. Ab hato aur jane do mujhe .
Karan : kya ?? Tum use pasand karti ho ? Hai kya usme jo tum use pasand karti ho? Gaon dehat se aya hai , ata jata kuch hai nahi . Kahan tum shehar ki high society ki ladki kahan wo gaon ka desi . Tum jaisi ladki k sath wo aise lagega jaise hoor k sath langoor.
Kalpana : mind your language you , ab tak main sirf is liye chup thi k tum Amit k cousin ho. Ab agar ek lafz bhi uske khilaf kaha na to yahin abhi isi waqt mar mar k bhurtha bana dungi. Tum khud ko samajhte kya ho ? Ho kya tum ? Are uske paon k jute k barabar bhi nahi ho tum . Gaon dehat se aya hai bas yahi jante ho ? Usme jo khoobiyan hain uski aadhi bhi tum me ho na to tumhe aise kisi ko kuch kehne ki zarurat na pade , ladki khud hi tumare aage apna dil rakh de. Kya kaha tha tumne k use kuch ata jata nahi ? Usse jyada sanskar to kisi me maine dekhe bhi nahi . Har ladki ko protect karta hai wo apni behno se hi puch lo ja kar. Mujhe hairani ho rahi hai k tum uske cousin ho. Jise tum aira gaira samajh rahe ho na koi bhi ladki uske kadmo me apna sab kuch kurban kar degi aur tum use aise ghatiya bol kar khud ko acha sabit karna chahte ho. Jao apna rasta napo , agar dubara mere samne aisi waisi koi bat ki to main bhool jaungi k tum uske cousin ho.
Karan to pehle hi Amit se jalta tha aur kalapan ki aisi jali kati baton se wo apni beizzati bardasht nahi kar paya aur gusse me aa kar Kalpana ka hath pakad liya.
Karan : khud ko samajhti kya ho han ? Uske liye meri insult kar rahi hai us do take k aaaaaahhhhhhhhh
Karan ne taish me aa kar galti kar di. Shayad use pata nahi tha k Kalpana judo player hai . Jaise hi usne Kalpana ki kalai pakdi aur amit k bare me kuch bolne laga . Kalpana ne apni kohni ka majboot war uske jabade k neeche kar diya aur karan ek pal me hi hosh gawa baitha .
Kalpana : gusse me ) maine kaha tha na ek lafz bhi uske khilaf mat bolna . Abhi itne me hi chhod kar ja rahi hun agar dobara aisi harkat ki to anjam aur bhi bura hoga .
Karan kalapana k ek war se hi khud ko sambhal na paya tha aur piche gir gya . Kalpana gusse se apni car me baithi aur dhool udati hui nikal gyi . Car ki awaz se Neha bahar aayi to dekha Kalpana ja chuki hai aur karan apne jabade ko masal raha tha kapdon par dhool bata rahi thi k wo neeche gira hai abhi. Neha didi ko ye ajeeb laga k Kalpana to abhi andar aane wali thi aur ab bahar se hi chali gyi .
Neha : karan kya hua tumhe ye tumhare muh par kya hai aur tumhare kapde kyun gande ho gye ? Ye Kalpana kahan chali gyi tum to use lene aye the na?
Karan : wo aaaahhh wo chali gyi use jana tha kahin . Main bhi chalta hun didi bad me milta hun .
Neha : par andar ma tumara intzar kar rahi hai khane par .
Karan : bad me aaunga main mujhe zaruri jana hai.
Itna keh kar karan bina koi aur bat sune apni bike lekar chala gya . Magar Neha khadi is bare me sochne lagi ki ho na ho kuchh to hua hai jo Kalpana aise chali gyi warna wo to aisi nahi hai.
Idhar dopahar ki neend lene k bad jab mausi ne mujhe jagaya to ab sab acha lag raha tha. Jo sar me pehle bhari pan tha wo har gya tha. Divya mausi mere pas baithi thi aur aaj chai Radha bana kar layi apne hathon se .
Radha : garma garam chai , ye lijiye Radha k hathon ki special chai . Lijiye mr Amit aur ye lijiye mata shri apke liye bhi.
Amit : tumhe kya hua hai ? Ye sab ?
Radha : lo ek to special apne hathon se chai bana kar pila rahi hun aur upar se sawal kar rahe ho.
Divya mausi : theek to keh raha hai wo , kabhi dekha jo nahi usne tumhe aise kam karte hue.
Radha : to kya main kam nahi karti ? Aap khud hi to kitchen me ghusne nahi deti mujhe .
Divya mausi : mere hote tujhe kam karne ki zarurat hi kya hai?
Amit : kyun nahi hai mausi ji ? Kal ko iski shadi hogi to kya khilayegi ye apne sasural walon ko ? Pati to bechara bhookha hi mar jayega. Aap ek kam karna iske liye koi bawarchi hi dhoond lena aap jo ise khud bana kar khila sake.
Radha : dekha ma kya keh raha hai ye ? Aap ise hi khana banana sikha do . Mujhe nahi sikhana to.
Divya mausi : bas bas tum dono ye kya baten karne lage. Meri bachi ko waqt aane par main sab sikha dungi .
Radha : nahi ab aap ise hi sikhao , waise bhi mujhe to Dr banna hai to kitchen ka kam ise hi sikhao.
Amit : main kyun sikhun ? Aur mere kam sikhne se tumhe kya ?
Radha : tumhe kam aayega to mera hi fayda hai na.
Amit : wo kaise ?
Divya mausi : chai thandi ho jayegi tum dono ki behasbaji me . Chalo pehle chai piyo.
Amit : chai pite hue ) wah mausi ji ye chai to bilkul aap jaisi banai hai Radha ne . Kahin aap ne ho to nahi banai thi?
Radha : dekha ma ye fir se shuru ho gya
Divya mausi : nahi beta ye Radha ne hi banayi hai. Han main ise bata zarur rahi thi k kya dalna hai aur kab kya karna hai
Amit : ha ha ha ha matlab hath Radha k the par bana aap hi rahi thi .
Radha : maaaa tum bhi iske sath mil gyi . Dekh lena shadi k bad main tumhe hi apne sath le jaungi fir karti rehna sari Umar sewa.
Aise hansi mazak k sath humne chai pi aur main nikal gya stadium ki aur. Ab main ache se practice karne laga tha halanki pehle jaisi lay abhi nahi aayi thi. Par fir bhi kafi bad tak improve tha . Stadium se free ho kar main Manju m k ghar ki taraf ho liya . Aaj bhi Sheena ki car bahar khadi thi to main samajh gya wo yahin hai. Bike ki awaZ sunte hi darwaz khul gya . Magar aaj darwaza Sheena nE khola tha.
Sheena : aa gye tum , hum sab kab se tumhari wait kar rahe the.
Amit : hum sab kaun ?
Sheena : pehle andar to aao .
Sheena ne mujhe andar aane ka rasta diya . Main jaise hi andar aya to sofe par Manju m k sath baithe shakhs ko dekh kar mere kadam wahin jam gye .