Fantasy Mahagatha - Sadhna, Sadhak, Shaktiya aur dragons

[Surya_021]

Superb update

 

[Pardeep Singh meena]

Bahut sundar update bro

 

[Devilrudra]

•°UPDATE 22•°​

---

Recap -

Usne dekha ki uske favorite middle school English test bank ke title page par gadhe (donkey) ke sar wali ek drawing bani hui thi!

Phaili hui naak, baahar ko aati ajeeb si aankhein, bade bade kaan aur mote honth... Neeche likha tha:
" S丅ᑌᑭ I ᗪ ᑌ Nᑕᒪᗴ "

Gadhe ke sar wali drawing ko dekhte hue, jo behad badsurat thi lekin thoda thoda uske chehre se mel kha rahi thi, Manav bas muskura diya..


AB AAGE :-


Agle 2 dinon mein,
Manav Saanvi ko padhane nahi gaya, balki usne raat ka samay sports field par long-distance running ki practice me laga diya. Use First aane ki ummeed nahi thi..., lekin woh Last bhi nahi aana chaahta tha.

Uska maanna tha ki usme abhi bhi long-distance running skills thi aur.., use bas practice kar apne form me lautne ki jarurat thi...

Football field ke baahar 400 m synthetic race-track ko roshan karne wale kewal 4-5 light poles ke alawa, poora sports field shaant aur veeraan lag raha tha.

Wahan, apni saanson aur kadamon ko control karte hue Manav practice karne me busy tha.. _-

Usne jaanboojhkar raat 9 baje yahaan daudne ka decide kiya tha.
Ek ghante baad Hostel buildings ke entrance gates band hone wale the. Basketball aur football players sabhi wapas jaa chuke the, aur isliye, iss time practice karte samay use distractions face nahi karne padege. .

...

...

...​

Aaj Weak Optical Signal Processing ki class mein, heavenly beauty Ms. Shalini ne ek studded shirt, denim shorts aur Dr. Marten boots pehne hue the. Ve itni khoobsoorat lag rahi thi ki... ladke chillaye aur cheer kiye bina nahi reh sake....!

Halaanki, usne Manav par ek nazar tak nahin daali, jaise usne use last week apne office me bulaaya hi naa ho!

Khair, usne ladko ko mantrmugdh kar apna lecture diya aur bell bajte hi class se chali gayi.
Baharhaal Manav ko pata tha ki doosri duniya me unke raaste mile jaroor the, lekin ab ve samaanya duniya mein laut aaye the aur ab sirf ajnabi the. .

Uska maanna tha ki jaroor Ms. Shalini, Vinod Sir paas uske baare me baat karne gayi hongi..

Aur waise bhi, ek super beautiful female teacher, ek nihayati hi ordinary student ko koii special treatment to degi nahi!


Raat ko daudte samay, uske dimaag me aaj din me ghati cheejen chal rahi thi.. ki achaanak ! ek basketball uske pairon ki or aayi.

Manav ne daudna band kar diya. Usne basketball uthayi aur jahan se ball aayi thi us taraf dekha.

Thodi doori par, safed shirt pehne ek handsome ladka bleacher par baitha tha. Sugathit, muscular aur majboot shareer ke saath hi, us ladke ki shaandaar eyebrows oopar aur baahar ki or jhuki hui thi..

Khair, Manav ne use pehchaan liya..

Lakshya Chowdhury, ye janab Chennai University me 'Most Handsome Guy' ke roop mein jaane jaate hai, Rock Climbing Club ke President aur ek celebrity student..! jiski diwani normal girls to kya, University ki sabse popular ladki - Fareeha bhi thi!

Manav ne ek haath me basketball pakdi aur doosre haath se uski or ishara kiya
Is ishare se hi usne bina bole poochna chaha ki kya ball uski hai?

Lakshya ne haan me sar hilaaya aur apne ek haath ki ungaliyon ko apni or ghuma ball lautane ka ishara kiya.

Manav ne basketball ko uski or phenkne se pehle ek kadam aage badhaaya. . aur

Basketball, unke beech kareeb 20 m se jyada doori tay kar, Lakshya ke oopar aa pahuchi!


Lakshya ne apne haath oopar kare aur ball ko catch kar liya.

Ball lautate hi, Manav palta aur phir se apni practice shuru karne ke liye taiyaar ho gaya.

"Junior!" Lakshya ne achaanak kaha.

"Uh?" Manav ne palat kar aashcharya se uski or dekha,

Lakshya : "Maine suna.. ki tu bhi 1500 meter race me participate kar raha hai?"

Manav ne use saavdhaani se dekha..., uske shabdon me use nafrat ke kuch ansh mehsoos jo hue the..

"Sunne me ye bhi aaya.. ki tu aajkal badi surkhiya batoor raha hai.. Kyu!"
Ball ko apni ungli par ghumaate hue, Lakshya ne poochha, "Tera apni ameeri ka showoff karna.. aur us din, campus me limo ka tere liye aana..! Akhir maajra kya hai kid ! ? ?"

"Kya hua?? Kya maine apki kuch limelight leli ! hmm?" Manav ne seedhe pooch liya.

Snap!

Lakshya ne achaanak basketball ko ghumana band kar diya,

Lakshya : "Yeah! tere ye cheap dikhawe irritate kar rahe hai mujhe! ! "

Haalanki Manav low-key aur vinamr tha, par wo takaraav & vaad-vivaad se kabhi nahi dara.

Lakshya ki aankhon me dekhte hue usne poochha,

Manav : "So.. senior hone ke naate, aap to mujhe sabak sikhana chahenge?? Do whatever you can do! I don't care!! "

Lakshya ne koi jabaab nahi diya. Iske bajaay, usne poochha,

Lakshya : "Sab gossip karte hai ki Ms. Shalini.. tujhe apne office me le gayi thi! Kya chal raha hai unke aur tere beech! ??"

uske shabdon me.. Manav ko nafrat aur beinteha jalan mehsoos hui.

Manav : "Mere paas apko batane ke liye kuch nahi hai, sorry!"

Itna keh, Manav running practice karne ke liye wapas palat gaya.

Lakshya ek pal ke liye thithak gaya, ek sadhaaran junior me itni akad dekh use bahut aashcharya hua..
Aur Manav ki peeth ko dekhte hue uske haath basketball par kas gaye...

Jab Manav ek chakkar laga kar wapas lauta, to Lakshya ja chuka tha.

Manav jaanta tha ki pichhle kuch hafton me usne sabka dhyaan apni taraf kheecha tha, aur.. campus me use pick karne ek limousine ka aana to yakeenan ek bada show-off tha... bole to aag me ghee!


Aur sabse jaruri baat, use apne office me bulaane ke liye Shalini ne bhari class me jo invitation diya tha, us invitation ne kayi self-important 'handsome' ladko ki aankhon ko jealousy se laal kar diya tha. **(update 11) **

Ho sakta hai ki un sabhi ne socha ho ki Manav ne sabhi show-off wale karname Ms. Shalini ko attract karne ke liye kiye the aur ab, ve 'famous' students gusse mein the kyunki Manav ke wo bakwas show-offs kaam kar gaye the aur wo Ms. Shalini ko impress karne me kaamyaab ho gaya tha!

Dekha jaaye to un logon ka gussa hona lajmi hi tha.. aakhirkaar, un londo ke jalwon par kewal sundar & aam ladkiyan hi marti aur aahe bharti thi, jabki khoobsurti ki parakashtha.. Ms. Shalini ne unpar koi dilchaspi nahin dikhai.

Vaastav mein, Shalini ki sundarta logon ki kalpnao se pare thi.., isliye yeh swabhaavik hi tha ki male students uske liye paglaye hue the.

Keh sakte hai ki.., agar Manav ko uski real identity (inspector) nahi pata hoti, to wo bhi auron ki tarah uski sundarta ka gungaan kar raha hota..

9:45 pm baj rahe the jab Manav jogging karte hue apne hostel pahucha. Adarsh aur uske 2 aur roommates, unke room ke saamne wale room me (Room no. 301) , Ritik aur dusre doston ke saath ek 'bhayankar taash ke khel' me lage hue the.

Manav ne thanda-thanda shower lene ke liye apni towel aur dusra samaan uthaya aur bathrooms ki or chal diya. Usne Lakshya se hui mulakaat ke baare me kisi ko kuch nahi bataya..
..
..

Bas half day ki classes ke saath Friday bhi jaldi beet gaya. Chunki jyadatar students local areas se the, Chennai University har Friday ki dophar ko asaamanya roop se shaant ho jati thi.. Sab apne apne gharon ko laut jo jate the.

Adarsh aur baaki dost log is weekend me ghar nahi jaana chaahte the, to ve Manav aur kayi dusre doston ko hostel rooms se ghaseette hue paas ke KTV Karaoke me le gaye.

Saans foolne tak gaana gaane ke baad, ve ek hot pot restaurant me gaye aur wahan jamkar khaya piya. Pet pooja kar ve hostel laute aur taash khelne me lag gaye.

College ki hostel life hai bhai kya kahe.., maximum students ke din unproductive and carefree hi beet te hai...

Sach kahe to, Manav ko bada sukoon tha ki uske sage bhai jaise dost the jo humesha uska saath dete the... bhale hi situations kaisi bhi hon..

Iske alawa ve sab kuch saath me kiya karte the- chahe wo Class me jaana ho ya bunk karna, ghoomna fir na, bakchodi karna, drink karna aur bhi bahut kuch.
(Sahi samjhe kuch kaamo me Manav unka saath nhi deta , example - drink karne me )

Khair....... Kuch bhi ho..! Saanvi ke chhote chacha mortals ki inn chhoti-chhoti par, "beshkeemti " khushiyon ko kabhi samjh nahi sakenge..

Baharhaal, raat ke 9 baj chuke the, Manav ne apne patte/cards neeche patke aur kaha,

Manav : "Bas ! I'm out, Mai running ki practice karne sports field ja raha hun. "

Adarsh ne use rokne ki koshish ki,

Adarsh : "Abee chutiye ! mat ja! Race se kuch hi din pehle practice karne se kuch nahi hone wala.. Chal ab uthale apne patte!"

Manav : "Mujhe apni form me wapas aane ke liye practice to karni hi padegi.. Ritik! tu out ho gaya tha na! Aaja meri jagah khel le !'

Manav ne Ritik ke haathon mein apne cards thama diye,

Manav : "Yadi tu haara to haar sirf meri aur yadi tu jeet gaya to poora credit tera! "

Manav ke vaade par muskurate hue, Ritik turant baith gaya aur apne patte check karne laga.

Manav ne apne running shoes pehne aur jogging karta hua sports field ki or badh gaya.

Friday ki raat thi to campus me, asaamanya roop se sannata pasra hua tha. Jab wo office building ke paas se gujra, to usne yunhi casually oopar dekha aur uske man mein ek ajeeb sa vichaar aaya, "Ms. Shalini bhi apne ghar gayi hongi.. Unka ghar kahan par hoga..?"

Avantika ne use bataya tha ki Shalini ka East Ocean Dragon Clan ke saath kuch khaas rishta tha aur.., **(update 17) **

Manav yahi soch raha tha ki - "wo rishta kya tha ...? Shayad isliye wo Elder Vinod ki University me as a teacher kaam kar rahi hain.... "

Ms. Shalini ke baare me sochte hue, unse office building ko paar ki hi tha ki, raaste me use 2 ladkiya dikhai di. Unhone use naak bhauhen sikodte hue ghrina se dekha.. Shayad un dono ne use oopar dekhte hue dekh liya tha....

University ke lagbhag har male mein Shalini ke liye, kam ya jyada par, same feelings thi aur male students aamtaur par, uss bejod khoobsurati ki ek jhalak paane ki laalsa mein Shalini ke office ko ghoorte hue pakde jaate the..


Halaanki , yeh male students ke liye behad frustrating tha ki Ms. Shalini apna chehra bas tabhi dikhati jab ve apni class se aa rahi hoti ya kisi class me jaa rahi hoti.

Yahaan tak ki kisi cafeteria me bhi unhe kisi ne nahi dekha tha. Aur in sab cheejon ne, sabki is feelings ko aur bhi gehra kar diya ki weh ek fairy ki tarah thi jinhone is nashwar sansaar/mortal world ke khaane ko khaane layak nahi samjha....

Khair.., Manav sports field pahucha aur apne plan ke anusaar 10 chakkar lagane laga.. Usne paaya ki uska stamina pehle ki tulna mein bahut badh gaya tha! ,

Wo soch raha tha ki ye ho na ho Spirit Concentration Scroll ke 1st level ko paar karne ka hi result hoga.....

Light poles ki mand roshni Manav ki parchhai ko aur badhaye hue thi, jabki wo vishaal sports field aur raat ke akelepan ka luft utha raha tha.

Apni energy ko Spirit Concentration Scroll ke anusaar circulate karte hue aur natural essence (prakriti ki oorja) ka swaad lete hue, woh apni saans aur kadmon ko niyantrit kar sthir gati se daud raha tha _-


Uske kapde hawa me lehrahane lage. . Manav ko yeh ehsaas nahi tha ki daudte samay use ek sahaj aur free aura ne gher liya tha. Uske kadam sthir aur dridh the jabki ek halki hawa uske chaaron or aur uske kapdon me beh rahi thi..

Prakriti ke oorja use kitna prabhaavit kar rahi thi iss baat se Manav anjaan tha..,
Aur is shaanti se bhari raat mein uske har ek movements me pancho tavtvo ki jhalkiya dikhai de rahi thi! (Dharti, Agni, Vayu, Jal, aur Akash)

Saath hi uske har ek movements me yin aur yang ka prabhaav bhi tha ! ☯

10 chakkar daudne ke baad, usne 10 chakkar aur daude.

Manav hairaan tha ki uske itna daudne ke baavjood uski taakat bilkul bhi kam nahin hui! Woh long-distance running ki practice kar raha tha, lekin use aisa lag raha tha jaise wo casually tahal raha ho.. Itna daudne ke baad bhi Uske kadmon mein jara bhi bhaaripan nahin aaya tha!

"Huh..?" Kuch der baad use achanak laga ki jaise corner se use koi dekh raha ho..

Usne us taraf dekha.

Us taraf .. wo dekhta hai ki, Aahna, ek lambi chiffon floral dress me lagbhag 10 meter door ek seedhi par chupchaap baithi hui thi aur muskura kar use dekh rahi thi....

Aur update hota h yahi par samapt,

🅁🄴🄰🄳,
🄻🄸🄺🄴 🄰🄽🄳
🄲🄾🄼🄼🄴🄽🅃

milte h kal..
To be continued.....

Superb

 

[ashish_1982_in]

Part l - Onset of the Storm ​

NOTE :-

" Iss kahani ki timeframe approx. 2005-2013 rahegi. .. to maximum details isi timeline ke according hongi "

Pesh hai pehla Update ----

•°UPDATE 1•°​

Kaale baadalon ne pure Aasmaan ko dhakh rakha tha... Aur Bijli ke chamakte hi Aasmaan me uski tez Gadgadahat goonj uthi.

Aisa laga mano kadkadati bijli aasmaan ke tukde tukde karna chah rahi ho..

" Kya..musibat hai ! " Kharab mausam ko dekh Manav Shisht ne aah bharte hue kaha; usko andaja tha ki Toofan [ Storm ] aane wala hai. Nami/moist wali hawa ko apne ander bharte hue woh tezi se nukkad wali dukan ki or badh chala, joki bas Ab lagbhag 300 meter door thi.

Yadi hostel area ki superstore ka renovation nahi ho raha hota, yadi wo rock, paper, scissors match me lagatar teen bar scissors nahi khelta, to woh nikkar ( half pant) aur plain T -shirt me yahan bahar nahi nikla hota. Woh to maje se apne bed par laita tha aur kitab padh raha tha, kintu uske roommates ko patte (taash /cards) khelna tha.

"AHAHH..... " Jaise hi Manav apni speed badhane ko hua, usse apne upar ek ladki ki cheekh sunai di.

Usne confusion me upar dekha. Upar ka najara dekhte hi woh chonk (shocked) utha.
Ek ladki Aasmaan se niche gir rahi thi!!!

Aur Itna hi nahi.. Wo ladki uske sar par girne wali thi!!

" OOOHhh... " Manav ne furti se ek kadam piche lete hue apni center of gravity ( normally naval se thoda niche center me) ko niche kiya. Fir usne apne haathon ko aage badhate hue ek perfect - Horse stance - le liya.

**(Horse Stance - ek common martial arts posture hai. Name ke according ye horse riding ke dauran banne wala pose hai. Ye pairo ko train karne ke liye hota hai. ) **

DhaAdaAAM!!!!!!!!!

Ladki sidha Manav ke chest par giri, aur uske girne ke force ka asar kuch aisa hua ki Manav ki center of gravity aur 10 centimeter niche ho gayi. Force itna tagda tha ki wo lagbhag gir hi gaya tha.

Iss ladki ka sar bhi Manav ke muh se jaa takraya tha.... Takraav itna tez tha ki Manav ke saare daant/teeth hil gaye the.

Gatak.....! Kuch uss ladki ke muh se bahar nikla, aur, kyuki Manav ka muh iss instant shock se pura khula hua tha, wo " Kuch " smoothly uske gale utar gaya.

Kuch. . meetha sa... , chikna aur chhota.... Manav kuch react kar pata, usse pehle hi wo candy jesi chij uske pet me ja pahuchi thi.

Haalanki, Manav ka dhyaan ispar nahi tha.. Wo to uss ladki ke bhaar /weight se lada hua tha, aur ladki ko catch karne ke karan uske hath bhi sunn pad gaye the. Isi beech usne apne haathon me padi ladki ko dekha...

Lambi kaali palke... , pyari si pony tail... ,
" Vaels International Middle School " Badge wali light blue uniform me ek nav yovana.. Sach kahe to, ladki badi hi sundar thi...

" Ahh... " Kuch 2 seconds ke baad, jaise uss ladki ko samjh aya ki kya hua tha. Apni sunder badi kaali ankhein kholte hi woh cheekh padi...aur Manav ko dekhte hi woh uspar se hi khade hone ki kosish karne lagi.

Ladki ka bhaar ko jhelne ke baad Manav ke pairon me jaise jaan hi nahi bachi thi. Usse kuch bhi nahi pata tha ki ye ladki kahan se giri , wahan to unchi buildings bhi nahi thi.

Baharhaal, ladki ne khade hone ke baad khudko set kiya. Aur jaise hi usne Manav ke honthon par laal nishan dekha... Wo sharma gyi aur Manav ke shoulder par ek punch jadd diya.

"Areeyyy..... Maine tumhe bachaa.... " Manav apni baat khatam kar pata, ladki pehle hi bhaag gayi.

" Huh.... Aajkal ki ye papa ki pariya kitni nakchadi hoti hai..... Waise wo itni unchai se girne ke baad bhi thik lag rahi hai.. " Bhaagti ladki ko dekhte hue Manav ne apne kandhe ko sehlaya.
"Khair ye itna bhi bura nahi tha. Usne mujhe jor se nahi maara... Mere gaalo ko bhi to baksh diya. . "

Fir Manav ne apne hothon ko chua. Wo kissing ki warm feeling ko yaad nahi rakh saka jiske bare me usne bahut kuch suna rakha tha.

Ab Banda second-year university student tha fir bhi ab tak ek girlfriend nahi bana paya.
" Me bhi kitna bada chomu hu.... " Sochte hue usne apni sunn hui thighs ko thapthapaya aur khada hua. Usne upar akash ko dekha aur paya ki kaale ghane baadal chhat chuke the yaha tak ki surya dev bhi pragat ho gaye the.

" Hadd hai.. Ye mausam bhi... Mujhe laga tha toofaan aane wala hai. " Manav badbadaya. Khair wo jo hua usme naa atakte hue, tezi se dukaan par pahuncha aur cards/taash ke 2 deck kharid liye. Jiske baad wo furti se apne hostel lauta jo Campus ke South end par padta tha.

" Tujhe itni der kaha lag gayi ? Jaldi aa be !! ham sab kab se wait kar rahe hain! "
Manav ko dekhte hi uske teeno roommates chillaye.

Manav ne table par taash ke dono deck patke aur kaha, " Tum log hi khel lo.. mera man nahin hai."

" Kya hua be tereko ? Itna chida hua kyu hai ? " White t-shirt daale Adarsh Shukla ne pochha,
" Sale kya humne decide nahi kiya tha ki jo haarega wahi jaega patte khareedne ? "
Adarsh ' self-declared ' hostel ka captain tha..

" Mujhe bas thoda chakkar aa raha hai... " Manav ne bunk bed ki apni upper berth par dhire dhire chadhte hue kaha.

" Abe natak band kar.... utar niche, aaj apan sab ne taash khelne ka plan banaya tha " Adarsh Manav ke iss ravaiye se khush nahi tha.

" Manav! tu thik to hai ? " Sameer Kumar, dusra roommate, ne chinta karte hue pucha.

" ... Pata nahi... , mujhe bas kuch acha mehsoos nahi ho raha..." Manav ne apni chhati sehlatate hue javab diya.
" kahin us ladki ko bachaane ke chakkar me mujhe koi andaruni chot to nahi lag gayi ? " usne socha.

" Chal fir.. Tereko clinic le chalte hai ?" Manav ke chehre ke haav bhaav ko dekhkar Adarsh bhi serious ho gaya tha.

" Areee nahi ... Mai thik hu.... me bas nukkad wali dukan par jate samay fisal kar muh ke bal gir gaya tha." Manav ne apni chin ki or ishara kiya jo thodi soojh gayi thi. Haalanki ye soojan uss ladki ke sar takraane se aayi thi.

" Acha to phir tu aaram kar, mausam khula hua hai to ham internet cafe chale jayenge." Rupam Dev, teesra roommate, bola.

" Haan theek hai , tum log maje karo." Manav ne unko wave di. Wo kamjori aur thakaan mehsoos kar raha tha.

Adarsh abhi bhi thoda chintit tha.. , " Sun, Agar kisi cheej ki jarurat ho to mereko phone kar diyo.." Wah bola.

"Hmm... Ok. ." Aur Manav apne naram, aaramdayak bistar par phail gaya.

To doston apne ye chaaro chaman single hi the. Taash ya video game Khelne aur ghumne ke alava inka koi dusra passion nahin tha..

Manav lait te hi neend ke aagosh me jaa chuka tha; woh ' kisi ' kaaran se behad thak gaya tha.

Jab woh utha to sham ke 6 baj chuke the. Table par khane ka ek parcel pada tha; ye dinner ka khaana tha jo uske teeno jigri uske liye laye the.

Room me dusre rooms se aa raha card playing ka dheema shor goonj raha tha. Uske roommates, aawaaz na ho isliye bagal ke room me taash khelne chale gaye the.

"Sacche yaar..." Manav apna sar khujate hue, khana lene ke liye apni upper berth se niche utra.

Jab usne parcel uthane ke liye apna haath aage badhaya, to wah chaunk gaya!! Uska shareer mano wahi jam gaya!
Andhere kamre me bhi wo apni right kalai/wrist par hare/green rang ka ek circle jaisa kuch dekh paa raha tha..

Manav ko laga jaise uske heart ne 5 second ke liye dhadakna hi band kar diya ho. Usne kalai ko theek se dekhne ke liye parda khola.

Ek hare rang ke machli ki scales jaise tattoo ne uske right arm ko kalai se kandhe tak dhak diya tha! !

Manav ko laga ki wah koi sapna dekh raha hai. Usne apni aankhen masali, par wo tattoo jesi chij abhi bhi vahin thi. Phir usne is hari chij ko apne sharir se hatane ki nakaam koshish ki, par wo tatto jyon ka tyon bana raha..

Shivering/kampkapi... Manav ko apne ek ek rom me kampkapi mehsoos hui.
Usne jaldi se apne saare kapde utare aur full length mirror ke samane jakar khada ho gaya. Woh dekhna chahata tha ki kya aisa kuchh uske dusre body parts par bhi hua hai...


CreaKkk...... Charmarahat ke sath darwaja khula, aur teeno mahashay andar chale aaye.

" Abee bhencho.... Porn star banega ye londa ?" Nange/naked Manav ko lagataar mirror ke samne ghoomte hue dekh, Adarsh chillaya.

" N - nahin... ... Chup kar be !! " Manav ne jaldi se apne kapde uthaye aur apne shareer ko dhak liya.
" Mujhe apni puri body me pain feel ho raha tha, isiliye me bas check kar raha tha ki kahin meri body ke kisi part me chot to nahin lagi, " usne safai di.

" Yadi tereko theek nahi lag raha hai to chal na clinic... Chal checkup karwa lena... " Adarsh ne chintit hote hue kaha.

" Areyy sab thik hai... Aisa kuch serious nahin hai." Manav unhe apni skin me ho rahi ajeebo gareeb cheej ke baare mein nahin batana chah raha tha. Aur waise bhi, use khud nahin pata tha ki kya ho raha hai aur isse deal kaise karna hai.

" Mujhe lagta hai ki tujhko nanga daudne ki tadap uthi hai. Kya bolte ho aaj raat apan public bathroom chale ? " Sameer ne upar Manav ki berth par chadhte hue kaha.

" Haan..... aur mujhe lagta hai ki yeh tera man hi he jo nange daudne ke liye tadap raha hai ! " Manav ne Sameer ko javab diya. Usne ab tak apne kapde pahen liye the sath hi apne hath ko aasteen se dhak liya tha.

" Acha Me thodi der bahar tehel kar aata hu. Tum log chill karo yahan."

" Tu khana to khale! ? " Adarsh ne parcel ki or ishara karte hue kaha,
"Maine ise tere liye hi laya tha ! "

" Mujhe abhi bhuk nahi hai..." Manav ne bahar nikalte hue kaha.

" Bhains ki tang, kya manu relationship mein hai?" Rupam ne Manav ke ajib vyavhaar ko dekhkar puchha.

" Woh ? Ek to Wo mere jaisa dashing nahin hai, dusra wo iss Sameer jitna fit bhi nahin hai, upar se wo tere jaisa handsome bhi nahin hai... kya tereko lagta hai ki uska apne aage koi chance hai ? Khair chal... fir bhi... agar uski in 3 saalon me ek bhi gf ban gayi , to me tereko Rs. 1,000 dunga ! " Adarsh ne bade confidence se kaha.

P.S. :-
* Manav Shisht - literally... A good person. Aur wo asal me hai bhi. Aap isi baat se andaza laga lo ki wo maasoom gali tak nahi bakta.
Ye to ho gayi majak ki baat. Majak se hatke, Aage aap dekhenge ki uska character kitna magnificent hai.
"Manu" ye Manav ji ka pet / nickname hai.

* Rupam Dev - ye bhai apne naam ke anusaar.. roop wan hai.

* Hostel ke ek room ka setup- 2 bunk bed aur 4 roommates
Waise to har hostel ka apne alag bathrooms, toilets hai lekin campus me public bathrooms, toilets ki ek dedicated building bhi hai.



To kaisa laga aap sabko ye update?
Kayi sawal khade kiye iss update ne... Jaise.. wo ladki?
green skin ka maajra? etc..
Aise hi aur questions ke answers ke liye milte hai agle updates me...
To be continued.....

Nice update bhai

 

[Anky@123]

Awesome Awesome

 

[Mana6262]

Excellent update brother......​

 

[Amrit_#0]

•°UPDATE 22•°​

---

Recap -

Usne dekha ki uske favorite middle school English test bank ke title page par gadhe (donkey) ke sar wali ek drawing bani hui thi!

Phaili hui naak, baahar ko aati ajeeb si aankhein, bade bade kaan aur mote honth... Neeche likha tha:
" S丅ᑌᑭ I ᗪ ᑌ Nᑕᒪᗴ "

Gadhe ke sar wali drawing ko dekhte hue, jo behad badsurat thi lekin thoda thoda uske chehre se mel kha rahi thi, Manav bas muskura diya..


AB AAGE :-


Agle 2 dinon mein,
Manav Saanvi ko padhane nahi gaya, balki usne raat ka samay sports field par long-distance running ki practice me laga diya. Use First aane ki ummeed nahi thi..., lekin woh Last bhi nahi aana chaahta tha.

Uska maanna tha ki usme abhi bhi long-distance running skills thi aur.., use bas practice kar apne form me lautne ki jarurat thi...

Football field ke baahar 400 m synthetic race-track ko roshan karne wale kewal 4-5 light poles ke alawa, poora sports field shaant aur veeraan lag raha tha.

Wahan, apni saanson aur kadamon ko control karte hue Manav practice karne me busy tha.. _-

Usne jaanboojhkar raat 9 baje yahaan daudne ka decide kiya tha.
Ek ghante baad Hostel buildings ke entrance gates band hone wale the. Basketball aur football players sabhi wapas jaa chuke the, aur isliye, iss time practice karte samay use distractions face nahi karne padege. .

...

...

...​

Aaj Weak Optical Signal Processing ki class mein, heavenly beauty Ms. Shalini ne ek studded shirt, denim shorts aur Dr. Marten boots pehne hue the. Ve itni khoobsoorat lag rahi thi ki... ladke chillaye aur cheer kiye bina nahi reh sake....!

Halaanki, usne Manav par ek nazar tak nahin daali, jaise usne use last week apne office me bulaaya hi naa ho!

Khair, usne ladko ko mantrmugdh kar apna lecture diya aur bell bajte hi class se chali gayi.
Baharhaal Manav ko pata tha ki doosri duniya me unke raaste mile jaroor the, lekin ab ve samaanya duniya mein laut aaye the aur ab sirf ajnabi the. .

Uska maanna tha ki jaroor Ms. Shalini, Vinod Sir paas uske baare me baat karne gayi hongi..

Aur waise bhi, ek super beautiful female teacher, ek nihayati hi ordinary student ko koii special treatment to degi nahi!


Raat ko daudte samay, uske dimaag me aaj din me ghati cheejen chal rahi thi.. ki achaanak ! ek basketball uske pairon ki or aayi.

Manav ne daudna band kar diya. Usne basketball uthayi aur jahan se ball aayi thi us taraf dekha.

Thodi doori par, safed shirt pehne ek handsome ladka bleacher par baitha tha. Sugathit, muscular aur majboot shareer ke saath hi, us ladke ki shaandaar eyebrows oopar aur baahar ki or jhuki hui thi..

Khair, Manav ne use pehchaan liya..

Lakshya Chowdhury, ye janab Chennai University me 'Most Handsome Guy' ke roop mein jaane jaate hai, Rock Climbing Club ke President aur ek celebrity student..! jiski diwani normal girls to kya, University ki sabse popular ladki - Fareeha bhi thi!

Manav ne ek haath me basketball pakdi aur doosre haath se uski or ishara kiya
Is ishare se hi usne bina bole poochna chaha ki kya ball uski hai?

Lakshya ne haan me sar hilaaya aur apne ek haath ki ungaliyon ko apni or ghuma ball lautane ka ishara kiya.

Manav ne basketball ko uski or phenkne se pehle ek kadam aage badhaaya. . aur

Basketball, unke beech kareeb 20 m se jyada doori tay kar, Lakshya ke oopar aa pahuchi!


Lakshya ne apne haath oopar kare aur ball ko catch kar liya.

Ball lautate hi, Manav palta aur phir se apni practice shuru karne ke liye taiyaar ho gaya.

"Junior!" Lakshya ne achaanak kaha.

"Uh?" Manav ne palat kar aashcharya se uski or dekha,

Lakshya : "Maine suna.. ki tu bhi 1500 meter race me participate kar raha hai?"

Manav ne use saavdhaani se dekha..., uske shabdon me use nafrat ke kuch ansh mehsoos jo hue the..

"Sunne me ye bhi aaya.. ki tu aajkal badi surkhiya batoor raha hai.. Kyu!"
Ball ko apni ungli par ghumaate hue, Lakshya ne poochha, "Tera apni ameeri ka showoff karna.. aur us din, campus me limo ka tere liye aana..! Akhir maajra kya hai kid ! ? ?"

"Kya hua?? Kya maine apki kuch limelight leli ! hmm?" Manav ne seedhe pooch liya.

Snap!

Lakshya ne achaanak basketball ko ghumana band kar diya,

Lakshya : "Yeah! tere ye cheap dikhawe irritate kar rahe hai mujhe! ! "

Haalanki Manav low-key aur vinamr tha, par wo takaraav & vaad-vivaad se kabhi nahi dara.

Lakshya ki aankhon me dekhte hue usne poochha,

Manav : "So.. senior hone ke naate, aap to mujhe sabak sikhana chahenge?? Do whatever you can do! I don't care!! "

Lakshya ne koi jabaab nahi diya. Iske bajaay, usne poochha,

Lakshya : "Sab gossip karte hai ki Ms. Shalini.. tujhe apne office me le gayi thi! Kya chal raha hai unke aur tere beech! ??"

uske shabdon me.. Manav ko nafrat aur beinteha jalan mehsoos hui.

Manav : "Mere paas apko batane ke liye kuch nahi hai, sorry!"

Itna keh, Manav running practice karne ke liye wapas palat gaya.

Lakshya ek pal ke liye thithak gaya, ek sadhaaran junior me itni akad dekh use bahut aashcharya hua..
Aur Manav ki peeth ko dekhte hue uske haath basketball par kas gaye...

Jab Manav ek chakkar laga kar wapas lauta, to Lakshya ja chuka tha.

Manav jaanta tha ki pichhle kuch hafton me usne sabka dhyaan apni taraf kheecha tha, aur.. campus me use pick karne ek limousine ka aana to yakeenan ek bada show-off tha... bole to aag me ghee!


Aur sabse jaruri baat, use apne office me bulaane ke liye Shalini ne bhari class me jo invitation diya tha, us invitation ne kayi self-important 'handsome' ladko ki aankhon ko jealousy se laal kar diya tha. **(update 11) **

Ho sakta hai ki un sabhi ne socha ho ki Manav ne sabhi show-off wale karname Ms. Shalini ko attract karne ke liye kiye the aur ab, ve 'famous' students gusse mein the kyunki Manav ke wo bakwas show-offs kaam kar gaye the aur wo Ms. Shalini ko impress karne me kaamyaab ho gaya tha!

Dekha jaaye to un logon ka gussa hona lajmi hi tha.. aakhirkaar, un londo ke jalwon par kewal sundar & aam ladkiyan hi marti aur aahe bharti thi, jabki khoobsurti ki parakashtha.. Ms. Shalini ne unpar koi dilchaspi nahin dikhai.

Vaastav mein, Shalini ki sundarta logon ki kalpnao se pare thi.., isliye yeh swabhaavik hi tha ki male students uske liye paglaye hue the.

Keh sakte hai ki.., agar Manav ko uski real identity (inspector) nahi pata hoti, to wo bhi auron ki tarah uski sundarta ka gungaan kar raha hota..

9:45 pm baj rahe the jab Manav jogging karte hue apne hostel pahucha. Adarsh aur uske 2 aur roommates, unke room ke saamne wale room me (Room no. 301) , Ritik aur dusre doston ke saath ek 'bhayankar taash ke khel' me lage hue the.

Manav ne thanda-thanda shower lene ke liye apni towel aur dusra samaan uthaya aur bathrooms ki or chal diya. Usne Lakshya se hui mulakaat ke baare me kisi ko kuch nahi bataya..
..
..

Bas half day ki classes ke saath Friday bhi jaldi beet gaya. Chunki jyadatar students local areas se the, Chennai University har Friday ki dophar ko asaamanya roop se shaant ho jati thi.. Sab apne apne gharon ko laut jo jate the.

Adarsh aur baaki dost log is weekend me ghar nahi jaana chaahte the, to ve Manav aur kayi dusre doston ko hostel rooms se ghaseette hue paas ke KTV Karaoke me le gaye.

Saans foolne tak gaana gaane ke baad, ve ek hot pot restaurant me gaye aur wahan jamkar khaya piya. Pet pooja kar ve hostel laute aur taash khelne me lag gaye.

College ki hostel life hai bhai kya kahe.., maximum students ke din unproductive and carefree hi beet te hai...

Sach kahe to, Manav ko bada sukoon tha ki uske sage bhai jaise dost the jo humesha uska saath dete the... bhale hi situations kaisi bhi hon..

Iske alawa ve sab kuch saath me kiya karte the- chahe wo Class me jaana ho ya bunk karna, ghoomna fir na, bakchodi karna, drink karna aur bhi bahut kuch.
(Sahi samjhe kuch kaamo me Manav unka saath nhi deta , example - drink karne me )

Khair....... Kuch bhi ho..! Saanvi ke chhote chacha mortals ki inn chhoti-chhoti par, "beshkeemti " khushiyon ko kabhi samjh nahi sakenge..

Baharhaal, raat ke 9 baj chuke the, Manav ne apne patte/cards neeche patke aur kaha,

Manav : "Bas ! I'm out, Mai running ki practice karne sports field ja raha hun. "

Adarsh ne use rokne ki koshish ki,

Adarsh : "Abee chutiye ! mat ja! Race se kuch hi din pehle practice karne se kuch nahi hone wala.. Chal ab uthale apne patte!"

Manav : "Mujhe apni form me wapas aane ke liye practice to karni hi padegi.. Ritik! tu out ho gaya tha na! Aaja meri jagah khel le !'

Manav ne Ritik ke haathon mein apne cards thama diye,

Manav : "Yadi tu haara to haar sirf meri aur yadi tu jeet gaya to poora credit tera! "

Manav ke vaade par muskurate hue, Ritik turant baith gaya aur apne patte check karne laga.

Manav ne apne running shoes pehne aur jogging karta hua sports field ki or badh gaya.

Friday ki raat thi to campus me, asaamanya roop se sannata pasra hua tha. Jab wo office building ke paas se gujra, to usne yunhi casually oopar dekha aur uske man mein ek ajeeb sa vichaar aaya, "Ms. Shalini bhi apne ghar gayi hongi.. Unka ghar kahan par hoga..?"

Avantika ne use bataya tha ki Shalini ka East Ocean Dragon Clan ke saath kuch khaas rishta tha aur.., **(update 17) **

Manav yahi soch raha tha ki - "wo rishta kya tha ...? Shayad isliye wo Elder Vinod ki University me as a teacher kaam kar rahi hain.... "

Ms. Shalini ke baare me sochte hue, unse office building ko paar ki hi tha ki, raaste me use 2 ladkiya dikhai di. Unhone use naak bhauhen sikodte hue ghrina se dekha.. Shayad un dono ne use oopar dekhte hue dekh liya tha....

University ke lagbhag har male mein Shalini ke liye, kam ya jyada par, same feelings thi aur male students aamtaur par, uss bejod khoobsurati ki ek jhalak paane ki laalsa mein Shalini ke office ko ghoorte hue pakde jaate the..


Halaanki , yeh male students ke liye behad frustrating tha ki Ms. Shalini apna chehra bas tabhi dikhati jab ve apni class se aa rahi hoti ya kisi class me jaa rahi hoti.

Yahaan tak ki kisi cafeteria me bhi unhe kisi ne nahi dekha tha. Aur in sab cheejon ne, sabki is feelings ko aur bhi gehra kar diya ki weh ek fairy ki tarah thi jinhone is nashwar sansaar/mortal world ke khaane ko khaane layak nahi samjha....

Khair.., Manav sports field pahucha aur apne plan ke anusaar 10 chakkar lagane laga.. Usne paaya ki uska stamina pehle ki tulna mein bahut badh gaya tha! ,

Wo soch raha tha ki ye ho na ho Spirit Concentration Scroll ke 1st level ko paar karne ka hi result hoga.....

Light poles ki mand roshni Manav ki parchhai ko aur badhaye hue thi, jabki wo vishaal sports field aur raat ke akelepan ka luft utha raha tha.

Apni energy ko Spirit Concentration Scroll ke anusaar circulate karte hue aur natural essence (prakriti ki oorja) ka swaad lete hue, woh apni saans aur kadmon ko niyantrit kar sthir gati se daud raha tha _-


Uske kapde hawa me lehrahane lage. . Manav ko yeh ehsaas nahi tha ki daudte samay use ek sahaj aur free aura ne gher liya tha. Uske kadam sthir aur dridh the jabki ek halki hawa uske chaaron or aur uske kapdon me beh rahi thi..

Prakriti ke oorja use kitna prabhaavit kar rahi thi iss baat se Manav anjaan tha..,
Aur is shaanti se bhari raat mein uske har ek movements me pancho tavtvo ki jhalkiya dikhai de rahi thi! (Dharti, Agni, Vayu, Jal, aur Akash)

Saath hi uske har ek movements me yin aur yang ka prabhaav bhi tha ! ☯

10 chakkar daudne ke baad, usne 10 chakkar aur daude.

Manav hairaan tha ki uske itna daudne ke baavjood uski taakat bilkul bhi kam nahin hui! Woh long-distance running ki practice kar raha tha, lekin use aisa lag raha tha jaise wo casually tahal raha ho.. Itna daudne ke baad bhi Uske kadmon mein jara bhi bhaaripan nahin aaya tha!

"Huh..?" Kuch der baad use achanak laga ki jaise corner se use koi dekh raha ho..

Usne us taraf dekha.

Us taraf .. wo dekhta hai ki, Aahna, ek lambi chiffon floral dress me lagbhag 10 meter door ek seedhi par chupchaap baithi hui thi aur muskura kar use dekh rahi thi....

Aur update hota h yahi par samapt,

🅁🄴🄰🄳,
🄻🄸🄺🄴 🄰🄽🄳
🄲🄾🄼🄼🄴🄽🅃

milte h kal..
To be continued.....

Awesome and beautiful update bro

 

[Zohaib896]

Hayee awesome update bro bas yeh guzar jai yeh Raat ajai Saturday aur bhai ka update bi ajai waiting bro

 

[ashish_1982_in]

•°UPDATE 2•°​

Recap -

" Bhains ki tang, kya manu relationship mein hai ?" Rupam ne Manav ke ajib vyavhaar ko dekhkar puchha.

" Woh ? Ek to Wo mere jaisa dashing nahin hai, dusra wo iss Sameer jitna fit bhi nahin hai, upar se wo tere jaisa handsome bhi nahin hai... kya tereko lagta hai ki uska apne aage koi chance hai ? Khair chal... fir bhi... agar uski in 3 saalon me ek bhi gf ban gayi , to me tereko Rs. 1,000 dunga ! " Adarsh ne bade confidence se kaha.



AB AAGE :-

Jahan Adarsh aur baki ke roommates apni apni prediction de rahe the.... ki kaise agle 3 saalon me koi bhi ladki Manav ki gf banna to door.. usko dekhegi bhi nahi ; wahin Manav apni alag dhun me gum, campus chhod chuka tha. Usne ek taxi ko hath dekar roka aur nikal pada apne raste ki or jo tha - " Blk Super Speciality Hospital "- yeh hospital apne best Dermatology/twacha(skin)vigyaan department ke liye mashhoor tha.

Wahan, Manav bahut se complex administrative procedures aur thaka dene wale checkups se gujara. Jiske baad, tamam reports ke ek dher ko padhkar , Dermatologist expert ne Manav ko bataaya ki uske hath par hari dhaariyaan ek tarah ki dye ke karan bani ho sakti thi , mano jaise kuch low quality wali bedsheets ne apna colour chhod diya ho.

Reports ke mutabik, uski body normal thi... Body me cell mutation nahi hua tha.

**(kayi genetic bimariya cell mutation ke karan hoti hai, jissse body me abnormalities aa jati hai. )**

Sare tests ke results - no abnormalities in the body - bata rahe the. Iske alava, Hara rang fungi infection bhi nahi tha. Rahi baat scale pattern ki, to wo bas accidental hi tha - yani hara rang matra ek regular pattern me faila tha. Aur sab se jaruri baat, ye hara nishan yakeenan sankramak/contagious nahi tha.
Akhir me expert ne yahi kaha ki ye jyada seafood khane se hui allergic reaction hi hogi.

( apna corona to behad sankramak tha )

Halanki ye explanation Manav ko santusht nahi kar saka, par phir bhi iss explanation ne uski tention kaafi kam kar di.... Ab woh pehle ke mukable thoda nischit tha.

Reports milte hi, Manav hospital se apne Campus laut aaya. Laut ne ke baad Usne hare nishan ko saaf karne ka socha.

Manav ne apne hath ko saabun - scrub se jor-jor se ragadna shuru kiya, usne observe kara ki ab rang waqai kuch halka sa lag raha tha...

Aaj ka din yunhi.. bina kisi baat ke dar aur thakan me nikal dene ke baad, Manu ne apni bedsheet ko ek saaf nayi bedsheet se badal diya aur so gaya.

Saturday ki dophar ka suraj pardon se nikalta hua manav ke upar chad chuka tha.

" MANAV! MANAV! "

usi samay hostel ke iss kamre ka darwaja jor jor se khatkhataya jata hai.

" Mc ! kaun hai ! ? " Manav se nichli berth ke malik Adarsh ne ek takiya uthaya aur use darwaje par de mara.

" Manav bahar aaa... , koi sundar si ladki tera wait kar rahi hai ! " darwaje ke dusri taraf se Ritik ki awaaj ayi, jo isi hostel ke room no. 301 mein rahta tha, theek unke room ke saamne.

" Uhm..mm.. Su..n..da..rr lad..ki..? SundarRR ladkiiiii !! ? "
Confused aur sleepy, Sameer ekdum se apne sapne se jaaga aur turant uth ke baith gaya. Jab se University ki sabse popular ladki ne Sameer ko reject kiya tha, tab se usme relationship me aane ki himmat nahi bachi thi. Halanki, wo , ladkiyon ko taadne ke apne passion ko barkarar rakhne me kamayab raha hai..

" MANAV, uth jaa bhaii ! Rupam ne mujhe tujhe lene ke liye bheja hai. Wo sundar chutki si ladki, jo tera wait kar rahi hai, uski wajah se Banyan Tree Cafeteria ke entrance par pehle se hi bheed jama ho gayi hai !

Uth jaa ab.. ... Uth sale ! audience tera wait kar rahi hai! "
Ritik ka darwaje ke dusri taraf se chillana chalu raha..

" ..kya.. Bak raha hai tu ? " apne halke dard bhare pet ko dheere se sehlate hue, Manav ne kuch socha....
jaise hi usne apna haath uthaya, spiral hare nishaan ki jhalak dikhai dene lagi.. Nishaan phika nahin pada tha, par aur jyada faila bhi nahin tha... Ye dekh usne thodi raahat mehsoos hui.

Khat! , KhatKhat!!, Khat! Darwaja khatkhatana chalu hi raha.

" Aa raha hoon! AA RAHA HOON !" Manav bistar se kood gaya aur darwaje ki aur badh gaya.

Is time tak, Adharsh, jo lower berth par tha, shor sharabe se so nahin saka.. aur junjhlate hue wo bhi apne bistar se uth khada hua.
Aur Dusri taraf , " Sundar ladki " shabd sunte hi, Sameer excited ho pehle se hi taiyar hona shuru kar diya tha.

" Bahut sare logon ne Banyan Tree Cafeteria ke entrance ko gher liya hai. Rupam aur me to breakfast ke liye ja rahe the ki humne suna koi kaand ho gaya hai. Jab hum dekhne ke liye wahan gaye to paaya ki wahan ek sundar ladki thi jo kisi ka intzaar kar rahi thi. "
Yeh dekhkar ki Manav ne akhirkaar darwaja khol diya hai, Ritik ne ek saans me sab bak diya.

" Abeee yaaarrr!!!!, iska matlab ye nahin hai ki wo mera wait kar rahi hai, hai na?
Is tarah ke maje Sameer ke liye hi thik hai... Mujhe koi interest nahi hai." Manav ne Ritik se kheejte/annoyed hue kaha aur wapas mud gaya.

Kal uska pet bahut kharab tha upar se aadhi raat tak use neend nahi aayi. Ab, is faltu ke hangame se jaagkar wo aur jyada chid gaya tha.

" Teri to...! Mujhe baat to khatm karne de!! " Ritik ne Manav ko pakad liya.
" Us pretty si ladki ke haathon mein tera sketch tha! Aur usne kaha hai ki jo koi bhi tujhe uske paas layega use Rs 1500 ka inaam diya jaega! "

" Mera...? " Manav kisi soch me kho gaya. Jald hi wo soch se bahar aaya aur Ritik ko ghoorte hue pucha, " To tu yahan Rs 1500 ke liye hai, hai na?"

" Heehee..." Ritik ki muskaan kuch jyada hi khili hui thi.

Is samay tak, unke hostel ke bahar jordaar Shor gul hone laga tha. Manav balcony me gaya aur dekhta hai ki uski pehchan wale male students ka ek bada sa group daudta hua hostel ki taraf aa raha hai. Woh sure tha ki sabhi inaam ke liye uske pass aa rahe the. Isliye, usne jaldi se kapde change kare, joote dale aur Ritik ke peeche peeche daudta hua niche chala gaya.

Hostel captain ke roop mein, Adarsh bhi iss unexpected kaand ko lekar chintit tha. Isliye, usne apni neend kharab kar, kapde badle, aur Manav ke sath ho liya.. jahan kahin bhi manav ja raha tha.

Adarsh, Manav ke sabse kareeb tha. Bhale hi woh aam taur par gaali-galauch karta tha aur Manav ko pareshaan karna bahut pasand karta tha, lekin phir bhi, ye Adarsh hi tha jo Manav ki sabse jyada parvaah karta tha.

Rahi baat Sameer ki , to woh sundar sundar ladakiyon se milane ka chance bilkul nahi chhod sakta tha.

Unki southern hostel building campus ke outside area me thi. Jaise hi charon southern entrance se main campus area me aaye, unhone apne raste me chote ya bade kayi bulletin/notice boards dekhe, - vo sabhi wanted posters se bhare hue the jin par Manav ki sketch thi. Posters ke niche, bade bade font mein likha tha, " Iss person ko mere paas lane ke liye Rs 1500 ka reward - Apna reward claim karne ke liye Banyan Tree Cafeteria ke entrance par aao. "

Agar University ke sabhi bulletin boards ko dekhe to , iss hisaab se kam se kam total 700-800 posters to honge hi. Yah national level ke wanted hone se kam nahin tha!!

" Kamine tune us ladki ke saath aisa kya kiya ki vo tujhe ek wanted man banane ke liye apne campus chali aayi ?" Excited Sameer ne Manav se se poocha.

" Mujhe kaise pata hoga ?? main to yeh bhi nahi jaanta ki woh kaun hai! " Manav ne Hadbadahat me javaab diya.

Badi hi bheed bhad se dhake/covered cafeteria ki aur, naa chahte hue bhi Manav badh gaya. Situation hi aisi thi.. Manav ke pass koi aur option hi nahi bacha tha.

" Wo raHA!.. UdhaR! Wo aa raha hai! " Wanted person ko apne samne paakar, kuch students ne taunting shuru kar di.

Natija?, pahle se hi khacha khach bhari bheed Manav ko raasta dene ke liye do bhaago me split ho gayi.

kuch 100 logon ki nigahon ke beech, Mavan awkwardly cafeteria ke entrance ki or badh chala.. Aur wahan wo dekhta hai...
Kal wali sundar ladki!!

Usne ek white shirt aur washed-out jeans pehen rakhi thi. Yeh ek bahut hi normal dress thi... phir bhi, us par kafi jach rahi thi.
Uske baalon ki lataye hawa me lehraha rahi thi... halanki, lahrahate baalon ke beech gusse wala chehra tha.

"Ohhh... Huuuuuu...!! "

Bheed ne hooting shuru kar di.

" ... Kya ladki hai.....," Adarsh, jo kayi girlfriends hone ka dawa karta tha, Manav ke kaan me khusphusaya.

" Tu itni khoobsurat ladki se kab mila ? Chal ek intro ho jaye ! " Sameer ne Manav ko ankh marte/ wink hue jor se kaha. Usko iss nayi sundar baala se baat karne ki badi khujli ho rahi thi.

Ye dekh kar ki finally Manav aa gaya hai, ladki tamtama gayi.

Awkwardness ko pare rakh, Manav seedhiyaan chada aur bheed ki ghoorti najron ke beech usne pucha, " Maine suna.. ki tum mujhe dhundh rahi thi.... ? "

" Kya kal tumne meri koi cheej li thi ! ? " Manav ki ankhon mein ghoorte hui, uss pretty little girl ne kadak awaaj me pucha.

" Kya! ? kya cheej..! ? " Manav ke liye ye sab unexpected tha. Wo confused hone ke sath hi surprised bhi tha.

Unko baatcheet shuru karta dekh, Ritik jaldi se upar aya aur unko beech me hi rok diya...
" To meraa... " Usne hath malte hue kaha.

Ladki ne uski or dekha aur apne handbag se ₹ 1500 nikaale aur Ritik ko thama diye.

Ye dekh bheed me kayi students chauk uthe. Unhe ye vishwas nahi tha ki yah chhoti ladki sach me reward de degi. Chaunkne ke alawa, unhe iss chance ko gawane dene ka afsos bhi hua.

Paise lekar Ritik to santushti poorvak bheed se bahar nikal gaya. Uska ab is jhamele me rukne ka koi irada nahi tha.. Sath hi, use ye dar bhi tha, ki wo ladki kahi rupee wapas na maang le.

" Ye ladki.... kitni rich aur baat ki pakki hai ...! Jahir he ye kitni arrogant hai! " Manav ne apne man me socha.

" Tum! kya tumne kal meri koi cheej li thi!? " Ladki ne apna sawal dohraya.

" Konsi! kya cheej..! ? " Manav ne use ghurte hue pucha. Wo jaanta tha ki ladki ki iss hungame se ab wo university me infamously " Famous " Ho jayega.

" Ek moti/bead! , ek neela moti! " Ladki boli.

" Maine nahi dekha.. Tumne shayad kahin aur gira diya hoga," Manav ne bina kuch soche samajhe uttar diya.

Edhar apni Audience unki iss baatcheet se bahut nirash hui. Unhone to socha tha iss ladki ko kisi tarah se chheda gaya hoga aur ab wo badla lene ke liye ayi thi. Lekin ladki ka bas kisi khoyi cheej ke liye aana audience ko majedaar nahi laga.

" Wo bead moti, soft aur bouncy hai." Ladki aage boli, " Mai tumhe 2 minute aur deti hu, aur ache se socho."

" Kya ham... kahin aur baat kar sakte hain ?" apne aas-paas ki chaukas nigahon ko dekhte hue, Manav ne request ki. Bina matlab fas jo gaya tha bechara.

" Tune usse jo kuch bhi liya hai, jaldi use wapas de de ! Neech! Ladki se chori karta hai " Bawaal machate hue , kuch male students ne Manav par chillaana shuru kar diya.

" Shut up ! Tum logon ko interfere karne ki koi jarurat nahi !" Ladki unki baaton ko kaat te hue kaha.

Unn Male students ko ye pasand nahi aya. Khair unhen ab iss pachde me aur padna theek nahin laga.

" Haan to.. Tamasha khatm ho gaya hai, Guys! Chalo niklo ab !" Adarsh ne basad ko dekhte hue kamaan sambhaali. Sameer, Rupam aur kuch dusre doston ki help se usne bheed ko titar-bitar karna shuru kar diya.

Aas pass ab kya ho raha hai ispar dhyaan na dete hue wo ladki Manav par hi focused rahi. " Dekho wo cheez mere liye bahut jyada important hai, so i hope ki tum mujhe wo wapas kar do."

" Lekin.. mujhe really nahi pata ki tum konsi cheej, konse moti ke baare me baat ka..... " isse pahle ki wo khatm kar pata, ladki ne apna hath badhaaya aur Manav ke muh par rakh diya.

" Hmm... Mai ise yahan mahsoos kar sakti hun, thik tumhare pass.." jaise hi usne ye kaha, usne apni bhaunhe /eyebrows sikod li aur aisa lag raha tha jaise wo kuch bade dhyaan se sun rahi ho.

Achanak se, uska haath ab Manav ke pet par pahunch gaya.

Aur jaise hi Manav ne apne pet ko uske hath se door le jane ki koshish ki, uss cute little girl ne turant Manav ki kalai/wrist ko pakad liya aur aasteen upar kar di - jisse
hare rang ka Dragon jaisa tattoo ujaagar ho gaya!


Kaisa raha ye update?
Milte hai update 3 ke saath...
To be continued.....

very nice update bhai

 

[ABHISHEK TRIPATHI]

•°UPDATE 22•°​

---

Recap -

Usne dekha ki uske favorite middle school English test bank ke title page par gadhe (donkey) ke sar wali ek drawing bani hui thi!

Phaili hui naak, baahar ko aati ajeeb si aankhein, bade bade kaan aur mote honth... Neeche likha tha:
" S丅ᑌᑭ I ᗪ ᑌ Nᑕᒪᗴ "

Gadhe ke sar wali drawing ko dekhte hue, jo behad badsurat thi lekin thoda thoda uske chehre se mel kha rahi thi, Manav bas muskura diya..


AB AAGE :-


Agle 2 dinon mein,
Manav Saanvi ko padhane nahi gaya, balki usne raat ka samay sports field par long-distance running ki practice me laga diya. Use First aane ki ummeed nahi thi..., lekin woh Last bhi nahi aana chaahta tha.

Uska maanna tha ki usme abhi bhi long-distance running skills thi aur.., use bas practice kar apne form me lautne ki jarurat thi...

Football field ke baahar 400 m synthetic race-track ko roshan karne wale kewal 4-5 light poles ke alawa, poora sports field shaant aur veeraan lag raha tha.

Wahan, apni saanson aur kadamon ko control karte hue Manav practice karne me busy tha.. _-

Usne jaanboojhkar raat 9 baje yahaan daudne ka decide kiya tha.
Ek ghante baad Hostel buildings ke entrance gates band hone wale the. Basketball aur football players sabhi wapas jaa chuke the, aur isliye, iss time practice karte samay use distractions face nahi karne padege. .

...

...

...​

Aaj Weak Optical Signal Processing ki class mein, heavenly beauty Ms. Shalini ne ek studded shirt, denim shorts aur Dr. Marten boots pehne hue the. Ve itni khoobsoorat lag rahi thi ki... ladke chillaye aur cheer kiye bina nahi reh sake....!

Halaanki, usne Manav par ek nazar tak nahin daali, jaise usne use last week apne office me bulaaya hi naa ho!

Khair, usne ladko ko mantrmugdh kar apna lecture diya aur bell bajte hi class se chali gayi.
Baharhaal Manav ko pata tha ki doosri duniya me unke raaste mile jaroor the, lekin ab ve samaanya duniya mein laut aaye the aur ab sirf ajnabi the. .

Uska maanna tha ki jaroor Ms. Shalini, Vinod Sir paas uske baare me baat karne gayi hongi..

Aur waise bhi, ek super beautiful female teacher, ek nihayati hi ordinary student ko koii special treatment to degi nahi!


Raat ko daudte samay, uske dimaag me aaj din me ghati cheejen chal rahi thi.. ki achaanak ! ek basketball uske pairon ki or aayi.

Manav ne daudna band kar diya. Usne basketball uthayi aur jahan se ball aayi thi us taraf dekha.

Thodi doori par, safed shirt pehne ek handsome ladka bleacher par baitha tha. Sugathit, muscular aur majboot shareer ke saath hi, us ladke ki shaandaar eyebrows oopar aur baahar ki or jhuki hui thi..

Khair, Manav ne use pehchaan liya..

Lakshya Chowdhury, ye janab Chennai University me 'Most Handsome Guy' ke roop mein jaane jaate hai, Rock Climbing Club ke President aur ek celebrity student..! jiski diwani normal girls to kya, University ki sabse popular ladki - Fareeha bhi thi!

Manav ne ek haath me basketball pakdi aur doosre haath se uski or ishara kiya
Is ishare se hi usne bina bole poochna chaha ki kya ball uski hai?

Lakshya ne haan me sar hilaaya aur apne ek haath ki ungaliyon ko apni or ghuma ball lautane ka ishara kiya.

Manav ne basketball ko uski or phenkne se pehle ek kadam aage badhaaya. . aur

Basketball, unke beech kareeb 20 m se jyada doori tay kar, Lakshya ke oopar aa pahuchi!


Lakshya ne apne haath oopar kare aur ball ko catch kar liya.

Ball lautate hi, Manav palta aur phir se apni practice shuru karne ke liye taiyaar ho gaya.

"Junior!" Lakshya ne achaanak kaha.

"Uh?" Manav ne palat kar aashcharya se uski or dekha,

Lakshya : "Maine suna.. ki tu bhi 1500 meter race me participate kar raha hai?"

Manav ne use saavdhaani se dekha..., uske shabdon me use nafrat ke kuch ansh mehsoos jo hue the..

"Sunne me ye bhi aaya.. ki tu aajkal badi surkhiya batoor raha hai.. Kyu!"
Ball ko apni ungli par ghumaate hue, Lakshya ne poochha, "Tera apni ameeri ka showoff karna.. aur us din, campus me limo ka tere liye aana..! Akhir maajra kya hai kid ! ? ?"

"Kya hua?? Kya maine apki kuch limelight leli ! hmm?" Manav ne seedhe pooch liya.

Snap!

Lakshya ne achaanak basketball ko ghumana band kar diya,

Lakshya : "Yeah! tere ye cheap dikhawe irritate kar rahe hai mujhe! ! "

Haalanki Manav low-key aur vinamr tha, par wo takaraav & vaad-vivaad se kabhi nahi dara.

Lakshya ki aankhon me dekhte hue usne poochha,

Manav : "So.. senior hone ke naate, aap to mujhe sabak sikhana chahenge?? Do whatever you can do! I don't care!! "

Lakshya ne koi jabaab nahi diya. Iske bajaay, usne poochha,

Lakshya : "Sab gossip karte hai ki Ms. Shalini.. tujhe apne office me le gayi thi! Kya chal raha hai unke aur tere beech! ??"

uske shabdon me.. Manav ko nafrat aur beinteha jalan mehsoos hui.

Manav : "Mere paas apko batane ke liye kuch nahi hai, sorry!"

Itna keh, Manav running practice karne ke liye wapas palat gaya.

Lakshya ek pal ke liye thithak gaya, ek sadhaaran junior me itni akad dekh use bahut aashcharya hua..
Aur Manav ki peeth ko dekhte hue uske haath basketball par kas gaye...

Jab Manav ek chakkar laga kar wapas lauta, to Lakshya ja chuka tha.

Manav jaanta tha ki pichhle kuch hafton me usne sabka dhyaan apni taraf kheecha tha, aur.. campus me use pick karne ek limousine ka aana to yakeenan ek bada show-off tha... bole to aag me ghee!


Aur sabse jaruri baat, use apne office me bulaane ke liye Shalini ne bhari class me jo invitation diya tha, us invitation ne kayi self-important 'handsome' ladko ki aankhon ko jealousy se laal kar diya tha. **(update 11) **

Ho sakta hai ki un sabhi ne socha ho ki Manav ne sabhi show-off wale karname Ms. Shalini ko attract karne ke liye kiye the aur ab, ve 'famous' students gusse mein the kyunki Manav ke wo bakwas show-offs kaam kar gaye the aur wo Ms. Shalini ko impress karne me kaamyaab ho gaya tha!

Dekha jaaye to un logon ka gussa hona lajmi hi tha.. aakhirkaar, un londo ke jalwon par kewal sundar & aam ladkiyan hi marti aur aahe bharti thi, jabki khoobsurti ki parakashtha.. Ms. Shalini ne unpar koi dilchaspi nahin dikhai.

Vaastav mein, Shalini ki sundarta logon ki kalpnao se pare thi.., isliye yeh swabhaavik hi tha ki male students uske liye paglaye hue the.

Keh sakte hai ki.., agar Manav ko uski real identity (inspector) nahi pata hoti, to wo bhi auron ki tarah uski sundarta ka gungaan kar raha hota..

9:45 pm baj rahe the jab Manav jogging karte hue apne hostel pahucha. Adarsh aur uske 2 aur roommates, unke room ke saamne wale room me (Room no. 301) , Ritik aur dusre doston ke saath ek 'bhayankar taash ke khel' me lage hue the.

Manav ne thanda-thanda shower lene ke liye apni towel aur dusra samaan uthaya aur bathrooms ki or chal diya. Usne Lakshya se hui mulakaat ke baare me kisi ko kuch nahi bataya..
..
..

Bas half day ki classes ke saath Friday bhi jaldi beet gaya. Chunki jyadatar students local areas se the, Chennai University har Friday ki dophar ko asaamanya roop se shaant ho jati thi.. Sab apne apne gharon ko laut jo jate the.

Adarsh aur baaki dost log is weekend me ghar nahi jaana chaahte the, to ve Manav aur kayi dusre doston ko hostel rooms se ghaseette hue paas ke KTV Karaoke me le gaye.

Saans foolne tak gaana gaane ke baad, ve ek hot pot restaurant me gaye aur wahan jamkar khaya piya. Pet pooja kar ve hostel laute aur taash khelne me lag gaye.

College ki hostel life hai bhai kya kahe.., maximum students ke din unproductive and carefree hi beet te hai...

Sach kahe to, Manav ko bada sukoon tha ki uske sage bhai jaise dost the jo humesha uska saath dete the... bhale hi situations kaisi bhi hon..

Iske alawa ve sab kuch saath me kiya karte the- chahe wo Class me jaana ho ya bunk karna, ghoomna fir na, bakchodi karna, drink karna aur bhi bahut kuch.
(Sahi samjhe kuch kaamo me Manav unka saath nhi deta , example - drink karne me )

Khair....... Kuch bhi ho..! Saanvi ke chhote chacha mortals ki inn chhoti-chhoti par, "beshkeemti " khushiyon ko kabhi samjh nahi sakenge..

Baharhaal, raat ke 9 baj chuke the, Manav ne apne patte/cards neeche patke aur kaha,

Manav : "Bas ! I'm out, Mai running ki practice karne sports field ja raha hun. "

Adarsh ne use rokne ki koshish ki,

Adarsh : "Abee chutiye ! mat ja! Race se kuch hi din pehle practice karne se kuch nahi hone wala.. Chal ab uthale apne patte!"

Manav : "Mujhe apni form me wapas aane ke liye practice to karni hi padegi.. Ritik! tu out ho gaya tha na! Aaja meri jagah khel le !'

Manav ne Ritik ke haathon mein apne cards thama diye,

Manav : "Yadi tu haara to haar sirf meri aur yadi tu jeet gaya to poora credit tera! "

Manav ke vaade par muskurate hue, Ritik turant baith gaya aur apne patte check karne laga.

Manav ne apne running shoes pehne aur jogging karta hua sports field ki or badh gaya.

Friday ki raat thi to campus me, asaamanya roop se sannata pasra hua tha. Jab wo office building ke paas se gujra, to usne yunhi casually oopar dekha aur uske man mein ek ajeeb sa vichaar aaya, "Ms. Shalini bhi apne ghar gayi hongi.. Unka ghar kahan par hoga..?"

Avantika ne use bataya tha ki Shalini ka East Ocean Dragon Clan ke saath kuch khaas rishta tha aur.., **(update 17) **

Manav yahi soch raha tha ki - "wo rishta kya tha ...? Shayad isliye wo Elder Vinod ki University me as a teacher kaam kar rahi hain.... "

Ms. Shalini ke baare me sochte hue, unse office building ko paar ki hi tha ki, raaste me use 2 ladkiya dikhai di. Unhone use naak bhauhen sikodte hue ghrina se dekha.. Shayad un dono ne use oopar dekhte hue dekh liya tha....

University ke lagbhag har male mein Shalini ke liye, kam ya jyada par, same feelings thi aur male students aamtaur par, uss bejod khoobsurati ki ek jhalak paane ki laalsa mein Shalini ke office ko ghoorte hue pakde jaate the..


Halaanki , yeh male students ke liye behad frustrating tha ki Ms. Shalini apna chehra bas tabhi dikhati jab ve apni class se aa rahi hoti ya kisi class me jaa rahi hoti.

Yahaan tak ki kisi cafeteria me bhi unhe kisi ne nahi dekha tha. Aur in sab cheejon ne, sabki is feelings ko aur bhi gehra kar diya ki weh ek fairy ki tarah thi jinhone is nashwar sansaar/mortal world ke khaane ko khaane layak nahi samjha....

Khair.., Manav sports field pahucha aur apne plan ke anusaar 10 chakkar lagane laga.. Usne paaya ki uska stamina pehle ki tulna mein bahut badh gaya tha! ,

Wo soch raha tha ki ye ho na ho Spirit Concentration Scroll ke 1st level ko paar karne ka hi result hoga.....

Light poles ki mand roshni Manav ki parchhai ko aur badhaye hue thi, jabki wo vishaal sports field aur raat ke akelepan ka luft utha raha tha.

Apni energy ko Spirit Concentration Scroll ke anusaar circulate karte hue aur natural essence (prakriti ki oorja) ka swaad lete hue, woh apni saans aur kadmon ko niyantrit kar sthir gati se daud raha tha _-


Uske kapde hawa me lehrahane lage. . Manav ko yeh ehsaas nahi tha ki daudte samay use ek sahaj aur free aura ne gher liya tha. Uske kadam sthir aur dridh the jabki ek halki hawa uske chaaron or aur uske kapdon me beh rahi thi..

Prakriti ke oorja use kitna prabhaavit kar rahi thi iss baat se Manav anjaan tha..,
Aur is shaanti se bhari raat mein uske har ek movements me pancho tavtvo ki jhalkiya dikhai de rahi thi! (Dharti, Agni, Vayu, Jal, aur Akash)

Saath hi uske har ek movements me yin aur yang ka prabhaav bhi tha ! ☯

10 chakkar daudne ke baad, usne 10 chakkar aur daude.

Manav hairaan tha ki uske itna daudne ke baavjood uski taakat bilkul bhi kam nahin hui! Woh long-distance running ki practice kar raha tha, lekin use aisa lag raha tha jaise wo casually tahal raha ho.. Itna daudne ke baad bhi Uske kadmon mein jara bhi bhaaripan nahin aaya tha!

"Huh..?" Kuch der baad use achanak laga ki jaise corner se use koi dekh raha ho..

Usne us taraf dekha.

Us taraf .. wo dekhta hai ki, Aahna, ek lambi chiffon floral dress me lagbhag 10 meter door ek seedhi par chupchaap baithi hui thi aur muskura kar use dekh rahi thi....

Aur update hota h yahi par samapt,

🅁🄴🄰🄳,
🄻🄸🄺🄴 🄰🄽🄳
🄲🄾🄼🄼🄴🄽🅃

milte h kal..
To be continued.....

Awesome update