Fantasy Mahagatha - Sadhna, Sadhak, Shaktiya aur dragons

[Shadow_Chaser]

Owsm update tha Bhai...sare doubt to tumne hi likh hi diye ...

Doubts flow flow me likh diye

khair hamara sawal ye hai ki jab ladaki ka sar(head) manav ke chin se takaraya tha , to phir kab kiss ho gaya aur Candy munh ke anadar chali gayi....

Bhai.. Ladki aasman se giri thi to takraav jor ka tha, beshak strike chin par lekin force ke karan manav khud thoda niche ho gaya tha @ center of gravity , aur jab strike force release hua to ladki halka upar hui aur accident ho gaya.

aur achank mausam ka sahi ho Jana....aur ladaki ka upar aasaman se aana , Sala kahi pari wari to na pata raha hai na ...

Ye to waqt batayega

khair dekhate hai agale update me kitne bato ka khulasa hoga.... Nice update ...

Shukriya bhai
Update 2 aaj ayega

 

[Shadow_Chaser]

Congratulations for new thread bro

thanks bro..
keep reading

 

[Shadow_Chaser]

Mere dost Meri ek baat maan lo iss thread ko fantasy section me dal do....iske liye aap kisi bhi moderator ko kah sakte ho.. fantasy section me kuchh reader aapko mil jayenge...

Aisa kya
okay thanks for your advice bro

 

[Shadow_Chaser]

•°UPDATE 2•°​

Recap -

" Bhains ki tang, kya manu relationship mein hai ?" Rupam ne Manav ke ajib vyavhaar ko dekhkar puchha.

" Woh ? Ek to Wo mere jaisa dashing nahin hai, dusra wo iss Sameer jitna fit bhi nahin hai, upar se wo tere jaisa handsome bhi nahin hai... kya tereko lagta hai ki uska apne aage koi chance hai ? Khair chal... fir bhi... agar uski in 3 saalon me ek bhi gf ban gayi , to me tereko Rs. 1,000 dunga ! " Adarsh ne bade confidence se kaha.



AB AAGE :-

Jahan Adarsh aur baki ke roommates apni apni prediction de rahe the.... ki kaise agle 3 saalon me koi bhi ladki Manav ki gf banna to door.. usko dekhegi bhi nahi ; wahin Manav apni alag dhun me gum, campus chhod chuka tha. Usne ek taxi ko hath dekar roka aur nikal pada apne raste ki or jo tha - " Blk Super Speciality Hospital "- yeh hospital apne best Dermatology/twacha(skin)vigyaan department ke liye mashhoor tha.

Wahan, Manav bahut se complex administrative procedures aur thaka dene wale checkups se gujara. Jiske baad, tamam reports ke ek dher ko padhkar , Dermatologist expert ne Manav ko bataaya ki uske hath par hari dhaariyaan ek tarah ki dye ke karan bani ho sakti thi , mano jaise kuch low quality wali bedsheets ne apna colour chhod diya ho.

Reports ke mutabik, uski body normal thi... Body me cell mutation nahi hua tha.

**(kayi genetic bimariya cell mutation ke karan hoti hai, jissse body me abnormalities aa jati hai. )**

Sare tests ke results - no abnormalities in the body - bata rahe the. Iske alava, Hara rang fungi infection bhi nahi tha. Rahi baat scale pattern ki, to wo bas accidental hi tha - yani hara rang matra ek regular pattern me faila tha. Aur sab se jaruri baat, ye hara nishan yakeenan sankramak/contagious nahi tha.
Akhir me expert ne yahi kaha ki ye jyada seafood khane se hui allergic reaction hi hogi.

( apna corona to behad sankramak tha )

Halanki ye explanation Manav ko santusht nahi kar saka, par phir bhi iss explanation ne uski tention kaafi kam kar di.... Ab woh pehle ke mukable thoda nischit tha.

Reports milte hi, Manav hospital se apne Campus laut aaya. Laut ne ke baad Usne hare nishan ko saaf karne ka socha.

Manav ne apne hath ko saabun - scrub se jor-jor se ragadna shuru kiya, usne observe kara ki ab rang waqai kuch halka sa lag raha tha...

Aaj ka din yunhi.. bina kisi baat ke dar aur thakan me nikal dene ke baad, Manu ne apni bedsheet ko ek saaf nayi bedsheet se badal diya aur so gaya.

Saturday ki dophar ka suraj pardon se nikalta hua manav ke upar chad chuka tha.

" MANAV! MANAV! "

usi samay hostel ke iss kamre ka darwaja jor jor se khatkhataya jata hai.

" Mc ! kaun hai ! ? " Manav se nichli berth ke malik Adarsh ne ek takiya uthaya aur use darwaje par de mara.

" Manav bahar aaa... , koi sundar si ladki tera wait kar rahi hai ! " darwaje ke dusri taraf se Ritik ki awaaj ayi, jo isi hostel ke room no. 301 mein rahta tha, theek unke room ke saamne.

" Uhm..mm.. Su..n..da..rr lad..ki..? SundarRR ladkiiiii !! ? "
Confused aur sleepy, Sameer ekdum se apne sapne se jaaga aur turant uth ke baith gaya. Jab se University ki sabse popular ladki ne Sameer ko reject kiya tha, tab se usme relationship me aane ki himmat nahi bachi thi. Halanki, wo , ladkiyon ko taadne ke apne passion ko barkarar rakhne me kamayab raha hai..

" MANAV, uth jaa bhaii ! Rupam ne mujhe tujhe lene ke liye bheja hai. Wo sundar chutki si ladki, jo tera wait kar rahi hai, uski wajah se Banyan Tree Cafeteria ke entrance par pehle se hi bheed jama ho gayi hai !

Uth jaa ab.. ... Uth sale ! audience tera wait kar rahi hai! "
Ritik ka darwaje ke dusri taraf se chillana chalu raha..

" ..kya.. Bak raha hai tu ? " apne halke dard bhare pet ko dheere se sehlate hue, Manav ne kuch socha....
jaise hi usne apna haath uthaya, spiral hare nishaan ki jhalak dikhai dene lagi.. Nishaan phika nahin pada tha, par aur jyada faila bhi nahin tha... Ye dekh usne thodi raahat mehsoos hui.

Khat! , KhatKhat!!, Khat! Darwaja khatkhatana chalu hi raha.

" Aa raha hoon! AA RAHA HOON !" Manav bistar se kood gaya aur darwaje ki aur badh gaya.

Is time tak, Adharsh, jo lower berth par tha, shor sharabe se so nahin saka.. aur junjhlate hue wo bhi apne bistar se uth khada hua.
Aur Dusri taraf , " Sundar ladki " shabd sunte hi, Sameer excited ho pehle se hi taiyar hona shuru kar diya tha.

" Bahut sare logon ne Banyan Tree Cafeteria ke entrance ko gher liya hai. Rupam aur me to breakfast ke liye ja rahe the ki humne suna koi kaand ho gaya hai. Jab hum dekhne ke liye wahan gaye to paaya ki wahan ek sundar ladki thi jo kisi ka intzaar kar rahi thi. "
Yeh dekhkar ki Manav ne akhirkaar darwaja khol diya hai, Ritik ne ek saans me sab bak diya.

" Abeee yaaarrr!!!!, iska matlab ye nahin hai ki wo mera wait kar rahi hai, hai na?
Is tarah ke maje Sameer ke liye hi thik hai... Mujhe koi interest nahi hai." Manav ne Ritik se kheejte/annoyed hue kaha aur wapas mud gaya.

Kal uska pet bahut kharab tha upar se aadhi raat tak use neend nahi aayi. Ab, is faltu ke hangame se jaagkar wo aur jyada chid gaya tha.

" Teri to...! Mujhe baat to khatm karne de!! " Ritik ne Manav ko pakad liya.
" Us pretty si ladki ke haathon mein tera sketch tha! Aur usne kaha hai ki jo koi bhi tujhe uske paas layega use Rs 1500 ka inaam diya jaega! "

" Mera...? " Manav kisi soch me kho gaya. Jald hi wo soch se bahar aaya aur Ritik ko ghoorte hue pucha, " To tu yahan Rs 1500 ke liye hai, hai na?"

" Heehee..." Ritik ki muskaan kuch jyada hi khili hui thi.

Is samay tak, unke hostel ke bahar jordaar Shor gul hone laga tha. Manav balcony me gaya aur dekhta hai ki uski pehchan wale male students ka ek bada sa group daudta hua hostel ki taraf aa raha hai. Woh sure tha ki sabhi inaam ke liye uske pass aa rahe the. Isliye, usne jaldi se kapde change kare, joote dale aur Ritik ke peeche peeche daudta hua niche chala gaya.

Hostel captain ke roop mein, Adarsh bhi iss unexpected kaand ko lekar chintit tha. Isliye, usne apni neend kharab kar, kapde badle, aur Manav ke sath ho liya.. jahan kahin bhi manav ja raha tha.

Adarsh, Manav ke sabse kareeb tha. Bhale hi woh aam taur par gaali-galauch karta tha aur Manav ko pareshaan karna bahut pasand karta tha, lekin phir bhi, ye Adarsh hi tha jo Manav ki sabse jyada parvaah karta tha.

Rahi baat Sameer ki , to woh sundar sundar ladakiyon se milane ka chance bilkul nahi chhod sakta tha.

Unki southern hostel building campus ke outside area me thi. Jaise hi charon southern entrance se main campus area me aaye, unhone apne raste me chote ya bade kayi bulletin/notice boards dekhe, - vo sabhi wanted posters se bhare hue the jin par Manav ki sketch thi. Posters ke niche, bade bade font mein likha tha, " Iss person ko mere paas lane ke liye Rs 1500 ka reward - Apna reward claim karne ke liye Banyan Tree Cafeteria ke entrance par aao. "

Agar University ke sabhi bulletin boards ko dekhe to , iss hisaab se kam se kam total 700-800 posters to honge hi. Yah national level ke wanted hone se kam nahin tha!!

" Kamine tune us ladki ke saath aisa kya kiya ki vo tujhe ek wanted man banane ke liye apne campus chali aayi ?" Excited Sameer ne Manav se se poocha.

" Mujhe kaise pata hoga ?? main to yeh bhi nahi jaanta ki woh kaun hai! " Manav ne Hadbadahat me javaab diya.

Badi hi bheed bhad se dhake/covered cafeteria ki aur, naa chahte hue bhi Manav badh gaya. Situation hi aisi thi.. Manav ke pass koi aur option hi nahi bacha tha.

" Wo raHA!.. UdhaR! Wo aa raha hai! " Wanted person ko apne samne paakar, kuch students ne taunting shuru kar di.

Natija?, pahle se hi khacha khach bhari bheed Manav ko raasta dene ke liye do bhaago me split ho gayi.

kuch 100 logon ki nigahon ke beech, Mavan awkwardly cafeteria ke entrance ki or badh chala.. Aur wahan wo dekhta hai...
Kal wali sundar ladki!!

Usne ek white shirt aur washed-out jeans pehen rakhi thi. Yeh ek bahut hi normal dress thi... phir bhi, us par kafi jach rahi thi.
Uske baalon ki lataye hawa me lehraha rahi thi... halanki, lahrahate baalon ke beech gusse wala chehra tha.

"Ohhh... Huuuuuu...!! "

Bheed ne hooting shuru kar di.

" ... Kya ladki hai.....," Adarsh, jo kayi girlfriends hone ka dawa karta tha, Manav ke kaan me khusphusaya.

" Tu itni khoobsurat ladki se kab mila ? Chal ek intro ho jaye ! " Sameer ne Manav ko ankh marte/ wink hue jor se kaha. Usko iss nayi sundar baala se baat karne ki badi khujli ho rahi thi.

Ye dekh kar ki finally Manav aa gaya hai, ladki tamtama gayi.

Awkwardness ko pare rakh, Manav seedhiyaan chada aur bheed ki ghoorti najron ke beech usne pucha, " Maine suna.. ki tum mujhe dhundh rahi thi.... ? "

" Kya kal tumne meri koi cheej li thi ! ? " Manav ki ankhon mein ghoorte hui, uss pretty little girl ne kadak awaaj me pucha.

" Kya! ? kya cheej..! ? " Manav ke liye ye sab unexpected tha. Wo confused hone ke sath hi surprised bhi tha.

Unko baatcheet shuru karta dekh, Ritik jaldi se upar aya aur unko beech me hi rok diya...
" To meraa... " Usne hath malte hue kaha.

Ladki ne uski or dekha aur apne handbag se ₹ 1500 nikaale aur Ritik ko thama diye.

Ye dekh bheed me kayi students chauk uthe. Unhe ye vishwas nahi tha ki yah chhoti ladki sach me reward de degi. Chaunkne ke alawa, unhe iss chance ko gawane dene ka afsos bhi hua.

Paise lekar Ritik to santushti poorvak bheed se bahar nikal gaya. Uska ab is jhamele me rukne ka koi irada nahi tha.. Sath hi, use ye dar bhi tha, ki wo ladki kahi rupee wapas na maang le.

" Ye ladki.... kitni rich aur baat ki pakki hai ...! Jahir he ye kitni arrogant hai! " Manav ne apne man me socha.

" Tum! kya tumne kal meri koi cheej li thi!? " Ladki ne apna sawal dohraya.

" Konsi! kya cheej..! ? " Manav ne use ghurte hue pucha. Wo jaanta tha ki ladki ki iss hungame se ab wo university me infamously " Famous " Ho jayega.

" Ek moti/bead! , ek neela moti! " Ladki boli.

" Maine nahi dekha.. Tumne shayad kahin aur gira diya hoga," Manav ne bina kuch soche samajhe uttar diya.

Edhar apni Audience unki iss baatcheet se bahut nirash hui. Unhone to socha tha iss ladki ko kisi tarah se chheda gaya hoga aur ab wo badla lene ke liye ayi thi. Lekin ladki ka bas kisi khoyi cheej ke liye aana audience ko majedaar nahi laga.

" Wo bead moti, soft aur bouncy hai." Ladki aage boli, " Mai tumhe 2 minute aur deti hu, aur ache se socho."

" Kya ham... kahin aur baat kar sakte hain ?" apne aas-paas ki chaukas nigahon ko dekhte hue, Manav ne request ki. Bina matlab fas jo gaya tha bechara.

" Tune usse jo kuch bhi liya hai, jaldi use wapas de de ! Neech! Ladki se chori karta hai " Bawaal machate hue , kuch male students ne Manav par chillaana shuru kar diya.

" Shut up ! Tum logon ko interfere karne ki koi jarurat nahi !" Ladki unki baaton ko kaat te hue kaha.

Unn Male students ko ye pasand nahi aya. Khair unhen ab iss pachde me aur padna theek nahin laga.

" Haan to.. Tamasha khatm ho gaya hai, Guys! Chalo niklo ab !" Adarsh ne basad ko dekhte hue kamaan sambhaali. Sameer, Rupam aur kuch dusre doston ki help se usne bheed ko titar-bitar karna shuru kar diya.

Aas pass ab kya ho raha hai ispar dhyaan na dete hue wo ladki Manav par hi focused rahi. " Dekho wo cheez mere liye bahut jyada important hai, so i hope ki tum mujhe wo wapas kar do."

" Lekin.. mujhe really nahi pata ki tum konsi cheej, konse moti ke baare me baat ka..... " isse pahle ki wo khatm kar pata, ladki ne apna hath badhaaya aur Manav ke muh par rakh diya.

" Hmm... Mai ise yahan mahsoos kar sakti hun, thik tumhare pass.." jaise hi usne ye kaha, usne apni bhaunhe /eyebrows sikod li aur aisa lag raha tha jaise wo kuch bade dhyaan se sun rahi ho.

Achanak se, uska haath ab Manav ke pet par pahunch gaya.

Aur jaise hi Manav ne apne pet ko uske hath se door le jane ki koshish ki, uss cute little girl ne turant Manav ki kalai/wrist ko pakad liya aur aasteen upar kar di - jisse
hare rang ka Dragon jaisa tattoo ujaagar ho gaya!


Kaisa raha ye update?
Milte hai update 3 ke saath...
To be continued.....

 

[Shadow_Chaser]

Owsm update tha Bhai...sare doubt to tumne hi likh hi diye ...khair hamara sawal ye hai ki jab ladaki ka sar(head) manav ke chin se takaraya tha , to phir kab kiss ho gaya aur Candy munh ke anadar chali gayi....aur achank mausam ka sahi ho Jana....aur ladaki ka upar aasaman se aana , Sala kahi pari wari to na pata raha hai na ... khair dekhate hai agale update me kitne bato ka khulasa hoga.... Nice update ...
Waiting for the next update

Congratulations for new thread bro

Update 2 has been updated

 

[Shadow_Chaser]

•°UPDATE 3•°​

Recap -

" Hmm... Mai ise yahan mahsoos kar sakti hun, thik tumhare pass.." jaise hi usne ye kaha, usne apni bhaunhe sikod li aur aisa lag raha tha jaise wo kuch bade dhyaan se sun rahi ho.

Achanak se, uska haath ab Manav ke pet par pahunch gaya.

Aur jaise hi Manav ne apne pet ko uske hath se door le jane ki koshish ki, uss cute little girl ne turant Manav ki kalai/wrist ko pakad liya aur aasteen upar kar di - jisse
hare rang ka Dragon jaisa tattoo ujaagar ho gaya!



AB AAGE :-


Apne ajeeb se tattoo ko chhipane ke liye, Manav ne turant apna haath peeche kheech liya.

Tabhi ! uss sundar chhoti ladki ne phir se apna haath badaya aur Manav ke pet par rakh diya.. Jaise ki woh kuch mahsoos karne ki koshish kar rahi ho.

" Tum.... Ye Kya kar rahi ho...? Tumhari uss chij ke liye kya mere pet ko chhuna jaruri hai..? Manav ne uska haath chhudaya, wo ab uncomfortable /asahaj lag raha tha.

Iss samay tak, bheed abhi poori tarah se nahin chhati thi. Kayi, abhi bhi kuch aur hone ka intjaar kar rahe the. Iss age/umar ki chhoti ladki ko university me kisi ko aise dundhna.... Ye logo ko har tarah ki cheejon ke baare me sochne par majboor kar raha tha.

" Tum dono!! , tumhari jo bhi problem hai.. use kahin aur solve karo." chunki wo bheed ko poori tarah se nahi hata paaya, Adarsh, Manav ko bahar nikalne mein help karne ke liye dusre tarike try kar raha tha.

" Chhutki tum...! , tereko ab Manav mil gaya hai na! Mere ko lagta hai ki tum dono ke beech koi misunderstanding hui he. Waise ye hai Manav Shisht , tumhara naam kya hai ? "

" Sabse pehle to, mujhe chhutki mat kaho!! Humph, aur ye ek shisht manav hai ?? mujhe to ye ashisht manav jyada dikhta hai! "
Manav ki or dekhte hue, uss ladki ne farmaan jari kara,
" Jab tak tum mujhe meri cheej wapas nahi kar de dete, tab tak tum kahin nahi jaa sakte! "

**( Shisht Manav - Sabhya Insaan/Good person
Ashisht Manav - Ashabya Insaan/ Bad person) **

" Acha theek hai!! theek hai..! Lekin chalo! hum kahin aur baat karte hai.....!" Manav ne ladki ki kalai pakdi aur academic building ki aur badh chala.

Kyuki excitement aur masala dono hi kam ho gayi the, kisi ne bhi unke pichhe jaane ki takleef nahi ki. Thodi der tez kadam taal ke baad, Manav ne ladki ki naajuk kalai ko chhod diya aur kaha, " Kya ho tum!!!, tumhe itna bada bawal machane ki kya jarurat thi?? I swear..., maine sach me tumhara kuch nahi liya."

" Tum kise bewakoof banane ki koshish kar rahe ho? Jara apni wrist par bane pattern ko explain kar sakte ho! ??" Uski najar Manav par tiki hui thi. Aur Uske haav bhaav Manav ko chhod dene ke to bilkul nahi lag rahe the.

" Ye.. Shayad se so - called generation gap..ka asar ho sakta hai..." Apne se takareeban 4 ya 5 saal chhoti, jiddi ladki ko dekhkar, Manav ko mehsoos hua ki wo iss ladki se paar nahi paa sakega.

" Dekho... pahli baat! maine tumhara kuch nahi liya. Doosra, maine kal tumhari jaan bachayi - aabhari/grateful hone ki bajay ulta tumne mujhpar punch/ mukka jad diya. Aur sabse badi baat, tumne poore campus me mujhe lekar hahakaar macha diya ..., batao iske baad mai kaise yaha normally reh sakunga?" Manav ne apne points rakhe.

"Mujhe bas meri wo cheez vaapas kar do aur fir sab kuch normal ho jaega," usne Manav ko ghoorna jaari rakha aur apni jidd par adi rahi.

Uski lagataar same demand ne Manav ko pagal karke rakh diya tha.

"Thik hai ... Ab jo bhi hoga dekha jayega. . main kuch khaane ja raha hun." ladki ko wahi chhod, Manav muda aur Rose cafe ki aur badh gaya. Ye Rose cafe academic area ke sabse najdik tha.

Baharhaal, apni pretty si, cute si "chhutki" Nahi maani aur chal di Manav ke piche piche..haalanki uske facial expression Manav ko khaa jane wale hi the.

Cafe me dakhil hone ke baad, Manav chal diya food counter ki or.. Par!
Par... Wo ladki kiski joonk / leech ki tarah apne Manav ka picha nahi chhod rahi thi.

Yahan tak ki jab Manav ne ordar karne ke liye apna Prepaid Cafe card nikala, to uski teekhi najren Manav se hi chipki hui thi.

"Yarrr.... kya karu me tumhara!! ? " Manav ne aah bhari, aur dubara apna Prepaid Cafe card nikala,
" Mam, one more order of Nachos Grande, please. "
Bechara wo aur kar bhi kya sakta tha.

Aur fir, jab wo apni food tray ko table tak le gaya, ladki bhi apni tray lekar uske piche piche aa gyi.

Jaise hi woh baitha, ladki theek uske saamne baith gayi.

( Manav ki naak me dum kar ke rakha hai " Sundar ladki" ne )

Wo ab uske har move ko copy karne lagi. Jab wo khayega to wo khayegi. Jab wo khana band kar dega to wo bhi kar degi.

" Dadi amma.. Tumhe dadi amma kehna hi sahi rahega, hai na ? Tumm.. samjhti kyu nahi...! Mere pass tumhari koi si bhi cheej nahi haiii!!!." Manav safai dene aur uss ladki ko frown look dene ke alawa kuch nahi kar sakta tha.
Ek jaan bachane ke chakkar me itni badi aafat gale pad jayegi..., Nishchit taur par Manav ye expect nahi kiya tha.

" Tumhara tatto to kuch aur hi keh raha hai. Jo cheej tumne li hai uska ye sabse solid proof hai. " Ek second ke liye bhi, apni ankhein Manav se naa hatate hue, weh ladki apni baat par kayam rahi.

"...Aur tumhe aisa kyon lagta hai..? " Manav ne poocha.

" Mai..., mai iska reason tumhe nahi bata sakti... Aur vaise bhi, mai jaanti hu ki mera moti/bead tumhare pass hi hai. Konsi pocket me chhipaya hai tumne?? Waise usse tumhare pet ke aas pass hona chahiye, right?
Humph! Tumhare liye yahi thik rahega ki tum khud se bata to nahi to me khud check karungi. " Usne jor dekar kaha.

" Mujhe check karegi ... ? itni chhoti ladki kitni badi badi baatein karti hai ?" Manav ne uspar ek nazar daali aur apna khana jaari rakha.

Jitni speed se wo khaa rahi thi, aisa lag raha tha ki jaise wo Manav ke intzaar me subah se bhookhi rahi ho.

Mauka acha tha to, Manav ne apna sar uthaya aur chupchaap usse dhyaan se dekha. Unse observe kara ki jo white shirt usne pehni thi wo koi mamuli si shirt nahi thi. Bhale hi shirt se ek middle - schooler wali jhalak mil rahi thi, lekin, yeh ek retro style ki shirt thi. Sundar butterfly wali collar ke sath wo shirt uss khoobsurat ladki ki khoobsurati ko aur badha rahi thi.

Saath hi, shirt ke nichle hisse ko uski jeans mein saleeke se dala/tuck gaya tha, jisse uski patli kamar ki rooprekha saaf najar aa rahi thi. Aur uske idyllic style ke floral pattern wale wooden sandals.... Kya kehne!
Manav ko yakeen ho chala tha ki yeh ladki, jaroor ek extraordinary background se belong karti hai.

**( idyllic style ya Cottagecore style ek fashion style hai jisme rural life represent hoti hai, dusre shabdon me, nature ke kareeb karne wala fashion style) **

Khaas taur par , kisi aise person ke liye jo ek middle - schooler ki age ka tha, uska, ₹ 1500 ko yunhi carefree kharch kar dena...., jahir hai, koi samanya/ordinary middle - schooler aisa kaarnama kabhi na karta.

**(₹1500 , 2005-2013 me theek thak amount thi) **

Isi time me, ladki ne achanak, apna sar uthaya liya. Usko laga ki... Manav usse taad raha tha. Ye dekh fauran Manav ne apna sar neeche kar liya wo koi aur lafda nahi chahta tha.

Kehna nhi hoga ki, campus me iss cute si chhoti ladki ki maujoodgi , university ke kayi students ka dhyaan bhi apni or aakarshit kar rahi thi..

" Ayy... ye log kuch ulta seedha nahi soch rahe honge.... , unhen bas yahi lag raha hoga ki yeh meri chhoti behan hai...hmmm..." Manav ne khud ko aashvast kiya.

Manav ne ladki se kaha, " Behtar rahega ki tum ye khane ke baad yaha se chali jao. Kyuki tum yahan tak akele ... khud se hi aayi ho, to tumhare parents bhi chinta kar rahe honge... "

" Agar tum jo mera hai, use mujhe wapas kar dete ho to me asaani se apne ghar jaa paungi. Me tume warning de rahi hoon..., agar mere parents ko pata chal gaya ki maine kya khoya hai aur usse dhundne ke liye tumhare paas aayi hu, to tum badi musibat me fas jaoge. " Manav par apni aankhein tikate hue, usane pehli baar!!, bade hi shaant aur madhur tarike se ye baat kahi thi.

Baharhaal, uske ek ek alfaaz saaf taur par bade khatre ki or ishara kar rahe the.

Is baar, uski baat ne Manav ko lagabhag dara hi diya. Haalanki, Manav ko pata nahin tha ki woh kis baare mein ,konse khatre ko lekar kya baat kar rahi hai.
"Is age ke bachche, bhale hi chhote-chhote matters kyu na, ve hamesha apne parents ko shamil kar lete hai, taaki ve unhe aage kar khud unke pichhe chhip saken. Hmmm... Jaisa ki ye bata rahi hai, agar isme iske maata-pita shamil ho gaye to yeh waqai mere liye ek badi aur pechida musibat ho jayegi. " Uske dimag me iss tarah ke vichar daud bhaag kar rahe the.

Phir bhi , Manav ko abhi bhi yahi lagta tha ki usne uss ladki ka kuch nahi liya hai. Kal iss ladki se takrane ke baad, Woh to bas cards ke 2 deck lekar lauta tha.

Jahan tak us moti/bead ka sawal hai, jisko lekar isne itni basad macha rakhi hai, us time to Manav ne maatr bina pocket ke kapde aur ek jodi chappal pahan rakhe the. To vah apne saath kuch kaise la sakta tha? Isne jaroor kahin aur gira diya hoga.

Aur rahi baat uski skin par bane hare pattern ki, to doctor ke anusaar kuch samay pahle jyada seafood khane ki wajah se hi ye allergic reaction hui thi.

Haalanki, ladki ke jiddi bartaav ko dekhte hue..., use dar tha ki ,
agar uski family ko bhi yakeen ho gaya ki usine moti/bead liya hai.. To uske paas khud ko saabit karne ka koi tarika nahin rah jaega. Yeh sochkar, Manav ko mahsoos hua ki kisi ko bachane ki koshish mein wo khud musibat me pad gaya tha. Uski haalat- aa bail mujhe maar - jaisi ho gayi thi. Ab use halka sirdard hona shuru ho gaya tha.

" Tum mera pichha chhod do please.... Maine bataya na ki maine tumse kuch nahin liya!, matlab kuchh nahii liyaA...! Ab bhale hi tum apne parents ko apne saath le aao, lekin phir bhi mai yahi baat kahunga!!," Apni baat rakh, Manav tray ko le khada hua.

Iske baad, usne tray return ki aur cafe se bahar nikal gaya. Aur.......
Jab usne piche mudkar dekha, to paaya ki ladki abhi bhi uska peechha kar rahi thi.

Aakhirkaar, Manav ne us par dhyaan nahi dene ka faisla kiya aur apni student ID nikalte hue library building ki or badh chala.

Beeeep! ... Card reader se verification milte hi darwaja khul gaya tha.

Woh uske peeche peeche andar bhi aana chah rahi thi.. Lekin gate jaldi hi band ho gaya tha aur usko dubara khol ne ke liye ladki ke pass ID nahi thi!

Dusri taraf khade Manav ne use ek chhoti si wave di aur bina kisi hesitation ke andar chala gaya. Use bahut rahat mili...ke aakhirkaar usne , "musibat" Se chhutkara pa liya tha.

"Dekhna.. Tum khud mere paas aaoge! " Bahar khadi ladki ne bade confidence se kaha!



I hope ki ye update aapko acha laga ho...
Waise Ye ladki thi ya aafat? Agar koi ladki apko aise pareshaan kare to apki kya reaction hogi?
Girl ki full form bhi hai ek -G.I.R.L = Ghost In Real Life
Chaliye milte hai next update me...
To be continued.....

 

[Shadow_Chaser]

New update has been posted

 

[11 ster fan]

•°UPDATE 3•°​

Recap -

" Hmm... Mai ise yahan mahsoos kar sakti hun, thik tumhare pass.." jaise hi usne ye kaha, usne apni bhaunhe sikod li aur aisa lag raha tha jaise wo kuch bade dhyaan se sun rahi ho.

Achanak se, uska haath ab Manav ke pet par pahunch gaya.

Aur jaise hi Manav ne apne pet ko uske hath se door le jane ki koshish ki, uss cute little girl ne turant Manav ki kalai/wrist ko pakad liya aur aasteen upar kar di - jisse
hare rang ka Dragon jaisa tattoo ujaagar ho gaya!



AB AAGE :-


Apne ajeeb se tattoo ko chhipane ke liye, Manav ne turant apna haath peeche kheech liya.

Tabhi ! uss sundar chhoti ladki ne phir se apna haath badaya aur Manav ke pet par rakh diya.. Jaise ki woh kuch mahsoos karne ki koshish kar rahi ho.

" Tum.... Ye Kya kar rahi ho...? Tumhari uss chij ke liye kya mere pet ko chhuna jaruri hai..? Manav ne uska haath chhudaya, wo ab uncomfortable /asahaj lag raha tha.

Iss samay tak, bheed abhi poori tarah se nahin chhati thi. Kayi, abhi bhi kuch aur hone ka intjaar kar rahe the. Iss age/umar ki chhoti ladki ko university me kisi ko aise dundhna.... Ye logo ko har tarah ki cheejon ke baare me sochne par majboor kar raha tha.

" Tum dono!! , tumhari jo bhi problem hai.. use kahin aur solve karo." chunki wo bheed ko poori tarah se nahi hata paaya, Adarsh, Manav ko bahar nikalne mein help karne ke liye dusre tarike try kar raha tha.

" Chhutki tum...! , tereko ab Manav mil gaya hai na! Mere ko lagta hai ki tum dono ke beech koi misunderstanding hui he. Waise ye hai Manav Shisht , tumhara naam kya hai ? "

" Sabse pehle to, mujhe chhutki mat kaho!! Humph, aur ye ek shisht manav hai ?? mujhe to ye ashisht manav jyada dikhta hai! "
Manav ki or dekhte hue, uss ladki ne farmaan jari kara,
" Jab tak tum mujhe meri cheej wapas nahi kar de dete, tab tak tum kahin nahi jaa sakte! "

**( Shisht Manav - Sabhya Insaan/Good person
Ashisht Manav - Ashabya Insaan/ Bad person) **

" Acha theek hai!! theek hai..! Lekin chalo! hum kahin aur baat karte hai.....!" Manav ne ladki ki kalai pakdi aur academic building ki aur badh chala.

Kyuki excitement aur masala dono hi kam ho gayi the, kisi ne bhi unke pichhe jaane ki takleef nahi ki. Thodi der tez kadam taal ke baad, Manav ne ladki ki naajuk kalai ko chhod diya aur kaha, " Kya ho tum!!!, tumhe itna bada bawal machane ki kya jarurat thi?? I swear..., maine sach me tumhara kuch nahi liya."

" Tum kise bewakoof banane ki koshish kar rahe ho? Jara apni wrist par bane pattern ko explain kar sakte ho! ??" Uski najar Manav par tiki hui thi. Aur Uske haav bhaav Manav ko chhod dene ke to bilkul nahi lag rahe the.

" Ye.. Shayad se so - called generation gap..ka asar ho sakta hai..." Apne se takareeban 4 ya 5 saal chhoti, jiddi ladki ko dekhkar, Manav ko mehsoos hua ki wo iss ladki se paar nahi paa sakega.

" Dekho... pahli baat! maine tumhara kuch nahi liya. Doosra, maine kal tumhari jaan bachayi - aabhari/grateful hone ki bajay ulta tumne mujhpar punch/ mukka jad diya. Aur sabse badi baat, tumne poore campus me mujhe lekar hahakaar macha diya ..., batao iske baad mai kaise yaha normally reh sakunga?" Manav ne apne points rakhe.

"Mujhe bas meri wo cheez vaapas kar do aur fir sab kuch normal ho jaega," usne Manav ko ghoorna jaari rakha aur apni jidd par adi rahi.

Uski lagataar same demand ne Manav ko pagal karke rakh diya tha.

"Thik hai ... Ab jo bhi hoga dekha jayega. . main kuch khaane ja raha hun." ladki ko wahi chhod, Manav muda aur Rose cafe ki aur badh gaya. Ye Rose cafe academic area ke sabse najdik tha.

Baharhaal, apni pretty si, cute si "chhutki" Nahi maani aur chal di Manav ke piche piche..haalanki uske facial expression Manav ko khaa jane wale hi the.

Cafe me dakhil hone ke baad, Manav chal diya food counter ki or.. Par!
Par... Wo ladki kiski joonk / leech ki tarah apne Manav ka picha nahi chhod rahi thi.

Yahan tak ki jab Manav ne ordar karne ke liye apna Prepaid Cafe card nikala, to uski teekhi najren Manav se hi chipki hui thi.

"Yarrr.... kya karu me tumhara!! ? " Manav ne aah bhari, aur dubara apna Prepaid Cafe card nikala,
" Mam, one more order of Nachos Grande, please. "
Bechara wo aur kar bhi kya sakta tha.

Aur fir, jab wo apni food tray ko table tak le gaya, ladki bhi apni tray lekar uske piche piche aa gyi.

Jaise hi woh baitha, ladki theek uske saamne baith gayi.

( Manav ki naak me dum kar ke rakha hai " Sundar ladki" ne )

Wo ab uske har move ko copy karne lagi. Jab wo khayega to wo khayegi. Jab wo khana band kar dega to wo bhi kar degi.

" Dadi amma.. Tumhe dadi amma kehna hi sahi rahega, hai na ? Tumm.. samjhti kyu nahi...! Mere pass tumhari koi si bhi cheej nahi haiii!!!." Manav safai dene aur uss ladki ko frown look dene ke alawa kuch nahi kar sakta tha.
Ek jaan bachane ke chakkar me itni badi aafat gale pad jayegi..., Nishchit taur par Manav ye expect nahi kiya tha.

" Tumhara tatto to kuch aur hi keh raha hai. Jo cheej tumne li hai uska ye sabse solid proof hai. " Ek second ke liye bhi, apni ankhein Manav se naa hatate hue, weh ladki apni baat par kayam rahi.

"...Aur tumhe aisa kyon lagta hai..? " Manav ne poocha.

" Mai..., mai iska reason tumhe nahi bata sakti... Aur vaise bhi, mai jaanti hu ki mera moti/bead tumhare pass hi hai. Konsi pocket me chhipaya hai tumne?? Waise usse tumhare pet ke aas pass hona chahiye, right?
Humph! Tumhare liye yahi thik rahega ki tum khud se bata to nahi to me khud check karungi. " Usne jor dekar kaha.

" Mujhe check karegi ... ? itni chhoti ladki kitni badi badi baatein karti hai ?" Manav ne uspar ek nazar daali aur apna khana jaari rakha.

Jitni speed se wo khaa rahi thi, aisa lag raha tha ki jaise wo Manav ke intzaar me subah se bhookhi rahi ho.

Mauka acha tha to, Manav ne apna sar uthaya aur chupchaap usse dhyaan se dekha. Unse observe kara ki jo white shirt usne pehni thi wo koi mamuli si shirt nahi thi. Bhale hi shirt se ek middle - schooler wali jhalak mil rahi thi, lekin, yeh ek retro style ki shirt thi. Sundar butterfly wali collar ke sath wo shirt uss khoobsurat ladki ki khoobsurati ko aur badha rahi thi.

Saath hi, shirt ke nichle hisse ko uski jeans mein saleeke se dala/tuck gaya tha, jisse uski patli kamar ki rooprekha saaf najar aa rahi thi. Aur uske idyllic style ke floral pattern wale wooden sandals.... Kya kehne!
Manav ko yakeen ho chala tha ki yeh ladki, jaroor ek extraordinary background se belong karti hai.

**( idyllic style ya Cottagecore style ek fashion style hai jisme rural life represent hoti hai, dusre shabdon me, nature ke kareeb karne wala fashion style) **

Khaas taur par , kisi aise person ke liye jo ek middle - schooler ki age ka tha, uska, ₹ 1500 ko yunhi carefree kharch kar dena...., jahir hai, koi samanya/ordinary middle - schooler aisa kaarnama kabhi na karta.

**(₹1500 , 2005-2013 me theek thak amount thi) **

Isi time me, ladki ne achanak, apna sar uthaya liya. Usko laga ki... Manav usse taad raha tha. Ye dekh fauran Manav ne apna sar neeche kar liya wo koi aur lafda nahi chahta tha.

Kehna nhi hoga ki, campus me iss cute si chhoti ladki ki maujoodgi , university ke kayi students ka dhyaan bhi apni or aakarshit kar rahi thi..

" Ayy... ye log kuch ulta seedha nahi soch rahe honge.... , unhen bas yahi lag raha hoga ki yeh meri chhoti behan hai...hmmm..." Manav ne khud ko aashvast kiya.

Manav ne ladki se kaha, " Behtar rahega ki tum ye khane ke baad yaha se chali jao. Kyuki tum yahan tak akele ... khud se hi aayi ho, to tumhare parents bhi chinta kar rahe honge... "

" Agar tum jo mera hai, use mujhe wapas kar dete ho to me asaani se apne ghar jaa paungi. Me tume warning de rahi hoon..., agar mere parents ko pata chal gaya ki maine kya khoya hai aur usse dhundne ke liye tumhare paas aayi hu, to tum badi musibat me fas jaoge. " Manav par apni aankhein tikate hue, usane pehli baar!!, bade hi shaant aur madhur tarike se ye baat kahi thi.

Baharhaal, uske ek ek alfaaz saaf taur par bade khatre ki or ishara kar rahe the.

Is baar, uski baat ne Manav ko lagabhag dara hi diya. Haalanki, Manav ko pata nahin tha ki woh kis baare mein ,konse khatre ko lekar kya baat kar rahi hai.
"Is age ke bachche, bhale hi chhote-chhote matters kyu na, ve hamesha apne parents ko shamil kar lete hai, taaki ve unhe aage kar khud unke pichhe chhip saken. Hmmm... Jaisa ki ye bata rahi hai, agar isme iske maata-pita shamil ho gaye to yeh waqai mere liye ek badi aur pechida musibat ho jayegi. " Uske dimag me iss tarah ke vichar daud bhaag kar rahe the.

Phir bhi , Manav ko abhi bhi yahi lagta tha ki usne uss ladki ka kuch nahi liya hai. Kal iss ladki se takrane ke baad, Woh to bas cards ke 2 deck lekar lauta tha.

Jahan tak us moti/bead ka sawal hai, jisko lekar isne itni basad macha rakhi hai, us time to Manav ne maatr bina pocket ke kapde aur ek jodi chappal pahan rakhe the. To vah apne saath kuch kaise la sakta tha? Isne jaroor kahin aur gira diya hoga.

Aur rahi baat uski skin par bane hare pattern ki, to doctor ke anusaar kuch samay pahle jyada seafood khane ki wajah se hi ye allergic reaction hui thi.

Haalanki, ladki ke jiddi bartaav ko dekhte hue..., use dar tha ki ,
agar uski family ko bhi yakeen ho gaya ki usine moti/bead liya hai.. To uske paas khud ko saabit karne ka koi tarika nahin rah jaega. Yeh sochkar, Manav ko mahsoos hua ki kisi ko bachane ki koshish mein wo khud musibat me pad gaya tha. Uski haalat- aa bail mujhe maar - jaisi ho gayi thi. Ab use halka sirdard hona shuru ho gaya tha.

" Tum mera pichha chhod do please.... Maine bataya na ki maine tumse kuch nahin liya!, matlab kuchh nahii liyaA...! Ab bhale hi tum apne parents ko apne saath le aao, lekin phir bhi mai yahi baat kahunga!!," Apni baat rakh, Manav tray ko le khada hua.

Iske baad, usne tray return ki aur cafe se bahar nikal gaya. Aur.......
Jab usne piche mudkar dekha, to paaya ki ladki abhi bhi uska peechha kar rahi thi.

Aakhirkaar, Manav ne us par dhyaan nahi dene ka faisla kiya aur apni student ID nikalte hue library building ki or badh chala.

Beeeep! ... Card reader se verification milte hi darwaja khul gaya tha.

Woh uske peeche peeche andar bhi aana chah rahi thi.. Lekin gate jaldi hi band ho gaya tha aur usko dubara khol ne ke liye ladki ke pass ID nahi thi!

Dusri taraf khade Manav ne use ek chhoti si wave di aur bina kisi hesitation ke andar chala gaya. Use bahut rahat mili...ke aakhirkaar usne , "musibat" Se chhutkara pa liya tha.

"Dekhna.. Tum khud mere paas aaoge! " Bahar khadi ladki ne bade confidence se kaha!



I hope ki ye update aapko acha laga ho...
Waise Ye ladki thi ya aafat? Agar koi ladki apko aise pareshaan kare to apki kya reaction hogi?
Girl ki full form bhi hai ek -G.I.R.L = Ghost In Real Life
Chaliye milte hai next update me...
To be continued.....

Nice update Mitra...Kya manav ko Sach me nhi pata ki uske anadar wo candy jaisi cheej gayi hai...dekhate hai ye cute so ladaki aur manav ka Kya hota hai....

 

[11 ster fan]

Reply ya revoo na aane par tention mat Lena...kyoki shuruwat me kisi bhi story par reader nhi aate hai....phir dhire dhire jab carava 20 update Tak pahuchata tab jakar reader ka judav hota hai ...so sad na hone ka bhi....aisa isiliye hota hai ki writer 5-10 update dene ke baad bhag jata hai...to koi bhi reader shuruwat me kisi bhi story ko dil se nhi lagata hai....

 

[Shadow_Chaser]

Nice update Mitra...Kya manav ko Sach me nhi pata ki uske anadar wo candy jaisi cheej gayi hai...dekhate hai ye cute so ladaki aur manav ka Kya hota hai..

Thanks a lot
Usko yaad nahi raha.. koi yaad dilaye to may be usko yaad aa jaye